هاذي آخرررررت المعاكسات في فيلاجيو !!!!!

[الملا]

هذه اخرة المعاكسات

المأسـاة صـارت امـس السـاعة 9 في الليـل فـي فيـلاجيو بيـن مطعـم سباسو وذي بودي شـوب ، مجموعـة من الشبـاب وعـددهـم تقريبـا 5 قاعديـن يعاكسـون بنتـين مـن جنسيـة عربيـة ، واظـن اخـو البنتـين سـب الشبـاب ، و3 مـن القـروب طـبو علـى الولـد وشفنـا تبكـس وترفـس ، والحمـد لله المـارة تدخلـو بسرعـة والا السيكورتيه مامنهـم فايـده .


شباب لا حسيب ولا رقيب ، ويسوون اللي يبون ويضايقون خلق الله ، وأتمنى من البنتين إنهم مايسكتون عن حقهم ، وأتمنى تخصيص ايام للعائلات بعد اللي شفته ، محد يقدر ياخذ راحته بسبب تصرفات الشباب المراهقين .

[المستقل]

الله يهدي الجميع


وترى نادر البنت المستترة أحد يضايقها

[بوحارب]

قسما بالله بعض ربعنا الشباب مافيه العن منهم

ياخي انت قبل ما ترقم بنت الناس او تتحرش فيها ماتفكر اذا عندك اخت او زوجة او بنت !!!

وكما تدين تدان !:tease:

وبعدين انتوا يالمغازلجيه ماتخافون تتجرجرون في المراكز لو البنت اشتكت عليكم وخذت ارقامكم للمركز !! وش يسوى عليكم

المشكلة اي واحد يرقم وراعي مغازل عنده درزن بنات في الجوال والمسن وكل مكان:omg:

مادري وش حاب في هالعدد كله :omen2: ( عطنا شوي ) :(



الله يهدي الجميع


وترى نادر البنت المستترة أحد يضايقها

يارجال هذاك اول البنت المتسترة محد يتحرش فيها

لكن الحين دام السالفة مصخره ومافيه لا رقيب ولا حسيب ولا حد يوقفك عند حدك

حتى اللي لابسة عباية راس ودازة ولدها بالقاري بعد بيتحرشون فيها :omen2:

[الملا]

قسما بالله بعض ربعنا الشباب مافيه العن منهم

ياخي انت قبل ما ترقم بنت الناس او تتحرش فيها ماتفكر اذا عندك اخت او زوجة او بنت !!!

وكما تدين تدان !

وبعدين انتوا يالمغازلجيه ماتخافون تتجرجرون في المراكز لو البنت اشتكت عليكم وخذت ارقامكم للمركز !! وش يسوى عليكم

المشكلة اي واحد يرقم وراعي مغازل عنده درزن بنات في الجوال والمسن وكل مكان

مادري وش حاب في هالعدد كله ( عطنا شوي )

من وجهة نظري احسن علاج للمغازلجية ، الفـــلقـــــــــــه ، اغلبهم بزران ويهالو تصكهم كفين يتأدبون



يارجال هذاك اول البنت المتسترة محد يتحرش فيها

لكن الحين دام السالفة مصخره ومافيه لا رقيب ولا حسيب ولا حد يوقفك عند حدك

حتى اللي لابسة عباية راس ودازة ولدها بالقاري بعد بيتحرشون فيها

المغازلجية مش فارقه معاهم وحده متغطية ولا شبه عارية ،

والبنات اللي كانو لابسين بناطيل وبلوزه ، وهذا اللبس المعتاد عن اغلب الجنسيات بما فيها العربية ، يعني اللبس عادي،

[Live]

أكثرت البلاوي خاصةً في المجمعات
ما عاد فيه مستحى ... عيني عينك ترقيم وتحرش وعفسه
يا جماعة الخير والله يبيلنا " الأمر بالمعروف والنهي عن المنكر "
وبعدها صدقوني ما تشوفون هالأشكال التعبانة لا من شباب ولا من بنات

عادةً البنت المستترة محد يقولها شي ولا يطاردها.. إلا نادراً من بعض القلوب المريضة
بس
إلي كاشخة والمكياج فل تقول حاطه بويها قوطي أصباغ كنه " قوس قزح "
وحاطه لترين عطر ... تقول سابحه في بركة مجاري قصدي عطور
أشكره تقول تعالوا غازلوني ... وإذا غازلوها هالخمة تضايقت
المفروض من الأول تستتر وتبتعد عن اللاعنة

[ابو مشعل]

الـ 3 على 1 ؟
:eek5:

[العـوا]

أكثرت البلاوي خاصةً في المجمعات
ما عاد فيه مستحى ... عيني عينك ترقيم وتحرش وعفسه
يا جماعة الخير والله يبيلنا " الأمر بالمعروف والنهي عن المنكر "
وبعدها صدقوني ما تشوفون هالأشكال التعبانة لا من شباب ولا من بنات

عادةً البنت المستترة محد يقولها شي ولا يطاردها.. إلا نادراً من بعض القلوب المريضة
بس
إلي كاشخة والمكياج فل تقول حاطه بويها قوطي أصباغ كنه " قوس قزح "
وحاطه لترين عطر ... تقول سابحه في بركة مجاري قصدي عطور
أشكره تقول تعالوا غازلوني ... وإذا غازلوها هالخمة تضايقت
المفروض من الأول تستتر وتبتعد عن اللاعنة




كلامك صحيح 1000%

[فتى البراري]

يبيله هيئة الامر بالمعروف والنهي عن المنكر على الكل

مب الي قبل حطوهم تحريات حق المغازلجية

حضرت في المحكمة من 6 سنين واحد حاكمين عليه جلد بسبب ترقيم

التحريات كان شاهد قدام القاضي ويقول انا شفته يرقم ويقول بداية اربع ارقام

وبعدها ينفذ الجلد الفوري في المحكمة وانا كنت موجود

العجيبة انه المحكوم علية بالجلد قال حق القاضي مثل ماانتم حطيتوا تحريات علينا حطوا تحريات على البنات

الي يتحرشون فينا وخلهم يتسترون ومكياج كامل يعني بالعربي تعال رقًم .......................الخ

المهم رحت أطل على غرفة التحريات من باب الفضول الشاب الي شهد كان يغازل يعني حاميها حراميها والكلام مسؤول عنه الى يوم القيامة

هذا من 6 سنين خل القاضي يدش الحين المجمعات وشوف المصخرة

[@north_star@]

المغازل للاسف صار معلم من معالم المجمعات
والله يهدي جميع شباب المسلمين

[PIX]

" الأمر بالمعروف والنهي عن المنكر "

اتذكر في سنه من الاسنين سوها الفكره هذه في اسواق الشارقه

اول من عاف الاسواق البنات قبل الشباب

واتذكر يوم رحت سوق القطار كانوا البياعين جالسين يكشون في الذبان

للعلم السوق او المجمع اذا ما فيه شباب يعوفونه البنات قبل الشباب

هذه حقيقة غير قابلة للنقد

[شموع قطريه]

من امن العقوبه اساء الادب

[سيف العشق]

صارت نفس السالفه في اللاند مارك من فتره بين مجموعة مراهقين قطريين ووحده من جنسيه عربيه

وتدز ولدها في القاري وتحرشوا فيها وجا زوجها من بعيد وضرب واحد شوي الا التحريات ماسكينهم


بس المشكله في اولياء امور هالمراهقين اللي مايدرون وين عيالهم

اتمنى ان تكون هنالك مكاتب للعضيد في المجمعات حتى الناس تقدر تشتكي

[Breakaway]

مساكين شبابنا على الفطره :nice: أي وحده لابسه لبس غير محتشم يفكرونها صاحبة هوى، متعودين على جداتهم و أمهاتهم المحتشمات :)

[قطرية فذة]

وصلنا 2010 وفي قطر وفيه مغازل؟

احس سوالف قديمه

[Right]

أكثرت البلاوي خاصةً في المجمعات
ما عاد فيه مستحى ... عيني عينك ترقيم وتحرش وعفسه
يا جماعة الخير والله يبيلنا " الأمر بالمعروف والنهي عن المنكر "
وبعدها صدقوني ما تشوفون هالأشكال التعبانة لا من شباب ولا من بنات

عادةً البنت المستترة محد يقولها شي ولا يطاردها.. إلا نادراً من بعض القلوب المريضة
بس
إلي كاشخة والمكياج فل تقول حاطه بويها قوطي أصباغ كنه " قوس قزح "
وحاطه لترين عطر ... تقول سابحه في بركة مجاري قصدي عطور
أشكره تقول تعالوا غازلوني ... وإذا غازلوها هالخمة تضايقت
المفروض من الأول تستتر وتبتعد عن اللاعنة





كلامك صحيح أخوي مليون بالميه

[mimi007]

:secret:
في بعض الشباب مرضى يلاحقون حتي اللي متستره
لكن اغلب الشباب نظرتهم انه اللي غير محتشمه و متمكيجه على اخــــــــر يعني بنفسها تنادي رقموني
و مثل ماقلتوا للحين الشباب مو متعودين على نسوان اللي من دون عبايات و غير محتشمات
ومااقدر اضيف اكثر من اللي كاتبته :secret:

[m7dmrta77]

الله يهدي الجميع

[captin]

عالم متخلفة عالم ماشافت خير

المطلوب الضرب بيد من حديد المطلوب عقوبات صارمة
سجن وغرامة وتشهير على الملأ في الجرائد والاعلام
وتعليق صور المعاكسين على مداخل المولات ليكونوا عبرة لمن يعتبر

[مرتبش]

اعتقد انها ثقافة القطيع
لما الشباب يتجمعون يحب واحد منهم يكون الزعيم..زعيم في السوالف والكذب والحركات ..يعني يبي يثبت انه البطل والسوبرمان امام اصدقائه( اللي بيتخلون عنه وقت الجد)
. يبي يقول لهم انا شجاع ومحد يهمني فتلقاه يسوي هالحركات وهم يضحكون عليه .
البنات من الجانب الاخر ذابحتهم الكشخة والجمال والموضة ..ماعادو يفرقون بين عرس ومجمع او حتى مستشفى او دوام..


وفيلاجيو متروس يهال ..اعتقد ادارة المجع فاشلة جدا ولا كيف نفسر عدم اهتمامها باللي يشترون ويدفعون وترك المجال لهالمراهقين في ازعاج الناس

[مضاد]

كيف اشكال البنات ...؟

والأهم ....

ايش كانوا لابسين ...؟


:omen2:


حتى يبطل العجب ..:shy:

[sara jsm]

صج تخلف وعالم ماشايفين خير ,,
بالله هالعالم عمرهم ماسافروا دول خليجيه او عربية او اوروبية ؟؟
عمرهم ماشافوا كاسيات عاريات ؟ ولا ماشافوا التلفزيون ؟
ولا مجمعاتنا من يومين فاتحينها ؟؟
والله شي يفشل من قلب ,, استحوا على وجيهكم ,,
رجال وتلحقون بنات وترقمون ,, صج اللي شبّهم بالخرفان ماكذب ,,
مافي تربية ابد ,, مراهقين ومبتلشين فيهم ,,
الافضل يخلون المجمعات يوم واحد في الاسبوع للشباب فقط ,,
وباقي الايام عائلات ,, وخلهم يتمشون في سيلين ابرك ,,

[طموحي مبدع]

بصراحه احسن حل حق المجمعات ان يخلونها للعائلات بس

ويومين بالاسبوع حق الشباب

[الثاقب]

زنوبه مقاس 50 تعدل الوضع

[الـعـنـيـده]

انا مابداافع ع البنات بس الصراحه الشباب وايد زوددوها خاصه في الاند ،، الصراحه صار اللاند مصخره ،،
والله حتى المحتشمه يتحرشون فيها .. وف اللاند بزيااااده ،، ومشاء الله اللاند مكثر القهاوي فيه في كل زاويه قهوه يقعدون ،، ويطالعون الرايح والراد ماعندهم شغله ،، اتمر من عند القهوه يخزونك ،، اللي قاعدين من فوق لين تحت وين صارت هاي ،، !!

وبعد البنات مستهتراات وايد ،، بس العتب ع اهاليهم اللي مخلييينهم ع راحتهم لارقيب ولا حسيب ،،

بس لاتنكرون ان الشباب يتحرشون بالمحتشمه لانه واايد شفت هالشي بعيني،،

الله يستررر عليهم ان شاء الله ويهديهم ،،

[Live]

زنوبه مقاس 50 تعدل الوضع


لا أخوي زنوبة ما تنفع ... بتقطع
حلاتها نعال كاريتي صناعة أصلية عشان تطبع العلامة على جبهته :nice:

[فلتة زمانها]

وااايد ملاحظه عالشباب القطريين هالايام طايحين فالزلمات والفلبن
يا يرقمونهم ولا مواعدين ويتمشون معاهم خصوصا فاللاند مع المغربيات
لا ومتنكرين بلبس كاجوال يابلفيت ههههههههه

[Live]

وااايد ملاحظه عالشباب القطريين هالايام طايحين فالزلمات والفلبن
يا يرقمونهم ولا مواعدين ويتمشون معاهم خصوصا فاللاند مع المغربيات
لا ومتنكرين بلبس كاجوال يابلفيت ههههههههه


تعرفين أسهل بالتشبك من القطرية ... وما يتطلبون وايد :nice:

[باسكن روبنز]

الله يهدي الجميع


وترى نادر البنت المستترة أحد يضايقها




:thumbup1:

[الملا]

الله يرحم زمان اول ايام عبيد جمعة في مصعب بن عمير

ما كان عنده واحد اثنين ، على طول فلـقــه ، هذولا اللي عرفو يربون صح

الا ليت الايام تعود يوما

[باسكن روبنز]

الله يرحم زمان اول ايام عبيد جمعة في مصعب بن عمير

ما كان عنده واحد اثنين ، على طول فلـقــه ، هذولا اللي عرفو يربون صح

الا ليت الايام تعود يوما

باااااااااااال ،


ذكرتني بالفلقه والله ياما تقشرت ريولي (تكرم) تقشر على الطابور هههههههه ،
انشهد أنهم سنعوونا والله ذكريااات حلووه ،

[منــار]

الله يهدي الجميع


وترى نادر البنت المستترة أحد يضايقها




اي صح .. شكلك وااايد اتروح الاند مارك ...

[ابو مشعل]

وااايد ملاحظه عالشباب القطريين هالايام طايحين فالزلمات


والعكس صحيح ..
الزلمات لاعبين لعبتهم بعد
هذا الواقع:eek5:

[الأصيلة]

الله يهدي الجميع


وترى نادر البنت المستترة أحد يضايقها

:nice:

[بـــــــنت النوخـّــــذه]

بصراحه احسن حل حق المجمعات ان يخلونها للعائلات بس

ويومين بالاسبوع حق الشباب

الله يهداج اشله يومين بالاسبوع اكو عندهم سوق العلي كل شي فيه اغتر ونعل تكرمون وثياب ومعاصر 000000


انزين سؤال فضول :

اول ماكنا نسمع بهذي السوالف واذا صارت كان الكل ينتقد او تتم بالخش الحين شنهو السبب الي أدى الى الجرأه بهذه الطريقه من السبب ؟؟؟؟؟؟؟؟؟؟؟؟؟


( اعتقد والله اعلم السبب تسيب القانون ضد هذه الفئه المراهقه + انعدام الحشمه بين الطرفين سواء قطريه ولا اجنبيه <<< لازم القانون يكون صارم لان صراحه ماصارت مجمعات هذي صارت حديقه حيوان تكرمون )


اخبر مره الامارات طلعو قانون وطبقوه الي يصيدونه يغازل ومتلبس بالتهمه يحلقونه على الصفر ويحطون صورته بالجريده واسمه كامل :nice: :)

[الأصيلة]

اتمنى ان تكون هنالك مكاتب للعضيد في المجمعات حتى الناس تقدر تشتكي
طالبنا من قبل بالمكتب واقترحنا يكون بكل مجمع مكتب للعضيد يباشر
الأمور بدل ما ندز المسجات ولين يوصلون قد طارت الطيور بارزاقها...
وفعلا المراهقين هم سبب المشاكل في هذه القضية
ويتنافسون وكل واحد يثبت للثاني شطارته...
ومايتجرأون إلا على البنت اللي لاقين منها قبول
من ناحية الشكل واللبس والستر...
لكن المحترمة مايتجرأ عليها أحد أبد ....
لكن بعض البنات الغير قطريات الله يهديهم لبسهم
فاضح أو يلبسون العبايات بطريقة ماتبين أنهم غير قطريات ويتفننون في التبرج...

الله يهدي الجميع ويستر على بنات خلق الله...

[بواردي]

يعني مغازلجية وعينهم قوية

ويهاوشون بعد؟؟

[Live]

وااايد ملاحظه عالشباب القطريين هالايام طايحين فالزلمات والفلبن
يا يرقمونهم ولا مواعدين ويتمشون معاهم خصوصا فاللاند مع المغربيات
لا ومتنكرين بلبس كاجوال يابلفيت ههههههههه



والعكس صحيح ..
الزلمات لاعبين لعبتهم بعد
هذا الواقع:eek5:

أخوي ابو مشعل
شكلك مسوي إقتباس بالغلط ونسبته لي
المفروض تسوي الإقتباس من " فلتة زمانها " مب مني

[درب السعادة]

أقترح ان البنات اقل من 25 سنه والشباب وقل من 25 سنه ما يدخلون المجمعات الا باؤلياء الامور

أحلى شي .... بس الهوية واتفضل

فوق ها السن خلاص الناس واعية وفاهمة حدودها ووين تحصل مبتغاها ، مافي تحرش ولا ماهم يحزنون شرايكم في أقتراحي ؟

[ابو مشعل]

أخوي ابو مشعل
شكلك مسوي إقتباس بالغلط ونسبته لي
المفروض تسوي الإقتباس من " فلتة زمانها " مب مني


السموحه اختي
خلل فني
:)

[غير عنهم]

الله يهدي الشباب والبنات الي ادواره على طول والتحشم زين زين زين

[باسكن روبنز]

أقترح ان البنات اقل من 25 سنه والشباب وقل من 25 سنه ما يدخلون المجمعات الا باؤلياء الامور

أحلى شي .... بس الهوية واتفضل

فوق ها السن خلاص الناس واعية وفاهمة حدودها ووين تحصل مبتغاها ، مافي تحرش ولا ماهم يحزنون شرايكم في أقتراحي ؟

تكفى روح اللاند مارك بالويك أند ،
وشوف فئة المغازلجيه والله كل واحد قد أبوي وحاك بعافية البلوتوث ،:rolleyes2:



الله يهديهم ،

[Live]

السموحه اختي
خلل فني
:)

بعد ما خلصنا من الأولى يات الثانية
" أختي "
يا خوك أنا واحد مب وحدة :nice:
يعطيك العافية أخوي ومسموح

[شمعة الدوحه]

ياريتها جات عالمراهقين والله انه شيبه مافيه شعره سودا ويغازل :omg:

الشي اللي حبيت اضيفه

فيه نظره حبيت اصححها ليس دفاعاً بس هذا الواقع

موب كل وحده كاشفه تعتبر بنت موب سيده وانه تعالوا لحقوني ورقموني

ولا كل وحده متستره من إلى انه ماشاء الله عليها محتشمه


ولاتقولون لي كلامي خاطئ :)


وبالنسبه للمراهقين اللي يغازلون ودي بس اصورهم بشريط فيديو واراويهم الفيلم عقب

شكلهم مصخررررررررررررررررره واهما ورى البنت ويبونها تاخذ الرقم غصب

يازين الشاب المحترم

والله يكثر منهم يارب

ويهدي مراهقينا :discuss:

[قهوة الضحى]

ياريتها جات عالمراهقين والله انه شيبه مافيه شعره سودا ويغازل :omg:

الشي اللي حبيت اضيفه

فيه نظره حبيت اصححها ليس دفاعاً بس هذا الواقع

موب كل وحده كاشفه تعتبر بنت موب سيده وانه تعالوا لحقوني ورقموني

ولا كل وحده متستره من إلى انه ماشاء الله عليها محتشمه


ولاتقولون لي كلامي خاطئ :)


وبالنسبه للمراهقين اللي يغازلون ودي بس اصورهم بشريط فيديو واراويهم الفيلم عقب

شكلهم مصخررررررررررررررررره واهما ورى البنت ويبونها تاخذ الرقم غصب

يازين الشاب المحترم

والله يكثر منهم يارب

ويهدي مراهقينا :discuss:


كلامنا الحين مب عن كاشفة واخلاقها زينة ومتسترة اخلاقها مب زينة

خلاص هالكلام شابعين منه


الكلام الحين والموضوع عن المظهر


اشخلى المغازلجية يغازلون الا اذا الوحدة مظهرها مظهر يقول تعاااااال حياااااااااااااك

اكيد بتقولين حتى قاموا يغازلون المتسترة والله هاذي حالات نادرة


بس الاغلب المظهر الخارجي هو العنوان مالنا شغل باخلاقها حق نفسها

[الـعـنـيـده]

سلامتك اخوي والله حتى المتستره ماييخلونها ف حالها ،،
وف اللاند بالذات حاكين البنات ،، ولا بعد عند الباب ف السيايير مايقصرون ،،

[Qt.1]

الله يهدي الجميع


وترى نادر البنت المستترة أحد يضايقها

شبابنا مايعرفون بينت مستره والاا غيره , لوخيمه الحقوها , عقول اصغيره لكن مانقول الاا الله يهديهم.

[Bu Rashid]

اشووووفكم وايد طايحيين في الشيبان ... شوفوا صج اني ما اروووح الاند مارك وغيره
بس الي اعرفه البنات كله وره الشيبان
لان اكبر منك بيوووم افهم منك بسنه ... :)
انا اشهد انك خرفت يا بوووراشد :telephone:

[ليث العرين]

لو يخيسون في السجن يومين كان تعلمو ويحسبون الف حساب بعدهااا

[باسكن روبنز]

بعد ما خلصنا من الأولى يات الثانية
" أختي "
يا خوك أنا واحد مب وحدة :nice:
يعطيك العافية أخوي ومسموح

هههههههههههههه مب مترقع ياlive ،:secret:

[ولد النواخذه]

اتمنى القانون ينال من هالشباب وأشكالهم الي يغربلون بنات الناس الله يغربلهم ويرد لهم الصاع صاعين

[الـقـاسـي]

المشكله ان هالشي زاد عن حده وماشفنا تدخل من الحكومة كلش .. ياليت لو عندنا نفس الهيئه في السعودية عشان تضبظ الحال شوي

[JN000N]

تكفى روح اللاند مارك بالويك أند ،
وشوف فئة المغازلجيه والله كل واحد قد أبوي وحاك بعافية البلوتوث ،:rolleyes2:



الله يهديهم ،

قد ابوي ويدي بعد



قلة ادب ومصخره بلا رقيب ولا حسيب
ولو سمحتو اللي بيتكلم وبيقول البنت متستره ومحتشمه محد يتحرش فيها انا اقول يبلع العافيه ابرك

ما راح اتكلم في حد برا.. ولا بقول جفت وجفت مثل غيري
بقول اللي مريت فيه انا ومب كفو حد عقب يقول يمكن فيج كذا والا كذا،، لاني بنت ناس ومتربيه واعرف حدودي

انا مع امي.. وعباتي وسيعه واتغشا ومالبس عباه ملونه.. يعني تطريز او شغل يد اسود

نمشي ونعد البلاط.. كله خلو عينكم فالارض هذا شعار امي
بعد ما سلمنا لا انا ولا بنات هلي
ترقيم عيني عينك ورانا يمشون ويرقمون ولا حشمونا ولا حتا حشمو امي.. اللي تتنقب وعباتها وسيعه وسوده بعد

مع ابوي مره كنت قالي وقفي هني دقيقه وقفت عالزاويه وراح يسلم ع رفيجه وكان في واحد كبير شيييبه حده موجود مستحيل ماكان موجود وجاف ابوي ،، لان مايصير ف دقيقه بيطلع من تحت الارض
بعد ما سلمت منه قرب وقعد يتكلم ولا حشم اني انا مع ابوي يايه والمفروض يستحي ع ويهه لان لو يجوفه يمكن يدفنه حي.. خلاني واقفه عند الزاويه اصيح من الخرعه لان اول مره يصيرلي مثل هالموقف ان شوي ويمسك يدي وهو راح وخر يوم ياني ابوي قلتله ع طول التفت يدوره ما حصله فص ملح وذاب



اللي ابي اوصله
ان هذاك اول المستتره ما يقولون لها شي
الحين انا اجزم ان تربيه المغازلجيه تربية خرفان.. بالعربي مثلما قالو الي قبلي تدخ مجمع تجوف حيوانات وانتو بكرامه..

اسمع من هلي لما يتكلمون عن هالمصخره يقولون مغازل قبل وين ومغازل احين وين
قبل المحتشمه مايقربونها واللي تبي المغازل يدلونها ومايتعرضون لحد الا اذا جافو ويه اقبال،، لكن الحين رضت البنت والا انرضت غصبن عليها بيغازلونها

اخوي بنفسه يقول سمع شباب ف المعارض ع ايام المصخره هناك،، يقول واحد فقهم والله لا رقمها ،، والله لاغازلها والا بحلق شنبي< شنب العازه



انا اقول فئة البنات والشباب الخمه اللي مسووين هالمصخره ومخربين عالناس المحتشمه اللي مب سالمه منهم يجوفون لهم حل
قانون .، حريم يمسكون البنات الي امصخرين ف ويووههم وثيابهم ،، ورياييل يمسكون المراهقين صغار وكبار ويجوفون لهم صرفه ويفكونها من شرهم

[..er..]

اعتقد فيها جلد .. !!!

بس ماكنهم انقرضوا الامن الوقائي ؟؟؟

وينهم مالهم حس يوقفون هالفئه " الضاله "

صراحه حتى المتستره تحصلهم طابور وراها

جد يعني المجمعات صارت للمغازلجيه اكثر من الي رايح يخلص له غرض او ياخذ شي

مفروض يشددون ع الامن الوقائي ويكثرونهم

< جاه قرفه من المجمعات :(

[qatari 111]

الله يهدي الجميع

[ام خوله]

الله يهدي الجميع

[منتهى الحكمة]

في موقف صار حق حريم ثنتين في مجمع الشاب مع ربعه ويغازل وحده منهم ولأنه صغير طلت في وجهه وقالت له: يحليله كبر حمود ولدي .. طق ماله وجه وشرد ..يستاهل

[الحره]

انا اشوف حتى المتغطيه يضايقونها الشباب والمفروض مب سكيورتي هندي يوقفونه في المجمع

المفروض شرطه هل قطر يحطونهم مثل ما يحطونهم علدوارات يحطونهم في المجمعات شفتات عشان هالاشكال من الشباب والبنات يرتدعون

انا وحده اكره روحه المجمع من العصر لييين الليل وماروح الا اذا شي حاااادني حد

يازين السوق الصبح ازرق من الشغل واروح اخلص حاجتي ولا الظهر القايله بعد الدوام مانشوف هالاشكال
والمفروض الوحده اذا بتروح في الليل تروح مع اخوها ابوها زوجها واذا كلش مافيه مافيه تلبس دريولها غتره وعقال وتمشيه وياخدامتها وراها بودي قارد
والله في ناس ايبون بلوشيات كبار ويلبسونهم بطوله بس عشان تمشي معاهم في السوق لا بغو غرض ولا يبون خالات أبطاطيل يمشون وياهم

[مرحوم قطر]

قسما بالله بعض ربعنا الشباب مافيه العن منهم

ياخي انت قبل ما ترقم بنت الناس او تتحرش فيها ماتفكر اذا عندك اخت او زوجة او بنت !!!

وكما تدين تدان !:tease:

وبعدين انتوا يالمغازلجيه ماتخافون تتجرجرون في المراكز لو البنت اشتكت عليكم وخذت ارقامكم للمركز !! وش يسوى عليكم

المشكلة اي واحد يرقم وراعي مغازل عنده درزن بنات في الجوال والمسن وكل مكان:omg:

مادري وش حاب في هالعدد كله :omen2: ( عطنا شوي ) :(




يارجال هذاك اول البنت المتسترة محد يتحرش فيها

لكن الحين دام السالفة مصخره ومافيه لا رقيب ولا حسيب ولا حد يوقفك عند حدك

حتى اللي لابسة عباية راس ودازة ولدها بالقاري بعد بيتحرشون فيها :omen2:



اي و الله هذا اول

الشباب اذا واحد فيها تحرش في متنقبه يقولون له ربعه لا تتحرش فيها هذي محتشمه

اما الحين محتشمه مب محتشمه تحرش ولا عليك من شي

[القيادة]

أكثرت البلاوي خاصةً في المجمعات
ما عاد فيه مستحى ... عيني عينك ترقيم وتحرش وعفسه
يا جماعة الخير والله يبيلنا " الأمر بالمعروف والنهي عن المنكر "
وبعدها صدقوني ما تشوفون هالأشكال التعبانة لا من شباب ولا من بنات

عادةً البنت المستترة محد يقولها شي ولا يطاردها.. إلا نادراً من بعض القلوب المريضة
بس
إلي كاشخة والمكياج فل تقول حاطه بويها قوطي أصباغ كنه " قوس قزح "
وحاطه لترين عطر ... تقول سابحه في بركة مجاري قصدي عطور
أشكره تقول تعالوا غازلوني ... وإذا غازلوها هالخمة تضايقت
المفروض من الأول تستتر وتبتعد عن اللاعنة




السلام عليكم
مشكور اخوي الملا على هذا الخبر طبعا الخبر مب سار بس لاحول ولا قوه الا بالله
وبخصوص كلام اخوي لايف كلامك صحيح هذا الى كنت بقوله.

[mohammed68]

البنات المحتشمات مستحيل بل نادر حد يتعرض لهم .. واعتقد في مثل هذه الحالات يجب محاسبة ومعاقبة الطرفين ..ولا يلقى اللوم فقط على الشباب .. الصراحة .. من كثر التفسخ والملابس الفاضحة الواحد يستحيي يمشي في المولات

[الاستثمار]

المغازلجي يبيله خيزران ينضرب فيه ضرب على ضهره وجلد ليين ما يتوب عن خرابيطه حسبي الله عليهم ما يستحون ولا يخلون بنات خلق الله بحالهم

[the prince]

صج والله اللي يصير مصخره
ويا جماعه مب بس الشباب اللي يغازلون
والله على اللي اشوفه وااايد بناات قامواا يمصخونها ويقطون نفسهم على الشباب
والله يهدي الجمييع

[حنان k]

في مثل يقول : من وين تجيك العافية وعلتك منك وفيك

وإذا هي من دوله عربية تلبس بنطلون وبلوزة ليه ؟؟ لو كان كل فتاة وسيدة بقطر تلزم عند خروجها بلبس الحجاب منعآ للفتن كان ما تشوفون حركات المراهقين هذه ... وجود هيئة الأمر بالمعروف والنهي عن المنكر أمر ضروري جدآ راح يكون ردع لكل شاب , ما تسوى عليه يسحبونه قدام الخلق وإلا يركبونه بالجيب .. صدقوني وقتها الكل بيعاف المغازل ههههههه ... بعدين أيش نظام المجمعات عندكم ؟؟ ليه ما يكون المجمعات للعوائل فقط ؟؟

[ضاقت الدار]

فعلا يبيلنا ((هيئة الامر بالمعروف والنهي عن المنكر))

لأن الصراحه حتى المتستره مب سالمه من هالهيالق!!!

وانا بعيني اشووف هالشي!

لكن سمعت بس مو متأكد عن افتتاح سيتم قريب لمجمع((وذنان)) الي بالمعيذر بيكون خاص للنساء واتمنى يكوون هالكلام صحيح<< وبذلك نرتااح ونريح ^_^

[azgert]

المشكله في البنت ( اوقرنا في بيوتكم ) مالج حاجه في الا سواق تكثر الشياطين في الاسواق ولا وشو تقلون يا الربع الشاب مغلوب علا امره وشو تبونه يسوي تبونه يقعد في البيت ولا البنت تقعد وتحفظ نفسها والدواره بدون فايده ولا حاجه

[العقل الحر]

ماشاء الله الربع كلكم خبرة في المجمعات وسوالف المجمعات !!

عني ماعرف هذي الامور ولا اهتم فيها واروح المجمعات نادر واشتري الغرض واطلع وماشوف الى تقولون عنه ؟ شيبان , بنات , عاريات , مغازل , بلوتوث الخ ..... :eek5:

صحيح اسمع فيها ولكن ما ركز عليها ولا اشوفها !

واذكر مره رحت مجمع الاندمارك ابي ادخل قالي السكيورتي ماتدخل قلت ليش قال عائلات !! استغربت بعد الي يبي يشتري لازم عائله ؟


عالم غريب !!

[بوجاسم 999]

كل الشباب الي يغازلون مليون بالميه خواتهم وحريمهم يغازلون ونفس الي يسونه ببنات الناس كذالك يسون باهله وهذه مو كلام من عندي بل كلام الحبيب رسول الله صلى الله عليه وسلم

[JN000N]

المشكله في البنت ( اوقرنا في بيوتكم ) مالج حاجه في الا سواق تكثر الشياطين في الاسواق ولا وشو تقلون يا الربع الشاب مغلوب علا امره وشو تبونه يسوي تبونه يقعد في البيت ولا البنت تقعد وتحفظ نفسها والدواره بدون فايده ولا حاجه



ليش والاسوقه اللي تجوفها فالمجمعات اكثرها حق حريم والا رياييل

ودام الريال مغلوب. على امره يحليله يبي يطلع حبكت يروح مجمع ويغازل والا بيصير محكور
عنده بر وبحر وكشتات ومطاعم وطلعات وميالس وكل هذا محبوس

انا اتحدا لو تمو الحريم ف بيوتهم يروح واحد من الشباب مجمع.. معظمهم الا مب كلهم يروحون حق المغازل والمناظر

ومن يقول ان البنات يروحون حق دواره شفيك انقلبت الايه عندك!
البنات معظمهم بعد رايحين يتشرون ،، ومعروف عن الجنس الناعم انهم ذبحتهم السوق والموضه واخر اللي ينزل ويروحون يشترونه
ف ليش تزاحمونا ف اماكن احنا نجوف فيها كل متطلباتنا؟

خلو الاسوقه للبنات ياخذون راحتهم وهم يشترون
مب عساها تطلع من محل الا لحقها لين وصلها المحل الثاني ولا بعد فيه الهير ينطرها لين تطلع خايف تضيع يمكن وماتدل طريقها*

وانتو يا اخ لكم طلعاتكم من سينمات ومن ميالس ومطاعم وكشتات مع الربع

[toomi9]

الله يهدي الجميع


وترى نادر البنت المستترة أحد يضايقها

هههه مسكين انت وين قاعد اي قرن ؟؟؟
مابي ابطل حلجي من الصبح واسندر راسي :anger1:
بس يالليت تشوف بعينك بدل الناس ماتوضح لك :weeping:
وهذا راي احد الاعضاء

فعلا يبيلنا ((هيئة الامر بالمعروف والنهي عن المنكر))

لأن الصراحه حتى المتستره مب سالمه من هالهيالق!!!

وانا بعيني اشووف هالشي!

لكن سمعت بس مو متأكد عن افتتاح سيتم قريب لمجمع((وذنان)) الي بالمعيذر بيكون خاص للنساء واتمنى يكوون هالكلام صحيح<< وبذلك نرتااح ونريح ^_^

[الحره]

المشكله في البنت ( اوقرنا في بيوتكم ) مالج حاجه في الا سواق تكثر الشياطين في الاسواق ولا وشو تقلون يا الربع الشاب مغلوب علا امره وشو تبونه يسوي تبونه يقعد في البيت ولا البنت تقعد وتحفظ نفسها والدواره بدون فايده ولا حاجه

شرايك تقر في ميلسك او سيارتك وتخلي السوق للنسوان الي ثلات ارباعه اغراض بنات ومحل او اثنين حق الشباب

[toomi9]

في مثل يقول : من وين تجيك العافية وعلتك منك وفيك

وإذا هي من دوله عربية تلبس بنطلون وبلوزة ليه ؟؟ لو كان كل فتاة وسيدة بقطر تلزم عند خروجها بلبس الحجاب منعآ للفتن كان ما تشوفون حركات المراهقين هذه ... وجود هيئة الأمر بالمعروف والنهي عن المنكر أمر ضروري جدآ راح يكون ردع لكل شاب , ما تسوى عليه يسحبونه قدام الخلق وإلا يركبونه بالجيب .. صدقوني وقتها الكل بيعاف المغازل ههههههه ... بعدين أيش نظام المجمعات عندكم ؟؟ ليه ما يكون المجمعات للعوائل فقط ؟؟
اي واالله صدقتي
هالفلسطينيات والسوريات والاردنيات واللبنانيات
فاصخين الحيا عندنا وين قبل ووين الحين قبل محد يتجرأ يلبسون هالمرصص وهـ الخرابيط
الا تمشي هاللبنانيه وومطلعه الكرشه ولا الظهر والبنطلون اللهم ياكافي
ولا الحين الي كللش عندهم محتشميين بنطلووووون ضييييق والتيشيرت ضييق واحيانا الضهر طالع (( وحجاب ))
يستاهلون الي يصير فيهم لو احتشموا ابرك لهم :anger1:

[Abu Deeb]

الله يهديهم

[الأصيلة]

كل الشباب الي يغازلون مليون بالميه خواتهم وحريمهم يغازلون ونفس الي يسونه
ببنات الناس كذالك يسون باهله وهذه مو كلام
من عندي بل كلام الحبيب رسول الله صلى الله عليه وسلم

:nice::nice::nice:

[طارق]

يا شباب , وين شرطه المجتمع والتحريات
انا عمري 30 سنه ولا مره شفت حد من التحريات صايدله معاكس قدامي
تخيلو
اللجنه الي جات اتشوف ملف 2022 زارت اللاند او السيتي , و شافت عدم الاحترام والمعاكسات والهوشات في مجمعات قطر وش بكون رايها في قطر
الى متى الداخليه اتجامل ولد وفلان وعلان, بالعربي اقولها أذا وحده عريانه تمشي في مجمع
محد له خص يعاكسها - اذا شفت شيئ غلط كلم العضيد او الشرطه الوقائيه هم الي بيقومون في الواجب
مش اتعاكس وحد ه ولما العمليه تنقلب هواش , اتقول ليش مش محتشمه
تحياتي

[جوال 11]

الأسواق من المفترض لا يذهب اليها إلا ذو حاجة وليست للتمشي وقديماً قيل الذباب لا يأتي إلا على الصحون المكشوفة فالبت التي تتكشف وتظهر مفتنها الى الناس ستجد الرد من الشباب .
ولي الأمر يجب عليه المحافظة على بناته وأولاده وهو مسؤل عنهم .

[بو خليفه 123]

اذا البنت متستره و لبساها لا يلفت الانظار "احلق شنبي" اذا واحد كفو تحرش فيها .

[بوعمير]

طالما الرقابة من الجهه المسؤولية ضعيفة، فعلى رواد هذه المجمعات الانتباه على شوفاتهم.

*** قال من أمرك ... قال ومن نهاني ***

[رذاذ]

يبيلهم جلد قدام الملااا
وتنحط صورهم بالجرايد
لجل يستحي وتنكسر عينه

[الصريحه]

" الأمر بالمعروف والنهي عن المنكر "

اتذكر في سنه من الاسنين سوها الفكره هذه في اسواق الشارقه

اول من عاف الاسواق البنات قبل الشباب

واتذكر يوم رحت سوق القطار كانوا البياعين جالسين يكشون في الذبان

للعلم السوق او المجمع اذا ما فيه شباب يعوفونه البنات قبل الشباب

هذه حقيقة غير قابلة للنقد
اسفه كلامك خاطئ
البنت المحترمه تتمنى مكان تكون فيه على راحتها وهي تتسوق
واذا وجد بيكون عليه زحمه
اما بنات اللي مربيتهم خدامات اكيد تفكيرها وروحتها لهدف اخر

[هدهد سليمان]

الله يذكرك بالخير يا عبدالله بن خالد

[المستريح]

المفروض تفعيل عمل الامن فى المجمعات مهمه وعملهم رقابى مب تمشى الله يهدى الشباب والشابات ويستر عليهم

[لاجل QT]

لاحول ولا قوة الابالله
الله يهدي الجميع

[العضو الماسي]

أنا كرهت أروح قهاوي فالمجمعات والسبب بعض الأجانب ألي قاصين على نفسهم مادري من قص عليه وقاله حلو وحاط له عرعور كانه ديك وتارسه جل . ولا واحد كانه بوب مارلي سلاسل وحاله ... عساا الله يحفظك ياقطر . المجمعات محتاجه تنضيف بشكل غير طبيعي .

[FAUCHON]

زادو الهيلق واقسم بالله مدري كيف صارو الشباب

يعني انت ماتراضاها على خواتك ليش تراضها على بنات الناس

والله عيب

لا اخلاق ولا دين

الله المستعان ..~

[FAUCHON]

أنا كرهت أروح قهاوي فالمجمعات والسبب بعض الأجانب ألي قاصين على نفسهم مادري من قص عليه وقاله حلو وحاط له عرعور كانه ديك وتارسه جل . ولا واحد كانه بوب مارلي سلاسل وحاله ... عساا الله يحفظك ياقطر . المجمعات محتاجه تنضيف بشكل غير طبيعي .


:eek5:

على فكره اخووي ترا الموضوع ان القطري تحرش في الاجنبيات مب الاجانب

واسمح لي البلا مب في الاجنبي وهو حر اذا حط جل ولا سوا اي شي هذي حريه شخصيه احنا نتكلم عن عيال البلاد اللي في المجمعات يتحرشون في خلق الله

وقاعدين قززززززز في خلق الله الواحد ما يقدر يتمشى

[ام العيال]

والله لو يسوون هيئة الامر بالمعروف والنهي عن المنكر في الاسواق والمجمعات احسن على الاقل الواحد بتردد الف مرة قبل ما يسوي شي خطأ وهذا المطلوب ، والرقابة المفروض على الجنسين بنات واولاد مش على الاولاد وبس

[M!$s ĀŁ!eN]

ليش ,, يعني ..بنات الناس .. شنو لعبه ..
والله اهنيه محد فارض علينا شي مهب مقتنعين فيه

من قال ان المستستره مااا يضايقونهااا.. الكل ..
الشباب صااروا ماا يصدقون خبر.. اشوفون وححده ..

كلنا عيال ادم وكلنا من تراب ..
البنات اهنيه مااالهم .. اي اي
حق .. اووف ملتونا كله علينا
وجنه انتو ماالكم سبب في الموضوع

[بنت ابوها 19]

عقب الي شفته بفيلاجيو يوم الاحد وانا صايمه كرهت نفسي بشكل موطبيعي
كرهت المجمعات والله لو مب مجبورين احنا البنات ولا جان ماطبينا هل المكان


علني ولا وين بنصف الساحه اثنين يسون الي مايستوي بالاصل


استغفررررررررررررررررررالله

حتى وانا طالعه اركب سيارتي شفت بنات متهوشين مع شباب وبراحه زلموته
كرهت الطلعه والله كرهتها

[حيهور]

!والحـــــــــــــل!

[لولوهـ]

كلامك صحيح اخوي بوخليفه 123

[فتى البراري]

الله قاعديييييييييييييين في الكوفي؟؟؟؟؟؟؟؟؟؟؟؟؟؟؟؟؟ وين وين ابوج وين اخوج !!!!!!!!!!!!!!!!!!!!!!!!!!!!!!!

[هند88]

والله العظيم ماحب اشارك في الحوار العام لان في ناس قلوبه سوده

[بلوتنيوم]

انا اقول المجمعات يسون جدول
يوم رجال ويوم حريم ويوم عائلات ويوم مغازل و3 ايام مختلط
وعقبها نقدر نحكم ونعرف من الغلطان:tease:

[feva qatar]

الله يهدي الجميع


وترى نادر البنت المستترة أحد يضايقها

:) بالعكس ياخوي ماعاد به حد يحترم المتغطية والا السافره

قبل فترة شفت شباب يعاكسون وحدة تمشي جنب الطوفة ومغطية وجهااا

يعني تغطيتي والا ماتغطيتي هالسلق بيعاكسونج ( ومكرمين الملايكة والاعضاء بس شي يطلع الواحد عن طورة )

[feva qatar]

!والحـــــــــــــل!

من كم يوم طرحت موضوع انه يتم تخصيص يووم فالاسبوع للحريم فقط ..واتمنى يوصل اقتراحي للمسوؤلين

لاحد يقولي عواءل وخرابيط ..الشباب صارو يدخلون ويقولون عوايلنا داخلين قبلنا كذب عيني عينك

يكون يوم نساءي
ويوم عواءل الي يبي يتسوق مع اهله
ويوم عام للجميع

[بـــــــنت النوخـّــــذه]

والله العظيم ماحب اشارك في الحوار العام لان في ناس قلوبه سوده

اهههههههههههههههههه من ؟؟؟<<تبغي اتوهقها

سؤال : انتي ماتعودتي عليهم 00000

[rawda]

اللوم عليهم كلهم فالسالفه !!

الشباب القطريين .. صيه على بنات الناس ومايدرون عن خواتهم وين ؟؟ يمكن هم صايره لهم نفس السالفه برضاهم في مجمع ثاني !! كلامي قوي صح ؟ بس هاي الواقع .. ،كلنا ندري ان الله مايضرب بعصا يعني جايهم يوم !


البنات .. صدقوني لو فبلادهم ماوصلو لمستوى تمشايه المجمعات ! حدهم بيت الحدايق العامه .. بس ليش نحاسبهم ؟؟ مب احنا جبناهم ووظفناهم برواتب دبل ترليون مره عن رواتب القطريين ؟؟


اخو البنات .. لايقعد يسويلي فيها قراندايزر .. لو يعرف شي فالدين كان ماخلى خواته بلبس الله يعلم فاضح او لا .. لكن اغلب الظن ان لبس الجاليات هذي يعتبر فاضح بالنسبه لي .. ولعاداتي وتقاليدي


فالنهايه .. القانون ان شاء الله بياخذ مجراه واتمنى لو كانت فيه كيمرات مراقبه

[الـعـنـيـده]

شدعووه كل واحد له يووم ،، كل واحد بينطرر دووره ،، !!
هاي مب حل لازم يكوون فيه مراااقبه ف المجمعاات ،، بدال اللي واقفين عند كل دواار خل يحطون كم واحد داخل المجمع مابيخسروون شي ،، وهالشي لصالح الشباب والبنات ،،

[مهاجر]

من كم يوم طرحت موضوع انه يتم تخصيص يووم فالاسبوع للحريم فقط ..واتمنى يوصل اقتراحي للمسوؤلين

لاحد يقولي عواءل وخرابيط ..الشباب صارو يدخلون ويقولون عوايلنا داخلين قبلنا كذب عيني عينك

يكون يوم نساءي
ويوم عواءل الي يبي يتسوق مع اهله
ويوم عام للجميع

والله قرار ممتاز حتى لو كان في نص الاسبوع ويتغير من مجمع الى مجمع كل يوم في مجمع

على الاقل الواحد يقدر يطرش هله اذا مايقدر يروح معاهم .....

والله يصلحنا ويصلح جميع المسلمين

[durra]

لو يطبقون العقوبة على المعاكسين وحتى المعاكسات بصرامة
جان اختفت معظم المشاكل والبلاوي

[المستقل]

هههه مسكين انت وين قاعد اي قرن ؟؟؟

أنا قاعد وعايش في بيئه (هل قطر) مش هل زوارة الخميس كما ذكر

مابي ابطل حلجي من الصبح واسندر راسي

لا والله فيك الخير خصوصاً الصبح!! حتى مايتسندر الكثير!!


بس يالليت تشوف بعينك بدل الناس ماتوضح لك :

ما في داعي أشوف هالأشكال يكفي ردودهم من خلال المنتدى

[المستقل]

اي صح .. شكلك وااايد اتروح الاند مارك ...


الحين صار تخلف؟ الواحد نادر يروح اللاندمارك!!!

[فيصـــل]

للاسف كثروا هالمبزره اللي ماوراهم الا هالمجمعات ..

ويتحرشون حتى في اللي حاشمه نفسها مع الاسف

[أم غانم]

المفروض نطبق نفس نظام هيئة الآمر بالمعروف والنهي عن المنكر اللي في السعودية عندنا..وبنرتاح

مع العلم إنهم حطوا العوين والعضيد .. والشرطة اللي على دراجات في المحمعات ؟ من فتره أعتقد

لكن ما قد شفناهم صراحة ؟


الله يعينا : ) ويستر علينا والجميع يارب

[السندان]

هذولا يسمونهم تربيت شوارع .. حتى لو طالع من البيت مارباه الا الشارع
لا ويقعدون في المجالس وينتقدون الخلق وهذا عيب وهذا غلط واذا راح المجمع انقلب 180 درجه

( وعلى شينه قواة عينه )غلطانين ويظربون الرجال عيب عيب استحوا على وجيهكم يابزران

[ممنوع اللمس]

لا يبه مانبي هيئة امر معروف ونهي عن منكر
اللي اكثر اللي ييتغشلون فيها اصلا منكر
والله ما نبيهم اصلا اهم نفسهم مادري شلون

[mohd89]

في الدول الاجنبيه تحصل البنت الشقرا وذاك الجمال الخلاب وناسيه البنطلون في البيت وتجد انه محد يطالعها ولا يتحرش فيها بالرغم من عدم وجود اي رادع ديني او اخلاقي لدى الشباب

أما عندنا الدين والاخلاق والعادات .. وتسمع أشياء الصراحه مخزيه الصراحه سواء من القطريين او المقيمين المسلمين الكل ما يرضى بهالشي

وأضن القضاء على هالامور يكون عن طريق التوعيه سواء للشباب او للبنات مش عن طريق الجلد او غيره

[ام شوشي]

من خلة نفسة سبوس العبت بة الدياي

[بسنا خرابيط]

الحين في اللاند مارك طايحين في حركة الشباب

تلقى ذاك الريال الكاشخ اشزينه مع اجنبي في الكوفي شوب

يابلفيت يعني جلسة عمل وكذا

ناس ما دري كيف تفكيرها

بس مهما كان ومهم صار الغلط على البنات اكثر من الشباب

البنت شيوديها في الليل مجمع .....!!!!!!

حبكت يعني ماتبي اتروح الا بالليل ....؟؟؟؟

وجهة نظـري الخاصــــه واتمنى وضع قانون يعاقب البنات قبل الشباب في لبسهم

[ولد النواخذه]

ياليت يطبق قرار ان يوم للسيدات فقط وخل الشباب ساعتها يطقون اصبع وايد مصخوها بعض شبابنا وقلة الادب والحياء وصلت لمراحل متقدمه

[a7medooo]

في الدول الاجنبيه تحصل البنت الشقرا وذاك الجمال الخلاب وناسيه البنطلون في البيت وتجد انه محد يطالعها ولا يتحرش فيها بالرغم من عدم وجود اي رادع ديني او اخلاقي لدى الشباب

أما عندنا الدين والاخلاق والعادات .. وتسمع أشياء الصراحه مخزيه الصراحه سواء من القطريين او المقيمين المسلمين الكل ما يرضى بهالشي

وأضن القضاء على هالامور يكون عن طريق التوعيه سواء للشباب او للبنات مش عن طريق الجلد او غيره

احلى رد والله :nice:

[lule]

واحنا نفكر اشلون ندعم ملف قطر لعام 2022 لازم نحط ضمن اهدافنا اشلون نغير عقلية شبابنا اللي ما يفكر الا في المجمعات والمغازل واستعراض السيارات ! شبابنا واسمحوا لي على هالكلمه صار تفكيره تافه

[بسنا خرابيط]

واحنا نفكر اشلون ندعم ملف قطر لعام 2022 لازم نحط ضمن اهدافنا اشلون نغير عقلية شبابنا اللي ما يفكر الا في المجمعات والمغازل واستعراض السيارات ! شبابنا واسمحوا لي على هالكلمه صار تفكيره تافه

لييتك اتفكر اشلون اتغير من تفكير اللي يدعم ملف من دون ما يدري وش اضراره

[خطوة]

باختصاااااااااااااااااااااار

المحترمه والي حاشمة نفسها محد يتعرض لها

لكن اسنمه البخت والعباة الي كنها فستان ومفتوحه

والكعب الي تمشي ويطقطق وراها هالاشكال انا اقول للشباب

عليكم بهم لاتخلونهم

[العقل الحر]

باختصاااااااااااااااااااااار

المحترمه والي حاشمة نفسها محد يتعرض لها

لكن اسنمه البخت والعباة الي كنها فستان ومفتوحه

والكعب الي تمشي ويطقطق وراها هالاشكال انا اقول للشباب

عليكم بهم لاتخلونهم


وانا اقول لك بأختصار

المحترم والي حاشم نفسه مب معترض على حد

وخلوا الناس العاديه الي ماتبيع مخدرات لانهم محتشمين

واقول حق الشباب عليكم بتجار المخدرات ولاتخلونهم تراهم يبيعون مخدرات وتعاطوا مخدرات احسن لكم !!

[فرحة الكواري]

من جعل نفسه سبوس .....


الله يهدي الشباب والبنات

[ام شوشي]

وانا اقول لك بأختصار

المحترم والي حاشم نفسه مب معترض على حد

وخلوا الناس العاديه الي ماتبيع مخدرات لانهم محتشمين

واقول حق الشباب عليكم بتجار المخدرات ولاتخلونهم تراهم يبيعون مخدرات وتعاطوا مخدرات احسن لكم !!


مااقدر اقولك الا ربي يكـــــــثـــــر من امثالك ويبارك فيك

[CH Engineer]

في الدول الاجنبيه تحصل البنت الشقرا وذاك الجمال الخلاب وناسيه البنطلون في البيت وتجد انه محد يطالعها ولا يتحرش فيها بالرغم من عدم وجود اي رادع ديني او اخلاقي لدى الشباب

أما عندنا الدين والاخلاق والعادات .. وتسمع أشياء الصراحه مخزيه الصراحه سواء من القطريين او المقيمين المسلمين الكل ما يرضى بهالشي

وأضن القضاء على هالامور يكون عن طريق التوعيه سواء للشباب او للبنات مش عن طريق الجلد او غيره

ياحبيبي فالدول الاجنبيه يغتصبون البنت فالشارع والعالم اطالع
في الدول الاجنبيه كل واحد ماشي مع القيرل فرند
في الدول الاجنبيه تمارس الدعاره في الشوارع
في الدول الاجنبيه محد لابس ولا محتشم
في الدول الاجنبيه الكل مفصخ على الشواطئ
في الدول الاجنبيه في مدرسه اعداديه في شيكاغو نسبة البنات العذارى 20%
يعني 80% مارسوا الجنس من قبل تخيل اعداديه 13-15 سنه فقط
:nice:




البنت تبي تكشخ وتتميع وتختار الي تبيه فالمجمع يعني يبون المغازل بس بقوانين تخدم مصالحهم!!
المشكله مب فالولد ولا البنت المشكله فالمجتمع.. فالانفتاح الي قاعد يصير :secret:

بعدين ماتلاحظون فودافون السبب عيل رقم سلطه ب 30 الف!!! :tease:

[ولد شرق]

كل الشباب الي يغازلون مليون بالميه خواتهم وحريمهم يغازلون ونفس الي يسونه ببنات الناس كذالك يسون باهله وهذه مو كلام من عندي بل كلام الحبيب رسول الله صلى الله عليه وسلم


السلام عليكم جميعا
انا اضم صوتي إلى صوت الجميع
المغازلجي لازم ينجلد او ينسجن على اقل تقدير و بنات الناس مب لعبه حتى لو كانت متبرجه هالشي مايعطيه الحق انه يلعوز بنات خلق الله
وانا اطالب بسجن كل من اتسول له نفس بالترقيم

اخوي بوجاسم كلامك عين العقل
بس الشيخ ممكن اتقول لي من وين جايب هالكلام؟ (وهذه مو كلام من عندي بل كلام الحبيب رسول الله صلى الله عليه وسلم)
فمادري هل كلام الرسول صلى الله عليه وسلم صار لعبه الواحد بدون مايدري شسالفه يألف كلام من عنده؟

[قطري !]

البنت المتبرجه المفروض تنجلد لين الله ياخذ روحها

[مهره]

فى بلادهم حرام الوحدة تتنقب وتلبس الحجاب اما فى بلدنا الوحدة متكشفة من راسها لساسها ويقولك حرية الله يستر علينا بس وعلى بنات امة لا اله الا الله

[toomi9]

ما في داعي أشوف هالأشكال يكفي ردودهم من خلال المنتدى
اذا ردك هاي تقصد فيه تشككني بنفسي فحـ .........
وعالعموم انا ردي وفكرتي كانت واضحه ان حتى المحتشمه ماقصروا فيها
الااا اذاااااا بعض الاعضااء الي هني عارف اكثر ومار بتجارب ان بس المتبرجه هي الي يتحرشون فيها فـ هذا شي راجع له :secret:
وعلى فكره مافي من الجنس الناعم هني قالت المحتشمه محد يتحرش فيها لان اغلبيتهم عارفين شلي يصير

[المستريح]

الحل الوحيد دعم الشباب للزواج عشان ينشغل بيته وعياله يعنى ينزل قانون الى يشتغل لازم يتزوج والبنات يقللون من شروطهم معلش اظن دخلتكم فى موضوع ثانى

[الملا]

باختصاااااااااااااااااااااار

المحترمه والي حاشمة نفسها محد يتعرض لها

لكن اسنمه البخت والعباة الي كنها فستان ومفتوحه

والكعب الي تمشي ويطقطق وراها هالاشكال انا اقول للشباب

عليكم بهم لاتخلونهم

كلام غير مقبول وغير منطقي

يعني انت ترضى على نفسك تلحق وحده ايا كانت البنت

الحين مافي قانون في اغلب المجمعات يحدد اللبس الا اللهم بعض المجمعات كحياه بلازا . ونحن قبلنا ثقافات معدده وكل ثقافه عنده مفهوم للبس والجنسيات العربية غير الخليجية ثقافتها في اللبس تختلف عنا هل هذا يعني اول مااشوف وحده الحقها !!

[Ghroor]

كل شخص يعكس تربيته

[ParadEyes]

وترى نادر البنت المستترة أحد يضايقها

في المدينة الفاضلة مو في الدوحة

[بن خالد 2005]

الله يذكرك بالخير يا عبدالله بن خالد

:this::)

[خطوة]

العقل الحر والملا افهم من ردكم انكم عاجبكم التبرج

وتشوفونه حق شخصي؟؟؟

والله الي راضي على اهله التبرج لايلوم الشباب لاعاكسوهم

استغربت جدا ان اجد في الشباب من يشجع التبرج

لازلت مصره ان كل متبرجه تستحق نتائج تبرجها

[الغالي!]

الله يهدي الجميع


وترى نادر البنت المستترة أحد يضايقها

ةالله كلامك صححححححححححححححححححححححححححح 100%

[العساس]

الحمدلله الذي فضلانا على كثير من الخلق وعافانا من مابتلاهم به

[latty]

الله يعين هالشباب المراهقين ويكون بعونهم وهم امانه باعناق من هم مسؤولين عن اداب السلوك العام

الصراحه بعض لبس البنات يخلي الشايب يفقد اعصابه كيف شباب مراهق

[ابوخالد السل]

لا زم نرجع بالاسواق الى حالتها القديمة مكان للتبضع والخروج سريعا
خذ حاجتك واطلع
وليس مكان للتسكع والجلوس ومضايقة خلق الله والاتيان بممارسات مشبوهة من الجنسين
المسائل على راي المصري بهوقت
وبالخليجي الماي زاد على الطحين


والله يستر من الجاي !!

[بومحمد55]

من كم يوم كنت رايح جنغل زوون مع العيال والكلام هذا صار جدامي في 2 من الشباب كانو يبون يدخلون
ومنعهم رجل الأمن لأنهم مامعاهم عائله وهم واقفين عند الباب ،، كان في ثلاث بنات مشاء الله عليهم
مكياج كامل والعبايه اللي كنها دفتر رسم وهم داخلين الشباب قالو حق البنات دخلونا معاكم والبنات مشاء الله عليهم طيبات راحو حق السكورتي وقالو له أن الشباب معاهم ودخلو ......

من رأيي أذا كان هناك قانون ضد الشباب يجب أن يكون أيضا قانون ضد البنات
ليش أذا البنت أشتكت الرجل ينسجن وأذا الرجل أشتكى البنت تاخذ تعهد وتطلع ؟؟

[um nawaf]

السلام عليكم ورحمة الله وبركاته

وحدة من الخوات قالتها .. (هو في أحد للحين يغازل)..

أنا لين يصادفني أحد يغازل .. أول شي أقوله في نفسي .. ((بللللللل ... مال أوووووووووول :) ))

عندي كم نقطة حابة أعلق عليها بالنسبة لهالموضوع ..

أول شي أرد على كل من قال إن المحتشمة محد كفو يتحرش فيها ..

أنا أقول إنهم ما يدرون عن شي .. والمحتشمات هم اللي يذوقون هالشي في كل طلعة للمجمع..

قل الحيا لهالدرجة .. ولا تستغربون ولا تحلقون شواربكم

ثاني شي .. اللوم مب على الشباب بس .. أنا في رايي إنه على الجنسين بحد سواء بغض النظر عن الجنسية واللون..

لأن اللي بيحشم نفسه .. ما راح يشوف المتبرجة ولا المحتشمة ولا يتعرض لها ..

ثالثاً.. أقول للي يفكرون في مظهر البلد قدام الفيفا وغيرهم .. يسمحون لي أعارضهم بهالنقطة ..
اللي يهمنا مظهرنا كدولة إسلامية أولا وعربية ثانيا.. واللي يهمنا أكثر قيم ومبادئ ديننا

يمكن هالكلام يوحي يالتفلسف .. بس هو في رايي المفروض إنه يتطبق .. خوفاً من رب العباد .. وليس من العباد نفسهم ..

رابع شي .. في رايي هناك أسباب كثيرة لهالظاهرة وأكثرها أسباب انذكرت بس حابة أجمعها مع بعضها:

1- كثرة المقاهي في المجمعات هي أهم الأسباب لتجمع الشباب وخاصة في مجمع اللاند مارك.. والمجمعات الثانية أرحم بشوي بس وإلا في الحقيقة (زيد أخو عبيد)

أحياناً أمشي بمجمع أبغي أروح أسحب (مثلاً) من ال atm والله ألقى نفسي جدام المقهى وألقى الشباب قاعدين فيه لا شغلة ولا مشغلة .. الوحدة في هالحالة تصير فرجة لهم لا حيا ولا مستحى

وإلا وايد تصادفني أبغي أشتري ملابس نسائية سواء فستان وإلا غيره .. أستحي أطالع في الفترينة (الواجهة) بسبة تجمعات الشباب اللي تصير في ممرات المجمع وقدام المحلات..

2- السبب الثاني وهو الأهم ((الأهل)) وينهم عن بناتهم .. خلونا من الشباب لأن الأسرة ما تقدر تتحكم في الشاب وهو برع البيت ..
لكن البنت .. وين أهلها عنها ..
بعض الأمهات الله يصلحهم وحتى الأبهات .. تلقاهم شايفين بنتهم طالعة متبرجة ورايحة المجمع .. وهم عندهم خبر وين رايحة .. وعادي ( روحي يبا والا يما استانسي ولا تزعلين ... ليييييش)

اللي يحزنني أكثر إني أشوف البنت ظاهرة من بيتها مع أمها وأبوها وهي حاطة مكياج كامل ومطلعة القذلة ولابسة من العبايات اللي هابين فيها هالأيام.. وماشية ويا أبوها ..

ووووووووووووووووووووين الغيييييييييييييييييييييييييييييييييييييرة ...

لهالدرجة وصلنا ؟؟؟ ما نغار على عرضنا ..

حتى بعض الرياييل (الله يصلحهم) يمشون جذي مع زوجاتهم في المجمعات والأماكن العامة .. وأنا أعرف ناس يطلبون من زوجاتهم يطلعون معاهم بهالصورة لأن بريستيجهم ما يسمح لهم يمشون معاهم وهم محتشمات .. (الله يستر علينا بس)

3- السبب الثالث .. لازم تنحط رقابة أمنية على هالمواقف اللي تصير في المجمعات من قبل المجمع نفسه .. وفي النهاية كل واحد رقيب على نفسه..

وفي رايي بالنسبة للي يقول إن يبيلهم (هيئةالأمر بالمعروف والنهي عن المنكر) .. هالكلام ما راح ينفع ..

المفروض الخوف يجي من داخل الشخص نفسه موب من جهة تفرض عقوبة .. (يمكن تنفع مع البعض بس)

أو بمعنى آخر التربية والوازع الديني لهم دور كبير

لكن ما نقول غير حسبي الله ونعم الوكيل

ودمتم في رعاية الله

أم نواف