قاااااعات الافرااااح والاسعااار؟؟؟؟؟؟؟؟؟؟

[ام شوشي]

السلام عليكم ورحمة الله وبركاتة

موضوعي اليوم عن قاعات الافراح والاسعار اللي ممكن انا اسميها جنوووونية او خيالية

الحين في زمنا الشاب مسكين مايقدر يتزوج والسبب اسعار قاعات الافراح بعضها وصل سعرها

150و200 الف ريال والله حرام هذا من غيرغلاء مهر العروس والشبكة وغيرها من مستلزمات

الزواج يعني الحين الشاب مايقدر يتزوج الا اذاكان عندة دخل ثاني غير راتبة او ان يكون وارث

من اهلة .......

سؤالي من المسؤل عن ارتفاع اسعار قاعات الافراح الغير مبرر؟؟؟؟؟؟؟

في انتظار ردودكم.....

[عشق الشمال]

http://dc08.arabsh.com/i/02054/fvcyz5911dmk.jpg

احلى مافي هذا الموضوع هالبنت الكتكوته فديتها والله يحفظها من كل عين

[بـــــــنت النوخـّــــذه]

قوه

امممممممممم بقتبس لج رد واقتراح من اقتراحاتي في موضوعي قصه الشاب القطري الذي اراد ان يصبح مليونيرا" :nice:

طبعا" كان هناك اقتراح بالنسبه لقاعات الافراح وهو :

قاعات الافراح : اقترح ان كل بنك يسوي له بطاقه خصم يعني يتعاملون مع الفنادق الي بها قاعات افراح واتعرفون ان هذي الفنادق تحتاج للبنوك من ناحيه السيوله وبعد رواتب الموظفين وغيرها من الامور 00 فاعتقد البنك بيكون تخطيطه ممتاز اذا خصص بطاقات خاصه للعملاء المميزين او عملاء البنك وهذي البطاقه فيها خصومات لحجز الفنادق 00وعلى الفندق ان يأخذ الخصم بمصداقيه 00والمحصله من ذلك ان الفندق بيحصل تسهيلات من البنك ودعم وقت الحاجه 00والبنك بيزيد عدد عملائه وفوائده وبالتالي بتزيد ارباحه 00والعميل بتتسهل اموره على الاقل بخصم معقول 00000000 <<الكل بسيوي عرسه بفندق مرموق وراقي ويرضي الجميع 000

[omega]

اتصور في قاعات ارخص من 200 الف

في قاعات فخمة وواسعة بعشر وعشرين وخمسين ...

كل واحد يعيش على قده .. بلاش طمع وتفاخر ومنظره

[حيهور]

سوي العرس في البيت

انا مسوي جي

ولاعلي من اكبر شنب

[khaleeji]

سوي العرس في البيت

انا مسوي جي

ولاعلي من اكبر شنب


انت ماعليك من اكبر شنب ...... وانت كفو ان شاء الله

لكن بعض الشباب تفرض عليهم قاعات معينه ويتدين علشانها

لعدة اسباب منها ان المعرس وده يتجمل في انسابه ولا يتصادم معاهم من البداية

ليش البنات الله يهديهم ما يتخلون عن هذي العاده الدخيلة ويتعوذون من الشيطان

ويعرسون في بيوتهم

انا عن نفسي وباذن الله وفي كم عضو يعرفوني وان رديت في كلامي ماني برجال

بناتي بيتزوجون في بيتهم ان الله كتبلي عمر

[Mshari]

قاعه ب 200 الف

اتزوج وحده ثانيه ههههههههههههههههههههههه


والله غالي فالخبر في قاعات غاليه بس هالاسعار مبالغ فيها

ممكن 50 الف اخذ افضل قاعه


انصح اخواني القطرين ان يتجهون للمشروع هذا في قطر
بناء قاعات افراح دام هالاسعار الغاليه موجوده

اجل تجيب راس مالك بأقل من سنه


مشروع ناجح مليون بالميه

[ام شوشي]

انت ماعليك من اكبر شنب ...... وانت كفو ان شاء الله

لكن بعض الشباب تفرض عليهم قاعات معينه ويتدين علشانها

لعدة اسباب منها ان المعرس وده يتجمل في انسابه ولا يتصادم معاهم من البداية

ليش البنات الله يهديهم ما يتخلون عن هذي العاده الدخيلة ويتعوذون من الشيطان

ويعرسون في بيوتهم

انا عن نفسي وباذن الله وفي كم عضو يعرفوني وان رديت في كلامي ماني برجال

بناتي بيتزوجون في بيتهم ان الله كتبلي عمر
ان شاء الله الاباء يتخذون نفس خطوتك ليش لا
ومشكور اخوي وبارك الله فيك

[diab911]

السلام عليكم ورحمة الله وبركاتة

موضوعي اليوم عن قاعات الافراح والاسعار اللي ممكن انا اسميها جنوووونية او خيالية

الحين في زمنا الشاب مسكين مايقدر يتزوج والسبب اسعار قاعات الافراح بعضها وصل سعرها

150و200 الف ريال والله حرام هذا من غيرغلاء مهر العروس والشبكة وغيرها من مستلزمات

الزواج يعني الحين الشاب مايقدر يتزوج الا اذاكان عندة دخل ثاني غير راتبة او ان يكون وارث

من اهلة .......

سؤالي من المسؤل عن ارتفاع اسعار قاعات الافراح الغير مبرر؟؟؟؟؟؟؟

في انتظار ردودكم.....


للاسف احنا سبب ارتفاع اسعار قاعات الافراح والفنادق بسبب تهور بعض الشباب
والفنادق والقاعات مجبورين لانه احنا نطلب منهم طلبات تعجيزيه
وللعلم انه في قاعات افراح في قطر ابتداء من 20000 الى ........... ما له نهايه
يعني على حسب طلباتنا
وللاسف المنافسه بين الاقارب والعوائل هو اكبر سبب في الارتفاع

[pink]

يريال خلها على الله امس رحت عشان اشوف الاسعار حق عرس اختي
اقل من 90 الف مافي شدعوه !!!

[فلتة زمانها]

وش حادهم يحجزون في قاعات الفنادق الغاليه هالاسعار اللي تكلمين عنها اسعار قاعة شرق وفور سيزن والريتز وغيرها من طختهم في قاعات أرخص وفخمه بس الناس ذابحهم المفوشر وكله سلفيات وديون

[qatari 111]

في احلى من اعراااااااااااااااس زمااااااااااااااااااااااااااااان
الحريم فالبيت والرجال فالبراحه وشوييت ليتات ملونه فالبيت

الله على ايام اول والله احلى ايام لا ديون ولا مظاهر خداعه ولا مخبى فاضي

هذا عيبنا فالزمن الحالي المظاهر ال لاتودي ولا تجيب فلان سوى وفلانه سوت
وفالنهايه تحصله عندنا يبي حد يسدد دينه والبنت تبي الطلاق
الله يعييييين

[شموخ دائم]

,

,


شكرا على الموضوع

سؤالي من المسؤل عن ارتفاع اسعار قاعات الافراح الغير مبرر؟؟؟؟؟؟؟

مسئوليه الدوله والمسئولين الكبار فيها

ليه ما يتم اعطاء تراخيص وعمل صالات جديده !!!

كثير من الناس يقدمون على الرخصه ويتم رفض طلبهم

الحل سهل جدا لو حبت الدوله التدخل

وحتى ذلك الحين الله يعين الناس

,

,


اخوك



شموخ دائم

[الحريّه]

,

,


شكرا على الموضوع

سؤالي من المسؤل عن ارتفاع اسعار قاعات الافراح الغير مبرر؟؟؟؟؟؟؟

مسئوليه الدوله والمسئولين الكبار فيها

ليه ما يتم اعطاء تراخيص وعمل صالات جديده !!!

كثير من الناس يقدمون على الرخصه ويتم رفض طلبهم

الحل سهل جدا لو حبت الدوله التدخل

وحتى ذلك الحين الله يعين الناس

,

,


اخوك



شموخ دائم








من زمان واحنا نسمع ان البلديه ما تعطي رخص لبناء صالات أفراح , والسبب غير معروف ولو عُرِف فأكيد غير معقول .
سمعت من أخت بحرينيه ان الشباب والشابات في البحرين يتفقون - العريس والعروس - على إلغاء حفلة العرس ( اللي احنا نصرف عليها مئات الألوف :rolleyes2: ) , وبعد عقد القران يسافرون شهر العسل و لفلوس يستانسون بها . وعقب ما يرجعون , يسوون عشاء حق النسوان والرياييل . ومحد يبتدي حياته وهو مديون .
احنا نقدر نسوي هالشيء ؟
ومن وين ياتنا هالعادات الدخيله علينا ؟
مصاريف العرس : تأجير صاله للنساء , تأجير صاله/خيمه للرجال , مقهوين رجال ونساء , فرقه أومطرب/مطربه حق النساء وعرضه حق الرجال ....حاسه اني نسيت شيء..شنهو شنهو شنهو ؟؟ إيه , الحلويات والضيافه ..ألحين المباريات والسباق على من وين نجيبها ..الكويت , البحرين , سوريا أو لبنان ....
كل هذيه يبي له مب اقل من نص مليون , يعني 500,000 ...انزين الشباب عندهم فلوس حق كل ذيه ؟ ويمكن يكون الوالد دافع شوي و شويات لبناء ملحق حق الشاب للزواج فيه...
لازم نتقي الله في أنفسنا ..هذيه يدخل تحت بند إسراف وتبذير
تحياتي:victory:

[الخير كله]

الاحتكار
الاحتكار
ما حكم المحتكر

[سعادة الوزير]

اقولها بالفم المليان ولا اخاف في الله لومة لائم :

الحكومة هي المسؤولة :

1- لا يمكن اعطاء رخص بناء قاعات الافراح (الا للي عرقهم في الماي الحلو الرشوش عليه شوي ماي ورد و الزعفران الاصلي مع شوية ماي لقاح)
2- مسكرين اذانيهم عن النداءات المدوية لبناء صالات افراح في كل حي باشراف وادارة البلدية (مثل السعودية)
3- حماية المستهلك (ماتوطوط) صوب هالقاعات ، لاسباب يعلمها الجميع

[القمه]

قوه

امممممممممم بقتبس لج رد واقتراح من اقتراحاتي في موضوعي قصه الشاب القطري الذي اراد ان يصبح مليونيرا" :nice:

طبعا" كان هناك اقتراح بالنسبه لقاعات الافراح وهو :

قاعات الافراح : اقترح ان كل بنك يسوي له بطاقه خصم يعني يتعاملون مع الفنادق الي بها قاعات افراح واتعرفون ان هذي الفنادق تحتاج للبنوك من ناحيه السيوله وبعد رواتب الموظفين وغيرها من الامور 00 فاعتقد البنك بيكون تخطيطه ممتاز اذا خصص بطاقات خاصه للعملاء المميزين او عملاء البنك وهذي البطاقه فيها خصومات لحجز الفنادق 00وعلى الفندق ان يأخذ الخصم بمصداقيه 00والمحصله من ذلك ان الفندق بيحصل تسهيلات من البنك ودعم وقت الحاجه 00والبنك بيزيد عدد عملائه وفوائده وبالتالي بتزيد ارباحه 00والعميل بتتسهل اموره على الاقل بخصم معقول 00000000 <<الكل بسيوي عرسه بفندق مرموق وراقي ويرضي الجميع 000
:con2:سلام عليكم يابنت نوخذه
بشكل عام اقتراحج عن طريق البنوك
تقصدين صح؟طيب لكن كم في نظرج بيصير
الخصم؟10%مثلا

[حسن]

سبب الرتفاع النسوان هم السبب الرئسي الاول

[ام شوشي]

اتصور في قاعات ارخص من 200 الف

في قاعات فخمة وواسعة بعشر وعشرين وخمسين ...

كل واحد يعيش على قده .. بلاش طمع وتفاخر ومنظره

وين ها القاعات اللي اتكلمين عنها اختي الدوحة فيها شي بعشرة ياليت ذاك زمان اول تحول الحين

اقل ماكان تلقينها 25 الف اذامش اكثر وتكون في القاعة الملكية با المختصر تبين مكان وسيع

مايجيك اقل من خمسين الف هذا والقاعة خالية من غير طاولات ومن غير كوشة ووووو.....

[ام شوشي]

قوه

امممممممممم بقتبس لج رد واقتراح من اقتراحاتي في موضوعي قصه الشاب القطري الذي اراد ان يصبح مليونيرا" :nice:

طبعا" كان هناك اقتراح بالنسبه لقاعات الافراح وهو :

قاعات الافراح : اقترح ان كل بنك يسوي له بطاقه خصم يعني يتعاملون مع الفنادق الي بها قاعات افراح واتعرفون ان هذي الفنادق تحتاج للبنوك من ناحيه السيوله وبعد رواتب الموظفين وغيرها من الامور 00 فاعتقد البنك بيكون تخطيطه ممتاز اذا خصص بطاقات خاصه للعملاء المميزين او عملاء البنك وهذي البطاقه فيها خصومات لحجز الفنادق 00وعلى الفندق ان يأخذ الخصم بمصداقيه 00والمحصله من ذلك ان الفندق بيحصل تسهيلات من البنك ودعم وقت الحاجه 00والبنك بيزيد عدد عملائه وفوائده وبالتالي بتزيد ارباحه 00والعميل بتتسهل اموره على الاقل بخصم معقول 00000000 <<الكل بسيوي عرسه بفندق مرموق وراقي ويرضي الجميع 000

وينهم ها البنوك يابنت النوخذة اللة يسمع منج واذا افترضنا ان البنوك بتسوي ها الشي
صدقيني لازم تجني من ها المواطن المسكين دبل الادبال الله يعين اختي وشاكرة لج مرورج

[ام شوشي]

للاسف احنا سبب ارتفاع اسعار قاعات الافراح والفنادق بسبب تهور بعض الشباب
والفنادق والقاعات مجبورين لانه احنا نطلب منهم طلبات تعجيزيه
وللعلم انه في قاعات افراح في قطر ابتداء من 20000 الى ........... ما له نهايه
يعني على حسب طلباتنا
وللاسف المنافسه بين الاقارب والعوائل هو اكبر سبب في الارتفاع

كل واحد فينا يبي يتزوج في مكان حلو وسيع يليق بليلة العمر ولكن هذا مايمنع ان تكون الاسعار
متوسطة نوع ما بس بلادنا مافيها وسط كلة غالي وربك المستعان

[السندان]

سمعنا عن قاعة اسباير ولا شفنا حد ذكرها هل اشتغلت ولا لا

في ظل هالغلاء الواحد يعتقد احيانا ان هناك سياسة الحد من النسل

يعطيك العافيه اختي

[455]

الحلول
نرجع للماضي ليس ببعيد قبل ماكان فيه صالات وقاعات وفنادق
كانت الاعراس في البيوت ،
اما يكون العرس في بيت واحد رجال وداخل نساء
او بيت المعرس رجال وبيت العروس نساء
واذا تعذر خيمة للرجال جنب البيت والحريم في البيت
ليش الفخفخه والخساير والديون والهم ،، اتمنى نتم على عاداتنا وتقاليدنا ومانتابع عادات الاجانب

[خفوق]

بصراحه المواطنيين من سنيين يحنون ويتكلمون عن هالموضوع والحكومه طاااف
يعني والله ماشفت نفس قطر اسعار القاعات فقرر فقررر والله العظيم حرااااام اجرموا في العائلات القطريه
يعني اقل شي تدفع 60 الف حق ليله وحده غير المهر والكوشه والاكل
الحمدلله الحكومه ماعليها قاصر ليش ماتسوي في كل منطقه قاعه باسعار رمزيه مثل الكويت والامارات
ياناااس القطررريين تنتفوا بين كيوتل وبين البنوك وبين هالقاعات وبين متطلبات الحياه
كم مره نقول بس للاسف شكلهم هالهوامير اصحاب الفنادق والقاعات ماشبعوا
حسبي الله ونعم الوكيل

[al-bake2002]

غلاء قاعات الافراح

غلاء المهور

زيادة نسبة العنوسة

عزوف الشباب عن الزواج بسبب التكاليف

الحكومة اقوى طاااف

يمكن يكون الهدف القضاء على النسل القطري !!

[طارق]

الحل نرجع لعروس أول
وخلاص
ال300 شخص الي تعزمهم يمكن 20 واحد فرحانلك
والباقي يجون رفع عتب ومجامله

البنت اتسوي عرسها في بيت أبوها
والرجال يسوي عشاء في بيت ابوه لربعه وأكباريه عيلتهم
وخلاص

وخلو الصالات تخلى


الحل فينا
لما نترك عنا البهرجه والزبو ونتواضع كل شيئ بصير تمام
ناس أتعيش في ملاحق لكنه يصرف على يوم العرس 300 الف

[طارق]

الحلول
نرجع للماضي ليس ببعيد قبل ماكان فيه صالات وقاعات وفنادق
كانت الاعراس في البيوت ،
اما يكون العرس في بيت واحد رجال وداخل نساء
او بيت المعرس رجال وبيت العروس نساء
واذا تعذر خيمة للرجال جنب البيت والحريم في البيت
ليش الفخفخه والخساير والديون والهم ،، اتمنى نتم على عاداتنا وتقاليدنا ومانتابع عادات الاجانب



ياسلام عليك
نفس تفكيري

[455]

ياسلام عليك
نفس تفكيري

عشان تعرف ياخوي طارق انه في ناس مازالت تفكر صحححححح:tease:

[ام شوشي]

بصراحه المواطنيين من سنيين يحنون ويتكلمون عن هالموضوع والحكومه طاااف
يعني والله ماشفت نفس قطر اسعار القاعات فقرر فقررر والله العظيم حرااااام اجرموا في العائلات القطريه
يعني اقل شي تدفع 60 الف حق ليله وحده غير المهر والكوشه والاكل
الحمدلله الحكومه ماعليها قاصر ليش ماتسوي في كل منطقه قاعه باسعار رمزيه مثل الكويت والامارات
ياناااس القطررريين تنتفوا بين كيوتل وبين البنوك وبين هالقاعات وبين متطلبات الحياه
كم مره نقول بس للاسف شكلهم هالهوامير اصحاب الفنادق والقاعات ماشبعوا
حسبي الله ونعم الوكيل

ان شاء الله صوتك يوصل للحكومة وتتحقق اماني كثير من الشباب اللي مب قادر يتزوج

[طلعة الروح]

نفهم من ردود الاعضاء ان الحل واحد من اثنين :

- يعرس فالبيت وتقتصر الدعوه على القرايب..
- يدخر فلوس القاعه وينفقها في امور اخرى اهم كالسفر مثلا وغيره

[bu 3li]

اللي يقولون فيه قاعات بـ 20 ولا 30 الف .. اقولهم صباح الخير احنا في سنة 2010 مب فالتسعينات

انا داير الدوحه بكبرها ومالقيت شي .. قاعة الدوحه اللي مستواها عادي كلش طلعت علي بـ 80 الف لا والمعازيم بس 350

لحد يقول فيه وفيه .. عطونا اسامي ودلايل مب بس كلام وتقولون زبو والناس يبون ويبون

ماننكر انه في ناس يحبون يهايطون لكن اقل عرس ماراح يكون اقل من 150 الف

[عزووز قطر]

الــقهر ان هالمبلغ بيندفع حق 5 ساعات ولا 6 ساعات

وياليت حد فينا يطبق اللي يقوله ويعرس في البيت

[كازانوفا]

خلاص سوا افراحكم في بيوتكم ليش قاعات ووجع راس وقروض وديون ما لها اول ولا تالي
وعشان ايش عشان الناس تتكلم عنا ان سوينا في القاعه الفلانيه وخسرنا المبلغ الفلاني
ترا الدنيا والله ما تسوى

[يراعٌ فراتي]

مركز شباب برزان
عندهم الصالة الرياضية 50 في 30 متر

ونظيفة ومرتبة
ومكان حلو للناس اللي استطاعتهم محدودة
واجارها 10 الاف

تفرشها ب 5 الاف

والله يخلي المجلس والمطاعم الثانية

وتطلع السالفة كلها تحت ال40 الف

واللي يبي خصم للقاعة

حاظرين ما نقصر معاه

بس اهم شي يعزمنا على العرس

والكلام للاخوة الاعضاء القطريين والمقيمين

واللي يبي يتزوج نقوله الف مبروك
ومافي داعي للتبذير والصرف
والله حرام


وفر فلوسك وبدل ما تحط في رقبتك مديونية 200 ولا 300 الف

سوي فيهم مصلحة او مشروع

[ابو محمد7]

سوي العرس في البيت

انا مسوي جي

ولاعلي من اكبر شنب

تحية مني لك الانسان اللي يستخدم عقله يرتاح


من زمان واحنا نسمع ان البلديه ما تعطي رخص لبناء صالات أفراح , والسبب غير معروف ولو عُرِف فأكيد غير معقول .
سمعت من أخت بحرينيه ان الشباب والشابات في البحرين يتفقون - العريس والعروس - على إلغاء حفلة العرس ( اللي احنا نصرف عليها مئات الألوف :rolleyes2: ) , وبعد عقد القران يسافرون شهر العسل و لفلوس يستانسون بها . وعقب ما يرجعون , يسوون عشاء حق النسوان والرياييل . ومحد يبتدي حياته وهو مديون .
احنا نقدر نسوي هالشيء ؟
ومن وين ياتنا هالعادات الدخيله علينا ؟
مصاريف العرس : تأجير صاله للنساء , تأجير صاله/خيمه للرجال , مقهوين رجال ونساء , فرقه أومطرب/مطربه حق النساء وعرضه حق الرجال ....حاسه اني نسيت شيء..شنهو شنهو شنهو ؟؟ إيه , الحلويات والضيافه ..ألحين المباريات والسباق على من وين نجيبها ..الكويت , البحرين , سوريا أو لبنان ....
كل هذيه يبي له مب اقل من نص مليون , يعني 500,000 ...انزين الشباب عندهم فلوس حق كل ذيه ؟ ويمكن يكون الوالد دافع شوي و شويات لبناء ملحق حق الشاب للزواج فيه...
لازم نتقي الله في أنفسنا ..هذيه يدخل تحت بند إسراف وتبذير
تحياتي:victory:

اللي قلت او قلتي عنه في البحرين نفسه في الكويت وعندي اهل هناك الكثيرين صاروا يتزوجون بنفس الطريقة عقد قران وعشاء حق الرجال ويسافرون وعقب اذا ارجعوا حفل استقبال بسيط جدا للبنت

صراحة الحل بيدنا احنا

احنا درسنا هالكلام والواقع يأكد هالشي هذي قانون السعر = عرض وطلب

علشان توفر لك 300 او 400 الف تفيدك انت وشريكة حياتك محتاج شي بسيط جدا وهو ثقافة واستخدام العقل وتجاهل القيل والقال

لازم تتجاهل افكار مالها قيمة مثل :

انا مب اقل من غيري ! شمعنى كل الناس يسوون وانا لا ! الناس شبيقولون عني ! وغيره من الافكار

حتى الدين الاسلامي يدعوا الى تقليل المهور وتكاليف الزواج وينهى عن الاسراف

يعني بكل بساطة ممكن يكون عقد قران وبعدين عشاء رجال في بيت اذا امكن او اي مكان بسيط والحريم حفل بسيط في البيت وكل انسان على قده وعقب سفرة حلوة وانتهى الموضوع

وفي النهاية على قد الحافك مد رجولك

والله هالقاعده تريح الانسان واجد

[بوحارب]

مساكين الشباب مايقدرون على الزواج بسبب هالقاعات واسعارها :(

[455]

قاعات الاندية الرياضيه تكون رخيصه مثلا قاعه الطائرة لنادي العربي اعتقد 5 الاف

[حيهور]

نبي ياخوان مشروع قاعة نسائية للاعراس


نبي جهة خيرية تجمع التبرعات الخاصة من الاعضاء والمواطنيين والمقيمين لبنا ء قاعة خاصة

كوقف خيري اولا


وبسعر زهيد

وارباحها تروح للجمعية الخيرية


الفكرة سهله

نفس مابنينا مسجد

نبني صالة افراح وقف خاص

شو رايكم

[شاعر المليون]

نبي ياخوان مشروع قاعة نسائية للاعراس


نبي جهة خيرية تجمع التبرعات الخاصة من الاعضاء والمواطنيين والمقيمين لبنا ء قاعة خاصة

كوقف خيري اولا


وبسعر زهيد

وارباحها تروح للجمعية الخيرية


الفكرة سهله

نفس مابنينا مسجد

نبني صالة افراح وقف خاص

شو رايكم


الفكرة حلوة ولكن

مئات رجال الأعمال حاولو وماقدرو

ترخيص فتح قاعات أفراح موقف منذ سنوات

بأوامر من وزارة التجارة.

[The End Qtr]

خليجي عجل باخذ وحده من بناتك

[The End Qtr]

للاسف ترخيص قاعة الافراح ومحطات البترول .. مستحيل تطلع الا ( اذا حبتك عيني ما ظامك الدهر )