فودافون تهين الشعب القطري بعرض مباشر (كن بهيمة وإشتر رقم) ،،،،

[Cafe way]

بالبداية أرمي حقوقي لهذا الموضوع خارجاً ،، ولكل الصحف أحقية نقله او كتابته كما تشاء ونشره باسمهما ،،

لأن الوضع تحول من استغلال الى اهانة غير مباشرة ،، فمنذ حلول فودافون لقطر ونحن ما زلنا لم نرى شيء غير الواقع الذي كان مفروض علينا ،،،

وبدأ الأمر يتجاوز حدود المعقول ليكون استهزاء واستغلال عيني عينك ،، وكأن مخططين فودافون يعتبرون الشعب القطري شعب غبي ؟!!!

بالأيام الأخيرة قامت فودافون بتوزيع كوبونات بقيم مختلفة كهدايا للمساهمين ،، وبكل كوبون هناك كود لشراء رقم معين ،،، وصاحب توزيع هذه الكوبونات تدشين جديد للأرقام التالية
330 , 550 , 220 وكانت الشروط ان لا يجوز شراء رقم بقيمة كوبونين واذا تم شراء رقم بقيمة اقل من قيمة الكوبون فهذا يعني انه المبلغ المتبقي بالكوبون راح عليك والاحلى انه ولا رقم بقيمة الكوبون ؟؟؟؟؟؟؟؟؟؟؟؟؟؟؟؟ كل الارقام يا 500 ريال ولو عطونياه بلاش ما خذته ،، او 30 الف ريال وما فوق @@ !!!!!!!!!!! ولشراء الرقم اللي بأكثر من 30 الف ريال لازم تدفع الفرق ،، يعني اذا خذته بكوبون 5000 لازم تدفع بالفيزا 25 الف ريال ،، واذا خذت ابو 500 ريال بكوبون 3000 راح تروح عليك 2500 ؟



الآن جاء دور الشراء ،، دخلت على السيستم وقمت بإدخال رقم ٣٣٠٠٠xx٠ فلم يكون متوفرا وكانت تظهر أسفله قوائم لأرقام جديدة ، أقل قيمة للرقم كانت 30 الف ريال قطري ،، علما بأن سعر نفس الصيغة من كيوتل قبل سنين بــ 500 ريال قطري فقط ،، قبل لا تصير استغلالية وتدخل سوق المزايدة البايخ

غيرت النمط الى نمط أقل تميزا قليلا منه 33000xx1 والصدمة هي انه ايضا غير متوفر ؟؟

الى صيغة اقل منه 33001xx1 وأيضا كان غير متوفر ؟؟؟؟

وتكررت المحاولة لعدة أرقام أكثر من 36 محاولة كلها بالكامل كانت غير متوفرة ؟

يعني مو معقولة شباب قطر بيوم واحد خلصوا هالارقام الجديدة ولا اعتقد انهم بيشترونها بهالكثرة كون قيمتها أكثر من 30 الف ريال ،، فحسيت انه هناك لبس بالموضوع ، اتصلت على مركز عملاء فودافون وردة علي أخت مصرية ،، سألتها عن الموضوع فقالت ما عندي فكرة ،، فقلتلها طيب عطيني رقم قيمته 5000 ريال عشان اقدر اشتريه ،، فقالتلي طيب انتظر ثواني ،، شوي الا ردت علي وقالت انه ما تقدر تعرض الارقام حسب القيمة ( علما بأنهم حاطين بموقعهم مربعين صغار عشان تحدد حدود القيمة اللي تبي تشتري فيها ؟؟؟ وكنت ادخل 5000 ريال وما القى غير بــ 500 ريال او 30 الف ريال وفوق ؟؟

وانا حسب ما عرفت وشفت بعيني انه بالسيستم حق موظفين فودافون تقدر تطلع الارقام اللي بقيمة معينة :) ولكن انكار الموظفة لهالخاصية زاد اللبس فطلبت السوبرفايزر المناوب معاهم

وكلمني اخ مصري ،، فطرحت عليه القضية فقال انه هالشي مو من اختصاصه وانه من اختصاص ادارة التسويق والتخطيط وغيره ،، فقلتله تقدر طيب تعطيني اي رقم بقيمة 5000 ريال قطري الحين ؟؟؟ فقالي اي انت تؤمر ،، فراح ثواني واسمعه يسأل الموظفين عنده ؟؟ والظاهر قالوله مافي فقالي عفوا يا استاز السيستم عندي علق ؟؟؟ شركة اتصال وسيستمها يعلق ؟؟ ان كان يكذب فهذي مصيبة وان كان صادق فالمصيبة أعظم

عموما قلتله يا استاذ انتم شنظرتكم للشعب القطري ؟؟ هل مفكرين اننا اغبياء ؟ او بهايم حتى تقصون علينا بهالطريقة الغبية ؟؟ وقلتله الشخص اللي وضع هالعرض والله انسان غبي وعليه علامة جودة بالغباء ،، يعني حتى اللي يبي يسوي عرض لازم يكون شويي ذكي فيه ؟

قال انا موظف عادي وحنا متاسفين وقام يقط من هالكلام الطيب والمجاملة المبالغ فيها وقال بكره اخليهم يكلمونك ويرضونك

جا ثاني يوم واتصلي واحد على ابو انه هو الكينغ والذكي وانه هو مدير التخطيط والعروض والخدمات وغيره من خرابيطهم الفاضية وعلى ابو انه هو اللي يبي يسكتني هههههه والله لهذه اللحظة وانا اظحك من اسلوبه ومن غباءه

قلتله الموضوع مرة ثانية وبدأ مشواره التفلسفي ،، والغريب بالأمر انه كان يحاول يتكلم خليجي وفجأة تكلم مصري وبالأخير لما احتد النقاش طلعت لهجته اللبنانية ؟؟

الأخ بدأ يتكلم معاي ولا كأنه حصل شي ؟؟ وبدأ يعرض علي عروضهم الغبية والاستغلالية ؟؟ حتى اسكته وقلتله يا استاذ انا مو متصل اطلب منك عروض ترضيني ؟

انا ابي اعرف ليش انتم مستغلين البشر والناس ؟ هل مفكرين اننا اغبياء لهذا الحد عشان ما نكشف هذه اللعبه ؟

قال لا اصلا حنا مراعين ان الارقام تكون مناسبة بالسعر وضمن سياق منظم ومدروس ؟

شهالدراسة هذي ؟ لا يكونون بانين دراستهم على انه كل مواطن قطري عنده بير نفط فبيته ؟

قلتله طيب أنا بسألك عن سعر صيغة معينة وعطيته هذي الصيغة 7xxxyyx وطبعا قبل اضافة الرقم الثامن ؟؟

فقالي قبل اضافة الرقم الثامن كانت بــ 20 ألف ريال ؟ وبعد اضافة الرقم الثامن تغير نمط الرقم لذلك زادت قيمته وصارت 30 الف ريال ؟؟ وصديقي شاري بنفس الصيغة بالضبط وبالتمام بــ 5000 ريال قطري فقط ؟؟؟ ولما عرضنا رقم اقل تميز منه بدرجة وحده طلع قيمة 75 الف ريال ؟؟؟؟ بذمتكم هل هذا منطق ؟

قلتله طيب انا لي صديق شرى رقم ينقرى من الصوبيين بهالصيغة 7xy7yx7 وخذاه قبل اضافة الرقم الثامن بــ 30 الف ريال ؟؟ والحين صار رقمه ما ينقرى الا من صوب واحد ،، بهالحالة زدتوا سعره او قللتوه ؟

الأخ تلعثم هني وقام يدش موضوع ثاني ،، قال بص حضرتك ،، اذا كان العميل مش عاجبه الرقم بعد التغيير يقدر يجينا ويرجعه ولكن ننقص من المبلغ قيمة استهلاك الرقم ؟؟

يعني لو هو استخدمه سنة تنزل من قيمته 25 بالمية ؟؟ ليش هو سيارة ؟؟ والا ما كان يدفع فواتيره لكم ؟
يعني تناقض عجيب ؟؟؟؟ عشان تاخذه منهم يزيدون القيمة ولا جو ياخذونه منك نقصوا قيمته ؟

الشي الثالث انا شريت منهم قبل سنتين جهاز اي فون وعطوني وقتها معاه رقم مجاني ؟؟
فسألته عن قيمة الرقم اللي بنفس صيغته ؟ فقالي قيمته 7500 ريال قطري ؟؟

الحين انا ماخذ الاي فون ب 3400 ريال والرقم هدية مجانية معاه وتطلع قيمته أغلى من الجوال ؟؟؟؟
قالي ايوا على فكرة دي مكسب لك لانك تقدر تبيعه بقيمة اغلى ؟؟ قلتله انت من صجك والا تستهزأ ؟؟ قال لا صحيح ،، قلتله ومن الحمار اللي بيشري مثل هالرقم بهالقيمة ؟ واصلا شلون يشتريه وانتم ما عندكم نقل الارقام من اسم لإسم ؟؟؟؟

يعني ما زال يناقض نفسه حتى استيأس وحس انه فضح نفسه


بالاخير قلتله اخوي الحين انا ابيك تعطيني اي رقم قيمته 5000 ريال ؟؟؟ تقدر ؟؟

قالي اي اقدر ، انتظر لحظة ؟؟؟ اخذله ما يقارب العشرة دقائق ورجعلي وقال يا اخ انا اعتذر لان السيستم علق عندي ،، ممكن تنتظر حضرتك شوي ؟ وانتظرت وانتظرت حتى اغلق الهاتف لحاله ؟؟
وطنشت ،، قام الاخ واتصلي بعد ساعتين ونص ؟؟؟ وما رديت عليه لان بهالساعتين اكيد دبر رقم عشان يسكتني فيه ؟؟

الشي اللي أبي أسأل عنه ؟؟ هل حنا بهائم عشان يتمسخرون علينا بهالطريقة ؟؟ انا شخصيا اعتبرها اهانة ،، لأن بالنهاية الارقام ملك للمجلس الاعلى للاتصالات ومش ملك للشركة ؟

وعلى المجلس الاعلى انه يحط ضوابط واسعار وقيود على الشركات بشأن اسعار الارقام ؟
وبالنسبة لفودافون ،، أنا الاحظ والكل لاحظ انها تركز حاليا وتكثف عروضها على شراء الارققام بمبالغ عالية وخيالية متجاهلة خدماتها الزفت وارسالها التعبان ؟؟

بدلا من انكم تجون من برى وماخذين فكرة عن اهل قطر انهم ناس اغبياء شوفوا نفسكم ؟؟

المفروض انهم يجذبون الناس لاستخدام ارقامهم المميزة عشان يكسبون ثقة العميل ويكسبون زبائن اكثر ؟ ولكنهم للاسف لهم نظرة أخرى وهي ان نبيع ارقامهم عليهم باسعار خيالية ،، وربما والله اعلم انه ورى هالمؤامرة مشروع لاعلان الافلاس والاغلاق والشردة بعد جمع الاموال الطائلة ؟


وبالاخير بعطيكم مثال لفرق الاسعار بالارقام

فيرجن موبيل طرحت ارقام باسعار اضا غالية ولكن معقولة نوعا ما
مثال : 33354355 بــ 300 ريال قطري

رقم فودافون الخايس
مثال : 77763763 بــ 20 الف ريال ؟؟ والرقمين لهما نفص الصيغة تقريبا وان كان سيكون هناك فرق فهو بسيط ؟؟


يعني بجد ترى السالفة مصخت ؟؟ وحتى لو ما نبي نشتري ولا ناخذ منهم لازم ما نسمح لهم بالاستهزاء بنا بهالطريقة ؟؟ وكأننا أغبياء ؟ يعني صاروا بهالعرض مثل اللي يقدملك صحن التمر ولما تمد يدك يبعده الصوب الثاني ولما تروح يرده صوب ثاني ؟

يبون يطلعون بصورة المتفضل علينا بلا شيء ؟؟؟

وللعلم مكالمتي معهم كانت عن طريق هاتف كيوتل وحاول اكثر من عشر مرات انه يعرف رقم واحد من الارقام اللي املكها منهم ولكني رفضت وكنت اعطيه ارقام نفس الصيغة

وانا والله مو من شرايين الارقام المميزة ولا مرة بحياتي فكرت أدفع ريال واحد على رقم مميز ،، ورقمي الحالي كان اختيار تلقائي من سيستم كيوتل ،، ولكن لما جاني صديقي وطلب مني اشتريله من السيستم كونه ما يعرف للكمبيوتر وعطاني الكوبونات انصدمت بهاللعبة ؟

انا مو عارف اوصفلكم اللعبة كاملة لأني ما درستها ولا شيكت اكثر على الارقام

ولكن ابي رايكم بصراحة ؟؟

[ماريسا]

والغريب بالأمر انه كان يحاول يتكلم خليجي وفجأة تكلم مصري وبالأخير لما احتد النقاش طلعت لهجته اللبنانية ؟؟

:d

[قطري vip]

شوف اخوي بالنسبه لي اقولك كلامك صحيح فودافون يوم وزعت الكوبونات ارفعت الاسعار بس

بقولك شي اخوي في نقطه ذكرتها يوم قالك انه اذا ماعجبك الرقم يقدر يرده وبنحسب مدة الاستخدام

على الاقل بهالنقطه انا معاهم انهم بصراحه ماقصرو انا اشتريت رقم ب15 الف واخترب وعوضوني

ب12 الف واشوي يعني رايحه منه 3 الاف اوكي وانا استخدمته بس شوف كيوتل ماتعوضك

ولا بريال وياما ناس اختربت ارقامهم واهم شارينها بغالي من كيوتل بس وبعدين صح ارسالهم

تعبان بس بصراحه كرت التعبيه يعيش والله تتكلم فيه مايخلص بعكس كيوتل اما باقي الاشيا فاتركها

للاخوان الاعضاء افهم مني وعندي سؤال اخوي ليش ماتبيع الكوبونات وتفتك احسن ماتشتري

رقم غالي واسمحلي انا مادافع عن فودافون بس ذكرت النقاط الجيده اما نقاطهم السلبيه اكيد في

ناس افهم مني

[البدع]

فديت كيوتل

صدق طلعوا عيني زمان

بس الحين وضعهم تحسن كثيرا

الشبكة افضل من قبل بكثير

الخدمات زادت

ماصرت ادفع كثير (قبل ادفع 1000 ريال كل 20 يوم)

[Cafe way]

والغريب بالأمر انه كان يحاول يتكلم خليجي وفجأة تكلم مصري وبالأخير لما احتد النقاش طلعت لهجته اللبنانية ؟؟

:d

أنا لحد الآن مستغرب فعلا من هالشي ؟


شوف اخوي بالنسبه لي اقولك كلامك صحيح فودافون يوم وزعت الكوبونات ارفعت الاسعار بس

بقولك شي اخوي في نقطه ذكرتها يوم قالك انه اذا ماعجبك الرقم يقدر يرده وبنحسب مدة الاستخدام

على الاقل بهالنقطه انا معاهم انهم بصراحه ماقصرو انا اشتريت رقم ب15 الف واخترب وعوضوني

ب12 الف واشوي يعني رايحه منه 3 الاف اوكي وانا استخدمته بس شوف كيوتل ماتعوضك

ولا بريال وياما ناس اختربت ارقامهم واهم شارينها بغالي من كيوتل بس وبعدين صح ارسالهم

تعبان بس بصراحه كرت التعبيه يعيش والله تتكلم فيه مايخلص بعكس كيوتل اما باقي الاشيا فاتركها

للاخوان الاعضاء افهم مني وعندي سؤال اخوي ليش ماتبيع الكوبونات وتفتك احسن ماتشتري

رقم غالي واسمحلي انا مادافع عن فودافون بس ذكرت النقاط الجيده اما نقاطهم السلبيه اكيد في

ناس افهم مني

طيب أخوي ربما أكون بالغت بهالنقطة اللي تحص ارجاع الرقم ومثل ما تفضلت كيوتل لا يمكن تعوضك بريال واحد ،، وعن الاستخدام مادري بالضبط كم قيمة المكالمات

أما عن بيع الكوبونات ؟؟ بنظرك هل هناك من يشتريها ؟؟ ههههه ولنفرض انه هناك شخص ساذج قرر شراءها ،، بإعتقادك أخوي إني راح أرضى أقط بلاي على غيري ؟ وبعدين تنتهي هالكوبونات بتاريخ 30 من هالشهر

[صوت الضمير]

أخوي انا لاحظت نفس السالفه لانه جايتني قسائم قلت بشوف لي رقم

ادخل احط رقم عادي جداً .. يطلع انه غير موجود

واغير الرقم .. يطلع غير موجود

ويطلع خيارات وكل الخيارات تختلف عن الرقم .. والارقام اللي طالعه فوق 30 الف

احسهم سو هالحركه البايخه عقب سالفة القسائم

لانه قبل يوم كنت ابحث مثلا عن رقم كمثال 75xxx27 مرات يطلع موجود .. ومحد خذاه
لكن اذا موب موجود الخيارات اللي تطلع تحته نفس الرقم بس اختلاف بسيط ..

انا معاك بموضوعك من يومين احوس بالموقع ومااستفدت شي

اسكر الصفحه وارد وافتحها...كل الارقام اللي اختارها معقوله انبعات

وحتى الارقام اللي تبدأ ب3 معقولها كلها راحت....

اللي يحصل انهم قاموا ودبلوا الاسعار ..عشان محد يستفيد من القسائم الا يدفع فوقها زياده فهمتوا اللعبه

والارقام اللي ب500 ببلاش بكيوتل

سؤال اقدر استفيد من القسيمه اخذ جهاز تلفون....والا بس رقم مميز

أبداع

[STAR]

نعم اخوي انا اتفق معك اسعار الارقام خياااالية جدا..
والارقااام مب لين ذاك الزووود...‏!!‏

جدا الاسعااااار خيالية

[STAR]

مايصير نشتكي عليهم عند حماية المستهلك ههههه

[HORK]

فديت كيوتل

صدق طلعوا عيني زمان

بس الحين وضعهم تحسن كثيرا

الشبكة افضل من قبل بكثير

الخدمات زادت

ماصرت ادفع كثير (قبل ادفع 1000 ريال كل 20 يوم)


صحيح بس الحين تدفع للمرور اكثر من الف ريال بوايد ... جبايه شرعيه



فودافون شركة خدماتها الله بالخير

وحتى الاهنود عافوا خدماتهم ولا تنسى انها شركة خسرانه

[الصديق الوفي]

الحمد لله اخوي انا ما اتعامل حليا الا مع كيوتل وشلي بعوار الراس

[ابو ضمير]

خلينا نحكم العقل والمنطق الحين انت تستاهل كل ما جرى لك بدون زعل اخوي Cafe way
الحين في احد يشتري رقم بالهمبلغ ولو فودافون ما يدرون انه في ناس تقط فلوسها قط ما كانت سوت كذا
وانت حطيت نفسك في موقف ماله داعي من الاساس بالمره
الحين بعطيك مثال واحد راح ملهى ليلي ايش بيحصل هل بيحصل الصحبه الصالحه هل بيحصل الكلام الطيب هل بيحصل حلقات ذكر طبعا لا
وانت ينطبق عليك المثال رحت تدور رقم مميز وشوف ايش حصل لك من نصب ومضيعة وقت

[نتفـه]

ارقامهم تجيب العله ومافيه رقم عدل الا بسعر فوق فوق ,, ليش كنز هو ؟؟؟
ارسالهم زفت ,,
على شنو ها كله ,, صحيح يحاولون ياكلون عقولنا ,,
المشكله في اللي يعطيهم ويه ويشتري من عندهم رقم مميز بسعر خيالي !!

[$$كلنا قطر$$]

خلينا نحكم العقل والمنطق الحين انت تستاهل كل ما جرى لك بدون زعل اخوي cafe way
الحين في احد يشتري رقم بالهمبلغ ولو فودافون ما يدرون انه في ناس تقط فلوسها قط ما كانت سوت كذا
وانت حطيت نفسك في موقف ماله داعي من الاساس بالمره
الحين بعطيك مثال واحد راح ملهى ليلي ايش بيحصل هل بيحصل الصحبه الصالحه هل بيحصل الكلام الطيب هل بيحصل حلقات ذكر طبعا لا
وانت ينطبق عليك المثال رحت تدور رقم مميز وشوف ايش حصل لك من نصب ومضيعة وقت

وين الشبه ؟؟
ملهى... فودافون
بس المثل ماله حل فعلا مطابق للواقع

[abdulla999]

اخوي مكالمات وعروض فودا فون احسن وافضل مليون مرة من كيوتل وفيرجن
انا عندي كرت كيوتل كنت ادفع في الشهر 900 ريال والحين عندي فودفوان اتكلم وعبي ب20 ريال وادفع حق كيوتل 300 ريال في الشهر والحمد الله لي جاب لنا فودفوان وخلصان من ظلم كيوتل

[الثاقب]

كيوتل خليناه لاستقبال المكالمات اما فودافون استعمال رسمي الفاتورة تفرق كثير نصف القيمة تقريبا

فودافون اعلنوا ان الاشخاص الذين لديهم اسهم يستطبع ان ياخذ رقم مميز قيمته 10000 الاف ريال ياخذه مجانا شرط يعبيه 220 ريال واحد من الربع خذله رقم مميز قيمته 10000 ريال دفع فقط 220 ريال

[بوعبدالله2005]

بعض الناس ينطبق عليها المثل التالي
الي مسوي نفسه حمار يلقى الف واحد يركبه
وانا اقول بعض الناس

وفودافون لقت لها حمير قالت ليش ما اقص عليهم

[بوارق المنى]

فودافون مقلب كبير

وشربوه الأخيار ... بفعل الاشرار

[مستثمر مبتدئ]

في ذمتكم هالرقم 77421112 يسوى 20000 ريال

[الكــاســــر]

كيوتل لا غير

[ANONYMOUS]

يالحوب

بدالة 33 تبع فيرجن مب فودا
:secret:

[QtrGate]

اخوي الفرق بين كيوتل وفودافون فرق السما والارض

وثانيا اذا على الارقام ترى الرقم عليه خصم50%
يعني الي بـ30الف تشتريه بـ15الف

ومن واقع تجربه خدمات فودافون احسن من كيوتل

حتى الارسال الحين تمام مافيه ولاشي

وصراحتاً من شهر 4الى الان مادفعت حق خدمة البلاك بيري الى 125ريال بس

واخوي نصبو عليه كيوتل
يفتحون له الخدمه ويقولون له قيمة التركيب والتشغيل وتدفع مقدم واذا سكرت الخدمه ورجعت تبي تفتحها
ياخذون مقدم 6اشهر

نصب واحتيال من اعلى الدرجات

[سهم الغدر]

اخوي الفرق بين كيوتل وفودافون فرق السما والارض

وثانيا اذا على الارقام ترى الرقم عليه خصم50%
يعني الي بـ30الف تشتريه بـ15الف

ومن واقع تجربه خدمات فودافون احسن من كيوتل

حتى الارسال الحين تمام مافيه ولاشي

وصراحتاً من شهر 4الى الان مادفعت حق خدمة البلاك بيري الى 125ريال بس

واخوي نصبو عليه كيوتل
يفتحون له الخدمه ويقولون له قيمة التركيب والتشغيل وتدفع مقدم واذا سكرت الخدمه ورجعت تبي تفتحها
ياخذون مقدم 6اشهر

نصب واحتيال من اعلى الدرجات





:nice:انا معااااااااااااااااااااااااااااك وانت صح

[ANONYMOUS]

وعلى فكره

انا شاري 3 ارقام من كيوتل من زمان

واحد 58 ب 500 ريال

وثلاث ارقام 52 و53 و 54 الواحد على 800 ريال يعني 2400

وطبعا ذيك الايام كانت ال 500 وال800 تساوي 10 آلآف الحين..

المهم..

اخذت 3 ارقام من فودافون يوم فتحت على نفس النمط كلهم ب 300 ريال وطبعا 300 ريال هاليومين يساوون 30 ريال من اكثر من 10 سنين


مادافع عن فودا ولكن انقل حقائق .. ومازلت عميل وفي حق كيوتل :)

[abdulla4u]

اخوي يمكن من وجهت نظرك الشخصيه تشوف ان فدفون شركه فاشله وا استغلاليه بس اخوي لو تعمقت بكل عروض الشركات يعني اي نظام عروض راح يكون لازم بالاول يخدم الشركه وانا مادفع عنهم فدفون ولا عن كيوتل بس اخوي انا من الي خذوا ارقام مميزه وفئه في اي بي ستار وارقام بالصفه وخذيتها بقسايم الاسهم بتقول اكيد عندك واسطهاو تعرف احد هناك بقول لك لا وكم شخص اتصلوا لي وعرضوا اعلا من المبلغ الي شريته وانا اشوف ان فدفون عرضهم حلو وايد بالنسبه للمكالمات والعروض بعمر شركه مايتعدا سنتين وكيوتل بهالسنتين شسوت نظام شهري ولا نظام 10 على 10 ولا فيرجن الي لحين موضوعهم عند النايب العام ولا كيوتل بس شاطرين يقومون شركتهم الي برا قطر لن دارين ومقتنعين مارح يقدرون لعملاق الاتصالات فدفدووون اخوي صج انه في مثل عربي يقول لك خلك مع مجنونك لايك الي اجن منه وبنفس الوقت يقول لك مو كل مره تسلم الجره .... وانا من راي الشخصي اتمنى من فدفون تسوي وتزيد عروضها عشان كيوتل تحرك وتحس ويصير تنافس على الاقل نفس اقرب الدول لنا السعوديه والبحرين والامارات والكويت وعمان والسلام تحيه

[unless]

انا بصراحة وقبل ماتجي فودافون
كنت متأذي من كيوتل نصباً قانونياً واستغلالاً
لكن عقب ماجات فودا فون وشفنا سواياها
فللحق طلعت كيوتل عندها شريطي غنم
المثل يقول :طلقها وخذ اختها ..قال الله......الثنتين.

[القمه]

طيب على القضيه لي ذكرتها لنا بالكامل
هل بستطاعتك ترفع عليهم قضيه ؟

[البيان]

والله ياخوك شبابنا يساعدونهم على رفع الاسعار - لاتشتري وخل ارقامهم تخيس وشوف عقب كيف بتنزل الاسعار

[Rayane]

من غير كلآم زآيد....

كيوتل ابدعت في خدمة الــــشهـــري بالنسبه للجوآل....

ويا أخوي يعطيك العافيه على الموضوع والنقاش وبيض الله وجهك في الكوكتيل اللي كلمك (خليجي-مصري-لبناني)

[Rayane]

اخوي يمكن من وجهت نظرك الشخصيه تشوف ان فدفون شركه فاشله وا استغلاليه بس اخوي لو تعمقت بكل عروض الشركات يعني اي نظام عروض راح يكون لازم بالاول يخدم الشركه وانا مادفع عنهم فدفون ولا عن كيوتل بس اخوي انا من الي خذوا ارقام مميزه وفئه في اي بي ستار وارقام بالصفه وخذيتها بقسايم الاسهم بتقول اكيد عندك واسطهاو تعرف احد هناك بقول لك لا وكم شخص اتصلوا لي وعرضوا اعلا من المبلغ الي شريته وانا اشوف ان فدفون عرضهم حلو وايد بالنسبه للمكالمات والعروض بعمر شركه مايتعدا سنتين وكيوتل بهالسنتين شسوت نظام شهري ولا نظام 10 على 10 ولا فيرجن الي لحين موضوعهم عند النايب العام ولا كيوتل بس شاطرين يقومون شركتهم الي برا قطر لن دارين ومقتنعين مارح يقدرون لعملاق الاتصالات فدفدووون اخوي صج انه في مثل عربي يقول لك خلك مع مجنونك لايك الي اجن منه وبنفس الوقت يقول لك مو كل مره تسلم الجره .... وانا من راي الشخصي اتمنى من فدفون تسوي وتزيد عروضها عشان كيوتل تحرك وتحس ويصير تنافس على الاقل نفس اقرب الدول لنا السعوديه والبحرين والامارات والكويت وعمان والسلام تحيه

أي عملآق عربي ياخوي....؟ الا قول عملآق نصب.....

ليش عروضهم اللي في مصر ما أشوف مثلها عندنا...؟

ما دام كيوتل خايفه منهم وهم واثقين من نفسهم وين خدماتهم العالميه اللي سمعنا عنها في كل مكان... عن الاستغبآء يا فودافون.

[ANONYMOUS]

بالبداية أرمي حقوقي لهذا الموضوع خارجاً ،، ولكل الصحف أحقية نقله او كتابته كما تشاء ونشره باسمهما ،،

لأن الوضع تحول من استغلال الى اهانة غير مباشرة ،، فمنذ حلول فودافون لقطر ونحن ما زلنا لم نرى شيء غير الواقع الذي كان مفروض علينا ،،،

وبدأ الأمر يتجاوز حدود المعقول ليكون استهزاء واستغلال عيني عينك ،، وكأن مخططين فودافون يعتبرون الشعب القطري شعب غبي ؟!!!

بالأيام الأخيرة قامت فودافون بتوزيع كوبونات بقيم مختلفة كهدايا للمساهمين ،، وبكل كوبون هناك كود لشراء رقم معين ،،، وصاحب توزيع هذه الكوبونات تدشين جديد للأرقام التالية
330 , 550 , 220 وكانت الشروط ان لا يجوز شراء رقم بقيمة كوبونين واذا تم شراء رقم بقيمة اقل من قيمة الكوبون فهذا يعني انه المبلغ المتبقي بالكوبون راح عليك والاحلى انه ولا رقم بقيمة الكوبون ؟؟؟؟؟؟؟؟؟؟؟؟؟؟؟؟ كل الارقام يا 500 ريال ولو عطونياه بلاش ما خذته ،، او 30 الف ريال وما فوق @@ !!!!!!!!!!! ولشراء الرقم اللي بأكثر من 30 الف ريال لازم تدفع الفرق ،، يعني اذا خذته بكوبون 5000 لازم تدفع بالفيزا 25 الف ريال ،، واذا خذت ابو 500 ريال بكوبون 3000 راح تروح عليك 2500 ؟



الآن جاء دور الشراء ،، دخلت على السيستم وقمت بإدخال رقم ٣٣٠٠٠xx٠ فلم يكون متوفرا وكانت تظهر أسفله قوائم لأرقام جديدة ، أقل قيمة للرقم كانت 30 الف ريال قطري ،، علما بأن سعر نفس الصيغة من كيوتل قبل سنين بــ 500 ريال قطري فقط ،، قبل لا تصير استغلالية وتدخل سوق المزايدة البايخ

غيرت النمط الى نمط أقل تميزا قليلا منه 33000xx1 والصدمة هي انه ايضا غير متوفر ؟؟

الى صيغة اقل منه 33001xx1 وأيضا كان غير متوفر ؟؟؟؟

وتكررت المحاولة لعدة أرقام أكثر من 36 محاولة كلها بالكامل كانت غير متوفرة ؟

يعني مو معقولة شباب قطر بيوم واحد خلصوا هالارقام الجديدة ولا اعتقد انهم بيشترونها بهالكثرة كون قيمتها أكثر من 30 الف ريال ،، فحسيت انه هناك لبس بالموضوع ، اتصلت على مركز عملاء فودافون وردة علي أخت مصرية ،، سألتها عن الموضوع فقالت ما عندي فكرة ،، فقلتلها طيب عطيني رقم قيمته 5000 ريال عشان اقدر اشتريه ،، فقالتلي طيب انتظر ثواني ،، شوي الا ردت علي وقالت انه ما تقدر تعرض الارقام حسب القيمة ( علما بأنهم حاطين بموقعهم مربعين صغار عشان تحدد حدود القيمة اللي تبي تشتري فيها ؟؟؟ وكنت ادخل 5000 ريال وما القى غير بــ 500 ريال او 30 الف ريال وفوق ؟؟

وانا حسب ما عرفت وشفت بعيني انه بالسيستم حق موظفين فودافون تقدر تطلع الارقام اللي بقيمة معينة :) ولكن انكار الموظفة لهالخاصية زاد اللبس فطلبت السوبرفايزر المناوب معاهم

وكلمني اخ مصري ،، فطرحت عليه القضية فقال انه هالشي مو من اختصاصه وانه من اختصاص ادارة التسويق والتخطيط وغيره ،، فقلتله تقدر طيب تعطيني اي رقم بقيمة 5000 ريال قطري الحين ؟؟؟ فقالي اي انت تؤمر ،، فراح ثواني واسمعه يسأل الموظفين عنده ؟؟ والظاهر قالوله مافي فقالي عفوا يا استاز السيستم عندي علق ؟؟؟ شركة اتصال وسيستمها يعلق ؟؟ ان كان يكذب فهذي مصيبة وان كان صادق فالمصيبة أعظم

عموما قلتله يا استاذ انتم شنظرتكم للشعب القطري ؟؟ هل مفكرين اننا اغبياء ؟ او بهايم حتى تقصون علينا بهالطريقة الغبية ؟؟ وقلتله الشخص اللي وضع هالعرض والله انسان غبي وعليه علامة جودة بالغباء ،، يعني حتى اللي يبي يسوي عرض لازم يكون شويي ذكي فيه ؟

قال انا موظف عادي وحنا متاسفين وقام يقط من هالكلام الطيب والمجاملة المبالغ فيها وقال بكره اخليهم يكلمونك ويرضونك

جا ثاني يوم واتصلي واحد على ابو انه هو الكينغ والذكي وانه هو مدير التخطيط والعروض والخدمات وغيره من خرابيطهم الفاضية وعلى ابو انه هو اللي يبي يسكتني هههههه والله لهذه اللحظة وانا اظحك من اسلوبه ومن غباءه

قلتله الموضوع مرة ثانية وبدأ مشواره التفلسفي ،، والغريب بالأمر انه كان يحاول يتكلم خليجي وفجأة تكلم مصري وبالأخير لما احتد النقاش طلعت لهجته اللبنانية ؟؟

الأخ بدأ يتكلم معاي ولا كأنه حصل شي ؟؟ وبدأ يعرض علي عروضهم الغبية والاستغلالية ؟؟ حتى اسكته وقلتله يا استاذ انا مو متصل اطلب منك عروض ترضيني ؟

انا ابي اعرف ليش انتم مستغلين البشر والناس ؟ هل مفكرين اننا اغبياء لهذا الحد عشان ما نكشف هذه اللعبه ؟

قال لا اصلا حنا مراعين ان الارقام تكون مناسبة بالسعر وضمن سياق منظم ومدروس ؟

شهالدراسة هذي ؟ لا يكونون بانين دراستهم على انه كل مواطن قطري عنده بير نفط فبيته ؟

قلتله طيب أنا بسألك عن سعر صيغة معينة وعطيته هذي الصيغة 7xxxyyx وطبعا قبل اضافة الرقم الثامن ؟؟

فقالي قبل اضافة الرقم الثامن كانت بــ 20 ألف ريال ؟ وبعد اضافة الرقم الثامن تغير نمط الرقم لذلك زادت قيمته وصارت 30 الف ريال ؟؟ وصديقي شاري بنفس الصيغة بالضبط وبالتمام بــ 5000 ريال قطري فقط ؟؟؟ ولما عرضنا رقم اقل تميز منه بدرجة وحده طلع قيمة 75 الف ريال ؟؟؟؟ بذمتكم هل هذا منطق ؟

قلتله طيب انا لي صديق شرى رقم ينقرى من الصوبيين بهالصيغة 7xy7yx7 وخذاه قبل اضافة الرقم الثامن بــ 30 الف ريال ؟؟ والحين صار رقمه ما ينقرى الا من صوب واحد ،، بهالحالة زدتوا سعره او قللتوه ؟

الأخ تلعثم هني وقام يدش موضوع ثاني ،، قال بص حضرتك ،، اذا كان العميل مش عاجبه الرقم بعد التغيير يقدر يجينا ويرجعه ولكن ننقص من المبلغ قيمة استهلاك الرقم ؟؟

يعني لو هو استخدمه سنة تنزل من قيمته 25 بالمية ؟؟ ليش هو سيارة ؟؟ والا ما كان يدفع فواتيره لكم ؟
يعني تناقض عجيب ؟؟؟؟ عشان تاخذه منهم يزيدون القيمة ولا جو ياخذونه منك نقصوا قيمته ؟

الشي الثالث انا شريت منهم قبل سنتين جهاز اي فون وعطوني وقتها معاه رقم مجاني ؟؟
فسألته عن قيمة الرقم اللي بنفس صيغته ؟ فقالي قيمته 7500 ريال قطري ؟؟

الحين انا ماخذ الاي فون ب 3400 ريال والرقم هدية مجانية معاه وتطلع قيمته أغلى من الجوال ؟؟؟؟
قالي ايوا على فكرة دي مكسب لك لانك تقدر تبيعه بقيمة اغلى ؟؟ قلتله انت من صجك والا تستهزأ ؟؟ قال لا صحيح ،، قلتله ومن الحمار اللي بيشري مثل هالرقم بهالقيمة ؟ واصلا شلون يشتريه وانتم ما عندكم نقل الارقام من اسم لإسم ؟؟؟؟

يعني ما زال يناقض نفسه حتى استيأس وحس انه فضح نفسه


بالاخير قلتله اخوي الحين انا ابيك تعطيني اي رقم قيمته 5000 ريال ؟؟؟ تقدر ؟؟

قالي اي اقدر ، انتظر لحظة ؟؟؟ اخذله ما يقارب العشرة دقائق ورجعلي وقال يا اخ انا اعتذر لان السيستم علق عندي ،، ممكن تنتظر حضرتك شوي ؟ وانتظرت وانتظرت حتى اغلق الهاتف لحاله ؟؟
وطنشت ،، قام الاخ واتصلي بعد ساعتين ونص ؟؟؟ وما رديت عليه لان بهالساعتين اكيد دبر رقم عشان يسكتني فيه ؟؟

الشي اللي أبي أسأل عنه ؟؟ هل حنا بهائم عشان يتمسخرون علينا بهالطريقة ؟؟ انا شخصيا اعتبرها اهانة ،، لأن بالنهاية الارقام ملك للمجلس الاعلى للاتصالات ومش ملك للشركة ؟

وعلى المجلس الاعلى انه يحط ضوابط واسعار وقيود على الشركات بشأن اسعار الارقام ؟
وبالنسبة لفودافون ،، أنا الاحظ والكل لاحظ انها تركز حاليا وتكثف عروضها على شراء الارققام بمبالغ عالية وخيالية متجاهلة خدماتها الزفت وارسالها التعبان ؟؟

بدلا من انكم تجون من برى وماخذين فكرة عن اهل قطر انهم ناس اغبياء شوفوا نفسكم ؟؟

المفروض انهم يجذبون الناس لاستخدام ارقامهم المميزة عشان يكسبون ثقة العميل ويكسبون زبائن اكثر ؟ ولكنهم للاسف لهم نظرة أخرى وهي ان نبيع ارقامهم عليهم باسعار خيالية ،، وربما والله اعلم انه ورى هالمؤامرة مشروع لاعلان الافلاس والاغلاق والشردة بعد جمع الاموال الطائلة ؟


وبالاخير بعطيكم مثال لفرق الاسعار بالارقام

فيرجن موبيل طرحت ارقام باسعار اضا غالية ولكن معقولة نوعا ما
مثال : 33354355 بــ 300 ريال قطري

رقم فودافون الخايس
مثال : 77763763 بــ 20 الف ريال ؟؟ والرقمين لهما نفص الصيغة تقريبا وان كان سيكون هناك فرق فهو بسيط ؟؟


يعني بجد ترى السالفة مصخت ؟؟ وحتى لو ما نبي نشتري ولا ناخذ منهم لازم ما نسمح لهم بالاستهزاء بنا بهالطريقة ؟؟ وكأننا أغبياء ؟ يعني صاروا بهالعرض مثل اللي يقدملك صحن التمر ولما تمد يدك يبعده الصوب الثاني ولما تروح يرده صوب ثاني ؟

يبون يطلعون بصورة المتفضل علينا بلا شيء ؟؟؟

وللعلم مكالمتي معهم كانت عن طريق هاتف كيوتل وحاول اكثر من عشر مرات انه يعرف رقم واحد من الارقام اللي املكها منهم ولكني رفضت وكنت اعطيه ارقام نفس الصيغة

وانا والله مو من شرايين الارقام المميزة ولا مرة بحياتي فكرت أدفع ريال واحد على رقم مميز ،، ورقمي الحالي كان اختيار تلقائي من سيستم كيوتل ،، ولكن لما جاني صديقي وطلب مني اشتريله من السيستم كونه ما يعرف للكمبيوتر وعطاني الكوبونات انصدمت بهاللعبة ؟

انا مو عارف اوصفلكم اللعبة كاملة لأني ما درستها ولا شيكت اكثر على الارقام

ولكن ابي رايكم بصراحة ؟؟




اخي العزيز

بالنسبه للكلام اللي بالاحمر..

الرقم اللي بدايته 33 هذا فيرجن..

يعني لو تقعد 3 سنوات تدور رقم بدايه 33 وتسوي 4 ملايين محاولة بحث في موقع فودافون مابتلاقي

ابحث اي رقم بدايته 30

وانشالله تلاقي شي مناسب لك

[Cafe way]

Anonemous
دش موقع فودافون وشوف الارقام والبدالات المطروحة
٧ ، ٣٠
ارقام فيرجن تبدأ بـ
٣٣٣
ومن قالكم فودا فون اوفر ؟ التلفون يقطع بعد ١٠ دقايق وانا اتحداكم اذا ما قطع
ثاني شي الخصم حق المساهمين الرقم اللي بـ ٢٠ الف باخذه بـ ١٠ الاف ؟؟؟
نفسه بالضبط بفيرجن بـ ٣٠٠ ريال
شهالمقصه ؟؟ والله وربي ناس اغبياء ،، يبون ينصبون مو عارفين شلون
وبعدين اتمنى ما نطلع من سياق الموضوع ،، انا اتكلم هني عن عرضهم الاستغلالي المهين

ولكم جل الاحترام والتقدير اخواني اللي شاركوني الموضوع
اتمنى تقرون الموضوع عدل بالبدايه حتى تكونون على درايه بالعرض

[bus3od]

انا كنت برد على موضوعك بس يوم شفت اسلوبك فالرد على الأعضاء قلت تربيتي ماتسمح ارد على مثل هالمواضيع

بس دامك مصمم ان رايك صح

اخوي اقرا هذا الكلام في موقع فودافون:
لدينا مجموعة جديدة من أرقام للاختيار من بينها! للمرة الأولى ، يمكنك الاختيار من مجموعة فودافون رقم جديد مع بداية 300 ، 301 و 302.

و البدالات الي انت جايبها من مخك هاذي كروت تعبئه يا فلتة زمانك

وهذا الي مكتوب في موقعهم:
انضم الى Vodafone مع تعرفة Flexi 220، 330، او 550 على Freedom او Red قبل 30 من سبتمبر

هههههههههههههه كااااااااااااااااااااك مادري اضحك بأي ضحكه
يعني تدور رقم مب موجود 50 مره اسمح لي ما اعرف شاقول عنك

و الصحيح فالموضوع بس سالفة الأسعار المبالغ فيها

[almaf1a]

ارقام بعشرين الف وعاملين عليها عرض بنص السعر وتاخذها بالكوبون ابوعشرة الاف
والمطلوب تعبي ب220 ريال
وبعد اشوف السالفة ماتسوى لان الرقم عادي جدا
وحتى ال220 ريال رصيد مادري شلون بستخدمها مع الشبكة التعبانه

[almaf1a]

عندك خطأ
ارقام فودافون تبدى ب300 و 301 و302 مب 330

[سيزن]

يا شيخ Cafe way اذكر الله .!


ANONYMOUS ماغلط عليك والرجال يحاول يساعدك ويفهمك .
يا اخوي المفروض تشكره بدل الكلام اللي ماله داعي .

ولا تنسى ان ANONYMOUS (سعر الدعم ) حبيب الكل , ولو انه رياني .

[ANONYMOUS]

انا كنت برد على موضوعك بس يوم شفت اسلوبك فالرد على الأعضاء قلت تربيتي ماتسمح ارد على مثل هالمواضيع

بس دامك مصمم ان رايك صح

اخوي اقرا هذا الكلام في موقع فودافون:
لدينا مجموعة جديدة من أرقام للاختيار من بينها! للمرة الأولى ، يمكنك الاختيار من مجموعة فودافون رقم جديد مع بداية 300 ، 301 و 302.

و البدالات الي انت جايبها من مخك هاذي كروت تعبئه يا فلتة زمانك

وهذا الي مكتوب في موقعهم:
انضم الى vodafone مع تعرفة flexi 220، 330، او 550 على freedom او red قبل 30 من سبتمبر

هههههههههههههه كااااااااااااااااااااك مادري اضحك بأي ضحكه
يعني تدور رقم مب موجود 50 مره اسمح لي ما اعرف شاقول عنك

و الصحيح فالموضوع بس سالفة الأسعار المبالغ فيها

جزاك الله خير



عندك خطأ
ارقام فودافون تبدى ب300 و 301 و302 مب 330

جزاك الله خير




يا شيخ cafe way اذكر الله .!


Anonymous ماغلط عليك والرجال يحاول يساعدك ويفهمك .
يا اخوي المفروض تشكره بدل الكلام اللي ماله داعي .

ولا تنسى ان anonymous (سعر الدعم ) حبيب الكل , ولو انه رياني .


جزاك الله خير يا سيزن على راسي والله


----

يقول المثل

لا تجادل الأحمق ، فقد يخطئ الناس في التفريق بينكما


سلام

[q6ri_vip]

جزاك الله خير




جزاك الله خير






جزاك الله خير يا سيزن على راسي والله


----

يقول المثل

لا تجادل الأحمق ، فقد يخطئ الناس في التفريق بينكما


سلام

ANONYMOUS

والله انك كبير يالرياني :nice:

[Qtrstyle]

الصراحه ماعندكم سالفه
خصوصا اللي قارن مع فيرجن !!

خلنا عن الأرسال والخدمه

الأرقام في رمضان بالضبببببط كانو يعوضونك القيمه اللي دفعتها كامله
بس الظاهر الحين قامو يخصمون 25% على كلام احد الاخوان في احد الردود

بس ثاني شي .. الحين الرقم اللي بيفرجن ب400 ريال !!
وذاليييييييييييييينك ذل عليه ويالله يالله تحصله!!
وتقعد تنتظر لين ماينزل في السستم تلحق ولا ماتلحق !!


فودافون صح الرقم مقيمييينه ب20 الف
مسوين عليه خصم 50%
ومعطيييييييييينك كوبون 30 الف !!

يعني بالعربي الرقم ابلاش اللهم تدفع 220 لكرت تعبئه
يعني بالعربي انت الربحاااااااااااااااااااان

واللي على الارقام اكيد مابتكون موجوده
الكوبونات طرشووها مع بداية رمضان

وانا حصلت لي ارقام بـ 10 الف ريال
وطلعت ابلاش طبعا !!
بهالصيغه 77777xyz

وخذتهم الحمدالله ^.^


وثاني شي .. اذا اشتريت رقم بـ 10 الف وهم معطينك كوبون 30
انشالله تبيهم يردون لك 20 الف كاش؟ هههههههه وين قاعدين انشالله ؟

^.^ على العموم انت دور الارقام اللي تبتدي بـ 7
ارخص من بدالة 300 الجديده

وارقام احلى
بس لازم تدور عدل .. لان ماتطلع فالسستم

[Cafe way]

أنا اعتذر يا جماعة الخير ان بدر مني اي خطأ عن غير قصد

ولكن ربما لتفاعلي مع الموضوع تلفظت بالفاظ غلطت فيها على الاخوان ،، انا اعترف بخطأي واعتذر لهم

وحتى لو بحثنا ببداية 300 ايضا ما لقيت الا ارقام تافهه باسعار خيالية

[كاروهات]

أنا اعتذر يا جماعة الخير ان بدر مني اي خطأ عن غير قصد

ولكن ربما لتفاعلي مع الموضوع تلفظت بالفاظ غلطت فيها على الاخوان ،، انا اعترف بخطأي واعتذر لهم

وحتى لو بحثنا ببداية 300 ايضا ما لقيت الا ارقام تافهه باسعار خيالية

الحمدلله على الاقل لقيت ارقام


:tease:

[اسعاف]

جائني ظرف كبير في البريد
فتحته وإلا هو من فودا

فيه فخ كبير احمر لي

فقلت في نفسي /خلك على مجنونك (كيوتل )لكي لا يأتيك اجن منه

[بوحارب]

صح كلامك اخوي الأرقام اللي في كيوتل ب 400 ريال تحصل نفسها في فودافون ب 20 الف

لييييييييش هالنصب اللي ماله داعي

حتى مع القسايم اللي عندي ماقدر اشتري رقم لأنه الأرقام غالية وبعض الأرقام اسعارهم 10 وماتسوى 200 ريال

[اسعاف]

اذن بارمي المظروف الي تبع عروض فود في القمامة

اشرايكم ؟

[الـقـاسـي]

والله ياخوي انا عجزت افهم فودافون وعروضها .. اهما من ناحية النصب نصابين
انا نزلت موضوع من سنه ونص تقريبا بعنوان " فودافون والضحك على الذقون " وللاسف اشوفه هذا اللي صاير الحين ..



هذا رابط الموضوع لو بغيت تقراه ..
http://www.qatarshares.com/vb/showthread.php?t=262189

[wadha-qa]

الله يسلمك لانهم طاحوا على شعب يلهث ورا التميز السخيف و لو قالوا الرقم بمية الف والله بيحصلون من يتنافس على شرائه !!
بذمتكم شالفايده من رقم مميز ادفع عليه 30 ولا 50 الف ريال و هو فالاخير بيتم حفظه في ذاكره الجوال عند كل الناس يعني محد مضطر انه يحفظ الرقم و يتصل لك كل شوي لان اغلب اللي يشترون يقولون نبي رقم مميز سهل ينحفظ ؟؟

[كــرت احمــر]

قديمك نديمك عماااار ياكيوتل دهنا في مكبتنا احسن ماتكون في مكبت غيرنا .

[الانيق]

جزاك الله خير على الموضوع

[halcrow]

طبعا فودافون نزلت البداله الجديده اول ارمضان وراحت الارقام المميزه فما ينلامون وكانت اسعارها خياليه وتنافس اسعار كيوتل بقوه

وكثير من الاصدقاء ونا منهم خذت ارقام مميزه بشكل كبير وبسعر منافس واخيرا من سبق لبق

وطبعا البداله المقصوده هي ب 30

اما بخصوص الكوبونات بالعكس شي ممتاز واستفاد منها الكثير ولكن راحت عليك الارقام المميزه باسعار رخيصه

واقدر اقول شكرا فودافون

[halcrow]

الله يسلمك لانهم طاحوا على شعب يلهث ورا التميز السخيف و لو قالوا الرقم بمية الف والله بيحصلون من يتنافس على شرائه !!
بذمتكم شالفايده من رقم مميز ادفع عليه 30 ولا 50 الف ريال و هو فالاخير بيتم حفظه في ذاكره الجوال عند كل الناس يعني محد مضطر انه يحفظ الرقم و يتصل لك كل شوي لان اغلب اللي يشترون يقولون نبي رقم مميز سهل ينحفظ ؟؟



الموضوع اذا ماكان حب التميز اصبح الان تجاره وراها ربح مادي؟؟؟ وهالتجاره لها زباينها سواء في قطر ولا الخارج

:nice:

[bohilal191]

الحمدلله عندي كيوتل وفيرجن وفودافون ومكتفي وكلهم نفس الصيغة
8*333398
8*555598
8*666698
8*777798
اي عرض منهم انا جاهز

ويعطيك العافية ياصاحب الموضوع

[CH Engineer]

اخوي والله تعبنا واحنا نتكلم ونصور وكل شي
بس اتضح فالنهاية انه كيوتل حبيبة فودافون ومتفقين بامور كثيره والي شفناه من مشاكل بينهم كان تمثيل
وان كيوتل واصحاب الكروش الكبيره راضين عن فودافون لانهم مقسمين الغنايم بينهم واحنا الضحايا !!
انا عندي كوبونات بقيمة 28500 ريال
لو اشتري فيهم من كارفور ولا من الجمعيه ولا حتى من البقاله صوب بيتنا والله اصرف لي بمليون مره ولايعطوني خصم 50% مابيه

مادري وين نشتكي فالداخليه!!

[بوحارب]

الحمدلله عندي كيوتل وفيرجن وفودافون ومكتفي وكلهم نفس الصيغة
8*333398
8*555598
8*666698
8*777798
اي عرض منهم انا جاهز

ويعطيك العافية ياصاحب الموضوع

يا زقرت انته :nice:

اكيد رقم الموتر نفس الشي صح اعترف ؟:victory:

[bohilal191]

يا زقرت انته :nice:

اكيد رقم الموتر نفس الشي صح اعترف ؟:victory:

لا والله مب نفس الشي لأن سعره عالي وماقدرت اشتريه من عند صاحبه

[كآن يا مكآن]

بأختصار شبابنا هم اللي جابو ھ الشيء لنفسهم
وخلوا خلق اللَّـہ يطالعونهم بنظرة الاغبياء اللي
تنوخذ عقولهم بحلاوه لذلك يستاهلون مَآ جاهم
دامهم يركضون ورى تميز القشور و نسو او تناسو تميز العقل ..


أحسن خل يتم استغلالهم حق استغلال و خل يفلسون وعقب
يندبون حظهم والا بأي عرف احد يشتري رقم مميز بـ 30 الف
خير ان شاء اللَّـہ فلوسهم محصلينهم بـ صحراء والا قدام بيوتهم ..

مع احترامي لكل اللي يبحثون عن التميز فِيِےْ ارقآم جوالات
و سياير ووووو الخ تستاهلون گلْ اللي جاكم وبيجيكم !!

مووضووع ينرفز بالنسبه لي وبداء يزيد عن حده
و گلْ مَآ قلنا الشباب بيعقلون طلعوا لنا الشواب
يدورون ع ارقام مميزه !!


سؤال وجيه منهو اول مِنْ ابتدع فكرة الارقام المميزه ؟!
وشالهدف اللي يبغون يوصلون له بتميز الارقام !!