ساعدوني الله يساعدكم ...........؟؟؟

[الكاسر99]

السلام عليكم ورحمة الله وبركاته


اليوم الصباح خدامتي هربت من المنزل ................؟؟؟؟

وين أبلغ عنها ...........؟؟؟

وهل ينفع أني أبلغ عنها بالهاتف أم يجب علي الذهاب إلى مركز الشرطه أو أين أبلغ ....؟؟؟


والله قهر جبتها من تقريباً شهرين بمبلغ 8500 ريال وهي من الجنسية الفلبينية

ومن مكتب السيف للخدم على طريق سلوى وكانت مرجعه

وتم نقل كفالتها وؤسوم نقل الكفالة أنا دفعتها

والآن هربت من البيت يعني فلوسي طارت علي

والله قهر ..........


إلى متى تستمر مشاكل هروب الخدم والكفيل غصباً عنه يتحمل دفع مبالغ إضافية إذا أنتهت

فترة الضمان المقدرة بثلاث شهور


يعني أنا الآن دافع 8500 وهي اللي شردت من البيت وبيجبروني وغصبن عني أدفع سعر

التذكره مع العلم أنها هي اللي ما تبي تشتغل


وش الحل .............؟؟؟؟

[صوت الضمير]

اتوقع لمدة 3 شهور اذا ماصلحت تقدر ترجعها للمكتب

وهي شردت بهالفتره .. يعني تقدر تأخذ فلوسك من المكتب.. أو تخليه يجيب لك خادمه اخرى

رح المركز بلغ عن الهروب وسلم لهم جوازها

أبداع

[شموخ دائم]

,


,


الله يعينك ويعوضك

خذ الاوراق صوره من جوازها او الجواز او رقم التاشيره الي متوافر معاك

وبلغ في الابعاد وراجع المكتب لانها في فتره الضمان

وبيعطونك نسخه من البلاغ تخلي مسئوليتك

والله يعينك وراح تدفع التذكره وقت ما يمسكونها ( او يعوضك المكتب )

مقدر موقفك ومقدر اضاعه الفلوس والوقت في البحث عن خادمه جديده

دمت بطيب

,

,


اخوك



شموخ دائم

[missperfect]

عادي تعودنا على هالقصص وبهالجنسية بالذات الله يكون بعونك بس لازم تتأكد يمكن هي راحت المكتب أو سفارتها لازم تسأل عنها عندهم وإذا كانت مب هناك تبلغ الابعاد وتسلمهم جوازها عشان تخلي مسؤوليتك منها إذا سوت شي ، بس يحقلك إذا ماكملت 3 شهور المكتب يبدلك إياها بخادمه ثانيه تطلبها وماتدفع لهم شي أما إذا كملت الـ3 شهور فخلاص حقك يضيع للأسف والله يساعدك بهالظرف مريت فيه أكثر 5 مرات بدون مبالغه وربي يعين الجميع

[الكاسر99]

أنتهت فترة الضمان لأنها مرجعه

وكانت موجودة عند الكفيل السابق شهرين وكملت عندي الشهر الثالث

والله قهر تجيبها بفلوسك وعقب شهرين ماتبي تشتغل وتهرب من البيت وغصباً عنك تدفع تذكرتها


ليش أدفع وهي اللي شارده


إلى متى وأحنا المواطنيين مظلومين في بلادنا

إلى متى إلى متى إلى متى

[الكاسر99]

ليش القانون ما يحمي الكفيل ليش

[missperfect]

يعني الشيخه حسبتها صح ربي يعينا عـ هالأشكال

[الصريحه]

الله يعينك لاتدفع تذكرتها خلها تخيس في السجن(الابعاد)

[حراير قطر]

يالله صباح خير

اخوي بلغ عنها في البحث والمتابعة

وفترة الضمان ما انتهت لك 3 شهور من نقل كفالتها لك

استلم البلاغ وروح للمكتب والله يعوضك خير

والله يكون بعونك ...

[wadha-qa]

انا دايما اقول لا تاخذون الخدم المرجعين في المكاتب
اكيد فيهم بلا ولا ليش الناس قطوهم فالمكاتب

كانت عندي خدامه 10 ايام و رجعتها المكتب الشيخه تهدد تقول انا ما كنت ابي اشتغل في قطر ابي انتحر و المكتب الحقير راح نقل كفالتها لناس الله يكفيهم شرها صراحه انا قلت له ردها بلادها هذي تبي تنتحر وتسوي مشاكل للناس اللي بياخذونها
بس للاسف اغلب المكاتب ما عندهم ضمير

[عشق الشمال]

الله يعينك اخوي على مصيبتك ويأجرك خير منها

انا اذكر من سنتين هربت خدامة من عندنا من فوق السطح لأن الابواب الداخلية كانت مسكره

http://center.jeddahbikers.com/download.php?img=343080

[سمسمه]

اتصل في 999 وبقولون لك وش الأجرائات

وبلغ المكتب أن الخدامه اشردت
وخل المكتب يجيبلك خدامه على حسابهم

1- ياريت الدوله تحدد فنره التجربه للخدم من 3 شهور الى 9 شهور
لكي يضمن المواطن حقه
2- ياريت الدوله تضع مكاتب الخدم التي يهرب منها اكثر من 10 خادمات في السنه في القائمه السوداء ولا تجدد الرخصه التجاريه لها , لأن من واجب المكتب جلب عماله تستمر وفاهمه عملها .والله يفرج كربك خاصه ان المدارسه توها فتحت وتوقيت سيئ لهروب الخادمه

[سمسمه]

الله يعينك اخوي على مصيبتك ويأجرك خير منها

انا اذكر من سنتين هربت خدامة من عندنا من فوق السطح لأن الابواب الداخلية كانت مسكره

http://center.jeddahbikers.com/download.php?img=343080

يمه منها صج قويه و هذي اثيوبيه والا سيرالانكيه ؟؟

[عشق الشمال]

يمه منها صج قويه و هذي اثيوبيه والا سيرالانكيه ؟؟

لا هذي فلبينية بس من الخرعة انقلبت سيلانية

[جرح الزمان]

اخوي روح البحث والمتابعه ومعاك جوازها

الله يعوضك خير

[الجووري]

اخوي سؤااااال وجيه ليش شردت الخادمه ؟

وهل كل خادمه تكمل فترة العقد معكم ؟

وان شاءالله راح افيدك

[فراغ]

أنا خذيت خدامه مرجعه من مكتب الصقر وبعد يومين رجعتها
ما تشتغل قاعده شيخة وكل ما كلمناها قالت أنا ماعرف
المهم رجعتها العصر والمغرب شفتها أدز جاري ورى عائله ثانيه في اللولو
يعني المكتب ينقلها من عائله لعائله
وبعض الخدامات أذا بترجعها تقعد أتصيح تقول بيضربوني في المكتب بعد ما تروحون وبعضهم يقول ما يعطينا المكتب الأ وجبه وحدة في اليوم ويحكرونا في غرفه وحدة
والله عذاب
بس أنا عندي سؤال
ليش الأسرة القطريه أتكاليه على الخدم
مثلآ أعرف عائلة مكونه من فردين رجل وزوجته فقط وعندهم ثلاث خدم
وفي بريطانيا لم أجد موضوع الخدم في الأسر الأنجليزيه
لا تقولون ما عندهم عيال وايد
أنا بقولوكم
عندهم نظام الحضانه
الأولاد الي يروحون المدرسة يجيهم الباص وياخذهم والأطفال الصغار والرضع يوجد عندهم مدارس حضانه يجمعون الأولاد الصغار ويلاعبونهم طول الوقت لين يحين عودت ولدينهم من أعمالهم ويرجعنهم لهم في المساء
وبذلك لا يحتاجون لخدم
أذآ المسئله مسئلت نظام وترتيب وبذلك قضوا على مسئلة الخدم ومشاكلهم
أرجو التعليق على فكرتي وتصحيحي أو أيجاد حلول لمثل هذه المشكلة المعروضه أمامنا
وما طرحها الأخ الا أنه يبحث عن حل بديل لمسئلة الخدم

[صوت الضمير]

اخوي فراغ

احييك على ردك .. وانا افكر بنفس فكرتك

أبداع

[الجووري]

أنا خذيت خدامه مرجعه من مكتب الصقر وبعد يومين رجعتها
ما تشتغل قاعده شيخة وكل ما كلمناها قالت أنا ماعرف
المهم رجعتها العصر والمغرب شفتها أدز جاري ورى عائله ثانيه في اللولو
يعني المكتب ينقلها من عائله لعائله
وبعض الخدامات أذا بترجعها تقعد أتصيح تقول بيضربوني في المكتب بعد ما تروحون وبعضهم يقول ما يعطينا المكتب الأ وجبه وحدة في اليوم ويحكرونا في غرفه وحدة
والله عذاب
بس أنا عندي سؤال
ليش الأسرة القطريه أتكاليه على الخدم
مثلآ أعرف عائلة مكونه من فردين رجل وزوجته فقط وعندهم ثلاث خدم
وفي بريطانيا لم أجد موضوع الخدم في الأسر الأنجليزيه
لا تقولون ما عندهم عيال وايد
أنا بقولوكم
عندهم نظام الحضانه
الأولاد الي يروحون المدرسة يجيهم الباص وياخذهم والأطفال الصغار والرضع يوجد عندهم مدارس حضانه يجمعون الأولاد الصغار ويلاعبونهم طول الوقت لين يحين عودت ولدينهم من أعمالهم ويرجعنهم لهم في المساء
وبذلك لا يحتاجون لخدم
أذآ المسئله مسئلت نظام وترتيب وبذلك قضوا على مسئلة الخدم ومشاكلهم
أرجو التعليق على فكرتي وتصحيحي أو أيجاد حلول لمثل هذه المشكلة المعروضه أمامنا
وما طرحها الأخ الا أنه يبحث عن حل بديل لمسئلة الخدم




بعض الخدم ماتحب الاطفال وتتفاجا لما توصل انها مربية اطفال فترفض العمل وتطلب تكون للمطبخ والغسيل فقط والبعض يكون العكس فينقلون الكفاله بناء على رغبتها ..


والاسر القطريه كل وظروفه ووجود الخدم شر لابد منه اما اللي زوج وزوجته وثلاث خدم الله لايبلانا الحركه مطلوبه اجل وش وظيفة الزوجه ؟؟

[عشق الشمال]

اما اللي زوج وزوجته وثلاث خدم الله لايبلانا الحركه مطلوبه اجل وش وظيفة الزوجه ؟؟

اعتقد والله العالم ثلاث خدم وحده لهم في البيت وثنتين حق صندوق الزكاة

[سمسمه]

اعتقد والله العالم ثلاث خدم وحده لهم في البيت وثنتين حق صندوق الزكاة


الزوجه تاكل وتشرب واتمش يدها بالطوفه
بعدها
تدخل الشات س1 و س2 لمده 10 ساعات

[الكاسر99]

اخوي سؤااااال وجيه ليش شردت الخادمه ؟

وهل كل خادمه تكمل فترة العقد معكم ؟

وان شاءالله راح افيدك


تقول الخدامه أنها ما تبي تشتغل تبي تروح بلادها وقايله للشرطة بيت كفيل كله قرقر

[الكاسر99]

الساعة الثامنه صباحاً وأنا رايح الأبعاد وماخذ جواز الخدامه وفي نص الطريق إلا شرطة

الصناعية متصلين فيني يقولون لي تعال عندك خدامه شارده قلت لهم وين حصلتوها قالوا لي

الفزعه محصلينها أمس فليل في الشارع وودوها مركز الريان رحت لهم وعطيتهم جوازها

وقلت لهم ما يصير جذي كل ما أجيب خدامه تشتغل ثلاث شهور وأول ما تخلص فترة الضمان

تقول أبي أسافر وإذا ما سفرتها تشرد من البيت قال لي أحنا ما لنا علاقة روح سجن الإبعاد

وتفاهم معاهم رحت من الساعة تسعه إلى الساعه الحاديه عشره أنتظر يجيبون الخدامه ولا

جابوها كلمت المكتب قال لي جيبها وأنا بكلمها لك وممكن أساعدك أشغلها عند ناس غيرك إذا

هي ما تبي تشتغل عندك وممكن نرجع لك جزء من المبلغ كلمت الظابط اللي في الصناعية أني

ودي أستلمها ووديها المكتب وهم بيتفاهمون معاها كلموها الشرطة رفضت أنها تروح المكتب

وقالت أنا ما أبي أشتغل أنا مريضة أنا أبي أروح بلادي وبعد رفض الخادمه للذهاب إلى المكتب

لم يعطوني إياها وقالوا لي روح راجع في سجن الإبعاد

ووالله رحت سجن الإبعاد وقلت لهم ما يصير جذي أنا مواطن وهاذي بلادي ليش ما لي حق فيها


يعني أنا جبتها ودفعت لها مبلغ 8500 وكان الإتفاق معاها أنا تعمل عندي سنتين وبعد ثلاث

شهور تقول أنا ما أبغي أشتغل وتجبروني أني أدفع تذكرتها ما يصير والله الخدم يدرون أن

القانون معاهم ولاعبين فينا لعبه

يعني أكيد المسؤولين يدرون بهذا اللي يصير ليش ما يتم تغيير القانون

ليش ما تكون فترة الضمان من المكتب سنة بعد دفع مبلغ مالي كبير 7000 أول أكثر

حرام اللي قاعد يصير فينا

للأسف محد قدر يحل مشكلتي في سجن الإبعاد كلهم يقولون المسؤولين هم اللي حطوا القانون


والقانون مطبق علينا وعليكم


هل من حل لهذه المشكلة ................؟؟؟؟

[باسكن روبنز]

والله يالكاسر انت بتحرق دمك واعصابك على هالفلوس والخدامه الخايسه ،
بتجيب لنفسك الضغط والأمراض ،:weeping:



روق فديت خشمك وشوف أش الحلول قدامك وخاصة وأنه الخدامه موجوده والله يعوضك خير وهذي الدنيا ،
غالب أو مغلوب ،:)

[بومحمد55]

قــطــر لـغـيـر الـــقــطــرييــــن
والله يعوضك خير

[..er..]

نفس المشكله يالغالي


صارت معي .. بس اثيوبيه ..

وتاخذ جوازها وتوديه للأبعاد .. وتقول لهم انك تبي فيزه ثانيه .. ويعطونك اياها بعد اسبوع من البلاغ

واذا هي رافضه الشغل اذكر ان التذكره عليها .. بس مادري شسالفه ..

[بن محمود]

في احيان كثيرة تكون معاملة الكفيل الظالمة والمتوحشة للخادمه هي السبب الرئيسي في هروبها
وهذا امر مشهور في البلاد للاسف

1- عدم دفع راتبها وتأخيره لمدة شهور ( وقد لا تحصل عليه ابدا ) وهذه الظاهرة منتشرة

2- معاملة لاتليق بالانسان ( توبيخ وصراخ وضرب و سب لأتفه الاسباب )

3- تكليفها بأعمال كثيرة جدا واستهلاكها بأقصى درجة ممكنة ( خادمه واحدة ويريدونها ان تطبخ الغداء والعشاء وتكنس وتنظف البيت كاملا وتغسل كل الثياب
وتهتم بالاطفال الصغار وترافق البنات في مشوار الجامعة او المدرسة.. والكثير الكثير غير ذلك ... ثم يستغربون اذا هربت !


عموما اخوي .. هذا الكلام عام و مب معناه اني اقصدك انت بشكل شخصي
أنا مادري عنك ولا ادري انتو شلون تعاملونها في البيت
لكن اذا تكرر الموضوع وياك مرة ثانية اظن بيكون عليك انك تراجع طريقتك معاهم


بخصوص موضوعك .. اقترح انك تسفرها بلادها وتدفع المصاريف وتفتك من عوار الراس
وجرب خادمه غيرها ... والله يوفقكم

[الكاسر99]

وإلى متى هذا المنوال لخادمه تكمل فترة الضمان ثلاث شهور مع أن الأتفاق من البداية معاها على

العمل سنتين وبعد الشهور الثلاثة ترفض العمل وتقول أريد أن أسافر


لماذا يتحمل الكفيل دفع مصاريف التذكره وهو قد خسر المبالغ التي دفعها من قبل

لماذا إدارة العمل لا تضع قانون يحمي الكفيل

لماذا إدارة العمل لا تزيد فترة الضمان على مكاتب جلب الخدم إلى سنة بدل الثلاث شهور علماً أن المكتب

يأخذ من 7000 فأكثر وهو مبلغ كبير

القانون الذي تم وضعه إلا يتغير إلى صالح الكفيل المتضرر الوحيد في هذه المشكلة

[حراير قطر]

الله يكون بعونك

بس انت اتقول اشتغلت شهرين عندك

والحين 3 شهور :rolleyes2:

اذا هي رافضه قولها ادفعي المبلغ اللي دفعته لج

للمكتب واحجزي التذكرة اذا ما تبين تشتغلين

انا اتعامل معاهم من اول اسبوع اهدد فيهم

واسألهم مرتاحين واخلي المكتب يكلمهم من الاسبوع الاول

يسألهم عن البيت وانطباعي معاهم قبل باسبوع من الشهر الاخير

اسألهم قبل ما اسوي لهم اقامة يقولون لي مرتاحين اسوي الاقامة

واكون محذرتهم انه اذا ما اشتغلوا باللي انا ابيه او يغيرون رأيهم هم يدفعون لي ...

[بوراشد82]

اول شي اقول لراعي الموضوع ..

الله يخلف عليك في مصيبتك وانا كنت باطيح في مصيبة العن منها وانا احذر من الفلبينيات بالذات شوفوا ليش ..

انا جبتها اعارة من مكتب ....... ب2500 .. شوفوا الاكشن ..

كله ماتعرف مع ان في المكتب تعرف كل شي .. اليهال ماتهتم فيهم وقت الحرمة تسوي غدا ولا عشا ..

ويوم من الايام بطلت حلجها وتقول للمرة مافي قطريين يتزوجون فلبينيات ..!!!! هاي اول التخطيط ..

حاولت معاي يمين يسار ماعن شكلها جنه الي يمثل شخصية قائد المغول في الفيلم الكوميدي ليلة في المتحف ..!!

وتلقط اغراض يمين يسار .. وتحاول معا عديلي مافي فايدة .. معا الدريول الي يصلي الفجر مافي فايدة .. وجات اللحظة الحاسمة .. واركبها الموتر يابلفيت بنطلع طلعه عادية انا والحرمة .. ونروح نفتش اغراضها الا صورة المرة عندها تخيلوا ..!!!!!

يوم شافت اغراضها جاية .. بطلت عيونها ونواجهها بالصورة وتبطل عيونها اكثر .. والمضحك ان المرة حطمتها وقالتلها .. تذكرين يوم اشربج غرشه ماي واخليها عندي .. وتطلع لها غرشة الماي وتطلع لها جزء من شعرها الي قاصته بالليل .. قاللتها بالعربي والله تسوين سحر في الفلبين والله ابهدلج في الدوحة (والحمدالله لا احنا هل اسحار ولا بحولها ان شاء الله) ونذلفها المكتب .. وتوبة والله لا فلبينيات بعد اليوم ..!!

[عشق الشمال]

اول شي اقول لراعي الموضوع ..

الله يخلف عليك في مصيبتك وانا كنت باطيح في مصيبة العن منها وانا احذر من الفلبينيات بالذات شوفوا ليش ..

انا جبتها اعارة من مكتب ....... ب2500 .. شوفوا الاكشن ..

كله ماتعرف مع ان في المكتب تعرف كل شي .. اليهال ماتهتم فيهم وقت الحرمة تسوي غدا ولا عشا ..

ويوم من الايام بطلت حلجها وتقول للمرة مافي قطريين يتزوجون فلبينيات ..!!!! هاي اول التخطيط ..

حاولت معاي يمين يسار ماعن شكلها جنه الي يمثل شخصية قائد المغول في الفيلم الكوميدي ليلة في المتحف ..!!

وتلقط اغراض يمين يسار .. وتحاول معا عديلي مافي فايدة .. معا الدريول الي يصلي الفجر مافي فايدة .. وجات اللحظة الحاسمة .. واركبها الموتر يابلفيت بنطلع طلعه عادية انا والحرمة .. ونروح نفتش اغراضها الا صورة المرة عندها تخيلوا ..!!!!!

يوم شافت اغراضها جاية .. بطلت عيونها ونواجهها بالصورة وتبطل عيونها اكثر .. والمضحك ان المرة حطمتها وقالتلها .. تذكرين يوم اشربج غرشه ماي واخليها عندي .. وتطلع لها غرشة الماي وتطلع لها جزء من شعرها الي قاصته بالليل .. قاللتها بالعربي والله تسوين سحر في الفلبين والله ابهدلج في الدوحة (والحمدالله لا احنا هل اسحار ولا بحولها ان شاء الله) ونذلفها المكتب .. وتوبة والله لا فلبينيات بعد اليوم ..!!


اخوي اللغة العربية عندك مب ذاك الزود ممكن لو تكرمت تعيد لنا القصة باللغة العربية الفصحى والله مافهمت شي

[دانة الدنيا]

مب الكل يدفعونهم تذكره

احنا عندنا خادمتين شردوا وتموا اكثر من سنتين ف البلاد
وسافروا واحنا مادرينا الا بمسج خروج من البلاد
اما اهل زوجي شردت من عندهم خدامه وطالبوا بمبلغ التذكره عشان يسفرونها مع انها شردت اكثر 4 سنين مادري لي متى الاجاراءات كلها فصالح الخدم

[ali440]

ليش القانون ما يحمي الكفيل ليش




اقتراحي

الضمان يكون ليسى شهرين او ثلاثة اشهر بل

طوال فترة العقد المبرم

وفي حالة هروب الخادمة يتحمل الطرف الثاني(المكتب) المسؤلية
وذلك بأخذ ضمان مالي من الخادمة او الخادم او توقيعة على شيك :nice:

[الخير كله]

اكيد عندها موبايل ...
اشرايك ممكن ترد على هالسوال

[الكاسر99]

اللي أعرفه أن ما عندها جوال

[الخير كله]

يا الكاسر اسمع هالنصيحه وان شالله انت وغيرك بتدعون لي ...
الخدامه لا تعطيها موبايل
لا تكلمها الا بالشغل
لا تخليها ترقد بملحق بره البيت
لا تطلعها لبيوت ناس عندهم خدم يملكون موبايلات
عطها اوقات للراحه
لا تهاوشها على اشيا تافهه
لا تعطيها الخيط والمخيط بكل شي
ركب كاميرا على باب الحوش الخارجي
والمطبخ
ثم بشرنا باللي يصير معك