:: تعالوا شاركوني شعوري :(الانتقال الى بيت جديد):

[شمعة الدوحه]

السلام عليكم ورحمة الله وبركاته

شحالكم كلاً بحاله ؟

الليله فيني ضيقه على وناسه يعني شعور مختلط :(

وحبيت افضفض لكم :omen2:

تقدرون تقولون آخر ليله ادش فيها المنتدى من بيتنا القديم اللي هو يجمعنا باجدادنا

وبكره بنستقل في بيت العمر على قولتهم :secret:

مستانسه انه بناخذ راحتنا وبيكون لنا خصوصيه

وفي نفس الوقت راح افقد هالبيت لانه عشرة عمر صراحه وسنين طويله واحنا فيه

وفيه ذكريات الطفوله


كل واحد يقولي شنو كان شعوره قبل لاينتقل هو وعايلته في بيت بروحهم ويترك بيت اجداده ؟

او

اذا واحد ومتزوج واستقل في بيت بروحه وترك اهله شنو شعوره لحظتها ؟

تراني لحد اللحين مو مستوعبه مع اني كنت انطر هاللحظه من زمان :weeping:

[JN000N]

الله يبارك لكم فيه


< انتقلو وهي توها مافطنت وككك

لا صج احنا انتقلنا وانا كنت صغيره تقريبا من ١٤ سنه :shy:

معورني قلبي عشان بنفارق جيرانا
بس فريجنا ذي احلا وارقى وكل سنه يطلع بيت يديد مادري من اي صوب
اذكر قبل لا نسكن ولان البيت ف منطقه كانت توها مانسكنت ولا كثر فيها البنيان
كنا نحصل يراوه حذا البيت
ابوي يودينا وهو يتابع العمال وانا واختي نلقط يراوه وناكل هههههه.

ترا شعور الانتقال لبيت يديد حلوو
تحسين براحه اكثر
انا وحده مارتاح الا ف بيت ابوي وفغرفتي

اما حاليا ف بيت اختي انطر الويك اند عشان ارد بيتنا ههههه

[غزلان]

مبروك المنزل الجديد

الله يبارك لكم فيه


يوووه بيتنا القديم ماذكر كثير عنه لأني كنت صغيره تقريبا عمري 4 سنوات كانه خياال

بيتنا الي مستقرين فيه كانه اول بيت بالنسبه لي فعادي حصلت بينا ألفه وصرنا اصحاب هاها

[sara jsm]

^ ^ الف مبروووووك البيت الجديد ,,
انا باعطيج نصيحة ,, روحي صوري كل زاويه في هالبيت ,,
كل مكان ,, الحوش \ المخزن \ المطبخ \ ورى البيت \ باب الحوش ,,
كل شي ,, عشان يوم تحنين تشوفين الصور :o
بالنسبة لي من زمااااان نقلنا وماكان عندي شعور وقتها ,, ^ ^
بس انا حاسة فيج لاني اشتاق للبيت يوم اسافر ,,
واحين انتي راح تغيرين المكان كله ,,
الله يهون عليج ان شاءالله ,, ^ ^ وقعدي صوري كل شي حتى الاشياء القديمة ,,

[البحار00]

انا ساكن بروحي بحكم اني متزوج

بس بيتي جنب بيت هلي ماعندي اي مشكله احس كاني ماطلعت من بيت هلي للحين


ومنزل مبارك عليكم

[بوغانم995]

الله يبارك لكم في البيت الجديد .....ويجعل من لفيتوا عليهم طيبين العيش والعشره .....وشوفي والله الجيران القداما ...مايتعـوضون ......وهذه سنة الحياه مايدوم آلا وجهه سبحانه تعالى .......شوفي أختي حتى الطريق سوف الذي ألفته نفسك وتعودة عليه عينك سيتغير ..وحتى اول صبح عليكم غير .....بس احنا قبل لا ندش البيت الجديد ....حطينا قرأن متواصل من المغرب الى صبح اليوم الثاني صورة البقره بصوة عبدالودود حنيف ..... طبعاً ذكريات الفريج القديم سوف تبقى عالقه في الذهن ........اللهم أجعلـه بيت مبارك عليكم أجمعين .....آآآآآآآآمين

[موضي قطر]

منزلٍ مبارك اختي شمعه :)

البيت القديم عندي له ذكريات حلوة الجيران وبنات الجيران وهم ( عيال الجيران ) ياحلاتهم والله

ندش بيوت الجيران وكأنه داشين بيتنا ( لا أحم ولا دستور هههههههه ) بس ايام حلوة وإلى اليوم

كل ما رحنا قريب من بيتنا القديم نمر ونتم نبكي على الاطلال :weeping:

[deema117]

منزل مبارك أختي


:):)

[شيط ويط]

منزلٍ مبارك اختي شمعه :)

البيت القديم عندي له ذكريات حلوة الجيران وبنات الجيران وهم ( عيال الجيران ) ياحلاتهم والله

ندش بيوت الجيران وكأنه داشين بيتنا ( لا أحم ولا دستور هههههههه ) بس ايام حلوة وإلى اليوم

كل ما رحنا قريب من بيتنا القديم نمر ونتم نبكي على الاطلال :weeping:

وين كان بيتكم القديم ..؟ في أي فريج ؟؟ :shy:

[موضي قطر]

وين كان بيتكم القديم ..؟ في أي فريج ؟؟ :shy:

اكيد تتذكرني ؟؟؟؟:tease:

[شيط ويط]

اكيد تتذكرني ؟؟؟؟:tease:

أممممم ماعتقد لأن (ذاكرتي مثقوبة) :shy:
إذا فيه احراج خلاص ماله داعي

[مافيا قطر]

الحمد لله بيتنا اللى احنا فيه من 40 سنه ولا نطلع منه الا انا متزوج وحتى لو تزوجت بحن له وعيال الفريج

والذكريات الطيبه

[هدهد سليمان]

نزل خير وبركه والف مبروك وشعور طبيعي كم سنه ويروح :)

[بو خليفه 123]

و اخييييراً ..

بصراحه خوش بشاره هالموضوع اختي شمعه و منزلٍ مبارك ان شاء الله و ربي يبارك لكم فيه .. يسعدنا انك فضفضتي لنا و بما ان ماتجي منك الا الاخبار الزينه بالعكس المفروض الفرحه تطغي على الحزن اللي فيك .. و تعب الشد من بيت لبيت ان شاء الله يزول .

الله الله بالمعوذات و تمايم البيت والدخون الزين (ادري شغل عجايز لكن هذا يسمى بروتوكول البيت القطري الجديد) :)


تقبلي تحياتي

[بوعلي2]

منزل مبارك ان شاء الله :nice:

انا من ستويت وانا بهالفريج

وكسرناه وبنيناه من جديد ونفس المكان ههههههههههههههههههههه


مالنا حل الظاهر مانقدر نبتعد عن البحر حق السسسسسسسسسسسسسسسمج :shy:

[بوخالد911]

منزل مباررك

شعور لا يوصف
والشعور بحرية أكثر وأكبررر .........
:)

[missperfect]

منزلٍ مبارك ان شاءالله
في البدايه بتخنقج العبرة لكن عقب فترة بتقولين ياليتني من زمان طالعه في بيت لحالي

هديتي لج اقري هذي :
من سكن منزلاً جديداً فإنه يستحب له أن يقول عند نزوله: أعوذ بكلمات الله التامات من شر ما خلق. لما رواه مسلم عن خولة بنت حكيم رضي الله عنهما قالت: سمعت رسول الله صلى الله عليه وسلم يقول: من نزل منزلاً ثم قال: أعوذ بكلمات الله التامات من شر ما خلق، لم يضره شيء حتى يرتحل من منزله ذلك. وهذا يشمل من نزل منزلاً ينوي الرحيل منه كالمسافر، وكذا من نزل منزلاً ليقيم فيه، سواء أكان ملكا له أم لا.

كما يستحب أن يقول: اللهم إني أسألك خير المولج وخير المخرج، باسم الله ولجنا، وباسم الله خرجنا، وعلى الله ربنا توكلنا، لما صح في ذلك من الحديث الشريف، إلا أن هذا الدعاء لا يختص بالنزول لأول مرة، بل يقوله المرء كلما أراد دخول بيته بعد غيبة، وينبغي له أن يتلو شيئاً من القرآن خصوصاً سورة البقرة لطرد الشياطين وتحصين البيت منهم، ففي صحيح مسلم أن النبي صلى الله عليه وسلم قال: لا تجعلوا بيوتكم قبوراً، إن الشيطان ينفر من البيت الذي تقرأ فيه سورة البقرة. ولا فرق في جميع ما ذكرناه بين أن يكون المحل مملوكاً أو مستأجراً.

[شمعة الدوحه]

الله يبارك لكم فيه


< انتقلو وهي توها مافطنت وككك

لا صج احنا انتقلنا وانا كنت صغيره تقريبا من ١٤ سنه :shy:

معورني قلبي عشان بنفارق جيرانا
بس فريجنا ذي احلا وارقى وكل سنه يطلع بيت يديد مادري من اي صوب
اذكر قبل لا نسكن ولان البيت ف منطقه كانت توها مانسكنت ولا كثر فيها البنيان
كنا نحصل يراوه حذا البيت
ابوي يودينا وهو يتابع العمال وانا واختي نلقط يراوه وناكل هههههه.

ترا شعور الانتقال لبيت يديد حلوو
تحسين براحه اكثر
انا وحده مارتاح الا ف بيت ابوي وفغرفتي

اما حاليا ف بيت اختي انطر الويك اند عشان ارد بيتنا ههههه

تسلميييين جنون

ههههههههههههه اما تلقطون اليراوه :tease:

اكيد ترى اكثر شي مونسني انه برتاح ومااحد بيتدخل في حياتنا

وان شاء الله تردين بيتكم :tease:

[شمعة الدوحه]

مبروك المنزل الجديد

الله يبارك لكم فيه


يوووه بيتنا القديم ماذكر كثير عنه لأني كنت صغيره تقريبا عمري 4 سنوات كانه خياال

بيتنا الي مستقرين فيه كانه اول بيت بالنسبه لي فعادي حصلت بينا ألفه وصرنا اصحاب هاها


الله يبارك فيج غزلان

هههههههههههههههههه واذا قلت لج اني اتذكر اول بيت كنا فيه وكان عمري وقتها 4 تقريبا

واتذكر ثاني بيت

والبيت هذا كان ثالث بيت وتخيلي 18 سنه واحنا فيه :omen2:

[شمعة الدوحه]

^ ^ الف مبروووووك البيت الجديد ,,
انا باعطيج نصيحة ,, روحي صوري كل زاويه في هالبيت ,,
كل مكان ,, الحوش \ المخزن \ المطبخ \ ورى البيت \ باب الحوش ,,
كل شي ,, عشان يوم تحنين تشوفين الصور :o
بالنسبة لي من زمااااان نقلنا وماكان عندي شعور وقتها ,, ^ ^
بس انا حاسة فيج لاني اشتاق للبيت يوم اسافر ,,
واحين انتي راح تغيرين المكان كله ,,
الله يهون عليج ان شاءالله ,, ^ ^ وقعدي صوري كل شي حتى الاشياء القديمة ,,


الله يبارك فيج سارونه

عادي بنزورهم بعدين اذا بغيت اصور

عقب ماكنا اهل البيت بنسير عليهم بعدين :)

هههههههههههه صورت لايطوفج رسوماتي وانا ياهل :shy:

[شمعة الدوحه]

انا ساكن بروحي بحكم اني متزوج

بس بيتي جنب بيت هلي ماعندي اي مشكله احس كاني ماطلعت من بيت هلي للحين


ومنزل مبارك عليكم


شي حلووو

ماراح تحس بشي لان اهلك احذاك :victory:

اهلنا كلهم بيوتهم بعد بتكون في نفس الشارع

وفيه ناس جدد احذانا بعد

احلى شي انه عوايل

موب بيتنا اللحين جيراننا سكن عمال :rolleyes2:

والله يبارك فيك اخوي

[شمعة الدوحه]

الله يبارك لكم في البيت الجديد .....ويجعل من لفيتوا عليهم طيبين العيش والعشره .....وشوفي والله الجيران القداما ...مايتعـوضون ......وهذه سنة الحياه مايدوم آلا وجهه سبحانه تعالى .......شوفي أختي حتى الطريق سوف الذي ألفته نفسك وتعودة عليه عينك سيتغير ..وحتى اول صبح عليكم غير .....بس احنا قبل لا ندش البيت الجديد ....حطينا قرأن متواصل من المغرب الى صبح اليوم الثاني صورة البقره بصوة عبدالودود حنيف ..... طبعاً ذكريات الفريج القديم سوف تبقى عالقه في الذهن ........اللهم أجعلـه بيت مبارك عليكم أجمعين .....آآآآآآآآمين


هههههههههه أي جيران ؟؟

تقصد سكن العمال خل يولون بس :tease:

جيراننا اول ماسكنا يازينهم بس والله مافي منهم

وكنا كل عصر نجتمع في الشارع شباب وبنات ونسوي مغامرات ونقتحم الجمعيات :tease:

والله احلى ذكريات مع اول جيران

العايله اللي عقبهم كانوا اذيه صراحه وماصدقت اطلعوا

الا اسكنوا مكانهم عمال ولعوزونا بالبدايه يطلون من السطوح :anger1:

والله يبارك فيك اخوي بوغانم

وان شاء الله بنحط سورة البقره :victory:

[شمعة الدوحه]

منزلٍ مبارك اختي شمعه :)

البيت القديم عندي له ذكريات حلوة الجيران وبنات الجيران وهم ( عيال الجيران ) ياحلاتهم والله

ندش بيوت الجيران وكأنه داشين بيتنا ( لا أحم ولا دستور هههههههه ) بس ايام حلوة وإلى اليوم

كل ما رحنا قريب من بيتنا القديم نمر ونتم نبكي على الاطلال :weeping:


الله يبارك فيج اختي موضي

ههههههههههه ذكرتيني بما مضى

نفس الحاله والله نقتحم بيتهم يقتحمون بيتنا نفس الشي سهالات

لا وبعد نتمشى فوق طوف بيتهم في عز القايله :tease:

بس الحلو ان بيتنا القديم اهلنا للحين فيه

يعني بنمر عليهم وبنسترجع الذكريات اكيد :shy:

[**هـتــــــان**]

منزل مبارك ان شاء الله ..وشعورج طبيعي بيزول مع الايام .

[شمعة الدوحه]

منزل مبارك أختي


:):)


الله يبارك فيج اختي ديمه

[شمعة الدوحه]

الحمد لله بيتنا اللى احنا فيه من 40 سنه ولا نطلع منه الا انا متزوج وحتى لو تزوجت بحن له وعيال الفريج

والذكريات الطيبه


صدقت اخوي

والله أكثر شي تحن له الذكريات

وهل فيه اجمل من ذكريات الطفوله :weeping:

[شمعة الدوحه]

نزل خير وبركه والف مبروك وشعور طبيعي كم سنه ويروح :)


الله يبارك فيك اخوي هدهد

ويبيلنا فتره على مانتعود :victory:

[شمعة الدوحه]

و اخييييراً ..

بصراحه خوش بشاره هالموضوع اختي شمعه و منزلٍ مبارك ان شاء الله و ربي يبارك لكم فيه .. يسعدنا انك فضفضتي لنا و بما ان ماتجي منك الا الاخبار الزينه بالعكس المفروض الفرحه تطغي على الحزن اللي فيك .. و تعب الشد من بيت لبيت ان شاء الله يزول .

الله الله بالمعوذات و تمايم البيت والدخون الزين (ادري شغل عجايز لكن هذا يسمى بروتوكول البيت القطري الجديد) :)


تقبلي تحياتي


الله يبارك فيك اخوي بوخليفه

اكيد فيه فرحه مااقولك لا

بس ماحسيت بضيقه الا البارحه يوم خلاص استوعبت

ان شاء الله راح امشي على نصايحك :victory:

ومشكووور

[شمعة الدوحه]

منزل مبارك ان شاء الله :nice:

انا من ستويت وانا بهالفريج

وكسرناه وبنيناه من جديد ونفس المكان ههههههههههههههههههههه


مالنا حل الظاهر مانقدر نبتعد عن البحر حق السسسسسسسسسسسسسسسمج :shy:


الله يبارك فيك بوعلوووووش

شي حلوو والله ماراح تحس بفرق وايد لانه بس البيت اللي تغير موب المكان :victory:

هههههههههههههههه عاد طرش لنا من السمك :telephone:

[شمعة الدوحه]

منزل مباررك

شعور لا يوصف
والشعور بحرية أكثر وأكبررر .........
:)



الله يبارك فيك بوخالد

هذا هو احلى شي الحريه :nice:

[شمعة الدوحه]

منزلٍ مبارك ان شاءالله
في البدايه بتخنقج العبرة لكن عقب فترة بتقولين ياليتني من زمان طالعه في بيت لحالي

هديتي لج اقري هذي :
من سكن منزلاً جديداً فإنه يستحب له أن يقول عند نزوله: أعوذ بكلمات الله التامات من شر ما خلق. لما رواه مسلم عن خولة بنت حكيم رضي الله عنهما قالت: سمعت رسول الله صلى الله عليه وسلم يقول: من نزل منزلاً ثم قال: أعوذ بكلمات الله التامات من شر ما خلق، لم يضره شيء حتى يرتحل من منزله ذلك. وهذا يشمل من نزل منزلاً ينوي الرحيل منه كالمسافر، وكذا من نزل منزلاً ليقيم فيه، سواء أكان ملكا له أم لا.

كما يستحب أن يقول: اللهم إني أسألك خير المولج وخير المخرج، باسم الله ولجنا، وباسم الله خرجنا، وعلى الله ربنا توكلنا، لما صح في ذلك من الحديث الشريف، إلا أن هذا الدعاء لا يختص بالنزول لأول مرة، بل يقوله المرء كلما أراد دخول بيته بعد غيبة، وينبغي له أن يتلو شيئاً من القرآن خصوصاً سورة البقرة لطرد الشياطين وتحصين البيت منهم، ففي صحيح مسلم أن النبي صلى الله عليه وسلم قال: لا تجعلوا بيوتكم قبوراً، إن الشيطان ينفر من البيت الذي تقرأ فيه سورة البقرة. ولا فرق في جميع ما ذكرناه بين أن يكون المحل مملوكاً أو مستأجراً.




صدقتي والله

ومشكوره والله عالادعيه

ماقصرتي :victory:

[شمعة الدوحه]

منزل مبارك ان شاء الله ..وشعورج طبيعي بيزول مع الايام .


الله يبارك فيج اختي

وان شاء الله بيزول عقب مااتعود :victory:

[بوخالد2]

والله انتي عايشه نفس شعوري

نزلت البيت الجديد في اواخر رمضان بعد حك وصك مع الاثاث ونقله من الاتصال في المحلا ت

ذ ون و هوم سنتر عذاب مب شده هذه

بس احس الاجواء شوي متغيره علي مادرى ليش

ومافي انترنت ولا تلفون ولا شي مااشبك الا من الدوام

احس هدوء و ملل شوي مع ان حولى كل اعيال عمي بس مادرى ليش الشعور هذا ؟

الله يبارك لكم في منزلكم الجديد

[سداوي&مدريدي]

منزل مبارك ان شاء الله

حاس فيج :weeping:

مع الأيام بتتعودين على الوضع :tease:

[الصريحه]

منزل مبارك انشاءالله
والله يعطيكم خيره ويكفيكم شره

[شمعة الدوحه]

والله انتي عايشه نفس شعوري

نزلت البيت الجديد في اواخر رمضان بعد حك وصك مع الاثاث ونقله من الاتصال في المحلا ت

ذ ون و هوم سنتر عذاب مب شده هذه

بس احس الاجواء شوي متغيره علي مادرى ليش

ومافي انترنت ولا تلفون ولا شي مااشبك الا من الدوام

احس هدوء و ملل شوي مع ان حولى كل اعيال عمي بس مادرى ليش الشعور هذا ؟

الله يبارك لكم في منزلكم الجديد


والله تعب تنقل في رمضان

انا تعبت برمضان بسبة اني ماارتحت مره مع الكربجيه ومره في محلات الليتات

ومره علشان اغراض المطبخ معاناه والله

انا افكر اخذ برودباند الليله علشان اشبك هناك ان شاء الله :victory:

باخذه كم من شهر بس لان خبرك تلفون البيت والنت يبيله وقت

والبرودباند لازم 3 شهور اقل شي علشان تقدر تسكره

ومعليه عادي ان شاء الله بتتعود

والله يبارك فيك اخوي

[شمعة الدوحه]

منزل مبارك ان شاء الله

حاس فيج :weeping:

مع الأيام بتتعودين على الوضع :tease:

الله يبارك فيك سدمد :victory:

ان شاء الله أتعود :nice:

[شمعة الدوحه]

منزل مبارك انشاءالله
والله يعطيكم خيره ويكفيكم شره


آمين يارب

والله يبارك فيج يالصريحه :victory:

[Mshari]

جعله منزل مبارك ما تفارقه السعاده اللهم امين

[شمعة الدوحه]

جعله منزل مبارك ما تفارقه السعاده اللهم امين

الله يبارك فيك اخوي مشاري
آآآآآمين يارب
والله يدوم السعاده عالجميع ان شاء الله

[ضوى]

كتبت رد شطوله وماكملت للحين وطلع كلام حلو ومرتب وافكار جات ببالي هذاك الوقت وفجاة طفت الكهرباء عندنا وضاع كل الكلام وماودي اعلق بجملة منزل مبارك وبس ابي اشاركج شعورج في الانتقال من بيت لبيت خاصة انه لي تجارب بهالشئ ولاربع مرات وكل فترة انتقال لها قصة ممتعة

انتظريني حتى يعود الكلام في جعبتي قبل انطفاء الكهرباء

تحياتي ياشمعة :)

[بولينجر]

الله يجعله منزل مبارك وعامر اختي الكريمة شمعة الدوحه.... صوري كل زاوية وغرفة في البيت القديم للذكرى.... واقري القرآن في كل غرفة...... والله يبارك لكم فيه.....

[حليتان*]

منزل مبااااارك


والله يوحشني بيتنا القديم وسدرة الكنار والمشموم :(

وكان في غرفة فوق السطح كنت اقعد فوقها واخلي ريلي على تحت وانا ظعيف

يعني لو هب الهوا انا على طووول في الحوش خخخخخخ

[بوحارب]

لكل بداية نهائية خالتي شمعه:(


اخر مرة شدينا فيه اخبر كان عمري 17 سنه يعني توني يااااااهل:unsure::unsure:

وكنت مستانس لأنه كنا رايحين من بيت ايجار الى بيت ملك واحلا واكشخ واجدد :ok2:

عاد انا حاليا متربع اهني ولا افكر اطلع مع ان عندي بيوت ملك :nop:

والله يجعل البيت الجديد عامر على اهلة بالأمن والأيمان

[شمعة الدوحه]

كتبت رد شطوله وماكملت للحين وطلع كلام حلو ومرتب وافكار جات ببالي هذاك الوقت وفجاة طفت الكهرباء عندنا وضاع كل الكلام وماودي اعلق بجملة منزل مبارك وبس ابي اشاركج شعورج في الانتقال من بيت لبيت خاصة انه لي تجارب بهالشئ ولاربع مرات وكل فترة انتقال لها قصة ممتعة

انتظريني حتى يعود الكلام في جعبتي قبل انطفاء الكهرباء

تحياتي ياشمعة :)


في انتظار القصص الممتعه اتحفينا فيها :shy:

واسعدني مرورج اختي ضوى

[شمعة الدوحه]

الله يجعله منزل مبارك وعامر اختي الكريمة شمعة الدوحه.... صوري كل زاوية وغرفة في البيت القديم للذكرى.... واقري القرآن في كل غرفة...... والله يبارك لكم فيه.....


تسلم اخوي بولينجر

ومشكووور عالنصيحه :victory:

[شمعة الدوحه]

منزل مبااااارك


والله يوحشني بيتنا القديم وسدرة الكنار والمشموم :(

وكان في غرفة فوق السطح كنت اقعد فوقها واخلي ريلي على تحت وانا ظعيف

يعني لو هب الهوا انا على طووول في الحوش خخخخخخ


الله يبارك فيك ولدي امافوه

ههههههههههههههه يابو كراعين :tease:

[شمعة الدوحه]

لكل بداية نهائية خالتي شمعه:(


اخر مرة شدينا فيه اخبر كان عمري 17 سنه يعني توني يااااااهل:unsure::unsure:

وكنت مستانس لأنه كنا رايحين من بيت ايجار الى بيت ملك واحلا واكشخ واجدد :ok2:

عاد انا حاليا متربع اهني ولا افكر اطلع مع ان عندي بيوت ملك :nop:

والله يجعل البيت الجديد عامر على اهلة بالأمن والأيمان


بوحارب تسلفني واحد منهم :shy:

تسلم على هالدعوه الطيبه :victory:

[سماء الرياض]

منزل مبارك

[الوان]

منزل مبارك ان شاء الله

انتم السابقون و نحن اللاحقون

[بوحارب]

بوحارب تسلفني واحد منهم :shy:

تسلم على هالدعوه الطيبه :victory:

والله الأثنين مأجرين وفي واحد للبيع ب 2.1 مليون

اذا لج خاطر بخلصه لج ب 2 مليون عشانج بس:)

وبخلي وضوح عندج اسبوع :nice:

[عيون Qatar]

منزل مبارك وبالتوفيق الله يهنيكم فيه

وعقبالنا ان شاء الله,,

[toomi9]

انا انتقلت وانا فـ ثاني ابتدائي
بس كنت مستااانسه واايد
لان اخترت لون الغرفه هع
وفوق هاي
بيت يدي وكلل خوالي وخلاتي كانوا بالفريج الي فيه بيتنا الجديد .. وفعلا تقربنا واايد من بعض كل يوم نشوف بعض

[ظبيــღــه]

شمعه..
لكل شي جهة ايجاابيه وجهة سلبيه

وجودج في بيتكم القديم له جانب ايجاابي وله جانب سلبي ...انتي ادرى بهاا
وانتقالكم لبيت جديد هم له جانب ايجاابي وله جانب سلبي ..

ودامج مجبوره عالثاانيه
لازم تتغلبين على السلبي وتكيفين نفسج
عشاان تعيشين حياتج صح وبكل ايجاابيه :)

وجعله منزل مبارك ...عامر بطااعته

[بوخالد2]

والله تعب تنقل في رمضان

انا تعبت برمضان بسبة اني ماارتحت مره مع الكربجيه ومره في محلات الليتات

ومره علشان اغراض المطبخ معاناه والله

انا افكر اخذ برودباند الليله علشان اشبك هناك ان شاء الله :victory:

باخذه كم من شهر بس لان خبرك تلفون البيت والنت يبيله وقت

والبرودباند لازم 3 شهور اقل شي علشان تقدر تسكره

ومعليه عادي ان شاء الله بتتعود

والله يبارك فيك اخوي

الله يبارك فيج ياشمعه

صدقتي انه تعب من قلب تخيلي ماتدرين متى يتصلون عليج تعالوا بطلوا الباب علشان نركب الاثاث و تعال بنركب الثلاجات او الفريزر ( ل جي ) من صوب ( والمطبخ الامريكي ) من صوب

والاثاث من صوب شغله وتعب من قلب والمشكله كانت بالاواخر وتعرفين حر وتعب رمضان

الحمدالله على كل حال

تدرين اللى مضيع الملل شوي يمكن مجلسنا يتجمعون فيه العيال و الشياب و يمشي الوقت

والمنطقه فيها حركه شوي الايام هذه

وابشرج ركبوا التلفونات بعد الهواش بس باقي النت الله يقطع بليس كيوتل وسوالفها

دولة شكبرها مافيها الا شركه وحده ماسك الخط الارضى !!!

وبالنسبه للبروباند اخذيه من السعوديه (( متعدد الشرائح )) ارخص واسرع من كيوتل ويفتح على اي شريحه


جعله منزل مبارك عليكم :playball:

[شمعة الدوحه]

منزل مبارك


الله يبارك فيج سماء

وين يالقاطعه

تصدقين توني اتذكر اني ماكلمتج :nop:

[شمعة الدوحه]

منزل مبارك ان شاء الله

انتم السابقون و نحن اللاحقون

الله يبارك فيج اختي الوان

يالله ربي يسهل عليكم ويعينكم ان شاء الله

تعب فضيييييييع صراحه escape

[شمعة الدوحه]

والله الأثنين مأجرين وفي واحد للبيع ب 2.1 مليون

اذا لج خاطر بخلصه لج ب 2 مليون عشانج بس:)

وبخلي وضوح عندج اسبوع :nice:

وانا من وين اجيب لك مليونين ان شاء الله :anger3:

انا يالله يالله يصفى لي شي من الراتب :nono:

[غير البشر]

الف الف مبروووووووك اختي شمعه على البيت الجديد
جعله مسكن(ن) مبارك ان شاء الله

اي والله ايام الطفوله حلووه
بس لكل عمر حلاوووته
وان شاء الله تكون ذكرى حلوه في البيت الجديد
عشان تتذكرينها لما اتغيرون البيت بعد ههههههههههه سويتها سالفه :shy:

[شمعة الدوحه]

منزل مبارك وبالتوفيق الله يهنيكم فيه

وعقبالنا ان شاء الله,,


الله يبارك فيج اختي عيون

وان شاء الله يخلص بيتكم وتسكنونه وتحسون بالاستقلاليه :app2:

[شمعة الدوحه]

انا انتقلت وانا فـ ثاني ابتدائي
بس كنت مستااانسه واايد
لان اخترت لون الغرفه هع
وفوق هاي
بيت يدي وكلل خوالي وخلاتي كانوا بالفريج الي فيه بيتنا الجديد .. وفعلا تقربنا واايد من بعض كل يوم نشوف بعض


لا ترى اليهالوه الصغار مايحسون بشي

بالعكس يستانسون عالمكان الجديد

بس خبرج اذا تعودي على اهلج وكلكم في بيت واحد صعب الفراق ترى

واحنا بعد اهلنا بيوتهم الجديده كلها احذانا بس للحين مااسكنوا

[شمعة الدوحه]

شمعه..
لكل شي جهة ايجاابيه وجهة سلبيه

وجودج في بيتكم القديم له جانب ايجاابي وله جانب سلبي ...انتي ادرى بهاا
وانتقالكم لبيت جديد هم له جانب ايجاابي وله جانب سلبي ..

ودامج مجبوره عالثاانيه
لازم تتغلبين على السلبي وتكيفين نفسج
عشاان تعيشين حياتج صح وبكل ايجاابيه :)

وجعله منزل مبارك ...عامر بطااعته


صادقه ياظبيه
انا ترى وايد مستانسه انه بتكوت لنا خصوصيه وبنستقل
بس خبرج وحشة المكان والاهل لها تأثير
اول ليله رقدت فيها في البيت الجديد كانت سالفه
يوم اشوف صور عيال عمي اصيح اشتقت لشيطانتهم وحسهم في البيت :tooth:

والله يبارك فيك ظبوووي

[شمعة الدوحه]

الله يبارك فيج ياشمعه

صدقتي انه تعب من قلب تخيلي ماتدرين متى يتصلون عليج تعالوا بطلوا الباب علشان نركب الاثاث و تعال بنركب الثلاجات او الفريزر ( ل جي ) من صوب ( والمطبخ الامريكي ) من صوب

والاثاث من صوب شغله وتعب من قلب والمشكله كانت بالاواخر وتعرفين حر وتعب رمضان

الحمدالله على كل حال

تدرين اللى مضيع الملل شوي يمكن مجلسنا يتجمعون فيه العيال و الشياب و يمشي الوقت

والمنطقه فيها حركه شوي الايام هذه

وابشرج ركبوا التلفونات بعد الهواش بس باقي النت الله يقطع بليس كيوتل وسوالفها

دولة شكبرها مافيها الا شركه وحده ماسك الخط الارضى !!!

وبالنسبه للبروباند اخذيه من السعوديه (( متعدد الشرائح )) ارخص واسرع من كيوتل ويفتح على اي شريحه


جعله منزل مبارك عليكم :playball:

حلوو والله بوخالد

والحمدلله انك تأقلمت

لا النت خلاص خذيت برودباند يمشي الحال لين مانركب التلفون

بس اليو اس بي ماخذيته من عندهم وحده من ربعي عطتني اياه :app2:

وربي يبارك فيك

[شمعة الدوحه]

الف الف مبروووووووك اختي شمعه على البيت الجديد
جعله مسكن(ن) مبارك ان شاء الله

اي والله ايام الطفوله حلووه
بس لكل عمر حلاوووته
وان شاء الله تكون ذكرى حلوه في البيت الجديد
عشان تتذكرينها لما اتغيرون البيت بعد ههههههههههه سويتها سالفه :shy:


الله يبارك فيك
ههههههههههه وين أغير هذا بيت العمر :app2:
الا اذا بروح بيت الزوجيه مايندرى :tomato:

[qatar64]

الله يبارك لكم ان شاء الله

[Qatarianes]

منزل البركه والسعاده والاستقرار بأذن الواحد احد
شعوور حلو انا ومرتي بعد ننطر بيتنا على السنه اليايه

[المهاجر]

الف مبروك اختي شمعه المنزل الجديد

الله يجعله منزل خير عليكم

[جغرافي قطر]

ذكرتيني يوم هدينا بيتنا عشان نبنيه مره ثانيه

ايام