صدق او لاتصدق ((((( سحارة الطماط لصغيرة وصلت 60 ريال )))))

[مشاكل]

نعم
هذا واقع وليس خيال
سحارة الطماط لصغيرة ب60 ريال
كيلو الخس ب13 ريال وبس
كيلو الزنجبيل ب12 ريال
فهل لذلك من تعليل؟
كيلو الكوسة 12 ريال
حوسه مابعدها حوسه

ارتفاع جنوني غير مسبوق
شمل معظم الفواكه والخظروات
فماهي الاسباب ياترى وماهي المبررات؟

[مناحي السادس عشر]

اصدق ونص
لانها من اسبوعين بالضبط وصلت اعلى من هالاسعار

[سالي 123]

حسبي الله ونعم الوكيل

[الأغر]

لانهم حكروا لهم في رمضان وطلعوها بأشياء ثانيه وغير هالكلام ما في اي شي اسمه حماية المستهلك

[بـــــــنت النوخـّــــذه]

زين ان سحاره الطماط اليوم ب 60 ترى اول امس كانت ب 80 ريال 00الدريول شاريها وجاي متخرع حتى ادريولنا مذهول يقول نفر حرامي :eek5:

صراحه انعيش وانشوف العجب 000000000000 سحاره الطماط ب 60 و80 اشله زارعينها على القمر مثلا" 00على الاقل يبيعون بسعر يصدقه العقل


وين الرقابه ووين تحديد الاسعار الي يقولون حددوها ورقابه وياويله

[طارق]

امس الوالده قالتلي
بي ليش 65
قبل رمضان كان 15
انا مستغرب صراحه
صار الطماط اغلى من الفواكه

[Live]

لا يكون يسقونه بترول ... بدال الماي :omg:

[qaswed]

نعم انا امس بالخضروات اللبنانيه الي عند الجوازات وكان سعر الصندوق 60 ريال

ياخوفي يجينا يوم نشتري الطماط بالجرام

[طارق]

لانهم حكروا لهم في رمضان وطلعوها بأشياء ثانيه وغير هالكلام ما في اي شي اسمه حماية المستهلك


هل فيه حظر تصدير من دول الى قطر واحنا آخر من يدري ؟؟؟

[وهم قطر]

بستمر على الطماط العجون خلاص والصلصل


ترا زراعه الخضروات في البيت سهله جدا

[جرح الزمان]

واذا فازت قطر بالمنديال كم بتوصل :secret:

[أم غانم]

مستورد من فرنسا وإيطاليا وحواليهم .. يجيبونه بطياير .. بعد يبون حساب قصة التذاكر والشحن

[جرح الزمان]

نعم انا امس بالخضروات اللبنانيه الي عند الجوازات وكان سعر الصندوق 60 ريال

ياخوفي يجينا يوم نشتري الطماط بالجرام

:omg:

[الأغر]

هل فيه حظر تصدير من دول الى قطر واحنا آخر من يدري ؟؟؟

كل شيء جائز لا وهذا ما اتضحت هل قطر ستأخذ الاستضافه ولا لا الله يستر هالبدايه بالطماطم

[A bin M]

بصراحه من رحت سوق الخضره استغربت من السعر .!!


لو في انتاج قطر كان نزلت كل الاسعار ..

[الأغر]

بصراحه من رحت سوق الخضره استغربت من السعر .!!


لو في انتاج قطر كان نزلت كل الاسعار ..

انتاج محلي الله يحفظك اللي في اللولو واللي في محل الخضروات الفرق ان اللي باللولو الكيلوا على 8 ريال والمحل 10

[هبوب الكوس]

سمعت ان بعد كم يوم بتوصل الشاحنات الخضره

وان شاء الله تنخفظ الاسعار

والسبب التأخر مصادفت العيد والاجازات

ولعدم الكتفاء لمزارع داخل البلد على سد النقص الحاصل

[بنت ابوها 19]

الله يرحم الطماط الي كان مزروع ببيتنا من كثره كان يخيس

والحين الطماط وصل 60 والله عجب

[إينشتاين]

سمعت إن في الإمارات على ايام الشيخ زايد الله يرحمة كانوا يصرفون للمواطنين مزارع والحكومة تشتري الإنتاج من المواطنين.

لو يطبقون هالنظام عندنا راح نسد النقص ونقلل من استيراد الخضروات والفواكة.

[باسكن روبنز]

مب مشكله خل يرتفع ويوصل 600 ،
لآنه أذا ماثبتوا دورهم ووجودهم في هالموضوع؟ ،



جدياً راح أشن حمله وأطالب بالجرائد والمنتديات بـأغلاق حماية المستهلك ،
أمصخت واااااايد ، :)

[Breakaway]

صوب بر ام صلال ينبت و متوفر بكميات كبيرة!

[حسن]

والله اشك في دريولكم يابنت النوخذه

[باسكن روبنز]

جزاك الله خير يالمهل ،

http://www.qatarshares.com/vb/showthread.php?t=397509&highlight=%DE%D8%D1+%CE%D6%D1%C7%C1

[جوال 11]

ارتفاع جنوني غير مسبوق
شمل معظم الفواكه والخظروات
فماهي الاسباب ياترى وماهي المبررات؟

الأسباب هو ترك التجار ليربحوا على حساب المستهلك ويمكن المراقبين على السوق ما زالوا في أجازة العيد .
وأحد المسؤلين في الميرة يذكر بأن الشاحنات من الدول المصدرة توقفت خلال أجازة العيد نظراً لعدم وجود مفتشين صحيين في مراكز الدول التي تمر عليها هذه الشاحنات والله أعلم.

[مساهم فنان]

التجار تعلموا على رفع الأسعار ويدرون محد بيردعهم .
في رمضان الخضروات ارتفعت بشكل جنوني ... الناس اصرخت واصرخت وين حماية المستهلك ؟؟؟
حماية المستهلك ما سمعت صراخهم ، هههه تمادى التجار بعد رمضان ويلاه رفع رفع رفع في الأسعار .
أنا سمعت في رمضان إن الأسعار في قطر بتصير مثل أسعار الدول المجاورة .
وين ؟ وين؟ وين؟
لاحياة لمن تنادي.

[ام شوشي]

وياريت الطماط زين كلة خايس وبس اللي قاهرني ليش متمسكين على سعرة الغالي لانة والله اعلم

علية طلب وثانيا مثل ماتفضل احد الاخوان انة الخضروات اللي عندهم كلها متخزنة مالت رمضان

فا الحين بتجي الشاحنات محملة با الخضروات الجديدة با الاضافة للاسعار ان شاء الله تسر

خاطركم