هروب الأيدي العامله

[بومحمد55]

كثير مانسمع عن هروب الخدم ،،، أتمنى تثبيت هذه الصفحه للي عنه خدامه هاربه أو سائق

بأنه يحط أعلان عن الخدامه أو السائق أو غيرهم.....

1) صورة الخادمه
2) جنسيته
3) وقت هروبه
4) مواصفاته
5) طريقة التواصل مع الكفيل في حاله العثور على الخادمه أو السائق

مجرد أقتراح

[الصريحه]

فيه محل في شارع الشافي يقولون ياوي اليه الكثير من الهاربين خصوصا من الدريوليه
وكلامك في محله

[ام شوشي]

فكرة حلوة تشكر عليها اخوي بومحمد

[بومحمد55]

أشكركم على مروركم

وكان في بيت في اللقطه لمقيمه عربيه تاخذ الخدم وتشغلهم على نظام الساعات

[فتى الجود]

الشرطة عاجبه اللى يصير وهذا الموضوع أعتقد ان وزير الداخلية هو المسؤل الأول عن اللى يصير

بس متى بيحركون ساكن

أعتقد أذا طحنا في مصيبة وأكتشفوا ان العمالة الهاربة هى السبب

[hamoor4ever]

ابشرك ولا بيتحركون كونهم يخافون من هالدول ويخافون على مواطنينهم

[wadha-qa]

والله ما دام ان القانون ما ينصف المواطن و لا يحمل هالعماله اي مسئوليه عند هروبهم كل المواضيع و الكلام اللي نقوله ما له اي معنى ..

يعني معقوله الشرطه عاجزه عن ايجاد الاماكن اللي تأوي اليها هالعماله الضاله حسبي الله عليهم ؟

ومحد خسران في هالقصه كلها الا الكفيل المسكين الابعاد ما عندهم الا اوامر ادفع و طلع له تذكره عشان يرد بلاده وهو اصلا منحاش له سنتين و مجمع فلوس ما يندرى من وين المفروض كل شخص يهرب من كفيله يدفع غرامه و تذاكر رجوعه لبلاده عليه

[مبارك سعد]

فكره جيده وياريت نتعاون عليها ويتم تطبيقها وتفعيلها :nice:

[بومحمد55]

الشرطة عاجبه اللى يصير وهذا الموضوع أعتقد ان وزير الداخلية هو المسؤل الأول عن اللى يصير

بس متى بيحركون ساكن

أعتقد أذا طحنا في مصيبة وأكتشفوا ان العمالة الهاربة هى السبب

أخوي فتى الجود الوزير هو المسؤال الأول بس بعد أحنا مسؤلين عن هالقضيه
لأن معظم المواطنين يشغلون العماله عندها مع أنهم على علم بهروبهم

[بومحمد55]

ابشرك ولا بيتحركون كونهم يخافون من هالدول ويخافون على مواطنينهم

أخوي القانون ييمشي عليهم غصباً عنهم

[بومحمد55]

فكره جيده وياريت نتعاون عليها ويتم تطبيقها وتفعيلها :nice:

أتمنى ذالك

[tawareq]

فكرة جيدة

وعندي سواق شارد قبل العيد بكم يوم بالضبط تاريخ 1-9-1010

ان شاءالله باحط التفاصيل مع الصور

[بومحمد55]

فكرة جيدة

وعندي سواق شارد قبل العيد بكم يوم بالضبط تاريخ 1-9-1010

ان شاءالله باحط التفاصيل مع الصور

بالنتظار التفاصيل وأذا عندك رقم جواله أو جوال حد من ربعه أعرضه مع التفاصيل

وشكراً على مرورك

[موضي قطر]

أحس قضية هروب العمالة المنزلية مسلسل مكسيكي طويييييييييييييييييييييييييييييييييييييييل

[بومحمد55]

أحس قضية هروب العمالة المنزلية مسلسل مكسيكي طويييييييييييييييييييييييييييييييييييييييل

أختي موضي اولاً شكراً على مرورج
وبالنسبه للمسلسل صح هو مسلسل مكسيكي بس كل مسلسل وله نهايه حتى لو طال

[بومحمد55]

شكراً على مرورك وتأييدك للموضوع

[alihassanali]

قضية هروب العمالة

موضوع كبير ومعقد فهناك هروب الخدم والخادمات وعمال الشركات

اطالب الاعضاء بتأييد تثبيت الموضوع

بشرط ان تكون المشاركات للابلاغ عن الهاربين وتدوين بياناتهم

واقترح اضافة

( الاسم والرقم الشخصي ، أورقم التاشيرة ان وجد ، وكذلك المكان الذي يعمل فيه )

في الاعلان

[latty]

فيه محل في شارع الشافي يقولون ياوي اليه الكثير من الهاربين خصوصا من الدريوليه
وكلامك في محله

بلغي عليه يااختي وبسرعه حسبي الله عليهم

انا احضرت من مكتب بشارع الشافي خادمه وهذا المكتب له فرع بالعلي المهم كملت ثلاث شهور قلت لها تبين تشتغلين عندنا قالت ايه قلت الحين بنسوي الاقامه ترى مشكله ان سوينا الاقامه وترددتي مشكله عليج وعلينا

قالت لا ماما كل شي اوكي

المهم عيدنا وعطيتها 500 عيديه بالفرحه معها مثل باقي الخدامات عندي

المهم بعد العيد صارت تغار من خدامه قديمه عندنا وتتصل ببلادها وتقول لامها روحي حق الشيخ خليه يخلصني من فلانه خدامتنا القديمه وكل يوم من هالموال والقديمه تبكي الا ماتت وهي تشوف المصايب تنهال عليها

المهم قلت بردها للمكتب المكتب قال لنا سويتوا الاقامه قلت اوكي مسؤوليتك وين قال لا عقد ولا شي معي ايش اسوي الا اني حجزت لها تذكره بالف وتسع مائه وتسعين على الاماراتيه وحطيت بيدها 500 ريال لانها مااشتغلت الا عشرين يوم بعد رمضان وسفرتها وانا اضحك

المكتب ماعطاني اي عقد وبعدين ايش فائدة العقد ما دام ما يحميني

الصراحه كل اللي يصير فينا يبي تدخل حماية حقوق الانسان ضد هالمكاتب وضد ادارة العمل نفسها

:anger3:

[latty]

قضية هروب العمالة

موضوع كبير ومعقد فهناك هروب الخدم والخادمات وعمال الشركات

اطالب الاعضاء بتأييد تثبيت الموضوع

بشرط ان تكون المشاركات للابلاغ عن الهاربين وتدوين بياناتهم

واقترح اضافة

( الاسم والرقم الشخصي ، أورقم التاشيرة ان وجد ، وكذلك المكان الذي يعمل فيه )

في الاعلان


بيت عمي هارب منهم خادم طباخ من سنتين فيه فيروس الكبد الوبائي بي المعدي جدا ولين يومكم مالقوه

على فكره اللولو هيبر الكبير بالهلال قد شغل دريول هارب لنا اربع شهور لحد ما سافر واعترف لي السايق بذلك

ياناس نبي وقفه وواجد الموقع اللي هو لسان القطر ان يثبت الموضوع ويرسله اميلات لعل وعسى يصل اكبر شريحه من المشاركين

[latty]

أشكركم على مروركم

وكان في بيت في اللقطه لمقيمه عربيه تاخذ الخدم وتشغلهم على نظام الساعات

ثرووووه ولي موضوع كاتبه عن هالشي لكن من اللي بيهتم ياليت يتم التبليغ عليها

[latty]

أخوي فتى الجود الوزير هو المسؤال الأول بس بعد أحنا مسؤلين عن هالقضيه
لأن معظم المواطنين يشغلون العماله عندها مع أنهم على علم بهروبهم

المواطنين مايسوون كذا لان هذه خيانه الا المقيم هو اللي يسوي كذا اعرف كان فيه مغاول بناء اشتغل ببيتنا كل يوم له عمال شكل وبالاخير تم حبسه ورفع قضيه بسسبب ديونه وسافر للاردن ولين الحين مارد جعله مايرد

[بومحمد55]

والله أتمنى أن الكل يتفاعل ويحط صور اللي يهربون لأن يمكن نروح مكان مثل زوون سنتر

أو الحدائق أو السوق وخاصه يوم الجمعه ونشوفهم ونقدر نبلغ عنهم الشرطه أو الكفيل

اللي حاط رقمه معانا للتواصل

[بومحمد55]

أختي latty بعض المواطنين يسونها ...

لأن في مواطن عنده بيت بس غير مسكون وكان حاط نيبالي ناطور وأكتشفنا بعد فتره أن الناطور

هارب من كفيله وتم القبض عليه وتغريم صاحب البيت مبلغ وقدره .