المساعد الشخصي الرقمي

مشاهدة النسخة كاملة : ياخوفي يكون وعد مدرسه الاخلاص كوعد عرقوب


q6ryah
23-09-2010, 12:13 AM
اليوم اتصلو فيني مدرسات مثبتات بالمدارس وقالو انهم راحو للاخ طارق العبدالله محتجين

لانه اجتمعو فينا بمدرسه الاخلاص وعطونا خيار البند المركزي او لا ارغب بالعمل

وقال لهم من قالكم البند سنتين

البند بس شهرين بعدين بنحولهم تقاعد ونقطع نص الراتب تقريبا بيصفى راتبي على 6 الالاف ريال

بليز اللي سمع مثل هالكلام يقوله

لانه احس اللي صار لنا بالاخلاص كان خدعه او لعبه
خصوصا اللي


يقرا الملاحظه اللي بالورقه تحت راح يتاكد من كلامي

لانه تحت بالملاحظات مكتوب يجب عدم اطلاع طرف ثالث على بيانات هذه الورقه وان لاتنشر

والا تعر ض للمسؤؤليه حسسوني انها منشورات يمه انا الحين صج خفت

حرام انا وقعت على اساس ادبر اموري بهالسنتين وبعدها انتظر التقاعد ماعندي مشكله لو قل الراتب
ياااناس ياعالم ردو علي بسرعه ابي اطمن
بوطويشم
23-09-2010, 12:22 AM
السلام عليكم

لاحول ولا قوة الا بالله

كلمي أحد المحامين وركزي على النقطة الي في الملاحظة عشان ماتدخلين في مشاكل ثانية
ميمي 88
23-09-2010, 12:26 AM
:(

اختي لو قريتي موضوعي الي للاسف وكأن اصحاب المنتدى جاهم صمت اختياري ومحد علق عليه الا واحد يدور عن نفس الامر الاخلاص وشبح الاوراق الغريبه والخدعه الي عشناها!

حبيبتي لاانتو ولا احنا مصيرنا معروف يعني الصراحه انا اغبط كل وحده وقعت لاارغب لان اقل شئ اسمها بند حتى وان كان 3 شهور


لكن في حالتي ومن مصدر من الوزاره قال ياترضين بالمدرسه الي راح نرسلج لها او نحول اسمج للامانه العامه وطبعا في وضعي راح اكون رافضه للعمل وبيحولوني تقاعد عكسكم بند


وع فكره سمعت من شخص بالبرج بانهم معطينهم اوامر يقولون ان البند كحد ادنى 3 شهوووور!

قلت العالم مفكره سنتين وع هالاساس اختارو لاارغب قال لا طارق العبدلله قال لهم حد ادنى 3 شهور ومايدرون ممكن يمتد لسنتين


وايد الكلام وانا الصراحه تعبت وراسي مصددددددع

الله المستعان
q6ryah
23-09-2010, 01:11 AM
صراحه لو طلع الموضوع خدعه لازم نتعاون ونرفع قضيه عليهم

واختي ميمي صراحه انا بنفسي سألته عن مده البند قال سنتين الا لو استجد شي من مجلس الوزراء

وحتى قلت له المفروض اسجل كلامك صوت وصوره لانه اصرت اصدق اي كلام بالمجلس

وكان هالكلام قدام مجموعه مدرسات ومشرفات المقصف

وحتى قلت له الاخت اللي كانت هناك فطريه من الموارد البشريه تقولي البند شهرين

قال اخذي الكلام مني
..er..
23-09-2010, 01:14 AM
الله يعينكم


صراحه المدرسات صارت سالفتهم سالفه مع هالي صاير لهم

الله يوفقكم :)
q6ryah
23-09-2010, 01:32 AM
مااقول الا حسبي الله على من هي افكاره اللي شتتنا من مدارسنا وضيعت الطلاب

وقطعت ارزاقنا وخربت بيوتنا احنا ماتذمرنا الا عقب ماقلصو الاجازات

وصارت اجازتنا نفس الحكوميه بس زياده اجازه الربيع ولا الاجازات مفروضه غصب طيب

والراتب اللي يساوي رواتب الاداريات واقل من رواتب الثانويه في بعض الوزارات والهيئات
ميمي 88
23-09-2010, 01:35 AM
صراحه لو طلع الموضوع خدعه لازم نتعاون ونرفع قضيه عليهم
واختي ميمي صراحه انا بنفسي سألته عن مده البند قال سنتين الا لو استجد شي من مجلس الوزراء
وحتى قلت له المفروض اسجل كلامك صوت وصوره لانه اصرت اصدق اي كلام بالمجلس
وكان هالكلام قدام مجموعه مدرسات ومشرفات المقصف
وحتى قلت له الاخت اللي كانت هناك فطريه من الموارد البشريه تقولي البند شهرين
قال اخذي الكلام مني

المفروض سنتين بس كحد ادنى 3 شهور عاد مع الظلم الي صاير توقعي اي شئ:(

انا حطيت ارغب وقاعده اراجع نفسي احط لاارغب :(
يعني نار البند ولانار روحي للمدرسه ولانحول اوراقج للامانه العامه وبصفتي رافضه العمل
(سياسه قرارات التهديد )موحلوه وماحب هالاسلوب ليش ياهيئة التطفيش تعاملينا هالمعامله:(
صراااحه تعبنا ونبي حل مايسوى علينا مدرسه الاخلاص الكل حسدنا لان البند ع طبق من ذهب
واحنا للحين عاطلين واونه الراتب ماشي لحد مايشوفون لنا مدارس
وانا الي كنت مخططه استمتع بحياتي الصبح وادلع نفسي:(
طلع يااقبل ولا انفي للامانه :(

مادرو ان التخبط بيودينا في داهيه


اااايه وين اول الي لاجاء الواحد يتزوج قال ابي مدرسه اونه اعلى راتب :(
يجون يشوفون حال المدرسه :(
q6ryah
23-09-2010, 02:00 AM
اول شي اهديج اغنيه هذاك اول لعبدالمجيد غيري فيها جو

وثاني شي بحاول اراكض ادور لي شغل غير التدريس

صدقيني لو يوظفوني اغوص ادور لولو ولا احفر بير


اهون علي ولا اروح ادرس بالوضع الحالي كل مديره على بالها المدرسه من ورث العايله

واحنا اخر ماتوصلت له التكنولوجيا مدرسات الخارقات (١٠في ١) لاتعرف الالم ولا التعب

ولا المستحيل

تقدر اداوم من قبل ٧ الصبح الى مابعد ٢ ظهرا واغلب الايام الى العصر

مدرسه ماتعترف بيوم الاجازه لازم تكون ع اهبه الاستعداد لاي تلفون من المديره المصونه

لانه علم الذره بيتعطل مايسوى صار جيش بس باقي الصبح نضرب سلام للمديره

من صارت المستقله زاد الشغل من غير فايده ضاعت الدراسه وزاد ت الايام من غير فايده

بالمقابل قل عدد الدارسين بالجامعات والخرجيين من القطريين والقطريات

اصبح التعليم سلعه يتحكم فيها اصحاب التراخيص اختفى الكتاب لمدرسي واستبدل بالاوراق

والملازم

استبدال المعلمات القطريات بالاجانب بحثا عن الارخص وليس الافضل

في قلبي حرره وعندي كلام شكلي بسويه معلقه حسبي الله على الظالم
ميمي 88
23-09-2010, 02:11 AM
ماعرفت الاغنيه لازم اسوي بحث عنها :(

بس مو الحين لاني مورايقه :(

الله المستعان وتوكلي على الله
وارث العز
23-09-2010, 03:27 AM
أختي قطرية . البلد فيها قانون والمحكمة الادارية موجودة بالدفنة .لا وفيها بعد تعويض
مشتاقة لقطر
23-09-2010, 03:47 AM
اللي قال لج لا يشوفه طرف ثالث معناته خايف ناس فاهمة تشوف الورقة وتنبه الغافلين ( بس ياغافلين لكم الله)

يعني شكلها لعبة بالقانون اوقانون مستحدث لحد ما يصرفون الاغلبية وترضخ والباقي ينطبق عليهم القانون


والله العالم

خلي محامي يشوف الورقة احسن
q6ryah
23-09-2010, 04:56 AM
تهقون صج لازم اعطيها محامي

مادري حسبي الله عليهم ترى الملاحظه هذي مكتوبه بكل الاوراق وكلنا وقعنا سواء اللي رفض

واللي قبل


بليز مدرساتردو علي شنو اللي لازم نسويه
الصريحه
23-09-2010, 09:12 AM
الله يفرجها عليكم
OTOsan
23-09-2010, 09:21 AM
الله يكون بعونكم ان شاء الله :(

أفــا .. أفـــا يامدرستي الحبيبة .. :(

وسمعني سلااام ...بس خلاص ..لا محبه ولا اخلاص :(
ضوى
23-09-2010, 09:33 AM
بجد والله شئ مخزي

الله يعينكم يارب صج عوار قلب و حيرة
ريماس الغلا
23-09-2010, 07:10 PM
انا بعد سمعت انه لا يقل عن شهرين


مب سنتين اكيد



والله المستعان