هواية الصيد بالصقور

[غزلان]

http://www.alriyadh.com/2010/09/23/img/089592512464.jpg
كل واحد ياخذ الطير الى يعجبه



0000


الصيد بالصقور هوايه توارثها الأبناء عن الأجداد والأباء يتدربون ويتعودون عليها منذو الصغر على يد اصحاب الخبره خلال رحلات القنص حيث كانت الهوايه الوحيده في ذاك الزمان لقضاء وقت الفراغ ولكتساب طباع وصفات الرجوله .يمارس فيها الشاب جدارته وتميزه في اصابة هدفه ((صيد الفريسه ))خلال موسم الصيد حتى يكون جديرا بالحصول على لقب صقاًر..


000000




السؤال



هل تحرص على تعليم أبنائكم على هواية القنص ؟

هل ترون ان هواية القنص في طريقها الى الأندثار لأنها لم تعد كما في السابق بعدد من يمارسها ولم تعد الهوايه الوحيده بعد تنوع الهوايات امام الشباب وتغير ميوله واهتماماته؟

[هدهد سليمان]

يا ليت اقدر .. الحمدلله عندي اربع بنات بالدنيا كلها .. جزاك الله خير اختي غزلان ..

[ابوعلي]

مرحبا مؤسستنا

بالنسبة لي ما احرص عليهم واذا تعلموا بروحهم مع ربعهم فشطاره منهم

وفعلا هواية القنص في اندثار وخاصة مع الهوايات والملهيات الكثيرة اللي تشغل الشباب

[ابوعلي]

يا ليت اقدر .. الحمدلله عندي اربع بنات بالدنيا كلها .. جزاك الله خير اختي غزلان ..

الله يبارك لك فيهم اخوي ويسوون الدنيا وان شاء الله تشوف احفاد احفادهم:nice:

[اعمال]

هل ترون ان هواية القنص في طريقها الى الأندثار لأنها لم تعد كما في السابق بعدد من يمارسها ولم تعد الهوايه الوحيده بعد تنوع الهوايات امام الشباب وتغير ميوله واهتماماته؟

لا ابشرج اختي انشاء الله انهآ مراح تندثرر وان بغيتي حياج حق اهل الشمال ولا هو قصور للباقي

[غزلان]

يا ليت اقدر .. الحمدلله عندي اربع بنات بالدنيا كلها .. جزاك الله خير اختي غزلان ..




الله يبارك لك فيهم يارب

الحين البنات حنونين وينفعون احسن من الأولاد:)

[غزلان]

مرحبا مؤسستنا

بالنسبة لي ما احرص عليهم واذا تعلموا بروحهم مع ربعهم فشطاره منهم

وفعلا هواية القنص في اندثار وخاصة مع الهوايات والملهيات الكثيرة اللي تشغل الشباب




اهلين مراقبنا ابوعلي

مع انها هوايه لها فوائد عظيمه للشباب يتعلمون الصبر والتركيز والقدره على التحمل

صح كلامك اذا لم يعد هناك اهتمام من الأباء بتعليم ابنائهم هذه الهوايه فمصيرها للأندثار لأن اغلب من يمارسها هم الأباء فقط

[هدهد سليمان]

الله يبارك لك فيهم اخوي ويسوون الدنيا وان شاء الله تشوف احفاد احفادهم:nice:



الله يبارك لك فيهم يارب

الحين البنات حنونين وينفعون احسن من الأولاد:)

رحم الله والديكم وجزاكم الله الجنه وبارك الله لكم في عيالكم ورزقكم الذرية الصالحه :nice:

[غزلان]

هل ترون ان هواية القنص في طريقها الى الأندثار لأنها لم تعد كما في السابق بعدد من يمارسها ولم تعد الهوايه الوحيده بعد تنوع الهوايات امام الشباب وتغير ميوله واهتماماته؟

لا ابشرج اختي انشاء الله انهآ مراح تندثرر وان بغيتي حياج حق اهل الشمال ولا هو قصور للباقي


بشارة خير احس ان هالهوايه وايد مهمه للشاب نلاحظ ان الى يمارسونها متميزين بصفات عن غيرهم وياريت الأباء يشجعون ابنائهم ولو بمعلومات بسيطه او بممارسه بسيطه ومب مكثفه لها حتى يكتسبون عادات وتقاليد الأجداد

[غزلان]

رحم الله والديكم وجزاكم الله الجنه وبارك الله لكم في عيالكم ورزقكم الذرية الصالحه :nice:


الله يجزيك خير

[عيون Qatar]

ههههه حلوة الهوايه
بس مستحيل اعلم عيالي هالهواية لان ابوهم سماج
وهم يحبون السمج ههههه خلهم في الصيد احسن,,

تسلميين ياغزلان

[حليتان*]

لا ابشرج اختي انشاء الله انهآ مراح تندثرر وان بغيتي حياج حق اهل الشمال ولا هو قصور للباقي

وودي اقولك كلامك صح :weeping:


لكن الحمد لله على كل حال

[حليتان*]

ههههه حلوة الهوايه
بس مستحيل اعلم عيالي هالهواية لان ابوهم سماج
وهم يحبون السمج ههههه خلهم في الصيد احسن,,

تسلميين ياغزلان

عاادي هذا احنا برين وبحرين :nice:

[بوغانم995]

غزلان .....بس القنص ....عيال اليوم مايقدرون يحبلون فخ حق أمدقي ...أو ينصبون خيمه او حتى يمدون دجيج في البحر .....وشل الطير مو ولع بس .....والله انه يحتاج نفس ...وتعب ومقيض ....وتطبيب .....الله يعين أعيال هل يوم ......أعيال لبلاي أستيشن .........ولبي بي ........وبسسسسسسسس

[غزلان]

ههههه حلوة الهوايه
بس مستحيل اعلم عيالي هالهواية لان ابوهم سماج
وهم يحبون السمج ههههه خلهم في الصيد احسن,,

تسلميين ياغزلان


مع انها هوايه ممتعه من كثر ما اسمع ابوي واخواني يتكلمون عنها

اكيد هوايه الأب اتأثر على ميول الأبناء

الله يخليهم لج يارب

[غزلان]

وودي اقولك كلامك صح :weeping:


لكن الحمد لله على كل حال


شسالفه amaf535

[بوحارب]

انا مالي في الطيور خير شر

بس احب سوالف القنص واهل المقناص

يسلمو خالتي غزلان على الموضوع :)

[غزلان]

غزلان .....بس القنص ....عيال اليوم مايقدرون يحبلون فخ حق أمدقي ...أو ينصبون خيمه او حتى يمدون دجيج في البحر .....وشل الطير مو ولع بس .....والله انه يحتاج نفس ...وتعب ومقيض ....وتطبيب .....الله يعين أعيال هل يوم ......أعيال لبلاي أستيشن .........ولبي بي ........وبسسسسسسسس



مايقدرون لأنهم ماتعودوا على مثل هالهوايه الى تكسب الشاب كل الصفات المطلوبه

يعني انت والى يقنص عرفتوا للقنص بدون تعليم وتجارب حتى تصيبون الهدف وتعرفون اصول الصيد بالطير اكيد كان الوالد او العم او الخال ياخذونكم في رحلاتهم حتى تكتسبون خبره في اصول القنص

[غزلان]

انا مالي في الطيور خير شر

بس احب سوالف القنص واهل المقناص

يسلمو خالتي غزلان على الموضوع :)



00

البيئه الى عشت فيها لها دور اذا كانوا الى حواليك مايمارسون القنص بياثر هالشي على ميولك واهتمامك..

الله يسلمك خالي العود على الرد:p

[هند88]

امممممممم ماعتقد السؤال موجه لي :unsure:

يعطيج الف عافيه غزالة المنتدى :victory:

[مستر بن]

مالي ف هالسوااالف .

[غزلان]

امممممممم ماعتقد السؤال موجه لي :unsure:

يعطيج الف عافيه غزالة المنتدى :victory:


بس يهمنا تقولين رأيك في اهمية ممارسة الهوايات للأبناء

الله يعافيج هنوده الحلوه:nice:

[غزلان]

مالي ف هالسوااالف .


ليش خيو حلو المقناص :nice:

[هند88]

بس يهمنا تقولين رأيك في اهمية ممارسة الهوايات للأبناء

الله يعافيج هنوده الحلوه:nice:




اكيد بخلي عيالي يمارسون هواياتهم الي هم يحبونها
ماقدر اجبرهم على شي انا احبه مثلا ..
كل شخص وله ميوله :victory:

[شويهينــه]

خاطري اتعلم القنص

بس ياغزلان الحمدلله ماشوف ان هالهوايه قاعده تندثر بالعكس الا فيه اهتمام كبير بها

والدليل في سوق واقف مسوين لهم مركز خاص بالطيور ومختبر لتحليل اجود سلالات الطيور

وبعد اللي عرفته منهم انهم بيسوون مستشفى خاص وبينتقلون الى مبنى جديد

[غزلان]

اكيد بخلي عيالي يمارسون هواياتهم الي هم يحبونها
ماقدر اجبرهم على شي انا احبه مثلا ..
كل شخص وله ميوله :victory:


00
هنوده اقصد الهوايات القديمه هل تشوفين مهم انهم يمارسونها ام ان الهوايات الجديده تكفي وان القنص لم يعد له اهميه لتعلمه؟

[غزلان]

خاطري اتعلم القنص

بس ياغزلان الحمدلله ماشوف ان هالهوايه قاعده تندثر بالعكس الا فيه اهتمام كبير بها

والدليل في سوق واقف مسوين لهم مركز خاص بالطيور ومختبر لتحليل اجود سلالات الطيور

وبعد اللي عرفته منهم انهم بيسوون مستشفى خاص وبينتقلون الى مبنى جديد


00
وانا بعد خاطري من اول هد للطير اصيد احبارى:omg:

اغلب الى يقنصون هم من فئة الأباء قليل من ياخذ اولاده معاه ويهتم انهم يتعلمون الصيد بالصقر وكل سنه يقل العدد مع انها من الهوايات الى يكتسب منها الشاب صفات مهمه.

ان شاء الله يكون الأهتمام اكبر لهذه الهوايه

[بـــــــنت النوخـّــــذه]

http://www.alriyadh.com/2010/09/23/img/089592512464.jpg


هل تحرص على تعليم أبنائكم على هواية القنص ؟

هل ترون ان هواية القنص في طريقها الى الأندثار لأنها لم تعد كما في السابق بعدد من يمارسها ولم تعد الهوايه الوحيده بعد تنوع الهوايات امام الشباب وتغير ميوله واهتماماته؟






[/COLOR]


هذي الهوايه لها ناسها المبدعين فيها اتصدقين اختي غزلان مره رحت زياره بيت اخوي حصلت الشغاله في الحوش ماسكه الطير على يدها وتمشي استغربت قلت شسالفه قالت بابا يقول اخذي طير من مجلس ونطري فالحوش انا يجي 00000عشان بابا في روح ألحين :discuss:

يعني من هالناحيه تطمني راعي المقناص حتى الخدم والدريوليه معلمهم المهنه واساسياتها:nice:

بس انا للامانه اقرف :rolleyes2:من الطيور واقرف من ألي يأكل الطير بيده شفت بعيني عمليه اقتيال حمامه :weeping: وبعدها سلم الحمامه بيده للطير وعووووووووو زين ماصادني انهيار نفسي :eek5::eek5:

وبالنسبه لطريقها للاندثار بالعكس اشوفها منتشره وبكثره خصوصا" في مجال شراء وبيع الطيور كتجاره بعد تدريبهم بس ارد واقول هالمهنه لها ناسها الي يحبونها كهوايه ومبدعين فيها 000ولاحظي اتكون هالمهنه ممتده متوارثه في حاله وجود مجموعه من الاهل راعيين مقناص وهالسوالف فتحصلين كل واحد متسمت واحذاه طيره ^_______^ وفي الاخير الله يعين حريمهم اهههههه0

[بو خليفه 123]

المقناص من الجميل ان تكون هوايه في فئة عمريه تعلمناها يوم كنا ندعي الطيور و نتنور في بعض المواسم , و من الجميل ان يتوارثونها ابنائنا كهوايه مثل ماذكرت و لكن ليس ان تكون عاده حيث ان البعض خسر اصدقائه و اصبحت شرارات بين بعض القبائل لمجرد خلاف (على حباره) و تواجد الشخصين في نفس المكان والوقت .

ناهيك عن ذكر التكاليف الماليه و تكسير السيارات و عرض الروح للخطر .

فـ المقناص كهوايه لا بأس بها , و لكن بدال صرف الفلوس على الطيور عندي ادخل ابني البورصه و اخليه يستفيد من حياته و يكون نفسه افضل .

[هند88]

00
هنوده اقصد الهوايات القديمه هل تشوفين مهم انهم يمارسونها ام ان الهوايات الجديده تكفي وان القنص لم يعد له اهميه لتعلمه؟

انا اعتقد الهوايات مافيها شي اسمه جديد او قديم
يعني ممكن يحب القنص وممكن لا ..
واكيد الزمن له تأثير على الميول..
يعني ممكن من عشرين سنه الاب راعي قنص بس عياله لا..
وممكن الحين الاب ماعمره جرب القنص وعياله حابين هالشي ..

احنا كاأهل نمي الهوايه بس مانقدر نجبرهم على الهوايه

[غزلان]

هذي الهوايه لها ناسها المبدعين فيها اتصدقين اختي غزلان مره رحت زياره بيت اخوي حصلت الشغاله في الحوش ماسكه الطير على يدها وتمشي استغربت قلت شسالفه قالت بابا يقول اخذي طير من مجلس ونطري فالحوش انا يجي 00000عشان بابا في روح ألحين :discuss:

يعني من هالناحيه تطمني راعي المقناص حتى الخدم والدريوليه معلمهم المهنه واساسياتها:nice:

بس انا للامانه اقرف :rolleyes2:من الطيور واقرف من ألي يأكل الطير بيده شفت بعيني عمليه اقتيال حمامه :weeping: وبعدها سلم الحمامه بيده للطير وعووووووووو زين ماصادني انهيار نفسي :eek5::eek5:

وبالنسبه لطريقها للاندثار بالعكس اشوفها منتشره وبكثره خصوصا" في مجال شراء وبيع الطيور كتجاره بعد تدريبهم بس ارد واقول هالمهنه لها ناسها الي يحبونها كهوايه ومبدعين فيها 000ولاحظي اتكون هالمهنه ممتده متوارثه في حاله وجود مجموعه من الاهل راعيين مقناص وهالسوالف فتحصلين كل واحد متسمت واحذاه طيره ^_______^ وفي الاخير الله يعين حريمهم اهههههه0




في وقتنا الحالي ومع جيل ابائنا واخوانا منتشره الى اقصده اختي للأجيال القادمه احس مافيه اهتمام عند اخوانا انهم يعلمون ابنائهم هذه الهوايه يمكن لصعوبتها والمجهود الى تحتاجه ولأن الهوايات بوقتنا متنوعه وفيه الأفضل من هواية الصيد لهاسبب قد يقل عدد ممارسين القنص..

[غزلان]

المقناص من الجميل ان تكون هوايه في فئة عمريه تعلمناها يوم كنا ندعي الطيور و نتنور في بعض المواسم , و من الجميل ان يتوارثونها ابنائنا كهوايه مثل ماذكرت و لكن ليس ان تكون عاده حيث ان البعض خسر اصدقائه و اصبحت شرارات بين بعض القبائل لمجرد خلاف (على حباره) و تواجد الشخصين في نفس المكان والوقت .

ناهيك عن ذكر التكاليف الماليه و تكسير السيارات و عرض الروح للخطر .

فـ المقناص كهوايه لا بأس بها , و لكن بدال صرف الفلوس على الطيور عندي ادخل ابني البورصه و اخليه يستفيد من حياته و يكون نفسه افضل .



ماشاء الله عليك اخوي بوخليفه قلت الى اقصده يعني انا محقه ان هالهوايه قد تندثر مستقبلا ماعدا عند القليل للأبدائل الى ذكرتها فيه اشياء متوفره اهم من المقناص..:nice:

[حليتان*]

شسالفه amaf535

السالفه طووويله

في قطر المكان مايشجع ..ان عاينت شي هدو عليك من كل صوب ...والي يقول انا باثرها من الصبح ومادري وشو

والمساحه صغيره ومواتر واايد

واذا بغيت تقنص برع لازم تهرب ومرات الطيور تموت << انا ولا طلعت بره

والبيئه مب مهتمه ..ولانشوف سيايرهم ...

وان عاينت مكان تدعي فيه عقب كم يوم الا الهنود كاتين كشره والمجاري عز الله السامعين

وصراحه ما ينلامون لان مافي تنظيم ...والهنود مساكين ياخذون المجاري من شمال ومعطينهم يفرغونها جنوب واذا شفت طابور الدناكر يوصل 3او4 كيلو

[JN000N]

^^
حضرتك لين متا بتتم مغلق ؟
درينا انك ثانوي وبعدين يعني؟
خالتك تبيك ضروري وانت معطها طاف
ارويك




السموحه غزلان

[بوخالد2]

مرحبا اختى غزلان

موضوع جميل وانا من محبين المواضيع هذه

بالعكس انا اشوف ان الصقاقير في تزايد كبير ومنهم اللى يعلم ولده و منهم من يعلم احفاده

على الطير احنا مثلا يوم الخميس والجمعه بالنسبه للي عندهم مدارس من العيال يجيونه بالاجازه شمال و ناخذهم ونخليهم يشوفون الهدد و الدعو وشلون يعشون الطير

علشان يحبون الشي هذا (( فله اذا البزران متولعين اتموتين من الضحك عليهم )) :app2:

كل واحد يقول هذا طيري و هذا مادرى شنو افلامهم جميله ومنها يحبون الامر هذا

انا شخصيا اعتبره افضل لهم من اني اشوفهم مثل العيال اللى اشوفهم بالمجمعات ولا يدرون اهلهم عنهم بين الالعاب و الخرابيط اللى مالها داعي

بالعكس هذه (( مرجله وسنع لهم )) افضل من الامور الثانيه اللى مالها داعي

احس الاطفال لين يجيون عندنا شمال يستانسون ويحسون بطفولتهم و وناستها اللى يمسك التلواح واللى خاطره يروح مع ابوه ويهد الطير على اللى يدعي و اللى يبي يعشى الطير مع ابوه

بالعكس اجواء جميله بالنسبه لنا احنا مادرى عن البعض يمكن يشوفها شي مب حلو او شي من القبيل هذا انا عن نفسي الاشياء هذه (( المقناص و الطير والمجلس )) مصنع للرجال

علشان يربون على شي ويتمسكون فيه

افضل من الدواره بين المجمعات و هتك اعراض الناس


وتسلمين على الموضوع

[غزلان]

السالفه طووويله

في قطر المكان مايشجع ..ان عاينت شي هدو عليك من كل صوب ...والي يقول انا باثرها من الصبح ومادري وشو

والمساحه صغيره ومواتر واايد

واذا بغيت تقنص برع لازم تهرب ومرات الطيور تموت << انا ولا طلعت بره

والبيئه مب مهتمه ..ولانشوف سيايرهم ...

وان عاينت مكان تدعي فيه عقب كم يوم الا الهنود كاتين كشره والمجاري عز الله السامعين

وصراحه ما ينلامون لان مافي تنظيم ...والهنود مساكين ياخذون المجاري من شمال ومعطينهم يفرغونها جنوب واذا شفت طابور الدناكر يوصل 3او4 كيلو



--

هالشي حلاته المقناص لأنه القنص رحله متعبه والصيد كل ماله ويقل بسبب الصيد العشوائي يعني ماعاد الفنص سهالات مثل قبل لازم تتعب وتتنقل من مكان الى مكان للحصول على الصيد ولهالسبب قل عدد المقانيص ماتشوف القناص ياكبر فرحته لي صاد حباره او كروان لأنه يعرف ان الصيد قليل.

[غزلان]

^^
حضرتك لين متا بتتم مغلق ؟
درينا انك ثانوي وبعدين يعني؟
خالتك تبيك ضروري وانت معطها طاف
ارويك




السموحه غزلان


مسموحه الغاليه :)

[simsim1963]

هذي يا غزلان مجرد هوايه كانت في السابق تعتبر مصدر رزق الواحد يصيد ويأكل هله الصيد مثل الحبارى ولكن الآن هذي الهوايه متعبه ومكلفه ومحتاجه وقت فراغ كبير (وتصلح لأصحاب العقارات حيث انها لا تتطلب متابعه يوميه ووقت الفراغ لديه كبير ) وليست محببه حتى في القدم كان بعض الناس يهواها ويمتهنا لصيد الطيور . وهوي هوايه مثلها مثل اي رياضه اخرى

[غزلان]

مرحبا اختى غزلان

موضوع جميل وانا من محبين المواضيع هذه

بالعكس انا اشوف ان الصقاقير في تزايد كبير ومنهم اللى يعلم ولده و منهم من يعلم احفاده

على الطير احنا مثلا يوم الخميس والجمعه بالنسبه للي عندهم مدارس من العيال يجيونه بالاجازه شمال و ناخذهم ونخليهم يشوفون الهدد و الدعو وشلون يعشون الطير

علشان يحبون الشي هذا (( فله اذا البزران متولعين اتموتين من الضحك عليهم )) :app2:

كل واحد يقول هذا طيري و هذا مادرى شنو افلامهم جميله ومنها يحبون الامر هذا

انا شخصيا اعتبره افضل لهم من اني اشوفهم مثل العيال اللى اشوفهم بالمجمعات ولا يدرون اهلهم عنهم بين الالعاب و الخرابيط اللى مالها داعي

بالعكس هذه (( مرجله وسنع لهم )) افضل من الامور الثانيه اللى مالها داعي

احس الاطفال لين يجيون عندنا شمال يستانسون ويحسون بطفولتهم و وناستها اللى يمسك التلواح واللى خاطره يروح مع ابوه ويهد الطير على اللى يدعي و اللى يبي يعشى الطير مع ابوه

بالعكس اجواء جميله بالنسبه لنا احنا مادرى عن البعض يمكن يشوفها شي مب حلو او شي من القبيل هذا انا عن نفسي الاشياء هذه (( المقناص و الطير والمجلس )) مصنع للرجال

علشان يربون على شي ويتمسكون فيه

افضل من الدواره بين المجمعات و هتك اعراض الناس


وتسلمين على الموضوع



--
يسعدني ان الموضوع اعجبك

نفس رأي اخوي بوخالد2 يوم اشوف خوالي وعمامي وان تربيتهم عن طريق المسجد والمجلس والقنص في الشتا والبحر في الصيف مثل ماجدي قال لنا اتحسف على اجيال الحين اجازتهم في المجمعات والسينمات والقهاوي فاتشوفهم مافيهم الحميه ولا يعرفون اطباع الرجال رطينه بالأنجليزي والأهل متفاخرين بالهشي..حلو الولد يرافق ابوه واذا مشغول خاله او عمه يحضر رحلات القنص يتعود على المرجله وسوالف الرجال حتى يكون له شخصيه فعاله في المجتمع.

[غزلان]

هذي يا غزلان مجرد هوايه كانت في السابق تعتبر مصدر رزق الواحد يصيد ويأكل هله الصيد مثل الحبارى ولكن الآن هذي الهوايه متعبه ومكلفه ومحتاجه وقت فراغ كبير (وتصلح لأصحاب العقارات حيث انها لا تتطلب متابعه يوميه ووقت الفراغ لديه كبير ) وليست محببه حتى في القدم كان بعض الناس يهواها ويمتهنا لصيد الطيور . وهوي هوايه مثلها مثل اي رياضه اخرى




معاك حق بس هالهوايه رغم مشقتها وتكلفتها لها لذتها وفوائدها ..نقدر نقول البحر كان مصدر للرزق قديما لكن مازال الكل يمارس الصيد في البحر ويعلم ابناءه..صحيح بعض الهوايات القديمه لم تعد مرغوبه عند الأجيال الحاليه لكن مايمنع ان يصطحب الأب ابناءه في رحله من رحلات القنص حتى يتعلم ان الحياه قديما لم تكن سهله ومنها يكتسب صفات الرجوله من خلال مجالسته مع رجال قبيلته وكيف كانوا يصبرون ويتعرضون للخطر والمشقه للحصول على قوتهم بدل ماطول الوقت بهالمجمعات دون فائده.


000

مشكورين مليون فردا فردا:nice:

[سداوي&مدريدي]

بالعكس في من أهل قطر الي لين الحين متمسكين بهواية الصيد

وغير الي يمارسونها في الخارج

العراق + ايران + الجزائر + تونس + المغرب وغيرها من الدول

هوايه من الصعب تركها وخصوصا من محبيها

غزلان شكلج ناويه على طير :app2:

[تحداني]

انا مالي في الطيور خير شر

بس احب سوالف القنص واهل المقناص

يسلمو خالتي غزلان على الموضوع :)




انا نفس بوحارب
أحب المقناص أحسها هوايه تستفز فضولي
ودائما اتابعها .. وما افهم منها شئ

بس الي اعرفه ان في الاكويت عندهم مزاد للطيور بعد
كل واحد يقول من يزود .. والسعر يوصل لــ 50 و60 الف
وشكل الطير يخرع ويقولون عنه جميل ما اعرف اشلون



اي راح اعلمهم .. وراح أعلم خواتهم بعد :)


جملك الله برضى الرحمن

[بوخالد2]

--
يسعدني ان الموضوع اعجبك

نفس رأي اخوي بوخالد2 يوم اشوف خوالي وعمامي وان تربيتهم عن طريق المسجد والمجلس والقنص في الشتا والبحر في الصيف مثل ماجدي قال لنا اتحسف على اجيال الحين اجازتهم في المجمعات والسينمات والقهاوي فاتشوفهم مافيهم الحميه ولا يعرفون اطباع الرجال رطينه بالأنجليزي والأهل متفاخرين بالهشي..حلو الولد يرافق ابوه واذا مشغول خاله او عمه يحضر رحلات القنص يتعود على المرجله وسوالف الرجال حتى يكون له شخصيه فعاله في المجتمع.

صحيح نفس ماقلتي هذا الكلام الطيب واللى تنشين عليه رجاجيل كفو في المجالس وبين ربع ابوهم و عمامهم و خوالهم

وصحيح استغرب من اللى يعجبه وضع ولده بالكلام الانجليزي و لبس البنطلون و انت ولد عرب وقبايل و قصات

الله المستعان

وتسلمين مره اخرى

[بوعمير]

ابشرش الصقارين موجودين واهل المقناص موجودين..وماشاءالله المداعي اشتغلت والتلاويح تارسه السما..

بس المقناص له ناسه يعني السالفة مهب وقت ابي اضيعه ولا هوايه ابي اتعلمها (( لا )) المقناص حب وعشق بين الصقار وطيرة وكلن له غرامه، وعباله المقناص ما يصبر عليه إلا راعيها.

*** ما كل من هدرس غنى ولا كل من دق تحنى ***

[غزلان]

بالعكس في من أهل قطر الي لين الحين متمسكين بهواية الصيد

وغير الي يمارسونها في الخارج

العراق + ايران + الجزائر + تونس + المغرب وغيرها من الدول

هوايه من الصعب تركها وخصوصا من محبيها

غزلان شكلج ناويه على طير :app2:



000

المقناص رحله ممتعه رغم تكاليفها الا ان ممارسيها لم يتركوها وتلاحظ المقناص يستمر بألأشهر اولا لمتعة اللمه مع الأقارب والأصحاب ولذة الصيد..

سد مد ناويه اصيد احبارى السنه:pioneer:

[غزلان]

انا نفس بوحارب
أحب المقناص أحسها هوايه تستفز فضولي
ودائما اتابعها .. وما افهم منها شئ

بس الي اعرفه ان في الاكويت عندهم مزاد للطيور بعد
كل واحد يقول من يزود .. والسعر يوصل لــ 50 و60 الف
وشكل الطير يخرع ويقولون عنه جميل ما اعرف اشلون



اي راح اعلمهم .. وراح أعلم خواتهم بعد :)


جملك الله برضى الرحمن



00
تحداني الزمن

لو مافيها تشويق واناسه ماتعنوا للسفر والخساير بسبب صيد الحبارى والكراوين

الحين مب الطير سعره 60 او 50 حتى لحبارى صارت تجاره رابحه الى يحصلها يبيعها على المقانيص كل حبارى ب5000 ريال:nop:

[غزلان]

صحيح نفس ماقلتي هذا الكلام الطيب واللى تنشين عليه رجاجيل كفو في المجالس وبين ربع ابوهم و عمامهم و خوالهم

وصحيح استغرب من اللى يعجبه وضع ولده بالكلام الانجليزي و لبس البنطلون و انت ولد عرب وقبايل و قصات

الله المستعان

وتسلمين مره اخرى



000

سبحان الله جلسات المجالس ومرافق خوالهم وعمامهم قليل من يهتم بهالشي ويفكر انهم مصدر لعلوم الرجال واطباعهم.. المهم البنطلون وولد من يومه لين يكبر وهو جالس مع امه وخواته وخالاته يسمع سوالفهم:mad: ابرك من تربيه ماتشوف اغلبهم ماينفعون بشي

الله يسلمك

[غزلان]

ابشرش الصقارين موجودين واهل المقناص موجودين..وماشاءالله المداعي اشتغلت والتلاويح تارسه السما..

بس المقناص له ناسه يعني السالفة مهب وقت ابي اضيعه ولا هوايه ابي اتعلمها (( لا )) المقناص حب وعشق بين الصقار وطيرة وكلن له غرامه، وعباله المقناص ما يصبر عليه إلا راعيها.

*** ما كل من هدرس غنى ولا كل من دق تحنى ***


بما انه بدا ياريت الأباء يخصصون ايام ياخذون عيلهم يتفرجون بس حتى ماينسون هالهوايه الحلوه

والله يوفقك الصقارين وفالكم لحبارى