الحج على حساب الدوله

[همي رضى ربي]

متى يبدا التسجيل الحج وشنو مطلوب للحج على الدوله اذا كانت الظروف ماتسمح للواحد يحج على حساب نفسه وجزيتم خيرا

[باسكن روبنز]

آحلى موضوع قريته اليوم ويمكن يستفيدون منه ناس وايد ،
ان شالله يفيدونك النشامى ، :)

[البدع]

انا مرة كنت في الحج

وشفت باص مكتوب عليه حجاج على نفقة امير قطر

بس ما ذاكر وش اسم الحملة

اظن اسمها (الركن الخامس) شيء من هذا القبيل

[الكونجرس]

سالت واحدوقال انه كان عندهم في رمضان وساءلهم متى يقفلون التسجيل قال بعدرمضانوالي قدموا على الحج ينتظرون مسج بعد اسبوع من الاحد هذا
بس اتصل على لجنه الحج القطريه واستفسر احتمال يكون فيه مجال

[الكونجرس]

الاوراق المطلوبه
شهادة راتب للرجل فقط
شهاده من سوق الاوراق الماليه بلأسهم لمقدم الطلب
شهادة من برج السليطي بالعقارات المملوكه لمقدم الطلب
يفضل كشف حساب اخرثلاث شهور
وفيه لجنه تدرس الطلبات*
الطلبات للقطريين فقط

[باسكن روبنز]

الاوراق المطلوبه
شهادة راتب للرجل فقط
شهاده من سوق الاوراق الماليه بلأسهم لمقدم الطلب
شهادة من برج السليطي بالعقارات المملوكه لمقدم الطلب
يفضل كشف حساب اخرثلاث شهور
وفيه لجنه تدرس الطلبات*
الطلبات للقطريين فقط

حسسوني أنهم بيرقدونهم في هيلتون مكه بو5 نجوم والمواصلات في الهمر اللميوزين ،:rolleyes2:
يعني شفيها لو خلوو الحج كامل بالمجاااان اصلاً ! ،




أضعف الأيمان يخصصون الأفضليه مره وحده بس لكل قطري ،
الدوله الحمدلله مهب عاجزه عن هالشي وأجرهم عند الله كبيررر ويشجعون الناس على الحج وأولى من صرف مليارات على خرابيط كوره ،:(

[روح الاطلس]

باسكن مايجوز الحج على نفقة الغير لو كان الشخص مقتدر

يعني الدولة لو تبي تحط الحج لكافة القطريين مجاني ماعندهم مشكلة

بس شرعا مايجوز


فاللي يحجون على نفقة الدولة لازم يثبتون انهم محتاجين وغير قادرين على الحج على نفقتهم وهالشيء بين الانسان وربه

فالحج لمن استطاع اليه سبيلا والاستطاعة تشمل الامور المادية

لو الشخص متعسر ماديا وماعنده يحجج نفسه فلا يحج على حساب غيره

[باسكن روبنز]

شكراً لتوضيحج عن رأي الشرع بهالخصوص ياروح الاطلس ،
أذا كذا عيل ماعندي تعليق أخر ،



كل ألي تمنيته هو الخير لآهل بلادي ،:)

[روح الاطلس]

العفو اخوي باسكن

ولانك انسان خيٌر تحب الخير للغير

بارك الله فيك