المساعد الشخصي الرقمي

مشاهدة النسخة كاملة : [[[جرثومة هليكوباكتر بايلوري]]] وين احسن دكتور بارك الله فيكم ؟


بوعلي2
21-09-2010, 09:33 PM
السلام عليكم ورحمة الله وبركاته


تحيه طيبه للجميع وبعد



حبيت استفسر عن احسن دكتور لـ جرثومة هليكوباكتر بايلوري


بصراحه ماخلينا مكان بقطر ومافي فايده لانفع معاها مضادات ولا شي


وكل مالها وتزيد بالاعراض والحل ياجماعه


طبعا الموضوع يخص صاحبي مش انا وقلت له بانزل الموضوع بالمنتدى وان شاء الله عيال الحلال وايد وماراح يقصرون


والله لايرويكم مكروه


وشكرا لكم
بوراشد82
21-09-2010, 09:37 PM
مريت على العمادي يالغالي ..

او اكتب اسمها في القوقل واسئل المستشفى او الدكتور الي يعالجها ...

وممكن تفيدنا شسببها واعراضها ؟؟

والله يشفي صاحبك
..er..
21-09-2010, 09:38 PM
والله ماعندي خلفيه ..

بس تقدر تمر الاهلي ..

والله يشفي مريضكم ويقومه بالسلامه


بس مثل ماقال بوراشد

ياليت تعلمنا بأعراضها واسبابها :)
هدهد سليمان
21-09-2010, 09:41 PM
شنو فايرس هيلوكبتر اللي خابره اسم طياره !

شنهي اعراضه يابوعلي لا هنت
Northman
21-09-2010, 09:42 PM
اله يشفي مريضكم

اعراضها و آلامها لاتطاق الصراحه

جاتني وتعذبت و منها نزل وزني 10 كيلو ,,و شفيت بعدها الحمد لله و الفضل له ,, و العلاج كان على يد الدكتور حمد العذبه و خذت 3 شهور على ماراحت

عيادته في المستشفى الاهلي و خذ موعد معاه بالتلفون قبل لاتروح ترى عنده زحمه

بس الشهاده لله , الدكتور قمه في الاخلاق و العلم ,,الله يمسيه بالخير
بوعلي2
21-09-2010, 09:42 PM
مريت على العمادي يالغالي ..

او اكتب اسمها في القوقل واسئل المستشفى او الدكتور الي يعالجها ...

وممكن تفيدنا شسببها واعراضها ؟؟

والله يشفي صاحبك

لا والله يالغالي اذكروا لنا عبدالعظيم بالاهلي ومستشفى الجزيره وعبادة الدوحه

والله جاته فجاه الجرثومه مايدري من ايش

داخ تعب كل الم بالمعده ومرات يرجع وتكرم سهال نفصت عليه عيشته

عبدالعظيم عطاه حبوب وقال له امش عليها ولافادت ولاكنه كل حبوب

وفي ناس نصحونا نروح البحرين

حق الدكتوره نجاح

والله ضعنا ياخوك
**هـتــــــان**
21-09-2010, 09:42 PM
اعتقد واذا ماخاب ضني هذي البكتيريا هي نفسها جرثومه المعدة ..الاسم العلمي لها هليو بكتر .
Northman
21-09-2010, 09:45 PM
و حاب اضيف شي بعد ,,

يوم طولت معاي ,, تميت استخدم علاج بسيط و متوفر مع المضادات و وصفات الدكتور

كنت سلمك الله على الريج الصبح في قلاص ماي دافي احط قفشه كبيره من عسل السمر و عقب بنص ساعه اتريق و اكمل يومي ,,

العسل جاب نتايج طيبه مع العلاج

و حاليا واحد من الاهل ماشي على نفس الطريقه ,, علاج و عسل الصبح ,, و الحمد لله اموره طيبه
JN000N
21-09-2010, 09:49 PM
السلام عليكم


هذي نفس الجرثومه اللي مادلت الا معدتي تسكن فيها

يسمونها بعد التهاب حلزوني وهي تسكن في جدار المعده وتسبب التهاب حاد


اللي سالو عن اعراضها من اعراضها الم في المعده من فوق اما يميل عاليمن شوي او عاليسار انا عندي المها تميل عاليسار

غثيان.. احيان لما تكون هلجان يزيد الالم.. ولما تترس بطنك بعد يزيد يعني كل بس لا تكثر
البهارات تاثر وايد عليها :(

هي تسبب التهاب في جدار المعده.. ولو سكت عنها يمكن تصير قرحة هضميه


انا ماتم دكتور ماطقيت بابه :(
والصراحه تعذيب مع الادويه تطببو فيني مع انها معروفه وانا مب اول وحده تصيدني
كل ماروح حق حد يقولي ليش عطوج هذا العلاج؟ وقفي عنه وخذي هذا العلاج

والحين صار لي اكثر من شهر اعالج عند عيادة الجزيره عند دكتور طارق
وكل مره يدبل لي الجرعات ويغير الادويه

لحين ماجوف ان تحسنت الا كل مالها وتزيد:(*
بوعلي2
21-09-2010, 09:50 PM
والله ماعندي خلفيه ..

بس تقدر تمر الاهلي ..

والله يشفي مريضكم ويقومه بالسلامه


بس مثل ماقال بوراشد

ياليت تعلمنا بأعراضها واسبابها :)


بارررك الله فيك ماقصرت واعر اضها الام ماتطاق بالمعده وترجييع وسهال مش دوووم يعني ودوخه ومن تاكل شي تعتفس الله لايرويكم مكروه


شنو فايرس هيلوكبتر اللي خابره اسم طياره !

شنهي اعراضه يابوعلي لا هنت


ههههههههههههههههههههههههه

والله يالغالي الم شديد جدا بالمعده ودوخه وترجيع لكن شنو السبب مادري والله يالغالي وان شاء الله حد يفيدنا اكثر ان جرب وجاته او عالج بمكان


اله يشفي مريضكم

اعراضها و آلامها لاتطاق الصراحه

جاتني وتعذبت و منها نزل وزني 10 كيلو ,,و شفيت بعدها الحمد لله و الفضل له ,, و العلاج كان على يد الدكتور حمد العذبه و خذت 3 شهور على ماراحت

عيادته في المستشفى الاهلي و خذ موعد معاه بالتلفون قبل لاتروح ترى عنده زحمه

بس الشهاده لله , الدكتور قمه في الاخلاق و العلم ,,الله يمسيه بالخير



شكرا لك اخوي للافاده ولطرح المكان والاسم بارك الله فيك ونفع بك

والحمد الله على السلامه

رحم الله والديك
بوعلي2
21-09-2010, 09:52 PM
اعتقد واذا ماخاب ضني هذي البكتيريا هي نفسها جرثومه المعدة ..الاسم العلمي لها هليو بكتر .

اعتقد جذي

الله كريم والله يبعد السوء عنكم جميعا


و حاب اضيف شي بعد ,,

يوم طولت معاي ,, تميت استخدم علاج بسيط و متوفر مع المضادات و وصفات الدكتور

كنت سلمك الله على الريج الصبح في قلاص ماي دافي احط قفشه كبيره من عسل السمر و عقب بنص ساعه اتريق و اكمل يومي ,,

العسل جاب نتايج طيبه مع العلاج

و حاليا واحد من الاهل ماشي على نفس الطريقه ,, علاج و عسل الصبح ,, و الحمد لله اموره طيبه

اللهم لك الحمد والشكر

الف شكر ماقصرت اخوي للمعلومات الطيبه بارك الله فيك ونفع بك
بوسـعد
21-09-2010, 09:54 PM
الله يشفي كل مريض
بوعلي2
21-09-2010, 09:55 PM
السلام عليكم


هذي نفس الجرثومه اللي مادلت الا معدتي تسكن فيها

يسمونها بعد التهاب حلزوني وهي تسكن في جدار المعده وتسبب التهاب حاد


اللي سالو عن اعراضها من اعراضها الم في المعده من فوق اما يميل عاليمن شوي او عاليسار انا عندي المها تميل عاليسار

غثيان.. احيان لما تكون هلجان يزيد الالم.. ولما تترس بطنك بعد يزيد يعني كل بس لا تكثر
البهارات تاثر وايد عليها :(

هي تسبب التهاب في جدار المعده.. ولو سكت عنها يمكن تصير قرحة هضميه


انا ماتم دكتور ماطقيت بابه :(
والصراحه تعذيب مع الادويه تطببو فيني مع انها معروفه وانا مب اول وحده تصيدني
كل ماروح حق حد يقولي ليش عطوج هذا العلاج؟ وقفي عنه وخذي هذا العلاج

والحين صار لي اكثر من شهر اعالج عند عيادة الجزيره عند دكتور طارق
وكل مره يدبل لي الجرعات ويغير الادويه

لحين ماجوف ان تحسنت الا كل مالها وتزيد:(*



لاحول ولاقوة الا بالله الله يشفيج يارب

وتقومين بالسلامه

خلاص تابعي الموضوع عيل وان شاء الله توصلين لنتيجه من خلال الاعضاء المجربين


الله يبعد السوء عنكم جميعا يارب
روح الاطلس
21-09-2010, 09:59 PM
مثل ماذكر الاعضاء هالجرثومة معروفة

والاسم الشائع لها جرثومة المعدة

ويتم اكتشافها اما عن طريق اختبار النفس او البراز او الدم او المنظا

وعلاجها يسمى بالعلاج الثلاثي اي مضادين حيوين ( على ما اذكر كلاسيد وامكسيسلين و لوزيك )

وان مانفع العلاج الثلاثي يتم اعطاء العلاج الرباعي لمدة شهر


وعلى فكرة ممكن تكون الجرثومة راحت لكن نتيجة التحليل تطلع بوزيتيف

المفروض ما ينعمل تحليل الا بعد مرور فترة طويلة اربع او خمس شهور يتم اعادة التحليل

واحيانا تطلع النتيجة نيقاتيف ( سلبية) ولكن المريض يشعر بنفس الاعراض تماما

انا سميتها الجرثومة المجنونة :) لانها تجنن المريض والطبيب

وهناك علاج غذائي لها من عسل المانوكا

وقشر الرمان


والله يشفي مريضكم
بوعلي2
21-09-2010, 10:00 PM
الله يشفي كل مريض



اللهم امين اخوي ماقصرت تسلم
بوعلي2
21-09-2010, 10:02 PM
مثل ماذكر الاعضاء هالجرثومة معروفة

والاسم الشائع لها جرثومة المعدة

ويتم اكتشافها اما عن طريق اختبار النفس او البراز او الدم او المنظا

وعلاجها يسمى بالعلاج الثلاثي اي مضادين حيوين ( على ما اذكر كلاسيد وامكسيسلين و لوزيك )

وان مانفع العلاج الثلاثي يتم اعطاء العلاج الرباعي لمدة شهر


وعلى فكرة ممكن تكون الجرثومة راحت لكن نتيجة التحليل تطلع بوزيتيف

المفروض ما ينعمل تحليل الا بعد مرور فترة طويلة اربع او خمس شهور يتم اعادة التحليل

واحيانا تطلع النتيجة نيقاتيف ( سلبية) ولكن المريض يشعر بنفس الاعراض تماما

انا سميتها الجرثومة المجنونة :) لانها تجنن المريض والطبيب

وهناك علاج غذائي لها من عسل المانوكا

وقشر الرمان


والله يشفي مريضكم


الف الف شكر على المعلومات الطيبه والمداخله المفيده

الله يحفظكم وين ماكنتوا امين
هدهد سليمان
21-09-2010, 10:04 PM
الله يشفيه ان شاء الله .. عندك الدكتور الدليمي دكتور رائع مركز قطر الطبي وعن تجربه
حقيقه
21-09-2010, 10:05 PM
قشر الرمان على الريق والله يعينه
بوعلي2
21-09-2010, 10:08 PM
الله يشفيه ان شاء الله .. عندك الدكتور الدليمي دكتور رائع مركز قطر الطبي وعن تجربه

بارك الله فيك يالذيب ماقصرت والله يرحم والديك والله يبعد عنكم كل مكروه يارب اميييييييييييين
بوعلي2
21-09-2010, 10:09 PM
قشر الرمان على الريق والله يعينه

يعين الجميع وبارك الله فيج ماقصرتي اختي حقيقه

والله يبعد عنكم كل سوء
طموحي عالي
21-09-2010, 10:12 PM
الله يشفيه


دكتور حمدي مستوصف الجزيره شارع الخليج

عن تجربه

العلاج لمده 3 شهور
بوعلي2
21-09-2010, 10:15 PM
الله يشفيه


دكتور حمدي مستوصف الجزيره شارع الخليج

عن تجربه

العلاج لمده 3 شهور

شكرا لج اختي طموحي ماقصرتي والله يبعد عنكم كل مكروه
المستقل
21-09-2010, 10:16 PM
الله يشفيه


دكتور حمدي مستوصف الجزيره شارع الخليج

عن تجربه

العلاج لمده 3 شهور



دكتور جيد جداً خصوصاً في جرثومه المعدة وعن تجربه ناس أعرفهم

والله يشافي كل مريض
غزلان
21-09-2010, 10:31 PM
مايشوف شر مريضكم

وان شاء الله تتوفقون بالدكتور
حسن
21-09-2010, 10:32 PM
شوف الشيخ خل صديقك يروح حق العمادي ويسويله منضار عشر دقايق وبيعرف اشفيه وعلى فكره مكروب الهاليوبكتر يمكن في 99 في الميه من الناس لاكن مب حاسين فيه لانه مهب نشط ولما ينشط يسبب مشاكل وعلاجه مضاد حيوي لمده 15يوم كورس الدكتور العمادي ولا تروح غيره كل واحد يوصفلك مضاد كانك حقل تجارب مضادات واسئل مجرب
بنت ذياب
21-09-2010, 10:36 PM
الله يشفيه ان شاء الله .. عندك الدكتور الدليمي دكتور رائع مركز قطر الطبي وعن تجربه

:nice: اي والله

الدكتور اسامة الدليمي .. عجيب

خالي .. انا كان فيني جرثومة المعدة من 10 شهوور تقريبا

وحسيت باعراض غريبه .. ومؤلمة جدا.. وقلت لازم اروح لان الاعراض مب طبيعيه كلش

على طول رحت عند اسامه الدليمي ... وعطاني العلاج الثلاثي..والحمدلله بعد 4 ايام تحس بالفرق وماتعاني منها كلش بس لازم تستمر شهر عالعلاج

وبعدها رحت عند استشاري اسمه غازي محمد .. اتاكد من العلاج.. قالي هاي احسن علاج لجرثومة المعدة ..

ومن كم اسبوع .. فرمضان .. رجعت حق الدكتور اسامة الدليمي عشان اتاكد اذا راحت ولالا..

وأكد لي قالي راحت ومافي بالتحاليل اي اثر الحمدلله..

ووبس :nice:

ماتشوفون شر
JN000N
21-09-2010, 11:03 PM
انا خذيت العلاج الثلاثي
ورحت وسويت تحليل عقب ونفس الشي
عطاني طارق علاج مضادات حيويه اثنين بس اسبوعين ورجعتله

عقبها عطاني حبوب نكسيم ٤٠ وقالي استعمليها لين اتييبين لي التحليل
وعقب ما رحت له عقب العيد سالني اذا نفع معاي حبوب نكسيم وخفف الالم قلتله كليتها والا ما كليتها نفس الشي ولا مره نفع معاي وخفف الالم حتا
ويوم طلعت نتيجة التحليل
قالي لحين الجرثومه موجوده ونسبتها عاليه < عيل العلاج كله اللي خذته شفايدته؟

قام ودبل لي جرعة نكسيم قالي حبتين فاليوم
وعطاني حبوب كلارايد ٥٠٠ وقالي هذي قويه وبعد حبتين فاليوم
لدرجه صرت لما اخذ الحبة تصيدني دوخه عقبها اصدع قالي ٧ ايام ورجعيلي
أم غانم
21-09-2010, 11:09 PM
الدكتور حمد العذبة في المستشفى الأهلي..


ونعم الدكتور والله ..


ربي يشافي مريضكم
gt_511
21-09-2010, 11:21 PM
السلام عليكم ورحمة الله وبركاته


تحيه طيبه للجميع وبعد



حبيت استفسر عن احسن دكتور لـ جرثومة هليكوباكتر بايلوري


بصراحه ماخلينا مكان بقطر ومافي فايده لانفع معاها مضادات ولا شي


وكل مالها وتزيد بالاعراض والحل ياجماعه


طبعا الموضوع يخص صاحبي مش انا وقلت له بانزل الموضوع بالمنتدى وان شاء الله عيال الحلال وايد وماراح يقصرون


والله لايرويكم مكروه


وشكرا لكم


في دكتوره ايطاليه في عياده الدوحه بس دومها الصباح بس اشطر دكتوره باطنيه في قطر انا كان عندي ها المرض والحمد لله شفيت منه
قطرية فذة
21-09-2010, 11:24 PM
السلام عليكم


هذي نفس الجرثومه اللي مادلت الا معدتي تسكن فيها

يسمونها بعد التهاب حلزوني وهي تسكن في جدار المعده وتسبب التهاب حاد


اللي سالو عن اعراضها من اعراضها الم في المعده من فوق اما يميل عاليمن شوي او عاليسار انا عندي المها تميل عاليسار

غثيان.. احيان لما تكون هلجان يزيد الالم.. ولما تترس بطنك بعد يزيد يعني كل بس لا تكثر
البهارات تاثر وايد عليها :(

هي تسبب التهاب في جدار المعده.. ولو سكت عنها يمكن تصير قرحة هضميه


انا ماتم دكتور ماطقيت بابه :(
والصراحه تعذيب مع الادويه تطببو فيني مع انها معروفه وانا مب اول وحده تصيدني
كل ماروح حق حد يقولي ليش عطوج هذا العلاج؟ وقفي عنه وخذي هذا العلاج

والحين صار لي اكثر من شهر اعالج عند عيادة الجزيره عند دكتور طارق
وكل مره يدبل لي الجرعات ويغير الادويه

لحين ماجوف ان تحسنت الا كل مالها وتزيد:(*

سلامتك الغاليه
قطرية فذة
21-09-2010, 11:25 PM
ماتشوفون شر

شافاكم الله وعافاكم

مأجورين
JN000N
21-09-2010, 11:50 PM
سلامتك الغاليه

الله يسلمج فديتج
MoneyMaker
22-09-2010, 12:26 AM
ما عليك شر ان شاء الله.
اهم شي اذا تدخن اترك التدخين
وابتعد عن القهوه والشاي والاكل الحار
ومارس تمارين رياضيه وابتعد عن اي شي يسبب لك ضغط نفسي.

الادويه مثل ما ذكر الاخوان والاخوات ممكن اي دكتور يوصف لك الدواء,,بس الدواء ماينفع بدون تعديل نظامك الغذائي.
نصيحتي تتعالج قبل ان تتسبب لك في قرحة المعده او الاثنى عشر او البلعوم.
انا بعيد عنك (((عانيت))) منها سنين بس الحمدلله تعالجت في لندن وللحين كل 4 شهور اسوي منظار عند دكتور (صديق) في الاهلي.

الله يشفيك.
باسكن روبنز
22-09-2010, 02:21 AM
الدكتوره نجااح بالبحرين ،
نصيحه لايفكر بغيرها ،



وماتشوفون شر يابوعلي ،:nice:
مهل
22-09-2010, 02:42 AM
السلام عليكم


لي رجعه يا بوعلي ... دلوي فيه شويه معلومات من تجربتي الشخصيه مع هذي الجرثومه ولازالت مستمره .. اللهم لك الحمد من قبل و من بعد
JN000N
22-09-2010, 06:21 AM
ما عليك شر ان شاء الله.
اهم شي اذا تدخن اترك التدخين
وابتعد عن القهوه والشاي والاكل الحار
ومارس تمارين رياضيه وابتعد عن اي شي يسبب لك ضغط نفسي.

الادويه مثل ما ذكر الاخوان والاخوات ممكن اي دكتور يوصف لك الدواء,,بس الدواء ماينفع بدون تعديل نظامك الغذائي.
نصيحتي تتعالج قبل ان تتسبب لك في قرحة المعده او الاثنى عشر او البلعوم.
انا بعيد عنك (((عانيت))) منها سنين بس الحمدلله تعالجت في لندن وللحين كل 4 شهور اسوي منظار عند دكتور (صديق) في الاهلي.

الله يشفيك.
صح..
انا قال لي الدكتور اساس العلاج الاكل.. منعني من كل شي تقريبا


الدكتوره نجااح بالبحرين ،
نصيحه لايفكر بغيرها ،



وماتشوفون شر يابوعلي ،:nice:


واللي مايبي يروح البحرين :no:
خذيت لي موعد وكنسلته
ومتردده اخذ موعد ثاني:(
مسكين قلبي
22-09-2010, 06:57 AM
الله يشفيك اخوي

استعمل الروب مع فص ثوم زين حق جرثومة المعدة
بوعلي2
22-09-2010, 08:02 AM
دكتور جيد جداً خصوصاً في جرثومه المعدة وعن تجربه ناس أعرفهم

والله يشافي كل مريض

اللهم امين شكرا للافاده يالغالي


مايشوف شر مريضكم

وان شاء الله تتوفقون بالدكتور

الشر مايجيج غزلان الف شكر على كلامج الطيب ماقصرتي


شوف الشيخ خل صديقك يروح حق العمادي ويسويله منضار عشر دقايق وبيعرف اشفيه وعلى فكره مكروب الهاليوبكتر يمكن في 99 في الميه من الناس لاكن مب حاسين فيه لانه مهب نشط ولما ينشط يسبب مشاكل وعلاجه مضاد حيوي لمده 15يوم كورس الدكتور العمادي ولا تروح غيره كل واحد يوصفلك مضاد كانك حقل تجارب مضادات واسئل مجرب

تسلم للرد الطيب والافاده وماقصرت والله يبعد عنك كل مكروب


:nice: اي والله

الدكتور اسامة الدليمي .. عجيب

خالي .. انا كان فيني جرثومة المعدة من 10 شهوور تقريبا

وحسيت باعراض غريبه .. ومؤلمة جدا.. وقلت لازم اروح لان الاعراض مب طبيعيه كلش

على طول رحت عند اسامه الدليمي ... وعطاني العلاج الثلاثي..والحمدلله بعد 4 ايام تحس بالفرق وماتعاني منها كلش بس لازم تستمر شهر عالعلاج

وبعدها رحت عند استشاري اسمه غازي محمد .. اتاكد من العلاج.. قالي هاي احسن علاج لجرثومة المعدة ..

ومن كم اسبوع .. فرمضان .. رجعت حق الدكتور اسامة الدليمي عشان اتاكد اذا راحت ولالا..

وأكد لي قالي راحت ومافي بالتحاليل اي اثر الحمدلله..

ووبس :nice:

ماتشوفون شر

اظافه مفيده منج بنت ذياب الف شكر لج :nice:

ومعلومات قيمه جدا

وماعليج شر ان شاء الله والحمد الله على سلامتج



وان شاء الله يستفيدون المرضى بهالجرثومه من خلال ردود الاعضاء بهالموضوع وراح احطه بتوقيعي للافاده


والله يبعد عنكم كل سوء يارب
بوعلي2
22-09-2010, 08:05 AM
انا خذيت العلاج الثلاثي
ورحت وسويت تحليل عقب ونفس الشي
عطاني طارق علاج مضادات حيويه اثنين بس اسبوعين ورجعتله

عقبها عطاني حبوب نكسيم ٤٠ وقالي استعمليها لين اتييبين لي التحليل
وعقب ما رحت له عقب العيد سالني اذا نفع معاي حبوب نكسيم وخفف الالم قلتله كليتها والا ما كليتها نفس الشي ولا مره نفع معاي وخفف الالم حتا
ويوم طلعت نتيجة التحليل
قالي لحين الجرثومه موجوده ونسبتها عاليه < عيل العلاج كله اللي خذته شفايدته؟

قام ودبل لي جرعة نكسيم قالي حبتين فاليوم
وعطاني حبوب كلارايد ٥٠٠ وقالي هذي قويه وبعد حبتين فاليوم
لدرجه صرت لما اخذ الحبة تصيدني دوخه عقبها اصدع قالي ٧ ايام ورجعيلي


لاحول ولاقوة الا بالله :weeping:

الله يشفيج يارب وان شاء الله تستفيدن مثلي من هالموضوع تابعي الردود وان شاء الله خير :(



الدكتور حمد العذبة في المستشفى الأهلي..


ونعم الدكتور والله ..


ربي يشافي مريضكم

الف شكر على ردج الطيب ماقصرتي اختي ام غانم


في دكتوره ايطاليه في عياده الدوحه بس دومها الصباح بس اشطر دكتوره باطنيه في قطر انا كان عندي ها المرض والحمد لله شفيت منه


الف شكر لك تسلم اخوي للافاده ماقصرت


والله لايحرمنا من تجاربكم وكلامكم الطيب
بوعلي2
22-09-2010, 08:10 AM
ماتشوفون شر

شافاكم الله وعافاكم

مأجورين

الشر مايجيج يارب مشكوره على ردج الطيب ماقصرتي


ما عليك شر ان شاء الله.
اهم شي اذا تدخن اترك التدخين
وابتعد عن القهوه والشاي والاكل الحار
ومارس تمارين رياضيه وابتعد عن اي شي يسبب لك ضغط نفسي.

الادويه مثل ما ذكر الاخوان والاخوات ممكن اي دكتور يوصف لك الدواء,,بس الدواء ماينفع بدون تعديل نظامك الغذائي.
نصيحتي تتعالج قبل ان تتسبب لك في قرحة المعده او الاثنى عشر او البلعوم.
انا بعيد عنك (((عانيت))) منها سنين بس الحمدلله تعالجت في لندن وللحين كل 4 شهور اسوي منظار عند دكتور (صديق) في الاهلي.

الله يشفيك.

الحمد الله على سلامتك

وهل مازالت الاعراض تجيك ؟ وهل لحد الان تستخدم مضادات او علاج معين ؟ :telephone:


الدكتوره نجااح بالبحرين ،
نصيحه لايفكر بغيرها ،



وماتشوفون شر يابوعلي ،:nice:


هلا فيك يالغالي

والله نصحته يقول اول خل نشوف بقطر وان مافاد بيروح حق نجاح وهو يعرفها وله اهل مجربينها وانا بعد ربعي مجربينها وصدقت بكلامك هالدكتوره ماشاء الله ناجحه
وبنشوف ان شاء الله مانحتاج نسافر برع

ماقصرت باسكن روبنز الف شكر لك والله لايرويك مكروه


السلام عليكم


لي رجعه يا بوعلي ... دلوي فيه شويه معلومات من تجربتي الشخصيه مع هذي الجرثومه ولازالت مستمره .. اللهم لك الحمد من قبل و من بعد

وعليكم السلام يالذيب

الله يشفيك يالغالي

وننتظر تجربتك وايش اسباب استمرارها لان وايد تشافوا منها؟

لاتحرمنا من معلوماتك الطيبه يالغالي
الصريحه
22-09-2010, 08:10 AM
شوف مااعرفها والله يشفي مريضكم
اللي اعرفه والاكيد انشاءالله ان البكتيريا والفيروسات باذن الله مالها الا الادويه والاعشاب من الطبيعه
يعني اكيد عسل مثل حديث طويل للرسول صلى الله عليه وسلم كل يوم ولو سبب اسهال بعد يستمر عليه لين الشفاء باذن الله
والقليل من نقوع المره اوقات علشان المره ماده طبيعيه قويه ضد البكتيريا او الحلتيت قطعه صغيره كل يوم انشاءالله ولكن يختار مابينهم لانهم مواد قويه مايخلطهم مع بعض ويالعسل لان العسل بروحه قوي
يستمر على شيء واحد
وكذلك يشرب عشرج ينظف بطنه
ولاينسى اكل الثوم والبصل لنفس الفايده وبعدها يعلك نعناع للريحه وياكل تفاح
الله يشفيه ويقومه بالسلامه ومايشوف شر
وطمنا عليه
بوعلي2
22-09-2010, 08:11 AM
الله يشفيك اخوي

استعمل الروب مع فص ثوم زين حق جرثومة المعدة



ويشفي جميع المرضى اللهم امين

شكرا للرد الطيب والمعلومه المفيده بارك الله فيك ونفع بك
بوعلي2
22-09-2010, 08:12 AM
شوف مااعرفها والله يشفي مريضكم
اللي اعرفه والاكيد انشاءالله ان البكتيريا والفيروسات باذن الله مالها الا الادويه والاعشاب من الطبيعه
يعني اكيد عسل مثل حديث طويل للرسول صلى الله عليه وسلم كل يوم ولو سبب اسهال بعد يستمر عليه لين الشفاء باذن الله
والقليل من نقوع المره اوقات علشان المره ماده طبيعيه قويه ضد البكتيريا او الحلتيت قطعه صغيره كل يوم انشاءالله ولكن يختار مابينهم لانهم مواد قويه مايخلطهم مع بعض ويالعسل لان العسل بروحه قوي
يستمر على شيء واحد
وكذلك يشرب عشرج ينظف بطنه
ولاينسى اكل الثوم والبصل لنفس الفايده وبعدها يعلك نعناع للريحه وياكل تفاح
الله يشفيه ويقومه بالسلامه ومايشوف شر
وطمنا عليه

معلومات طيبه وصحيه ومفيده بارك الله فيك ونفع بك

الف شكر لقلمك الطيب والله لايحرمنا منك
عذايب قطر
22-09-2010, 08:18 AM
يالطيب اما مره كان عندي نفس الاعراض وقالي الدكتور جرثومه وتعالجت شهرين والحمدالله الحين اوكي

دكتور عاطف رزق مصري في شارع السد البنايه اللي قريبه من عبدالصمد القرشي. انا ربيعتي دلتني عليه والحمدالله الحين احسن من قبل

الله يشفي مرضانا يارب

تحياتي
بوعلي2
22-09-2010, 08:35 AM
يالطيب اما مره كان عندي نفس الاعراض وقالي الدكتور جرثومه وتعالجت شهرين والحمدالله الحين اوكي

دكتور عاطف رزق مصري في شارع السد البنايه اللي قريبه من عبدالصمد القرشي. انا ربيعتي دلتني عليه والحمدالله الحين احسن من قبل

الله يشفي مرضانا يارب

تحياتي


مرحبا فيج اختي وطهورا ان شاء الله


حبيت اسألج هل مازلتي تعانيين من الاعراض لكن أخف من قبل ؟

او زالت كلش ؟

وهل تاكلين حبوب حاليا او ؟

ومشكوره لمعلوماتج الطيبه والله يبعد عندج كل مكروه ماقصرتي
العقل الحر
22-09-2010, 09:15 AM
نعم كانت فيني جرثومه المعدة

ولكن ماكان فيني مثل هذي الاعراض

كان فيني ارتجاع او المسمى الصحيح حرقه الفؤاد في المعدة

وتعالجت في الدوحة لمده 6 شهور لم تفلح المحاولات في القضاء عليها !!

ومن ثم غادرت الى تايلاند وتم القضاء عليها في خلال 5 ايام فقط !!
بوعلي2
22-09-2010, 09:42 AM
نعم كانت فيني جرثومه المعدة

ولكن ماكان فيني مثل هذي الاعراض

كان فيني ارتجاع او المسمى الصحيح حرقه الفؤاد في المعدة

وتعالجت في الدوحة لمده 6 شهور لم تفلح المحاولات في القضاء عليها !!

ومن ثم غادرت الى تايلاند وتم القضاء عليها في خلال 5 ايام فقط !!


ماشاء الله


الحمد على سلامتك ياخوي والله يبعد عنك كل مكروب

الف شكر على معلوماتك الطيبه
ام شوشي
22-09-2010, 10:06 AM
اخوي بوعلي الجرثومة على حسب علمي موجودة في كل شخص ولكن على حسب نشاطها اذاكانت
خاملة فلا يوجد لها تأثير اما اذا كانت نشطة فهنا تكمن المشكلة
اعراضها:
1-غازات وانتفاخات في البطن
2-ارتجاع وحموظةالمعدة
3-الام الجانبين مع الاحساس بحرارةالبطن
4-ضيق في النفس مع دوران الراس وزيادةالتعرق

اسبابها:
1-تناول الاطعمة التي تحتوي على البهارات والدهون
2-تناول المشروبات الغازية
3-تناول المأكولات من المطاعم
4-التوتر والعصبية

وهذا الكلام عن تجربة شخصية حيث كنت اعاني من الجرثومة لفترة من الزمن الى ان تطورت
الحالة وعالجت عند العمادي وخضعت لكورسين من علاج المضادات الحيوية والحمدللة
بس يجب المداومة على تناول الاكل الصحي .......
وربي يشفي الجميع......

ودمـــــتم بود اخـــتكــــــم ام شوشي
bonn
22-09-2010, 10:21 AM
نعم كانت فيني جرثومه المعدة

ولكن ماكان فيني مثل هذي الاعراض

كان فيني ارتجاع او المسمى الصحيح حرقه الفؤاد في المعدة

وتعالجت في الدوحة لمده 6 شهور لم تفلح المحاولات في القضاء عليها !!

ومن ثم غادرت الى تايلاند وتم القضاء عليها في خلال 5 ايام فقط !!

مرحبا أخوي

في أي مستشفى عالجت ؟ وايش اسم الدكتور لوسمحت ؟
العقل الحر
22-09-2010, 10:26 AM
مرحبا أخوي

في أي مستشفى عالجت ؟ وايش اسم الدكتور لوسمحت ؟

مستشفى بانكوك الدولي

عند مساعد بروفسور ماعرف اسمه صعب !!
المرونة
22-09-2010, 10:29 AM
اخي بو علي اسال الله العظيم رب العرش العظيم ان يشفيك .

تعرضت للجرثومة من قبل والحمدلله تم القضاء عليها في اسبوع واحد فقط والمختبر يشهد بهذا الكلام ..

فصين ثوم صباحا + فصين ثوم مساء
فقط لاغير وكانت هذه وصفة الوالد له طولت العمر ..
روح الاطلس
22-09-2010, 10:54 AM
نعم كانت فيني جرثومه المعدة

ولكن ماكان فيني مثل هذي الاعراض

كان فيني ارتجاع او المسمى الصحيح حرقه الفؤاد في المعدة

وتعالجت في الدوحة لمده 6 شهور لم تفلح المحاولات في القضاء عليها !!

ومن ثم غادرت الى تايلاند وتم القضاء عليها في خلال 5 ايام فقط !!


شلون كان العلاج؟؟ هل سويت حقن للمريء؟ او ادوية؟

ياليت تنزل لنا تقرير بالعلاجات اللي عطوك اياها
بوعلي2
22-09-2010, 04:23 PM
الله يرحم والديكم جميعا شكراا للمعلومات الطيبه

والله يبعد عنكم كل مرض
المليونير الفقير
22-09-2010, 05:00 PM
ابوعلى اعلاجك عندي ويقولك المثل اسال مجرب ولاتسال طبيب انا مريت كل العيادات الي اذكروهم الاخوان وكلهم للاسف كلام فاضي وخصوصا عيادة الجزيره نصيحه للجميع ابتعدو عنها بقدر الاستطاعه واسلو مكتب حمد الطبي ويعطونكم الشكاوي عليهم انا بدليكم على دكتور ممتاز جدا جدا جدا ومن بعد الله شفيت على يده والثمن فقط 250 ريال مع العلم اني خسرت الاف المؤلفه على العيادات وماستفدت شي الا كثرة ادويه هالدكتور دلني عليه واحد من الربع كان عنده نفس المشكله والحمدلله تشافئ فقمت ورحت حق الدكتور وكنت متوقع انه اخرطي مثل الي قبله بس اكتشفت انه دكتور بمعنى الكلمه وتفكيره مب مادي بعد ماقلتله الاعراض قال بعطيك دواء استمر عليه 10 ايام واذا تحسنت لاترجع والحمدلله بعد توفيق الله شفيت تماما


وصف العياده المعموره اسمها عيادة الدكتور محمد زبيب لبناني الجنسيه واخوه فنفس العياده دكتور غازي زبيب اذن وانف وحنجره ايضا مشالله ممتاز وقمة الاخلاق المهم انا مابي منكم الا الدعاء واتمنالكم الشفاء العاجل
حياة
22-09-2010, 05:23 PM
انا الجرثومه معاي من سنه 1997
رحت للبحرين عند نجاح الزياني ورحت بريطانيا وللدكتور حمدي وحمد العذبه وطارق ومستشفى حمد والعمادي واذبحوني بالمناظير..
وكل الدكاتره مستغربين كيف ترجع كل مره ولين الحين 10 مرات على مدار 12 سنه تقريبا
اخر مره غيروا لي المضاد الحيوي بنوع قوي جدا وزادوا لي المده في استخدام العلاج فكان 14 يوم بدل 10 ايام وبعد ارجعت لي السنه الماضيه وقال لي الدكتور حمدي انهم غيروا العلاج بنوع ثاني وقال لي ابتعد عن السلطات الجاهزه اللي في المطاعم وقال بان زياده افراز الحموضه ينشط الجرثومه لانها اصلا موجوده
وكتب لي علاج استمر عليه على طول وهو نوع من انواع الوسك ولين الحين مستمره عليه
ولين الحين احسن ولله الحمد
مهل
22-09-2010, 05:25 PM
السلام عليكم ورحمه الله و بركاته

بدايتا ماعليكم شر يابوعلي ...

قريت اغلب الردود و فيه منها اشياء صحيحه و حاب اني ارفق لك تجربتي و معاناتي مع هذي الجرثومه الله يكفي الجميع شرها .

اعراضها اعتقد صارت واضحه بالنسبه لجميع من قرا الموضوع ولكن تزيد قوه الاعراض مع الشخص العصبي و مع الشخص المدخن .. هذي الرثومه مصيبه و تتشكل و تاثر على اشياء الشخص مايتخيلها .

بديت العلاج من سنه تقريبا و زرت مايقرارب الـ 5 دكاتره و تعالجت في 3 دول عن هذي الجرثومه اخرها تايلند .. ولكن رب العالمين لحكمه ما ماكتب لي الشفاء و الحمد لله على هذا .

ذكر لي احد الدكاتره ان علاج جرثومه المعده هو علاج واحد في كل دول العالم ولكن باختلاف مسميات الشركات المنتجه للعلاج ولكن الماده واحده .

تشخيصها انصح بمختبر البرج على طريق الوعب و يتم الكشف عن الجرثومه في الدم و البراز (اجلكم الله) و النفس .

انصح بشده ان الشخص الي يتعالج من الجرثومه ماينهي الادويه اذا حس بتحسن ابدا ابدا .. فهو كورس علاجي للقضاء على الجرثومه و اذا اوقف العلاج تنشط الجرثومه مره اخرى .

ذكر لي احد الاصدقاء وهو اردني الجنسيه اخوه طبيب باطني مختص بالجرثومه و صديقي مصاب بالجرثومه و اخوه من عالجه .. قال له اخوه الطبيب بان هذه الجرثومه قويه جدا ولا تموت ببساطه و حتى لو ماتت فهي تضل تاثر في الجسم لمده 4 سنوات تقريبا وهي ميته .. تخيل .

جربت عدد كبير من الادويه و كميات كبيره جدا و العلاج يكون عباره عن عده ادويه .. منها حبه واحده فقط للتخلص من الجرثومه (مضاد) و الباقي هي لتخفيف اعراض المرض من غازات و حرقه و غيره من الام .

جميع هذه الادويه لم تجدي نفعا معي و اللهم لا اعتراض فلم املك سوى التعايش مع هذا المرض .. فبدئت بتقليل الاكل لان الاكل هو مايزيد الاعراض (ارتبطت في نفسي الاعراض و الالام بالاكل) فقمت بتقليل الاكل لدرجه كبيره و هنا ارتحت لله الحمد فاحيانا لا اكل سوى عيش ابيض و فخذ دجاجه فقط بدون بهارات و روب و العشا شيء بسيط جدا . و في اي وقت اقوم بكسر هذا الروتين مثلا في مناسبه عزيمه او عشى مع اصدقاء ففي هذا اليوم استعد نفسيا لعوده الالام و المشاكل .

الفائده التي استفدتها من هذا المرض .. لله الحمد جعلتني اقدر و اقتنع فعلا بقول النبي عليه الصلاه و السلام في الحديث الشريف . بما معناه ( لايشك المسلم بشوكه الا كتب الله له الاجر . صدق رسول الله .

و الجدير بالذكر ان هذه الجرثومه لا تاثر على المعده فقط اذا اهملت فهي تبدا بالتاثير على القولون و تعيق الجهاز الهضمي و الهضم بالكامل

انصح صديقك يا بوعلي بالاتي

زياره طبيب من الاطباء الذين ذكرهم الاخوان و انا شخصيا زرت الدكتور حمدي في مستوصف الجزيره ولم اشفى و حتى في تايلند لم اشفى و لله الحمد على ماكتب لي و لاتعلم الخير في من .

انصحه بالتقليل جدا في الاكل ،، و اذا كان مدخن يقلل بقدر الامكان من التدخين و خصوصا على معده فارغه ( مايدخن وهو جوعان)

اذا بدا العلاج لايتوقف و ينتظم فيه ولا يغير الطبيب ابدا
يبتعد عن اي اكل فيه بهارات و القهوه الداكنه من اي نوع و يبتعد عن الحليب .

يبتعد عن العصبيه او ماقد يسبب له العصبيه

تنظيم الاكل في 3 وجبات مهم جدا .

و في الختام الشفاء من رب العالمين و الا املك غير هذه المشاركه سوى الدعاء له بالشفاء .
الرافعي
22-09-2010, 07:50 PM
انا اصابتني

الله يبعدها عن الجميع

العلاج بروحه وااااااااااااااااايد متعب

كثير من الناس تركوا العلاج في النص لانهم ما قدروا يستحملونه

بالاضافة الى الاعراض اللي ذكروها الجماعة كنت احس بصداع متواصل وارق

علاجها معروف اذا تم التشخيص بنجاح

ما يحتاج تسافر عشان تتعالج منها علاجها متوفر

الله يشفى جميع مرضى المسلمين
بو_درويش
22-09-2010, 08:20 PM
عندك عبد العظيم في الاهلي دكتور شاطر
JN000N
23-09-2010, 12:21 AM
في كلام يحطم :(
روح الاطلس
23-09-2010, 12:36 AM
لاتتحطمين جنون الشفاء بيد الله

بس انتي شنو اعراضج؟ هي تختلف من شخص لاخر

وكل عرض تسببه له علاج ان شاء الله

وعلى فكرة هي موجودة بكل الناس لكن تنشط وتخمل وتزيد وتقل
بنت ذياب
23-09-2010, 02:09 AM
في كلام يحطم :(

:( انتي للحين؟

بسم الله عليج..

استمري عالعلاج..

واستغفري وايد بنية الشفاء..

وعليج بالحبة السودة مع العسل والله يشفيج ويشفي مرضى المسلمين
بنت ذياب
23-09-2010, 02:12 AM
هالدعاء لكل مهموم ومريض ويائس وتعبان من دنياه:

هاي وصفة الرسول صلى الله عليه وسلم ..

والله يفرج همومنا ويشفي امراضنا ويرزقنا من حيث لا نحتسب..

قولوه يوميا .. الصبح وفالليل ..

وكل ماحسيتوا بألم وتعبتوا.. :(

" اللهم اني اعوذ بك من الهم والحزن , واعوذ بك من العجز والكسل , واعوذ بك من الجبن والبخل , واعوذ بك من غلبة الدين وقهر الرجال "


اللهم امين
JN000N
23-09-2010, 03:23 AM
لاتتحطمين جنون الشفاء بيد الله

بس انتي شنو اعراضج؟ هي تختلف من شخص لاخر

وكل عرض تسببه له علاج ان شاء الله

وعلى فكرة هي موجودة بكل الناس لكن تنشط وتخمل وتزيد وتقل




نفس الاعراض اللي انقالت بس مايل الالم شوي عاليسار

وانا خذت العلاج الثلاثي وعقب حولت ع دكتور طارق وعطاني بس مضادات حيويه اثنين وعقب ماخلصت عطاني النكسيم اكله مره فاليوم وسويت عقبها تحليل المفروض يقولي عالاقل ان نسبتها خفت او شي
بس هو يقول الجرثومه لحين موجوده ونسبتها عاليه
انا فعلا الالم ماخف علي وكل مره يزيد
الحين عطاني نكسيم40 وقالي اكل حبتين فاليوم وكلارايد 500 ونفس الشي حبتين فاليوم
شنو هالادوا اييب لي الدوخه ويصدع بي:(
قالي سبع 7 ايام وارجعيلي

غير العلاح كنت ابلع عالريق فصة ثوم خالتي تقول انه زين بس نفس الشي

صار لي شهرين ازط فهالحبوب ماتم دوا ماعطوني اياه:(*
JN000N
23-09-2010, 03:27 AM
:( انتي للحين؟

بسم الله عليج..

استمري عالعلاج..

واستغفري وايد بنية الشفاء..

وعليج بالحبة السودة مع العسل والله يشفيج ويشفي مرضى المسلمين



امين
اي والله لحين :(
وبدت الجامعه ومايحاتي اوصفلج النفسيه
احيان الالم يخف ويزيد كل عشر دقايق يهد حيلي واحيان تهدا بس لازم شوي تنقص علي عيشتي وعقب تخف

جامعه+ المعده= كلش مب زين :no:
الحره
23-09-2010, 03:38 AM
الله يشافي مرضاكم ومرضانا اللهم آمين
حمد بن سعد
23-09-2010, 07:51 AM
اله يشفي مريضكم

اعراضها و آلامها لاتطاق الصراحه

جاتني وتعذبت و منها نزل وزني 10 كيلو ,,و شفيت بعدها الحمد لله و الفضل له ,, و العلاج كان على يد الدكتور حمد العذبه و خذت 3 شهور على ماراحت

عيادته في المستشفى الاهلي و خذ موعد معاه بالتلفون قبل لاتروح ترى عنده زحمه

بس الشهاده لله , الدكتور قمه في الاخلاق و العلم ,,الله يمسيه بالخير



وان افقك الراي اخوي وان تعالجة عنده

لاكن الله يشهد علي انه رجال من ظهر رجال ولو تمدح فيه سنه ماتوفيه حقه

والله يشفيك ويشفي جميع مرضى المسلمين يارب
العقل الحر
23-09-2010, 10:21 AM
شلون كان العلاج؟؟ هل سويت حقن للمريء؟ او ادوية؟

ياليت تنزل لنا تقرير بالعلاجات اللي عطوك اياها


صباح الخير

اعذرني على تأخري في الرد بسبب النوم والعمل

في البداية

كان عندي ارتجاع في المعدة في منتصف 2007 ورحت مستشفى العمادي وقابلت الدكتور العمادي نفسه وهو متخصص في المعدة بوجه عام

وتم فحص الدم لدي وظهر الناتج اجابي في فحص الجرثومة وعملت منظار

واعطاني الدكتور عده ادوية منها (غاسك) الخاص للأرتجاع

ومدة العلاج اسبوعين وانتهت الفترة وعملت فحص ولم تذهب الجرثومة

ومن ثم اعطاني علاج لمدة شهر ونفس الشي مازالت الجرثومة

ومن ثم اعطاني علاج لمدة شهرين ولم يحصل شي !

وبعدها تعبت من هذي الامور ورحت عيادة الدوحة قابلت الدكتور لا يذكرني اسمه وهو سوداني وشرحت له الامر وقالي بالحرف الواحدة لا يوجد علاج لك ابدا وتستمر على الحبوب الى الابد حتى تشفى يوم من الايام !!

وسرت اكل حبوب غاسك بطريقه عشوائيه لتخفيف الحارق لدي

ورجت مركز صحي عادي لسبب اخر وهو الانفلونزا وقلت خلني اسأل الدكتور العام عن المعدة وقال لي مثل كلام دكتور عيادة الدوحة !!

وقررت الذهاب الى تايلاند وقابلت الدكتور هناك وعطيته جميع التقارير والفحوصات وعملت عنده فحص دم ومنظار ومازالت الجرثومة ايجابية

وقال لي الدكتور يوجد لديك تقرح بسيط في المعدة لذلك لاتنفع معاك ادوية قتل الجرثومة !! وقال يجب القضاء على التقرح البسيط لتأخذ ادوية العلاج مسارها الصحيح وفعلا اعطاني دواء التقرح ودواء علاج الجرثومة ومدته 5 ايام وفعلا رجعت له وظهرت النتيجة سالبة بخصوص الجرثومة

ومازلت اتعالج من الارتجاع فقط بحبوب هي الافضل واسمها نكسيوم


واعتذر عن عدم ذكر بعض الادوية لعدم تذكري لها منذ ثلاث سنوات
مهل
23-09-2010, 02:05 PM
jn000n


ماعليج شر .. من كلامج حسيت انج مكبره الموضوع شوي .. ترى مربط الفرس هو الاكل
JN000N
23-09-2010, 02:30 PM
jn000n


ماعليج شر .. من كلامج حسيت انج مكبره الموضوع شوي .. ترى مربط الفرس هو الاكل

لا..

مش مكبره الموضوع
انا عارفه بالضبط هي شنو
وكلمتني مساعه دكتوره رفيجة امي وقلتلها كل شي سووه معاي 3 دكاتره ولحين ماراحت عني

قالتلي هي بتكشف علي وبتجوف بالضبط شتسوي معاي

ترا قالتلي هني الدكاتره يشخصون الناس كلهم ع اساس كلهم نفس الشي
وتقول احيان ترتبط بالقولون.. خاصه يوم قلتلها ان لما اعصب ينتفخ بطني والخ الخ

المشكله اني قبلها كنت اخذ حبوب قويه هي الي سببت لي الجرثومه او بالاحرى نشطتها
دكتور طارق قااي احتمال الكبد متاثر من هالحبوب ويبي يفحص علي عقب ماخلص من الجرثومه

انا ابي افتك منها لان بديت جامعه وتتعبني وايد
المليونير الفقير
23-09-2010, 03:39 PM
لا..

مش مكبره الموضوع
انا عارفه بالضبط هي شنو
وكلمتني مساعه دكتوره رفيجة امي وقلتلها كل شي سووه معاي 3 دكاتره ولحين ماراحت عني

قالتلي هي بتكشف علي وبتجوف بالضبط شتسوي معاي

ترا قالتلي هني الدكاتره يشخصون الناس كلهم ع اساس كلهم نفس الشي
وتقول احيان ترتبط بالقولون.. خاصه يوم قلتلها ان لما اعصب ينتفخ بطني والخ الخ

المشكله اني قبلها كنت اخذ حبوب قويه هي الي سببت لي الجرثومه او بالاحرى نشطتها
دكتور طارق قااي احتمال الكبد متاثر من هالحبوب ويبي يفحص علي عقب ماخلص من الجرثومه

انا ابي افتك منها لان بديت جامعه وتتعبني وايد

اختي جنون نصيحه روحي حق الدكتور محمد زبيب صدقيني ممتاز وعالجني انا ورفيجي جربي مب خسرانه شي وخلي عنج عيادة الجزيره لانها فاشله وتفكيرهم مادي على احساب صحة البني ادم
JN000N
23-09-2010, 03:59 PM
اختي جنون نصيحه روحي حق الدكتور محمد زبيب صدقيني ممتاز وعالجني انا ورفيجي جربي مب خسرانه شي وخلي عنج عيادة الجزيره لانها فاشله وتفكيرهم مادي على احساب صحة البني ادم




خلاص.. شورك وهداية الله

بوقف عن الجزيره وبجوف زبيب
الله كريم
نفسي عزيزه
23-09-2010, 05:26 PM
لاحول الله شصاير فيكم :(


الله يشفيكم


تصبروا اجر وعافيه يارب
بنت ذياب
23-09-2010, 05:29 PM
اووه خطأ مطبعي

كتبت في الرد السابق :

رحت عند استشاري اسمه محمد غازي..

انا لخبطت بين الاخوان .. هي عيادة وحده فيها دكتورين .. في المعمورة ..

محمد زبيب.. " باطنية " <<< :nice:..

وغازي زبيب.. " اذن وانف وحنجرة "


رحت لهم هم الاثنين ههههه .. وماشاءالله عليهم اوكى..
بنت ذياب
23-09-2010, 05:31 PM
امين
اي والله لحين :(
وبدت الجامعه ومايحاتي اوصفلج النفسيه
احيان الالم يخف ويزيد كل عشر دقايق يهد حيلي واحيان تهدا بس لازم شوي تنقص علي عيشتي وعقب تخف

جامعه+ المعده= كلش مب زين :no:

روحي عند محمد زبيب او الدليمي ..
والله يبعد عنج كل شررر

اي والله الكورس اللي طااف .. كنت اعاني منها فالجامعه.. حاسه فيج ..:(

اجر وعافيه
روح الاطلس
23-09-2010, 09:36 PM
صباح الخير

اعذرني على تأخري في الرد بسبب النوم والعمل

في البداية

كان عندي ارتجاع في المعدة في منتصف 2007 ورحت مستشفى العمادي وقابلت الدكتور العمادي نفسه وهو متخصص في المعدة بوجه عام

وتم فحص الدم لدي وظهر الناتج اجابي في فحص الجرثومة وعملت منظار

واعطاني الدكتور عده ادوية منها (غاسك) الخاص للأرتجاع

ومدة العلاج اسبوعين وانتهت الفترة وعملت فحص ولم تذهب الجرثومة

ومن ثم اعطاني علاج لمدة شهر ونفس الشي مازالت الجرثومة

ومن ثم اعطاني علاج لمدة شهرين ولم يحصل شي !

وبعدها تعبت من هذي الامور ورحت عيادة الدوحة قابلت الدكتور لا يذكرني اسمه وهو سوداني وشرحت له الامر وقالي بالحرف الواحدة لا يوجد علاج لك ابدا وتستمر على الحبوب الى الابد حتى تشفى يوم من الايام !!

وسرت اكل حبوب غاسك بطريقه عشوائيه لتخفيف الحارق لدي

ورجت مركز صحي عادي لسبب اخر وهو الانفلونزا وقلت خلني اسأل الدكتور العام عن المعدة وقال لي مثل كلام دكتور عيادة الدوحة !!

وقررت الذهاب الى تايلاند وقابلت الدكتور هناك وعطيته جميع التقارير والفحوصات وعملت عنده فحص دم ومنظار ومازالت الجرثومة ايجابية

وقال لي الدكتور يوجد لديك تقرح بسيط في المعدة لذلك لاتنفع معاك ادوية قتل الجرثومة !! وقال يجب القضاء على التقرح البسيط لتأخذ ادوية العلاج مسارها الصحيح وفعلا اعطاني دواء التقرح ودواء علاج الجرثومة ومدته 5 ايام وفعلا رجعت له وظهرت النتيجة سالبة بخصوص الجرثومة

ومازلت اتعالج من الارتجاع فقط بحبوب هي الافضل واسمها نكسيوم


واعتذر عن عدم ذكر بعض الادوية لعدم تذكري لها منذ ثلاث سنوات
\

شكرا على التوضيح

بس معنى كلامك شكوتك الرئيسية الارتجاع ( الحموضة ) لازالت موجودة رغم ان الجرثومة راحت

وعلاجك نكسيوم راح تستخدمه طول العمر!


نفس الحالة :( الله يعين

بس سمعت عن تقنية حديثة لعلاج الارتجاع بدل استخدام الادوية طول العمر

وهي حقن المريء بمادة تعمل على تقوية الصمام وبالتالي منع الحمض من الارتجاع

التقنية قرأت انها جديدة وتم تطبيقها من سنة 2005 في مستشفى زايد العسكري ولاقت نجاح كبير وناس تخلصوا من الادوية

مدري لو سمعت عنها ؟؟؟
بوعلي2
23-09-2010, 09:45 PM
الله يعطيكم العافيه جميعا ماقصرتوا للفائده

الله يبعد عنكم السوء يارب
العقل الحر
23-09-2010, 11:55 PM
\

شكرا على التوضيح

بس معنى كلامك شكوتك الرئيسية الارتجاع ( الحموضة ) لازالت موجودة رغم ان الجرثومة راحت

وعلاجك نكسيوم راح تستخدمه طول العمر!


نفس الحالة :( الله يعين

بس سمعت عن تقنية حديثة لعلاج الارتجاع بدل استخدام الادوية طول العمر

وهي حقن المريء بمادة تعمل على تقوية الصمام وبالتالي منع الحمض من الارتجاع

التقنية قرأت انها جديدة وتم تطبيقها من سنة 2005 في مستشفى زايد العسكري ولاقت نجاح كبير وناس تخلصوا من الادوية

مدري لو سمعت عنها ؟؟؟

لا لم اسمع بها

ولكن المشكلة دائما تتكون من احدى الامرين هو اما الصمام ضعيف وهي تصلح لهذي التقنية الحديثة او ان يكون الحمض زائد وله عملية اخرى موجودة حاليا ولكنها تعمل مثل الحبوب بضبط ولكن للابد وهي تخفيض افراز الحمض من العصب

وشكرا للافادة وسوفاً نتواصل للاستفادة
kitmat
24-09-2010, 08:51 PM
اخوي الدكتور حمدي عالجت عندة بدون فايدة ولين انا الحين من اكل اسهال وناوية اروح للدكتور العذبة يمدحونة