ممكن مساعده

[$$كلنا قطر$$]

السلام عليكم


عندي مجموعه من الأدويه اكثر من نوع وتوهم بكراتينهم
عندي وعند كثير من الأعضاء
بس السؤال وين نوديهم مب حرام نرميهم أعزكم الله في الزباله
جاتني فكره والراي لادارة المنتدى
يسوون قسم او يثبتون صفحه والناس تحط الأدوية الي ما تستعملها او كانت زياده عن الحاجه
وأكيد في ناس يحتاجونهم وانتو عارفين اسعار الأدويه
ولله الحمد الدوله مو مقصره معانا والأدويه ببلاش بس في ناس يشترونهم
هذا راي

والمساعده:
وين أودي هالأدويه؟؟
ياريت الي يعرف يدلي بدلوه ويقوول
والله يجزاكم خير
اخوكم كلنا قطر

[الحره]

انا سمعت ان توديهم المستشفى مادري اذا المركز الصحي ولا حمد

سمعت ان ياخذونهم والله اعلم

[$$كلنا قطر$$]

انا سمعت ان توديهم المستشفى مادري اذا المركز الصحي ولا حمد

سمعت ان ياخذونهم والله اعلم

اختي قبل مده حاطين في الجرايد عن واحد عنده ادويه للسرطان(الله يجيرنا) ووداهم المستشفى ولا اقبلوهم

[مهل]

السلام عليكم


بصراحه ما انصح ابد انه يتم تبادل الادويه بين الاشخاص مباشره دون استشاره من طبيب .

اقل شي لو الشخص الي خذا الدوا لو انه زاد الجرعه او سبب له الدوا نتيجه عكسيه من المسؤول ؟

مابي احطمك بس هذي وجهه نظري،، بخصوص وين تودي الادويه الي عندك كلم بكره قسم العلاقات العامه في مستشفى حمد وهم بيرشدونك للشخص المسؤول و بيفيدك

و حط نتيجه الاتصال و الطريقه في الموضوع هنا في المنتدى لتعم الفائده

[$$كلنا قطر$$]

السلام عليكم


بصراحه ما انصح ابد انه يتم تبادل الادويه بين الاشخاص مباشره دون استشاره من طبيب .

اقل شي لو الشخص الي خذا الدوا لو انه زاد الجرعه او سبب له الدوا نتيجه عكسيه من المسؤول ؟

مابي احطمك بس هذي وجهه نظري،، بخصوص وين تودي الادويه الي عندك كلم بكره قسم العلاقات العامه في مستشفى حمد وهم بيرشدونك للشخص المسؤول و بيفيدك

و حط نتيجه الاتصال و الطريقه في الموضوع هنا في المنتدى لتعم الفائده
هلا اخوي مب المقاصد تبادل
بس في ناس تستخدم ادويه لمده طويله وفي ناس الله يشافيها بسرعه وتوقف الدوا
فقلت نعطيه لواحد يحتاجهم
هي فكره يمكن تكون صح ويمكن غلط
وان شاء الله يوم الأحد بتصل لمستشفى حمد واكييد بقولكم الرد
والله يجزاك خير

[بومحمد55]

أنا أقول أنك تروح العيادات الخارجيه في مستشفى حمد قسم المخازن وتسألهم عن الأدويه

الزائده المستعمله أو الغير مستعمله وأنشاء الله بيعطونك الرد الشافي

أما أنك تخصص صفحه للأدويه هذاا خطأ إلا أذا أنت بتكون الصيدلي لهذ القسم فهذا شي ثاني

خطاكم الله من كل شر

[روح الاطلس]

انا عندي صيدلية ادوية في البيت

ويقعدون عندي لين تنتهي صلاحيتهم وارميهم وهكذا

تدري ليه المستشفى مايقبلونها منك؟

لان الادوية تحتاج لطريقة تخزين معينة في حرارة معينة بعض الادوية تفسد او تقل فعاليتها من سوء التخزين
وبالتالي المستشفى مايظمن ياخذ ادوية منك وهم على غير علم بطريقة تخزينك لها

[$$كلنا قطر$$]

ضريف اخوي

[$$كلنا قطر$$]

انا عندي صيدلية ادوية في البيت

ويقعدون عندي لين تنتهي صلاحيتهم وارميهم وهكذا

تدري ليه المستشفى مايقبلونها منك؟

لان الادوية تحتاج لطريقة تخزين معينة في حرارة معينة بعض الادوية تفسد او تقل فعاليتها من سوء التخزين
وبالتالي المستشفى مايظمن ياخذ ادوية منك وهم على غير علم بطريقة تخزينك لها

عيل تدري بسوي سواتك وبقطهم
بس حسيت ان حرام نقطهم وفي ناس يحتاجونهم
والله يجزاك خير على ردك

[شوق الصحاري]

اخوي على حد علمي في ناس ياخذون الادويه الى الهلال الاحمر القطري وهم يستفيدون منها بطريقتهم..

ممكن تتصل عليهم تستفسر ...

والله يجزاك خير..

[بنت ابوها 19]

ماأيد فكرة المبادله للادويه ياخوي احنا بزمن يخرع لو واحد وثق في الثاني لكن مايقدر يثق بالثالث

[sara jsm]

والله انا بعد عندي كمية كبيرة ,,
وترى فكرة حلوة ,, لان في ناس تدفع عشان تاخذ الادوية ,,
من يومين شفت وحدة عربية في المستشفى تدفع حق علاجها ودفعت اكثر من 100 ريال ,,
الله يعلم شنو نوع هالدواء اللي ثمنه غالي هالقد ,,
:) ربي يجزيك خير على هالفكرة الطيبة ,,
وحتى لو ماتم تنفيذها ,, الله يثيبك عليها ,,

[ضوى]

المستشفيات والصيدليات لا تقوم باسترجاع الدواء وان كان بعلبته الاصلية ولم يتم فتحه وهذا بروتوكول صحي عالمي ، الافضل الاستعانة بمنظمة الدعوة الاسلامية لارسال هذه الادوية لمستحقيها ، او جمعية عيد الخيرية ولك الاجر ان شاء الله

[$$كلنا قطر$$]

الله يجزاكم خير
اذا الله راد يوم الأحد بتصل لمستشفى حمد وبستفسر
وبعدها بتصل للهلال الأحمر
والله يكتب الي فيه الخير

[برشلوني قطر]

جزاك الله خير اخوي...وبيض الله ويهك

[بوخالد911]

مشكور جدا للموضوع القيم

:)