السلام عليكم يا أعضاء المنتدى الكرام

[بنت قطريه]

السلام عليكم أخواني اذا ممكن حد يساعدني ويفيدني اذا حد يعرف اسرة محتاجه لان في ثياب اقصد (الثوب الابيض) في ناس مب محتاجينهم ومغسولين ومكوين بس ادور على اي حد محتاجهم هم والله بحاله جيده ، أتمنى اخواني وخواتي يفيدوني ولكم جزيل الشكر

[al-vtc]

الله يجزاك خير وفي ميزان حسناتك ان شاء الله

[مستثمر 999]

جمعية قطر الخيريه توصلهم للمحتاجين

او انج تحطينهم عند باب البيت والجيران ما يقصرون

[الصحراء]

مثل ما قال الاخوان جمعية قطر الخيرية

[حيهور]

مؤسسة عيد الخيرية

وين حديقة دحل الحمام صوبه اهناك

يستلمون المكيفات واثاث البيت والملابس والأجهزة الكهربائية ويتم إرسالها للمحتاجين

رقمهم

44877566

[Right]

وعليكم السلام ورحمة الله وبركاته

جزاك الله خير وجعله في موازين حسناتك

عسآك و وآلديك والمسلمين آجمعين للفردوس الأعلى

[بنت قطريه]

مشكورين وماقصرتوا بس قلت اذا في حد محتاج واقدر اوصلهم لهم

[latty]

جمعية قطر الخيريه توصلهم للمحتاجين

او انج تحطينهم عند باب البيت والجيران ما يقصرون

ومركز قمم بالريان الجديد ورداء الخير وجمعيه عيد الخيريه وصناديق قطر الخيريه عند جمعية الدفنه وميرة الناصريه

[الألماسي]

http://www5.0zz0.com/2010/09/22/10/528230305.jpg (http://www.0zz0.com)

اختى هـ الصناديـق منتشـره جنب الميـره و اماكن اخرى تتبع لقطـر الخيـريّه . .

اللـه يجـزاج خيـر . .

:)

[بنت قطريه]

http://www5.0zz0.com/2010/09/22/10/528230305.jpg (http://www.0zz0.com)

اختى هـ الصناديـق منتشـره جنب الميـره و اماكن اخرى تتبع لقطـر الخيـريّه . .

اللـه يجـزاج خيـر . .

:)


أخوي تعبت وانا ادور هالصناديق ومالقيت اقرب مناطق لي مدينة خليفه ابن عمران دحيل الخريطيات وزغوى اذا في الميرة هالاماكن ربي يجزاكم خير ان شاء الله

[مشتاقة لقطر]

الله يجزيج كل خير

[JN000N]

اي حبيبتي في الميره اللي فالازغوه
في هذي الصندوق موجود

رحم الله والديج.. جعله في ميزان حسناتج

[الصريحه]

جزيتي كل خير

[ضوى]

اختي

جزاك الله خيرا على فعلك الطيب ، جعله الله في ميزان حسناتك

شوفي ائمة المساجد الناطقين بغير اللغة العربية فهم بحاجة لهذه الثياب ، وكذلك طلبة المعهد الديني فهم بحاجة ايضا لانهم من ذوي الدخل تحت المتوسط وستفعلين خيرا اذا سعيتِ بنفسكِ لهذه الاماكن ووزعتِ الملابس على مستحقيها ، فبذلك تشعرين بالسعادة وانت تتلقين دعو طيبة منهم

والافضل بالطبع ان توكلي هذا الموضوع لاحد اقاربك الشباب ، لم انتبه انك بنت الا بعد تعليقي السابق اعذريني

[بنت قطريه]

اختي

جزاك الله خيرا على فعلك الطيب ، جعله الله في ميزان حسناتك

شوفي ائمة المساجد الناطقين بغير اللغة العربية فهم بحاجة لهذه الثياب ، وكذلك طلبة المعهد الديني فهم بحاجة ايضا لانهم من ذوي الدخل تحت المتوسط وستفعلين خيرا اذا سعيتِ بنفسكِ لهذه الاماكن ووزعتِ الملابس على مستحقيها ، فبذلك تشعرين بالسعادة وانت تتلقين دعو طيبة منهم

والافضل بالطبع ان توكلي هذا الموضوع لاحد اقاربك الشباب ، لم انتبه انك بنت الا بعد تعليقي السابق اعذريني

هي اصلا ثياب زوجي وحرام تبقى وهي مب مستخدمه كثير استخدام بسيط لان زاد وزنه والثياب ماتناسبه وفصل غيرهم جداد وقلت اطلعهم بس وين المعهد الديني وشلون يقدر ويوصل لهم واي مسجد اقول حق زوجي يودي الثياب ولا شلون ؟؟؟؟

[ضوى]

هي اصلا ثياب زوجي وحرام تبقى وهي مب مستخدمه كثير استخدام بسيط لان زاد وزنه والثياب ماتناسبه وفصل غيرهم جداد وقلت اطلعهم بس وين المعهد الديني وشلون يقدر ويوصل لهم واي مسجد اقول حق زوجي يودي الثياب ولا شلون ؟؟؟؟

حبيبة قلبي مساجد وايد فيه خاصة اللي بمنطقة بوهامور والمنصورة والمنتزة لانه ائمة هالمساجد غالبا من غير الناطقين بالعربية
اما المعهد الديني فاتصلي 180 واطلبي رقمهم وساليهم عن مكانهم ، الطلبة اللي هناك وايد محتاجين الثياب الوطنية

عسى الله يجزيج الخير يارب

[بوراشد82]

والله يا اختي انتي توزعينهم بنفسج ابرك وبتحسين بالبركات تنزل عليج

والله يجزيج خير ويكسيج انتي وزوجج وذريتج من الجنة