سؤال موجه للنساء (( ولا مانع من مشاركة الرجال )

[هبوب الكوس]

هل تسمحين لزوجك السفر المتكرر ؟

وهل انتي متأكده من ان هناك عمل جعله يضطر للسفر ؟ ام انتي مغلوب على امرك لا تستطيعين الوقوف في وجهه ؟؟؟؟


وماهي الدول المحظوره للسفر برأيك ( اي ممنوع الذهاب اليها )؟؟

[بو الطيب]

ههههههههههه

آخر زمن والله

عيل الزوجات مايسمحون لزواجهم السفر ها

والله ذكرتني في حلقة طاش ماطاش الريال مره والمره ريال

اقول ان شاء الله ينحذف موضوعك لان اتوقع اي زوجه تتحكمه في زوجها اعتقد والله اعلم زوجها لايملك ذرة رجوله تحيااتيه لك وحاسب لاتضربك زوجتك ههههههه

[Bu Rashid]

أختي الكريمه .. الحين متطلبات العمل نحتاج الى السفر
فصار السفر عمل وليس غايه او بلجر :shy: .. حلوه هاي بلجر

ليش تتاكد .. ما في ثقه ؟؟ ياما كثير من السفرات رفضناها والسبب اولويات المنزل والعيال

اما عن الدووووول .. كل ديره فيها بلاوووووووي
ما في ديره ما تخلى من هذه السووووالف ...
فرجاء لا تغلطووون على بعض الدول :anger1:
وتبدء السفارات بالاحتجاج على المنتدى ويطالبوووون بالاعتذار مثل ما صار مع قناة الوطن :secret:

[a7med0_0]

انا مع سفر الزوج مع زوجته بس في مرات يحتاج الرجال انه يتحرك بسهوله
واتمنى من الاعضاء يكون ردهم على قد الموضوع موب فلسفه واهانه لللموضوع ولراعيه
واللي موب عاجبه الموضوع موب لازم يرد عليه
وتقبلوا مروري

[هبوب الكوس]

أختي الكريمه .. الحين متطلبات العمل نحتاج الى السفر
فصار السفر عمل وليس غايه او بلجر :shy: .. حلوه هاي بلجر

ليش تتاكد .. ما في ثقه ؟؟ ياما كثير من السفرات رفضناها والسبب اولويات المنزل والعيال

اما عن الدووووول .. كل ديره فيها بلاوووووووي
ما في ديره ما تخلى من هذه السووووالف ...
فرجاء لا تغلطووون على بعض الدول :anger1:
وتبدء السفارات بالاحتجاج على المنتدى ويطالبوووون بالاعتذار مثل ما صار مع قناة الوطن :secret:


معاك اخوي .. طبعاً السفر لدواعي العمل مثل دوره خارج البلاد وللترقيه يكون مجبور

والثاني سفر الرجل للراحه من العمل وهموم الحياه


بالعكس انا اشوف انها تسافر وياه افضل لانه اغلب الرجاجيل يجيه خبال لسافر بروحه فاحسن تسافر وياه وتركده شوي بالعكس موضوعك مهم جدا

البعض تشوفه يوديها سفره وبعدها يسافر بروحه

[هبوب الكوس]

انا مع سفر الزوج مع زوجته بس في مرات يحتاج الرجال انه يتحرك بسهوله
واتمنى من الاعضاء يكون ردهم على قد الموضوع موب فلسفه واهانه لللموضوع ولراعيه
واللي موب عاجبه الموضوع موب لازم يرد عليه
وتقبلوا مروري

نعم ايدك السفر مع الزوجه وعن انه يحتاج السفر لسهولة الحركه خاصه اذا عنده يهال

مثل ما انت عارف في بلاد غريبه وانك اداري عليهم في المجمعات والاسواق من فقدانهم لا سمح الله

[مشتاقة لقطر]

اممم للشغل ماعليها خلاف
اما للترفيه انا معاه ابي ارفه نفسي وياه

بالنسبة للشباب يستانس معاهم بالبلاد ليش لازم بالسفر ؟؟

ممكن نسافر انـــــــــا وياه واخواني الشباب نستانس

من ناحية ثانية فيه ناس نظامهم يودي مرته سفرة تستانس ويرجع على طول سوريا يستانس عالدبكة بروحه مع الشباب قال واثقة فيه قال ؟؟

وكل اسرة تختلف عن الثانية

[باسكن روبنز]

خل ألي ظروف عملهم تجبرهم على السفره هذول فئه قليله وظروفهم تحكمهم ،
أما ألي يسافر للوناسه ،


مب عدله أظلمها ،
مثل مانا أستانس أونسها معاي ،

[ام بدر]

خل ألي ظروف عملهم تجبرهم على السفره هذول فئه قليله وظروفهم تحكمهم ،
أما ألي يسافر للوناسه ،


مب عدله أظلمها ،
مثل مانا أستانس أونسها معاي ،


ياحليك الله يخيك لام عيالك...

الصراحة انا مع وضد كل شي بحدود عيل حتى وهو مسافر كل شي ممنوع <<<<< مغلوب على امرها خخخخخخخخخخخخخخ بس ماخذتها بروح رياضية :secret:

[عاشق الشهادة]

الي اعرفه ان كل الدول مسموح السفر اليها للزوج من قبل زوجته الا
Moroccoوالسبب مجهول لدي الصراحة :(

[sendarala]

والله الثقة مطلوبة بين الازواج


اذا انا واثقة منه بخليه يسافر في اليوم مرتين بس مب في بالاسابيع أو بالاشهر

[حنان k]

هل تسمحين لزوجك السفر المتكرر ؟


لو كان سفره لعمل وتطوير من ذاته في مجال العمل أو بمجال تجارته الخاصة أو بالحصول ع درجة أعلى بالتعليم ما راح أوقف بوجهه بالعكس راح أسانده ... لكن لو كان من باب الترفيه وتغيير الجو رجلي ع رجله مثل ماهو من حقه برضوا من حقي أنفس عن حالي وأغير جو , وإذا حاب يطلع طلعه شبابيه مع أصحابه عنده ربوع مملكتنا يلفها زي ما يبغى مافي أحلى من القنص والكشتات البرية ....... ولو كان في نيه مع أصحابه بستودعه الرحمن اللي ما تضييع ودائعه


وهل انتي متأكده من ان هناك عمل جعله يضطر للسفر ؟ ام انتي مغلوب على امرك لا تستطيعين الوقوف في وجهه ؟؟؟؟


أكيد بكون متأكدة 100% لأن أنا أدرى بعمله وطريقة وسياسة عمله ... لا مغلوبه ع أمري الله لا يقولها , دام الثقة موجودة مافي داعي يغلبني


وماهي الدول المحظوره للسفر برأيك ( اي ممنوع الذهاب اليها )؟؟


لسياحة وتغيير الجو لحاله كل الدول ههههه ... للعمل وما شابه لا مانع عندي إلا ( ******** ) لي تحفظ :)






يـعـطـيـك الـعـافـيـة

[سهم الغدر]

الزواج شراكه بين اثنين ومدام قلتي قبلت به زواج , يعني امنتيه على نفسج وما تامنينه على السفر ...فيه تناقض , اسمح له يسافر بروحه اذا كان للعلاج له او احد يعز عليه او دراسه او تطوير بالعمل او شغل , بس يسافر للاستجمام وانا اقعد بالدوحه لا والله... لان فيه ظلم كبير وقته لازم يكون ملك لعايلته مو ملك الغير.
اسمحله بس اذا كانت بيني وبينه مشاكل وابيه يغير جو مع ربعه بس بحالات نادره ومو كل مره.

والمراه تقدر تغير زوجها بشويه ذكاء ,وخليه يفضل صحبتج على صحبه ربعه,ولازم اتعرفين اسباب تفضيل انه يسافر مع ربعه مو معاج وحاولي تغييرين من نفسج, ومع العلم اللي يبي الخرابيط ترى بيلقاها بكل مكان ما في دول معينه عشان تمنعينه من السفر ,

اخيراً: ادعيله دوم ان الله يحفظه ويبعده عن الحرام لان الدعاء يرد القدر ,ولاتكتئبين وتعيشين باوهام وهموم ترى تؤدي الى الشيخوخه المبكره وعقب بيقولج كبرتي وعيزتي والرجال محللة الشرع 4 ...:)

توكلي ع الله اختي

[latty]

الله يعطيك العافيه ذكرتني برفيقتي زوجها كل اسبوعين سفره شرق اسيا شغل ورمضان كله بالبيت حتى قبل الوقفه بيوم يجيه الشغل شرق اسيا

الله يعينه على التعب مسكين والله يحفظها من تلاياه


انا اقول لاي زوجه اي زوج يسافر بحجه العمل يجيب لها ورقه من شغله او تتصل بالشغل وتسال لان الاغلبيه ماخذها تساهيل وتمشي


الله يستر على خلقه

[سهم الغدر]

الي اعرفه ان كل الدول مسموح السفر اليها للزوج من قبل زوجته الا
Moroccoوالسبب مجهول لدي الصراحة :(



ماتعرف ليش ههههههههههههههه لان الرجال يجيب لمرته هديه ماتنساها طول عمرها :nice:

[باسكن روبنز]

الي اعرفه ان كل الدول مسموح السفر اليها للزوج من قبل زوجته الا
moroccoوالسبب مجهول لدي الصراحة :(

والله ياعاشق ابلااااااااش ماطب هالبلاد ،
هي وسوريا ،



آشتر راحة بااالك والله أنه الحسا أبرررك بمليوون مره ،
مع أحترامي لآهل هالبلدتين ،:(

[باسكن روبنز]

ياحليك الله يخيك لام عيالك...

الصراحة انا مع وضد كل شي بحدود عيل حتى وهو مسافر كل شي ممنوع <<<<< مغلوب على امرها خخخخخخخخخخخخخخ بس ماخذتها بروح رياضية :secret:

على يدج يا أم بدر تراني أدور ،:shy:




وكلامي ماقلته الأ من منطق ،
ياخي مشكلتي أحب أراضي كل الناس وخاصة الحريم بس عسى يبين ،:this:

[بوحارب]

اذا كانت سفره لعمل وشي مهم اكيد بروح بروحي وبدون الحرمة والعيال بس يكون عندهم في الدوحة من يقوم فيهم

بعد انا رايح اشتغل مب فاضي اداريهم 24 ساعة واخلي الشغل هع

[اعقل مرجوجه]

مو مشكله يروح مع ربعه بس مب كل مره :shy: تراني مب شريره والله أني اليفه ههههه :tease:.... اما في اماكن ماسمح له يروح لها صراحه اقطع ريوله بعد :whistling:

[ضوى]

هل تسمحين لزوجك السفر المتكرر ؟

وهل انتي متأكده من ان هناك عمل جعله يضطر للسفر ؟ ام انتي مغلوب على امرك لا تستطيعين الوقوف في وجهه ؟؟؟؟


وماهي الدول المحظوره للسفر برأيك ( اي ممنوع الذهاب اليها )؟؟

السفر المتكرر يعتمد على طبيعة السفر هل للعمل ام للترفيه ؟؟ للترفيه مافي مجال اوافق ، للعمل يروح دورات كثيرة وغالباً ماكون مرافقة له ، ومافي دول محظور السفر لها خاصة انه عمله مايطرشونه دورات لبلاد مشهورة بفضائحها

[قلب قطر..!]

سفره الشغل اللي من عمله مافي مشاكل اتوقع لان كلها يومين او ثلالثه

اما دراسه او وناسه وهذا القبيل المفروض مرته تكون معاه

مثل ماهو يبي يتونس هي بعد تبي تتونس :d

[ام السعف]

الرجل لو حب يسافر مب ماخذ شور زوجته او موافقتها

واي اعتراض من المرأة يعده تدخل في رجولته

فالكثير لا يعير موافقة زوجته على كثرة سفره المهم عنده انها ما تقلب له حياته نكد
قبل السفر وبعد العودة من السفر ،،

[هتـان قطر]

دام الثقة موجودة والرجال متدين والزوجة اقرب له من روحه .. خليه يسافر

ولو انا مهب راضية ماراح امنعه بس بشين النفس عليه وهو بيفهم :)

[ضوى]

الرجل لو حب يسافر مب ماخذ شور زوجته او موافقتها

واي اعتراض من المرأة يعده تدخل في رجولته

فالكثير لا يعير موافقة زوجته على كثرة سفره المهم عنده انها ما تقلب له حياته نكد
قبل السفر وبعد العودة من السفر ،،

اشلون بعد يام السعف ماياخذ شور زوجته؟؟ وليش نفهم اعتراض المراة اعتداء عالرجولة ؟؟ صارت الرجولة بهالشئ يعني؟؟؟ الرجولة اني اشاور شريكة حياتي بكل شئ يتعلق بالحياة الزوجية وسفره للترفيه ملزوم ياخذ راي زوجته به ، اما العمل فكل اللي يسويه انه يقول لها انه مرشح لدورة وبيسافر بتاريخ كذا منها تجهز شنطته واموره وترتب امور البيت والعيال معاه ، مب يجي وقت السفر ويحط كل شئ على راسها وراس اهلها ويسافر على ابو عندها اهل بيقومون فيها !!
وصدقيني كل ماكانت الحياة الزوجية فيها تشاور وتناصح وتبادل اراء ومناقشة قرارات تكون حلوة وبعيدة عن النكد اما اذا كانت القرارات فردية من قبل الزوج وشايف نفسه سي السيد اللي المفروض محد يناقشه الحياة تصير كئيبة ومملة

[ام السعف]

اشلون بعد يام السعف ماياخذ شور زوجته؟؟ وليش نفهم اعتراض المراة اعتداء عالرجولة ؟؟ صارت الرجولة بهالشئ يعني؟؟؟ الرجولة اني اشاور شريكة حياتي بكل شئ يتعلق بالحياة الزوجية وسفره للترفيه ملزوم ياخذ راي زوجته به ، اما العمل فكل اللي يسويه انه يقول لها انه مرشح لدورة وبيسافر بتاريخ كذا منها تجهز شنطته واموره وترتب امور البيت والعيال معاه ، مب يجي وقت السفر ويحط كل شئ على راسها وراس اهلها ويسافر على ابو عندها اهل بيقومون فيها !!
وصدقيني كل ماكانت الحياة الزوجية فيها تشاور وتناصح وتبادل اراء ومناقشة قرارات تكون حلوة وبعيدة عن النكد اما اذا كانت القرارات فردية من قبل الزوج وشايف نفسه سي السيد اللي المفروض محد يناقشه الحياة تصير كئيبة ومملة

مالي اعتراض على كلامج لكن شتقولين هذي هي عينة من فكر الكثير من الرجال

انت لج اني اعلمج اني مسافر لكن مالج حق تقولين لي لا تسافرين

فشنقول غير الله يعين من ابتلى ,,

[بوحارب]

مو مشكله يروح مع ربعه بس مب كل مره :shy: تراني مب شريره والله أني اليفه ههههه :tease:.... اما في اماكن ماسمح له يروح لها صراحه اقطع ريوله بعد :whistling:

تقطعين ريوله:omg:

ليش ماتبينه يمشي طول عمره مثلا!! :eek5:

[ماريسا]

وين المشكلة اذا الزوجة تسافر مع زوجها !! سواء لرحلة عمل أو غيره

[unless]

مشكلتي الرئيسية في حياتي هو اني كرهت السفر
من تزوجت وبدوا عيالي يمشون قدامي
من طويلة وحتى اللي يتعلق بالعمل (المهمات الرسمية)
اعتذر عنها لدرجة الاحراج...والاهل يتمنون اسفرهم ولو مرة
وانا اقول ماعندي مانع بس اذا خلصت الاقامةخخخخخخخخ

[بـــــــنت النوخـّــــذه]

هل تسمحين لزوجك السفر المتكرر ؟

وهل انتي متأكده من ان هناك عمل جعله يضطر للسفر ؟ ام انتي مغلوب على امرك لا تستطيعين الوقوف في وجهه ؟؟؟؟


وماهي الدول المحظوره للسفر برأيك ( اي ممنوع الذهاب اليها )؟؟


اسئله غريبه اختي :p

انزين سؤال :

شالمانع من السفر اذا الرجل قد الثقه وقد كلمته وقبل لايحط زوجته في باله حاط في باله اولا واخيرا" لاتجعل الله اهون الناظرين إليك سواء سافر ولا لا ^________^؟؟؟؟؟؟؟؟؟


اعتقد مافي شي اسمه دول محظوره 000 في شي اسمه تعاليم دينيه ملزم بها امام ربه العالمين وين ماكان 000

وبعدين في سفرات مهب ملزم الريال ياخذ زوجته مثل السفرات العسكريه الي تحتاج لتدريب ودورات ف تجلس في بيتها ابرك لين يرد واهو وضميره الله الي بيحاسبه والحلال بين والحرام بين 000 وعموما" دام الرجال ماشي بالسليم الله يوفقه

والشي المرفوض تماما انه ياخذ شنطه ومع السلامه بدون سابق انذار او تنويه للسفره هذا مرفوض رفضا" باتا" خصوصا" اذا كانت سفرات هياته ووراه مسؤوليه بيت وعيال وزوجه

[طماطه]

الريال دام تزوج هو عارف ان بيكون وراه مسؤولية بيت وعيال المفروض يشيل من باله فكرة السفر بدون مرته وعياله ... الا للضروره الي تحده يروح بروحه ..

واذا هو من هواة السفر مع ربعه للوناسه .. فالاحسن مايتزوج ..

[missperfect]

خليه يسافر ويروح وين مايبي الله فوقه وهو الي بيحاسبه

[%حورية قطر%]

اذا كان السفر لعمل او لدوره طبعا بوافق

اما لترفيه ووناسه لا طبعااااا :)

اما ياخذني معاه او يقعد مكانه ويعشق الراحه

[المستريح]

انا اسافر للعمل لكن مااستانس يادوب اخلص واغير الحجز وارجع لان فى السفر مااستانس الامع اهلى وعيالى وحتى لين اروح مع ربعى احاتى عيالى وبيتى اختصر السفره وكل واحد له علاقه مع اهله يامرتبط فيهم اوبعيد عنهم والرجال الى فيه خير مايهمل عياله بعذر الوناسه والسموحه

[أم شيوخ]

بصراحه انا عن نفسي الواحد الي بيسافر عشان خرابيط والا غيره تره بدون مايسافر موجوده هالاشياء وفي كل مكان في الزين وفيه الشين واذا يبي الي برع والله مب انا الي بحاسبه وبشيل ذنبه الله بيحاسبه وانا الي علي احفظ بيتي وعيالي وغير هاي الي يقول والله متضايق والا متملل من الدوام ويطقها بسفره كل شهرين بصراحه موعذر لا والي يزيدها الطينه بله كله ماعندي فلوس كلش واخر شي رايح ومونس عمره

لا تقولون السفر مايبيله فلوس الا يبيله والواحد الي يقدر وجد مرته وعياله حسى عليه ماظنتي بيستانس بدونهم

[برشلوني قطر]

داام الزوج مب مقصر ف هله ليش مايساافر...

بس سؤالج غريب بالنسبه للدول المحظوره وهل تسمح له ههههههههههه

ليش هو راايح للعربده مثلا ؟؟

ذكرتيني ف واحد يساافر بالخش...لييش يبه ؟؟

[طارق]

هل تسمحين لزوجك السفر المتكرر ؟

وهل انتي متأكده من ان هناك عمل جعله يضطر للسفر ؟ ام انتي مغلوب على امرك لا تستطيعين الوقوف في وجهه ؟؟؟؟


وماهي الدول المحظوره للسفر برأيك ( اي ممنوع الذهاب اليها )؟؟


البحرين مع احترامي لأهلها
لأن مافيها بعد المتاي والحلوى الى شيئ واحد يرحونله الرجال خفيفين العقل

[هبوب الكوس]

بس سؤالج

اختي العزيزه انا رجل :nice:

[بوراشد77]

الصراحه انا ضد الريال اللي يسافر مع ربعه للوناسه ليش مايونس زوجته وعياله ليش الوناسه له بروحه المره قاعده في البيت 24 ساعه وهو عند ربعه في الخيمه ولا في مجمع تجاري اهي ادرس اليهال وهو يجي البيت بس ينام وفي الصيف يبي يسافر يقول زهقان ابي اغير جو ؟ انزين المسكينه بعد تبي تغير جو

[بوراشد77]

كفو يالمستريح

[بوراشد77]

اذا كان السفر لعمل او لدوره طبعا بوافق

اما لترفيه ووناسه لا طبعااااا

اما ياخذني معاه او يقعد مكانه ويعشق الراحه


هذي الحرمه ولابلاش

[بوراشد77]

بس في مكان اذا راح مع ربعه انا معااااااااااااااااااااااااه ياخذ راحته
اذا رايح العمره خل يقعد شهر

[الجووري]

سيب سيكو في حاااااااااااله :victory:

[هبوب الكوس]

جميع الاخوه والاخوات مشكورين على المشاركات في الموضوع

لاحظت ان الاغلبيه يوافقون سفر الزوج الذي يخص العمل

والبعض عنده تحفظ على السفر من غير الزوجه وللترفيه عن النفس

بس حبيت ازيد ألا يستحق الزوج للراحه وعوار الراس لوحده او مع اصدقائه

مثل يذهب لبلدان فيها جزر للمغاوص وماشابه و مايسير اتكون زوجته معاه

[تحداني]

.. النص بالنص ..
شوي مع ربعه .. وشوي معاي
وهناك سفرات سبحان الله تكون مع الأصدقاء لها طعم آخر

اذا هو عنده رغبه
ما راح أحرمه أبداً





وان شاء الله كلام اليوم ما يمحيه الغد



جملكم الله برضى الرحمن

[دااانة قطر]

بصرااحه بعض شبااابنا يسحب يساافر بروحه للخربطه مع ربعه
الله يهديهم بس
اما تكون عينه قويه ويقول لها وين راايح او ان يستغفلها ويساافر بحجة تاشغل


يازينهم اللي يااخذون حريمهم معااهم ان كاانت السفره قصيره
واللي عندها عياال الله يعينها

[ام شوشي]

ماعندي مشكلة دام بيسفرني ويااااة ههههههههههههههع