المساعد الشخصي الرقمي

مشاهدة النسخة كاملة : :::...الرزة...الكشخة...النشا...: والروج الوردي :...:::...احم


The Master
25-09-2010, 10:42 PM
احم احم...ثم احم...



حيالله بني جنسي...



كنا قبل...

الغترة ذااااااااابلة...والثوب امعفس صار له اسبوع ما انغسل...مكتوت عليه كرك وبيبسي...
وقليل من اتشوفه بالنظارة الشمسيه...الماركه...قبل...اقرب ماله دكان موسى...ونظارة ام 5 ريال...لا واتخب عليه...احم




الحين صرنا...



االغترة تنغسل كل يوم...واوتي ونشا...والثوب ان جاته نقطه اغسله وجيب غيره...والقلم والازرار والساعة لازم طقم...وغير النظارة...اذا ما اتبط العين ولا ماتنفع...
والعطر ينشم من كيلو...لا ويقعد لين اخر الدوام...كيف ماتدري...


طيب...وش سبب هالتغيير...المفاجئ...هل هي قوانين حكومية؟؟؟...ام تشريعات قضائية؟؟؟


اتوقع سبب اكبر من هذا وذاك...



السبب هو تواجد " الروج الوردي...العطر المشمشي...صوت الكعب الموسيقي..."


بنات حوا...


فا من عقب ما صار الخلط...
والعالم متغيرة...الكل قام يكشج...ويترزز...وورا الماركات...والاشيا اللي اتلامع...


وانا بالنسبة لي من هالناحية اشوفه شي ايجابي...ان العالم اتزين...واتحافظ على شكلها...ونظافتها..."ان الله جميل يحب الجمال"




طيب...


سؤالي الحين...لكم...لبني جنسي...طوال الشوارب..."واللي ماله شنب...مب مشكله...احم"

وابغي الاجابة الصريحة...


هل اتشوفون ان تواجد المرأة في العمل بينا حنا يالرجال شي ايجابي ولا سلبي؟؟!!


يعني
هل بتواجدها بيزيد الانتاج في العمل والشغل بيخلص بسرعه...؟؟؟

هل بتواجدها بتكون لنا رغبة اكثر في العمل...ومايكون غياب علينا كثير مقارنة بعدم وجودها...؟؟؟

هل بتواجدها بيكون في العمل متعة اكثر...وتشويق...؟



هالاسألة عشان اتسهل عليكم فكرة السؤال...
ولكم حرية الاجابه...او اتجيبون افكار من عندكم...ايجابية كانت او سلبيه...


ومثل ماقلنا الردود محصورة للرجال...
لكن من كان من النساء عنده وجهة نظر...يامرحبا ابها...فا هذا لايمنع...

وننتظركم...
ام شوشي
25-09-2010, 10:58 PM
سؤال يعني الرجال الحين مايكشخ الا للمرأة يعني مايكشخ لنفسة مجرد سؤال :omg::secret:
طلعة الروح
25-09-2010, 11:08 PM
ما اعتقد انه الرجال يكشخ عشان المرأة....
اكيد اللي يحب الكشخه راح يكشخ واللي مايحبها ومايهتم لها ماراح يكشخ...
والسالفه تراكميه وتعتمد على نفسية الشخص ومدى اقباله على التأنق...
فمثلا واحد تشوفه طول السنة كاشخ ومتزقرت وواحد مايكشخ غير ايام العيد...
وكشخة الريايل معروفه وكذلك الامر بالنسبة للبنات....
بالنسبة لي يهمني ان يكون الرجال شكله مرتب بكل شي ومب شرط يكون لابس ماركه من ريله لي راسه عشان يطلع كاشخ بعيون الناس
السر في الترتيب والنظافه وهذي كشخة الرجل بنظري...
The Master
25-09-2010, 11:10 PM
سؤال يعني الرجال الحين مايكشخ الا للمرأة يعني مايكشخ لنفسة مجرد سؤال :omg::secret:

سؤال جدا وجيه...وترتيب...

الا يكشخ...
بس صارت تغيرات وتصرفات...خلت الواحد يقول هالكلام انه صحيح...

فا انا انتظر اراء الشوارب...
The Master
25-09-2010, 11:14 PM
ما اعتقد انه الرجال يكشخ عشان المرأة....
اكيد اللي يحب الكشخه راح يكشخ واللي مايحبها ومايهتم لها ماراح يكشخ...
والسالفه تراكميه وتعتمد على نفسية الشخص ومدى اقباله على التأنق...
فمثلا واحد تشوفه طول السنة كاشخ ومتزقرت وواحد مايكشخ غير ايام العيد...
وكشخة الريايل معروفه وكذلك الامر بالنسبة للبنات....
بالنسبة لي يهمني ان يكون الرجال شكله مرتب بكل شي ومب شرط يكون لابس ماركه من ريله لي راسه عشان يطلع كاشخ بعيون الناس
السر في الترتيب والنظافه وهذي كشخة الرجل بنظري...

كلامك عاقل...ومنطقي...
لكن مب واقعي...

يعني...على سبيل المثال...

روحي اي دائرة حكومية...او مكان عمل...

المكان اللي مافيه نسوان...تلقين الشباب مب مهتمين واجد بالكشخه...ولا بالرزة...

لكن تعالي لمكان فيه نسوان...
تلقين اغلبهم ان ماكان الكل كاشخ...لا ويهتمون بالكبيرة والصغيرة...ولازم كل شي مرتب...وعدل..."ها طالعتني ولا لا...احم"


هذا اللي عندي...روحي وشوفي...ولك الحكم...
الوعد2016
25-09-2010, 11:20 PM
كلنا يغني على هواه
زمان اول الامكانيات والى ظروف صعبه
حاليا والحمدالله في نعمه ورخا
وكلنا يكشخ ويمد الحافه على قد ارجوله
ولا اعتقد انني او الكثير يكشح من اجل امراه(مع انها تستحق ذالك)
ولكن عندما تكش المراه هل نقلول من اجل الرجل
طبعا لا فالنساء يتنافسوا على الزينه والمظهر الحسن
اما الان فاصحبت الوظائف الاداريه للنساء وبقوه وبعضهم يشرفنا بن تكون فيها والبعض للاسف تحضر بزينه زواج والعياذ بالله حتى انك تتقرف من المراجعه او العمل في قسمها
وياليت نرجع الى ايم اول ويكون بيننا وبينهم حواجز قويه وفي نفس العمل لا نمانع من وجودهم
الكل له اخت وبنت عم ولو الكل يخاف على بنات لا بد ان يخاف على بنات الناس
وهذا الكلام موجه للمسؤولين عن الموظفات وعليه العدل وتطبيق النظام والنصح
The Master
25-09-2010, 11:25 PM
كلنا يغني على هواه
زمان اول الامكانيات والى ظروف صعبه
حاليا والحمدالله في نعمه ورخا
وكلنا يكشخ ويمد الحافه على قد ارجوله
ولا اعتقد انني او الكثير يكشح من اجل امراه(مع انها تستحق ذالك)
ولكن عندما تكش المراه هل نقلول من اجل الرجل
طبعا لا فالنساء يتنافسوا على الزينه والمظهر الحسن
اما الان فاصحبت الوظائف الاداريه للنساء وبقوه وبعضهم يشرفنا بن تكون فيها والبعض للاسف تحضر بزينه زواج والعياذ بالله حتى انك تتقرف من المراجعه او العمل في قسمها
وياليت نرجع الى ايم اول ويكون بيننا وبينهم حواجز قويه وفي نفس العمل لا نمانع من وجودهم
الكل له اخت وبنت عم ولو الكل يخاف على بنات لا بد ان يخاف على بنات الناس
وهذا الكلام موجه للمسؤولين عن الموظفات وعليه العدل وتطبيق النظام والنصح

هلا فيك اخوي...ردك جميل...وراقي...

وهل في الامكان الاجابة علي الاسأله اللي طرحتها في ذيل الموضوع...
ولك الشكر...
تبتلشٍ
25-09-2010, 11:26 PM
اعتقد بوحارب عنده الجواب
موضي قطر
25-09-2010, 11:28 PM
اللي يتزقرت وبتنظف ويكون حسن المنظر لنفسه وبالتالي ينعكس على اللي معاه في الدوام

سواء بنات ولا شباب لأن المظهر هو ( الموحي لنا لتكوين نظرتنا الأولية عن هذا الشخص )
ام شوشي
25-09-2010, 11:28 PM
كلنا يغني على هواه
زمان اول الامكانيات والى ظروف صعبه
حاليا والحمدالله في نعمه ورخا
وكلنا يكشخ ويمد الحافه على قد ارجوله
ولا اعتقد انني او الكثير يكشح من اجل امراه(مع انها تستحق ذالك)
ولكن عندما تكش المراه هل نقلول من اجل الرجل
طبعا لا فالنساء يتنافسوا على الزينه والمظهر الحسن
اما الان فاصحبت الوظائف الاداريه للنساء وبقوه وبعضهم يشرفنا بن تكون فيها والبعض للاسف تحضر بزينه زواج والعياذ بالله حتى انك تتقرف من المراجعه او العمل في قسمها
وياليت نرجع الى ايم اول ويكون بيننا وبينهم حواجز قويه وفي نفس العمل لا نمانع من وجودهم
الكل له اخت وبنت عم ولو الكل يخاف على بنات لا بد ان يخاف على بنات الناس
وهذا الكلام موجه للمسؤولين عن الموظفات وعليه العدل وتطبيق النظام والنصح

واللة كفو عليك يا الرجاجيل بشرواك يا بلا
The Master
25-09-2010, 11:35 PM
اعتقد بوحارب عنده الجواب

ننتظر بوحارب...
The Master
25-09-2010, 11:44 PM
اللي يتزقرت وبتنظف ويكون حسن المنظر لنفسه وبالتالي ينعكس على اللي معاه في الدوام

سواء بنات ولا شباب لأن المظهر هو ( الموحي لنا لتكوين نظرتنا الأولية عن هذا الشخص )

اكيد...وهذا هو الصحيح...والنظافة من الايمان...

وكذلك...نظرية النظرة الاولى مستحيل تتغير...

وانا احب الكشخة...والرزة...واللباس الجميل...

لكن لما انا تكلمت قصدت فئات في المجتمع تغيرت...ومن عقب الثياب الغير مرتبه...صارت تكشخ...واتزكرت...
قلنا جاهم خير...ويستاهلون...لكن تبين لنا نظرتهم غير...واسبابهم غير...
وهم قطر
25-09-2010, 11:48 PM
انا اشوف الواحد يهتم في مظهره سواء كان في قسمه مختلط أو فقط رجال

في ناس معقدين مثل حلاتي دايما اشكك بأن الثوب معفس أو الغتره أمر بسرعه على الدوبي على طريقي

في اشخاص صحيح مثل ماذكرتهم عشان الحريم قليل ولكن البعض يرى اصدقاءه كاشخين اكيد بيكشخ ولا بيستوي فضولي بينهم

في شغلي كامل مافي حريم ولا تمر عباءه ولا على الشارع برا

نكشخ حدنا اغلا الساعات والاطقم ودهن العود نتسبح به الكشخه حلوه ولا لنا فيها مقصد
هداف
26-09-2010, 12:02 AM
عزيزي الماستر

ابشرك وابشر غيرك اني انا وغيري كثير من الرجال في قطر حصل لنا الشغل معا اخواتنا
النساء في اكثر من محفل وفي اكثر من مكان كانوا البنات من كل الجنسيات العربيه
فيهم الزين والشين ويشهددددددددددد الله ما تغيرت اشكالنا ولا طلعنا بنيو لوك على قولتهم !
ولا غيرنا نسفتنا للغتره !!
ولا تيبسنا من النشاااااااااااا والكشخه يجيك الواحد منهم ما يعرف يلتفت من كثر ماهو متكومل
وحالته لله كنه امدقي امخشب على سماده الله يعزكم لا عزيزي الماستر نظافتنا ونظافة مظهرنا
الطبيعي من الاسلام اولا ومن عوايد كل انسان سوي ,, اللهم لك الحمد ما اذكر اني مارست
هذه الطقوس اللي يمارسها بعض المهزوزين من الرجال خصوصا امام النساء في العمل !!
وابشرررررررررررك ان رزتنا احسن منهم بعدددددد من غير تكلف ولا تيبس ولا تلحس شفايف
كل خمس دقايق ههههههههههههههههههه اللهم لا شماته

لي وجه واااااااااااحد يعرفوني فيه العرب ما سويت وجهي حقل تجارب مثل كثير من اللي نشوفهم
ها الايام الله يهديهم !! وخصوصا ربعنا اللي تعدو الــ 37 وصاروا مراهقين وأول مظاهر
المراهقه الشنب واللحيه زيروووووو في زبالة الحلاق سحقاااااااااا لذيك الشيفه المخوضره
اللي ما قبلها ربي :)
butterfly qatar
26-09-2010, 12:05 AM
مب شرط هو يتكشخ عشانها وهي تتكشخ عشانه

انا في جامعة قطر والله البنات مافي اكشخ منهم والجامعه مب خلط

ونفس الشي عند الشباب يروحون مرتبين وكاشخين مب شرط يعني انه كل واحد يكشخ عشان الثاني
الوعد2016
26-09-2010, 12:09 AM
هلا فيك اخوي...ردك جميل...وراقي...

وهل في الامكان الاجابة علي الاسأله اللي طرحتها في ذيل الموضوع...
ولك الشكر...

بالنسبه الى زياده العمل والجهد فلا اذا كانوا معنا
واذا كانوا معزولين وغير مكشوفي للعيون من المراجعين والموظفين فتاكد انهم ينجزون وسريعين في العمل والاتقان
وتكون مسؤوله عليهم من نفس جلدتهم
لانهم يفضلون الرجال يكونون مسؤولين عليهم لان الرجل يلين ويرحم وبعض النساء لعينه ومتكبره عليهم وكل عذر بيكون مكشوف لها
The Master
26-09-2010, 12:09 AM
يالربع...علامكم غيرتوا الموضوع...

انا اللي ابغيه ولا اتهونون انكم اتجاوبون على الاسألة...واتركون عنكم يكشخون ولا مايكشخون...

انتظر اجاباتكم وارائكم اللي تثري الموضوع...
The Master
26-09-2010, 12:12 AM
بالنسبه الى زياده العمل والجهد فلا اذا كانوا معنا
واذا كانوا معزولين وغير مكشوفي للعيون من المراجعين والموظفين فتاكد انهم ينجزون وسريعين في العمل والاتقان
وتكون مسؤوله عليهم من نفس جلدتهم
لانهم يفضلون الرجال يكونون مسؤولين عليهم لان الرجل يلين ويرحم وبعض النساء لعينه ومتكبره عليهم وكل عذر بيكون مكشوف لها

هذا المطلوب...:nice:
لاهنت ولي عودة...

أتمنى اتركزون على الاسألة ونطلع بفائدة...
البحار00
26-09-2010, 12:16 AM
عندنا واحد في الدوام هههههههه كله كاشخ

وبحكم علاقتي فيه برة الدوام لاتشوفه شكله غلط
نيساني
26-09-2010, 12:25 AM
الصراحه كلامك درر

ويسلمووووو
قناص 787
26-09-2010, 12:30 AM
بخصوص سحارة الطماط وصلت ٦٠ ريال .... شسالفه
موضي قطر
26-09-2010, 12:46 AM
عزيزي الماستر

ابشرك وابشر غيرك اني انا وغيري كثير من الرجال في قطر حصل لنا الشغل معا اخواتنا
النساء في اكثر من محفل وفي اكثر من مكان كانوا البنات من كل الجنسيات العربيه
فيهم الزين والشين ويشهددددددددددد الله ما تغيرت اشكالنا ولا طلعنا بنيو لوك على قولتهم !
ولا غيرنا نسفتنا للغتره !!
ولا تيبسنا من النشاااااااااااا والكشخه يجيك الواحد منهم ما يعرف يلتفت من كثر ماهو متكومل
وحالته لله كنه امدقي امخشب على سماده الله يعزكم لا عزيزي الماستر نظافتنا ونظافة مظهرنا
الطبيعي من الاسلام اولا ومن عوايد كل انسان سوي ,, اللهم لك الحمد ما اذكر اني مارست
هذه الطقوس اللي يمارسها بعض المهزوزين من الرجال خصوصا امام النساء في العمل !!
وابشرررررررررررك ان رزتنا احسن منهم بعدددددد من غير تكلف ولا تيبس ولا تلحس شفايف
كل خمس دقايق ههههههههههههههههههه اللهم لا شماته

لي وجه واااااااااااحد يعرفوني فيه العرب ما سويت وجهي حقل تجارب مثل كثير من اللي نشوفهم
ها الايام الله يهديهم !! وخصوصا ربعنا اللي تعدو الــ 37 وصاروا مراهقين وأول مظاهر
المراهقه الشنب واللحيه زيروووووو في زبالة الحلاق سحقاااااااااا لذيك الشيفه المخوضره
اللي ما قبلها ربي :)

:eek5::eek5::eek5:

ويععععععععععععععع أنشهد أنه علي حرام
بوناصر1
26-09-2010, 12:50 AM
اخوي احم شوف الكشخه حلوه وزينه بس لها حدود وشروط بتقول لي اشلون
واحد كاشخ على طول اي مكان يروحه لازم من فوق لين تحت كله مركات لا والسياره من اغلى السيارات , انزين ماعندنا مشاكل اكشخ بس على قدك ماتطالع الي فوقك وتقول ابي اكشخ مثله ونت ماعندك حق البترول , والله يا اخوان انها صارت قدامي اكثر من مره شباب كاشخين حدهم ومخابيهم فاضيه , كل هلسوالف في صوب
وسالفة الي يطلع من البيت متعطر وغاسل السياره وثوب وغتره توه جيبهم من الدوبي ولين رجع البيت جالس بسروال وفلينه علاق مع اهله , والمشكله هلكلام ينطبق على الجنس الخشن والناعم
قناص 787
26-09-2010, 01:16 AM
بخصوص انه مافي خس .... شسالفه
موضي قطر
26-09-2010, 01:22 AM
بخصوص انه مافي خس .... شسالفه

هههههههههههههههههههههههههه :nice:
Ussop
26-09-2010, 01:29 AM
الناس طبايع، في منهم يأثر فيهم هذا الشيء وقد ينتجون زيادة في العمل، لكن لا تنسى التفهي والتفكير الشاطح أثناء العمل، غير إنه لا خير ولا دوام وإستمرارية في عمل يصدر من الشخص بسبب خارجي، أي من غير تلقاء نفسه، ولا تنسى صغر عقول الناس الي يفكرون بهذي الطريقة، المراهقين منهم.

أما بخصوص الكشخة، فأشوف إن شبابنا بشكل عام صاروا يكشخون، تعال جامعة قطر مثلاً وبتشوف الشباب شلون مهتمين بنفسهم مع إنه لا يوجد اختلاط، وكذلك في الأماكن العامة، لكن قد يبالغ بعضهم في الكشخة، باقتناء أطقم الماركات علشان يميز نفسه من غير سبب، وفي البعض منهم يكشخ لسبب خارجي (وجود العنصر النسائي) مثل ماتفضلت.

ويسلموا على الموضوع!
ميمي 88
26-09-2010, 01:53 AM
في شغلي كامل مافي حريم ولا تمر عباءه ولا على الشارع برا
نكشخ حدنا اغلا الساعات والاطقم ودهن العود نتسبح به الكشخه حلوه ولا لنا فيها مقصد

في مكان بالدوحه ماطبوه حريم:)
كل الوظايف صارو الحريم مع الرجال
الا وين تشتغل :secret: مدرسه:(



ولا تلحس شفايف
كل خمس دقايق ههههههههههههههههههه اللهم لا شماته

ههههههههههههههههه شكلك وايد تدقق:)
زين ماجبت طاري الي دوم فاتحه حلجها اونه كيوت :(


بخصوص سحارة الطماط وصلت ٦٠ ريال .... شسالفه

مغلط ولا تستهبل :secret:



بحكم اني للان مااشتغلت بمكان خليطي ..
احب اقول العبره مو بالكشخه العبره بالشكل يعني يجي شين ويذبح عمره بالكشخه والمخاسير محد بيلتفت له ... نفس الشئ الموظفه لاجات مصبقه وعباه اعوذبالله وريحتها تخليك تعاطس

(تذكرت واحد بالبرج التعيس يوم الاحد وزحمه المراجعات يشوفون مصيرهم قعد يعاطس ورج المكان دخل بزاويه فيها موظفين ويقول العطر! واتسسوووووه العطر! واتسوووووه العطر !واتسوووه كسر خاطري ومالومه طايحين في عطر شين ويقولون انه عجيب )

نرجع للموضوع الشخص لو بيلفت الانتباه بيكون يابوسامته:shy: او فزعته ومساعدته للناس حتى وان كان بسيط بالكشخه
اما يجي شين واسلوب خايس ومسوي انا الكاشخ :(


واخيرا مو مهم الكشخه الاهم النظافه
وياليت مثل ماقال واحد من الاخوان يرجعون الحواجز بينهم :)
مشكله الموظف يقعد قلبه معلق بين شافوني ولا ماشافوني والشغل معلق
ولا الموظفه تقعد تترزز تحلل كشختها:(

طبعا هالكلام مااعممه مرو علي موظفين وموظفات غايه في الاحترام وسرعة انجاز الشغل
والوجه البشوش بس في نماذج للاسف تخرب ع الفئه الزينه
السندان
26-09-2010, 02:09 AM
لكل زمن لبسه وكشخاته .. ولاكن بحدود الدين
Charisma
26-09-2010, 05:38 AM
هل اتشوفون ان تواجد المرأة في العمل بينا حنا يالرجال شي ايجابي ولا سلبي؟؟!!
سلبي

يعني هل بتواجدها بيزيد الانتاج في العمل والشغل بيخلص بسرعه...؟؟؟
لا

هل بتواجدها بتكون لنا رغبة اكثر في العمل...ومايكون غياب علينا كثير مقارنة بعدم وجودها...؟؟؟
لا
هل بتواجدها بيكون في العمل متعة اكثر...وتشويق...؟
لا

----------------------------------------

الاجوبة مختصره .. لان اللي بيجاوب عكس اللي جاوبته..
ابيك ترجع وتساله
عادي اختك ..مرتك.. تشارك بالعمل مع الرجال؟
هل تعتقد ان اختك ..مرتك بتزيد في الانتاج بالعمل وسط اجواء خلط؟
هل تعتقد ان اختك .مرتك لو داومت هالشي راح يحل مشكلة الغياب ويعطي دافع للشباب يداومون؟
هل تعتقد ان اختك..مرتك راح تعطي للشغل جو ممتع وتشويق للموجودين من الجنسين ذكور واناث؟


---------------------------------------------------
ان الله جميل يحب الجمال

بالنسبه للمظهر احنا الرجال .. ..
مايمنع ان احنا الشباب نكشخ "بحدود" <- شلون؟ يعني عشان ابسط لك.. مظهر رجال .. مب غيره اذا انت مصحصح معاي وفاهم.

بالنسبه لمظهر النساء.

مايمنع انها تتزين وتلبس اللي تبييييييييييييييييييييييييييه .. قدام زوجها :)
اما برى في االاسواق .. ولا في الشغل ماشوف له داعي تتزين .. بزينتها هذي كم اغوت شاب.. وكم حركت مشاعر الشباب من حولها.. وكم كسبت سيئه وشستفادت عرضت نفسها للقيل وللقال .. وعرضت نفسها للمعاكسات.. وعرضت نفسها للفت الانتباه والاغواء .. . !؟

بس انا بسالك ياراعي الموضوع سؤال...

انت لو شفت قدامك في مجمع او في شغل.. ثنتين

وحده = محتشمه احتشام كامل لامتزينه ولا متلكلكه ولا مايعه
ووحده= متزينه والعطر مشير بخشمك.. والمكياج من كل لون والخصله المحروقة بستشوار.

ايهم تفرض عليك احترامها وتخلي نظرتك لها.. كأخت؟
1- الاولى
2-الثانيه
3-جميع ماسبق
مطيع الله
26-09-2010, 06:27 AM
بعض الكهول، من تجاوزوا 40 حولاً أو قاربوها، ماخذين في نفسهم مقلب،
كل يوم من بين الصلاتين مرابط في المقاهي، وقاعد لك عالدرب قعود،

لاحظنا أن هناك كثير من الناس قد انجرف إلى عمل أخاديد في وجهه بالموس، وأصاب شنبه القحل بعد المحل، وقد كان من ذوي الأشناب التي يوكر عليها الطير،
وسبحان من أكرم الرجال باللحى،

أما النظافة والتجمل فهي طبع، وليست تطبع.
مشتاقة لقطر
26-09-2010, 06:53 AM
ميمي 88 قلتي اللي بخاطري هههههه


بايلوت احييك عالاجابة المفحمة
wadha-qa
26-09-2010, 08:08 AM
صباح الخير ..

انا برائيي انك لو تبي تعرف الرجال من هالنوعيه اللي ذكرتها في الموضوع ام لا ؟؟ شوفه في بيته عند مرته و بعد العصر مع ربعه اذا هو كاشخ و على سنقه عشره مثل ما يقولون فهذا ما شاء الله عليه انسان نظيف و مرتب و كشيخ خلقه ..

اما اذا كان العكس فتاكد انه من هالاشكال اللي ما يكشخون الا للفت انتباه هالبنات اللي معاه فالدوام

و على فكره ترى حتى احنا البنات لنا نظره في الرجال اذا شفناه مزودها و كاشخ بشكل غير طبيعي و كل شوي طالب جمر و قاعد يتبخر بعود نقول الله يعين مرته عليه و ما يكون له احترام مثل الشخص الطبيعي اللي ما عنده مبالغه في الكشخه..

و غالبا اللي يسوي هالحركات سبحان الله تطلع وحده تعرفه و تعرف اهله و طبعه في البيت و تطلع بلاويه و ترى هالاشكال موجوده وبكثرررررررره

اتمنى الجميع من الجنسين يعرفون حدود كشخه الدوام الرسمي و كشخه الحفلات ^_^
قناص 787
26-09-2010, 10:05 AM
مغلط ولا تستهبل :secret:



ولا عليج امر بغيت صرتين جرجير قبل لا يرفعون سعر العسل
بوحارب
26-09-2010, 10:14 AM
مرحبا الماستر

شباب هالأيام زقرتية حدهم :)

يعني حتى لو كانوا راييحين العنه بتلاقيهم مرتزين بأحلى ثوب واحلى غتره

خلاص اذا الواحد تعود على الكشخة بيكشخ في كل مكان وماله خص اذا معاه بنات في الشغل او المكان كله تماسيح @@
بوحارب
26-09-2010, 10:24 AM
اعتقد بوحارب عنده الجواب

اشمعنى بوحارب:(

جوف خالي انا حالي ادرس في كلية مختلطة وعندنا الوان واشكال من البنوتات والكشخة هي هي

وحزات البس غترة برتغالية بدون نشا واداوم في ال96 وانه مصيخ له:( الدنيا سهالات

الحمدلله مافيه تأثير من قبل البنوتات:nice:

نسيت اقولك

كشختي اللي ما تتغير ترمبا مايلة شوووي على جمب:shy:


ولا عليج امر بغيت صرتين جرجير قبل لا يرفعون سعر العسل

ههههههههههههههه سبيد شكلك متأثر بسوق الخضرة :secret:
The End Qtr
26-09-2010, 10:39 AM
في وجهة نظري .. لو يكون معي في المكتب وحده وجها يفتح النفس افضل من وجود شخص مزبد توه قايم من النوم ماله خلق يتنفس ريحته كلها زقاير

بيكون لك خاطر تشتغل وتنجز


لكن مع ذلك ما اييد الاختلاط
قناص 787
26-09-2010, 01:36 PM
موضوع حلو الصراحه
بلوتنيوم
26-09-2010, 01:44 PM
في وجهة نظري .. لو يكون معي في المكتب وحده وجها يفتح النفس افضل من وجود شخص مزبد توه قايم من النوم ماله خلق يتنفس ريحته كلها زقاير

بيكون لك خاطر تشتغل وتنجز


لكن مع ذلك ما اييد الاختلاط

ههههههههههههههههه
اشوف نص ربعنا ماينجزون:secret:


لي عودة اذا الله مد في اعمارنا:omen2:
قناص 787
26-09-2010, 02:49 PM
نرجع للموضوع الشخص لو بيلفت الانتباه بيكون يابوسامته:shy: او فزعته ومساعدته للناس حتى وان كان بسيط بالكشخه
اما يجي شين واسلوب خايس ومسوي انا الكاشخ :(





بخصوص وسامته وفزعته ...... وشلج بوسامته وشلج بالفزعه خلج على النجده احسن لان الفزعه مشاكلهم واجد هالايام كله ثبوت وملعوزين خلق الله :)
The Master
26-09-2010, 03:12 PM
الناس طبايع، في منهم يأثر فيهم هذا الشيء وقد ينتجون زيادة في العمل، لكن لا تنسى التفهي والتفكير الشاطح أثناء العمل، غير إنه لا خير ولا دوام وإستمرارية في عمل يصدر من الشخص بسبب خارجي، أي من غير تلقاء نفسه، ولا تنسى صغر عقول الناس الي يفكرون بهذي الطريقة، المراهقين منهم.

أما بخصوص الكشخة، فأشوف إن شبابنا بشكل عام صاروا يكشخون، تعال جامعة قطر مثلاً وبتشوف الشباب شلون مهتمين بنفسهم مع إنه لا يوجد اختلاط، وكذلك في الأماكن العامة، لكن قد يبالغ بعضهم في الكشخة، باقتناء أطقم الماركات علشان يميز نفسه من غير سبب، وفي البعض منهم يكشخ لسبب خارجي (وجود العنصر النسائي) مثل ماتفضلت.

ويسلموا على الموضوع!

هلا ومرحب كابتن اوسسوبو...احم

تشكر على طرح رايك خيو...

يعني قصدك اتقول في ناس عندهم تواجد النسوان ايجابي...ومنهم سلبي...
مما يؤدي الى تقليل الانتاج...والشطح"حلوة شطح...احم"

لاهنت...وننتظر باقي الاراء...
نتفـه
26-09-2010, 03:19 PM
اللي بيكشخ حق نفسه ,, اهم شي المظهر , مب شرط يكشخ للبنات او العكس يعني ,,
طبعا اقصد اللي ما يبالغون لدرجه مذهله !!!
بس ما يمنع ان نشوف من الجنسين انهم يكشخون علشان يا ناس يا هوه يووهوووو انا هني ههههههههه
الله يصلح الجميع ان شاء الله ,,
ميمي 88
26-09-2010, 04:30 PM
ولا عليج امر بغيت صرتين جرجير قبل لا يرفعون سعر العسل
سوق السمج اول لفه ع اليمين :)

موضوع حلو الصراحه
انجاز صراحه توك مستوعب انك موبالجبره<< تنطق بالجيم وصعب تكتب بالشين :(

بخصوص وسامته وفزعته ...... وشلج بوسامته وشلج بالفزعه خلج على النجده احسن لان الفزعه مشاكلهم واجد هالايام كله ثبوت وملعوزين خلق الله :)

لان الوسامه تخليك تنتبه حتى لوموكاشخ:)
والفزعه تخليك غصبن عنك تنتبه وتنتبه وتنتبه لشخص هبة ريح ويخلص معاملتك وتحس كأنك vip:)

الله يجزيه خير واحد سنافي كان هبة ريح وحسسنا كأنا ملووووك
مستحيل انسى موقفه البطولي
عكس واحد بزر اونه انتبهو لي اسلوب غبي زاد من احتقاري له

مع ان الاول رجل كبير ومحترم والثاني كان شاب غبي

الا يااخواني الكشيخين ممكن اعرف ليش الواحد يجي كاشخ حده تقول ولد شيخ وفيهم طبع
مايخلوووووووووونه الا وهو يده بخشمه:(

صراحه ودي اعرف ليش هالحركه عند كل الشباب :(
قناص 787
26-09-2010, 04:37 PM
سوق السمج اول لفه ع اليمين :)

انجاز صراحه توك مستوعب انك موبالجبره<< تنطق بالجيم وصعب تكتب بالشين :(


لان الوسامه تخليك تنتبه حتى لوموكاشخ:)
والفزعه تخليك غصبن عنك تنتبه وتنتبه وتنتبه لشخص هبة ريح ويخلص معاملتك وتحس كأنك vip:)

الله يجزيه خير واحد سنافي كان هبة ريح وحسسنا كأنا ملووووك
مستحيل انسى موقفه البطولي
عكس واحد بزر اونه انتبهو لي اسلوب غبي زاد من احتقاري له

مع ان الاول رجل كبير ومحترم والثاني كان شاب غبي

الا يااخواني الكشيخين ممكن اعرف ليش الواحد يجي كاشخ حده تقول ولد شيخ وفيهم طبع
مايخلوووووووووونه الا وهو يده بخشمه:(

صراحه ودي اعرف ليش هالحركه عند كل الشباب :(

عاد مهب كل الشباب عندهم هالحركه لكن البعض .... ع العموم هبي نيويير ياميمي 88
BoAof
26-09-2010, 05:42 PM
رد بايلوت قوووووووووووي
:)
ومفحم بس احنا في 2010
راااااااااحت ذيك الايام وانا اخوك

انا عن نفسي رايي وجود البنت نفس عدمه وانا مساول في بنك
وكل الاشكال اللي تمر علينا
مظهر x مظهر
اتذكر كلمه عجوزتي الله يحفظها ويطول في عمرها
ياولدي لا يغرونك البنات اللي في الدوام ويلعبون في مخك تراهم مظاهر كذابه
وانا اقول حتى الشباب او اغلب الشباب مظاهر كذابه
اللي بيكشخ حق نفسه
وياااازين الستر في البنت والله تفرض احترامها

المهم مانبي نغير الموضوع
كل شي له سلبياته وله ايجابياته
يعني مكان فيه بنات وخلط بتلاقي انواع البخور وخييييير
والشباب لو تزعق عليه ما يقدر يطول صوته خايف على برستيجه لا تقول عنه فلانه ولا يطيح من عين علانه
هههههههههههههههه
تحياتي للي حاط الموضوع
واقول حق بايلوت انت على راسي بهالرد والله يكثر من امثالك
The Master
26-09-2010, 10:19 PM
هل اتشوفون ان تواجد المرأة في العمل بينا حنا يالرجال شي ايجابي ولا سلبي؟؟!!
سلبي

يعني هل بتواجدها بيزيد الانتاج في العمل والشغل بيخلص بسرعه...؟؟؟
لا

هل بتواجدها بتكون لنا رغبة اكثر في العمل...ومايكون غياب علينا كثير مقارنة بعدم وجودها...؟؟؟
لا
هل بتواجدها بيكون في العمل متعة اكثر...وتشويق...؟
لا

----------------------------------------

الاجوبة مختصره .. لان اللي بيجاوب عكس اللي جاوبته..
ابيك ترجع وتساله
عادي اختك ..مرتك.. تشارك بالعمل مع الرجال؟
هل تعتقد ان اختك ..مرتك بتزيد في الانتاج بالعمل وسط اجواء خلط؟
هل تعتقد ان اختك .مرتك لو داومت هالشي راح يحل مشكلة الغياب ويعطي دافع للشباب يداومون؟
هل تعتقد ان اختك..مرتك راح تعطي للشغل جو ممتع وتشويق للموجودين من الجنسين ذكور واناث؟


---------------------------------------------------
ان الله جميل يحب الجمال

بالنسبه للمظهر احنا الرجال .. ..
مايمنع ان احنا الشباب نكشخ "بحدود" <- شلون؟ يعني عشان ابسط لك.. مظهر رجال .. مب غيره اذا انت مصحصح معاي وفاهم.

بالنسبه لمظهر النساء.

مايمنع انها تتزين وتلبس اللي تبييييييييييييييييييييييييييه .. قدام زوجها :)
اما برى في االاسواق .. ولا في الشغل ماشوف له داعي تتزين .. بزينتها هذي كم اغوت شاب.. وكم حركت مشاعر الشباب من حولها.. وكم كسبت سيئه وشستفادت عرضت نفسها للقيل وللقال .. وعرضت نفسها للمعاكسات.. وعرضت نفسها للفت الانتباه والاغواء .. . !؟

بس انا بسالك ياراعي الموضوع سؤال...

انت لو شفت قدامك في مجمع او في شغل.. ثنتين

وحده = محتشمه احتشام كامل لامتزينه ولا متلكلكه ولا مايعه
ووحده= متزينه والعطر مشير بخشمك.. والمكياج من كل لون والخصله المحروقة بستشوار.

ايهم تفرض عليك احترامها وتخلي نظرتك لها.. كأخت؟
1- الاولى
2-الثانيه
3-جميع ماسبق

يالله حيهم بالبايلوتيه...ها رحله مجانيه هنا ولا هنا...احم

ابصراحة ردك جدا جميل...الله ينور خيو...
واشكرك على طرح وجهة نظرك ومشاركتك لنا ابها...

بخصوص سؤالك...

اكيد وشي طبيعي الاولى...هي اللي على العين والراس...ماتمر مكان الا كل الروس اتدنق"اتنزل راسها واتغض اعيونها"...احتراما لها و لوقارها...

مايبغي لها كلام ثاني وانا اخوك...


ولاهنت عالمرور الطيب...

وننتظر باقي الاراء...ونظرتهم...
The Master
27-09-2010, 12:59 AM
في وجهة نظري .. لو يكون معي في المكتب وحده وجها يفتح النفس افضل من وجود شخص مزبد توه قايم من النوم ماله خلق يتنفس ريحته كلها زقاير

بيكون لك خاطر تشتغل وتنجز


لكن مع ذلك ما اييد الاختلاط

احييك علي وجهة نظرك...ولاتحاتي...ترا في ناس مثل تفكيرك...لكن مايقولون...تدري مايبغون الحشره...احم

تشكر لوجهة نظرك...ولاهنت...
The Master
27-09-2010, 01:01 AM
رد بايلوت قوووووووووووي
:)
ومفحم بس احنا في 2010
راااااااااحت ذيك الايام وانا اخوك

انا عن نفسي رايي وجود البنت نفس عدمه وانا مساول في بنك
وكل الاشكال اللي تمر علينا
مظهر x مظهر
اتذكر كلمه عجوزتي الله يحفظها ويطول في عمرها
ياولدي لا يغرونك البنات اللي في الدوام ويلعبون في مخك تراهم مظاهر كذابه
وانا اقول حتى الشباب او اغلب الشباب مظاهر كذابه
اللي بيكشخ حق نفسه
وياااازين الستر في البنت والله تفرض احترامها

المهم مانبي نغير الموضوع
كل شي له سلبياته وله ايجابياته
يعني مكان فيه بنات وخلط بتلاقي انواع البخور وخييييير
والشباب لو تزعق عليه ما يقدر يطول صوته خايف على برستيجه لا تقول عنه فلانه ولا يطيح من عين علانه
هههههههههههههههه
تحياتي للي حاط الموضوع
واقول حق بايلوت انت على راسي بهالرد والله يكثر من امثالك

يعني نفهم انك اتقول...ماتفرق...موجودة ولا لا...يكون الشغل نفسه والانتاج نفسه...
وانقول...ان وجود البنت مايعطي دافع للشاب بالحضور وعدم الغياب في الدوام...

لاهنت على مرورك ووجهة نظرك...
تشكر...
The Master
27-09-2010, 01:04 AM
السموحة للي ماعلقت على ردودهم...

لاني سبق وذكرت اني ابغي الاجابات علي الاسأله اللي ذكرتها...وماعلقت الا على اللي ذكر اجوبته ورايه في مجال اسألتي...

وننتظر باقي الاعضاء...ورايهم في ايجابية ولا شلبية وجود المرأه في العمل...
ورايهم بالانتاجيه من خلالها...والغياب...والحضور...كان مسؤول ولا موظف...

ننتظركم...
تاله
27-09-2010, 01:16 AM
عيالنا كله كاشخين ويحبون الزين
The Master
27-09-2010, 01:17 AM
عيالنا كله كاشخين ويحبون الزين

اي هين :whistling:
احم...
الصريحه
27-09-2010, 08:35 AM
الكشخه بحدود لكن ماتعتقد ياصاحب الموضوع ان الشيطان شاطر في ذيك الاماكن المختلطه بحيث انه يوهم الكثيرين من الجنسين باهميه وجوده وان يلفت الانتباه وعلى قولتك يقل الغياب لانه يحصل الاكشن اللي يبيه في الحرام ......
راي اخوي بايلوت عين العقل
Qatarianes
27-09-2010, 09:25 AM
الكشخه حلوه تعطي منظر حضاري للشعب
والصراحه انا اكشخ عشان احس اني انشط وافتك من الخمول
الراقيه سبشل
27-09-2010, 09:36 AM
خلينا نشوفها من الناحية الايجابيه

الحين صار شكلهم مرتب ومقبول

مب تروح الدوام ويمر من جنبك واحد ريحته يبيلها معطر جو :nop:

وانا اشوف انه هالتغير كان للاحسن وبمراحل :tooth:<< ولا شنو رأيك
**هـتــــــان**
27-09-2010, 09:38 AM
اللي يحب يكشخ تلقاة يكشخ حتى لو كان المكان غير مختلط ..والدليل في مدارس البنات فيه مدرساااات كشيخات ولا فيه اي رجال عندنا ..يعني فطرة عند البعض ..وعند النساء بشكل غالب حب التجمل ( بس بالعقل ) لان الله عرفناة بالعقل .
اما اللي تكشخ في اماكن مختلطه ومكياج عرس وعطر يوصل امتار وعباة مخصرة والله انه اجوف انها قمه المصخرة ..مع احترامي للقراء ..بس مايصح الا الصحيح ..ووتتم كشخه الرجال اهون بالاماكن المختلطه بس لايزودها لان كل شي زاد عن حدة انقلب ضدة ..علشان مايقعدون اللي حوله يتمسخرون ويتهامزون ويتلامزون عليه وهو اخر من يعلم .

اما من ناحيه الانتاجيه ...ماعتقد تزيد او تقل .


وجهه نظر :)
مشكور راعي الموضوع .
الـقـاسـي
27-09-2010, 09:56 AM
وجود المراة في الشغل مايزيد الانتاج بالعكس الكل الا من رحم ربي بيكون همه يتعرف ويضبط

انا ولله الحمد مجال عملي مافيه اختلاط الا في مجال
ضيق مايسمح بالاخذ والعطاء الا في امور العمل

الكشخة بالنسبة للرجل زينة يعني حلو ان الواحد لبسة نظيف ومرتب انا احب اكشخ احب ثوبي جديد وغترتي مكوية حتى لو رايح للعزبة مايفرق المكان اللي انا رايح له في بنات ولا مافي بنات لان هذا طبعي

اما بالنسبة للي يكشخ بس حق البنات وفي بيته ولا ويا ربعه منظرة بشع هذا عندة نقص
The Master
27-09-2010, 04:05 PM
الكشخه بحدود لكن ماتعتقد ياصاحب الموضوع ان الشيطان شاطر في ذيك الاماكن المختلطه بحيث انه يوهم الكثيرين من الجنسين باهميه وجوده وان يلفت الانتباه وعلى قولتك يقل الغياب لانه يحصل الاكشن اللي يبيه في الحرام ......
راي اخوي بايلوت عين العقل

تشكرين على وضع وجهة نظرك اختي...
واكيد ما اجتمع رجل ب امرأة الا وكان الشيطان ثالثهما...
واحلى مافي السالفة الاكشن...اوش اوش...احم

ويامرحبا بك...
The Master
13-10-2010, 09:57 AM
اللي يحب يكشخ تلقاة يكشخ حتى لو كان المكان غير مختلط ..والدليل في مدارس البنات فيه مدرساااات كشيخات ولا فيه اي رجال عندنا ..يعني فطرة عند البعض ..وعند النساء بشكل غالب حب التجمل ( بس بالعقل ) لان الله عرفناة بالعقل .
اما اللي تكشخ في اماكن مختلطه ومكياج عرس وعطر يوصل امتار وعباة مخصرة والله انه اجوف انها قمه المصخرة ..مع احترامي للقراء ..بس مايصح الا الصحيح ..ووتتم كشخه الرجال اهون بالاماكن المختلطه بس لايزودها لان كل شي زاد عن حدة انقلب ضدة ..علشان مايقعدون اللي حوله يتمسخرون ويتهامزون ويتلامزون عليه وهو اخر من يعلم .

اما من ناحيه الانتاجيه ...ماعتقد تزيد او تقل .


وجهه نظر :)
مشكور راعي الموضوع .

الشكر موصول لك اختي على المداخلة الطيبة...
يعني رايك انها ماتفرق في الانتاجية في العمل...ولا الرغبه في الحضور...

لاهنتي...
The Master
13-10-2010, 09:59 AM
وجود المراة في الشغل مايزيد الانتاج بالعكس الكل الا من رحم ربي بيكون همه يتعرف ويضبط

انا ولله الحمد مجال عملي مافيه اختلاط الا في مجال
ضيق مايسمح بالاخذ والعطاء الا في امور العمل

الكشخة بالنسبة للرجل زينة يعني حلو ان الواحد لبسة نظيف ومرتب انا احب اكشخ احب ثوبي جديد وغترتي مكوية حتى لو رايح للعزبة مايفرق المكان اللي انا رايح له في بنات ولا مافي بنات لان هذا طبعي

اما بالنسبة للي يكشخ بس حق البنات وفي بيته ولا ويا ربعه منظرة بشع هذا عندة نقص

رايك طيب...وتشكر عليه...
يعني ان الانتاج في العمل راح يقل...
لكن مانقدر انقول كلامك صحيح...نحتاج لتجربه او اقوال...لتاكيدها...

ان الله جميل يحب الجمال...اكشخ ياخوي...وحلاة الرجال برزته...ولا وش قولكم يا شوارب...احم

لاهنت...
روح الاطلس
16-10-2010, 07:36 PM
الله المستعان بس روج وردي قوووية
The Master
10-11-2010, 01:27 AM
الله المستعان بس روج وردي قوووية

ترا يعجبك...ترتيب...احم :secret:
بصمة قطرية
10-11-2010, 01:39 AM
اعتقد الانتاجية مالها دخل كلش ..
ماراح تتأثر ..
يعني لاراح تزيد ولا تقل ..
لأنهم ما داوموا عشان ينتجون اللي مداومين عشان ( شي ثاني )
ما بيكون همهم في الشغل كثر ما بيكون همهم في التواجد بس ..!!!
والكشخة مافيها شي اذا كانت بعقل ..
بالنسبة للشاب ..
لكن بالنسبة للبنت اذا كانت تشتغل في مكان مختلط
( وانا ضد هالشي وبقوووووووووووة )
بصراحة راح تكون بقمة السخافة ليش رايحة تستعرض ولا تشتغل ..!!

نظل احنا في مجتمع دايماً نسمع ان الرجال ما يعيبه شي
يعني مب شرط كشخته عشان البنات ..
يمكن هو طبيعته كشيخ ويحب يلبس ماركات ..

والواحد ينعرف من تصرفاته
مش بس من شكله ..

شكــراً لصاحب الموضوع ..
يعطيك العافية ..