المساعد الشخصي الرقمي

مشاهدة النسخة كاملة : الزي المدرسي .............للمستقلات


فيزيائية
22-09-2010, 07:35 AM
السلام عليكم ورحمة الله وبركاته

طبعا اللي عنده ابناء في مستقله اكيد مر بمعاناتنا ...:rolleyes2:

مرة المدرسة تحدد خياط في آخر الدنيا:(
ومرة تختار قماش مايناسب جونا:weeping:
ومرة قماش (محتكر)لو طلعت عيون ولي الامر مايلاقي مثله بالسوق...:eek5:
ومرة (وما أكثرها) سعر مبالغ فيه..:anger1:
ومرة يرسلون لنا مسج في ليلة المدارس بالمحل (متر في متر)
وتعال اذا فيك خير ادخل المحل عاد !:omen2:

وبما ان كل المدارس اصبحت مستقلة ...وتحت مظله وحدة ..
عندي كم اقتراح؟

1-لماذا لا يحدد زي للابتدائي وآخر للاعدادي وثالث للثانوي لكل المدارس مثلما كنا في الحكومي ؟؟
2- ان يحدد السعر للجاهز او للقماش لمن يحب التفصيل..
3-عدم احتكار الزي على محل بل جهة غير ربحية تنفع المجتمع؟
4- تجهيز المراييل من نهاية العام للعام المقبل مع ترتيب بيعه (وياليت قسم للرجال وآخر للنساء):shy:

مادري شرايكم يا أولياء الأمور ؟:telephone:
s o s o
22-09-2010, 07:51 AM
ان شاء الله هذا اللي بيصير من العام المقبل ..
وتنباع المراييل في السوق بدون اي حصرية كما كان في السابق
رجل الجزيرة
22-09-2010, 08:00 AM
سمعت الكلام من السيد / حسن الساعي قال بالحرف الواحد إذا فيه أي مشكلة عن أي شيء يختص بالزي الرسمي للمدارس فرجاء الإتصال بالمجلس الأعلى للتعليم ولو على هذا الرقم 155.
ميمي 88
22-09-2010, 08:20 AM
سمعت الكلام من السيد / حسن الساعي قال بالحرف الواحد إذا فيه أي مشكلة عن أي شيء يختص بالزي الرسمي للمدارس فرجاء الإتصال بالمجلس الأعلى للتعليم ولو على هذا الرقم 155.

:) 155

السنه الي فاتت كلمت 155
مشكلتي في الزي اسعار مبالغ فيها قالت اتصلي على ....وبيساعدونج
اتصلت
وعطوني رقم ثاتي
اتصلت وعطتني رقم ثاني
اتصلت
واتصلت واتصلت
كل وحده تحولني على وحده ثانيه قمة التخبط حتى بالرد ع التلفون وكل وحده ترمي الاتصال بملعب غيرها لاعت جبدي قلت مافي الا وطني الحبيب واتصلت بس تحت الهوا وكلمني صالح غريب وقال اي انا عارف اسعار هالمدرسه بناتي فيها واوعدج اكتب موضوع بهذا الخصوص بالجريده

الصراحه تمنيت لو انه منزل شكوتي بالبرنامج لانه اكثر تأثيراااا ووصووول بس للاسف
ظل البلوز ب100 ريال واوديه للخياط يضبطه بمبلغ ثاني ويطلع علي اغلى من بيع السوق

لوالبلوز وردي او ابيض سهل نشتري قماش حلو ونخيطه ويكون سعره فيه بس مع هالقماش المخطط الي يلوع الجبد صعب نجيب مثله


ياليت يوقفون ازمه زي المدارس والاماكن الي تحتكرها عاد الله والاماكن خياط كبر القرقور
وذبحه الحريم والرجال استغفر الله والهنود خوش اداره تصرخ وتأأشر وتنادي مايرد عليك
او يطلع البلوز الي تبيه ويخليه ع الطاوله متسند عليه ويكم غيرك


والله تعبت مادري بشيل هم هيئه التطفيش مع المدرسات ولا مع الزي
ANONYMOUS
22-09-2010, 08:20 AM
السلام عليكم ورحمة الله وبركاته

وبما ان كل المدارس اصبحت مستقلة ...وتحت مظله وحدة ..
عندي كم اقتراح؟

1-لماذا لا يحدد زي للابتدائي وآخر للاعدادي وثالث للثانوي لكل المدارس مثلما كنا في الحكومي ؟؟
2- ان يحدد السعر للجاهز او للقماش لمن يحب التفصيل..
3-عدم احتكار الزي على محل بل جهة غير ربحية تنفع المجتمع؟
4- تجهيز المراييل من نهاية العام للعام المقبل مع ترتيب بيعه (وياليت قسم للرجال وآخر للنساء):shy:

مادري شرايكم يا أولياء الأمور ؟:telephone:


وش هالاقتراحات

تبين تجلطين الجماعه

:)
الصريحه
22-09-2010, 08:28 AM
معاج حق
مازال مسلسل التخبط واضح
اقول وظفوني عندهم وماتشوفون الا كل خير
MAZEN37
22-09-2010, 08:54 AM
الموضوع المطروح غريب فعلا وصحيح مئه بالمئه وانا وناس كثير يعانون منه , انا استغرب يعني ليش كل هالتعقيد يعني احنا ما عندنا مشاكل وفاضيين علشان نروح نتهاوش مع الخياطين ونتلاسن على بعض وتلفونات وشكاوي وارقام وموظفين وخياطين وزحمه ناقصين ضيقة صدر يعني ( الحياه ابسط ) .

الفكره انا حنا عقولنا معقده .
wadha-qa
22-09-2010, 09:01 AM
الموضوع اصلا تجاري بحت بين مديرات هالمدارس و المحلات اللي متفقين معاها
واصلا الخامات اللي يستخدمونها رديئه وما تسوى صراحه
المديره تجمع ثروه و احنا اللي نتلعوز ونخسر
Riku3
22-09-2010, 09:04 AM
لو كانت مابتغطي على مصلحة البعض من اصحاب القرار .. ممكن ينفذونها .

بس دام في مدريرات مستفيدين مادياً اكيد بيستمر التخبط .. خصوصاً مع وجود ادارات سيئة مثل ماهو موجود حالياً في المجلس الاعلى للتعليم .. من اكبر راس (مهزوز) وانت نازل :] .
نورالهدى
22-09-2010, 09:17 AM
بلا وجع راس
انا بصراحه مليت وشوي بستخف
ماقدرت احصل للزي نفس اللون جبت متر ونص قماش للمريون وللبلوزه متر ونص لون مقارب جدا بعد ماوافقت المديرة عليه بشرط بيوفرون القماش المريول اللي بنسويه يلغى وقماس مب لين هناك
ودفعت 60 ريال ثمن القماش
وخياطه 100
المجموع 160 مريول لطالبه في صف اول ابتدائي ولبستها اياه يوم واحد
تعلوا المدرسه اعلان مافي باص لمنطقتكم
بتصير بسيارة حياكم الله بالباص مافي وعلى مدرسة ثانيه
وديتها مدرسة ثانيه والحمدلله في مكان أخير والمدرسة الثانيه ابعد وفيها باص والمدرسة القريبه مافيها باص
وطبعا الزي تغير
ويبيلي احوس
الشكوى لغير الله مذلة
ما اقول غير
حسبي الله ونعم الوكيل
حيهور
22-09-2010, 09:28 AM
الحمدالله ماعندي بنات ههههههههههههههههههه
كبير المتداولين
22-09-2010, 09:28 AM
حاطين الزي المدرس في محل واحد فيه 2 هنود مب ملحقين والمحل معفوس فوق تحت

والمجلس الاعلى :telephone:
ميمي 88
22-09-2010, 09:32 AM
عندي اضافه في مدارس البلوز ب 50 ريال والتنوره 50
وفيه مدارس البلوز ب100 ريال + اوديه الخياط تضبيظ ب 20 = 120
والقماش التنوره ب 50 واوديه افصله ب 50 = 100

شمعنى قميص المدرسه الاولى ب50 والمدرسه الثانيه ب 100 مع انهم نفس المرحله


نبي تدخل من المجلس الموقر وتحديد الاسعار وياليت الزي يكون عنابي وابيض مو يقولون لازم الزي وطني
والزمو الطلاب على لبس الثوب فمن الاجدر يلزمون المدارس بالقميص الابيض والتنوره عنابيه والمرحله ابتدائيه قميص ابيض ومريول عنابي
عاد شحلات البلايز البيضا لاجات 3 حبات مع بعض وشغل عدل مدل وباقل من 100 ريال :)

وعاشت قطر :)
M!$s ĀŁ!eN
22-09-2010, 09:36 AM
اختي سوس انا .. شريت لااختي مريول المدرسه
لو في المدرسه خير تقول لي شي
الشعاار في المرايل القديمه
بشتري لها قطعه من نفس الون والخياط بلصق فيها الشعاار
يعني القطعه على ذوقني والمقاس بعد على ذوقي
يااا زين المدارس الاجبنيه والله اتريح القلب ..
M!$s ĀŁ!eN
22-09-2010, 09:38 AM
انزين مكانين .. بس اللي اتذكر فيه المدارس وكلهم في بن محمود ..
واحد محلات الطيف والثاني .. صعب مااعرف اسمه بس والله انه المحل ضيق فووووق ما تتصورون
ملل ولا القطع الخامات المستخدمه من الاردا الانواع .. مع البس تلقيها .. اتنمش ولا ما يطير الحبر بسرعه من عيليها
ضوى
22-09-2010, 09:41 AM
يازين مدارس البنين ن والله ماقصر ولي العهد ريح العالم والناس بالزي الوطني الله يجزيه الخير عن كل ازلياء الامور يااااارب
أم غانم
22-09-2010, 09:49 AM
موضوعج ممتاز أختي..

وياليت يوحدون الزي مثل ماكنا قبل على أيام الحكومة " الله يرحم ذيج الأيام "

وكل مدرسة تحتفظ بشعارها .. لكن تخبط في الألوان والموديلات كل مدرسة تبي شكل

وكله كوم ولازم تفصلون ولا تاخذون من الخياط لفلاني ؟

طيب أحنا بنشتري القماش وبنفصل في أي خياط على راحتنا .. ما أحنا بملزومين بخياييطكم والشعار أي خياط

أو أحنا في البيت بنحطه على المريول..


لايحددون سعر ولاجهة ولاشي .. يحددون لون ويخلون الأهالي يتوكلون على الله في اللي يناسبهم ..

على الأقل الكل بيرتاح .. هذا بالنسبة للبنات " لآن المراييل تخصهم"

لكن ا لأولاد .. مالهم في الزي الموحد وغيرة راس مالهم ثوب و الله يكرمكم جوتي رياضة ..
عنزي قطر
22-09-2010, 10:15 AM
بارك الله فيك

ومرة يرسلون لنا مسج في ليلة المدارس بالمحل (متر في متر)
وتعال اذا فيك خير ادخل المحل عاد !


صدقتي والله اختي الكريمه المصيبة محل واحد متر في متر على 5 مدارس والله استحيت كله نساء المفروض يوجد تنظيم اكثر من هذا والله المستعان


اخوك عنزي قطر
رُفق المجنّا
22-09-2010, 01:45 PM
ليش ما يكون هناك زي موحّد للطالبات دون اشتراطات معينة أو تحديد محل معيّن !!

قرارات غبيّة من مدراء ... ـياء
بنت الشمال
22-09-2010, 02:38 PM
بن عمج اصمخ لا حياة لمن تنادي
فيزيائية
22-09-2010, 03:15 PM
بصراحة وانا اكتب الموضوع ماتوقعت ان بيلقى صدى...
بس طلع الكل يعاني والله المستعان..
اتمنى من المسئولين انهاء معاناتنا السنوية مع الزي...
استغرب وانا اقرا مواضيع المستقلات والمعلمات والفائض...
معقولة مافيه حد يحل مشاكل هالهيئة؟؟:eek5:
فيزيائية
22-09-2010, 03:18 PM
جزاكم الله خير جميعا
اثريتوا الموضوع بردودكم...
qzero555
23-09-2010, 05:36 PM
والله لوعوا جبدنا هالخيايط وياريت بس المشكله في الاسعار
المشكله الكبيرة في المقاسات ولين قلناهم ضبطوها يقولون حنا يخيط بس ما في سوي تزبيط
ريماس الغلا
23-09-2010, 06:45 PM
كل المدارس متفقين مع خياط معين


والمشكله انها بعيده وايد وداخل دواعيس