سؤال عن مراوح الشفط

[ماضي]

عندي مشكلة عزكم الله في الحمامات ما ركبت للحين مراوح ولا سويت فتحات في الطوفة ولا في الشبابيك وانا في حيرة ناس تقولي سوى مروحة شفط مع الجبس وهي غالية بالسعر وعيبها اذا اختربت بيخترب الجبس وناس تقولي سوها على الشبابك وسعرها رخيص اتمنى من اللي عنده خبرة ومعرفة ينصحني والله يجزيكم خير.

[Chambray]

الشفط افضل
عندك شركة المثلث الهندسي
قبل محطة التيسير الي ورى سوق الحراج
عنده مراوح موتسبيشي
مراوح ممتازه

لاغبار يدخل ولا عصافير يعشعشون
ولا شئ
وقوه الشفط فيها اعلى واهدى
بخصوص اذا اختربت يكون في الجبس فتحه صيانه
40 × 40
او اقل

وعندك باناسونيك بعد زينه

بالتوفيق

[وطن]

ممكن يكون في الشباك
بس هل التمديدات الكهربائية موجوده لها؟

[شموخ دائم]

,

,


مرحبا


اتفق مع اخوي Moyen Orient

انا احب هذي الطريقه المروحه بوسط السقف ويكون جبس بورد

عمليه جدا وشكلها احلى واقوى من العاديه ولافي صوت

وما اعرف منو الي قالك ان السقف يخرب هذا كلام ماله اي اساس من الصحه

اخوي اذا ما عملت فتحه على الجنب تقدر ( تفتح ) الموضوع سهل

وما انصحك بالمروحه في الشباك لان صوتها مزعج جدا جدا وتهز الشباك

وشكلها موضه قديمه وماعاد حد يشتغل فيها

والخيار لك ومنزل مبروك يارب

,

,


اخوك


شموخ دائم

[المزن الرياني]

سؤال ... هل المروحه ضروريه ؟
الشباك مايكفي اذا بطريقه جيده ؟

[مهره]

عند الدرويش اخبر فى مراوح شفط

[شموخ دائم]

,

,

مرحبا اخوي المزن

اذا الشباك حجمه زين بالحمام المروحه مو ضروريه

لكن ناس كثيره تصر على المروحه وعندها ضروريه

احسن ميزه فيها

اذا شغلتها فهي تسحب الهوى الي بداخل الحمام للخارج وايضا تجيب هوى البارد من الصاله او الغرفه القريبه

من تحت باب الحمام يصير تيار يلطف الجو داخل الحمام خاصه بالصيف

بالتوفيق لك


,

,


اخوك


شموخ دائم