المساعد الشخصي الرقمي

مشاهدة النسخة كاملة : اللي مايعرف حق الصقر يشويه


النسره
19-04-2005, 10:47 AM
:( السلام عليكم يااخوان

بصراحه اللي خلاني احط هالعنوان اني تسلفت خمسة الاف ريال (لاتضحكون على الفقارى هذا حدهم ) وشريت لاول مره في حياتي اسهم ناقلات ومتوهقه بصراحه حطيت امال كبيره (وتفشل ) على مردودها وكل يوم اشوفها تنزل وقلبي يحترق :mad: اخ لو اعرف من السبب المؤشر يرتفع وقام حظ الاسهم الثانيه وهو كل يوم ينزل عاد بردوا قلبي وشوفولي حل (في ظنكم ابيعها واشتري اسهم من اللي يرتفعون والا اشلون (والله حاله فتحولنا شغله احنا في غنى عنها ) اللي يشوف نفسه يقدر يخليني اعرف حق الصقر وما اشويه يعطيني النصايح وشاكره لكم معاونتكم للفقيره لله :(
شهبندرالتجار
19-04-2005, 10:57 AM
وعليكم السلام
بكم شريتيها ... الله هداج
حبيـ M ـبها
19-04-2005, 10:58 AM
اختي صدقيني شورك بيدك انتي .. لاتسمعين كلام حد ..

تحياتي لك
ali
19-04-2005, 11:07 AM
اختي الكريمه

الصبر الصبر الصبر

قريب ان شاء الله سوف ترا النور ناقلات

اختي العرض 2191937
والي انباع اليوم 1275274

الصبر ثم الصبر اختي
بترتفع قريب ولا تستعجلين با البيعه

تحياتي :)
شهبندرالتجار
19-04-2005, 11:12 AM
اخاف النسره ... الحين ادور على موضوعة في المنتدى الثاني
علي
19-04-2005, 11:14 AM
نصييحتي بيعها الناقلات نازله او راح اتواصل نزول وارتفاعها راح ايكون بطئ لكثرة الاسهم

هذا توقعي والعلم عند الله
Chambray
19-04-2005, 11:32 AM
أخاف بس ( اللي مايعرف حق الصقر يشويه ) لوووووووووووووووول

الي مايعرف الصقر يشوييييييييييه لووووووووووووووووووووووووووول
ابوسعود
19-04-2005, 11:51 AM
اذا انتي مستثمره على المدى الطويل اعتقد ok

اما لللمضاربه طبعا اكيد خسرانه لان السهم نازل

ومازال الاغرااااااااق في العرض مستمر
hazim
19-04-2005, 01:49 PM
أختي النسرة..
أعتقد أن أكبر سعر وصل إليه سعر سهم الناقلات هو 80 ريال، وأنا أظن أن سعر هذا السهم سيرتفع كثيرا إنشاء الله في القريب العاجل والذي يدل على ذلك حجم التداول على هذا السهم اليوم والذي زاد عن مليون. أي أن الشراء يزداد ولكن الكبار الذين يشترون لا يقومون بشراء كمية كبيرة في يوم واحد حتى يحافظوا على انخفاض سعر السهم. وحينما ينفذ المعروض وذلك قريبا إن شاء الله، سيبدأ السهم بالارتفاع وفي ذلك الوقت يمكن أن تبيعي.
وفقك الله وأغناك من نعيمه وثوابه
النسره
19-04-2005, 02:42 PM
][b]عساكم على القوة عطوني خبر يبه انكم نقلتوا الموضوع بغيت اروح احط شكوى على منتدى الدروس (مشاركه وحده وبتشتكي ) المهم بندور الصبر وبنضارب فيه شنسوي بعد الله كريم شكرا لكم جميعا والله يقدر يساعدني حتى استوي هاموره صغيره لايقصر (للعلم الهاموره زوجة الهامور في قاموس الاحياء المائيه ودمتم حق اختكم النسره] :rolleyes: