اعلوم التلفزيونات

[فريج البدر]

السلام عليكم و رحمته الله و بركاته

بغيت الشور منكم الله لا يهينكم اذا بغيت اشتري تلفزيون شنهي الانواع الزينة من نا حيتي ارجح السامسونج بس شنهي المواصفات الي اقولها للبياع و تكن مضبوطة الي اعرفة انه يكون hd و فية فتحة hmi اشياء ثانية و الاسعار حق الـــــــ 50 بوصة للي عنده خبره و اذا فية مستعمل مو مشكله اهم شي تلفزيون تلفزيوني اخترب و انا واحد ما اطلع من البيت

[طويل النفس]

بالتوفيق

[MBI]

اخوي في ال اي دي في فيرجن 55 بوصه سعره حروة 13 الف

[بازار]

روح فيرجن في فيلاجيو

عنده انواع كثيره من السوني ( انا ارجح السوني طبعا )

ومن السامسونج ..

[فريج البدر]

اخوي في ال اي دي في فيرجن 55 بوصه سعره حروة 13 الف

13 ألف ما تشوفها وايد ولا انا قديم و ما دري ايش السالفة

[فريج البدر]

روح فيرجن في فيلاجيو

عنده انواع كثيره من السوني ( انا ارجح السوني طبعا )

ومن السامسونج ..

السوني في ايش افضل هل هو الريزيلوشن ولا مواصفات أخوي قارون

[فريج البدر]

بالتوفيق

مساهم نشيط ما شاء الله

[القلم الصريح]

اقول لاتعور راسك بال hd ولا شي خذت واحد hd ماستفدت وايد منه ، تبي نصيحتي !!!!

سمسونج مسوي عرض على التلفزيون ال50 بوصله بس بلازما مو lcd ولا led ب 3800 ريال

[BoAof]

اذا انت راعي افلام وتبي وضوح عالي
اخر تقنيه هي 3d
قوله وشوف الوضوووح بس لين الحين اسعارها ضو
واللي تحتها شوي led
وضوووووح عاااااااااالي بعد
وتبي اسعار معقوله lcd
وضوح جيد
بس في كل الحالات قوله في حمايه على الشاشه ولا
يعني المس الشاشه بصبعك شوف الالوان تتغير مكانن صبعك ولا
لان السامسونج بكبره مافي حمايه وانا خذيت واحد والله كوعي جا عليه بالغلط واختربت الشاشه
وتصليحها اغلى من سعر التلفزيون :(

وعندك البلازما بس ما انصحك فيه لانه يخترب مع الوقت بروحه تقنيه قدييييييمه ورخييييص
روح كارفور ولا اللولو وبتعجبك الاسعار

وبالتوفيق

[MzYoN-QaTaR]

أخوي اذا انت تشوف التلفزيون بس يعني بس تشغل الرسفر وتشوف القنوات العاديه خذ تلفزيون بلازما 50 بوصه سعره 3700

واذا كنت تلعب سوني او تشوف افلام دي في دي انصحك بالlcd هذا جيد ووضوحه معقول ويكون ضعيف التلفزيون و سعره 47 بوصه تقريبا 4500

واما تلفزيونات led صراحه تلفزيون عجيب مواصفاته تخلفت وانا عندي واحد من شركه سوني
حجم 47 الوانه رهيبه جدا وفيه فلاش ممري وفي انترنت بالتلفزيون تقدر تشوف اليوتيوب و نظام الاستشعار اذا مافي حد بالغرفه التلفزيون يسكر بنفسه واصفات كثيره

ونصيحه مني اذا انت بس تشغل الرسيفر خذلك البلازما

وانت كيفك

اخوك مزيون قطر

[فريج البدر]

هذي الردود الي تبرد القلب با مر على كارفور و با شوف و بعطيكم الاخبار تسلمون و ما تقصورون استفدت وايد من ارائكم

[Index Signal]

أخوي إذا تبي شي طيب و ما يفرق معاك السعر ..

خذ سوني .. مب أي سوني .. الفئه X الياباني .. led طبعاً ..

و إذا يفرق معاك السعر .. خذ سامسونج led ..

وإذا تبي أرخص .. خذ أي شي يكون led ..

وإذا تبي أرخص من الرخيص .. خذ lcd ..

وإذا تبي أرخص من إللي أرخص من الرخيص .. خذ بلازما ..

فهمت شي ..؟ :confused:

[simsim1963]

شوف حبيبي أخذ لك سوني ال سي دي واشترك مع شوتايم رسيفر hdوشوف الوناسه والوضوح وطبعا كل ما كان شاشه كبيرة كان احسن

[فرفوش]

بالتووووفيق

[الدوحه1]

لاتفكر نهائيا انك تشتري 3d!!!
اطباء العيون والاعصاب ينصحون بعدم مشاهدة تلفزيونات ال 3d.. والسبب كثرت الشكاوي من المشاهدين اللي يملكون هالتلفزيونات .. اتضح ان هالتلفزيونات تسبب الدوخه وممكن جدا ثأثر على العيون على المدى الطويل...
سوني وسامسونج بدأت تكتب تحذير على التلفزيونات المباعه في اوروبا وامريكا..والتحذير ان الشركه لاتتحمل اي مسئوليه قانونيه من الاضرار الصحيه الناتجه عن مشاهدة تلفزيونات ال 3D !!!

[shmokh]

شوف حبيبي أخذ لك سوني ال سي دي واشترك مع شوتايم رسيفر hdوشوف الوناسه والوضوح وطبعا كل ما كان شاشه كبيرة كان احسن

انا مع هالراي ،، LCD + HD receiver

وتمتع بالمشاهده اشوف ال LED غالي صحيح انه انحف في الشكل وما يحتر بس للحين سعره غالي اصبر عليه لين ينزل شوي