وش الحل مع ثعالب البيئة الي هادينهم في البر؟؟؟؟؟؟ .... قضوا على حلالنا

[بالول]

يوميا نعاني وغيرنا من اصحاب المزارع والعزب يعانون من الثعالب الي هادينهم جماعة البيئة في البر بقصد التكاثر ....

المشكلة ان هالثعالب يوميا صارت تتهجم على حلالنا من دجاج وحمام وطيور ومش عارفين وش الدبرة معاهم .......

شوفوا لنا حل للقضاء عليهم ؟؟؟؟

[مستثمر رشيد]

يوميا نعاني وغيرنا من اصحاب المزارع والعزب يعانون من الثعالب الي هادينهم جماعة البيئة في البر بقصد التكاثر ....

المشكلة ان هالثعالب يوميا صارت تتهجم على حلالنا من دجاج وحمام وطيور ومش عارفين وش الدبرة معاهم .......

شوفوا لنا حل للقضاء عليهم ؟؟؟؟


ياويلك اذا حاولت تقتلهم ترى السالفة فيها عقوبة وقضية

[ضوى]

ثعالب !! اول مرة ادري انه في عندنا بقطر ثعالب

[مستثمر رشيد]

ثعالب !! اول مرة ادري انه في عندنا بقطر ثعالب

فيه ووايد بعد وللاسف مهدودين لا رقيب ولا حسيب

[الوعد2016]

عليك بالشوزن افضل حل

[شيط ويط]

حط لك (كلب) كرمكم الله في العزبه .. لان الثعلب يخاف من الكلب ومايقدر يقرب صوبه :)

[لطيف الروح]

يوميا نعاني وغيرنا من اصحاب المزارع والعزب يعانون من الثعالب الي هادينهم جماعة البيئة في البر بقصد التكاثر ....

المشكلة ان هالثعالب يوميا صارت تتهجم على حلالنا من دجاج وحمام وطيور ومش عارفين وش الدبرة معاهم .......

شوفوا لنا حل للقضاء عليهم ؟؟؟؟

اي ثعالب تقصد الي تمشي على رجلين ولا اربع ارجل

[barod]

حط لهم سم او احبل لهم شداخه

[عبدالمحسن]

عليك بالشوزن افضل حل



والله داش بقول نفس الجمله حرفياً



..

حط الشوزن ورى السيت ، بس حاسب اذا رميت ما يكون ورى الثعل شي من العزب

[الوان]

والله داش بقول نفس الجمله حرفياً



..

حط الشوزن ورى السيت ، بس حاسب اذا رميت ما يكون ورى الثعل شي من العزب

ممنوع

بس المفروض مثل ما هدوا ثعاله .. يهدون ارانب .. عشان يكون فيه توازن

[البوررصة]

هذا مثل ماصار مع واحد من الربع وكروانة اختفت ومثل ماقالك كلب حراسة افضل

[حرقطر]

اخوي تخبر الشداخه الحديد حق الارانب حطها واذا مانفعت

ارقد بهم بشوزن الله لايهينك

وامورك طيبه

[Bu Rashid]

الشووووووزن ونا اخوك
واذا قالوا شيئ قووول الدفاع عن النفس :rolleyes2:

[مستثمر رشيد]

للجماعة الي يقولون الشوزن ترى السالفة فيها قضية نفس الشي بالنسبة لقتل الغزلان المهدودة او قتل النعام الي هادينهم البيئة

[كركم]

انا اضم صوتي للأخ اللي اقترح انك تحط لك كلب حراسه وانتو بكرامه..

[عبدالمحسن]

ياحبيبي اي قضيه طال عمرك ؟


هذي ثعاله

فيها المريض وفيها المسعور .. يعني لو يعض عنز وتشرب حليبها او يعض تيس او هرفي وتاكل لحمه مصيبه

فما بالك لو يعض هالمسعور احد الاشخاص ؟ او الاطفال ؟


يعني مانها فايده ابد


حتى القانص الثعاله تروعه لان اثره يشابه ثر الحبارى :)


والمصيبه يقنص للارانب و يطير الحباري




مامنه فايده ابد

[مرحوم قطر]

ثعالب !! اول مرة ادري انه في عندنا بقطر ثعالب


ضوى اخر ثعلب شفته قبل اسبوعين صوب بيوت بروه الي في بوهامور


شلون انتي ماتدرين :eek5:

يامكثرهم في قطر ما شاء الله وايد وايد تشوفينهم في كل مكان

ولين ننصب العنه تلاقينه منخش و يطالع ينطر لين نحط الاكل عشان يجي يبوقه


و ما تقدرين تصيدينه لو شتسوين




الشيخ اذا تبي تخلص من الثعاله مالك الا حل واحد بس

شبتسي يعني بتطلع الشوزن و بتثور فيه بيموت و بيجيك غيره

الحل الوحيد هو انك تحط لك في المزرعه كلب الله يكرم السامع

انا لو مكانك مافي امل ممكن اتحمل قذا الثعاله ولا احط لي كلب بس اذا تبي حل هذا هو

[الوعد2016]

للجماعة الي يقولون الشوزن ترى السالفة فيها قضية نفس الشي بالنسبة لقتل الغزلان المهدودة او قتل النعام الي هادينهم البيئة

لا قضيه ولا يحزنون ويحق له التعويض من وزارة البيئه اذا يبي لان البيئه هي صاحبة الفكره والمشروع واذا ما يبي قضايا في يسوقها بالشوزن واكيد الثعل مرقم يحتفظ بالرقم او بالريشه او شريحه
والامور سهالات
وللاسف بعض من يطرح الافكار في البيئه لا يفقه شي لو تم تخصيص منطقه كبيره وجعلها محميه افضل لهم ومحميه حقيقيه

[بو الطيب]

ياخوي الثعاله لو كانت وايد اهني يبدء استخدام الشوزن ترمي لك واحد اثنين بالكثير

اذى كاانت ااشووي صيدهاا ياخوي في اكثر من طريقه تقدر تيودها وعقب تله واحذفه في منطقه مافيه عزب ولازرع في البر

[المرحب]

عليك بالشوزن افضل حل

:nice:

لكن ترى ما لي خص ههههههههه

[أم غانم]

واحد من الأثنين.. شوزن ولا سم ..

يبونهم يتكاثرون يحطونهم في محمية ويصكون عليهم

[latty]

الله يعينكم اطلبوا تعويض ويكون جامد

[captin]

يوميا نعاني وغيرنا من اصحاب المزارع والعزب يعانون من الثعالب الي هادينهم جماعة البيئة في البر بقصد التكاثر ....

المشكلة ان هالثعالب يوميا صارت تتهجم على حلالنا من دجاج وحمام وطيور ومش عارفين وش الدبرة معاهم .......

شوفوا لنا حل للقضاء عليهم ؟؟؟؟




الحــــــــــــــــــــــــــــــــل

الشوزن أم خمس

[Darco]

عاد ياجماعة شفتوا الثعالة اللي هادينهم؟ حمر كبار مادري جايبينهم من أي بلاد مهب مثل ثعالتنا الصغار المْلْحْ ..

أنا بس ودي أعرف منهو العبقري اللي اقترح يجيبون ثعالة استيراد ومن نوع غير ويهدونهم ؟! :rolleyes2: تخاف يتحمسون ويهدون ذيابة :rolleyes2: ..

[بوحارب]

اخوي الحقه بالموتر ودوسة اتوقع هذا احسن حل عشان يكون عبره لجميع الثعاله في المنطقة خخخخخ

عندي سؤال !


الثعلب يهجم على الأنسان ولا يخاف :(

[البرونزي]

اخوي نصيحه حط لك سلقان 2 او 3 وشوف الافلام

[مهل]

السلام عليكم


ابي اعرف بس ،،، وش الفايده من الثعل ؟

حتى لو فيه فمضاره اكثر من فايدته ان كان فيه فايده لوجوده في برنا ؟


اخبر في الثمانينات كان فيه فيران (جراذي) الكبيره ،،، في البيوت و كان فيه شخص ذكي جدا في ذاك الوقت اقترح عليهم يجيبون طيور البومه و يهدونها عشان تقضي على الفيران .

النتيجه بعد فتره من الزمن،،،، الفيران موجوده و انتها شي اسمه حمام ،،، طيور البومه عثت في الحمام و قظت على حمام الفريج كله .

سبحان الله التاريخ يعيد نفسه :rolleyes2:

[جلمود]

الثعلب ضاار ولامنه منفعه

ياكل الارنب وطيرو الفلا بالبر

خاطري أعرف من أقترح هذا الاقتراح بجلب الثعالب ؟

(أخوي حط لك شداخه ) واذا صدته عليك برقبته

[بوحارب]

الثعلب ضاار ولامنه منفعه

ياكل الارنب وطيرو الفلا بالبر

خاطري أعرف من أقترح هذا الاقتراح بجلب الثعالب ؟

(أخوي حط لك شداخه ) واذا صدته عليك برقبته

تخيل معاي

لو وقفت في نص البر ونزلت من الموتر وقعدت امشي واسولف في التلفون

وشافني الثعل

هل بيهجم علي ولا يخاف من الأنسان :(

[مهل]

:ok:

http://www.anthony-dacko.net/Foxingin1.jpg

او

http://www2.warwick.ac.uk/fac/sci/bio/res/populations/riginfo/research/humans/leishmaniasis/iran/iranfox.gif
escape

[جلمود]

تخيل معاي

لو وقفت في نص البر ونزلت من الموتر وقعدت امشي واسولف في التلفون

وشافني الثعل

هل بيهجم علي ولا يخاف من الأنسان :(

هههههههههه كلش مو راكبه عليك بوحارب أنت ذيب أكيد بيخاف منك الثعل

الثعل يخاف الله يكرمك حتى من السلق :victory:

[بوحارب]

هههههههههه كلش مو راكبه عليك بوحارب أنت ذيب أكيد بيخاف منك الثعل

الثعل يخاف الله يكرمك حتى من السلق :victory:

ههههههههههههههههههههههههه

اشكرك على الرد وماعليك زود :shy:

[رُفق المجنّا]

ما عليك من اللي يقول شوزن ... !!

هذي حياة فطريّة , اشتر لك كلب حراسة وانت بالكرامة وهو بتكفّل بحماية العزبة

[تحداني]

السلام عليكم


ابي اعرف بس ،،، وش الفايده من الثعل ؟

حتى لو فيه فمضاره اكثر من فايدته ان كان فيه فايده لوجوده في برنا ؟


اخبر في الثمانينات كان فيه فيران (جراذي) الكبيره ،،، في البيوت و كان فيه شخص ذكي جدا في ذاك الوقت اقترح عليهم يجيبون طيور البومه و يهدونها عشان تقضي على الفيران .

النتيجه بعد فتره من الزمن،،،، الفيران موجوده و انتها شي اسمه حمام ،،، طيور البومه عثت في الحمام و قظت على حمام الفريج كله .

سبحان الله التاريخ يعيد نفسه :rolleyes2:




جملك الله برضى الرحمن

[احمد1]

اقترح يا اخواني يهدون ثعالب نباتيه يعني ماتاكل الا ما ياكله الارنب خخخخخخخخ

[قطرية فذة]

نفس الحاله في الامارات هادين سباع

سبحان الله وقطر هادين ثعالب؟!


يبه الله لايهينك الدفاع عن النفس

مثل ماتفضل الاخوان

" الشوزن "

اللي اقترح الاقتراح يهد ثعالب له مآرب

باين انه تخطيط

ظرب على التعليم

الحين البيئيه

الله العالم بعد شو

يحفظ الله بلادي يارب

هذه بدايه لكل خراب

[سمسمه]

من كثر أرانب قطر
عشان يطلقون ألثعالب في البريه
لأن الثعالب لم تجد طرائد في البريه توجهت لعزب الناس لأكل الدجاج وألحمام
لا أعرف من هم اصحاب القرار
لكن قرارهم بأطلاق الثالب لم يكن صح

[nasser2244]

يوميا نعاني وغيرنا من اصحاب المزارع والعزب يعانون من الثعالب الي هادينهم جماعة البيئة في البر بقصد التكاثر ....

المشكلة ان هالثعالب يوميا صارت تتهجم على حلالنا من دجاج وحمام وطيور ومش عارفين وش الدبرة معاهم .......

شوفوا لنا حل للقضاء عليهم ؟؟؟؟

السلام عليكم
بالنسبه لهذه الثعالب تم جلبها من ايران وهي مؤذيه للحيوانات والطيور وتختلف عن ثعالب الجزيرة.
اخي بالول/ يمكنك الأتصال بالسيد محمد الجيده في وزارة البيئه وان شاءالله تجد الحل عنده.

[هاب الريح]

ثعالب لعديد مالهم حـــــــــــــــــــــــــــــــــــل
عينك عينك يتمشون وياكلون ييم الحداق بالقوة !!!!!
مرة هجموا علينا عشرة !!! وما خلوا لنا شيء ما كلوه !!!

[شموخ العز]

حط لهم سم او احبل لهم شداخه

:nice::nice:


شداخه ززززينه ومو اي شداخه ترى هذولي ثعالب ممكن يطيحونك في الشداخه بدل ما تيصدهم يصيدونك

موفق

[مطيع الله]

لازالت في قطر ثعالب من البيئة الأصلية، ومزاحمتها بثعالب مستوردة سوف يسهم في انقراضها، والتوازن البيئي حساس جداً، فقد تقضي هذه التعالب المستوردة على الضب، وفي هذه الحالة تكون الخسارة مضاعفة وخلخلة لتوازن الردع الاستراتيجي.

[مهل]

لازالت في قطر ثعالب من البيئة الأصلية، ومزاحمتها بثعالب مستوردة سوف يسهم في انقراضها، والتوازن البيئي حساس جداً، فقد تقضي هذه التعالب المستوردة على الضب، وفي هذه الحالة تكون الخسارة مضاعفة وخلخلة لتوازن الردع الاستراتيجي.

السلام عليكم

قبل اسبوعين تقريبا كنت طالع من البيت في الليل بالسياره و تفاجئت بقطو كبير و نحيف طالع من بيت واحد من الجيران اعتاد ان يترك باب الحوش مفتوح دائما .. شد انتباهي جسم هذا القطو وشكيت فيه ،، رجعت و نزلت بالسياره عن الشارع في البر و اكتشفت ان الي طلع هو ثعل .. ثعل قطر الاصلي .
و استغربت صراحه كيف تجرا هذا الثعل دخول حوش البيت .

يوم قريت الموضوع هذا خطر في بالي ممكن ان الثعاله المستورده زاحمت هذا الثعل في بيئته و اجبرته على تصرفات ماكان يجرء عليها سابقا

[حسن]

ياويلك من البيئه لوثورت عليه وعرفوك بيصادرون شوزنك وسيارتك وعزبتك وذا ماصادروك زين

[بوعلى 1]

تابعت جميع الردود وتعجبت كثيرا ! ايعقل ان هناك الكثير لا يرقب يهذة الثعالب ويريد التخلص منها بحجة او باخرى ومهما كانت هذة الحجج من هجوم هذة الثعالب على الدجاج اوالعزب او غيرة الا ترغبون بتواجد هذة الحيوانات في قطر لماذا ؟
بر قطر يحتاج لتواجد هذة الثعالب وغيرها من الحيوانات البرية فكم تطرب عندما تشاهد ارنب بري او ثعلب اوغيرة يقطع عليك الشارع او تراة بعينك في البر فقد مرت على قطر سنين لا ترا في البر سواى الضب فلا يكاد تراى شي يحترك في هذا البر من شمالة الى جنوبة نعم يجب ان تعود الحياة البرية في قطر ويجب ان يتقبلها الناس حتى لو كانت مستوردة !

[سعادة الوزير]

تابعت جميع الردود وتعجبت كثيرا ! ايعقل ان هناك الكثير لا يرقب يهذة الثعالب ويريد التخلص منها بحجة او باخرى ومهما كانت هذة الحجج من هجوم هذة الثعالب على الدجاج اوالعزب او غيرة الا ترغبون بتواجد هذة الحيوانات في قطر لماذا ؟
بر قطر يحتاج لتواجد هذة الثعالب وغيرها من الحيوانات البرية فكم تطرب عندما تشاهد ارنب بري او ثعلب اوغيرة يقطع عليك الشارع او تراة بعينك في البر فقد مرت على قطر سنين لا ترا في البر سواى الضب فلا يكاد تراى شي يحترك في هذا البر من شمالة الى جنوبة نعم يجب ان تعود الحياة البرية في قطر ويجب ان يتقبلها الناس حتى لو كانت مستوردة !

ومن قال لك ان هالنوع من الثعالب كان موجود في قطر؟؟؟ .. الثعلب الي كان في قطر (الي كنا نسميه الثعل) حجمة صغير كبر القطو ويمكن اصغر شوي بعد ، وعددهم كان محدود جداً ، يعني تمر عليك شهور ويالله تشوف لك واحد لانه مايقارب الناس خير شر ، وياكل اكثر شي الزواحف او اليرابيع والجراذي بس ،، اما الثعالب الي جايبينها الحبايب كل واحد تقول دوبرمان!!!

[ليث العرين]

المشكله مب الثعلب

المصيبه ان طبت عليكم هتفه والله عادي تسدح لها وزه وما يمديك تشوفها من السرعه!!

[455]

والله تصرف خاطء من البيئه هادين هالثعاله شكثرهم تصدقون في الليل شفت واحد يمشي بالكورنيش مكان المشاه وانا اقول شالقطو العود طلع ثعل وقطع الشارع والاشارات يعني استوى فلم هندي ، اخرتها بيسببون حوادث الله يستر، وواحد بعده او قبله بشهر شفته قاطع الشارع قدامي كنه قطو قريب المطار لو دعمته كان طلبوا تعويض البيئه ، وانا اشوف الارانب انقرضوا والحيوان اللطيف اللدعلي _القنفذ_ واليرابيع اللي تربع ماقمت تربع ايضا ودعوا ماقمنا نشوفهم والسبب هالثعاله مادري اذا الضبان انقرضوا ولالا ،والله يعينكم يااصحاب المزارع بس ماقلت لي انت مزرعتك اي صوب ؟
وترى انا اقصد الثعل الصغير مب الثعلب او الثعل اللي مستوردينهم البيئه لاني ماشفتهم وناس يقولون انهم كبار اكبر من الثعل يعني ثعلب ارجو الافادة؟
وسمعت ان الثعالب هذي من السودان مادري ؟
وبعدين اعتقد والله اعلم ان ثعالة الدوحه قاموا يشردون من بلاوي الثعالب المستوردة مثل اللي شفتهم موصلين الكورنيش وغيره والله يستر

[الصريحه]

الله يعينك

[رجل الجزيرة]

آخر مرة شفت الثعل جنوب العديد قبل دخول السعودية أراضينا في السبعينات كنا داخلين في الصبخة وحن وراه لين دخل غاره.

[بوخالد911]

عليييك بالشدااخة


تحياتي قبل اطلاق شدااخااتي

:)

[JN000N]

الثعلب مكار :p

[الحياة الخالدة]

السلام عليكم و رحمة الله ..


الله المستعان ..


و في النهاية .. يختفون ثعالب البلد الأصليين ..
و تحل محلهم الثعالب المستوردة ..
سياسة الاستيطان .. موجة و ماشية في البلد ..
تمشي على الإنسان .. و غيره ..
و المخرج عايز كده ..

[JN000N]

السلام عليكم و رحمة الله ..


الله المستعان ..


و في النهاية .. يختفون ثعالب البلد الأصليين ..
و تحل محلهم الثعالب المستوردة ..
سياسة الاستيطان .. موجة و ماشية في البلد ..
تمشي على الإنسان .. و غيره ..
و المخرج عايز كده ..

اليوم ثعالب اخاف باجر اوادم
:p

[السهم الشمالي]

يقول المثل أربط صبعك وكل بينعت لك إدوى .

والتجربه خير برهان

أنا صارت معاي نفس السالفه عندي عزبه جواله وجاء الثعلب مرة من المرات في الليل وخذ له طلي حديث الولادة من تحت الشبك لأن الشبك كان فيه فتحه بسيطة ولا إنتبهوا لها الرعيان إلا بعد ماغار الثعلب .

والحل أخي الفاضل جبت الله يعزك ويعز كل من يقرأ كلب خاص للحلال من عند واحد من عيال عمي جايبه من العراق وحطيته في العزبه ، وصارت الأمور أحسن ولاعاد شفنا الثعل .

والله يحفظ حلالك وحلال المسلمين .

[الدوحة قطر]

توني والله يالربع شفت واحد اشكبره وانا جاي من صوب محطة وقود ورايح صوب دوار خميس العبيدلي

[الحره]

والله ياخوي اذا اعتدو على حلالك ثور فيهم والحق معاك ان شاءالله

انا مستغربه ياكثر الثعالب في زروع السيليه شايفتهم بعيني بس كلابنا عزكم الله ماقصرو فيهم مرمشوهم

[ابو علاوي]

لاتعليق

[XXX]

اسمع كلام الشباب وثور فيهم

وشوف شبيسوون فيك

بتنسجن

وبيفتلون الثعالب

يوميا ريوق وغدا وعشا من عزبتك

[الريبال]

اليوم ثعالب اخاف باجر اوادم
:p

ليش لين الحين ماجابوا الأوادم ؟؟ :secret:


اسمع كلام الشباب وثور فيهم

وشوف شبيسوون فيك

بتنسجن

وبيفتلون الثعالب

يوميا ريوق وغدا وعشا من عزبتك

كلامك صحيح


الحل بسيط هات لك شداخات وصيدهم وبيع لحمهم تراه دوا من الربو :omg: بس بعد حاسب لاتنسجن :)

بس هالثعالة الحمر ثعالة غابات ماهي ثعالة برّان وصحاري !!!!

[vtc_4.8]

ضوى اخر ثعلب شفته قبل اسبوعين صوب بيوت بروه الي في بوهامور

توني والله يالربع شفت واحد اشكبره وانا جاي من صوب محطة وقود ورايح صوب دوار خميس العبيدلي


هذا صوب بيتنا :eek5:
هههههههه كنت بكتب نفس الشي فعلا والله انا شايفه من زمان ومنخش ورا الطوفه اقرب منه يشرد

بس شي عجيب يوم الواحد يشوف مثل هالاشياء في قطر

[جغرافي قطر]

بعد قراءة كل الاراء

لقيت لي شي اسويه هالويك اند

هههههههههههههههههههههه

جاري تجهيز الشوزن

واللي فيها فيها

[منصوربن حمد]

عليك بالسم على قطعة لحم