المساعد الشخصي الرقمي

مشاهدة النسخة كاملة : هل بعض الوزارات والهيئات محتاجه الى اعادة تأهيل؟!


هدهد سليمان
21-09-2010, 08:31 PM
السلام عليكم ورحمة الله وبركاته ..

ما أن بدأ العام الدراسي الجديد حتى بدأ التخبط والتلخبط في التعليم من ناحيه التسجيل والتدريس والمنهج وتونا نقول بسم الله نبتدي .. وفي شوارعنا من ناحية اخرى !

يعني طول هالمده يا اشغال او التخطيط العمراني راقدين ويوم ما ابتدت الدراسه والزحمه بدأتم بإغلاق الشوارع !!

http://www.saad-toon.com/Aug-2009/20090809.jpg

الى متى ونحن في مثل هذه التخبطات .. الى متى سنتحمل ونتحمل ( طبعا غصب طيب بنتحمل ) هل اللي يخطط الشوارع ما يدري شالسالفه؟ شوي الا شارع مقفليه الا شوي شارع حافرينه الا شوي جسر معدلينه والمشكله العلامات الارشاديه ما تبتدي الا على بعد بسيط من مكان مشروع الحفر !

يا الجهة المعنيه ( لاني ما ادري من اخاطب هذا يقط على ذاك وذاك يقط على الثاني ) في الدول الثانيه الشارع اذا كان حيوي وهام ان طول طول اسبوع مع مراعاة هناك طرق بديله بصوره سلسه .. عندنا بصوره معقده وين اذنك يا حبشي !

متى نشوف البنيه التحتيه وشوارعنا يضرب بها المثل .. مثل اكبر مجمع واطول اسطول واعلى شعله نبي نقول احسن شوارع :(

ذبحتونا والله .. اول ما نشوف علامات الحفريات نقول يالله سترك ويبتدى المشروع الى مالا نهاية !!
http://www.saad-toon.com/Jan-2008/20080127.jpg

والسموحه الله يسلمكم !
ضوى
21-09-2010, 08:45 PM
بالفعل شئ غريب ومدري احس متخذ هالقرارات الغوغائية متعمد يثير حنق الناس اللي اصلا مثارة من غير شئ بسبب ضغط المدارس والتسجيل والدوامات والتأخير يعني واحد يتلذذ يشوف الناس متنكد يومها من اوله لاخره
هدهد سليمان
21-09-2010, 10:16 PM
الظاهر بالفعل عندهم واحد تخصص نكد وتضيق على الناس ..
طموحي عالي
21-09-2010, 10:22 PM
كله كوم

وانهم بالصيف مايشتغلون

وقبل العيد بعشر ايام او اقل يسكرون شارع مهم

ويخلون العالم يضيق صدرها


ويليتهم يخلصون بسرعه

اللي يستوي في 6 شهور يخلصونه في سنتين



وفوق هذا يسونه وبعد جم شهر يرجعون يحفرون

تعالوا شوفوا العزيزيه

عقب ماسووا لانترلوك
والشوارع ورتبوها

ردوا حفروا عشان البنيه التحتيه

وعفسوا الدنيا


اموال الدولة اطير بالهواء
من المسؤول
بوعلي2
21-09-2010, 10:23 PM
الله يسوي الي فيه الخير يارب
رُفق المجنّا
21-09-2010, 10:23 PM
حتّى يومنا هذا وأنا عاجر عن تحليل مشاكل الوزارات والهيئات في قطر !!

إلا سؤال هل هناك جهة رقابية ع الوزارات وسير العمل فيها ؟؟؟
هدهد سليمان
21-09-2010, 10:37 PM
كله كوم

وانهم بالصيف مايشتغلون

وقبل العيد بعشر ايام او اقل يسكرون شارع مهم

ويخلون العالم يضيق صدرها


ويليتهم يخلصون بسرعه

اللي يستوي في 6 شهور يخلصونه في سنتين



وفوق هذا يسونه وبعد جم شهر يرجعون يحفرون

تعالوا شوفوا العزيزيه

عقب ماسووا لانترلوك
والشوارع ورتبوها

ردوا حفروا عشان البنيه التحتيه

وعفسوا الدنيا


اموال الدولة اطير بالهواء
من المسؤول

اي والله صدقتي اما انها بالهوا فهي بالهوا ليت منها فايده .. من امن العقوبه .....!
gt_511
21-09-2010, 11:23 PM
اطالب باعادة هيكله وزارة السياحه
المغروره
22-09-2010, 12:23 AM
بعض الوزرااات يبي لها هيكل تنظيمي في كيفيه التعاااامل لا اسلوب ولا تعااامل جيد مع الناس
وموظفينهااا ومدراءهاااااااا خبر خير
اولهم دار القضااااااء اتمنى حد يروح يتفرج عليهم والله مايعرفون يتعاملووون مع الشخص نفسه
وزارات الله بالخير
لطيف الروح
22-09-2010, 12:44 AM
اخوي الله يحفظك ياليت تشطب اول كلمتين من عنوان الموضوع ( هل بعض ) وتكتب مكانهم كلمة ( كل )
Right
22-09-2010, 01:02 AM
اخوي الله يحفظك ياليت تشطب اول كلمتين من عنوان الموضوع ( هل بعض ) وتكتب مكانهم كلمة ( كل )

وجهة نظر صحيحة 100%
ام شوشي
22-09-2010, 01:06 AM
شي اكــــــــــيد محتاجة لاعادة تأهيل والتفاصيل معروفة
qatari 111
22-09-2010, 02:09 AM
الوزارات ما يبيلها اعادة هيكله يبيلها مكنسه تنظف الوزارات باللي فيها ويحطون فيها ناس تخاف الله

الله المستعان
باسكن روبنز
22-09-2010, 02:20 AM
امممم عندي لكم أقتراح لو تسمح ،



وضع مواضيع مخصوصه بأسم كل وزاره ،
ونناقش بكل أمانه أوضاعها وتعاملها مع الجمهور والمواطنين بشكل يومي ،


ولاينسى أحد فينا أنه ردودنا محسوبه علينا يعني مافي مجال للكذب لو طلبت أفادته من قبل أي جهه معينه ،
وزبدة الكلام كلن يقول كلام وهو واثق منه ويكون قده بلا تبلي واتهامات ،



مجرد آقترااح :) ويعطيك العافيه يا هدهد سليمان ،
هدهد سليمان
22-09-2010, 01:34 PM
الله يسوي الي فيه الخير يارب

آمين الله يسمع منك
أغلى البشر
23-09-2010, 07:13 AM
امممم عندي لكم أقتراح لو تسمح ،



وضع مواضيع مخصوصه بأسم كل وزاره ،
ونناقش بكل أمانه أوضاعها وتعاملها مع الجمهور والمواطنين بشكل يومي ،


ولاينسى أحد فينا أنه ردودنا محسوبه علينا يعني مافي مجال للكذب لو طلبت أفادته من قبل أي جهه معينه ،
وزبدة الكلام كلن يقول كلام وهو واثق منه ويكون قده بلا تبلي واتهامات ،



مجرد آقترااح :) ويعطيك العافيه يا هدهد سليمان ،

السلام عليكم ورحمة الله وبركاته

اقتراح ممتاز اخوي باسكن روبنز
وممكن وضع المقترحات اللي ممكن تطور هذي الجهات

واشكر اخوي هدهد سليمان على طرحه الموضوع
الصريحه
23-09-2010, 09:06 AM
لو فيه عقاب حقيقي للمسؤولين لما احد اشتكى
شبعان
23-09-2010, 10:06 AM
في بعض الجهات الحكوميه وجودها كعدمه(يعنى مامنها فايده..)..
مثلا ممكن حد يفيدنا وش قدمت الجهات التاليه للمواطن والوطن(مع ان ميزانيه هالجهات بمئات الملايين سنويا):
1- قناة الجزيره للاطفال؟؟؟(ماهو الهدف من انشاء القناه؟؟وهل ادت الغرض المطلوب؟؟)
2- اسباير؟؟(ليش مايتم اسناد مهام اسباير الى اللجنه الاولمبيه القطريه)؟؟
هدهد سليمان
23-09-2010, 03:46 PM
حتّى يومنا هذا وأنا عاجر عن تحليل مشاكل الوزارات والهيئات في قطر !!

إلا سؤال هل هناك جهة رقابية ع الوزارات وسير العمل فيها ؟؟؟

ما اظن .. تدري سؤال في محله .. هل هناك جهة رقابيه ام لا ؟

اسعدني تواجدك وتعليقك اخوي رُفق المجنّا