المساعد الشخصي الرقمي

مشاهدة النسخة كاملة : السجل التجاري : متطلباته و اجراءاته


إنتعاش
19-04-2005, 09:28 AM
السلام عليكم ورحمة الله وبركاته

الاخوان الكرام حياكم الله

بالنسبة للسجل التجاري

وعملية إنشاء شركة او مؤسسه معينه

ماهي الاجراءات الواجب على الشخص القيام بها بالضبط ؟


وما اختلاف الاجراءات ما بين إنشاء شركة او مؤسسه ؟



اتمنى ان نستفيد من خبراتكم في هذا المجال وشكرا لكم
حبيـ M ـبها
19-04-2005, 11:16 AM
هلا اخوي انتعاش ..

بالنسبة للسجل الغاالي .. كل اللي عليك .. تكتب كل الاسماء اللي وارده في بالك اللي حاب تسمي بها نشاطك

وتتجه لوزارة الاقتصاد اللي في الكورنيش مقابل السلام .. قسم السجلات وتطلع فوق ..

خذ طلب سجل جديد .. وعبيه الغالي واترك الاسم فاضي لين هم يشيكون لك على الاسم اللي انت حابه ويشوفونه

حد ماخذه ولا لا .. وبعدين تاخذ رقم وتنتظر الدور والله يعينك .. وتدفع مبلغ والله ماني متذكر كم ..

بعدين تنزل تحت في الطابق الارضي حق الغرفة التجارية .. وتقدم على اشتراك عندهم .. وتدفع مبلغ على ماذكر 595 ريال ماني متاكد والله بس اقل من 600 اكيد ان شاء الله .. وبعدين تروح على البلدية وتكون جايب لهم صور حق المحل اللي انت بتفتحه صورة تكون واضحة .. يعني صور المحل في الظهر احسن .. واذا كانت البناية جديدة حاول تجيب لهم مخطط البناية + الصورة الخاصة بالمحل ..

وبس الغاالي ..

واذا في شئ انا حاضر ارد واشرحه لك ..
إنتعاش
19-04-2005, 11:47 AM
هلا فيك اخوي الحبيب اشكرك على التوضيحات والمساعده

لكن اخوي بالنسبة للمحل

هو قائم حاليا

يعني وكالة معينه


واللي ماسك وكالتها حاليا يبي يتنازل عنها

فلذلك عشان اخذها يجب علي اصدار سجل تجاري شخصي

وللوكاله موقعين في قطر

فمادري اذا عندك إمكانيه تزيدني معلومات واكون لك شاكر الحقيقه
sulai6i
19-04-2005, 12:00 PM
اخوي انتعاش

اذا مكتوب في جوازك ( موظف ) اعتقد ما يعطونك سجل تجاري

تأكد من الموضوع

انا والله ما اتذكر شلون طلعت السجل مالي .. سجلي قديم من سنة 1982
إنتعاش
19-04-2005, 12:01 PM
لا اخوي

مب مكتوب موظف

في الجواز


عشان جذيه نبي نستغل البتاع يعني :)
الشقيان
19-04-2005, 12:06 PM
اذا مكتوب في جوازك ( موظف ) ما يعطونك اخووووووووووووي

انا عندي من سنة 1987 القديم لونه حمر :D :D
إنتعاش
19-04-2005, 11:20 PM
هلا فيك اخوي الشقيان

لا اخوي مش مكتوب في الجواز موظف

فياريت تفيدوني اكثر واكون لكم شاكر
qatari1
19-04-2005, 11:45 PM
اخي الكريم انتعاش....
حتى لو مكتوب في جوازك موظف لازم يكون السجل التجاري شركة وليس مؤسسة...
ومادامت الشركة قائمة، وقمت بشرائها سواء لوحدك أو بالاشتراك مع آخرين....فيمكنك شراء السجل التجاري الموجود حالياً...
وهناك نموذج في السجل العقاري-في مبنى وزارة العدل(برج السليطي)- لبيع الشركات والمؤسسات...ويكون الموضوع سهل وبسيط جداً...
وهناك إجراءات أخرى في وزارة الاقتصاد والرخص التجارية في البلدية التي تقع فيها الشركة ذا أردت تغيير الإسم التجاري أو تغيير المقر....
حبيـ M ـبها
20-04-2005, 03:51 AM
اخوي انتعاش .. دامك طالب في الجواز من حقك تاخذ لك سجل تجاري .. وبالنسبة للتنازل تقدر تتبع الخطوات نفس ماقلت لك وتوقف عند خطوة البلدية ..

واسهل طريق لك روح هناك والاخوان ماراح يقصرون معاك ان شاء الله ..

وانصحك قدم على سجل خدمات .. هذا اسم اذا ماخاب ظني لانه عن طريقه تقدر تاخذ توكيل وهالسوالف ..

وكل مازدت نشاط تروح لهم هناك وتضيف النشاط الجديد على السجل القديم ..

والموضوع ترى ماياخذ منك ووقت .. وبيضيع وقتك هناك خذ لك رقم وافطر في اوبرا اللي هناك في نفس الطابق وانت قاعد تابع شاشة البورصة .. يعني سهلاات ان شاء الله :)

تحياتي لك
الوهم
20-04-2005, 04:47 AM
اخوي انتعااش .... روح للاخ مجدي في الطابق الارضي وبيفيدك ان شاء الله
ســهم عايـــم
11-10-2005, 09:55 PM
لا اخوي

مب مكتوب موظف

في الجواز


عشان جذيه نبي نستغل البتاع يعني :)


اخوي الكريم
حتى لو مكتوووب موظف تقدر تطلع سجل تجاري ما يخالف
الفرق بس في نوع الشركة
يعني لو كنت موظف حكومي ما تقدر تفتح مؤسسة
اما لو كنت موظف غير حكومي تقدر تفتح مؤسسة وشركة ما يخالف
ودمتم سالمين
ســهم عايـــم
11-10-2005, 10:16 PM
واحب اضيف الى كلام اخوي Qatari1
في برج السليطي
تحتاج تسوي عقد مبايعه بينك وبين المالك للسجل الاصلي مما يتطلب الحضور الشخصي للاثنين
ويتم توثيقه هناك في السجل العقاري
وبعدين تروح وزارة الاقتصاد والتجارة وتسوي عقد تأسيس جديد للشركةب 360 ريال وترفق صورة من عقد المبايعه في الطلب علشان ما تدفع مبلغ 200000 ريال اللي هي لراس مال الشركه اللي يجب ايداعه في البنك
ونصيحه اخوي اذا انت بتشتري الشركه بأقل من 200000 ريال الاحسن انك تتفق مع صاحب السجل بانك تكتب قيمة الشراء في عقد المبايعة بمبلغ 200000 ريال علشان ما تضطر انك تودع الباقي في البنك
يعني شوية حركات بطالية
وبعد ما تخلص من الاقتصاد والتجارة تروح البلدية وبموجب عقد المبايعه تنقل اسم مالك الشركة باسمك ولاتنسى تغير عقد ايجار المحل باسمك ومن ثم تروح الجوازات وتسوي نفس الشي لان لازم يكون عندك بطاقة منشأة
وبيطلبون منك بطاقة المنشأة القديمة اللي بأسم المالك القديم وبتغيرها باسمك
وبعدين لا تنسى تسوي الغاء للسجل القديم من وزارة الاقتصاد والتجارة
وحط في بالك انك بتدفع للبلدية نفس الرسوم اللي بتدغعها كما ولو كنت بتفتح سجل جديد
والله يعينك على المصاريف لانها ارتفعت جميع رسوم الرخص التجارية من فترة
وفي شي مهم بعد
تروح للبنك اللي موجود فيه حساب الشركة وقبل لا تروحله تاخذ من المالك كتاب عدم ممانعه بنقل الحساب لاسمك وبتسوي الغاء لتوقيعه المالك والشركاء القدامى وبتضيف توقيعك وتوقيع الشركاء اللي معاك ان وجد وبالتالي بتنتقل ملكية الحساب لك انت.
واذا تذكرت شي بقولك عليه
اتمنى اني اكون جاوبت على اسالتك

والله يوفقك ويعينك على هالمغثة