&& المجلس الأعلى .. صُناع القرار فيه ضايعين بمعنى الكلمة &&

[خليفـة]

اليوم رحت المجلس الأعلى اراجع لموضوع يخص الاهل بشأن التنقل من مدرسة الى مدرسة اخرى .

شي مو طبيعي الي هناك .. الكل ضايع .. بداية من السيد / سعيد السيد رئيس قسم الموارد البشرية .. الى احدث موظف هناك .

تدفق المراجعين بالمئات من بداية الدوام صباحا

المواقف مكتضة بالسيارات .. والاصنصيرات لم تتوقف عن العمل لحظة

مشاكل اخوانا واخواتنا المدرسات مختلفة
وسمعت بعض المشاكل وانا انتظر في داخل مكتب السيد سعيد يشيب لها الراس احيانا .. وينفجر الواحد من الضحك عليها احياناً اخرى .

لاحول ولا قوة الا بالله

اذا كان صُناع القرار في المجلس الأعلى هم انفسهم ضايعين ومو عارفين يرتبون احوال المدرسين والمدرسات والاداريين .. شنو وضع الموظفين اذاً ؟؟

الله يرحم ايام التربية والتعليم .. والله انها كانت ايام حلوة

[الكونجرس]

اية والله ضايعين وبيضعونا معاهم

[شموع قطريه]

والله المسؤولين مايعرفون راسهم من كرياسهم فما بالك باليوم المدرسي الاول واللي توافد عليهم المئات من المدرسين والمدرسات اللي وزعوهم توزيع عشوائي وغير عادل علاوه على صدمة المدرسات في اول يوم دراسي وتفاجئهم بتوزيعهم في المدارس كفائض ولم توكل لهم ادارة المدرسه اي عمل لعدم حاجتها لهم ووضعهم في غرفه منفصله وتسميتها بغرفة المدرسات الغير مثبتات بالمدرسه !!! بصراحه هذا المسمى جديد بالنسبه لتاريخ المدارس بسبب التخطيط العشوائي في توزيع المدرسات وعدم رغبة اصحاب التراخيص بضم اعداد كبيره من المدرسات والاكتفاء بعدد محدود منهن واستهلاك المدرسات المثبتات بالمدرسه وتكليفها بمنهج ثلاث مدرسات ( يعني خلوها ثلاثه في واحد ) علشان يوفرون في الرواتب .. وين ماتبون مبنى المجلس يكتظ بالمدرسات والمدرسين .. الله يكون في عونهم بس

[ام شوشي]

ليش مش غريبة على المجلس الاعلى تعودنا عليهم وهذا اصبح شي عاادي هم من عرفناهم مختبصين وفوضويين ولا عندهم تنسيق والله يكون با العون

مشكور اخوي مالكم امل وكـــــــــل عااام وانت بخير

[خليفـة]

والله المسؤولين مايعرفون راسهم من كرياسهم فما بالك باليوم المدرسي الاول واللي توافد عليهم المئات من المدرسين والمدرسات اللي وزعوهم توزيع عشوائي وغير عادل علاوه على صدمة المدرسات في اول يوم دراسي وتفاجئهم بتوزيعهم في المدارس كفائض ولم توكل لهم ادارة المدرسه اي عمل لعدم حاجتها لهم ووضعهم في غرفه منفصله وتسميتها بغرفة المدرسات الغير مثبتات بالمدرسه !!! بصراحه هذا المسمى جديد بالنسبه لتاريخ المدارس بسبب التخطيط العشوائي في توزيع المدرسات وعدم رغبة اصحاب التراخيص بضم اعداد كبيره من المدرسات والاكتفاء بعدد محدود منهن واستهلاك المدرسات المثبتات بالمدرسه وتكليفها بمنهج ثلاث مدرسات ( يعني خلوها ثلاثه في واحد ) علشان يوفرون في الرواتب .. وين ماتبون مبنى المجلس يكتظ بالمدرسات والمدرسين .. الله يكون في عونهم بس
الله المستعان
وكلامك كله في محله اخوي


ليش مش غريبة على المجلس الاعلى تعودنا عليهم وهذا اصبح شي عاادي هم من عرفناهم مختبصين وفوضويين ولا عندهم تنسيق والله يكون با العون

مشكور اخوي مالكم امل وكـــــــــل عااام وانت بخير

هلا اختي ام شوشي
وكل عام وانتي بخير ان شاء الله
والله يعين الموظفين على ماجاهم

[حسن]

انا ابي اعرف ليش سرنا الى هلالوضع وهل العمليه مقصوده ومن المتسبب والمسئول الاول حد يقدر يجاوب علي ارجو منكم التوضيح وجزاكم خير

[ميمي 88]

اخوي مالكم امل !

مالك امل ولالنا امل بذا المجلس !

انا من الساعه 7ونص واقفه عند مكتب السيد وزحمه وحااااله والسيد موموجود ومع اني لاحظت اسمه مو ع الباب الا اني وثقت بفتوى موظف هناك سئلته عن السيد وقال للحين ماجاء
- طيب متى بيجي
- مادري يمكن بعدين
- متى بعدين مادري يمكن عشر
ومشى وخلاااااني واقفه القهر القهر القهر اني ظليت واقفه من الساعه 7ونص للساعه 9
حسيت شكلي بايخ ومجرد للفرجه وكتم النفس من الزحمه فقلت امشي احسن لي السيد شكله انحاش من مشاكلنا

وانا انتظر عند الاصنصير سمعت موظفتين يتحندون من الزحمه وقالت وحده انتو زحمه عاملات احنا تحت زحمه مدرسات !!

انا كنت بالدور الثالث عند مكتب السيد سابقا (شكلهم غيروه مع الترقيه)
قلت لها ممكن اعرف الكاونترات الي تحت ليش قالت مادري قلت انا ابي السيد من الصبح انطره قالت السيد عندنا تحت :eek5:
انا ساعتين ونص واقفه وهالموظف الغبي يتمشى رايح جاي ماقال بنفسه اخذ فيها اجر واقول لها روحي تحت !
او ماصك حلجه بدون فتاوي لما قال السيد موموجود ومايدري متى بيداوم ومخليني مسمار جحا عند مكتبه

والله ثم والله متحسفه اني ماسئلت الفراش لانه هو الوحيد الي بيفيدني وتكون عنده الاجابه الشافيه وبعرف وين السيد حتى لو في المريخ بس درس وان شاء الله اتعلم منه

نزلت مع الموظفه الله يجزاها خير وروتني المكتب جيت بدخل :(
ماقدرت:(
زحمه:(
رجال ع الباب:(
حريم داخل محاصرين السيد:(
وهو واقف وشكله بيطلع:(

رجعت ورا وظليت خارج المكتب قلت لحد مايهدون شوي وادخل ثواني الا الحريم طالعين والسيد طالع

سمعت من صديقه ان كان عنده لقاء بالاذاعه شكله طلع عشان يروح مكان هادي ويناقش موضوعنا بالاذاعه ويطمن العالم :o

ماقول غير الله المستعان
لامباشره ولامدرسه ولامكان يبينا والصراحه احنا ماعاد لنا نفس نروح مدارس

[خليفـة]

اخوي مالكم امل !

مالك امل ولالنا امل بذا المجلس !

انا من الساعه 7ونص واقفه عند مكتب السيد وزحمه وحااااله والسيد موموجود ومع اني لاحظت اسمه مو ع الباب الا اني وثقت بفتوى موظف هناك سئلته عن السيد وقال للحين ماجاء
- طيب متى بيجي
- مادري يمكن بعدين
- متى بعدين مادري يمكن عشر
ومشى وخلاااااني واقفه القهر القهر القهر اني ظليت واقفه من الساعه 7ونص للساعه 9
حسيت شكلي بايخ ومجرد للفرجه وكتم النفس من الزحمه فقلت امشي احسن لي السيد شكله انحاش من مشاكلنا

وانا انتظر عند الاصنصير سمعت موظفتين يتحندون من الزحمه وقالت وحده انتو زحمه عاملات احنا تحت زحمه مدرسات !!

انا كنت بالدور الثالث عند مكتب السيد سابقا (شكلهم غيروه مع الترقيه)
قلت لها ممكن اعرف الكاونترات الي تحت ليش قالت مادري قلت انا ابي السيد من الصبح انطره قالت السيد عندنا تحت :eek5:
انا ساعتين ونص واقفه وهالموظف الغبي يتمشى رايح جاي ماقال بنفسه اخذ فيها اجر واقول لها روحي تحت !
او ماصك حلجه بدون فتاوي لما قال السيد موموجود ومايدري متى بيداوم ومخليني مسمار جحا عند مكتبه

والله ثم والله متحسفه اني ماسئلت الفراش لانه هو الوحيد الي بيفيدني وتكون عنده الاجابه الشافيه وبعرف وين السيد حتى لو في المريخ بس درس وان شاء الله اتعلم منه

نزلت مع الموظفه الله يجزاها خير وروتني المكتب جيت بدخل :(
ماقدرت:(
زحمه:(
رجال ع الباب:(
حريم داخل محاصرين السيد:(
وهو واقف وشكله بيطلع:(

رجعت ورا وظليت خارج المكتب قلت لحد مايهدون شوي وادخل ثواني الا الحريم طالعين والسيد طالع

سمعت من صديقه ان كان عنده لقاء بالاذاعه شكله طلع عشان يروح مكان هادي ويناقش موضوعنا بالاذاعه ويطمن العالم :o

ماقول غير الله المستعان
لامباشره ولامدرسه ولامكان يبينا والصراحه احنا ماعاد لنا نفس نروح مدارس

لاحول ولا قوة الا بالله
الله يكون بعونج اختي ان شاء الله
والله انا بنفسي اليوم شفت العشرات من المدرسات وكل وحده تعاني من الانتظار ومضيعة الوقت
نتمنى حل مشاكل كل موظفين المجلس الاعلى بأسرع وقت ممكن

ارحموا من في الارض .. يرحمكم من في السماء

[ميمي 88]

لاحول ولا قوة الا بالله
الله يكون بعونج اختي ان شاء الله
والله انا بنفسي اليوم شفت العشرات من المدرسات وكل وحده تعاني من الانتظار ومضيعة الوقت
نتمنى حل مشاكل كل موظفين المجلس الاعلى بأسرع وقت ممكن

ارحموا من في الارض .. يرحمكم من في السماء



قصدك مئات :)

للاسف كنت اتمنى لو رقم عديل الروح عندي ويساعدني اقل شئ بسئله عن السيد ويفيدني
بس للاسف ماكان رقمه عندي لان !!!! الاخوان بالمنتدى ماشاء الله عليهم جدا متعاونين ويخدمون
وساعدوني :(

الا وحده ربي يوفقها وجزاها الله خير
بس بعد كل تاخير وفيه خيره ان شاء الله

[شبعان]

مالكم الا توصلون الموضوع للشيخه/ موزه..

[ميمي 88]

مالكم الا توصلون الموضوع للشيخه/ موزه..



من !

جبتها ع الجرح

ليتني(( انا)) الي اوصل للشيخه موزه مو الموضوع !!!!!!!!!!

اااه متى يتحقق حلمي بس :(

[rarayyan]

مع احترامي لكم كيفيه حل هذا الموضوع ليس بمقابلة الامير او ولي عهدة الامين او الشيخة موزه الحل في يد الامين العام للمجلس الاعلى للتعليم وهو المكلف بحل هذة القضايا عيل ليش حاطين وزير والي المفروض يكون قد وضع استراتيجيه لحل كل المشاكل هذا اولا ثانيا المجلس الاعلى مشربك او بمعنى اصح لايوجد تنظيم اداري تلقى كل يخيط ويبيط على كيفة خصوصا ان القيادات التربوية القديمة ذهبت ادراج الريح مع ان كان لها مساوء كثيرة الحل يجب تنظيم الادارات التربوية ووضع متخصص مرن على كل ادارة + لمن اراد البند المركزي تحويلة بسهولة ويسر + اعطائة استحقاقاتة ودرجاته كاملة.

[بوحارب]

خاطري اشوف حد يمدح المجلس الأعلى :(

[الميزان 1969]

تبين رقم عديل الروح عشان يعطيج رقم السيد ......
اممممممممممممممممم
مدري
يمكن

[خليفـة]

عديل الروح ما يقصر وفيه الخير
ولكن
يد وحده ما تصفق يا جماعة الخير
المفروض الكل هناك يكونون عارفين اتجاههم وين .. وتكون الامور واضحه عندهم

ولكن

الله المستعان

[عيوني لك]

خاطري اعرف عديل الروح منهو ؟؟؟؟؟؟ والله لادعيله في كل وقت

[%حورية قطر%]

يا جماعه هل صحيح اللي حولوهم ع الاخلاص يعتبرون فائض وبيعطونهم البند ؟؟؟؟؟

البند صار حق ناس وناس عجبي والله!!!!

[قطرية حنونه]

ضايعيـن بمعنى الكلمه

[ولد البدر]

رحت اليوم المجلس الأعلى وشفت التخبط بحذافيره زحمة حريم ، حتى الفراش داس على عباية مره وبغا لا يطيح عليها من الزحمة وبغيت اختم ورقة ما قدرت من التزاحم ما لك محط ريل آخر شي زهق الموظف من الزحمة وقال خلاص اللي عمرها فوق الخمسين تجي عقب بكرة واللي أقل من خمسين بنخلصهم اليوم وطلع مادري وين راح وبعدين خفت الزحمة شوي

[ميمي 88]

يا جماعه هل صحيح اللي حولوهم ع الاخلاص يعتبرون فائض وبيعطونهم البند ؟؟؟؟؟

البند صار حق ناس وناس عجبي والله!!!!

:o انا منهم :shy:

حوريه بختصرها لج كل شئ بالمجلس يصير :(
يعني انا وانتي عادي نطلع رافعين الراس بشوته محترمه من المجلس على البند
رغم ان اعمارنا ماوصلت لسن التقاعد

عاد تدرين وشو المضحك اليوم وانا انطر السيد فوق كل الموجودين عاملات وحده اتصلت لصديقتها وواقفه جمبي تقول لها من الاخر كم عمرج واقول لج فيه ولا مافيه بند الظاهر صديقتها طلعت اقل من 50 فردت عليها استريحي مافي بند لنا لازم نوصل ال 50 وتقول لها انا اخترت مدرستي واذا رفيجتها تبي نفس المدرسه بتثبتها:o

ياااااه سهااااااااااالات الموضوع !
ناس تبيه ورافضين يعطونه وناس متعلقه بين السماء والارض لاعارفه ارضها من سماها
يله مساكين يكسرون الخاطر بس جد ! الله يرحم ايام التربية والتعليم عمري ماشفت مثل هالانكسار والشحططه للكل عاملات كبار بالسن تسحب رجولها جايه للبرج

مناظر الصراحه تتعب القلب


الي تقول تبين عديل عشان رقم السيد لاياروحي كنت ابي شخص خدوم وغيور على خواته
واقل شئ كنت لوسئلته عن مكان السيد وانا صايره مسمار جحا بدون فايده:(

[Bu Rashid]

هههههههههههههه
بس صناع القرار .. الا الجميع ضايع

[%حورية قطر%]

ياحييج يا ميمي والله يوفقج بوظيفه سنعه واحسن من هالمكان الكئيب والمتخبط واللي ما يعرفون فيه
راسهم من كرياسهم !!!!!!
كنت اتمنى البند لكن

ما كل ما يتمناه المرء يدركه تجري الرياح بما لا تشتهي السفن

[خليفـة]

من ضمن المشاكل الي سمعتها اليوم :

مدرس ساكن في الرويس .. ومحولينه لمدرسة في الوكرة
:omg:

قسم بالله لما شفت المدرسات وهو يطالبون بتعديل اوضاعهم الوظيفية .. ضاق صدري

الله يعين الجميع

[ميمي 88]

بعد اذنك مالكم امل ادري موضوعك صار كله انا بس شاشوي الهم واحد:(





ياحييج يا ميمي والله يوفقج بوظيفه سنعه واحسن من هالمكان الكئيب والمتخبط واللي ما يعرفون فيه
راسهم من كرياسهم !!!!!!
كنت اتمنى البند لكن

ما كل ما يتمناه المرء يدركه تجري الرياح بما لا تشتهي السفن

والله يوفقج حبيبتي احنا نودي اوراقنا منيه ومناك ومستحين وحالتنا حاله ومكسوره خواطرنا
لان عارفين محد بينادينا وروحتنا بدون فايده ,,, عاد الشئ الجميل والمنعش والرائع ان الي ياخذ اوراقج اخ او اخت عربيه :) شئ جميل صراحه:) عيال البلد مهاجرين عشان يحطون عربي :)

ياشيني لااشتطيييييت:(

[القطو السمين]

لا ولي يحر ان مشرووع المجلس الاعلى ففففففففففففففففففففففاشل ومع ذلك مستمريين فيه من وراء هالمشرووع الفاشل لابد يتحاسب الاجيال هذي مهيب لعبة ياليت انها خسارة فلوس بس احنا نخسر شباب الي هم الاستثمار الحقيقي للبلد اه اه تعبت وانا اردد هالجملة في ميزان حسناتي انشالله .

[تربوي]

والله اعلم اللي شفته ووبصراحة ما اقدر اوصفه مثلكم .....

والله الم .... ما سطرتموه ....

والم ما سمعته في وطني صباح الخير اليوم ....

مدير .... يقول ان المشكلة فقط في 5% وتصحح له مراجعة على الهواء هذه النسبة !!!

واخرى تقوله انت طردتني من مكتبك وما جاوبتني ولذلك انا اتصلت على الهواء لعلك تقدر جاوبني ...

ان كان هذا الحال يا مالك امل .... فمالك امل ..

هذه الحلقة مسجلة من وطني الحبيب صباح الخير ...

http://www.qatarradio.net/

[%حورية قطر%]

بعد اذنك مالكم امل ادري موضوعك صار كله انا بس شاشوي الهم واحد:(






والله يوفقج حبيبتي احنا نودي اوراقنا منيه ومناك ومستحين وحالتنا حاله ومكسوره خواطرنا
لان عارفين محد بينادينا وروحتنا بدون فايده ,,, عاد الشئ الجميل والمنعش والرائع ان الي ياخذ اوراقج اخ او اخت عربيه :) شئ جميل صراحه:) عيال البلد مهاجرين عشان يحطون عربي :)

ياشيني لااشتطيييييت:(

الله المستعان ياميمي

والفال لي اطلع من سلك التعليم الفاشل :)

[تحداني]

السيد اليوم يعيش أتعس مرحله من مراحل حياته
الله يكون في عونه
..............................................


متى سيعترف المجلس الأعلى ويعتذر لوزاره التربيه والتعليم والتعليم العالي
ويقول لها بملئ الفم إعذريني وآسفه إني تخطيت الكثير من الحدود
هناك أخطاء يدفع ثمنها شخص واحد وهناك أخطاء يدفع ثمنها اجيال


لا يمكن أن يكون الوضع أفضل من ماهو عليه
إن كان رب البيت يعيش في ضياع ولا يعرف راسه من رجله
هذه هي الحقيقه من النهايه


الرجل الغير مناسب
في المكان الغير مناسب
للأسف الشديد



جملكم الله برضى الرحمن

[تحداني]

.. هؤلاء ليسوا بصناع قرار .. إنما ينفذون القرارات ..
فقط من باب الامانه


الله يسعدكم

[هدوء 2]

استغر الله العظيم من كل ذنب عظيم الله يعين المدرسين بصراحه حاله يرثى لها وين ناس البلد وينهم :anger1: وين المفتشن والقائمين ع التفتيش:telephone: الناس ف ضايع والوقت يركض وكله من عمر ابن آدم والله حرام التخبط هذا .... نصيحه لله عطوا المدرسين مرادهم صدقوني بكرة هالناس راح تشكر فيكم لا تجبرونهم ع شيء اللي يبغي البندعطوه واللي يبغي يدرس عطوه واللي يبغي التقاعد هم عطوه وشوفوا الردود من بعدها

[butterfly]

الله المستعان .. تخبط في تخبط ..
لا حول ولا قوة الا بالله العلي العظيم

[موضي قطر]

بنت عمي وبنات من جيرانا وأهلنا يقولون اللي صار في مكتب السيد ( مصخرة ) وبنت عمي مسكينة

تقول والله ياموضي ما انتبهت اني ( اكلم روحي ) الا من صديقتي المدرسة اللي جايه معاي:(

[Bin qatar]

الله يكون في عون المدرسين والطلبه

[al3grab]

هذي مشكله محتاجه حل جذري

[جوال 11]

تذكرت هذا البيت من الشعر عندما رأيت وسمعت عن أحوال مُربي الأجيال .
قم للمعلم ووفه التبجيلا ** كاد المعلم ان يكون رسولا

إذا المعلم لم يجب من يحل مشاكله ويواسيه فكيف ستكون العملية التعليمية وكيف ستكون مخرجات التعليم وهل سنصل الى ما هو مطلوب من أهداف .

[بلو دايموند]

الحين مافهمت في بند والا مافي ترى والله والله تعبنا كل شي ضدنا لا اجازه امومه ولا بند ولا تنقل حاشرينا في الزاويه يا ناس فهموني في بند بقدم ولا هالمصخره اللي حنا فيهااااا لا راحمينا ولا مخلين رحمه الله تنزل

[حسن]

ياجماعه الخيرالحين انتو كل انتقاد في المجلس والفوضى اللي سايره ولاحد راضي يرد عليكم ومسفهين للكل
ومخططهم ماشي ولايسئلون عن النتيجه وكانهم مايسمعون اذانهم مسكره وماشيين مبدا خالف تعرف الحين انه عندي الحل انتو امدحو انه كل شي تمام والتعليم تمام والهيئه التدرسيه مرتاحه والمواد تمام شرط يغيرون وجهتم بيقولون يه احنا الى نسويه تمام مايسير اكيد احنه غلطانيين مايسر مانغثهم وهذاراى قد اكون على صواب او العكس

[خليفـة]

وتستمر احداث الفلم لليوم الثاني على التوالي .. ولكن هذه المرة .. مع اختفاء بطل الفلم

من البطل في ظنكم !
الشاطر يرفع ايده
:nice:

[تربوي]

وتستمر احداث الفلم لليوم الثاني على التوالي .. ولكن هذه المرة .. مع اختفاء بطل الفلم

من البطل في ظنكم !
الشاطر يرفع ايده
:nice:

:victory:

[الميزان 1969]

وللحين ما شفنا شئ ....
مستحيل دولة متقدمة لهالدرجة وتسعى لاستضافة العالم ...
وماتقدر تستضيف كفاءاتها المحليييييييين ....
وين الخلل .؟؟؟؟؟؟؟؟؟؟؟

[قطرية حنونه]

وللحين ما شفنا شئ ....
مستحيل دولة متقدمة لهالدرجة وتسعى لاستضافة العالم ...
وماتقدر تستضيف كفاءاتها المحليييييييين ....
وين الخلل .؟؟؟؟؟؟؟؟؟؟؟


تبي الصدق ولا بنت عمها

الخلل من القيادات الحاليه في المجلس الاعلى

والخلل الاخر من مديرات المدارس وخاصه الفوج السابع


هذا اذا تبي الصراحه ولكن اذا ما تبيها بقولج

المجلس الاعلى احلى منه ما في

[الميزان 1969]

وهذا ما أكدته في مساهمتي السابقة
فكرة المستقلة ابداع وامتاع ...
لكن القيادات الحالية ...؟؟؟؟؟؟؟؟؟؟؟؟؟

[ريماس الغلا]

تبي الصدق ولا بنت عمها

الخلل من القيادات الحاليه في المجلس الاعلى

والخلل الاخر من مديرات المدارس وخاصه الفوج السابع


هذا اذا تبي الصراحه ولكن اذا ما تبيها بقولج

المجلس الاعلى احلى منه ما في


كفـــــــــــــــو :nice:

[النديم]

الحين مافهمت في بند والا مافي ترى والله والله تعبنا كل شي ضدنا لا اجازه امومه ولا بند ولا تنقل حاشرينا في الزاويه يا ناس فهموني في بند بقدم ولا هالمصخره اللي حنا فيهااااا لا راحمينا ولا مخلين رحمه الله تنزل


أختي العزيزة: لايجوز أن نقول مثل هذه الألفاظ لما فيها من تعدي على قدرة المولى عز وجل. أعلم انك تعانين جدا واسأل الله أن يفرج على الجميع، ولكن ينبغي الحرص لأنه لايستطيع أي كائن مهما بلغ منصبه وقدرته أن يمنع رحمة رب العالمين...سبحانك اللهم وبحمدك، نشهد الا اله الا أنت ، نستغفرك اللهم ونتوب اليك.

تحياتي..

[**هـتــــــان**]

والله مرات احس سعيد السيد ماله ذنب احسه متوهق مثلنا مثله يعني حطوة بوجه المدفع ويبونه يحل كل مشاكل خلق الله وطبعا اكيد شايلين الصلاحيات منه .وبشرط مايتجاوز الخطه المرسومه له .. والحل طبعا اجابه واحدة ...محكورين فيها .

المشكله اساسا مشكله المجلس نفسه والقرارات الصادرة من فوق يبلفيت يطورونا بس بالعصاء والغصب والاجبار ..وفعلا صدق رسول الله قال الرسول عليه أفضل الصلاة و أزكى التسليم (قال حتى لو دخلوا جحر ضب لدخلتموه..)وهذا احنا ورى هاللي شعورهم صفر وعيونهم زرق لين الهاويه:rolleyes2: فلحنا :(

[ahmaaaddd]

الحين مافهمت في بند والا مافي ترى والله والله تعبنا كل شي ضدنا لا اجازه امومه ولا بند ولا تنقل حاشرينا في الزاويه يا ناس فهموني في بند بقدم ولا هالمصخره اللي حنا فيهااااا لا راحمينا ولا مخلين رحمه الله تنزل

لا أحد يستطيع أن يمنع نزول رحمة الله تعالى
يقول تعالى (ما يفتح الله للناس من رحمة فلا ممسك لها وما يمسك فلا مرسل له من بعده وهو العزيز الحكيم). .وأعتذر على هذه المداخلة والتي ليس من حقي
ولكن لتصحيح أمر في العقيدة الإسلامية ولاينتبه له كثير من المسلمين .
فاسمحوا لي وسامحوني .