كم يكلف بناء فلتين متلاصقتين ..ونبي افضل مكتب لعمل الخرائط وافضل مقاول

[بنوته]

السلام عليكم ورحمة الله وبركاته


اخواني حابه استفسر منكم ...بيت الوالد عليه هدم وازاله والبيت مقسم من المحكمه بين الوالد والوالده لانهم مطلقين ...احنا فكرنا نبني فلتين متلاصقتين لان جيرانا مسوين هالحركه ومأجرينه على شركه واحنا لا نبي نسكنها فله لنا وفله للوالد والشباب ... للعلم مكتوب في سند الملكيه مساحة العقار 591 متر مربع هالمساحه تكفي او لا للعلم خلف البيت عندنا دكانين كل واحد في جهه مانبي نهدمهم محتاجينهم....المهم ابي اعرف كم بيكلف البنيان وهل مسموح نبتدي بناء البيت من بداية الطوفه او لا ...وكم المبلغ اللي راح يعطونا للهدم والازاله هل هو مليون متين او اقل ...وهل لازم نطلع استثناء لبناء الفلتين قبل مانسوي الخرايط ...وشنو احسن مكتب يسوي لنا خرايط البيت ويكون سعره معقول في حدود العشره الى 15 الف ...وياريت دلونا على مقاول ممتاز عماله هنود مو عرب ...

وجزاكم الله خير الجزاء

[وبشرالصابرين]

السلام عليكم

اختي الكريمه

اعتقد بيتكم في منطقه شبه قديمه

افضل تبيعونه لانه اكيد سعر الفوت مرتفع

وتاخذون ارض بعيده شويه تكون بسعر معقول وتبنون فلتين صغار

وخرايط الفلتين تلاقينهم موجودين عند كل المتاكتب شوفي عندهم يمكن 10نماذوج للفل المتصله او المنفصله

تكون فلل صغيره ومناسبه

وسعر البناء بيكون بالمتر يقدر المهندس يقدر التكلفه

وربي يوفقكم

شوفي كم سعر بيتكم بالسوق الحين

وعلى اساسه قرري

[jassimqtr]

بالنسبنه للقص بيقيمون البيت بكم ويعطونكم مبلغ وقدره ممكن مليون او مليون وخمس او 2 مليون
اما بالنسبه تكلفة الخرائط عندج من 8000 ونتي طالعه اما البنيان على حسب المقاول وكم مساحة البيت وهل فيه ديكورات خرسانيه او كميت العمدان يعني على حسب التصميم يتراوح السعر على العظم بين ال600 ونتي طالعه هذا على حسب المواصفات اللي بتطلبينها فالبناء وكل شي له سعره

[Right]

بنوته

أنا مسوي خريطتين وحده لي والثانية لأخوي عند مهندس

وبسعر خيالي وأرخص بواااااااااااااااايد من المكاتب الهندسية

وشغل عدل ... وكل ما يسوي الخرايط يطرشها لي وأراجعها

مثل: خرايط الحديد والماي والكهرباء والتلفون والكيابل والخرسانات وغيره

وإذا فيه أي أخطاء أحط ملاحظاتي وأقعد وياه ويقعد يعدلها

عكس المكاتب الثانية ... كلها زحمة ومب فاضية للتعديلات

يعني إشتر سمج بالماي

وإذا تبين رقمه ... بطرشه لج على الخاص

[Abdulla86]

بصراحه عند القطري للهندسه في شارع ال شافي

انا توني مصمم عنده وفيلا كبيره مع سرداب كلفتني الخريطه ٧٠٠٠ ريال

مع العلم مساحه البناء فقط ٩٨٠ متر

[قناص 787]

بالنسبه للسعر اختي اهم شي تكون الخرايط صحيحه مش خرابيط لانها حسبه ولازم تكون صح لان حزات يكون زايدين الحديد وانتي مش محتاجه هالزياده او يكون خطأ في الارتفاعات ياما ناس سوت خرايط ب 7000 و وقت البنيان راحت تعدل في الخرايط ودفعت زياده 4000 ويمكن 5000 لانها اخطأ والمشكله ان الناس تدور الرخص في هالاشياء مع ان هالاشياء مهمه يعني لازم مكتب شاطر والله يعين واي شي انا حاضر وفي الشوفه