::: بعد شهور وآنا أخطط وأرتب مع الإستشاري، وآخرتها: ممنوع أبني فلتين !! :::

[إعلامي قطر]

..

وشو الحل ياجماعه؟

مع العلم بأن أرضي بأم صلال (روضة الحمام)..

لأني قابلت مهندس في بلدية الدوحه وقال لي ممنوع تبني فلتين مفصولتين
بهالمنطقه لأنها جديده وفيه توجه للحد من الإستثمار بالمناطق الجديده !!

وهل فيه طريقه لبناء فلتين مفصولتين ؟!
يعني لو حد عنده واسطه ويساعدني أكون شاكر له.. :rolleyes2:

يعني حتى لو الواحد وده يبني فيلا لإبنه بالمستقبل أو يستثمرها ممنوع !!
حشى محد يبينا نترزق وين الراتب يكفي الحين ياناس.. :anger1:

لا إله إلا أنت سبحانك إني كنت من الظالمين..

..

[ضحية البورصة]

الله يعينك يا اخوي ،،، عندي اقتراح نفذ نص المخطط يعني فله وحد بس ،،،،وبعدين في المستقبل ما تدري شيصير ممكن الجماعه الله يهديهم ويغيرون القانون وتاخذ ترخيص لبنى الفله الثانيه حق ولدك

بالتوفيق ،،،،،،،اخوك الضحيه

[الـخـور]

انت قصدك ارض هبه من الدولة صح؟؟

اعتقد الافضل انك تنبي وتخلي مساحة لفلة او ملحق يمكن مستقبلا تقدر تاخذ ترخيص

[صغيرون قطر]

..
أرضي بأم صلال (روضة الحمام)..
..
مرحبااا
اخوي روضة الحمام مش في ام صلال
روضة الحمام في الخيسة الطريق الخور الجديد بعد محطة البترول علي يسار

للعلم فقط حبيت اصحح للمعلومه
واسف

[سوق واقف]

ما يصير يالغالي ممنوع

[إعلامي قطر]

الله يعينك يا اخوي ،،، عندي اقتراح نفذ نص المخطط يعني فله وحد بس ،،،،وبعدين في المستقبل ما تدري شيصير ممكن الجماعه الله يهديهم ويغيرون القانون وتاخذ ترخيص لبنى الفله الثانيه حق ولدك

بالتوفيق ،،،،،،،اخوك الضحيه


هلا وغلا..

والله ياخوك سويت هالحركه وأمري لله.. :weeping:

وأتوقع بمجرد مايدخل مالك عنده فيتامين (واو)
منطقتنا بالمستقبل بيفتح لنا الطريج إن شاء الله.. :nice:

..

[إعلامي قطر]

انت قصدك ارض هبه من الدولة صح؟؟

اعتقد الافضل انك تنبي وتخلي مساحة لفلة او ملحق يمكن مستقبلا تقدر تاخذ ترخيص


تم.. :nice:

..

[إعلامي قطر]

مرحبااا
اخوي روضة الحمام مش في ام صلال
روضة الحمام في الخيسة الطريق الخور الجديد بعد محطة البترول علي يسار

للعلم فقط حبيت اصحح للمعلومه
واسف




مرحبتين..

ياصغيرون مكتوب بسند الملكيه روضة الحمام - أم صلال (مب الخيسه).. :shy:

ومسموح..

..

[إعلامي قطر]

ما يصير يالغالي ممنوع


والسؤال إللي يطرح نفسه ليش ممنوع ؟!

مريت الخيسه شفت فلل مصففين إحذى بعض تقول عصافير زينه !! :eek5:

..

[بازار]

السلام عليكم ..

ايش الاجراء اللي انت سويته يوم قدمت الطلب ..

هل قدمت على بناء فلتين على صك ملكية ( واحده )

اللي اعرفه واللي وسيته

كانت ارض وحده مساحتها 1430متر مربع .. في ازغوى

قسمتها ارضين بصكين باسمي ( والترخيص طلع بمسمى )

بناء فلتين منفصلتين وملاحق خارجية ومجالس الخ الخ

بنيتهم واجرتهم ... والاجراء قدمته عادي واطلعت الصكوك عادي ..

[wadha-qa]

اخوي لان هالمنطقه نموذجيه ما يسمحون فيها بالفرز او بناء اكثر من وحده سكنيه هذا قانون يمشي ع الكل بس ما ادري انت حاول تسال هل ممكن تبني فلتين ملتصقتين ؟ احسن و حتى ارخص لك في البناء

[إعلامي قطر]

السلام عليكم ..

ايش الاجراء اللي انت سويته يوم قدمت الطلب ..

هل قدمت على بناء فلتين على صك ملكية ( واحده )

اللي اعرفه واللي وسيته

كانت ارض وحده مساحتها 1430متر مربع .. في ازغوى

قسمتها ارضين بصكين باسمي ( والترخيص طلع بمسمى )

بناء فلتين منفصلتين وملاحق خارجية ومجالس الخ الخ

بنيتهم واجرتهم ... والاجراء قدمته عادي واطلعت الصكوك عادي ..


عليكم السلام..

هلا أخوي قارون..

طيب وين أقدم على هالإجراء خلني أتلاحق عمري؟

ثانياً ياخوك أراسلك على الخاص ماترد بخصوص النمره الخضره
بقسم السيارات وهنيه رديت زين صدتك رد على رسايلي بالخاص
يمكن بقسم السيارات زحمه وإنت تسوق وخايف تدعم ولا شي.. :omg:

..

[إعلامي قطر]

اخوي لان هالمنطقه نموذجيه ما يسمحون فيها بالفرز او بناء اكثر من وحده سكنيه هذا قانون يمشي ع الكل بس ما ادري انت حاول تسال هل ممكن تبني فلتين ملتصقتين ؟ احسن و حتى ارخص لك في البناء


ليش من متى فيه قانون بقطر مشى على الكل ؟! :secret:

..

[الموضوعي]

المشكلة ان البلدية تجيهم كتب من المكتب الهندسي من الديوان وكتب من التخطيط العمراني وكلها تناقض بعض فهم علشان يفكون انفسهم يمشون كتب الديوان على التخطيط العمراني ، وعلى العموم انت في قطر مافي قانون او شي دايم ابد كل ش يتغير في لحظة ، خل مساحة لفلة ثانية وراح يسمحون في المستقبل اكيد

[إعلامي قطر]

المشكلة ان البلدية تجيهم كتب من المكتب الهندسي من الديوان وكتب من التخطيط العمراني وكلها تناقض بعض فهم علشان يفكون انفسهم يمشون كتب الديوان على التخطيط العمراني ، وعلى العموم انت في قطر مافي قانون او شي دايم ابد كل ش يتغير في لحظة ، خل مساحة لفلة ثانية وراح يسمحون في المستقبل اكيد


تم.. :nice:

..

[صغيرون قطر]

مرحبتين..
ياصغيرون مكتوب بسند الملكيه روضة الحمام - أم صلال (مب الخيسه).. :shy:
ومسموح..
..

مرحبااااااا
صحيح مكتوب ام صلال والمقصود به بلدية ام صلال لان روضة الحمام منطقة موجوده في
الخيسة وماتقدر تبني الا بموافقة بلدية ام صلال :victory:

انا ارضي في عين خالد والمنطقة تابعة لبلدية الريان

[وضحى قطر]

هلا اخوي اعلامي
الله يكون في عونك
وانا رايي من راي الي قبلي خل مكان لفله ثانيه وممكن تسويها حديقه لليهال يستانسون فيها على ما يسمحون لك تبني فله للاستثمار :nice:

[إعلامي قطر]

هلا اخوي اعلامي
الله يكون في عونك
وانا رايي من راي الي قبلي خل مكان لفله ثانيه وممكن تسويها حديقه لليهال يستانسون فيها على ما يسمحون لك تبني فله للاستثمار :nice:


هلا..

بسويها ملعب عشان أجهز الولد لكاس العالم 2022
المشكله ادري ماراح يضمونه بيقولون صغير !!

ليش ما يستضيفون كاس العالم 2030 على الاقل !! :secret:
حتى الرقم مميز مالهم عذر لوول

..