مطلوب شخص يقوم بمراجعة الخرائط ( مهندس خبرة ) بمقابل مادي

[باحث علم]

السلام عليكم

اخواني بارك الله فيكم انا من كثر ماقريت في هالمنتدى صادني الوسواس القهري
وبصراحة انا قاعد اسوي خرايطي عند شركة استشارات اعتقد انها زينه
لكن بودي انه بعد ما اخلص خلال الايام الجايه اعرض الخرايط على شخص له خبرة كبيرة في هالامور بحيث يقوم بمراجعة الخرائط كاملة واخباري اذا فيه اي خطأ او تقصير من الشركة المصممة للخرائط .. فقط زيادة اطمئنان

وطبعا بمقابل مادي
ياليت الله لايهينكم اللي يعرف حد يطرش رقمه على الخاص وجزاكم الله خير

[شموخ دائم]

,

,


مرحبا اخوي


بالنسبه للخريطه ما اعتقد بتحتاج مراجعه

لان كل الخرائط يتم مراجعتها من قبل التخطيط والكهرباء والرخص

وما شاء الله عليهم مو سهلين لو كان اي خطاء او الاحمال غير مضبوطه كان تم توقيفها

اثناء تقديمها عندهم ويطلبون التعديل وارجاعها من جديد للرخص

صدقني مو محتاج مراجعه من نواحي فنيه او كميات حديد او قواعد اساسات او جسور

من هذي الناحيه تطمن جماعتنا هنا مشددين كثير وصارمين فيها

وعندك مهندس المقاول والمهندس الاستشاري ايضا اذا في شي بالخرائط راح يتم توضيحه لك اثناء التنفيذ بسهوله يلاحظون اي خطاء وبيتم اعلامك تطمن اخوي
ووفر افلوسك


وبالتوفيق لك


,

,


اخوك


شموخ دائم

[باحث علم]

شموخ دايم ودايم حضورك يبهي كل المواضيع
شكرا لك
كلامك صحيح
لكن مايخفى عليك هذا بيت العمر والواحد بيحط فوق المليون
ولو حصلت ايضا شخص يراجع الخرايط وياخذ الف ولا الفين مو غلط
زيادة الخير خيرين
:)

[قناص 787]

اخوي شموخ صادق بس حزات ممكن تصير ويالغالي انا ولله الحمد عندي مهندس خبره واذا تبغي بخليه يشيك لك الخرايط من دون مقابل

[السندان]

اخوي شموخ

سؤال
حتى اذا كانت هناك زياده في كميات الخرسانات اللي راح تكلفني من غير داعي .. يتم مراجعتها من قبل التخطيط والرخص ؟
ارجوا الافاده

[ahmed jasim]

أخوي أنا بنيت وبعد ما خلصت إكتشفت
مجمع الكهرباء (الصندوق) موجود فى الصالة بدلا من تحت الدرج
وايرات السبليت 3 ملم (حق 1 طن مكيف) لكل البيت بدلا من 6 ملم (حق 2 طن مكيف)
وأشياء كثيرة غبية طافت على الإستشاري والمقاول والبلدية

الحل مو إنك تعطى الخرايط إستشاري ثاني
بل إنك أيضا تتابع البنيان أول بأول
وتكون على إتصال دائم مع الإستشاري والمقاول

[بويوسف]

اخوي راسلني على الخاص ومايصير خاطرك الا طيب ..

[بويوسف]

اخوي شموخ

سؤال
حتى اذا كانت هناك زياده في كميات الخرسانات اللي راح تكلفني من غير داعي .. يتم مراجعتها من قبل التخطيط والرخص ؟
ارجوا الافاده

لا يتم مراجعة الانشائي من قبل البلدية .. وهذا كان يتم سابقا اما الان .. فللأسف لا ..

[علي الكبيسي]

الحمد ةلله انا عندي قريب لي مهندس معماري والله يحفظة ماسك امور بيتي من الالف الى الياء واي شي ما اعرفة على طول ما اتراجع اني اساله ويفهمني عنه غير انه ايضا استشاري واهو كان شغال في البلدية قبل ما يتقاعد والحين يجابل شغلة وشغلنا مع بعض الله يبارك فيه ويخليه لنا

[فتى الجود]

شييك على الخاص يالشيخ

[باحث علم]

الله يجزاكم خير
بصراحة الربع ماقصروا الله يبيض وجيههم
وكثير الربع اللي طرشوا على الخاص
وشكلي بمرر الخريطة على الربع كلهم وبعد بتم موسوس:nice:<< -- مريض نفسي الاخو لو يبني برج وش بيسوي

[السندان]

لا يتم مراجعة الانشائي من قبل البلدية .. وهذا كان يتم سابقا اما الان .. فللأسف لا ..

بارك الله فيك اخوي بويوسف

[بويوسف]

بارك الله فيك اخوي بويوسف

وفيك يالشيخ ..

نقطة مهمة وهي التأكد من خرايط الانشائي من قبل المعماري المصمم للفيلا .. عشان مايكون في تعارض بينهم ..

الانشائي غالبا مايتم زيادة الكميات فيه عندنا في قطر .. يعني زيادة امان يحط لك حديد زيادة او خرسانة زيادة .. فإذا قدرت انك تخلي حد ثاني يشيك الخرايط بيكون شي جيد ..

[السندان]

تسلم يامشرفنا .. بيض الله وجهك