المساعد الشخصي الرقمي

مشاهدة النسخة كاملة : شوفو شنو في على طاولة كووووووووووول (صور)


kooool
23-09-2010, 12:06 AM
طبعا فكرت ووفكرت قلت شنو الموضوع اللي انزله في الاستراااااحة ..فقلت اصور لكم استرااحتي المفضلة وااللي فيها ارتااااح وامخمخ ..فصورت لكم هذه الصور انشاء الله تعجبكم

http://www.m5zn.com/uploads/2010/9/22/photo/092210140927w69bje1oe0gkzq1d.jpg (http://games.m5zn.com/cooking_games.html)

هذه جزء من مكتبتي الخاصة وهذا الرف بالذاااات اقف له احتراااااما لانه مليااااااان افكار .

http://www.m5zn.com/uploads/2010/9/22/photo/092210140926jpwo79tnszi.jpg (http://games.m5zn.com/cooking_games.html)

لاااحد يضحك ..هذه عدة الاستراااحة ..والمخمخة وهذا كتااابي المفضل ومنه كنت اطلع الافكار واكتبها على شكل مشاريع وفعلا فرق كبير بينا وبينهم الله يصلح الحال

http://www.m5zn.com/uploads/2010/9/22/photo/092210140927xjfxd7if2ldlg.jpg (http://games.m5zn.com/cooking_games.html)

هذه مجموعة كتيبات فرفشية ..اذا زهقت اطالعهم ..

http://www.m5zn.com/uploads/2010/9/22/photo/09221014092787x70ccihhhb.jpg (http://games.m5zn.com/cooking_games.html)

اما هذا الكتاب فاهديه لكل التعساااااااااااء وفعلا كتاب واااااااااايد حلو

تحياتي المعطرة بالاحتراااام
كووووووووووووووووووووول
وهم قطر
23-09-2010, 12:12 AM
الشيخ ياليت تصغر الصور ماقدرت اشوف الصور
kooool
23-09-2010, 12:28 AM
اعتقد الحجم مناسب
الحره
23-09-2010, 02:46 AM
مشكور لمشاركتنا استراحتك هوايتك حلوه مفيده ^_^
JN000N
23-09-2010, 03:36 AM
الصور شاقه الصفحه عندي هع
ف جفت نص الكتب ونص الكلام

استراحتك صغيره :p

يسلمو ع مشاركتنا استراحتك الكيوت
missperfect
23-09-2010, 07:28 AM
:app::ok2:
بـــــــنت النوخـّــــذه
23-09-2010, 12:15 PM
اي ترى حجم الصوره كبير 00000000

عموما" اهم شي النظاره الي مرتكزه فوق الكتاب :whistling:<<كلنا الريال :nice:

كووول ليكون الافكار تنقلها من الكتب في الحوار العام <<<اتغشمر>>>الابداع واضح بدون كتب

عموما" احس جميع كتبك تناقش موضوع واحد ولكن بطريقه مختلفه وهو : طريق الوصول والصعود 0000
انزين في كتاب ازرق مندعس داخل على الرف عنوانه :
لن تنتصر على رئيسك في العمل

السؤال : ليش لن ينتصر<<<سؤال فضول:shy:
الصريحه
23-09-2010, 12:47 PM
اعتقد ينقصها الجانب الديني
وين القران الكريم خيرها
ووين كتب الاحاديث القدسيه والاحاديث الصحيحهوقصص الانبياء والعظماء من ديننا وغيرها
هذا راييي ولاتزعل
والله لو قراتها لاحبيتها
بنت قطريه
23-09-2010, 01:15 PM
حلو في هالزمن تلقى حد يقرأ بس أخوي انا اشارك أختي الصريحة مكتبك خاليه ويمكن ماصورته او تحتفظ بالقران جنب راسك علشن مانظلمك :) أخوي تدبر بالقران والله لو لفيت الدنيا مابتقلى مثل القران الكريم أخوي والله لو اقول هالكلام محد بيصدقه بس حبيت اقوله علشان غيري يجرب قبل كنت بعيده عن القران واقول عقب وبكره وعقب شهر باقرى وباختم وسبحان الله تغيرت حياتي وصادتني مشاكل وهموم لجأت لكل شي الا الله سبحانه غفلت عنه وزادت همومي جبال صرت احاول واجاهد نفسي كل يوم اقرى لو صفحة واذا تضايقت فرشت سجادتي وقعدت اصيح واشكي حق الله تعرفون لما البنات الصغيره تقعد في حضن امها او ابوها وتشكي له من شي بسيط ايش تحس وتلقى ... بتلقى يد تمسح على راسها وتمسح دمعتها وانا لله الحمد في رمضان من تقريبا 4 سنين لقيت ربي اللي كنت غافله عنه اذا شكيت له يسمعني واذا دعيت استجاب لي سبحانه الكريم الرحيم والله ثم والله اقعد كل يوم اشكي لربي باللي مرعلي بيومي واقول ودي بقربك ياربي .... أخوي اسفه طولت وطلعت عن الموضوع بس اذا عندك وقت لو 5 دقايق عقب ماتقرا كتاب من الكتب اللي عرضتها روح توضى واقعد في غرفتك بروحك وافتح القران وتدبر في اية وحده من القران وجرب وبتوصل حق حقيقه احنا غافلين عنها ... أخوي عن تجربه مريت بتجربه قاسيه كنت حامل وبالشهر الثالث مات الجنين في بطني وكنت راجعه من طوارئ الولاده عقب مابلغوني وشفت بعيني في الالترا ساوند ان النبض وقف كنت بالبيت بروحي اصيح منهارة لانه اول حمل لي وقلت ليش نا بالذات ؟؟؟؟ استغفر الله العظيم لما سمعت في قناة المجد وبالصدفه والله سمعت هذي الايه

"""هو الذي خلقكم من تراب ثم من نطفة ثم من علقة ثم يخرجكم طفلا ثم لتبلغوا أشدكم ثم لتكونوا شيوخا ومنكم من يتوفى من قبل ولتبلغوا أجلا مسمى ولعلكم تعقلون ( 67 ) هو الذي يحيي ويميت فإذا قضى أمرا فإنما يقول له كن فيكون ( 68 ) )

أي : هو الذي يقلبكم في هذه الأطوار كلها ، وحده لا شريك له ، وعن أمره وتدبيره وتقديره يكون ذلك كله ، ( ومنكم من يتوفى من قبل ) أي : من قبل أن يوجد ويخرج إلى هذا العالم ، بل تسقطه أمه سقطا ، ومنهم من يتوفى صغيرا ، وشابا ، وكهلا قبل الشيخوخة ، كقوله : ( لنبين لكم ونقر في الأرحام ما نشاء إلى أجل مسمى ) [ الحج : 5 ] وقال هاهنا : ( ولعلكم تعقلون ) قال ابن جريج ، تتذكرون البعث .


أتمنى تتقبل مروري
حليتان*
23-09-2010, 01:15 PM
ماشاء الله عندك وقت :victory: .. والله يعطيك الصحة والعافيه وتنتصر على مديرك في العمل :discuss:


اعتقد ينقصها الجانب الديني
وين القران الكريم خيرها
ووين كتب الاحاديث القدسيه والاحاديث الصحيحهوقصص الانبياء والعظماء من ديننا وغيرها
هذا راييي ولاتزعل
والله لو قراتها لاحبيتها

لاحضي على يمين الصورة ..اعتقد ان في كتب دينيه
kooool
24-09-2010, 12:23 AM
هذا غيض من فيض ...
kooool
24-09-2010, 12:26 AM
اللي بيركز اكثر على الكتاب اللي فيه الشيبة المحترم جدا جدا جدا ..هذا مؤسس سنغافورة
ويعتبر من الناس القلة اللي لهم تاثير في رقي الحياة العامة وسياسة التنمية العامة وكان منصب رئيس الوزراء ..والله افكاره عجييييييييييييييييييييييييييييييييييييييييييييييبة ..
ياليت المدراء والمسؤولين الافذاااذ ,,يقرونه
بوحارب
24-09-2010, 01:22 AM
من طلعت على الدنيا هذي ما مسكت كتاب :(

مالي في سوالف الكتب والمطالعة احسها ممممملللللللللللللللة


يسلمو خالي كول
الحره
24-09-2010, 01:24 AM
اعتقد ينقصها الجانب الديني
وين القران الكريم خيرها
ووين كتب الاحاديث القدسيه والاحاديث الصحيحهوقصص الانبياء والعظماء من ديننا وغيرها
هذا راييي ولاتزعل
والله لو قراتها لاحبيتها

ياشين الي يبي يطلع عذاريب بالغصب
kooool
24-09-2010, 01:39 AM
من طلعت على الدنيا هذي ما مسكت كتاب :(

مالي في سوالف الكتب والمطالعة احسها ممممملللللللللللللللة


يسلمو خالي كول

احسدك يابوحااارب على التطنييييييييش والحياة الفله ..
وبعدين يابوحارب شنو خالي كووووول حسستني اني شايب رجله في القبر


ياشين الي يبي يطلع عذاريب بالغصب

قولي لهم
شيط ويط
24-09-2010, 01:58 AM
طاح في خاطري الموز :)

اخوي كوول ممكن اعرف شنهو (تخصصك) الدراسي ؟؟
kooool
24-09-2010, 02:08 AM
افاااا عليك الموز للي يغلي الموز ...تخصصي اادارة اعمال
kooool
24-09-2010, 02:09 AM
شيك ع الخاص شيط ويط
احمد1
25-09-2010, 11:06 PM
نفس الي سبقوني وين القران الكريم الي اذا قريته يغنيك عن كل هاذي الكتب
الوان
25-09-2010, 11:48 PM
بس حكمتوا على الرجال ان ما يقرا قرآن

الحين لو مصور المصحف بتقولون ليش حاطه ما يصير هذا رياء

الله يهديكم بس

من الواضح ان ما يهمه و ما يتأثر لأني اعرف محتوى هالكتب و تأثيرها على شخصيه قارئها

انا اموت في هالكتب و هي اخير من السينما و المسلسلات و القعده في المجمعات

بارك الله فيك و نفع بك الأمه
بوخالد911
25-09-2010, 11:50 PM
تسلم

والله يووفقكم
الوان
25-09-2010, 11:52 PM
من طلعت على الدنيا هذي ما مسكت كتاب :(

مالي في سوالف الكتب والمطالعة احسها ممممملللللللللللللللة


يسلمو خالي كول

يبي لك نقفل عليك في حجره مع كتب koooool بدون كرك لمدة اسبوع
sweet_lemon
26-09-2010, 07:55 AM
بصراحه استراحتك عجيبه اخوي

الواحد ينحني لك ولها احتراماً وتقديراً لان في هالزمن الواحد ماصار يشوف وايد ناس تقرا كتب

انا عندي مكتبه صغيره في حجرتي فيها كتبي المفضله .. طبعاً هذي مفصوله عن كتب البيت .. بس اكثرها كتب طبخ ههههههههههههههههه :shy:

لازم في هالزمن الواحد يعطي الكتاب حقه ..

ومثل ماقال المتنبي "و خير جليس في الزمان كتاب "

تسلم اخوي لمشاركتك لنا استراحتك

ربي يوفقك ويسعدك دنيا واخره
kooool
28-09-2010, 10:36 PM
بصراحه استراحتك عجيبه اخوي

الواحد ينحني لك ولها احتراماً وتقديراً لان في هالزمن الواحد ماصار يشوف وايد ناس تقرا كتب

انا عندي مكتبه صغيره في حجرتي فيها كتبي المفضله .. طبعاً هذي مفصوله عن كتب البيت .. بس اكثرها كتب طبخ ههههههههههههههههه :shy:

لازم في هالزمن الواحد يعطي الكتاب حقه ..

ومثل ماقال المتنبي "و خير جليس في الزمان كتاب "

تسلم اخوي لمشاركتك لنا استراحتك

ربي يوفقك ويسعدك دنيا واخره

العفو اختي ..وملاحظة بسيطة الانحناء لرب العبااااااد وحده ..وهذه كلمة تعودنا عليها بس لازم ننتبه ..وبالنسبة للكتب الدينية ولله الحمد لها نصيب الاسد المتوحش ..لان ماعداها لاشي ..فيه كتااااب روووعه للبوطي في فقه السيرة موجود في جرير ..شي خيااااااااااااال
kooool
28-09-2010, 10:37 PM
يبي لك نقفل عليك في حجره مع كتب koooool بدون كرك لمدة اسبوع

شكلي انا اللي بشرب كرك بوحااااارب هههههههه
رهج السنابك
28-09-2010, 11:44 PM
؛

يعجبني من يهتم بالقراءة

في هذا الوقت اصبحت الكتب مرتعاً دافئاً للأتربة

استمر كما انت

؛