كيف استطيع التخلص من القشره (قشرة الرأس)

[احمد1]

السلام عليكم اخواني واخواتي اتمنى يكون الموضوع واضح واتمنى من كل الي عنده معلومه او تجربه في التخلص من القشره يساعدنا وشكرا

[kooool]

السدر

[صدى الحق]

السلام عليكم ورحمة الله وبركاته

قبل كل شي لازم تتأكد من نوع فروة الراس ، وبعد ذلك تستخدم العلاج المناسب مع مراعاة عدم تغطية الشعر لفترات طويله .
ومشكلتنا الاساسيه اهي عدم الاستمراريه في العلاج بمجرد ما تخف القشره نعتقد انها راحت :)

وهذا اعتقاد خاطئ والله أعلم .

[العقل الحر]

وانا مثلك

ولكن كنت اشوف البرنامج اطباء على الام بي سي وقال الطبيب القشرة والجلد مرتبطين بعض يعني اذا شخص فيه قشرة لازم بشرته فيها ايضا واغلبهم لا يعلم !!

[× الجــوري ×]

عن تجربه اخوي خذ ملعقتين زيت زيتون مع ملعقه خل ودلك فيها فروه الراس وبعدها اغسله بسدر او بشامبو عادي :victory: واعيلي

[ام شوشي]

السلام عليكم ورحمة الله وبركاتة

اخي الكريم القشرة علاجها سهل بأذن الله ولكن لابد ان يوجد عندك قليل من الصبر .......

اول شي شوف شنو نوعية شعرك هل دهني ام عادي ام جاف هل مصاحب لة حكة بمعنى يمكن

يكون مع القشرة اكزيما يعني في البداية افحص شعرك جيدا ومن ثم اتبع الخطوات التالية

اذا ثبت انة لايوجد معاك اكزيما فقط قشرة في الاسبوع الاول استخدم قليل من نقط الليمون مع الخل

واعمل مساج لفروة الراس واتركة لمدة ربع ساعة واغسلة جيدا وكرر العملية في الاسبوعين

الاوليين مرتين في كل اسبوع وبعد ذلك مرة في الاسبوع الى ان تنتهي منك القشرة

واهم شي انة المشط يتعقم بأستمرارحتى لاتنتقل اليك العدوى مرة اخرى

وبا التوووووفيق

[كركم]

:nice:
عن تجربه اخوي خذ ملعقتين زيت زيتون مع ملعقه خل ودلك فيها فروه الراس وبعدها اغسله بسدر او بشامبو عادي :victory: واعيلي

هذا الكلام المظبوط...وهالوصفة مالها تأثيرات جانبية يعني اذا ما فدتك ما بتضرك

[طارق]

السلام عليكم ورحمة الله وبركاتة

اخي الكريم القشرة علاجها سهل بأذن الله ولكن لابد ان يوجد عندك قليل من الصبر .......

اول شي شوف شنو نوعية شعرك هل دهني ام عادي ام جاف هل مصاحب لة حكة بمعنى يمكن

يكون مع القشرة اكزيما يعني في البداية افحص شعرك جيدا ومن ثم اتبع الخطوات التالية

اذا ثبت انة لايوجد معاك اكزيما فقط قشرة في الاسبوع الاول استخدم قليل من نقط الليمون مع الخل

واعمل مساج لفروة الراس واتركة لمدة ربع ساعة واغسلة جيدا وكرر العملية في الاسبوعين

الاوليين مرتين في كل اسبوع وبعد ذلك مرة في الاسبوع الى ان تنتهي منك القشرة

واهم شي انة المشط يتعقم بأستمرارحتى لاتنتقل اليك العدوى مرة اخرى

وبا التوووووفيق


انا مؤيد لهذه المشاركه

[وبشرالصابرين]

السلام عليكم
اخوي انا باقولك طريقتي الي انا استخدمها بس هاذي مدتها اسبوع بعدين ترجع تكررها مرة ثانية :
عقب ما تتسبح سبوحك العادي وتغسل شعرك بالشامبو اللي تبي وقبل لا تطلع من الحمام (الله يكرمكم ) تشطف شعرك الشطفة الأخيرة وهي عبارة عن مقدار من الخل (اي خل في الجمعية ) وتخلطه مع ماي في ابريق وتصبه على شعرك شوي شوي وتخليه تقريباً دقيقتين او ثلاث أو حتى خمس مافي مشكلة ويعدين تغسله بالمادي عادي وتنشفه وتطلع .
انا اذا سويتها تقعدلي تقريباً اسبوع لاحكة في راسي ولا يحزنون
والله يشافينا انشالله

[فتك العديد]

شامبو نيزورال الوردي

او شامبو سيلسون الازرق وبس

[خليفـة]

مرحبا اخوي
شوف يالغالي
من واقع تجربه قام بها أحد الاقارب امامي :

روح لأي صيدلية .. واطلب من البائع دواء اسمه : Hedrin solution
بتدعي لي ان شاء الله
كيفية استخدامة سهلة للغاية :
هو عبارة عن مادة سائلة مثل الزيت بالضبط .. تحط كمية مناسبة على يدك وتفرك شعرك راسك في حتى تصل لجلدة الرأس .
وتخليه لمدة تتراوح بين الساعه والساعة ونص .
وبعدها روح امام المنظرة وشوف البلاوي الي بتكون طلعت على الشعر من قشرة وغيرها .
وبعد ذلك تروح تاخذ شاور حتى تتخلص من الدواء والقشرة الي طلعت على شعر راسك .

الاستخدم مرة واحده فقط في الاسبوع

بالتوفيق اخوي وربي يعافيك ويعافي كل المسلمين ان شاء الله

[khaleeji]

ماتم شي ماجربته

ولكن الحل هو الخل مغطاه واحده في قلاص ماي صبه على راسك بعد شطف الشامبوا ونشفه

جرب وبتدعيلي

[بوحارب]

انا والقشرة قصتنا مثل شمس وقمر:(

[بنت سيف]

راجع .. طبيب أمراض جلدية ..

وتأكد من خلو ما وراء الأذنين من الغدد الدهنية ..

علاج الغدد الدهنية .. ينهي مشكلة القشرة في الرأس ..

[الغلا]

ولي فيه صدفيه وشو الحل

[حقيقه]

الحنا

احسن حل للقشره

بس اذا فيك حساسيه بالجلد او مرض جلدي يمكن تحسس منها

والبيره

يمدحونها للقشره اغسل شعرك فيها وخله اشوي

بس انا مالي شغل اذا صادك شيء لاسمح الله من البيره هههههههههههههههههههههههههههه

[بنت ابوها 19]

اول سبب للقشره هو الماي الساخن

ابعد عنه

[فيصـــل]

عليك بشامبو كلير ضد القشره بكافة انواعه ..

ماشاء الله ممتاز ومضمون باذن الله

لكن حط في بالك ان الماي الساخن من اهم اسباب القشره, فحاول انك تبعد عنه

[Salman911]

او شامبو سيلسون الازرق وبس

من سنين مرت فتره طلعت لي قشرة
استعملت هالشمبو لين راح
اسمه بالانجليزي selsun blue

[استغفرالله]

امسح فروة رأسك بخل قبل لا تتسبح

وزيت الناريل زين بعد

[مهره]

راجع دكتور جلدي ابرك واحسن واضمن

[احمد1]

عليك بشامبو كلير ضد القشره بكافة انواعه ..

ماشاء الله ممتاز ومضمون باذن الله

لكن حط في بالك ان الماي الساخن من اهم اسباب القشره, فحاول انك تبعد عنه

تسلم الشيخ على النصيحه بس خذها من اخو لا تقرب شامبو كلير اسألني جربته وايد وسوا لي مضاعفات تراه ييبس القشره الي بالرأس وبعد فتره تحس بضسق من المسامات الي سكرها احس ان المواد الكميائيه وايد فيه وحتى الهيدانشولدرز ابعد عنه

[احمد1]

مشكورين الكل والله ماقصرتو بالردود الجميله والتجارب المفيده الله يجزاكم خير عليها وان شاء الله تفيدني وتفيد غيري من اعضاء المنتدى وغيرهم وبخصوص زيت الزيتون والخل جا في وقته لان توه جايني من سوريا زيت زيتون معصور على البارد عاد لا تسألوني وشو بس يمدحونه وعندي منه 20 لتر والحمدلله وببتدي في طريقة الخل والزيت زيتون و بعدين بشوف النتيجه وبعدها بجرب الخل بروحه وحاول اجرب كل مره طريقه من الي نصحتوني فيها والله يسهل عليكم كل صعب ياربي وشكرا

[الصحراء]

الله اعلم ان الي عندك صدفيه وهي للاسف مالها علاج ومرض مزمن لكن يمكن مع الوقت الواحد يشفى منه بإذن الله وممكن ايضاً تكون هناك اعشاب تشفي من هذا المرض لكن بشكل عام مثل ما قلت لك ليس هناك علاج يقضي على هذا المرض تماماً ونرجو اذا نفعت معك النصائح المذكورة ان تخبرنا ايش الي صار معك

[احمد1]

بصراحه اعتقد من الي اشوفه انها مب صدفيه هي قشره بس مزمنه ويوم استخدم الشامبوهات الي ضد القشره تنشف شعري من قلب فما انصح حد يستعملها استعملو الشامبوهات العاديه بس بسوي طريقة الشباب وان شاء الله بقول لكم وش صار معاي وشكرا

[الصريحه]

قليل من الخل في لتر ماي بعد ماتتسبح يكون اخر شيء على شعرك
وانشاءالله يروح

[احمد1]

مشكورين على المرور وافادتنا بالمعلومات المفيده الله يجعله في ميزان حسناتكم

[شاهيناز]

لاتستخدم الحامض او الخل في غسل شعرك لانها مع الايام يسبب قشره تلصق في فروه الراس وهذي اخطر القشرات تسبب في سقوط الشعر

روح لدكتور يحدد نوع القشره واذا عطاك الشامبو

لاتسخدمه كل مره بين كل 3 غسلات لشعر استخدمه مره

يعني لو في الاسبوع تغسل راسك 4 مرات
المره الرابعه تكون بشامبو القشره مع الايام بيقل

بس في طريقه ثانيه للنساء مب لرجال
حمامات الزيت الي في الصالون مع البخار تقضي على القشره

[الصحراء]

ايش الي صار معك نفع معك شئ

[بـــــــنت النوخـّــــذه]

السلام عليكم اخواني واخواتي اتمنى يكون الموضوع واضح واتمنى من كل الي عنده معلومه او تجربه في التخلص من القشره يساعدنا وشكرا

خل التفاح00 معروف

[احمد1]

السلام عليكم مشكورين لمشاركتكم بالافكار المفيده الي صار معاي اني استخدمت الخل فتره ولكن صدق كلام الاخت شياهنياز بان القشره تلصق حتى كريم برلكريم الاخضر القديم استعملت له بعد ترد القشره حتى لا غسلت شعري كم مره باليوم يصيده جفاف وترد القشره اذا خليته شوي يزيت وترد القشره بصراحه مرات احط زيت زيتون واخليه كم ساعه وبعدين اغسله هذا الي اسوييه الحين وشكرا

[عزيزوف]

مرحبا اخوي
شوف يالغالي
من واقع تجربه قام بها أحد الاقارب امامي :

روح لأي صيدلية .. واطلب من البائع دواء اسمه : Hedrin solution
بتدعي لي ان شاء الله
كيفية استخدامة سهلة للغاية :
هو عبارة عن مادة سائلة مثل الزيت بالضبط .. تحط كمية مناسبة على يدك وتفرك شعرك راسك في حتى تصل لجلدة الرأس .
وتخليه لمدة تتراوح بين الساعه والساعة ونص .
وبعدها روح امام المنظرة وشوف البلاوي الي بتكون طلعت على الشعر من قشرة وغيرها .
وبعد ذلك تروح تاخذ شاور حتى تتخلص من الدواء والقشرة الي طلعت على شعر راسك .

الاستخدم مرة واحده فقط في الاسبوع

بالتوفيق اخوي وربي يعافيك ويعافي كل المسلمين ان شاء الله

انا بجربه وانشاءالله يفيدني

[شاهيناز]

الحمدلله اخي احمد التجربه اثبتت لك ان الحامض والخل يسبب اخطر قشره الي تلصق في فروه الراس وتسبب سقوط الشعر

جذيه دوم ينصح بعد استخدمهم
اهم شئ تروح لدكتور واخذ الشامبو الي يناسبك

حمامات الزيت وايد تفيد الشعر

[احمد1]

جربت كل هذا ما نفع وابشركم الي عندي قشره مو اكزيما

[do7ani]

الله يعينك نفس حالتي
انا ويهي كله قام يتقشر غديت كني حيه
ولا في فايده ماخليت شي ماجربته

[jeep-srt8]

شامبو نيزورال الوردي

او شامبو سيلسون الازرق وبس

بالظبط ..عندي منه ممتاااااااااااااز

نيزورال عانيت معاه اذا تركته كان تزيد الحكة والقشرة ومافي نتيجه الا الاستمرارية معاه وبعد ماكان متوفر دايماً بالصيدليات

اما الازرق ناسي اسمه استعملته كم مرة ومن شهرين يمكن ولليوم الحمدلله مرتاااااح

[(رمز المحبه)]

انا اذكر كان يطيح من راسي طحين مب قشر وبس

المهم اشتريت شامبوو الزنجبيل ضد القشره من بودي شوب ( ممتاز ) من استخدمته والقشره مختفيه بشكل كامل .. بس عيبه انه شعره تحسه خشن ويابس لانه ينشف الشعر وفروة الراس بشكل كبير المهم وثاني يوم بتلمس شعرك رد طبيعي لنعومته

والاهم من هذا كله . . تتسبح بماي حار والجوو بارد يعني مو قشره وبس الا يصير راسك طحين

معناته لازم ترتب الماي على حسب الجوو دافي شوي او فاتر لا بارد ولا حار في الجوو البارد

وجرب هذا الشامبووو قسم بالله عجيب مشى معاي أي وفيه بلسم للشعر في نفس بودي شوب بس مادري ليه ما حبيته

وان شاء الله اكون أفدتك

[: بوحمود :]

حلق قرعه وعطها يومين غسيل ع الناشف بدون شامبو ماي بارد بس في الليل ادهن بزيت زيتون يومين بس وشوف النتيجهnice:

[لافوشيا]

عن تجربه يمكن تكون صعبه عليك من ناحيه التطبيق الا وهي:

بصل وثوم مفروووم جيدا وحطه على راسك وغطيه بكيس نايلون وخليه نص ساعه وعقب اغسل شعرك بالشامبو عادي ........ وادعي لي دعوه حلوه

وبشرنا بالنتيجه

[شويهينــه]

http://www.comparestoreprices.co.uk/images/mi/miscellaneous-sebamed-anti-dandruff-shampoo-200ml.jpg

ممتاز وعن تجربه