المساعد الشخصي الرقمي

مشاهدة النسخة كاملة : دراسة المنازل /~ اسئله وخبرآت


طــمــوحــة
20-09-2010, 06:30 PM
السلام عليكم ورحمة الله وبركاته

اسعد الله مسآئكم/ صبآحكم

حبيت اسأل الي عندهم فكره عن دراسة المنازل كم سؤال وما يمنع انه نسوي هالموضوع مرجع وتجمع لطلاب المنازل الراغبين بالحصول على اعلى تحصيل ممكن

اسألتي :

- متى نروح نستلم الكتب ؟؟ بما ان وقت التسجيل قالو لنا انه بيطرشون مسجات فيها وقت استلام الكتب ومكان تقديم الاختبارات < وبدا العام وما وصلنا شي

[ يمكن عشان تغيرت الارقآم..!! :eek5:]

والسؤال الثاني:

ابي نصيحه لطريقة الدراسه وخصوصا اني في ثالث ثانوي ومحتاجه اجيب نسبه على الاقل 95:shy:


اتمنى تفيدوني
باسكن روبنز
20-09-2010, 07:16 PM
ومحتاجه اجيب نسبه على الاقل 95

ماشالله عليج طموحج عالي ،
الله يسهل لج ويوفقج يارب ، :)
الكونجرس
20-09-2010, 08:07 PM
بالتوفيق
طــمــوحــة
21-09-2010, 06:06 AM
باسكن & الكونغرس

اللهم آمين .. يوفقنا جميع


بآاّآنتظار باقي الأعضاء
wadha-qa
21-09-2010, 07:59 AM
بالتوفيق اختي
احب الناس الطموحين صراحه و ان شاء الله تحققين كل امنياتج
انا ما اعرف شي عن نظام المنازل بس حاولي تكلمين وزاره التربيه و التعليم و اكيد بيفيدونج
و عندي نصيحه حاولي تتعرفين على بنات الدوام الصباحي و درسي وياهم العصر عشان تستفيدين و تساعدون بعض لو عندج حد من بنات جيرانكم ولا اهلكم افضل من الدراسه بروحج بتملين ويمكن ما تركزين على الاشياء المهمه

وان شاء الله تبشرينا اخر السنه بالنجاح وبنسبه عاليه ^_*
فارس بلا جواد
21-09-2010, 08:54 AM
السلام عليكم

صباح الخير اختي

انا بعد مثلج مسجل في ثالث ثانوي ادبي رياضيات وعلوم منازل

ابغي اعيد السنه ابغي اجيب مجموع

وان ما فلحت في هسنه بادش كلية المجتمع

خبرج الموظف ما يقدر يدرس صباحي مافي الا مسائي بس

على اية حال اختي

قالو لي بنطرش لك مسج والى الان ما وصلني شي

عيال اختي لحين ماعطوهم كتب وهم في مدارس صباحيه في المرحله الابتدائية

مادري احس انه في ضغط عليهم من ناحية توزيع الكتب

في نقطه ثانيه المنهج مال ثالث ثانوي شلون راح يكون هسنه ؟

هل بيكون نفس الاول والثاني الثانوي في المدارس المستقله

ولا على نفس النظام القديم كمنهج

اخوي مسجل مسائي في مدرسة مسائيه مادري هل منهجهم مختلف عن المنازل ولا لا

وهل الصباحي ثالث ثانوي مثلنا ولا لا

اهنيه القمنده

عسا الله يوفقج يا اختي وتحصلين على المجموع الي يسرج يارب

وراح اكون على تواصل معاكم بخصوص الدراسه في ثالث ثانوي والمنهج والكتب الخ الخ الخ

تقبلي خالص تحياتي

اخوج الصغير

فارس بلا جواد
طــمــوحــة
22-09-2010, 10:50 PM
هلا اختي وضحه

مشكوره عالرد وفعلا فكره ممتازه وباذن الله بحاول اتعرف على بنات في هالمرحله

تسلمين اختي
طــمــوحــة
22-09-2010, 10:53 PM
اخوي فارس بلا جواد

هاي الشي اللي انا حاولت اسأل عنه وقالو لي انه بيجاوبوني عليه بالمسج لكن للحين مافي شي

ومحد يرد على ارقام المجلس الاعلى ..

ان شاء الله اذا اخذت الكتب بجي هني وبحط التفاصيل

بالتوفيق لنا ولك يارب
أم المها
23-09-2010, 08:42 PM
أنا من شوي ارسلوا لي مسج بس أنا مسائي سجلوني في مدرسه التعاون الثانوية مسائية بالسد وانا اول مرة اسمع بها ؟ حد يدل مكانها

أنا مثلكم بس أنا عايده ثالث عشان اجيب نسبه
والله يوفقنا ونجيب نسبه فالتسعينات يااااااااارب
بومحمد55
23-09-2010, 09:27 PM
أنا كنت من طلاب المنازل 3 سنوات في ثالث ثانوي والحمد الله نجحت العام
بالنسبه للكتب طلاب المنازل مالهم كتب من المدرسه لازم يروحون يشترون بس مادري من وين بالضبط
لأني ماكنت أدرس من الكتب
والمواد اللي تستاهل تحطين في فيها مدرسين هي اللغه الأنجليزيه + اللغه العربيه+ فلسفه وعلم النفس
ورياضيات قبل الأمتحان بأسبوع
وبعد شهر من الدراسه لازم تمرين عالمدرسه وتشوفين الدروس الملغيه
راجية الرحمة
27-09-2010, 10:18 PM
أنا أتمنى الأستفادة منكم في موضوع المنازل لثالث ثآنوي
لأن أختي نفس حالتكم
لي رجعه


تحيتي....~
لؤلؤة ابوها
19-12-2010, 04:48 PM
السلام عليكم افيدوني الله يجزاكم خير وين مدرسة التعاون المسائية ياني مسج اني تسجلت فيها وتصلت بكيوتل اخذ رقمها يقولون ماعندهم رقم الهلمدرسه والمجلس الاعلى مايردون عالاتصالات ومن وين اخذ الكتب تكفون افيدونا مابقى الا شهر علاختبارات الله جزاكم خير :(
لؤلؤة ابوها
19-12-2010, 04:50 PM
الاخت ام المها ياليت تتواصلين معاي اذا عندج اي معلومات عن هاي المدرسه دام انا ونتي نفس هالمدرسه وتمنى تعم الفايده على الجميع

انتظر ردج اختي
طموحي مبدع
19-12-2010, 05:39 PM
انا هالسنه ثالث ثانوي ومنازل

بصراحه المنهج :: وااايد والي يبي يجيب نسبه لازم يحط مدرسين من اول السنه

المواد الصعبه الي تحتاج متابعه اللغه العربيه واللغه الانجليزيه

هاي لازم تحط مدرس لين يوم الامتحان يدرسك

التربيه الاسلاميه والتاريخ والجغرافيا وباقي المواد

قبل الامتحان بثلاث اسابيع تاخذين فيهم حصتين مراجعه او ثلاث

وان شاءالله بتجيب نسبه زينه

بس اهم شي تحفظ اول بأول

وتاخذ اوراق مراجعه كامله وشامله تدرس منها

وان شاءالله خير
الـقـاسـي
19-12-2010, 07:59 PM
الله يوفقكم تذكرت ايام الثانوية والامتحانات والمدرسين
بولينجر
19-12-2010, 08:12 PM
الله يوفقكم اخواني المكافحين واخواتي المكافحات....