اقتراح مروري

[مرتبش]

بسم الله الرحمن الرحيم

اقتراح بسيط وسريع لتخفيف الزحمة
معظم شوارع الدوحة فيها خط الوقوف الاضطراري (الخط اليمين) وهالايام مع الزحمة قامت الناس تستخدمه فتشوف السيارات جاية من يمينك ولما توصل الدوار او الاشارة دخل عليك لا احم ولا دستور وكأنه الشارع له وما كأنك موجود وواقف في الزحمة من ريع ساعة

فليش المرور ما يزيلون هالخط اللي مسوي زحمة مثل ما ازالوه في بعض الدوارات اللي كانت تشهد زحمة..ووسعوا الشوارع المؤدية لها وفعلا انحلت بعض الازمات ولكن الزحمة كل يوم تزيد وسنصل قريبا الى الشلل التام في شوارعنا بسبب سوء تنظيم الشوارع

تخيل الدائري الخامس من البراشوت الى دوار الثمامة بثلاث خطوط في شغل يومين فقط..مجرد تعديل لاماكن المداخل والمخارج والشارع جاهز.

الدائري الرابع باربع خطوط من التضامن للمطار في يومين ( خلها جمعة وسبت) وكله تمام.

والكثير من شوارعنا فيها هالخط اللي حتى السيارات المتعطلة ماتستخدمه ويوميا نشوف سيارات مبنشرة ومتعطلة في وسط الشارع ومايكلفون انفسهم الوقوف في هذا الخط..

سلام

[بوخالد911]

الخط الأيمن تم وضعه للضرورة القصوى
لوقف السيارات المتعطلة

[ابو محمد7]

اقتراحك منطقي ومفيد لكن انت فعلا تحتاج مسار للطواريء ايضا !!!

في الكويت اللي شوارعهم من سنين ماشاء الله من يومها خطوط سريعة 4 خطوط بالاضافة الى مسارين طوارىء واحد عاليمين واخر عاليسار وعندك ايضا السعودية ودبي وانا ذكرت الكويت لاني في العيد رحت وسقت هناك صراحة شي مريح ومرتب

الموضوع يحتاج الى تخطيط وانك تسوي شي متكامل على مستوى البلد وانك تفكر في 100 و200 سنة جدام مب 10 و20 سنة

ماعرف شقول الله المستعان

والحمدلله في تحسن في شوارعنا وفي مشاريع ونطمح للمزيد من التحسن باذن الله

[كازانوفا]

بالفعل لازم حل سريع للزحمه اللى ما تنوصف بالمره

[عنزي قطر]

بسم الله الرحمن الرحيم

اقتراح بسيط وسريع لتخفيف الزحمة
معظم شوارع الدوحة فيها خط الوقوف الاضطراري (الخط اليمين) وهالايام مع الزحمة قامت الناس تستخدمه فتشوف السيارات جاية من يمينك ولما توصل الدوار او الاشارة دخل عليك لا احم ولا دستور وكأنه الشارع له وما كأنك موجود وواقف في الزحمة من ريع ساعة

فليش المرور ما يزيلون هالخط اللي مسوي زحمة مثل ما ازالوه في بعض الدوارات اللي كانت تشهد زحمة..ووسعوا الشوارع المؤدية لها وفعلا انحلت بعض الازمات ولكن الزحمة كل يوم تزيد وسنصل قريبا الى الشلل التام في شوارعنا بسبب سوء تنظيم الشوارعتخيل الدائري الخامس من البراشوت الى دوار الثمامة بثلاث خطوط في شغل يومين فقط..مجرد تعديل لاماكن المداخل والمخارج والشارع جاهز.

الدائري الرابع باربع خطوط من التضامن للمطار في يومين ( خلها جمعة وسبت) وكله تمام.

والكثير من شوارعنا فيها هالخط اللي حتى السيارات المتعطلة ماتستخدمه ويوميا نشوف سيارات مبنشرة ومتعطلة في وسط الشارع ومايكلفون انفسهم الوقوف في هذا الخط..

سلام





مرحبا حياك يأخوي اقتراح صعب تنفيذه

السبب لو تم ازالة الخط وتعطلت سيارة وين توقف :yu:


المفروض السيارات تلتزم بعدم التجاوز واحترام الاخرين

[مرتبش]

مرحبا حياك يأخوي اقتراح صعب تنفيذه

السبب لو تم ازالة الخط وتعطلت سيارة وين توقف :yu:


المفروض السيارات تلتزم بعدم التجاوز واحترام الاخرين

هلا اخوي
اكيد كلامك صحيح ..بس مو كل شوارع قطر يوجد فيها خط الوقوف وماصار شي ..وكذلك حتى الشوارع اللي فيها الخط الاضطراري تجد السيارات لاتستعمله في الحالات الطارئة وانما تستخدمه كمواقف.. شوف الدائري الرابع جنب اللولو مثلا.. الدائري الثالث جنب البنوك..

وكما اشرت في ردك باللون الاحمر الى ان المرور فعلا ازالوه في اماكن معينة مثلا عند منطقة الابراج في الشارع المؤدي الى دوار نادي قطر واستفادوا من الخط الاضافي لتوسعة مداخل الدوار..


عن التزام السائقين انت ادرى ..محد في قطر يلتزم للاسف ..كنا اول نشتكي من الشباب والان الكل لايلتزم الاجانب اولا لانهم اضعاف اضعاف القطريين.. وطبعا المرور منتبهين للحزام واما الدخول من اليمين فغير مهتمين فيه في كثير من الاوقات

[تحداني]

الخط اليمين هذا بحد ذاته قضيه ما بعدها قضيه ونعاني منها بشكل كبير
ويستخدم للتجاوز أضعاف ما يستخدم لأي عطل في السياره
يعني إستخدامه يكون في غير محله



أنا ما أعرف إيش هالبشر وهالناس أنا أنتظر 20 دقيقه والأخ في ثواني يمر قدامي
ودك تذبحه .. تشنقه .. تصارخ .. لا ذوق ولا إحترام ولا حتى تقدير للي واقفين



أنا ساعات ودي أسأل هالشخص سؤال جدا بسيط
بالله عليك إنت أهم مني ولا مشوارك مشوار مصيري
ولا احنه ما عندنا شغله واقفين وانت الي أمورك مصيريه لازم إطير من فوقنا


لو يشيلونه أفضل إبوايد هالخطوط يقدرونها ويفهمونها دوله ثانيه
مو عندنا كل واحد مع هالهمر والفكسار الي عنده تقول راكب طياره حربيه
ما خلوا رصيف ولا خلوا طريق طوارئ رفعوا اعصابنا وضغطنا


:)
بس جد والله نعاني من هالتصرفات الغير أخلاقيه


جملك الله برضى الرحمن

[Qatarianes]

ياخي احنا نحتاج شوارع اعرض

[الصريحه]

الشوارع ضيقه او مسكره او تحويلات

[ANONYMOUS]

الحل بسيط


ماحد يتعلم ببلاش

[La Bella]

طبعاً المرور ما يبون يشلون الخط عيل شلون بيخالفونك تجاوز من اليمين
ميزانيتهم بتتأثر

[مهل]

راح يصير مثل ماهو صاير حاليا على طريق الشمال كون مافيه شارع خدمات .. اي سياره تعطل او تبنشر ،، ينزل منها راعيها و يقعد يطالعها لين تندعم :playball:

[برزان]

أفشل مستوى في العالم في خدمات الطرق اسوة بحجم عدد السكان عندنا يا للاسف .
قصة عشق وحب وغرام مع الضيق والعشوائية والخرايب .

قطر تخطيط شوارعها على النظام البريطاني ولا يخفيكم انهم كانوا هنا قبل في الزمن القديم ويسمع ويؤخذ رايهم .

طيب الآن ليش مازال هالسستم موجود انا ما ادري ...مازالت النظره لين اليوم ولين بكره وبعد بكره
النظره قصيرة المدى ...وماتشوف الا اردى الجودة في التنفيذ والتخطيط ولا تعرف مالسبب .

لاكن ماله الا تفسير واحد هو عدم التوفيق .

رغم ان الماده موجوده والعقول موجوده والدعم موجود والخبرات موجوده والعماله حدث ولا حرج ...كل شي موجود .

لاكن مثل ماذكرت قبل .

الله المستعان

[قلب قطر..!]

~ اصلا دائما وابدا كل مايبدون مشروووع وياخذ سنيييييييييييييييين

فالاخير تلقى الشارع بمسااارين ..

يعني مثل مايقول المثل (( تيتي تيتي مثل مارحتي جيتي )) هع

[بوحارب]

http://www2.0zz0.com/2010/09/27/11/356324855.jpg (http://www.0zz0.com) i`m with you

[abn qatar]

سواء طبقو اقتراحك اخوي طالما اشغال موجوده اللي يشتغلون فيها الله بالخير مابيتغير

شي لان من ظهرت اشغال على السطح عفست البلد من شوارع مباني مدارس اللي كل

فتره تشققات وسقوط