قصة نــــاصر وهند ( تأليف واشعار شاعر اللحظات ) متجدد [الأرشيف]

مشاهدة النسخة كاملة : قصة نــــاصر وهند ( تأليف واشعار شاعر اللحظات ) متجدد

شاعر اللحظات

21-09-2010, 09:30 AM

السلام عليكم ....انا صراحه من زمان ماشاركت في هالمنتدى الاكثر من رائع .......

واليوم راجع لكم بقصه ثانيه بعد قصه طلال وسارة واللي نالت استحسان الجميع

والقصة بتكون على شكل اجزاء واتمنى ان تحوز على رضاء الجميع ......

المكــــــان : وزارة من وزارات الدولة
الوقت : الثامنة صبـــاحا
تحديدا : مكتـــــب نــــــــاصر

نــــاصر يدش مكتبة ... متأخر تقريبا ربع ســــاعة عن ميعاد الدوام الرسمي بعد اجازة دامت اكثر من شـــــهر... وينحني بكل سلاسه من وراء المكتب ويسحب الكرسي ويلفة نص لفة ويرمي بنفسه في احضان الكرسي ويستعيد الوضع الطبيعي لجلسه الموظف النشيط ...وفجاءة رجع بالكرسي الي الوراء شوي وهو يشاهد شنطه نسائية لونها اسود وعليها سلاسل واعتقد انها كانت شنطه شانيل وعطر نسائي صغير لونه ذهبي من النوع اللي يعاد تعبئتة .....

هنا استغرب ناصر ودش في حواااار مع نفسه ... وياااااحبه حق الحوار مع نفسة مثل حبه للفسلفة الزايده ....واحنا من خلف الكواليس نقوووول له .... ( اخلص علينا ياكوناااان )

المهم ناصر قال : غريبه ويش هالشنطه ...ويش اللي حطها في مكتبي .... ممم اكيد انها بنت معجبه وماتدري كيف توصل لي سوت نفسها ناسيه الشنطه عندي في المكتب .....
ايش هالوزارة الغريبه مافيه احد حلوووو الا انا .......(( روووح ياترفولتا )

وبدون شعور مسك الشنطه وقام يقلبها مستغرب شلون وصلت مكتبه ....فكر انه يفتحها بس تراجع في اللحظه الاخير ورجعها مكانها ..... ورفع سماعه التليفون يبي يسأل سكرتيره المدير ويش سالفه هالشنطه ... واول مارفع السماعه ....الا ذاااااك الصوت الناعم واصل له صباااااح الخير ياناصر .....

ويرفع عينه ناصر بكل بطء وحذر حتى شاف صاحب الصوت ....وعلى قووووولته ياليتني ماشفتها ...

كانت البنت قمه في الجمال والرقه ... ذات وجه دائري ...وعيون كباااار تذكريني بالشخصيات الكرتونية اليابانية ... ولكن الفرق هنا ان عيونها نعسانه خلقه ...وكان متحجبه ولكن خصلة من شعرها كانت طالعه بدون وعي ولا شعور منها وكانت خصلة الشعر مثل خيوط الشمس التي تجعلك تدير عيووووونك عنها وانت مداوم الصبح والشمس في عينك ...

المهم ماتوعى اخونا الا وهو واقف على حيلة ... وقال : هلا هلا اختي نعم ... تفضلي
قالت له : اسمح لي على الازعاج ... انا زميلتك هند وانا جايه من ديوان المحاسبة عشان ندقق على ا لشغل عندكم ونظرا لخصوصيه شغلنا فأن المدير قال لي اجلسي في مكتب ناصر لانه اجازة

هنا ابتسيم ناصر وقا ل: عادي اعتبريني اجازه الي الحين ((( خخخخخ امااااا عاد ياناصر .... والله لو انه واحد ماتعطيه مكتبك ربع ساعه بس الشكوى لله الشباب يحبون يخدمووووون البنات ))

قالت له لا عادي باخلي المدير يشوف لي مكتب ثاني بس ممكن اغراضي ....
قال ناصر : اختي هند ... بالعكس انا يشرفني تأخذين مكتبي .... وانتي كذا بتسوين فيني خير عشان المدير مايسأل عني .....

ابتسمت هند وهي تقول : مشكور ياناصر ماتقصر

واخذت اغراضها وطلعت .....

وناصر مبقق عيونه واول ماطلعت فتح فمه ... وبعد مافااااق من هول الواقعه ....
جلس على مكتبه وهو يفكر في جمال هالبنت ... وهو يقول : ووووين طلعت لي هاذ ي

وعندها كان جالس على كرسيه وحاط يدة على راسه لحد ماجات عينه على ورقة كبيرة شوي بالقرب من الطابعه مكتوب فيها بخط هنــــــــد :

ياضيق صدري من الدنيا ومافيها
وياكبر همي ولا ادري باأخر احزاني
احلامي البيض تغريني بطاريها
وكابوس عمري يلاحقني ويبلاني

وتعجب ناصر من الابيات وعرف انها اللي كاتبه الابيات لان بعض الكلمات مشطوب عليها ومعدلتها

وبدون شعور مسك ناصر القلم وكتب تحت الابيات بالضبط .......

يابنت ياللي سموها في معاليها
قريت خطك وخالط روعه اشجاني
لو كان جرحك من الدنيا وبلاويها
ترى التعاسه من الانسان للثاني
يعني ابتسامه من شفاهك تحليها
لاتسلمين الودايع والعمر فاااااني
وبعد ماكمل القصيدة ......قاااام يفكر شلون يوصلها لها ......

وللقصة بقية ... وننتظر مشاركتكم وتعاليقكم

أ التميمي

21-09-2010, 09:36 AM

طلع انويصر مهب سهل

شاهد عيان يقول : كلن ابقلبه شقى اليل وانا ابقلبي شقى الغالي

لاهنت يالغالي

وصبااااحك ورد

هند88

21-09-2010, 09:42 AM

ههههههههههههههههههههههههههههههههه
اهم شي
وعطر نسائي صغير لونه ذهبي من النوع اللي يعاد تعبئتة .....

والله الي دقيق ناصر :p

الصراحه شوقتني اعرف باقي القصه
واحييك على السرد الجميل :victory:

انتظر باقي القصه ... بس لاحد يطول :omen2:

شاعر اللحظات

21-09-2010, 09:53 AM

طلع انويصر مهب سهل

شاهد عيان يقول : كلن ابقلبه شقى اليل وانا ابقلبي شقى الغالي

لاهنت يالغالي

وصبااااحك ورد

هههههههه اشكرك على المتابعة وصبااااحك فل

شاعر اللحظات

21-09-2010, 09:54 AM

ولد الشقب

22-09-2010, 12:07 AM

ننتظرك .............................

sweet_lemon

22-09-2010, 01:09 AM

طرح رائع ومشوق

ههههههههه تمنيت الجزء الاول مايخلص

في انتظار التكمله

يعطيك ألف عافيه اخوي

..er..

22-09-2010, 01:17 AM

حياك الله شاعر

صراحه مالك حل .. تمتعنا بقصصك

ملاحظه كبر الاب توب : لاتبطي وتأخر علينا :(

A bin M

22-09-2010, 08:10 AM

تسلم يمناك على هذه القصه

في انتظار التكملة :)

ع.م

22-09-2010, 08:30 AM

يه يه قصة حب في وزارة أوبيه @@

والله هذا احنا قاعدين فالوزارة و نقرا روايتك وبدينا نتابعها لاتبطي علينا ههه سويت أكشن فالقسم الكل مشتط :)

شاعر اللحظات

22-09-2010, 08:34 AM

يااااااااااااااااشباب ويابنات انتظروا الاحداث المديرة بس ارووووح اشوف المدير ويش يبي وبنزل لكم البااااااارت

هند88

22-09-2010, 08:38 AM

بسرعه لو سمحت :waiting:

**هـتــــــان**

22-09-2010, 08:46 AM

ماشاء الله دقيق..
اقول لايكون انت تكتب القصه لايف ( يعني كلما صار لك شي نزلته بارت ههههههههههه )
يله ننتظر باقي القصه .

وطن

22-09-2010, 08:57 AM

متابعه :)

بس شنووووووووووو ننطر لين باجر الساعه 9
ترى وايد
والجزء صغيــــر
طوله لنا شوي :shy:

<=== متحمسه

A bin M

22-09-2010, 09:52 AM

يااااااااااااااااشباب ويابنات انتظروا الاحداث المديرة بس ارووووح اشوف المدير ويش يبي وبنزل لكم البااااااارت

:cool:

هند88

22-09-2010, 10:03 AM

عليك مخالفة :omen2:

شاعر اللحظات

22-09-2010, 10:10 AM

ونرجع لكم من جديد .....

المهم اخونا ناصر كتبت الابيات المذكوره سابقا ... وقام يفكر شلون يوصلها الي هند ....
ومسك تليفون المكتب واتصل على سكرتيرة المدير .. وسألها عن هند..
وقالت له المدير عطاها المكتب اللي عند قسم المحاسبة ..
سألها بأستغراب : لايكون مكتب شريف المصري
قالت له : ايه
ابتسم وهو يقول في نفسة .... أحسسسسسن برررررد كبدي المدير
على ايشششش يعطونه مكتب وليش معطينه اكبر من حجمه

وسكر التليفون وهو يترنم ويقوووووووول :

ليت صدري ياهوى بالي وزارة
وليت قلبي مكتبك وانت المدير
والله انك تستحقين الادارة
ياللي مالك في مشاعرنا خشير

واخذ الورقة اللي فيها ابيات هند .... وكانت من اوراق الوزارة ...
وراح الي مكتبها ...

المهم اخونا وصل المكتب .... الباب كان مفتوح بس المكتب مافيه احد ........
ودش اخونا المكتب وفكر انه يخلي الورقه على المكتب ولكن في الاخير قرر انه ينتظرها
وهو يتجادل مع نفسة ماشاف الا هند داااااشه عليه وفي يدها اوراق

وبدون شعور وقف الاخ وهو يقوووول : هلا هلا اختي هند اسمحي لي على الازعاج
ابتسمت هند ابتسامه استغراب : وهي تقول لالا عادي اخوووي ناصر تفضل ويش اقدر اخدمك
( اخونا ناصر لما سمع اسمه على لسانها .... تمنى لو يكون عنده ريموت كنترول يتحكم في الزمن
عشان يخليها تردد اسمه كل شوي )
وقام يطالع فيها وهو مسهب بعيونه .. بدون مايتكلم
قامت هي وردت وقالت : ناصر ناصر شفيك

هنا انتبه ناصر انه سرحااااااان وفاق من سكرته وقال : هلا هلا اختي هند مافيه الاسلامتك انتي نسيتي ورقه رسميه في مكتبي وقلت يمكن تكون مهمه لذالك قلت اعطيك اياها حرصا على المصلحه العامه ((( ابووووووك يالمصلحه العاااااااااامه )))

قالت له هند : مشكووور اخوي ناصر ياليت تخليها على المكتب ماقصرت
قال لها : احطها هنا ولا احطها هناك
(( الاخ يبي يطول السالفة ))
قالت له : عاااادي حطها أي مكان ...
قال لها وهو مستخف دمه : اخاف احطها في مكان غير صحيح ويصير لخبطة في الشغل
قالت له مستغربه : نعم مافهمت
قال ناصر : اسف اسف كنت امزح ( وحط الورقة على المكتب وطلع وزين ماصفق في الباب )
وراح اخونا المهيم والمتيم الي مكتبه وهو يقوووول : ياوووويل حالي ويش اللي صار لي بذمتي احس ماني بطيب ...
ودش مكتبه وسحب كرسيه وجلس وقام يلف بالكرسي يمين يسار مايدري شيسوي وحط يدينه ورا راسه ورجع بالكرسي ورا وصااااح بصووووت عالي : حبيييييييييب كررررررررك كررررررك

واخذ ورقه صفراء صغيرة من اوراق المذكرات وكتب :
حبيب ضبط لي كرك دون سكر
لان طاري هند عندي يحليــــــة
في ذمتي بكره لاداوم أمبــــــكر
واكون اول شخص ممكن تحااااكيه

ولما استنزف بعض من مشاعرة (( حلووووه استنزف والله ماني هين ))

قام يفكر ويفكر ويش ياترى بتكوووون رده فعلها .....(( الله يســـــــتر ))

اسمحو لي اذا كان الجزء قصير لاني في الدواااام ومكرووووف شغل خخخخ

الجزء الجاااااي بيكووووون اروع واحلى

**هـتــــــان**

22-09-2010, 10:24 AM

تمنى لو يكون عنده ريموت كنترول يتحكم في الزمن
عشان يخليها تردد اسمه كل شوي )
ياعيني ع الرومنسيه ....هذا قبل الزواج يتمنى يكون عندة رموت للاعادة ...بعد الزواج اكيـــــــــد يتمنى يكون عندة رموت فيه زر كاتم صوت :secret:...وياحبذا<<<<حلوة ياحبذا ههههه
ياحبذا لو يكون عندة بعد زر دليت مرة واحدة ويسوي لها دليت من حياته.

شاعر اللحظه نترياااااااك هيه.:nice:

هند88

22-09-2010, 10:32 AM

ههههههههههههههههههههههههههههه
هههههههههههههههههههههههههههه
ههههههههههههههههههههههههههه
هذا بوحارب مو ناصر ههههههه
حلوه حبيب كررك كررك
يبي يضبط المزاج

بس ليش جي شوي :(

بس صج صج اسلوبك روووووووعه
بس عاد طول في القصة شويات :omen2:

شاعر اللحظات

22-09-2010, 11:35 AM

ياعيني ع الرومنسيه ....هذا قبل الزواج يتمنى يكون عندة رموت للاعادة ...بعد الزواج اكيـــــــــد يتمنى يكون عندة رموت فيه زر كاتم صوت :secret:...وياحبذا<<<<حلوة ياحبذا ههههه
ياحبذا لو يكون عندة بعد زر دليت مرة واحدة ويسوي لها دليت من حياته.

شاعر اللحظه نترياااااااك هيه.:nice:

الله لايهينك على مرورك العطر

وانشالله كل صباح تحصلون جزء منزل

واذا تبون احطها كلها مره وحده وافككم انا حاضر بعد

بس حبيت تكون على شكل حلقات علشان التشويق والاثااااارة خخخخ شعنده جمس بوند :nice:

شاعر اللحظات

22-09-2010, 11:36 AM

sweet_lemon

22-09-2010, 11:40 AM

لالالالالالالالالالالالا لاتنزلها مره وحده

حلوه على حلقات

بس عليك نهاية للحلقات انما اييييييييه تخلينا متحرقصين نبي نعرف شنو بيصير عقب والخيال يبدا يشغل عندنا

وبصراحه ابدعت في الطرح والسرد اخوي ..

شاعر اللحظات

22-09-2010, 11:43 AM

A bin M

22-09-2010, 12:06 PM

ما شاء الله عليك أخووووي

يعطيك العافية على التكملـــه ..

شاعر اللحظات

22-09-2010, 02:48 PM

وطن

22-09-2010, 02:49 PM

يا حيّــها هالـ هند
هاهاهاهاهاهاها

شاعر اللحظات

22-09-2010, 02:52 PM

تــــــرى انا انقل لكم المستجداااااااات اليومية اللي تصير مع نااااااصر خخخخخخخخخخخخخ

..er..

22-09-2010, 11:27 PM

طلع مغازلجي ناصر

بس اعتقد انه يشوف الارقام المستلمه او التي لم يرد عليها

شلون يشوف الصادره وهو مسوي لنفسه رنه :p

في انتظارك خيو

هند88

23-09-2010, 09:23 AM

من واري :(

هند88

23-09-2010, 09:31 AM

ههههههههههههههههههههههههههههههه
ذبحتني من الضحك تخليت شكله وهي تقوله ناسي جوالك في مكتبي

طلع مغازلجي ناصر

بس اعتقد انه يشوف الارقام المستلمه او التي لم يرد عليها

شلون يشوف الصادره وهو مسوي لنفسه رنه :p

في انتظارك خيو

والله انك مب هين .. بس معليه غلطه مطبعيه

ع.م

23-09-2010, 09:32 AM

أوبيه خرعتنا بنقفل مكاتبنا إذا بنطلع منها شوي! عشان الملاقيف مايدشون :)

نويصر طلع خفيييف قول له يثقل شوي!! الشعر يبيله ثقل عشان تزيد رزته.. بس بعد حلوة الخفة لما تكون مصحوبة بخفة دم.. فني مان مستر ناصر!

عليه أشعار فظييييعة..

وياويل حالي من الاحراج وعيونك >>>> روووعة هالبيت !! عجبتني الواو بين الاحراج وعيونها.. حلو الجمع بين شي يونيفيرسال مثل كونسبت الاحراج وبين شي بيرسونال نفس عيون سم ون.. شي شي فيري تالنتد مسيو ناصر..

القصة روعة متابعيـــــنك..

الريمي قطر

23-09-2010, 10:07 AM

في انتظار التكمـــله

يعطيك العافيـــه اخـــوي

طموحي عالي

23-09-2010, 11:02 AM

خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخ

يسلموو

طول القصه انا شاقه الحلج على سوالف ناصر

البرجوازي

23-09-2010, 11:34 AM

ناصر طلع سربوت بس فنان . متابعينك

شاعر اللحظات

23-09-2010, 11:58 AM

اشــــــــــــــــــــــــكر كل المتابعين واشكركم على الاطراء الطيب وصراحه رفعتوا من معنوياتي
وانشالله بحط لكم الجزء الليلة لاني اليوم مارحت الدوام .... ونفسيتي للكتابه تكوووووون فوق النخل لما اكون في الدوام خخخخخخخ

غير البشر

23-09-2010, 12:10 PM

يعطيك العافيه يا الغالي

متااااااابع :nice:

A bin M

23-09-2010, 11:09 PM

يسلمو على التكمله

في انتظار الجزء اللي بعدوووووه ^_^

شاهيناز

23-09-2010, 11:35 PM

متابعيين بس لاتتاخر

عيون Qatar

24-09-2010, 12:15 AM

الصراحه ابداااع
ياليت تكملنها ,,

اوكي ننتظر

شاعر اللحظات

24-09-2010, 03:20 PM

الجزء الجاي بيكون يوم الاحد انشالله علشان تقروونها وانتوا في الدوام

ع.م

24-09-2010, 05:04 PM

الجزء الجاي بيكون يوم الاحد انشالله علشان تقروونها وانتوا في الدوام

يلا ننطررررر :victory:

يحليله ناصر يعبر بالشعر أحسن من تعبيره بالكلام:secret:

حليتان*

24-09-2010, 05:27 PM

:(

انا الصبح في المدرسه

وعجبوني هالبيات

لبيه ياللي رقمها كشخه ورزه
خمسات قامت تخمس في شرايني
الشوق بلوى وبدايه بلوته خزه
حرام ابلش بسبه نظرة العيني

ع.م

26-09-2010, 08:28 AM

Ping !!

هند88

26-09-2010, 08:31 AM

باقي من الوقت 34 دقيقه
لايأخرك المدير اليوم بعد :telephone:

شاعر اللحظات

26-09-2010, 10:44 AM

هههههههههههههههه جايكم جايكم توني مخلص شغلي منووووورين حبايبي

شاعر اللحظات

26-09-2010, 11:56 AM

تكملـــــــــــــــــة .....

وينتقل المشهد الي مكتب هند ... في البدايه مالاحظت ان ناصر كاتب في الورقة شي لانها كانت مشغوله مع تليفونها الايفووووون وتشوف الخدمات اللي فيه لانها توها شاريته
وبعد ماخصلت اخذت الورقة تبي تعفسها وترميها ...و لمحت خط مو خطها ... مكتوب على الورقة

وفتحتها مره ثانيه وقرت الابيات ... واستغربت من جراءة ناصر وتعجبت من الرد
وقالت في نفسها : ماشالله طلع شاعر مو هين ..... بس ملقووووف والله يستر من الجاي
وقامت تردد البيت الاخير في قصيدة ناصر :

يعني ابتسامه من شفاهك تحليها
لاتسلمين الودايع والعمر فاااااني

وتبسمت وهي تعفس الورقة وترميها بس ابيات ناصر راسخه في بالها ...

ورفعت السماعة على سكرتيرة المدير وطلبت منها تحويله مكتب ناصر

وعطتها السكرتريرة التحويله ....

وبدورها اتصلت على مكتب ناصر وكانت البنت رسميه بشكل غير طبيعي في كل تعاملتها

وتفاجاء ناصر بالاتصال .... الرقم رقم مكتب شريف .... وعرف ان المتصل هنـــــــــد ويبي يدش دشه حلووووووه علشان تضبط العلاقات

المهم مارد على طول....وبعد ثالث رنه رفع السماعة وقبل تتكلم هند قاااال ناصر : اهليييييييييين شرررريف ازيك ياااااااااااباشا .... شرررريف خليك معايا شوية ( بدون مايعطي فرصه حق هند تتكلم )
وقام ناصر يتكلم بصوت عاااالي على انه يتكلم بالجواااال علشان يسمع هنــــــد ويقول : هلا هلا ابو سعود اسمع انا اليوم كنت عند الوزير ... وبصراحه سعادته مش راضي على شغلكم ....عموما انا اليوم باكون عنده بالشاليه الليله وبكلمه عن موضوع ادارتكم وانشالله يتفهم وجه نظرك ... اوكي اوكي ابو سعود اخليك الحين لان عندي خط ثاني المحااااسب شريف مبلشني كل شوي يستشيريني في الموازنه ....

ويرجع حق هند ... ويقول : هلا شريف ازيييييييك يابااااااشا

تبسمت هند بدون ماتخلي ناصر يشعر وانتحلت شخصيه الجديه وقالت : هلا اخوي ناصر انا هند مو شريف .....
ناصر مسوي نفسه متفاجىء : هلا اختي هند امري اقدر اخدمك بشي

ردت عليه بالحال وقالت : لا مابي منك شي ... بس حبيت اقول لك مافيه داعي حق حركات المراهقين .... والشي الثاني حبيت اقو لك انت ناسي جوالك في مكتبي (( يعني كأنها تقول سلم لي على ابوسعووود ههههههه)

ناصر المسكين حاول انه يرد انربط لسانه وبدون شعور ماشاف نفسه الا يقول : انشالله طال عمرك
وسكرت هند حتى ماقالت مع السلامه

وناصر ماسك السماعه وعيونه تطالع السقف وفمه مفتوح كأنه مغارة وكأأأأنه يقووووول لالالالالالالالا احرااااااااااااج

وضل المسكين شاغر بعيونه ونزل السماعة شوي شوي حتى ماسكرها عدل وهو يقول في نفسه
يااااااربي انا ويش سويت ... دايما اوهق نفسي .....

ونزل راسه وكل معاني الاحراج والخجل تحتويه .....

وجاة الهام الشعر وقاااااااال ........

ياضيق صدري من الدنيا ومافيها
وياويل حالي من الاحراج وعيونك
تكفين ياهند شوفي الحال وش فيها
صعب اتناسى جمال وبسمه جفونك
مدا م هاذي البدايه ويش تاليها
اموووت واعرف ثمان ارقام ايفونك

وقام من مكتبه متوجه الي مكتب هند عشان ياخذ جواله ومن حسن حظه ماحصل هند لانه مايقدر يحط عينه بعينها ....

وتلفت يمين ويسار مافيه احد ... ويشوف تليفون هند موجود على الطاولة... وطرت على باله الافكار الشريرة ....

وبسرعه اخذ تليفون هند وسوا حق نفسه ررررررررنه ((( شرررررير يانااااااصر ))
بدون مايمسح رقمه من تليفونها (( الاخ عنده هدف ))
وعلى طووول طلع من المكتب بدون مايشوفه اااااااحد

واول ماوصل مكتبه فتح تليفونه على الارقام الصادرة وقام ... يشوف رقم هند وكان بدايته 5555 ( اسمحوا لي ماقدر اكمل عشان سياسه المنتدى )

وبكل رومنسيه ونرجسيه رفع التليفون عند وجه وقبًل شاشه الجوال وهو يقوووووول ياااااااالبيه (( طبعا مع تنهيده حاره قبل كلمه يالبيه ))
.
وجاااااااه الالهااااام مره ثانيه (( تحملوووووه شوي الولد عم بيحب ))
وقااال ::

لبيه ياللي رقمها كشخه ورزه
خمسات قامت تخمس في شرايني
الشوق بلوى وبدايه بلوته خزه
حرام ابلش بسبه نظرة العيني

وعلشان مايضيع الرقم منه احفظة بأسم .... واحد من ربعه (( سعـــــــود محمــــد ))

وغمض عيونه ... وقام يفكر فيها مره ثانيه (( والله ابتلشت في هالشخصيه شكله اول مره يحب ))

تدروووووون شنو صااااااار ...... تابعــــــــــونا

المهم اخونا وهو جالس يفكر في هند وطاري هند وبسمه هند وعيونها ... وهو غارق في تفكيرة قاااااااااال :

ياهند لو تدرين ويش صار فيني
يمكن تهلين الدمع من عيونك
حسيت هالدنيا صغيرة بعيني
انا ماعرفك بس صعبة بدونك

وهو مندمج في التفكير في ابيات اخرى ماشاف الا جواله يرن (( تلفت الناس لامريت .. تكسر ارقاااب خلق لله )) خخخخخ حاطها نغمه ...

واول ماشاف الاتصال كان جالس على جنب وحاط رجوله وانتوا بكرامه على الطاولة الصغيرة اللي عليها التليفون والطابعه ومن مفاجاءة الاتصال طااااح اخونا على جنبة ... ويقوم مره ثانيه ويطيح ... تدرون مين المتصل ....

سعووووووود محمد ......

ويقوم مره ثانيه وهو يقوووول : اتصلت اتصلت ....يسسسسسسس
بس شاقوووول لها ...... يااااااربي

المهم رد على الاتصال وهو محسن صوته ومسوي فيها جنتل ....
وقال : الــــــــــــــو مرحبا
الا وصوت رجال يقول : هلا يالدلخ

وينصدم ناصر بصوت الطرف الثاني لانه كان يتوقع شي وطلع له شي ثاني
مثل اللي يتوقع ماي دافي ويرشونه بماي بارد ....

والصدمه ان المتصل كان فعلا سعوووود محمد ...صديق ناصر

ومن كثر ماناصر متنرفز قال : هاااااااااه خير خير ويش تبي يالعله
سعود : شفيك نصووور مزاجك اليوم شكله مووو شي
ناصر : اقووول فارقني ماني بفاضي لك باتصل لك بعدين ( وسكر في وجه )

ويرد يتصل سعووووووووود مره ثانيه .....

ويرد ناااااااصر بدون مايعطي سعود فرصه للكلام ولا السلام وقال له : نعم نعم خير والله انك نشبه ....كل شوي متصل كل شوي خيييير عندك شي ....ترى ماني بفاضي لك انت ووجهك

وعندها وصله صوت هادي من خلال التليفون : نعم ... شفيك انت

هنا سكت ناصر واستوعب الموقف وعرف ان المتصل هالمره هننننننننننننننند (( ياويلي حالي انا ))

وسكت شوي وبلع ريقه ....وقاااال : هلا هلا اختي سوري كنت اتوقعك واحد من الشباب ...
وسوى نفسه عبيط وقاااال : امري تدللي من انتي وليش متصله ((حركااات مسوي نفسه ماعرفها )

قالت له : انا بصراحه ماعرفك بس حصلت رقمك في الارقام الصادرة بتليفوني وانا ماذكر اني اتصلت لك ... فيه احد متصل لك من تليفوني ....

قال لها : حركاااااات البنات ماتمشي معاي ... انا مغلطه ... محصلة رقمك بتليفوني .... انا معجبه .... هاذي كلها حركااااات قديمه .... استحي على وجهك ويش خليتي حق المراهقات :oops:

(( هنـــــا انصدمت هنــــــد ... وصار وجهها احمر من زود العصبيه ))

وقبل لاترد عليه سكر في وجهها وهو يتبسم بكل برووووود ويقول بنفسه (( الحين بتعرفين من ناصر )) خخخخخخ والله لئيم

هنا هنــــــــــد انقهرت .. ماتت من القهر ...
وهي تقول في نفسها ( شلون يقول هالكلام عني ... كيف يتجراء ... لالا والله مااااااااخليه )

وتتصل له مره ثانيه ... ويسكر في وجهها بدون مايرد عليها ....

وكل ماتصلت سكر في وجهها

وطرشت له مسج .. (( انت حقيــــــــر ... اذا فيك خير رد علي ياقليل الادب ))

طرش لها مسج (( كل انسان يتكلم حسب البيئة اللي عايش فيها ))

هنا ماتت انقهرت .. عفست الاوراق اللي قدامها ... عضت على شفايفها من القهر .. شوي وتصيييييييييح

وترسل له مسج : انت انسان غير محترم .. وغير متربي ... وعلى بالك الناس كلهم مثلك

وطرش لها في الحال بيتين شعر يقول فيها :-

يابنت متربي على كف رجال
ومافيه شيُ ممكن اني اخافة
على العموم نمشي الحال بالحال
يعني بلاش الفلسفة والسخافة

وطرشها

ووصلها الشعر ...... ولانها محبه للشعر وتكتب ابيات شعرية بينها وبين نفسها ... ماحست بنفسها وهي تكتب رد سريع عليه .....

في ذمتي مالك على الطيب مدخال
اقولها من غير عسر وكلافة
خلك مع افكارك تصاوير جهال
لا وحسافه حالتك ياحسااااافة

ووصله المسج وانصدم من قوه الرد وسباااااكه المعنى ....

وابتسم ناصر بكل خباثه .......وارسل لها :

اول مره اشوف بنت شااااااعرة ...فالك البيرق

طرشت له مسج : ضف وجهك ولا ترسل مسجات

هنا ابتسم ناصر .... وارسل لها : اشكرك على اسلوبك الراقي يامتربيه

رد عليه هند : متربيه غصب عنك

رد عليها ناصر بكل عبط ..... طوووط مسكر اذوني ماسمع خخخخخ

وانتهت سالفه المسجات ......

وطرت على بال نااااااااصر فكره مجنونه .........

تدرون شنهي الفكره ...... تابعونا بكره

وطن

26-09-2010, 12:01 PM

يه شنووووووو كل شوي تابعونا بكره
انا بدش في الاسبوع مره
عشان اقرا كم جزء
ع الاقل احس اني قريت

هالمقاطع ما تبرد القلب

طوّل شوي :(

هند88

26-09-2010, 12:06 PM

حبيته هالمقطع:
ياهند لو تدرين ويش صار فيني
يمكن تهلين الدمع من عيونك
حسيت هالدنيا صغيرة بعيني
انا ماعرفك بس صعبة بدونك
:p

وبعدين هالجمله ماحبها :(

اشكرك على اسلوبك الراقي يامتربيه

تذكرني بالناس المتفرغه ومسويه نفسها كلاس في الحوار العام :sneaky:

شاعر اللحظات

26-09-2010, 12:06 PM

وطــــــــــــــــن شسوي مابديت في الجزء الا متأخر .... بس اوعدكم بخلصها في جزئين اذا تبووووووووون

انتوا تستاهلووووووون

A bin M

26-09-2010, 12:13 PM

يه شنووووووو كل شوي تابعونا بكره
انا بدش في الاسبوع مره
عشان اقرا كم جزء
ع الاقل احس اني قريت

هالمقاطع ما تبرد القلب

طوّل شوي :(

هههههههههههههه ..

تسلم على التكمله

في انتظار البقيه

وطن

26-09-2010, 12:15 PM

وطــــــــــــــــن شسوي مابديت في الجزء الا متأخر .... بس اوعدكم بخلصها في جزئين اذا تبووووووووون

انتوا تستاهلووووووون

مو القصد تخلصها
القصد ان تنزل كذا جزء مع بعض ويكون شوي طووووووووووووويل

:)

ع.م

26-09-2010, 05:06 PM

بل بل ناصر وايد يستخف دمه.. وعقله صغيررررر.. مستحيل هند تحس بأي حب ناحيته.. لأن حتى الآن مافيه أي صفة حلوة.. سخيف ووايد ماكل مقلب في نفسه..

أتمنى من كاتب القصة إنه يحط ناصر في موقف يطلع صفات حلوة فيه .. أي شي يثير الإعجاب غير الشعر!!

حليتان*

26-09-2010, 05:15 PM

بوهزااع طلع مب سهل

عسى اللزيم يطلع عليه

**هـتــــــان**

26-09-2010, 06:58 PM

والله بايخ ناصر في الجزء الاخير يبالفيت ثقيل :waiting: وهو يتقطع من داخل :thumbdown:

طموحي عالي

26-09-2010, 07:38 PM

^^^
سوالف هاليومين ياهتان

المهم وانا اقرى القصه مادري ليش اضحك

بس صدقوني احس اخر حلقه بيزوجون

سداوي&مدريدي

26-09-2010, 08:02 PM

شاعر اللحظات

:eek5: :eek5:

والله توني اشوفك :shy:

من طول الغيبات جاب الغنايم

والله زمان يا شاعر اللحظات :(

يبيلي وقت لين أقرى الي طافني متابع أبداعات وصح لسانك مقدما :nice:

ع.م

27-09-2010, 08:08 AM

صباح الليل :)

يعني شنو لاتسلمين الودايع؟

تو طاري علي أسأل.. :) :)

هند88

27-09-2010, 08:31 AM

لا حد يتاخر اليوم بعد :telephone:

شاعر اللحظات

27-09-2010, 09:14 AM

سلام عليكم ...... بدينا الكتاااااااااااابه على بركه الله هههههههههه

طموحي عالي

27-09-2010, 09:15 AM

ويتنغ

بس لاضحكني لاني بالدوام

أ التميمي

27-09-2010, 09:39 AM

اوووووووووووووووووهووووووووووو سار فلم هندي واخرتها بيموت البطل وطبعان البطله بتكون سحليه

والله يانويصر تراك مهب سهل

لاهنت يالغالي

طموحي عالي

27-09-2010, 11:02 AM

كل هاذي كتابه

خلاص بطلع من الدوام وراي جامعه

باي

ع.م

27-09-2010, 11:06 AM

تمللت من توقيع التميمي وايد عود وأنا كل دقيقة أسوي رفرش عالصفحة خخخ

هند88

27-09-2010, 11:13 AM

شاعر اللحظات ثاني مره حل الواجب بالبيت :p

تعبنا واحنا ننطر :(

شاعر اللحظات

27-09-2010, 11:33 AM

تكملة ....

وانتهت سالفه المسجات ......

وطرت على بال نااااااااصر فكره مجنونه .........

تدرون شنهي الفكره ...... تابعونا بكره

وبعد الموقف اللي صار والاحداث اللي صارت ....بدء ناصر يفكر ويفكر

ياترى هل اللي سواه صح ولا غلط .....

وبدء يقول لنفسه : ياترى جرحت مشاعرها ... انا ليش سويت كذا ... صج ماعندي سالفة
البنت باين عليها حساسه وبنت ناس ... وانا استعبط عليها ....

هنا ودون سابق انذار رد عليه الجانب السي في شخصيتة :-
وش تقدر تسوي مالك الا هالحل بعدين البنات ماينفع معاهم الا هالطريقة ....ولو ماسويت كذا كان توهقت

وقاطعه الجانب الطيب وقال : ياناصر ... اللي ينعجب في شخص او يحبه ...يحاول يوصل مشاعرة بالطريقه المناسبه والصحيحه ... واللي قاعد تسويه غلط .. غلط ... غلط

هنا مسك ناصر مقدمه راسه وهو يضغط عليها باطراف اصابعه وهو يقووول خلاص خلاص خلووووووووني

اما عن هند ... المسكينة قاعده في مكتبها ومقهوووره من الموقف اللي صار لها ....ودمعتها حايره في عينها...
وخلال لحظات تفكيرها ماشافت نفسها الا ماخذه شنطها وطالعه من المكتب متوجهه للبيت .....لانها تحس انها خلاااااص صدعت ومستحيل تقدر تقعد الي نهايه الدوام ...

ونرجع الي مكتب ناصر .. كان جالس على الكرسي المقابل لمكتبه ويدندن بالابيات التاليه :-

ياهند اسف على اللي صار
في ذمتي غصب سويتـــــة
احترت في موقفي واحتار
اعجابي الغض واخفيــــتة

وبعد ذلك مسك جواله ... وفتح رساله جديده .... وكتب الابيات المذكوره ... وحط اول ثلاث ارقام من جوال هند

هنا قااااال لالالالا ... مايصييييييير اووووووه والله مشكله

ونزل جواله واخذ الجوال الثاني وكان كرت هلا .... وسوا نفس الطريقه ... كتب الابيات في رساله جديده وحط رقم هند وبدون تفكير سوا لها ارساااااااااال ....... وهو يسحب نفس عميق ويقول : أي كذا احسن تليفوني هذا مافيه رصيد اصلا يعني الرساله ماراح توصلها ......(( والله حاله نفسيه هالولد )) يبي يحسس نفسه انه مرسل لها رساله ....

وتنهد بقووووووووه وقااااال :

ياووويل حالي أأأيه ياووويل حالي
اذا طرت لي هند يطرى لي العيد
من كثر ماهي لاعبـــة في خيـــالي
ارسل من الجوال .. ماعندي رصيد

وبعدها ودون تفكير ذهب الي مكتبها لكي يقول لها الحقيقة كامله ويعتذر منها ... ولما راح المكتب ماحصلها

ااااانقهر .......وقال في نفسه : والله ماطلعت الا متضايقه مني ...ااااه انا ويش سويت ياليتني قلت لها الصراحه من البدايه

ويطلع من المكتب ويشوف مكتب شريف قدااااااامه وشريـــف هذا مصرررري نكته... عايش حياته كلها مع شباب قطر ويعرف كلامهم ويحاول يقلدهم ....

ويدخل عليه ناصر وسلم وجلس عنده وقااااال :

اه ياشريف اه

شريف : اااايه مالك ... مين اللي لاعب في حسبتك كددددده

قال ناصر :
شريف تكفى ياحفيد الفراعين
ضاقت علي ياخوك مدري شسوي
البنت راحت ولا عرفنا على وين
والقلب ذايب والمشاااارية تووووي
ورد عليه شريف : يخررررب بيتك انتـــــا بتحــــــــــب

واردف قائلا :-

ياهووووه ماتزعلش عاوزك هالحين
أتؤللي الي حصل بالتفاصيل
اما غزينا صوب قبرص وبرلين
ولا جلسنا بين شاهي ومنديل
هنا ضحك ناااااصر وهو يقول الله يقطعك ياشريف والله وصرت شاعر شكلك من بدو سينا
رد شريف في الحال : احنا من جماعه الربع اللي ينشد فيهم الظهر

وضحك ناصر ضحكته الهستيرية المعهود على تعليق شريف ....

وينتقل المشهد الي هند .... ومادراك ماحاله هند ....

المسكينه وصلت البيت متضايقه من اللي صار لها ودشت غرفتها على طول وسكرت الباب وجلست على طرف السرير وهي مقهوره من الشخص اللي كلمها

لانها بنت متربيه وماعمرها مرت في مثل هالموقف .....

ومسكت الجوال باطراف اصابعها وهي تضغط على جوانب الكيبورد ودددها تتصل وتبرد قلبها بس في نفس الوقت خايفه يجرح فيها

وهي ماسكه الجوال وصلها مسج من جوال غريب اول مره تشوفه وكان مكتووووب :-

ياهند عذرا ... اسمحي لي فديتك
ادش جوك واستبيحه دقايق
خليت كل الناس والله وجيتك
لانك امل روحي وهاذي حقايق

وااستغربت من المسج على بالها وحده من ربعها ... بس الغريبه ان ربعها مايحبون الشعر ولا لهم بالشعر

المهم رد هند وقالت : من ؟؟؟؟؟

ورد عليها صاحب الرقم الغريب :-

انا الذي شفتك وذابت عيوني
اصورك وارجع اصور وحمٌض
من خوفتي انك تفارق جفوني
في ذمتي اتخيلك ثم اغمض
ووصلها المسج ... وتعجبت من الابيات وروعه التصوير وهي متأكده انه وحده من ربعها وردت وقالت

وااااااو صراحه روعه بس من انتي

رد صاحب المسج مره ثانيه وكتب :

انا شخص صار لك معه سوء تفاهم وحبيت اعتذر ......

انصدمت هند وشكت في صاحب التليفون اللي قل ادبه وطرشت له : لايكون انت صاحب التليفون اللي تهاوشت معاه اليوم

طرش لها مسج : انتي تهاوشتي مع الجانب السيء والحين الجانب الطيب فيني يقول (( انا اسف ))

ردت عليها في الحال : اسفك مقبوووول بس اسمي شلووووون عرفته ؟؟؟؟؟؟؟

وتابعوا معنا القصة بكره .....

شاعر اللحظات

27-09-2010, 11:41 AM

اسمحوا لي على التقصير بس والله الابيات الشعرية هي اللي تاخذ مني وقت وتأخرني

اذا تبون القصه بدون ابيات شعريه مستعد اطول في الاجزاء

أ التميمي

27-09-2010, 12:14 PM

ياهووووه ماتزعلش عاوزك هالحين
أتؤللي الي حصل بالتفاصيل
اما غزينا صوب قبرص وبرلين
ولا جلسنا بين شاهي ومنديل

طلع شاعر شريف مهب سهل

اسويت يانويصر

ترى طولت السالفه ياخوك خلصنا ورانا اشغال يالغالي

الله يستر من الجاي

لاهنت يالغالي

**هـتــــــان**

27-09-2010, 02:10 PM

:( :(

sweet_lemon

27-09-2010, 02:46 PM

ماشاء الله عليك ياشاعر

ابدااااااااع لابعد الحدود

ربي يعطيك الف عافيه يارب

حليتان*

27-09-2010, 04:44 PM

ذيب يابو هزااع

تسلم شااعر اللحظات على الباارت العجيب

طموحي عالي

27-09-2010, 09:18 PM

نويصر يبيله طق

هند88

28-09-2010, 07:45 AM

اهم شي شريف :p
ههههههههههههههههههههه
عساك ع القوة

ع.م

28-09-2010, 07:52 AM

انا الذي شفتك وذابت عيوني
اصورك وارجع اصور وحمٌض
من خوفتي انك تفارق جفوني
في ذمتي اتخيلك ثم اغمض

صح لسانه!

عندي اقتراااح .. ليش ماتكتب الأبيات فالبيت.. ولاجيت الدوام تصيغ الأحداث حواليهم.. أسرع كذا..

أ التميمي

28-09-2010, 09:21 AM

صباحك ورد

ترى جاااهز للقصه ياريت اتكون النهايه رابط راسي وقلاس جاي حمر عندي ومستعد عاد لا تتأخر يالغالي

شاعر اللحظات

28-09-2010, 11:49 AM

اعذروني انشغلت في الدوام شوي .... عموما نكمل معاكم القصة .....

طبعا هند قالت له شلووووووووووون عرفت اسمي :anger3:
رد عليها وقال : انتي قلتي لي معاك اختك هند .......................؟؟؟؟؟؟:nop:
طرشت له في الحال : انا قلـــــــــت مستحيييييل ما قلت :nono:

ورد قال لها : تذكري عدل

هنا طرت عليها الافكار وقامت ترجع بذاكرتها وراء وراء ......

لحد ماتذكرت الموقف اللي صار بينها وبين ناصر في مكتب ناصر اول لقاء لهم بعد عودته من الاجاااااااازة
وسكنت شوووي وقالت فيها نفسها : اما لو يكون هوووووو ياوووويله منــــــــي

وترسل له مسج : لايكون انت الموظف ناصــــــــــــــــــــــــــــــر

:anger3:

وعندها وصل المسج ناصر وهو جالس في المكتب ومضبط ذاك الكرك كنه كوفي لاتيه ... واول ماوصله المسج ماتفاجاء ولا خاااااااف من رده فعل هند

لانه على قولته يبي يعدل المسار .... اما يضبط او الله يستر عليها ......

هنا فتح رساله جديده ذات حجم عائلي (( خخخخخخ من كبر المضمون ))

اما لبستك بيض هقوه نواياي
ولا تركيني للشقا والســــــوادي
وان كان تبغين الفرج يوم فرقاي
انا في هذا اليوم بعلن حدادي
وان كنتي مخطوبه لانسان هاي هاي
انا بعد بعد انسان مانيب عاااادي
اشيل لك قلبي على كف يمناي
واقول لك هذا غلاي وفوادي
اما املكي هالقلب واستنتجي الجاي
ولا اتركيني للشقا والبعادي
وطرشها وهو متوقع زفـــــة محترمه من هند .......على كثر اللي سواه فيها ............

ويوصل المسج الي هند وتفتحه في الحال ... وتنصدم من رد ناصر كان قمه قمه في الروعه والنرجسيه

في البدايه كانت منصدمه ومقهوره من الموقف اللي صار من ناصر والحركه السخيفة اللي سواها

لكن بعد ماوصلها هالمسج عاااااشت جو ثاني وهي تقراء كل بيت من ابياته ... عرفت ان هالابيات طالعه من انسان صاااادق وشاعر وحساس

وعندما كانت في عالم احلامها وتفكيرها ....ارجعت على ارض الواقع وهي تقول حق نفسها : بس هذا مايبرر له يسوي اللي سواه وانا مستحيل اسكت على اللي صار ... انا بنت ناس وعندي كرامتي ... واللي نيته شريفة يدش بيوت الناس من ابوابها مش بهالطريقه ....

وتمسك الجوال تبي ترد على ناصر رد حااارق

ولكنها كل ماكتبت حرف امسحته ....وكانها خايفه تجرح مشاعره ....واضغطت على كيبورد الجوال وسكرت صندوق الرسايل وحذفت الجوال على السرير حذاها وهي تقول : من وين طالع لي هالناااااااااصر خلاص ماراح ارسل له شي ولا ابيه يرسل لي شي .... الله يسامحه

اما اخونا ناصر المسكين قاعد على مكتبه وعيونه على الجوال يتظر رد هند مهما كان نوعه وتم ينتظر ينتظر وينتظر وكل شوي يمسك الجوال ويشيك على الرنه لايكون صااااامت (( والله حاله هالولد ))

وقال فيه نفسه : انا مستحيل افرض نفسي عليها بعد اليوم انا متأكد انها عارفتني ... وعارفه انها لاعبه في حسبه خيالي وتفكيري

وهو يفكر ماشاف نفسه الا كاتب اسم هند بخط عريض على ورقه A4 قدامه وسكت شوي وقال (( فديت الهاء والنون والدااااااال ))

واردف قائلا :-

الهــــاء هامت حروف الشعر وأبيـــــاتي
حتى تلاقت مع عيـــــــونك وشاقـــــتها

والنــــون ناحت جروح البعد سكـــــاتي
حتى طيوفك من الاشــــواق لاقتــــــــها

والدال دشي بصدري .. لمي شتاتي
والله يستر من اشفاهك وحـــــــرتها

وتم اخونا جالس للساعه 3 العصر وعينه على الجوال .... لكن هند ماتصلت .....ولا ارسلت شي

تدرون ليش لانها عايشه نفس الحاله ... وتمر بأغرب لحظات التفكير والصراع النفسي :-

هذا وين طلع لي ... ويش يبي ... يااااااربي شاااااسوي والله قمت افكر فيه ....
زين ليش ليش ليش اصلا ماصاربينا شي .... لالا خراااااابيط مافيه حب ينجح بالطريقه هاذي وهو شكله كذاب

وسكرت جوالها ورمت نفسها على السرير على امل انها تاخذ قيلوله مثل ماهو متعاد

وعيونها على الجوال وتقول ياااااترى طرش شي .... مممم حتى لو طرش خله يطرش كلها كلام في الهوى
وقامت ترد على نفسها وتقول : صراحه اشعارة فضيعه مدام هاذي ابياته في الجوال شلون البلاك بيري

اما عن ناصر هم بالخروج من مكتبه بعد ماخذ نظارته ومفاتيح سيارته القابعه فوق المكتب الرصاصي الممل والذي كان ذو اللوان زاهيه عندنا كانت تزهوووه هند ....

وطلع برا الوزارة ... وباله مشغول مع هند .. وتفكيرة متشتت باسباب هذا اليوم الحافل بالاثارة والجدل
وراح يدور سيارتة ماحصلها مكانها
لانه هو اصلا ماهوب عارف وين وقفها .....وتم يدور يدور ... واتصل حق رفيجه علشان يدورون على السيارة مع بعض ... وجاه صاحبه وركب معاه ... وبعد ماصار لهم ساعيتن تذكر انه جاي على سيارة اخووووووووه

وعصب عليه رفيجه وقال : لعنبوا غيرك انت مفهي ...
رد ناصر : ياخووووك لاتلومني بلاك ماتدري

وتنهد تنهيده حاااااره وقااااال :

ضيعت قلبي ولالقيته الي الحين
مدري عن علومه ولا اعرف مسارة
أي شي مني يضيع بيرد بعدين
لاشك قلبي كيف يرجع لدارة
قال له رفيجه : والله حالتك شكلك تحب من قلب

قال ناصر : اسكت مني ولا تسألني عن شي بس وصلني لسيارتي ومشكور
( ونزله عند سيارة وراح وخلاه )

اما عن هند ...خذت تليفونها وفتحته مره ثانيه وانتظرث عشر ثواني .. دقيقه ... خمس دقايق .... كانت تتوقع يوصلها مسج من ناصر

وتفاجاءت ان مافيه مسج ..... بعدها فتحت صندوق الرسايل وقامت تقراء رسايله وابياته ... وتتذكر الموقف اللي صار لها معه في الشغل وتتبسم ...

وترد وتقول : انا وين الله بلاني معااااااه ... وليش قاعده افكر فيه .... لايكون معجبه ... لالا يخسي ... انا مو من هالنوع ولاعندي هالسخافات ....بس ابي اعرف ليش ماطرش (( هههههه احلى يالثقيله ))

وفتحت جوالها وعملت رد على الرساله وكتبت : اخوي ناصر اتمنى نتوقف عند هالحد تراك تعديت حدودك واااايد ....

واضغطت الزر الاخظر وتم الارساااااااااال .....عندها جاها نغزه بقلبها وهي تقوووول لالالالالالالالالالا
وتمسك جوالها وتسكره وتطلع البطاريه ( تحسفت على المسج )

وتشغل الجوال مره ثانيه واول ماشتغل .... وصلها ( تم التسليم )

وحطها يدها على راسها وهي تقووول لالا حراااااام ليششششش ... والله مايستاهل ..
وقامت تعض على شفتها السفلية بكل قوه .. وهي تقول حراااام والله حرام

اما عن ناصر او ماوصله المسج تضاااااايق عن جد ... وزعل على نفسه قبل بزعل على هند
وقال : انا اللي استاهل .... وهي معاها حق .....

وسكت شوي وكتب :-

في ذمتي ماعاد ارسل مسجات
وفي ذمتي ماعادني متصل لك
انا الذي سويت هاذي الحركات
عشان اوصل لك واعزك وادلك
والحين روحي بحفظ رب السموات
ماعادني بمزعج ولا متصل لك

وطرشهااااااااااااااااااااااااا وقلبة يتقطع

ووصلها المسج وهي على نفس جلستها واول ماقرت الابيات نزلت راسها شوي وماحست الا بحراره دمعتها تسيل على خدها

وهي تقووول لا لا ياناصر لا ياناصر امزح امزح ... وقامت تبكي بصوت واطي ... وهي تقول : انا ليش سويت كذا والله طفيت الجوال بس راحت الرساله ...

وانتظروا الجزء الجاااااااااااي

هند88

28-09-2010, 11:57 AM

مسكين :(

عساك عالقوة اخوي

أ التميمي

28-09-2010, 12:00 PM

يالله سترك بس

لا اظاهر هالفلم الهندي مهب خالص

**هـتــــــان**

28-09-2010, 12:03 PM

في ذمتي ماعاد ارسل مسجات
وفي ذمتي ماعادني متصل لك
انا الذي سويت هاذي الحركات
عشان اوصل لك واعزك وادلك
والحين روحي بحفظ رب السموات
ماعادني بمزعج ولا متصل لك

:(

احلى شي بقصتك الابيات الشعريه صراحه روووعه ..
يعطيك العافيه .

ع.م

29-09-2010, 07:41 AM

أي شي مني يضيع بيرد بعدين
لاشك قلبي كيف يرجع لدارة

هالبيت ذكرني باغنية ويتني هيوستن where do broken hearts go
لما قالت can they find their way home

شي شي..

متابعييين..

طموحي عالي

29-09-2010, 08:31 AM

ماله حل نويصر

كسر خاطري حالته حاله

ع.م

29-09-2010, 09:12 AM

أتمنى مايتزوجوون..

بليززز لاتزوجهم بليز بليز بليز..

خل النهاية شي غييير متوقع..

:) مجرد اقتراح..

أ التميمي

29-09-2010, 09:27 AM

اقول اذا يبون شاهد انا وعمي بوحارب حاضرين جعله مبارك

من عندي عشر خرفان وديجين ..........خخخخخخخخخخخخخخخخخ

يلا عاد سارت تسع اظاهر بطوف حلقات مهند ونور 39000 الف حلقه مهب خالصين

A bin M

29-09-2010, 12:00 PM

تسلم اخوي على التكمله

وفي انتظار الجزء :)

ع.م

29-09-2010, 12:22 PM

خاطري الأحداث تكون حزينه و نقرا شعر فيه شجن :)

شاعر اللحظات

29-09-2010, 03:26 PM

اعذروني اليوم مارحت الدوام وانا بصراحه مايجيني الالهام الا في مكتبي وجدامي قلاص كرك ههههههه

انشالله الليله او بكره ننزل جزء طويل ومميز

طموحي عالي

29-09-2010, 09:14 PM

اوكيه اوكيه

بس لاتغيب وايد

المهم نبي حزن وعذاب

لان ماعتقد اذا تزوجوا بتكون القصيده ناجحه }}}} طموحوه طلعي برع

أ التميمي

30-09-2010, 08:58 AM

صباااحك ورد

••.•°¯`•.•• ••.•°¯`•.•• ••.•°¯`•.•• ••.•°¯`•.••

شف كيف قلبي
قبل اجيلك..
حضر لك!
عليك يسبقني
وأنا مابعد..
جــيــت!
أخطـــيت؟!
و مسامح
وجيت..
أعتذر لك!
بالـلـه من يقدر!!
يقول أنك..
أخطيـــت!

••.•°¯`•.•• ••.•°¯`•.•• ••.•°¯`•.•• ••.•°¯`•.••

كح كح كح

سلامات يالغالي عسى ماشر مادومت ليكون اتحب

خطاك الشر

وننتظر مهند ونور اسف نصور وهندوووو واخرتها معاهم قصة حب بالوزاره

A bin M

30-09-2010, 06:00 PM

اعذروني اليوم مارحت الدوام وانا بصراحه مايجيني الالهام الا في مكتبي وجدامي قلاص كرك ههههههه

انشالله الليله او بكره ننزل جزء طويل ومميز

أوكي

بس لاحد يطول علينا

حليتان*

30-09-2010, 06:25 PM

يومين ماكتبت شي .... :(

nasser 519

30-09-2010, 11:31 PM

ناااطرييين !!

طموحي عالي

01-10-2010, 12:12 AM

ويتنغ

عذاري قطر 2011

02-10-2010, 12:28 AM

من طول الغيبات ...

حليتان*

02-10-2010, 12:44 AM

ناااطرييين !!

صدناااااااااه ناصر الي في القصة :tease:

nasser 519

02-10-2010, 12:51 AM

صدناااااااااه ناصر الي في القصة :tease:

:omg:

ههههههههههههههههههههههههههه

طموحي عالي

02-10-2010, 08:59 PM

خلص الخميس
وخلص الويكند
وبكره دوام
وماراح اداوم

وانت مانزلت الجزء

nasser 519

02-10-2010, 11:42 PM

:cry2:

ويييينننك ><

ع.م

03-10-2010, 07:32 AM

الله لايهينك..

المرة الجاية..

لووو سمحت..

اكتب القصة كاملة عاللابتوب..

عقب نزل لنا الحلقات في أوقات محددة :(

طموحي عالي

03-10-2010, 08:08 AM

شاعر اللحظات والامسيات لقد علقت المشاهدين

ذكرتني لمن كنت اشوف مسلسل تركي وتوفى واحد من شيوخ الدوله اللي كنت اشاهد المسلسل عليها وتميت ثلاث ايام لين رجعوا افتحوا

<<< مادري شدخل بس مشوا

عاد تمللت ترى بقولهم يحذفون القصه

المهاجر

03-10-2010, 08:35 AM

أ التميمي

03-10-2010, 08:38 AM

يمكن نصور ماخذ اجازه ولا هندو زعلته وقالتله لا تكمل القصه

شوهيدي ياخيييييي

طموحي عالي

03-10-2010, 09:22 AM

مالكم حل والموضوع بيسكر بسببكم

شاعر اللحظات

03-10-2010, 10:04 AM

هلا والله وغلا ومرحبا مليووووووووووووووووووون والله اني احبــــــــــــــكم في الله يااعضاء هالمنتدى الكريم

والعذر والسموحه على التأخير نظرا لاني كنت مسااااااااااااافر خارج نطاق التغطيه وتوني راجع البارحه في الليل وانا الحين في الدوام وطالب لي قلاص كرك مع شوي نسكافية ... وقرطاسه اللبتن نصها في القلاص ونصها برااااااا.... من كثر ماااااانا مندمج في الكتابة

أ التميمي

03-10-2010, 10:13 AM

تستاهل السلامه وين الصوغه

يا شاعر اللحظات تكفى اليوم سوها اخر حلقه ترى مايسير جي يامعود كل يوم ننتظر

وصبااااااحك مشموووووووم

شاعر اللحظات

03-10-2010, 11:04 AM

انتوا عارفين الجزء السابق لما هند طرشت المسج وحاولت انها تتراجع بس ماقدرت .. لان المسج رايح رايح .... ولا نسيتوا شعاااار كيوتل (( للنتواصل بالطيب ولا بالغصب ))

ومسكت جوالها وقلبها تحس انه بيطلع من الحره وتفتح مسجات ناصر وقامت تقراها من بدايتها ... مسج مسج ..........
لحد ماوصلت عند ابياااااااته يوم يقوووول :

ياهند عذرا ... اسمحي لي فديتك
ادش جوك واستبيحه دقايق
خليت كل الناس والله وجيتك
لانك امل روحي وهاذي حقايق
وقامت تقراء في الشطر الاخير وتعيد قراءته اكثر من مره

وماحست بنفسها الا وهي تقوووول :

انا توقعتك مثل باقي الناس
يعني تسلى في مشاعر بنيه
حتى عرفت انك مميز وحساس
ونيتك بيضا والنوايا مطيــــة وننتقل للناصر المسكين اللي للحين مصدووووم برده فعل هند ... وكان اخونا قاعد في غرفته وعينيه منزلها لجهه غير معلومه يعني كأنه يطالع في شي قدامه ولا في الحقيقه هو سرحاااااااااان

لحد ماجات عينه على التلفزيون لانه سمع اسم هنـــــــد على لسان المذيع والتفت بسرعة بدون وعي
طلع المذيع يقووول : نشرت الهند مئات الالاف من قوات الشرطة في مختلف المناطق "الحساسة" في البلاد تحسبا لاعمال شغب

وتنهد تنهيدة حاااااااره جدا وهو يقوووووول :

ياهند فيك الشغب موجود من مبطي
صعبه نسيطر على ا لاوضاع بسبابك
انا مجرد بشر من فطرتي اخـــطي
وانتي مجرد بشر يذبحني غيــــابك
وفي صباح اليوم التالي ... داوم ناصر بدري وعيونه باين عليها التعب .... وذلك لانه البارحه كله مانام وذلك لتفكيرة في هند .....

وجلس مثل العااااااااااااااااااااااااده على مكتبه ورجع بالكرسي ورااااا وهو يقووول : حبييييييييييييييييب

شوي الا حبيييييييييييب عنده يذكرني بمارد المصباح ...

قال له ناصر : ابي قهووووووه تقند الراس وتعدل المزاااااج تكفى ياحبيب ترى النفسية ززززززفت

استغرب حبيب وقاااال : غررررريبة انت بالعااااااااده ماعندك الا حبيييييييييييييييييب كرررررررررررك
رد ناصر : لالا حبيب فعلا انا محتاااااااااااج قهوه
ضحك حبيب : ومن قايل لك عندنا قهووووووووه مافيه اصلا
قاااال ناصر وهو يحك جبهته :يااااااخي تصرف حتى لو تجيب لي كرك وتقول انه قهووووووه اهم شي طاري قهوووه

وطلع حبيب وهو يهز راسه مستغرررررب من دلاخة ناصر

وغمض ناصر عيونه وهو يترنم ويقووووول (( لاتواخذونا على سالفه غمض عيووونه ...هههههه سر الشعر في العيون هههه):

اهل الهوى يشكون ضيم الجروحي
ياليتني أحمل عناهم والاحــــــزان
وتكون لذات الهوى لي بروووحي
ماذاقها قبلي ولا بعـــــدي انسان
واردف قائلا ااااااااه ياويل حاااالي ... الله يسامحك ياهند

ورجع لجواله .... وفتح مسجات هند وقام يقراها وهو يتبسم ..... لحد ماويصل للمسج الاخير ...ويحس برعشه في جسمه ....وهو خاااااطره يصيح باعلى صوته ويقووووووووووول ليه ياهند

اما هند كانت فأن حالها ماكان احسن من حال ناصر المسكينه اول مره تداوم متأخر .. وكانت مستغربه من حالتها وليش هي انعجبت في ناصر ... معقووووووله خلال يوم وليله يصير هذا كله

وكل شوي تحاول تبعد هالافكار من راسها بس ماتقدر ... لانها فعلا منجذبه له مثل ماهو متولع فيها

وجلست على مكتبها وهي تحس بمشاعر واحاسيس غريبه ...
مالها خلق الشغل .. تفكير ... ضيقه .... شعووور غريب مع رجفه غريبه في جسمها ....مع تنهيدة .... وكل شوي تقوووول : يااااااااويلي لايكون حبيت هالملقوف ناصر ....اااااااه ياراسي مو قادره اركز ..

المهم االاخت افتحت اوت لوك الوزارة ... اللي هو الايميل اكيد اكثر الموظفين عارفينه ....وكانوا الوزارة مسوين لها ايميل خاااااص ... ماحصلت الا مسج واحد ... تحت مسمى اخبار الوزارة :-

وفتحت الرساله ... وكان فيه اخبار عن زيارات الوزير الميدانيه ....وكان فيه صور كثيرة ... لحد ماوصلت عند صوره هزتها هز ..

كانت صوره لناااااصر ...وهو يشرح للوزير طبيعه عمل قسمهم وكان ناصر شكله حلوووو وجذاب
حتى انه اطول من الوزير ... وله رزه ماااالها حل ... يعني ناقصه بس يلبس بشت ويكون وزير بروحه

هي شافت الصورة واحفظتها عندها ....وسوت زووووم لها لحد ماصار وجه ناصر على الشاشه كامله ......

وبدون وعي ولا ادراك ماشافت نفسها الا وهي تقووول : فديته 

شوي الا تليفونها يرن .. وترد هند ... الا هذي سكرتيرة المدير تقووول لها ان المدير طالبك عشان اجتماع وبرسل لك الحين جدول الاعمال ....

وراحت هند لغرفة الاجتماعات وكان موجود المدير ومساعد المدير ... ومدير الشؤون القانونية .. وثلاث بنات منسقات من ادارات خارجيه

التفت المدير في الجميع وقااااااال اعتقد العدد كااااامل .....نبدء على بركه الله ....

شوي الا ناصر داش عليهم وهو يقوووول : اااافا ابو عبدالله تبدون من دووووووني
ابتسم المدير وهو يقوووول : نسيت ياناااااااصر العذر منك وانا اخوك

ناصر مالاحظ وجود هنــــــد لانه مارفع عينه في البنات اللي في اخر الطاوله ...من زود الذرابه يعني ....

اما هنـــــــد حست ان قلبها بيطع من مكانه ....ونزلت راسها علشان مايلاحظ تعابير وجهها وهو التمتم في داخلها وتقووووووول اااااحلى يالثقيل

وبدء الاجتماع ... وتكلم المدير وبعدها تكلمت وحده من البنات والتفت ناصر يبي يسمع الكلام الا هنـــــــد هناااااك جالسه بينهم كأنه حوريه واللي معاها وصيفااااااااات

والبنت تتكلم والمدير يهز راااااااسه ....معجب في كلام البنت ....ولما خلصت كلامها
التفت المدير على ناصر وقال له : شرايك ياناصر في كلام شيخه .
رد ناصر بسرعه وبدون تكفير : والله ياهند كلام حلوووووو ...وأأأأأأأأأأأأأأأأأأنتبه في أأأأأأأأأأأأأخر لحظه (( أأأأأم الاحراج ))

ع.م

03-10-2010, 11:26 AM

والله ياهند كلام حلووو !!!

أمااا!!!

انزين شلون رقعها!!

عجيب البارت :)

أ التميمي

03-10-2010, 11:56 AM

هي شافت الصورة واحفظتها عندها ....وسوت زووووم لها لحد ماصار وجه ناصر على الشاشه كامله ......

وبدون وعي ولا ادراك ماشافت نفسها الا وهي تقووول : فديته 

خوش خوش والله

http://im1.gulfup.com/2010-10/12860935684.gif

الله يستر من الي جاي

شاعر اللحظات

03-10-2010, 11:58 AM

تبوني اختصر القصة واخلصها لكم بكره هههههههههه علشان تفتكون فيني

A bin M

03-10-2010, 12:06 PM

راااح وطي .. مادري اشلون بيرقعها .!!!

في انتظار التكلمه اخووووووووي

والله يعطيك العافية

**هـتــــــان**

03-10-2010, 04:09 PM

هههههههههههههههههههههههههههههههههههه مدري ليه عندي احساس انهم بوزارة التربيه قصدي بالمجلس الاعلى خخخخخخخخخخخخ
شاعر اللحظات صح لسانك على الشعر ابداع صراحتا .:)

حليتان*

03-10-2010, 04:34 PM

ههههههههه

لو انك قايل اماف كان كانت القصه واقعيه اكثر هههههههه

الله يعطيك العافيه

وننتظرك

طموحي عالي

03-10-2010, 08:40 PM

يالهوتي لهوتاه

ياني احس هالموضوع بوزاره من الوزارات اللي عالكورنيش >>>> طموح طلعي برع كل الوزارات تقريبا بالكورنيش

<<< كنت اقلد هتان

شويهينــه

03-10-2010, 09:20 PM

من اول مانزلت القصه وانا امسك نفسي مادخلها عشان اقراها مره وحده

واليوم دخلت وقريتها ولحين ماخلصتها:weeping:

مثل كل مره مبدع يا شاعر اللحظات وننتظر التكمله

حقيقه

05-10-2010, 08:17 AM

منتظرينك ياشاعر

طموحي عالي

05-10-2010, 08:23 AM

شاعر اللحظات صدقوني
الحين بيدخل ويقول امس كنت غايب

**هـتــــــان**

05-10-2010, 08:57 AM

اذا طلع غايب بعطيه لفت نظر عشان يتوب ..وبنخصم من راتبه بعد ..:)

QatarRose

05-10-2010, 10:39 AM

yalla i'm waiting :(

soso363

05-10-2010, 11:32 AM

waiting waiting

A bin M

05-10-2010, 11:52 AM

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

nasser 519

05-10-2010, 01:34 PM

!!!!!!!!!!!!!!!!!!!!!!!!!!

أ التميمي

05-10-2010, 02:12 PM

http://im1.gulfup.com/2010-10/12862770864.gif

http://im1.gulfup.com/2010-10/12862770863.gif

هنوووووووووووووووووووووو نصووووووووووووووووووووووور كياهواااااااا

soso363

07-10-2010, 08:16 AM

:waiting: :waiting:

حـ ن ـيـ ن

07-10-2010, 08:19 AM

يمكن صاده المدير وهو يكتب القصة

وطن

07-10-2010, 09:10 AM

يمكن صاده المدير وهو يكتب القصة

لا ناصر اللي صاده

:tease:

شاعر اللحظات

07-10-2010, 09:38 AM

ههههههههههههههههههه اموووووووووووت على تعليقاتكم

سلام عليكم وصبااااااااااااااااح الخير والحب والاحساس اولطيبه

والله والله توني راجع من الكويت امس .... ظروووف شغلي ذبحتني بالسفــــــــــــر وخلتني اقصر معكم

عموما انتظروا النهاية الحميمه مدري الاليمه وتابعوا معانا اخر المستجدات والاحداث

أ التميمي

07-10-2010, 09:59 AM

ألا يا الله يا عالم بحالي .. تزيل الهم عن قلبي تزيله

خذت مني اليالي اعز غالي .. تفارقنا ولا باليد حيله

سهرت ايام مع عدّة ليالي .. وحالي من سبايبهم عليله

عليّ الوقت يا مشكاي حالي .. الا بالله عدّل كل ميله

الا ليت البكى بيرد غالي .. لسيّل واديٍ ما سال سيله

واصيح صياح من صابه هبالي .. على اللى نافلٍ بالزين جيله

الا يا عين منك عزتالي .. على الحمى تزيدينه مليله

شاعر اللحظات

07-10-2010, 10:02 AM

وبعد ماقال ياهند كلام حلووووووووو......تفاجاء المديربكلام ناصر اما هند صار وجهها أحمر من الخجل

وفي الحال كمل ناصر وقال : انا قصدي نفس الكلام اللي قلته لي هند قبل الاجتماع لانك وانت تتكلم كنت افكر في كلامها .

ابتسم المدير وهو يقول : زين المره الجايه ركز ( يعني افهمها امشيها بمزاجي هههههه)

وخلص الاجتماع وطلع المدير والاعضاء وبقى ناصر يلم باقي مستنداته الا وصت هند من ورااااه يقول :

نااااصر

والتفت ناصر بهدوء لمصدر الصوت وتفاجاء انه هند ....

كان بيقول لها لبيه ... بس مسك نفسه وقال : هلا اختي هند

قالت له : نااااصر انا اسفه
رد ناصر بسرعه : وانا بعد أحبك (( الموقف كان ثواني بس انصعق من رده ... لالالالالا وحط كفة على فمه على باله انها ماسمعت الكلمه ) المسكين ماكان يقصدها بس طلعت غصب عنه

اما عن هند انصدمت من رد ناااااااصر .... وتخربطت ولفت بكامل جسمها الي اتجاه الباب وهي ماتدري شتقول وترد ماقدرت ترد عليه بكلمه

وهي ماشيه ومرتبكه رايحه لمكتبها ....تفاجاءت بنفسها تقول وتردد : وانا بعد .. وانا بعد ... وانا بعد

وراحت لمكتبها وهي متفشله حدددها

اما عن ناصر الله اعلم بحالته

المسكين جالس في غرفه الاجتماعات وحاط يده على راااااااااااسه وهو يقووووووووووووول
ياااااربي ويش هالغباء اللي فيني انا ويش سووووويت .......

وبعدها راااااح لمكتبه مايدري ويش يســــــــــوي ومثل العاااااااااااااااده : حبييييييييييييييب كرك

وجاء الكرك وصار ايس كرك والاخ مادرا عنه وتنهد وقال :-

العيد توه وانت بتقرب العيد
من قو قسوه خافقك وانعواجه
شبيت في صدري فتيل البواريد
وحميت في جوفي ثمانين صاجه
اتعبتني من كثر مارد واعيد
اركد وركد لي طموح ولجاجه
لاتقول ماحبك ولاتقول ماريد
ولاتقول مالي في مواصلك حاجه

ورجع على جهاز الكمبيوتر وفتحه وعلى طول فتح الاوت لووووووووك

وانبهر لما حصل رساله من هنـــــــــــــــــــــــد

ومد المؤشر على عنوان الرســـــــــــــــــــــــــــــال وقلبه يرجف

ويدق
ويدق
ويدق

الله يســــــــــــــــــتر

افتح ولا مافتح ... والله مالي وجه......

وبعدين شال المؤشر من عنوان الرساله ... ومسحها ....بدون مايقراها لانه خايف ينهااااار اكثر من محتواها

اما عن هند المسكينه جالسه على عصاااااابها وهي تقوووول .....

قراها ... ماقراها .......اوووف انا ويش سويت

ورجعت على الرسائل المرسلة تقراء اللي كاتبته

كانت كاتبه لـــ ناصر ..... ناصر ... وانا بعد ....

(( هذا الجزء اللي قبل الاخير ))

والجزء الجااااي بيكووووووون الاخير واتوقع انزله الليله او يوم السبت انشالله وتشرفت بمتابعتكم
وانا كنت ناوي انهي القصة اليوم بس مابي اخسر تواصلكم وتعليقاتكم الحلوه

أ التميمي

07-10-2010, 10:26 AM

يستاهلون وبلمبارك

نهاية كل فليم هندي اكيد البطل بيتزوج البطله

Qatarianes

07-10-2010, 10:29 AM

هههههه والله توني متابع القصه من بدايتها عجيبه حدها
وياسلام على الشعر خرافي
يعطيك الف عافيه وبنطر نهاية القصه بكل شغف

طموحي عالي

07-10-2010, 06:13 PM

شاعر اللحظات والامسيات

اسمحلي قصتك مب ناجحه
عيل فيه ناس ناضجين يقولها وانا بعد احبج وين تمالك النفس
انا احس انك اخطأت في هالبارت الصغير النتفه

وبعدين قلت لك لاتخليهم يزوجون لان بعطيك تقييم 10/1 لان ماصدق

ويسلمو
وبليز نبي بارت طويل

شاعر اللحظات

08-10-2010, 02:00 AM

طمــــــــــــــــــــــــــــوحي
هو قالها احبك بالغلط يعني بدون ادراااااااااااااااك لانه عايش جو ثاني

وانتظر الباااااااااارت المثير ..............................

طموحي عالي

08-10-2010, 02:28 AM

ويتنغ ويتنغ

لاطول

عاد تدري يوم حط يده على فمه قاعده اقلده <<<< وايد تندمج

لايوقف
بس تخلص القصه نبي ثانيه
>>>> خل تخلص اول ويصير خير

طموحي عالي

08-10-2010, 01:29 PM

للحين مانزل البارت رقدت وقمت وللحين

الوهم 1

09-10-2010, 10:46 PM

ويتنق ويتنق

قصه حلووه ياحلوو

حليتان*

09-10-2010, 11:07 PM

هههه

عجيييييييييييبه القصة

A bin M

10-10-2010, 01:49 PM

شكله كلفوه بمهمه ثانيه خارجية هههههههههه

أ التميمي

10-10-2010, 02:12 PM

http://im1.gulfup.com/2010-10/12867091101.jpg

nasser 519

10-10-2010, 03:22 PM

؟؟؟؟؟؟؟

**هـتــــــان**

10-10-2010, 06:17 PM

لاحول اكيد داوم وهند غابت ::(

ع.م

11-10-2010, 07:55 AM

بل رسالة الأوتلوك قوووووية..

و حركته يوم مسح الرسالة بطت جبدي !!

وايد عايشين الدور إنهم كبل خخخ

شاعر اللحظات

11-10-2010, 08:11 AM

صبـــــــــــــــــــــــــــــاح الخيـــــــــــــــــــــــــر
صبـــــــــــــــــــــــــــاح الورد والكادددددددي

انتــــــــــــظروا الجزء الاخير ...........الاخير .........الاخير

بعد ســـــــــــــــــاعه بيكوووووون نـــــــــــــــــــــــازل

خخخخخخخ سويته مسلسل مكسيكي

Qatarianes

11-10-2010, 09:03 AM

بالانتظار بتفرفر بالحوار وراجع p:

شاعر اللحظات

11-10-2010, 09:27 AM

تـــــكملة ...

مثل مانتوا عارفين ان ناصر قام بمسح الرساله قبل قرائتها وهند المسكينه على بالها انه قراها
وقامت تنتظر منه رده فعل .......

ونرجع على ناصر .. العاشق ابو النكبات .....

كان اخونا جالس يفكر في هند وفي كل تفاصيل وجة هند ....ابتسامتها ... عيونها ... غمازه خدها من يمين يعني كانها منسوخة في خيالة .... يحاول يطرد هالصوره بس مايقدر ....

وترجل في الحال بهذه الابيات :-

يـــــاهند وعيون الشقاوي حزينه
تأخذ مع الاحلام غفوه دقــــــايق
عشى اتذكر جمالك ووووزينك
ليتك على قلب المعنى توااايق

وقام يراجع كلمات القصيده وقال في نفسه : بذمتي لو اكتب قصايد الدنيا كلها ماتوفي حق هند ....

واطبق جفنية (( والله ماني بهين على كلمه اطبق ههههه )) ويراجع نفسه ويقول : ياترى هي شنو كاتبه في الاوت لووووك .... حساااافه انا ليش حذفت الرساله ...مممم طيب ليش ماسألها ... شنو بيصير يعني ....تنطبق الارض

وهو مازال يفكر ويفكر ماشاف نفسه وهو رافع سماعه تليفون المكتب واتصل على مكتب هند فعلا وقلبه يدق ويدق

شووووي الا وصوت هند العذب من خلف السماعه ... وكانت مستانسه بتصاله ومتأكده انه قراء الرساله .....

هنـــــــــد : الو ...
ناصر ( متلعثم ) : هلا هنـــــد .... سلام عليكم
هنـــــد : عليك السلام حيااااك الله
ناصر ( متلخبط ) : هنـــــد بعد اذنك انا انا
هند : شفيك ناصر تكلم عاااادي ( تنتظر رده فعله ... مسكينه )
ناصر : هند .. انا انا .... انا طالب ريوق تبيني اطرش لك (( يخرررررب بيت الاسلوب ياناصر فشلتنا ))
هند ( تمثل الهدوء وهي تغلي من الداخل ) : ريوووووق ياناصر ... ريوووق ....الله يصلحك مابي منك شي وياليت المسج اللي طرشته لك تمسحه من الاوت لو ومن الرسائل المحذوفه ...
( وسكرت السماعه )

ولكن ناصر هالمره ماتفاجاء من رده فعل هند ... تدرون ليش لانه يستااااااااااهل ماجاه .... ولا واحد يقول حق وحده يبي يتعرف عليها تبين ريووووق ... حسبي الله ونعم الوكيل فيك يانااااااااااصر

المهم ناصر مازال يفكر في الجمله الاخير اللي قالتها هند وكأنها تصحيه من النوم لما قالت : تمسح الرساله من صندوق الرسايل المحذوفه ,,,

هنا طلعت لمبه فوق راس ناصر ... وهو يقول ( أأأأأها الرسايل المحذوفه ... والله اني مفهي ))

ويرجع اخونا الرومنسي للاوت لوك ويفتح قائمه صندوق الرسايل المحذوفه ... وفعلا جميع الرسايل اللي حذفها كانت موجوده لانها تحتاج الي حذف نهائي وناصر ماكان عنده ذيك الخبره في الاوت لوك

ولف بمؤشر الماوس على شاشه الكمبيوتر وقام يخمس فيه بأتجاه المسج اللي وصل من هند ...

وبكل حذر وتأني ... فتح المسج .........وتفاجاء بمحتواها ... وقام من الكرسي بدوووون شعور ... وده يغني وده يرقص .....مايدري عن الشعور اللي يحس فيه .....

وتنفس نفسين حلووووين .... وجلس مره ثانيه على الكرسي وفتح رساله جديده جديده مافيها ولا شخطه لان ناوي يكتب لها شي ماصار ولا استوى .....

وكتب رسالته التي كانت على النحو التالي
هنــــد صبـــــاح الخير ... او اقول للصباح .. صباحك هند ...
ربما لاكون ماهرا في صياغة الرسائل والتلاعب في المفردات
ولكنني متمكن من اثبات مشاعري وترجمه احاسيسي ...
لقد قراءت رسالتك التي لاتتعدى بضعة حروف ....ولكن حروفها بمثابة قصة رومنسيه ملتهبه ... الهبت جوارحي وحركت مشاعري
انتي تقولين ( وانا بعد ) وانا اقول (( يابعد كل بــــــعد ))
وبمشاعر جياشة تتعارض مع فكر عقلي وتتفق مع نبض قلبي أكتب أليك أول رسالة اعجاب حقيقية صادرة من داخل أعماقي.
قد تستغربين كيف أكتب أليك , وما سبب اختياري لك ...وهل أنا أعرفك أو أعرف اسمك ؟
أم هي نظرة اعجاب فحسب لا تتحمل الا مشاعر تنتهي بمجرد انتهاء النظر أليك ...
وهل هي مرة أو مرتان رأيتك فيهن كافيتان لأن أسطر أجمل الكلمات وأرق المشاعر وأعذب العبارات وأزفها
بين راحتيك؟
نعم ....انشغل بك القلب بمجرد نظرة واحدة قادته أليك العيون ..قد لا تصدقين لكن القلب عندما يعشق لا يسأل عن
اسم أو جاه أو زمان أو مكان .
نعم الحق معك انه لا يوجد حب أسير لحظة بل الحب مجموعة تصاوير وأحاسيس تجاه من نعشق أو نحب ...
لا تأتي بيوم أوليلة ولكنها سهر ليل وتعب أيام تفكير لا ينتهي ..قبل أن نضع أرجلنا على أول الطريق ....
ولكن أقول لك ان هناك حبا من أول نظرة , وهو أسمى أنواع الحب في نظري , لأنه نابع من القلب لارادة العقل
ولا طول تفكير ..

فها أنا أعرض عليك حبا صادق ان كنت قد رضيت بذلك.
وارسل لها الرسالة .... حتى تم الارسال

وشبك اصابعه من وراء راسه ورجع بالكرسي وراااااء وهي يتنفس الصعداء ويقوووول :: اخيرا

وبعد خمس دقايق فتح الاوت لووووك وهو مبسوط ينتظر رد هند ... ولكن المفاجاءة

جاءة رد من صديق له في الوزاره كاتب له : نصوووور والله انك منسم ويش هالرساله الغراميه اللي مطرشها لي يالهيسسسسس .... ومن هند هاذي اللي عامل نفسك عندها نزار قبااااااني يالدلخ هااااااااااااي

انبهت ناااااااااااصر ... وقاااال : ياااااااااااليل مطولك .... طرشت الرساله بالغلط اشهد اني مفهي .....

وسوى لها اعاده ارسال .... وتأكد انها هالمره لهند ...

ورجع لرسالتها السابقه يوم تقول : وانا بعد

وقام يطالع فيها ويتأمل ... (( حشا وشلون لو كاتبتها بيدها ))

وجاءة الالهام وقاااااااال :

انتي بعد وانا بعد
اكثر بعد
انتي هنا بين الضلوع ...
وغيرك ترى مابه احد
انتي بعد وانا بعد
المهم وصلت الرساله هند .... وانذهلت من مضمون الرساله .... وقامت تقراء وتقراء وكل شوي ترجع وتقراء من جديد
متعجبه من هالمشاعر والاحاسيس اللي تختلج في صدر ناصر

وردت وكتبت له :
مشكووور فديتك على الكلام الروعه اللي مايطلع الا من انسان راقي مثلك

ووطرشتها لناصر وطبعا فتحها وقراء محتواها واستااااااااااااانس من رده فعل هند

ورد عليها وكتب :

ياهند لو اكتب شعوري قصايد
والله ماتكفي خصالك فديتك
ياأم الحلا والزين كلك فرايد
اذا طلبتي نور عيني عطيتك
المهم قامت المسجات تتكرر وتزيد بين ناصر وهند
وتطورت المسجات الي مكالمات

وانقلبت المكالمات الي مشاعر جياشه وحب وغرام

واستمروا على هالحال سنتين حب وغراااام وعشق وهيام وغيرة وكل مشاعر المحبه

وكان كل ماتقدم واحد يخطب هند ترفضه علشان ناصر لانه كان يواعدها ويواعدها

والعمر يمشي ... وناصر يحبها
والعمر يمشي .. وناصر يعشمها
والعمر يمشي .. وناصر يصبرها
والعمر يمشي .. وناصر يوعدها

وهي ماتشوف في هالكون الا ناصر .... تدرون ليش لان البنت اذا حبت تضحي بكل شي ومستعده تصبر وتصبر لحد مايجي الفرج ..

المهم وبعد مامر على علاقتهم سنتين واربع شهور كانت هند في مكتبها جالسه تشووووف الاوت لوك ....

الا والصدمه الكارثه المصيبه ...

رساله واصلتها على الاوت لوك من العلاقات العامه مكتوب فيها :-

يتشرف السيد : فلان الفلاني لدعوتكم لحضور حفل نجله ناصر وذلك في المكان الفلاني

يعني من الاخر بطاااااااقه دعوه عرس ناااااااصر حبيب هننننننند

اللي كانت تنظره وترفض الكل علشانه ......

البنت المسكينه ماحست بنفسها الا بالمستشفى ...صايبها انهيار عصبي

اما ناصر في هاللحظه الاخ كان قاعد في كوفي مع واحد من اعز ربعه وكان اسمه سعوود

ودار بينهم الحديث التالي

سعود : ناصر مب حرام عليك ياناصر اللي تسويه في البنيه سنتين حب وبعدين تتزوج وتخليها
ناصر : وانت من صجك ياسعود اني باتزوج وحده اكلمها (( لاتعليييييييييييييييييييييييييييييق ))

وهذا هو الحال في مجتمعنا ... وننتظر تعليقاتكم ونتقبل النقد بصدور صافيه .....

مع تحيات اخوكم ومحبكم شاعر اللحظات

وطن

11-10-2010, 09:37 AM

أما يعني بخصوص الغراميات على ايميل الدوام !!!
هاهاهاهاهاها
محد عنده تصريح دخول على الاوت لوك عشان نطلع رسايلهم :tease:

والصراحة يا شاعر هذا حال كل العلاقات
بيروح بيتزوج وبيخليها

Qatarianes

11-10-2010, 09:49 AM

افففففففففففف
اي والله انه للاسف هذا تفكير الشباب
بصراحه السالفه من البدايه خربانه هههههههه
بس لا يعشمها بزواج عاد الحريم تعشمهم زواج خلاص فالمخبى ههههههههههههه

طموحي عالي

11-10-2010, 09:49 AM

اف ليش حرقت قلبي

والله هالناصر حقير

بس عاد تدري

قصتك مب صج وماعرفت تنسجها
الانسان اذا بدى يشعر يعني هو حب من قلب
واللي يحب من قلب مستحيل ينسى حبيبته ويتزوج فوقها

شباب الستي غير والناس اللي تحب من قلب غير

انا معصبه

ابي قصه ثانيه

طموحي عالي

11-10-2010, 09:50 AM

^^^^

كلامي مخربط صج عصبت

شاعر الزفات

11-10-2010, 10:32 AM

طمــــــــــــــــــوحي عالي .... انا بصراحه اتكلم عن واقع الحياه اللي اشوفه
يعني كل ربعي وكل الشباب اللي اعرفهم على قصص الحب اللي تصير لهم والرومنسيه اللي يعيشونها

في الاخير يتزوج البنت اللي تخطبه أأأأأمه

ماعمري سمعت ان فيه واحد متزوج حبيبته

أ التميمي

11-10-2010, 10:52 AM

افاااااااااااااااااااااااااااااااااااااااااااا

سويتها يانصور والله ماتوقعت النهايه جي ياسود الويه يانصور

وفي نفس الوقت الوم هندو يعني ماتتعلمين وتدرين انه هالشي غلط وماراح يستمر

على العموم انبارك لنصور

والله يرزق هند بالزوج الصالح ...... والله عايش مع الموضوع

خخخخخخخخخخخخخخخخخخخخخخخخ

لاهنت يالغالي وتسلم يمناك

عاد القصه الجايه نبيها اكشن نبي ضرب ومغامرات مانبي حب وبطيخ

شويهينــه

11-10-2010, 01:36 PM

خلوا ناصر على جنب شوي

طمــــــــــــــــــوحي عالي .... انا بصراحه اتكلم عن واقع الحياه اللي اشوفه
يعني كل ربعي وكل الشباب اللي اعرفهم على قصص الحب اللي تصير لهم والرومنسيه اللي يعيشونها

في الاخير يتزوج البنت اللي تخطبه أأأأأمه

ماعمري سمعت ان فيه واحد متزوج حبيبته

شالسالفه؟؟؟:telephone:

nasser 519

11-10-2010, 02:05 PM

@@!

نهاايه اتنرفز و ماكنت متوقع نااصر بيسوي هل حركه >< ههع

بس استمتع بقراءه القصه
يعطيك العاافيه اخووي
و ناطرين قصه جديده :)

**هـتــــــان**

11-10-2010, 02:56 PM

بالعكس انه كنت متوقعه النهايه ولو انتهت بالزوااااااااااااااااج كان اعتبرتها فاشله وعكس الواقع :(

احسنت شاعر اللحضات( الزفات ) اجدت في كتابه قصه واقعيـــــــــــــــــــــــــــــــــه وهذا اللي يصير بزمانا ...للاسف ...:(

يله ننتظر قصه اكشن عل قوله التميمي بلا حب بلا وجع راس بلا بلا اوهام من طرف واحد :)

حليتان*

11-10-2010, 03:40 PM

انزين ما راوها التصوير لما يستعرض في الاستاندر ؟

قطر love

11-10-2010, 03:57 PM

الصراحه خوووش قصه بس انا دخلت متاخر عشان اقراها كلها ههههههههه

يعطيك العافيه على الخيال الواسع

حقيقه

12-10-2010, 06:13 PM

كل الرجال نفس الشيء

حتى لو متزوجها بيخونها او بيطلقها

A bin M

13-10-2010, 11:12 AM

ما توقعت النهايه بتكون هالشكل .. !

تسلم الايادي على التكلمه

في انتظار جديدك

شاعر الزفات

19-10-2010, 10:35 AM

مجهز لك قصه .....خيالية على ارض الواقع
تلامس ذوقكم الشفاف ...
وتلثم ردودكم العطره

أ التميمي

19-10-2010, 10:41 AM

ابي اكشن ابي مغامرات ضرب ياخي ابعدنا عن الرمنسيه وسوالف البطيخ والطماط عود نزل

اليص اليص بقران ونص

المهاجر

19-10-2010, 10:54 AM

قصه قريبه للواقع وتصير في معظم الحالات

بس ما تعتقد يصير العكس؟!

واذا صار شبيكون رايكم في الأمر؟

هل ناصر بيكون غبي ولا انسان وفي ومخلص ؟

بوسعود2

19-10-2010, 12:42 PM

يعطيك العافيه اخوي وما قصرت وننتظر جديدك