ابي شوركم خاطري ادخل السوق

[مدور عقلي]

السلام عليكم ورحمة الله وبركاتة

اشوف البورصة طالعة واطلع على كتاباتكم في المنتدى وخاطري ادخل السوق بس بسسب انقطاعي الطويل عن الاخبار وعن متابعة الاسواق لظروف مرضية اروجووو منكم النصيحة من اهل الخبرة في اي شركة ممكن ادخل علما باني راس مالي ثلاثمائة الف

وشكرا للجميع

[MP3]

اخوي ممكن تمر على قسم التحليل وتشوف تحليلات المحللين واهداف الاسهم المتوقعه

لا تدخل عشوائي المفروض اتابع السهم وتداوله قبل ماتدخل عليه

[قناص 787]

اخوي انا ما انصحك بالدخول في الوقت الحالي الا بعد ماتتضح الرؤيا لان الوضع مايطمن ومادري كل يوم عن يوم احس ان في نكبه جايه وكل مالها تكبر هالنكبه الله يكفيك ويكفينا شرها

[العقيد]

اخوي انا ما انصحك بالدخول في الوقت الحالي الا بعد ماتتضح الرؤيا لان الوضع مايطمن ومادري كل يوم عن يوم احس ان في نكبه جايه وكل مالها تكبر هالنكبه الله يكفيك ويكفينا شرها

ماضيع البعض الا مثل هذه المشاركات الي مالها اساس وتعتمد على الاحساس

[سيكل الفريج]

اشتر بروة واصبر ولاتضارب ولازم تكون متابع للامور...بالتوفيق اخوي

[قناص 787]

ماضيع البعض الا مثل هذه المشاركات الي مالها اساس وتعتمد على الاحساس

مع احترامي لك اخوي العقيد في مثل يقول من خاف سلم وشوف الناس اللي خافت على حلالها وطلعت من السوق قبل الازمه الحين ينقون السهم اللي في خاطرهم ومتى مابغوا ادخلوا فيه اما الناس اللي تمشي خلف الناس اللي تطبل لاصحاب المحافظ شوفهم الحين كل واحد يندب حظه ويقول ياريت يرجع الوقت كان وكان وكان ...... لكن لفات الفوت ماينفع الصوت والشي اللي اقوله اذا على كلامك احساس ترا الاحساس هذا ماجاني كذا الا من المحللين اللي واحد يقول السوق دخول والثاني يقول السوق خروج يعني حتى المحللين جزاهم الله خير في حيره في امرهم انا مااقول لا تدخل ولا قلت ادخل كل اللي قلته انتظر حتى تتضح الرؤيا ياريتك انتبهت على هالكلمه اكثر وتسلم اخوي العقيد

[مدور عقلي]

الله يجزيكم خير انشالله على الرد

بس اكيد في سهم من الناحية الفنية والاقتصادية احسن من سهم اخر

ارجو التوضيح

[المليونير الفقير]

نصيحتي لك خذ الريان وانتظر اعلانات الربع الثالث او الربع الاخير وان شاء الله بتدعي لي

[مدور عقلي]

الله يجعلها في ميزان حسناتكم وانا متاكد ان كل واحد فيكم يكتب وهو قصدة انه يفيد وانا اقدر جهودكم

[هبوب الكوس]

اخوي عليك ان تذكر مدى الستثمار في الاسهم

يعني المبلغ محتاجله انك ادش السوق شهرين او اكثر وتطلع من السوق

او انك مستثمر لسنه او اكثر لأخذ الارباح كل سنه

حتى الاعضاء يفيدونك

[عليان قطر]

مدري يا خوك

اختر الشركات ذات العائد فهي مضمومه التحرك

اما الشركات الصغيرة
فعليك بمراقبة السوق

[ناسداك]

مع احترامي لك اخوي العقيد في مثل يقول من خاف سلم وشوف الناس اللي خافت على حلالها وطلعت من السوق قبل الازمه الحين ينقون السهم اللي في خاطرهم ومتى مابغوا ادخلوا فيه اما الناس اللي تمشي خلف الناس اللي تطبل لاصحاب المحافظ شوفهم الحين كل واحد يندب حظه ويقول ياريت يرجع الوقت كان وكان وكان ...... لكن لفات الفوت ماينفع الصوت والشي اللي اقوله اذا على كلامك احساس ترا الاحساس هذا ماجاني كذا الا من المحللين اللي واحد يقول السوق دخول والثاني يقول السوق خروج يعني حتى المحللين جزاهم الله خير في حيره في امرهم انا مااقول لا تدخل ولا قلت ادخل كل اللي قلته انتظر حتى تتضح الرؤيا ياريتك انتبهت على هالكلمه اكثر وتسلم اخوي العقيد


كلام صحيح

[<اضرب واشرد>]

أخوي مثل ماذكر لك الأخ هبوب الكوس ، تبي مضاربة ولا استثمار متوسط أو طويل !! تبي أرباح ولا تبي تبيع عند أي ارتفاع قادم !!

[ســـهم]

اخوي

كما ذكر المحللون ان السوق عند نقاط مقاومه وقمم مهمه لذلك الأنتظار أفضل

الله يوفقك ..

[captin]

توقيت الدخول للسوق مهم

ومن الأخطاء الشائعة دخول السوق مع الارتفاعات

الحذر والتريث مهم

وفرصة الشراء دائما تكون مواتية ومناسبة عندما يكون السوق
في نزول حيث المعروض كبير والاسعار مناسبة

وعليك بالأسهم القيادية ذات العوائد السنوية
المجزية بعد ما تقرا وتشوف ميزانيات الشركات القيادية
وخصوصا العائد على السهم

بالتوفيق ان شاء الله

[البركان]

انصحك بالدخول بعد اعلانات الربع الثالث اما من ناحية اى سهم فهذه ارزاق يقسمها الرزاق وان كنت تميل الى سهم فاذهب اليه ان فيه رزقك فسوف تاخذه

ولن يستطيع انسان ان يرزقك ويترك نفسه

اهم شئ بالاسهم هو التوقيت فقط وانصحك بالوقت اللى ذكرته سابقا

[مدور عقلي]

اشكر جميع الاخوان على النصيحة والجهد الكبير المبذول في الرد على المشاركة والله يجعلها في ميزان حسناتكم
اما بالنسبة لي سوف استخير واتوكل على الله وبالنسبة للاخوان هبوب الكوس واضرب واشرد المدة هى من ثلاث الى ست شهور والله يرزق الجميع

[unless]

اللي بقوله لك يا عساك تلقى عقلك أن البورصة
بــــــا ختــــــصـــــــــاااااااااااااااااااااااااااااااا اار
لـــــــــعــــبـــــــــــة كـــــبـــــــــــــــــــــــــــــــــار

[مخطط قطري]

بعض الشور خذ به وبعض الشور قطه ورا ظهرك لو انك داش يوم نزلت الموضوع من كم يوم وطلعت اليوم كان الربح زين لانه السوق قاعد يرتفع
على العموم شورك راسك لاتنطر حد وهذي نصيحتي لك شاور ومب لازم تاخذ كلامهم مسلم به
مع احترامي لكل المحللين بس مب كل شي يقولنه صح وحتى تحليلهم فيه اخطاء فادحه ومحد بيتحملها الا انت
زين بتقولي شالدبره
وزع فلوسك
يعني عندك 300 الف
دش في 3 قطاعات حيويه
بنوك وخدمات وتامين
وتحرى الحلال وين
كل قطاع قط فيه 100 الف
دش بتدريج
25 الف في كل دخله
على 4 مراحل
لاتستعجل
اول ربح
اصفق السهم
لادش في سهم تشبع من اللارتفاع شوف الاسهم الي ماخذت حقها
وركز في الشركات الي توزع ارباح
اذا لاسمح الله صارت خساره والله لايجبها بس كل الاحتمالات وارده انطر ارباحك لانه قبل الارباح تتحرك الاسهم
وسلامتك

[داااايم السيف]

ركز على الاسهم الي ماخذت حقها من الارتفاعات الاخيره:eek5:
ركز على مكررات الربحيه والعوائد السنويه ونمو الارباح على مدار السنه والقيمه الدفتريه للسهم الذي تريد الاستثمار فيه:telephone:
بالاضافه الى مقدار التوزيعات السنويه التي يحظى بها ملاك السهم:victory:
في موضوع الاستاد نصر٧٧ المثبت في اعلى الصفحه تابع عمليات الشراء والبيع ونسب تملك المحافظ بشقيها على مدار الاسبوع
وستجد ان شاء الله مايرضيك:nice:
وفالك التوفيق اخوي:)

[<اضرب واشرد>]

واذا نويت تشتري شي معين استشير الاخوان في هالموضوع انا ناوي أدخل في السهم الفلاني الحين شرايكم

والله يوفقك

[جعران]

اخوي اذا لديك صبر ونفس طويل
ادخل الريان

[الـخـور]

مانصحك تدخل البورصة الان وبالتوفيق ان شاء الله

[bentelyarnag]

الرعايه بس مع الانتظارلمدة شهرين

[ابومحمد 123]

شوف الاسهم النقية 100% والي ماتحركت من فترة مثل مواشي -الرعاية - الخليج القابضة أما الاسهم الاخرى أعتقد والله أعلم أنها تشبعت شراء .

[$...المبارك...$]

ركز على الاسهم الي ماخذت حقها من الارتفاعات الاخيره:eek5:
ركز على مكررات الربحيه والعوائد السنويه ونمو الارباح على مدار السنه والقيمه الدفتريه للسهم الذي تريد الاستثمار فيه:telephone:
بالاضافه الى مقدار التوزيعات السنويه التي يحظى بها ملاك السهم:victory:
في موضوع الاستاد نصر٧٧ المثبت في اعلى الصفحه تابع عمليات الشراء والبيع ونسب تملك المحافظ بشقيها على مدار الاسبوع
وستجد ان شاء الله مايرضيك:nice:
وفالك التوفيق اخوي:)



أنا أؤيد كلام أخوي @بومطر@@

وأهم شي التوزيعات والشركات الربحية :....................بدون ذكر أسماء :deal:

وبالتوفيق إن شاء الله

[كلمة مرور]

السوق مقبل على خير
يوم كان المؤشر 7000 وشوي قبل شهرين تقريبا استشرت اكبر المحللين قال لاتدخل وتنصدم بالنزول الكبير قلت له السوق طالع قال ارجوك لاتدخل في هبوط كبير قلت له على اي اساس ال انصحك
ارسلت له مسج من اسبوع قال اتوقع ينزل وبعدين يكمل
في منطق ياجماعه في التحاليل
بس بعض المحللين للاسف يشتغلون من غير منطق
وانا اقول بعض الاسهم ارتفعت بما فيه الكفايه والبعض الاخر له تكمله والبعض بدايته والبعض حتى لو ما ارتفع ممكن ينزل
انصحكم بروه

[كلمة مرور]

للعلم
انا خرجت عن السوق نهائيا واتجهت للعقار بس اتابع السوق للتسليه وافكر ادخل بأرباح العقار في اسهم للاستثمار الطويل بدون متابعه ومضاربه

[البوررصة]

الريان ,, الدولي ,, المصرف

[sabdulma]

أرجوك لا تدخل البورصة...
نصيحة لوجه الله
لا أنصح أي أنسان بدخول البورصة
أنصحك بوضعها في وديعة أسلامية وريح رأسك

[قناص قطر]

السلام عليكم

انصحك بالدخول بعد اعلان الربع الثالث مع النزول

وان شاء الله تتوفق يارب

وعليك بالاسهم القياديه