المساعد الشخصي الرقمي

مشاهدة النسخة كاملة : جــــامــــعــــة الــــقــــاهــــرة


فــراولــة
22-09-2010, 08:49 PM
السلام عليكم ورحمة الله وبركاته

أنا طالبة ف جامعة القاهره سنة ثانيه بغيت ارقام دكاتره او مدرسين يسووون لي ملخصات ياليت اللي يعرف يساعدني وجزاكم الله خير:)
فــراولــة
22-09-2010, 10:44 PM
للرفع
أم غانم
22-09-2010, 10:49 PM
أختي جوفي المركز الثقافي العربي لآني أعتقد يتبع جامعه القاهرة وفية طلبة ياخذون الملخصات منه

يقدمون الأمتحانات فية أو في القاهرة حسب ظروفهم
..الله يوفقج
فــراولــة
22-09-2010, 10:56 PM
تسلمين فديتج انا اقدم بجامعة القاهره ف مصر
أم غانم
22-09-2010, 10:59 PM
الله يوفقج يارب..

بس ممكن تشوفين اللي في الدوحه بيفيدونج إن شاء الله لآن نفس المناهج وكل شي .. اللي يفرق البعض يقدم هنية والبعض هناك
روح الاطلس
22-09-2010, 11:10 PM
طيب وان اخذتي الملخصات تظمنين انج تلمين بالمادة؟؟

ممكن اي شخص يقول اوكيه عطيني الشيء الفولاني واسوي لج ملخص للمنهج بس هل تظمنين ان الملخص يغني عن قراءة المادة المقررة سواء كتب او بريزنتيشنات الخ !!

مدري كيف البعض يرتاح قلبه من قراءة ملخص
انا شخصيا ما اعتمد عليهم احب اقرا المنهج كامل والخص بطريقتي الخاصة بحيث اخذ الزبدة والمفيد

اعتذر لو مالبيت طلبج وافدتج لكن حبيت اذكرج ان تلخيصج بنفسج افضل بكثير من الاعتماد على ملخص جاهز

والله يوفقج بالدراسة يارب
فــراولــة
22-09-2010, 11:17 PM
هلا روح اطلس بس انا طلبت دكتور او مدرس يكون مضمون ومجرب مش اي حد و الحمدالله سويت هالشي من قبل ومشت اموري واكيد اني راح ارجع للكتب بس ابي الملخصات عشان تساعدني وشكرا ع مرورك
إينشتاين
23-09-2010, 12:05 AM
أي تخصص ؟
روح الاطلس
23-09-2010, 12:37 AM
هلا روح اطلس بس انا طلبت دكتور او مدرس يكون مضمون ومجرب مش اي حد و الحمدالله سويت هالشي من قبل ومشت اموري واكيد اني راح ارجع للكتب بس ابي الملخصات عشان تساعدني وشكرا ع مرورك

ان شاء الله تلقين طلبج

وجامعة القاهره معروفة بمناهجها الدسمة

كان الله بعونج
تحداني
23-09-2010, 12:54 AM
أنا تحت أمرج .. بس إيش المقابل ؟؟؟:)
.. أهم شئ ما يكون لا قانون .. ولا علم نفس
ولا لغه عربيه أما الباقي أموري طيبه


أمزح معاج


الله يوفقج يارب .. وشدي حيلج .. ومتى ما بديتي ابنفسج راح تتعودين
وراح تصير العمليه سهله بالرغم من دسامه المواد مثل ما ذكرت " روح الأطلس "



جملك الله برضى الرحمن
بوعبدالله71
23-09-2010, 01:37 PM
اختي فراولة ممكن استفسار ضروري

التسجيل بجامعة القاهرة مفتوح لحد الان؟

وين اروح في الدوحة للتسجيل وعن طريق من ؟ السفارة مثلا ؟

علما الدراسة بمصر يعني انتظام في المحاضرات في القاهرة ؟

وشكرا لك
بوعبدالله71
23-09-2010, 01:42 PM
اختي فراولة ممكن استفسار ضروري

التسجيل بجامعة القاهرة مفتوح لحد الان؟

وين اروح في الدوحة للتسجيل وعن طريق من ؟ السفارة مثلا ؟

علما الدراسة بمصر يعني انتظام في المحاضرات في القاهرة ؟

وشكرا لك

من عنده معلومات يفيدنا جزاكم الله خير
فــراولــة
23-09-2010, 02:08 PM
أي تخصص ؟

هلا اخوي تخصصي قانون
فــراولــة
23-09-2010, 02:12 PM
اختي فراولة ممكن استفسار ضروري

التسجيل بجامعة القاهرة مفتوح لحد الان؟

وين اروح في الدوحة للتسجيل وعن طريق من ؟ السفارة مثلا ؟

علما الدراسة بمصر يعني انتظام في المحاضرات في القاهرة ؟

وشكرا لك

هلا اخوي التسجيل ف جامعة القاهرة شهر 7 و8 وانا مسجلة عن طريق السفارة ومب لازم الانتظام ف المحاضرات
إينشتاين
23-09-2010, 03:20 PM
هلا اخوي تخصصي قانون

شيكي الخاص اختي
فــراولــة
23-09-2010, 03:58 PM
للرفع
فــراولــة
23-09-2010, 05:14 PM
للرفع
نسيم الروح
23-09-2010, 06:04 PM
ممكن تسجل في المركز العربي الثقافي بشارع المطار التجاري
فاتح له فرع من جامعة القاهره والتسجيل والامتحانات في الدوحه السنه تكلف ما يقارب 15000 ريال
المنهج قوي والامتحانات ما تخرج عن المنهج
وما انصح اي شخص ياخد دروس تقويه بالمراكز لاني اعرف مدرسين قالولي كله كلام فاضي الدروس الخصوصيه الي بالمركز
بوعبدالله71
23-09-2010, 06:48 PM
ممكن تسجل في المركز العربي الثقافي بشارع المطار التجاري
فاتح له فرع من جامعة القاهره والتسجيل والامتحانات في الدوحه السنه تكلف ما يقارب 15000 ريال
المنهج قوي والامتحانات ما تخرج عن المنهج
وما انصح اي شخص ياخد دروس تقويه بالمراكز لاني اعرف مدرسين قالولي كله كلام فاضي الدروس الخصوصيه الي بالمركز

كلمتهم قبل شوي التسجيل عندهم بنظام الانتساب وهو غير معترف به،اما النظامي معترف به وهو عن طريق السفارة المصرية بالدوحة.

اختي فراولة يعني التسجل اغلق لحد العام القادم ولا في امل اسجل العام الدراسي الحالي؟
فــراولــة
24-09-2010, 01:58 AM
كلمتهم قبل شوي التسجيل عندهم بنظام الانتساب وهو غير معترف به،اما النظامي معترف به وهو عن طريق السفارة المصرية بالدوحة.

اختي فراولة يعني التسجل اغلق لحد العام القادم ولا في امل اسجل العام الدراسي الحالي؟


اي اخوي الانتساب مش معترف فيه بس الانتظام معترف فيه وانا مسجله عن طريق السفارة القطريه بمصر واروح اقدم الامتحانات ف مصر واذا تبي تكمل دراستك راح اطرش لك رقم شخص بالسفاره القطريه وراح يفيدك
بوعبدالله71
24-09-2010, 09:46 AM
اي اخوي الانتساب مش معترف فيه بس الانتظام معترف فيه وانا مسجله عن طريق السفارة القطريه بمصر واروح اقدم الامتحانات ف مصر واذا تبي تكمل دراستك راح اطرش لك رقم شخص بالسفاره القطريه وراح يفيدك

ممكن ترسلينه على الخاص اختي

جزاك الله خير
راعي العليا
25-09-2010, 01:50 PM
اختي انا خريج قانون من جامعة القاهرة
ممكن تقولين انتي اي سنة وشنو المواد اللي تبين فيها مدرسين وبعطيج ارقامهم ولو تبين مدرسين في الدوحة موجودين بعد
وبالتوفيق ان شالله