زوجتي بحرينية وين تولد ! في قطر ولا البحرين وليش ؟ [الأرشيف]

محمد الجفيري

23-09-2010, 03:37 PM

Rashid554

23-09-2010, 03:39 PM

دام الزوج قطري فما في اي مشكله وين تولد الزوجه ان شاء الله في موزبيق
الي راح يصير فقط في بطاقتك الشخصية يُكتب ( محل الميلاد : البحرين )
لكن اذا في امكانيه انها تولد قطر فالافضل ان يولد ولد البلد في ديرته ( محل الميلاد : الدوحه )

ويتربى في عزكم

محمد الجفيري

23-09-2010, 03:42 PM

تسلم وبخصوص 33 شخص الي يستخدمون العضوية الفال لكم :)

الدوحة 2010

23-09-2010, 03:42 PM

الافضل مواليد قطر

هدهد سليمان

23-09-2010, 03:42 PM

زوجتك بحرينيه وانت قطري الولاده خلوها في السعوديه حتى تجمعون دول الخليج في بيت واحد :) اتغشمر

البحرين وقطر واحد بإذن الله .. لكن المستشفى الأهلي في قطر زين :)

بالمبارك مقدما وجعله الله من العابدين الحامدين الشاكرين واحسن الله نباته ورفعك واياه في عليين

عشق الشمال

23-09-2010, 03:45 PM

اخوي الجفيري اعقلها وتوكل لا فرق بين بحريني ولا قطري في هذا البلد الكل اخوه

واعتقد مافي اي مشكلة لو زوجتك ولدت لك ابن اصلحه الله في البحرين او قطر

وبالنسبة لمستقبل ولي عهدكم اعتقد لن تكون هناك اي مشكلة له في المستقبل مادام الاب قطري

اما بالنسبة انك محتار في اي مستشفى تروح صراحة ماعندي خبرة ماعمري جربت الولادة :)

hamoor4ever

23-09-2010, 03:48 PM

خل تولد بالدوحه اخوي احسن لك وعلشان تشوف عيالك ومستشفى حمد افضل وعقبها باسبوعين تقدر تخليها تروح البحرين وانت وياها لان اعتقد بيلعوزونك بالبحرين في اخراج الاوراق اللازمه للولد انا طبقت هالطريقه في عيالي والحمدلله افضل وباجر لولاسمح الله تغير قانون شي مواليد الدوحه اتوقع احسن بس اعتقد مافيه فرق بالتوظيف الا يمكن بالعسكريه والله اعلم

اعقل مرجوجه

23-09-2010, 03:53 PM

في قطر طبعا :nice:

بكره الطفل يبوسك على خشمك ويقول الحمدلله أني ولدت في هالارض الطيبه وفديت ترابك ياقطر ويلقى وظيفه وراتب ليمتد اب

الا اقول ... دام الاب قطري وراه مايكون قطري :eek5:

عموما احب البحرين :victory: وفدييييت اهلها ... بس أني اقول لك اللي في مصلحة الطفل

يتربي في عزكم انشاءالله :shy:

عذاري قطر 2011

23-09-2010, 04:14 PM

اخوي بالعكس مافي اي مشكلة اذا المولود من مواليد البحرين لانه انا من مواليد الرياض وابوي قطري عمري ماواجهت اي مشكلة ...

يمكن بعد زوجتك تبي امها تكون وياها واهلها يكونون قراب منها وقت الولادة وبعد لاتنسى هالبكر اول ولادة لها يعني صعبة عليها شوي :(

فانت بس هالمره خلها في البحرين لكن الولادة الثانية في قطر :nice:

والله يهون عليها ويقومها بالسلامة ويتربى في عزكم ان شاء الله

ماريسا

23-09-2010, 04:15 PM

نصيحة شخصية خلي المدام تولد بأمريكا الولد على طول يصير عنده جواز أمريكي و مستقبله بيكون بــــــــــــــــاهر في قطر و بتتذكر كلامي ;)
موفقين

عشق الشمال

23-09-2010, 04:30 PM

نصيحة شخصية خلي المدام تولد بأمريكا الولد على طول يصير عنده جواز أمريكي و مستقبله بيكون بــــــــــــــــاهر في قطر و بتتذكر كلامي ;)
موفقين

انتبه اخوي الجفيري من كلام ماريسا وتورط ابنك في رئاسة امريكا مثل ماتورط الرئيس الأمريكي ( حسنين مبارك اوباما )

تعرف ليش لأن مافي دولة عربية او اسلامية يحتلها بعد مايكبر الكل تم احتلاله وانته امره

العقل الحر

23-09-2010, 04:33 PM

في قطر طبعا

ماريسا

23-09-2010, 04:35 PM

انتبه اخوي الجفيري من كلام ماريسا وتورط ابنك في رئاسة امريكا مثل ماتورط الرئيس الأمريكي ( حسنين مبارك اوباما )

تعرف ليش لأن مافي دولة عربية او اسلامية يحتلها بعد مايكبر الكل تم احتلاله وانته امره

شدخل الرئاسة
انا اتكلم عن مستقبل الولد في قطر بيصير تمام التمام الحين المستقبل و الوظائف الممتازة حق الاوروبيين و الامريكان الا اذا حضرتك شايف غير هالشي
و مابغيت الا كل خير لصاحب الموضوع

المشكلة في ناس تفكيرهم وايد يروح بعيد :omen2:

رجل الجزيرة

23-09-2010, 04:45 PM

الإخوان بارك الله فيهم ما قصروا في الردود ولكن في النهاية سيكون قطري مثل أبوه وأسأل الله العلي أن يكون برا في والديه.

سهم الغدر

23-09-2010, 04:57 PM

تفضل بقطر الولادة وخاصه اذا قدرت تجيب اهلها عندها لان اول ولاده واكيد المره خايفه ومحتاجه اهلها بهالحظة, واذا هي حابه تولد عند اهلها بالبحرين فـــ قطر والبحرين واحد واهم شي العامل النفسي للمراه

اما بالنسبه للمستشفيات اذا ماكان عندها اي مشاكل حمل انا انصحك بمستشفى الاهلي عند الدكتورة روزفي وسجاده والتخدير دكتور عباس , اذا في مشاكل بحملها اكيد بنصحك بمستشفى النساء والولاده.

وماريسا صح كلامها لما قلت لك يفضل الولاده بامريكا لان مستقبل الطفل بيكون زاهر انا اويدها ولان الامريكان لهم حقوق عاليه المستوى بكل العالم , وهذا عن تجربه

الله يقومها لك بالسلامه وتفرحون بالطفل انشالله والله يرزقك الذريه الصالحه يارب ..مبروك مقدماً

إينشتاين

23-09-2010, 05:01 PM

نصيحة شخصية خلي المدام تولد بأمريكا الولد على طول يصير عنده جواز أمريكي و مستقبله بيكون بــــــــــــــــاهر في قطر و بتتذكر كلامي ;)
موفقين

ذكرتيني بولد عمي الله يهداه ،، قبل ماتولد زوجته بثلاث شهور رجعها الدوحة من امريكا وهم صار لهم اكثر من سنة هناك

ضيع الجواز الذهبي من ولده :weeping:
وضيع القريين كارد منه هو :weeping:

قطري طموح

23-09-2010, 05:10 PM

اخوي حل زوجتك تولد في البحرين عند امها او اهلها وتاكد مافي فرق ابدا بين المولد في قطر ولا البحرين دام الاب قطري
الله يوفقكم ويتربى في عزكم .

ماريسا

23-09-2010, 05:13 PM

ذكرتيني بولد عمي الله يهداه ،، قبل ماتولد زوجته بثلاث شهور رجعها الدوحة من امريكا وهم صار لهم اكثر من سنة هناك

ضيع الجواز الذهبي من ولده :weeping:
وضيع القريين كارد منه هو :weeping:

قهرررررررررر :anger1:

aljaber1

23-09-2010, 05:27 PM

لو اهل زوجه في البحرين بيكون احسن لها
والله يسهل عليها الامر

الملا

23-09-2010, 05:33 PM

الاخوان ماقصرو

وعن المستشفيات

فمستشفى النساء والولادة لا يقل عن المستشفى الاهلي او العمادي في العناية والاهتمام

عشق الشمال

23-09-2010, 06:01 PM

شدخل الرئاسة
انا اتكلم عن مستقبل الولد في قطر بيصير تمام التمام الحين المستقبل و الوظائف الممتازة حق الاوروبيين و الامريكان الا اذا حضرتك شايف غير هالشيو مابغيت الا كل خير لصاحب الموضوع

المشكلة في ناس تفكيرهم وايد يروح بعيد :omen2:

اهااااه هل تقصد ان القطري ليس له مستقبل في وطنه وان القطرين يتم ظلمهم من قبل الحكومة ومضطهدين هذا نقطة سوداء تحسب في رصيدك انتبه ! !

اولا القطري لديه المستقبل في وطنه ويتمتع بكل الحقوق والرفاهية في جميع المجالات من سكن وتوظيف وراتب لا يحلم به اي كلب من كلاب روما

ثانيا اذا بغيت خير لصاحب الموضوع فاعتقد ان الخير بين اهله وجوازه العنابي مب جواز ابو صقر واعتقد الجفيري لديه مبدا في الوطنية والولاء لهذه الارض الطيبه

ويامريسا الجواز الامريكي ليش شرف لك بل العار ان تحمل هذا الجواز الملطخ بدماء المسلمين هذا اذا كان لديك ماء تحفظ به وجهك اصلا

اما بخصوص شدخل تفكيري يروح بعيد انا مب امريكي غبي عشان مافهم

كنت امازح اخوي الجفيري

بالعربي الفصيح كلامك مريس x مريس وسبحان الله اسم على مسمى

إنسان عادي

23-09-2010, 07:46 PM

ذكرتيني بولد عمي الله يهداه ،، قبل ماتولد زوجته بثلاث شهور رجعها الدوحة من امريكا وهم صار لهم اكثر من سنة هناك

ضيع الجواز الذهبي من ولده :weeping:
وضيع القريين كارد منه هو :weeping:

ولد عمك رجال والنعم به :victory: امريكا كلها كم سنة وتنهار بإذن الله ، وهذي ليست توقعات لكن علامات الإنهيار واضحة جداً ، واذا انهارت ولايسوى جوازهم بيزه مثل الإتحاد السوفييتي

إنسان عادي

23-09-2010, 07:47 PM

اهااااه هل تقصد ان القطري ليس له مستقبل في وطنه وان القطرين يتم ظلمهم من قبل الحكومة ومضطهدين هذا نقطة سوداء تحسب في رصيدك انتبه ! !

اولا القطري لديه المستقبل في وطنه ويتمتع بكل الحقوق والرفاهية في جميع المجالات من سكن وتوظيف وراتب لا يحلم به اي كلب من كلاب روما

ثانيا اذا بغيت خير لصاحب الموضوع فاعتقد ان الخير بين اهله وجوازه العنابي مب جواز ابو صقر واعتقد الجفيري لديه مبدا في الوطنية والولاء لهذه الارض الطيبه

ويامريسا الجواز الامريكي ليش شرف لك بل العار ان تحمل هذا الجواز الملطخ بدماء المسلمين هذا اذا كان لديك ماء تحفظ به وجهك اصلا

اما بخصوص شدخل تفكيري يروح بعيد انا مب امريكي غبي عشان مافهم

كنت امازح اخوي الجفيري

بالعربي الفصيح كلامك مريس x مريس وسبحان الله اسم على مسمى

:nice::nice::nice::nice::nice: كفو

تبتلشٍ

23-09-2010, 07:54 PM

:nice::nice::nice:

اهااااه هل تقصد ان القطري ليس له مستقبل في وطنه وان القطرين يتم ظلمهم من قبل الحكومة ومضطهدين هذا نقطة سوداء تحسب في رصيدك انتبه ! !

اولا القطري لديه المستقبل في وطنه ويتمتع بكل الحقوق والرفاهية في جميع المجالات من سكن وتوظيف وراتب لا يحلم به اي كلب من كلاب روما

ثانيا اذا بغيت خير لصاحب الموضوع فاعتقد ان الخير بين اهله وجوازه العنابي مب جواز ابو صقر واعتقد الجفيري لديه مبدا في الوطنية والولاء لهذه الارض الطيبه

ويامريسا الجواز الامريكي ليش شرف لك بل العار ان تحمل هذا الجواز الملطخ بدماء المسلمين هذا اذا كان لديك ماء تحفظ به وجهك اصلا

اما بخصوص شدخل تفكيري يروح بعيد انا مب امريكي غبي عشان مافهم

كنت امازح اخوي الجفيري

بالعربي الفصيح كلامك مريس x مريس وسبحان الله اسم على مسمى
:ok::ok::ok::ok::ok::ok:

QATAR 2022

23-09-2010, 08:01 PM

mr. abdulla

23-09-2010, 09:09 PM

انا انولدت في دبي.. قبل عشر سنين عند تجديد الجواز طلبت من اللي ورى الكونتر يبدل مكان الميلاد بالجواز من دبي الى قطر.. قال جيب شهادة ميلاد.. قلتله ضاعت فضحك و دلاني وين اطلع شهادة ميلاد بدل فاقد.. عند الكونتر الثاني طلعت شاهدة ميلاد جديدة و اعتمد على البيانات اللي على السيستم.. سألني مواليد دبي قلتله لا غلط الدوحه.. عطاني ابتسامه و صح الغلط :victory:

إينشتاين

23-09-2010, 09:29 PM

ولد عمك رجال والنعم به :victory: امريكا كلها كم سنة وتنهار بإذن الله ، وهذي ليست توقعات لكن علامات الإنهيار واضحة جداً ، واذا انهارت ولايسوى جوازهم بيزه مثل الإتحاد السوفييتي

خلنا من التوقعات الي يمكن تصير ويمكن ماتصير

خلنا في الوقت الراهن وفي الواقع الي نعيشه

طلع لي امريكي في قطر من صغار الموظفين !!!

باقولك قصة تسليك وتعرف واقعنا المرير،،

واحد من اعز اصدقائي كان طالع من دوامة في مسيعيد وكان ماشي في أمان الله وفجأه طلع في وجهه موتر من لفة القاعدة الأمريكية ودعمه وانقلبت سيارته وهو طار من السيارة ،، الأمريكي نزل من سيارته مافيه شي وكان (سكراااان) قام يلملم ويجمع اغراضه واوراقه الي طاحت من السيارة ويشوف الرجال الي طايح على الآرض ولا قرب صوبه ولا عبره كانه شاة طايحة ،، المهم في المستشفى قال للمحقق ترى الي دعمني سكران اخذوا منه تحليل دم ،، طبعا المحقق الي المفروض يطبق القانون مافتكر فيه وقال موب شغلك وموب انت الي تعلمنا شغلنا ،، المهم الآخ وصاني اشوف وين الآمريكي رحت سألت في الطواري قالوا جات سيارة من السفارة الأمريكية وشالته وطبعا على اول طياره عشان مايتحاكم،، واخونا في الله صار له الحين ثلاث سنين من مستشفى لمستشفى وست شهور في المانيا يتعالج....

بالله عليك لو انت داعم امريكي وانت صاحي موب سكران في الدوحة او حتى في امريكا شكان بيصير فيك ؟؟؟

من القصة هذي انا عرفت من الأسياد ومن هم الــ (..........)

hamoor4ever

23-09-2010, 10:05 PM

خلنا من التوقعات الي يمكن تصير ويمكن ماتصير

خلنا في الوقت الراهن وفي الواقع الي نعيشه

طلع لي امريكي في قطر من صغار الموظفين !!!

باقولك قصة تسليك وتعرف واقعنا المرير،،

واحد من اعز اصدقائي كان طالع من دوامة في مسيعيد وكان ماشي في أمان الله وفجأه طلع في وجهه موتر من لفة القاعدة الأمريكية ودعمه وانقلبت سيارته وهو طار من السيارة ،، الأمريكي نزل من سيارته مافيه شي وكان (سكراااان) قام يلملم ويجمع اغراضه واوراقه الي طاحت من السيارة ويشوف الرجال الي طايح على الآرض ولا قرب صوبه ولا عبره كانه شاة طايحة ،، المهم في المستشفى قال للمحقق ترى الي دعمني سكران اخذوا منه تحليل دم ،، طبعا المحقق الي المفروض يطبق القانون مافتكر فيه وقال موب شغلك وموب انت الي تعلمنا شغلنا ،، المهم الآخ وصاني اشوف وين الآمريكي رحت سألت في الطواري قالوا جات سيارة من السفارة الأمريكية وشالته وطبعا على اول طياره عشان مايتحاكم،، واخونا في الله صار له الحين ثلاث سنين من مستشفى لمستشفى وست شهور في المانيا يتعالج....

بالله عليك لو انت داعم امريكي وانت صاحي موب سكران في الدوحة او حتى في امريكا شكان بيصير فيك ؟؟؟

من القصة هذي انا عرفت من الأسياد ومن هم الــ (..........)

وزيده من الشعر بيت اللي يقول لك امريكا بتنهار ، مايدري ان اذا امريكا انهارت احنا بنكون في الباي باي لان ناسي الحبيب ان احنا تحت حمايه امريكا يذم في امريكا وناسي ان لولا امريكا الله يعلم الحين احنا رعايا اي دوله وخاصه العين على الغاز من كل صوب من دول خليجيه ومن دول فارسيه والاخ مستانس ان امريكا بتنهار

الله لايقول هاذه يصير لان العمله القطريه بتصير ورق مالها قيمه احنا عندنا حمايه امريكيه وفلوسنا مربوطه بالريال والجواز الامريكي حتى شيوخ الدول يروحون ياخذونه علشان يظمنون مستقبلهم والاخ يقول ولاء والجواز عار مدري شنو العيب ان الواحد يستفيد من مميزات الغير بس ولائه طبعا لدينه ووطنه الاصل

الحره

23-09-2010, 10:52 PM

نصيحة شخصية خلي المدام تولد بأمريكا الولد على طول يصير عنده جواز أمريكي و مستقبله بيكون بــــــــــــــــاهر في قطر و بتتذكر كلامي ;)
موفقين

لاريسا مادري انتي من مواليد امريكا ولا البنغال المهم انتي ماتستحقين الجواز القطري احسه وايدد واااايد عليج

كفايه ماعندج ولاء لهلبلد الي ضفج لو انا مسؤله كان اسحب جوازج واودرج بلدج الاصلي.
=========

نرجع للموضوع

الله يقوم زوجتك بالسلامه ويقر عينكم بشوفة هالمولود انصحك تجيب امها واختها الدوحه وتربي هنيه بالسلامه ومافي احسن من مستشفى حمد لان حتى الاهلي واي مستشفى ثاني لاقدر الله صار شي في الام او المولود يرجعون لحمد ويخلون مسؤليتهم
وماشاءالله مستشفى حمد شوف كم حالة ولادة تجيهم في اليوم الواحد عندهم خبره والله يحفظ لك مرتك والجنين.

مستر بن

23-09-2010, 11:07 PM

لا تعلييييق الشبااب ما قصروو

عشق الشمال

23-09-2010, 11:14 PM

من القصة هذي انا عرفت من الأسياد ومن هم الــ (..........)

يا إينشتاين ايها العجوز الخرف اذا انت تعتبرهم الأسياد وانت العبد فهذا شأن داخلي فيك لا علاقة لنا به الشعب فيه الكثير من الرجال

بالعربي لا نتتدخل بين النعامة وبين سيدها

اما بخصوص صديقك فأنا اقول له ابحث عن رجال وليس اصدقاء طبعا اكيد انت لم تكن صديق بل كنت زميل عمل كما اوضحت لنا ! !

اما بخصوص هذه القصة المليئة بالمطاردات والاكشن فانها تصلح لتصوير مسلسل من انتاج قناة الحقيقة ومخرجها الدكتور محمد الهاشمي لانه افضل مخرج يخرج لنا الحقيقة ! !

ويتم تسمية هذا المسلسل ب ( النعامة والسيد ) واكيد انت سوف تحصل على دور البطولة

ودورك في المسلسل اكيد تعرفه

عشق الشمال

23-09-2010, 11:19 PM

وزيده من الشعر بيت اللي يقول لك امريكا لولا امريكا الله يعلم الحين احنا رعايا اي دوله وخاصه

http://img105.herosh.com/2010/06/02/396467983.jpg

كلب امريكي اصيل ابا عن جد

http://www.theexpeditioner.com/wordpress/wp-content/uploads/2010/02/passport.jpg

عربي متأمرك و متشرد حصل على الجنسية حديثا يفحص الجواز من بعيد ليرى علامة الصقر فرحان انه بيكون في حزب الصقور بالبيت الابيض مسكين لديه ضعف نظر في المدى البعيد ! !

سوألي هو : ماهو الفرق بينكم وبين هذا الكلب اعتقد كلكم لديكم نفس الجواز

ثانيا ماهي الحقوق والواجبات المشتركه بينكم وبين هذه الكلاب وهل هناك مميزات تحصلون عليها تكونون افضل حالأ من تلك الكلاب كالباس مثلأ او المأكل او السكن المريح

انا اراهن على تلك الكلاب . . . انها تأخذ مميزات وحقوق افضل بكثير منكم

وانتم سوف تكونون في مسمى يطلق عليها ( ارذل جالية امريكية تعيش في امريكا )

qatar25

23-09-2010, 11:20 PM

السلام عليكم ورحمة الله وبركاته
اخواني الكرام

زوجتي بحرينية وهاي اول ولادة لنا الحمد لله رب العالمين الله يرزقنا ويرزقكم

حبيت اسأل هل في مانع لو ولدت في البحرين؟

وهل مواليد البحرين عندهم مشاكل ممكن تواجهم في المستقبل مثلا الوظائف او البعثات؟

بعد ياريت حد يفيدني اذا كان الافضل الولادة في قطر وين الافضل حمد ولا الاهلي ولا شرايكم؟

اتمنى تفيدونا بارك الله فيكم
والله يسهلكم اموركم ويفتحها عليكم

اخو الجميع
الجفيري

هلا الجفيري,,

بالمبارك مقدما,,,,

انا نفس حالتك,,,,

بس النصيحة بالولاده في قطر عن عوار الراس ,, لان فيها ورقة خروج وعوار راس حق الجواز

اريح لك واسهل لك تولد في قطر

لو احتجت شي كلمني على الخاص

همس

23-09-2010, 11:28 PM

لاريسا مادري انتي من مواليد امريكا ولا البنغال المهم انتي ماتستحقين الجواز القطري احسه وايدد واااايد عليج

كفايه ماعندج ولاء لهلبلد الي ضفج لو انا مسؤله كان اسحب جوازج واودرج بلدج الاصلي.
=========

نرجع للموضوع

الله يقوم زوجتك بالسلامه ويقر عينكم بشوفة هالمولود انصحك تجيب امها واختها الدوحه وتربي هنيه بالسلامه ومافي احسن من مستشفى حمد لان حتى الاهلي واي مستشفى ثاني لاقدر الله صار شي في الام او المولود يرجعون لحمد ويخلون مسؤليتهم
وماشاءالله مستشفى حمد شوف كم حالة ولادة تجيهم في اليوم الواحد عندهم خبره والله يحفظ لك مرتك والجنين.

صح لسانج يالحره ،،

hamoor4ever

23-09-2010, 11:40 PM

http://img105.herosh.com/2010/06/02/396467983.jpg

كلب امريكي اصيل ابا عن جد

http://www.theexpeditioner.com/wordpress/wp-content/uploads/2010/02/passport.jpg

عربي متأمرك و متشرد حصل على الجنسية حديثا يفحص الجواز من بعيد ليرى علامة الصقر فرحان انه بيكون في حزب الصقور بالبيت الابيض مسكين لديه ضعف نظر في المدى البعيد ! !

سوألي هو : ماهو الفرق بينكم وبين هذا الكلب اعتقد كلكم لديكم نفس الجواز

ثانيا ماهي الحقوق والواجبات المتوفره بينكم وبين هذه الكلاب وهل هناك مميزات تحصلون عليها تكونون افضل حالأ من تلك الكلاب كالباس مثلأ او المأكل او السكن المريح

انا اراهن على تلك الكلاب . . . انها تأخذ مميزات وحقوق افضل بكثير منكم

وانتم سوف تكونون في مسمى يطلق عليها ( ارذل جالية امريكية تعيش في امريكا )

خرجت من ادب الحوار وبديت تهلوس بأسماء الحيوانات كالكلاب وغيره واعتقد ان عندك مشكله في مخاطبه بني البشر وذلك يمكن يرجع الى طريقه عيشتك وبيئتك قد لاتكون مع البشر اصلا

اما بخصوص الجاليه الامريكيه فهم بأعتراف قانون الدوله يعتبرون ساده عليك رغبت ام ابيت مثلما رئيسها يسود على حكام الدول اما انت فبأعتقادي قد يكون عندك مشكله في النظر امريكا دوله ديمقراطيه وليست شيوعيه لكي يتم مقارنتها في روسيا وعلى فكره هناك العديد من المسلمين وابناء الشيوخ في عده دول يحملون الجنسيه الامريكيه فهل يقلل ذلك من انتمائهم لدولتهم ؟؟

إينشتاين

23-09-2010, 11:54 PM

يا إينشتاين ايها العجوز الخرف اذا انت تعتبرهم الأسياد وانت العبد فهذا شأن داخلي فيك لا علاقة لنا به الشعب فيه الكثير من الرجال

بالعربي لا نتتدخل بين النعامة وبين سيدها

اما بخصوص صديقك فأنا اقول له ابحث عن رجال وليس اصدقاء طبعا اكيد انت لم تكن صديق بل كنت زميل عمل كما اوضحت لنا ! !

اما بخصوص هذه القصة المليئة بالمطاردات والاكشن فانها تصلح لتصوير مسلسل من انتاج قناة الحقيقة ومخرجها الدكتور محمد الهاشمي لانه افضل مخرج يخرج لنا الحقيقة ! !

ويتم تسمية هذا المسلسل ب ( النعامة والسيد ) واكيد انت سوف تحصل على دور البطولة

ودورك في المسلسل اكيد تعرفه

بذمتك كم عمرك ؟؟؟

ولو تلاحظ ان ردي ماكان عليك لأني ماكلم السفهاء والجهال

وبتقولي شلون عرفت انك سفيه ،، ترى مايبي لها حنكه أو فطنه ،، عرفت انك سفيه من ردك على لاريسا وعن طريق البحث في مشاركاتك بالمواضيع الاخرى.

والشمس ماتقدر تغطيها باصبعك امريكا سيدة العالم وشعبه سيد شعوب العالم.

وطبعا انت لصغر سنك ماتابع اخبار ولاتشوف برامج وثائقية ،، معالي وزير الخارجية بلسانه قال وفي برنامج على قناة الجزيرة انه بعد احداث سبتمبر حكام الخليج صاروا بالنسبة لامريكا مثل الفداوية عند الشيخ كل واحد يتقرب ويتلزق منه ويحش في الثاني عشان يقرب منه ،، هذا وضع الحكاااااام فما بالك بالشعوب !!!!!

الوضع هذا موب احنا الي خلقناه للأسف حكامنا العرب هم الي خلقوه وخلو الامريكي فوق راس العربي.

وترى تعبنا من اليهالوه في المنتدى الي ناطين لنا في كل موضوع

بـــــــنت النوخـّــــذه

23-09-2010, 11:54 PM

اهم شي في الدوحه انك اتحصل لها غرفه خاصه بعد الولاده 00000000 لان فيه ازمه غرف في مستشفى الولاده

والله يجعله بار فيكم وصالح 000000000ومبروك مقدما"

ســـهم

24-09-2010, 12:00 AM

الجفيري

لاعتقد ان الميلاد يفرق

ولكن ربما تكون مراجعات كثيره ومنها السفاره القطريه والخارجيه البحرينيه يعني عمل روتيني ممل

والله يعينك ..

mohd89

24-09-2010, 12:01 AM

مب غلط كلام الاخوان الجواز الامريكي والبريطاني احسن من القطري هالايام.
وهذا حصل فعلا قطريه ولدت في بريطانيا ومولودها اخذ الجنسيه البريطانيه من فتره قريبه

اخوي أفضل يكون مكتوب في شهادة الميلاد مواليد قطر

بالمبارك ان شاء الله والله يقومهم بالسلامه

المغروره

24-09-2010, 12:03 AM

الله يقومهااااااا بالسلامه الدوحه احسن لك منها الطفل يااخذ الجواز ووومنهاااترتاااااح من السفر
الل يقومها بالسلامه تحيااتي لك

عشق الشمال

24-09-2010, 12:17 AM

خرجت من ادب الحوار وبديت تهلوس بأسماء الحيوانات كالكلاب وغيره واعتقد ان عندك مشكله في مخاطبه بني البشر وذلك يمكن يرجع الى طريقه عيشتك وبيئتك قد لاتكون مع البشر اصلا

اولا لماذا وضعت نفسك مع هذه الكلاب ! ! انا لم اذكر اسمك ولا قلت لك يافلان بأسمك المستعار الا اذا تعتبر نفسك جرو صغير لم تكبر حتى الأن فهذا شأنك الخاص لا اتدخل في خصوصياتك الحيوانية

انا رددت على الاخ اللي فوقك بأسمه انتيشين

والشي الثاني انا اخذت من بعض كلامك وقلت للذين يريدون جواز هذه الدولة الارهابية اذهبو بلا رجعة غير مؤسف عليكم ولم اقل اذهب او أتي بأسمك

اما بالنسبة لصعوبة مخاطبتي مع بني البشر فلا تلومني من كثر ماشوف برنامج عالم الحيوان

http://boumaalif.canalblog.com/iraq61.jpg

http://arabic.irib.ir/Gifs/Gallery/special/abughoraib/20.jpg

http://www.alriyadh.com/2009/07/01/img/017928.jpg

http://www.bbc.co.uk/arabic/specials/images/1816_new_bughrib/318394__41336384_afp_dog_bag416.jpg

http://www.majdah.com/vb/images/usersimages/10859_1140263184jpg

http://www.arabs48.com/article-images/b0781155924.jpg

http://www.assawsana.com/portal/uploaded/UploadNews/281614247201089570.jpg

عرفت الحين ليش اجد صعوبة في المخاطبة مع هولا البشر . . بس ماشالله عليك لديك لغة مثل لغتهم ولا ماكان عرفت ترد

اما عن ادب الحوار اسمحلي لا اجيده مع الحيوانات

hamoor4ever

24-09-2010, 12:44 AM

اولا لماذا وضعت نفسك مع هذه الكلاب ! ! انا لم اذكر اسمك ولا قلت لك يافلان بأسمك المستعار الا اذا تعتبر نفسك جرو صغير لم تكبر حتى الأن فهذا شأنك الخاص لا اتدخل في خصوصياتك الحيوانية

انا رددت على الاخ اللي فوقك بأسمه انتيشين

والشي الثاني انا اخذت من بعض كلامك وقلت للذين يريدون جواز هذه الدولة الارهابية اذهبو بلا رجعة غير مؤسف عليكم ولم اقل اذهب او أتي بأسمك

اما بالنسبة لصعوبة مخاطبتي مع بني البشر فلا تلومني من كثر ماشوف برنامج عالم الحيوان

http://boumaalif.canalblog.com/iraq61.jpg

http://arabic.irib.ir/gifs/gallery/special/abughoraib/20.jpg

http://www.alriyadh.com/2009/07/01/img/017928.jpg

http://www.bbc.co.uk/arabic/specials/images/1816_new_bughrib/318394__41336384_afp_dog_bag416.jpg

http://www.majdah.com/vb/images/usersimages/10859_1140263184jpg

http://www.arabs48.com/article-images/b0781155924.jpg

http://www.assawsana.com/portal/uploaded/uploadnews/281614247201089570.jpg

عرفت الحين ليش اجد صعوبة في المخاطبة مع هولا البشر . . بس ماشالله عليك لديك لغة مثل لغتهم ولا ماكان عرفت ترد

اما عن ادب الحوار اسمحلي لا اجيده مع الحيوانات

النقاش بصوب واصور بصوب ثاني اخي الكريم روح نام لانك تأخرت وحان وقت النوم بالنسبه لك ومالومك لوضع هاذي الصور لان اللي غاسلين مخك يراوونك اياها كل يوم

اما القول ان امريكا دوله ارهابيه فهناك الكثير من المنظمات والدول العربيه المسلمه تمارس الارهاب بشكل مخفي او ظاهر ولا هي بمقياس وانت الله يهداك شطحت لموضوع ثاني احنا نتكلم عن جواز ومميزات وانت تتكلم بموضوع ثاني عن الارهاب وغيره

اعتقادي ياما انك مارقدت عدل او انك مثل مارد عليك الاخ اينشتاين باين عمرك لايتجاوز ال 20 سنه وعندك مشكله وخلط في المفاهيم وياليت تحترم الناس وتتعلم اذا محد علمك ان من العيب وصف الناس بألقاب لاتجوز لافي الشرع ولا في الاخلاق علشان اختلاف بوجهات النظر اي نعم احنا انحب ديمقراطيه امريكا انحب اهتمام امريكا بشعوبها لكن لايعني ان احنا نحب احتلالها للدول او انحب عمليات القتل العشوائي للمسلمين

عشق الشمال

24-09-2010, 12:54 AM

النقاش بصوب واصور بصوب ثاني اخي الكريم روح نام لانك تأخرت وحان وقت النوم بالنسبه لك ومالومك لوضع هاذي الصور لان اللي غاسلين مخك يراوونك اياها كل يوم

اما القول ان امريكا دوله ارهابيه فهناك الكثير من المنظمات والدول العربيه المسلمه تمارس الارهاب بشكل مخفي او ظاهر ولا هي بمقياس وانت الله يهداك شطحت لموضوع ثاني احنا نتكلم عن جواز ومميزات وانت تتكلم بموضوع ثاني عن الارهاب وغيره

اعتقادي ياما انك مارقدت عدل او انك مثل مارد عليك الاخ اينشتاين باين عمرك لايتجاوز ال 20 سنه وعندك مشكله وخلط في المفاهيم وياليت تحترم الناس وتتعلم اذا محد علمك ان من العيب وصف الناس بألقاب لاتجوز لافي الشرع ولا في الاخلاق علشان اختلاف بوجهات النظر اي نعم احنا انحب ديمقراطيه امريكا انحب اهتمام امريكا بشعوبها لكن لايعني ان احنا نحب احتلالها للدول او انحب عمليات القتل العشوائي للمسلمين

لا اخفيكم سرأ بأنني قد استمتعت بهذه المناظرة الجميلة والشيقة من قبل منظمة الحلم العربي وبين . . . . . . . . . ماذا اكتب امريكا لم تدع لنا شي ماقلناه فيها يالله ساقول ( الاصدقاء )

وبالنسبة لعمري هو 35 سنة

"سبحانك اللهم و بحمدك ، أشهد أن لا إله إلا أنت ، أستغفرك و أتوب إليك "

بنت^البحرين1

24-09-2010, 12:59 AM

فديتهاااااااااااااااااا بنت بلادي .. الله يقومها بالسلامة ان شاءالله ويرزقكم بطفل سليم معافى باذن الله

مادري .. لكن أشوف أحسن ان الأعيال ينولدون في بلدهم وان شاءالله اهلك مب مقصرين وياها يعاونونها ويساعدونها فترة النفاس، وما اعتقد انهم بيرفضون هالشي وان شاءالله علاقتها طيبه معاهم وهي فترة وتقوم بالسلامة ان شاءالله

بالمبارك مقدما

قلم محايد

24-09-2010, 01:55 AM

اخوي خل المرة تنولد في قطر افضل لها لان الولد بيكون انشالله على نفس جوازك قطري و انت تدري بعض الامتيازات في قطر للمواطنين مثل اراضي و غيرها ممكن تفرق بين اللي مواليد قطر او مواليد خارج قطر و اتفهم حاجة الحرمة لاهلها فترة الولادة خصوصا الولادة الاولى لكن خل اهلها ايون مثلا والدتها اخر شهر قبل الولادة تكون معاها لين الولادة .. او قبل موعد الولادة بفترة بسيطة اتيي و ترى بالطيارة كلها عشرين دقيقة بين قطر و البحرين !! و لا تنسى سالفة الجواز بتكون اسهل و انت في قطر لكن لو ولدت في البحرين بتحتاج تراجع يمكن السفارة و هذا و غير ان الولد صغير بيكون توه مولود و ماينصح بسفره ..

إعلامي قطر

24-09-2010, 02:50 AM

..

الموضوع بصوب وردود بعض العرب بصوب الصراحه !! :omg:

ثانياً وسعوا صدوركم ياشباب شفيكم هالشكل ؟!

وللعلم أذكر مطوّع مره سمعته يقول لايجوز أخذ جواز دوله كافره
ياليت بعض الأخوان المطاوعه مثل أخونا ليله ينورونا.. :victory:

وبالنسبه لمكان الولاده أقول لك بقطر ولاغير قطر..
ماتضمن بكره شيصير "جك جبك" إلا الولد مايحق له ينتفع بأرض مثلاً !! :secret:

الجفيري أحسك تحسفت إنك نزلت هالموضوع !! :rolleyes2:

بالتوفيق والله يتمم على خير إن شاء الله..

..

بنت ابوها 19

24-09-2010, 02:55 AM

خل المره تربي بين اهلها

ولا مكان الميلاد مراح يفرق معاه بشي

سواء ولد هنا ولا بالمريخ

المهم انك تريح قلب اهلها وتريحها وتخلي على الاقل نفاسها كم يوم عند اهلها

صدقني البنت اذا هاي بجرها تتعب بشكل مو طبيعي ولازم حد يقوم فيها صح
ومافي اولى من اهلها

al-sadd

24-09-2010, 03:26 AM

نصيحة شخصية خلي المدام تولد بأمريكا الولد على طول يصير عنده جواز أمريكي و مستقبله بيكون بــــــــــــــــاهر في قطر و بتتذكر كلامي ;)
موفقين

والله احسن حل اخوي
خله ينولد في امريكا لو قدرت !!
صدقني ان المستقبل بينفرش له من ذهب !!!
انا اعرف واحد من الربع !
مولود في امريكا
عنده جوازين !
والله العظيم انه عااايش حياته ومرتاااااااااح
يوم بيسافر بلا فيزا بلا عوار راس !
واي جامعه يبيها مايحتاي توفل او ايلس
امتحان الجامعه وخلاص على طول يدخلها !
:victory:

اسئلني انا شوفني الحين ادرس في امريكا لغه علاشان اجيب هالتوفل !
:eek5:
والي اقولك عنه عنده جواز امريكي الحين سابقني بسنه فالجامعه !
ماشاءالله عليه !

ونخلي كل هاي على صوب انجي للدوحه

شغله علي ايدي انا اضمنه لك :tease:

بتوفيق اخوي ويتربى فعزك ان شاءالله
ويالله بالذريه الصالحه =)

العضو الماسي

24-09-2010, 04:01 AM

حطها في مركب فالنص بين الدوحه والبحرين يكون اذا قررت مااتعطل

مشتاقة لقطر

24-09-2010, 05:53 AM

بالنسبة للولادة عادي خلها عند اهلها

وعقب غير مكان الولادة بشهادة الميلاد

انا اولد بقطر ولما اجي الامارات يغير زوجي شهادة الميلادمواليد الامارات يقول تحسبا للمستقبل

toomi9

24-09-2010, 06:06 AM

خلنا من التوقعات الي يمكن تصير ويمكن ماتصير

خلنا في الوقت الراهن وفي الواقع الي نعيشه

طلع لي امريكي في قطر من صغار الموظفين !!!

باقولك قصة تسليك وتعرف واقعنا المرير،،

واحد من اعز اصدقائي كان طالع من دوامة في مسيعيد وكان ماشي في أمان الله وفجأه طلع في وجهه موتر من لفة القاعدة الأمريكية ودعمه وانقلبت سيارته وهو طار من السيارة ،، الأمريكي نزل من سيارته مافيه شي وكان (سكراااان) قام يلملم ويجمع اغراضه واوراقه الي طاحت من السيارة ويشوف الرجال الي طايح على الآرض ولا قرب صوبه ولا عبره كانه شاة طايحة ،، المهم في المستشفى قال للمحقق ترى الي دعمني سكران اخذوا منه تحليل دم ،، طبعا المحقق الي المفروض يطبق القانون مافتكر فيه وقال موب شغلك وموب انت الي تعلمنا شغلنا ،، المهم الآخ وصاني اشوف وين الآمريكي رحت سألت في الطواري قالوا جات سيارة من السفارة الأمريكية وشالته وطبعا على اول طياره عشان مايتحاكم،، واخونا في الله صار له الحين ثلاث سنين من مستشفى لمستشفى وست شهور في المانيا يتعالج....

بالله عليك لو انت داعم امريكي وانت صاحي موب سكران في الدوحة او حتى في امريكا شكان بيصير فيك ؟؟؟

من القصة هذي انا عرفت من الأسياد ومن هم الــ (..........)
كلامك صح .. والله خل يكون عنده جواز امريكي ويعيش فقطر معزز ومكرم احسن من غيره وعاداته وتقاليده مثلنا وكلامه مثلنا يمكن مايطلع بلبل انقلش بعد هع

@فارس@

24-09-2010, 07:02 AM

تقوم بالسلامة ويتربى في عزكم ان شاء الله

ونصيحة خلها تولد في قطر وبس

سهيمان

24-09-2010, 08:33 AM

انا زوجتي امارتية ومرة خليتها تولد هناك واخر مرة في قطر

لاحظت ان ولادتها احسن في قطر

تحت عينك وتكون عندها اذا احتاجت لك

وحط في بالك اذا كانت الولادة بالسلامة في البحرين

اول شي تستخرج شهادة ميلاد وعقبها تصدقها من وزارة الخارجية هناك

وعقبها تستخرج شهادة مرور للطفل الى قطر

ولما ترجعون قطر هات ياتصديقات

وكلها برسوم والاهم من ذلك مراكض وعوار راس

والله يرزقك الذرية الصالحة

شموخ العز

24-09-2010, 08:35 AM

قطر البحرين نفس الشي في اي دوله في العالم مافيه مشكله بس احسن لها تكون عند امها واهلها هناك تعرف الحريم لهم خصوصيه خاصه لمن تولد

خليجنا واحد

مبروووك لك مقدم

sendarala

24-09-2010, 10:51 AM

نصيحة شخصية خلي المدام تولد بأمريكا الولد على طول يصير عنده جواز أمريكي و مستقبله بيكون بــــــــــــــــاهر في قطر و بتتذكر كلامي ;)
موفقين

ههههههههههههههههههههههههههه

الله يغربل بليسك وشدعوة ،،،،

انا اقول في البحرين ولا قطر عادي

بس اذا في قطر خلها في مستشفى حمد اظمن لك

اذا في مستشفى خاص ولقدر الله صار شي للام أو الطفل ما راح يقدرون يسوون شي لهم وبيقولون لك ودهم مستشفى حمد عاد الله يعينك بتطلع عينك مع الاجراءات

ان شاء الله تولد وتقوم بالسلامة ويكون من الذرية الصالحة

khalidwabas

24-09-2010, 11:13 AM

لا اخفيكم سرأ بأنني قد استمتعت بهذه المناظرة الجميلة والشيقة من قبل منظمة الحلم العربي وبين . . . . . . . . . ماذا اكتب امريكا لم تدع لنا شي ماقلناه فيها يالله ساقول ( الاصدقاء )

وبالنسبة لعمري هو 35 سنة

"سبحانك اللهم و بحمدك ، أشهد أن لا إله إلا أنت ، أستغفرك و أتوب إليك "

بيض الله وجهك اخوي عشق الشمال...
ورايتك بيضه...
قلت الكلام اللي بخاطري بخصوص الجنسيات الامريكيه او غيرها...
نحن قوم أعزنا الله بالإسلام فإن ابتغينا العزة بغيره أذلنا الله...
لا امريكا ولا غيرها اللي تحمينا...
الله سبحانه وتعالى هو الحافظ...
وبخصوص الجنسية الامريكيه...
انا في امريكا من 3 سنوات للدراسه...
واول ولد جاني قبل اسبوع ولله الحمد...
وانولد الولد بقطر ولله الحمد...
لا فكرت بجنسيه ولا بغيره...
الولد قطري وافضل ينولد ببلاده...
ماينولد ببلد اجنبي غربي ولا همتني جنسيتهم...
*****
شطحت برا الموضوع يا جماعه واسمحوا لي...
يااخ محمد الجفيري ماتفرق الولاده بقطر او بره قطر طالما الاب قطري حسب القانون...
لكن مثل ماقالوا الاخوان اجراءات شهادة الميلاد والاوراق يبيلها مراكض اكثر بالبحرين...

وآسف عالاطاله...

FAUCHON

24-09-2010, 11:19 AM

اخوي زوجتك بحرينيه بس انت قطري ..

والمفروض الطفل يتبع ابوه ..

الأفضل في بلاده أكيد ومحل الولاده ماله خص عموما

الجواز هو اللي بيفيد في البعثات وغيره

كاشف الغطاء

24-09-2010, 02:32 PM

مثل ماقالو لا البحرين ولا قطر وده امريكا وصدقني بتضمن مستقبلة في قطر وغيرها

الكونجرس

24-09-2010, 04:52 PM

Congratulation

abn qatar

24-09-2010, 05:56 PM

مافي اي مشكله اخوي لان الولد بيحمل جنسيه ابوه حتى لو انولد في الهند طالما انت

قطري ولدك بيكون قطري بياخذ جميع حقوقه من الدوله حتى لو انولد برع دولته

الحمد الله السلامه ويسهل على زوجتك وولدك ويتربى في عزك

موضي قطر

24-09-2010, 06:17 PM

[size="5"][b]اخوي الجفيري الله يقوم زوجتك بالسلامة بالنسبة لي قطر افضل وخلي ام زوجتك تحضر ولادتها في قطر

قطرية مثقفة

24-09-2010, 07:09 PM

إذا ولد يفضل في الدوحة أحسن للمستقبل ،،،،، خصوصاً إذا الله وفقك وصار له منصب كبير مثلاً وزير ،،،،،،،،،بس قول إنشاء الله ،،،،،،،،،،،،،،:)

القيادة

24-09-2010, 09:39 PM

أخوي أنت مكبر الموضوع وقاعد توسوس شنو المشكلة اذا في البحرين أو قطر أو
في أي مكان من الكرة الارضية:nice:
مادام أنت قطري الولد بيطلع قطري

المستريح

25-09-2010, 08:24 AM

انصحك ان يولد الولد فى قطر بلاده احسن له حتى مايتعرض لاى مشكله مستقبلا ومستشفى حمد احسن من المستشفيات الخاصه الله يصلحه ويفرحك به

FAUCHON

25-09-2010, 10:56 AM

أخوي أنت مكبر الموضوع وقاعد توسوس شنو المشكلة اذا في البحرين أو قطر أو
في أي مكان من الكرة الارضية:nice:
مادام أنت قطري الولد بيطلع قطري

:nice:

والله كلامك عين العقل

طلعة الروح

25-09-2010, 01:32 PM

اكيد قطر

طارق

25-09-2010, 01:58 PM

في قطر أفضل
عشان ينكتبله بالبطاقه مكان الولاده قطر
وهذي مثل ما أسلف الأعضاء لها أبعاد خاصه اذا الولد اشتغل في منصب او مكان حساس في قطر, وعلى فكره نسبه النجاحات في الولاده في قطر ممتازه ,وكان عندي زميل زوجته كنديه قالت , ان الأهتمام في قطر أفضل من كندا خاصه في الأجهزه الطبيه والتخدير

455

25-09-2010, 06:28 PM

تولد في الدوحه وبعد الولاده باسبوع او اكثر روح البحرين احسن شي اهني اوراق الاجراءات واصدار الجواز اسهل وابرك ،ومحل الميلاد ماياثر دامك قطري، والله يسهل عليكم

حسن

25-09-2010, 06:36 PM

في الصين احسن

لابس بشت

25-09-2010, 06:47 PM

بالمبارك مقدما
والافضل تربي هنا فالدوحه
بكره ان شاء الله يكبرون عيالك ويقدمون على ارض
يقولون لا هاذول من مواليد البحرين
خلك فالدوحه احتياطا لقوانين مالها داعي

مهره

25-09-2010, 09:45 PM

اذا كانت بكر يعنى يفضل عند الاهل ولا تفرق فى قطر ولا برع يعنى مثلا لو الزوج والزوجة قطريين ومسافرين مكان وصار حالة وضع هذا ذنبها يعنى توكل على الله ياخوي الولد يتبع ابوة والله يخفف عليها ومبروك مقدما

toghma

26-09-2010, 09:06 AM

ألف مبروك مقدما يا بوجاسم ، والله يتمم على ام جاسم بالخير والسلامة .
ومثل ما تفضلوا الشباب مافي فرق بمحل الميلاد لان الوظايف والمعاملات الحكومية الثانية ما تتدخل بمحل الميلاد ( دام الاب قطري ) .
اذا انها بالبحرين ، خل الولادة هناك ـ واذا انها بالدوحة ، خل الولادة عندنا ويفضل مستشفى حمد العام لان عندهم خبرة اطول من غيرهم بمعدل حالات الولادة .
انا مجرب :)

يراعٌ فراتي

26-09-2010, 09:19 AM

اذا في مجال انها تولد في الدوحة انا اقول احسن

ما تعرف ممكن في المستقبل تاثر عليه لانه مب مواليد الدوحة
واقصد تاثر عليه انه ربما يكون في يوم من الايام ميزات قد يحرم منها
او ربما يقول انا قطري ليش انولدت في البحرين

وانت تعرف هالسوالف

وانت صاحب القرار الاول والاخير

ومبروك سلفا

ويتربى في عزكم وتشوفه ان شاء الله من الرجال الصالحين البارين