الكويت تلغي نظام "كفيل" العمال الاجانب في شباط/فبراير المقبل

[الخنجر]

http://www.google.com/hostednews/afp/media/ALeqM5jh9MVFGmAOCfD3FFv1K5gw4Y97Jg?size=s2

(AFP) –
الكويت (ا ف ب) - اعلن وزير الشؤون الاجتماعية والعمل الكويتي محمد العفاسي في تصريح صحافي الاحد ان بلاده ستلغي في شباط/فبراير نظام "الكفيل" المثير للجدل الذي يخص العمال الاجانب.
وفي حديث لصحيفة الراي الكويتية قال الوزير ان الغاء نظام الكفيل "ستكون هدية الوافدين في عيد التحرير" ذكرى تحرير الكويت من الاحتلال العراقي سنة 1991.
ويفرض هذا النظام الذي يعتبر مصدر العديد من التجاوزات على كل عامل اجنبي ان يكون له "كفيل" كويتي بامكانه خصوصا ان يسحب منه جواز سفره خلال مدة اقامته في البلاد.
وتحتضن الكويت الدولة الخليجية النفطية الثرية نحو 2,3 مليون اجنبي وقد خففت هذا النظام بالسماح للعمال الاجانب بتغيير من يوظفهم بدون موافقة مسبقة من "الكفيل". وكانت مملكة البحرين اول دول الخليج التي تخلت عن نظام "الكفيل" في ايار/مايو.
حقوق الطبع والنشر © 2010 AFP. جميع الحقوق محفوظة. المزيد »


المصدر

http://www.google.com/hostednews/afp/article/ALeqM5g4rE3sZt1jJaas_0bBCnoLxaofig

[الشمالي111]

الله يستر ولا يطبقونه عندنا

[hamoor4ever]

بالعكس ياليت يتطبق نظام العقود اقوى

[الكولونيل]

هذي مصيبة الأجانب راح يتضربون على الكفلاء وبتصير فوضى وراح تزيد رواتب المكفولين مما يترتب عليه غلاء في كل شيء لأن التجار بيعوضون من ظهر المواطن

[Bu Rashid]

للاسف ادارة نقل الكفالات هم سبب هذه المشكله وناس متخلفيين

يوم اقولك ممنوع نقل الكفالات من شركه الى خاص
ويوم ممنوع من خاص الى شركه
خلصووونا عاد اذا كانت الشركه راضيه والخاص ما عنده مانع في الحالتيين
اذن ليش ممنووووووع ... ؟؟؟ بس حسد وحقد وتعطيل مصالح

[سهيمان]

الله يستر ومايطبقونه في قطر

طيب وشو ذنبي انا المواطن اللي ابي اترزق الله وافتح تجارة صغيرة

تطلع روحي مع ادارة العمل لي اطلع فيز

وعقب تطلع روحي وانا ادور عمال يعرفون يشتغلون شغلي

وعقب ادفع عليهم للمكاتب عشان اجيبهم

واتم اعلمهم شغلي واطورهم واتعب عليهم عشان ارفع مستواهم العملي

وعقب تعبي وخسارتي عليهم يلقون راتب ثاني ويهدنوني

يستوي هالشكل ؟؟؟؟ والله حرام

[MAZEN37]

للناس المعارضه

اقترح يحطوا انفسهم مكان المكفول

وبس

[fhd4]

الله أعلم ... بس ما أتوقع انه راح يتغير شي ....


اللهم المسمى فقط ... والا القوانين راح تم مثل ما هي ...

[جبر]

باكنسل الشركة وبسفر العمال من الحين

[الـقـاسـي]

الله يستر لا يسونه عندنا يعني تجيب العامل وتصرف عليه وعقب يحط رجله ومايقدرون تجبره على الشغل يقول لك مش كفيله ..
لو صار هالشي طبعا العمال بيطالبون بوقت محدد للعمل ..
لازم اجازات كل ويكند ..

يعني ودنا نفهم لو الغوا نظام الكفيل شبيصير شلون بتكون الاوضاع هل اجي استلم العامل جاهز ولا كيف ..

يارب مايسوونه عندنا

[<اضرب واشرد>]

الغاء نظام الكفيل جاي على كل دول الخليج

ليش ؟

لأن " الأمم المتحدة " تعارض هذا النظام.

لكن أعتقد في أنظمة أخرى سوف تطبق للحفاظ على حقوق الطرفين.

[إينشتاين]

للاسف ادارة نقل الكفالات هم سبب هذه المشكله وناس متخلفيين

يوم اقولك ممنوع نقل الكفالات من شركه الى خاص
ويوم ممنوع من خاص الى شركه
خلصووونا عاد اذا كانت الشركه راضيه والخاص ما عنده مانع في الحالتيين
اذن ليش ممنووووووع ... ؟؟؟ بس حسد وحقد وتعطيل مصالح




هذي والله اعلم عشان يكون هناك مبررات لإلغاء نظام الكفيل

لأنه لو كان الموضوع سلس وسهل ومافيه مشاكل ماراح يكون فيه سبب للإلغاء

[الأصيلة]

للناس المعارضه

اقترح يحطوا انفسهم مكان المكفول

وبس

أغلب المكفولين مخادعين وماتهمهم إلا مصلحتهم
والمتضرر الوحيد هو الكفيل...
الحين مع القانون الحالي ويمكرون بالكفيل ويخدعونه
اشلون لـ يصاروا أحرار...

[shadad]

أغلب المكفولين مخادعين وماتهمهم إلا مصلحتهم
والمتضرر الوحيد هو الكفيل...
الحين مع القانون الحالي ويمكرون بالكفيل ويخدعونه
اشلون لـ يصاروا أحرار...

اسمحيلي على المداخله .

المكفولين ما تهمهم الا مصالحهم, ازين والكفيل ما تهمه مصلحته ؟ ...كل واحد يبي مصلحته, المكفول يشتغل ويلقى راتبه من كفيله , لكن اللي نشوفه ان في عمال ب 300 ريال مطلعينهم برج ونازلين كرف فيهم من الصبح لين العصاري ..ياما شفنا عمال تضرب والسبه ان الشركات اللي تجيبهم ما تدفع رواتبهم وياليت رواتبهم مثل الناس . ( نظام اشتغل احسن لك والا اسفرك ! )

وكفايه ان هاي النظام غريب شوي ..يعني في امريكا مثلا ( اللي هي امريكا ) ما فيها نظام كفاله نفس اللي عندنا هنا .

ارحموا من في الارض يرحمكم من في السماء .

[الصريحه]

قرار سيء اتمنى مااحد يتهور ويطبقه عندنا

[الأصيلة]

اسمحيلي على المداخله .

المكفولين ما تهمهم الا مصالحهم, ازين والكفيل ما تهمه مصلحته ؟ ...كل واحد يبي مصلحته, المكفول يشتغل ويلقى راتبه من كفيله , لكن اللي نشوفه ان في عمال ب 300 ريال مطلعينهم برج ونازلين كرف فيهم من الصبح لين العصاري ..ياما شفنا عمال تضرب والسبه ان الشركات اللي تجيبهم ما تدفع رواتبهم وياليت رواتبهم مثل الناس . ( نظام اشتغل احسن لك والا اسفرك ! )

وكفايه ان هاي النظام غريب شوي ..يعني في امريكا مثلا ( اللي هي امريكا ) ما فيها نظام كفاله نفس اللي عندنا هنا .

ارحموا من في الارض يرحمكم من في السماء .

لكن مش كل كفيل يتعامل مع مكفولة بهذه الطريقة...
مع هذا القرار تصير أعباء شديدة على الكفيل واستغلال من قبل المكفول
عاد خاصة الهنود والبنغال والباكستانيين بيلعبون في حسبتنا...
الله المستعان...

[مستوى الدعم]

المشكلة ليست في إلغاء نظام الكفالة نفسه

لكن المشكلة الحقيقية هي:

هل تم استحداث نظام أفضل يحمي الطرفين...؟

اقصد رب العمل والمستخدم

[OTOsan]

يعني ماراح نسمع كلمة (ارباب) في الكويت !!

[شيط ويط]

أعتقد محد بيتضايق من هالموضوع الا (الكفيل) اللي (ظالم) مكفوله .. لأنه بيعرف إن الله (حق) .. صدقوني المكفول دام لقى (ضالته) عند (كفيله) .. ومرتاح معاه سواء من ناحية التعامل والظروف اللي موفرها له .. من الصعب انه يترك كفيله لاي سبب كان .. وإن رغب في ترك الكفيل أكيد بيكون بالحسنى والتفاهم ..

لكن اذا مكفول جاي على اساس يشتغل مثلا (سايق) سيارة عند رب أسرة لكن في واقع الحال يكتشف انه لازم يكون (سايق) و(مزارع) و(يغسل سيارات) و(يخلص معاملات) و(مقهوي) و(ناطور) ... إلخ

طيب ماهو جاي على أساس انه (سايق) وبس .. ليش انت كـ (كفيل) اتعسف معاه وتكرفه وتخليه يسوي هالشغلات كلها وهي مب من اختصاصه ولا شغلته .

نفس الشي مع (العمال) اللي في الشركات .. الرجال جاي على اساس (يشتغل) مثلا 8 ساعات في (حراسة أمن) .. ويكتشف انك تشغله ( 12 ساعه) وانك (حاشره) في غرفة نوم مع ( 17 واحد) .. ومش موفر له (مواصلات) .. وفي الأخير تعطيه (1500 ريال) في الشهر .. وطبعا تقطع عنه الراتب ( 3 أو 6 شهور) وعقب تصرفه له !

واذا جا يبي ينقل كفالته بسبب اسلوبك معاه قلت له (بسفرك) والا بكنسل إقامتك !

الكويت والبحرين ما الغوا هالنظام الا لوجود مثل هالأمثله اللي تجسد عودة زمان (العبودية والرق) .. متى استعبدتم الناس وقد ولدتهم أمهاتهم أحرارا .

وعندنا وعندهم (خير) وشوفوا الشكاوى اللي في إدارة العمل على الكفلاء من مكفولينهم .

في الأخير الغاء نظام الكفالة اعتقد لن (يضر) الكفيل اللي (تعامله) جيد مع (مكفوله) .. اللي بيتضرر - وهو اللي جابه لنفسه - هو الكفيل المتعسف والظالم والمفتري على مكفوله :)

وللعلم حسب ماعرفت اجراءات تغيير الكفيل من كفيل لآخر تخضع لضوابط منها حصوله على راتب أعلى من الراتب الذي كان يتقاضاه عند كفيله السابق ويكون ذلك وفق عقد موثق من قبل إدارة العمل وفيه تحديد لمهام عمله وساعات العمل وعدد أيام الإجازة .. إلخ من الحقوق التي يمكن ان يضمنها (عقد العمل) بين الكفيل ومكفوله .

والله أعلم

[أبورودي]

الله يستر لا يسونه عندنا يعني تجيب العامل وتصرف عليه وعقب يحط رجله ومايقدرون تجبره على الشغل يقول لك مش كفيله ..
لو صار هالشي طبعا العمال بيطالبون بوقت محدد للعمل ..
لازم اجازات كل ويكند ..

يعني ودنا نفهم لو الغوا نظام الكفيل شبيصير شلون بتكون الاوضاع هل اجي استلم العامل جاهز ولا كيف ..

يارب مايسوونه عندنا

يا اخى الحل بسيط
بتعمل عقد وبتضع فيه شرط جزائي يناسب طبيعه العمل وبذلك تضمن حقك
والعقد شريعه المتعاقدين

[إينشتاين]

يا اخى الحل بسيط
بتعمل عقد وبتضع فيه شرط جزائي يناسب طبيعه العمل وبذلك تضمن حقك
والعقد شريعه المتعاقدين

وروح ارفع على الدريول قضية في المحاكم تستمر شهور وسنين وهو يشتغل عند غيرك ويجمع فلوس بعد ماصرفت عليه وجبته من بلاده !!!!

[@north_star@]

حتى لو طبقوا هالقانون فاكيد رح يكون في قانون بديل يضمن حق الطرفين ومثل ما الكفيل يبي مصلحته المكفول بعد يبي مصلحته ومثل ما قال اخونا شيط اذا المكفول مرتاح عند كفيله ما بيخليه ويروح عند غيره

[النائب]

لاحول ولاقوة إلا باللة

ضغووووووووووط قوية الله يستر من الجااااااااي , اليوم تلغى الكفالة وغدا تمنح الجنسية .

[بوخالد911]

بتعم الفوووضى

[OTOsan]

وروح ارفع على الدريول قضية في المحاكم تستمر شهور وسنين وهو يشتغل عند غيرك ويجمع فلوس بعد ماصرفت عليه وجبته من بلاده !!!!

اينشتاين ،،

شكله حرف (الذال) دخل في معمعة الحروف .. بعد ماكان وحيد في الزاوية :)

تقديري واحترامي ،،

[إينشتاين]

اينشتاين ،،

شكله حرف (الذال) دخل في معمعة الحروف .. بعد ماكان وحيد في الزاوية :)

تقديري واحترامي ،،

شنسوي يالغالي من حر مافينا...

شكلي باغير توقيعي وباحط حرف الألف :)

[bo_hamad]

الله يوفقهم أن شاء الله

[مرتبش]

مؤيد
والاخ شيط وبيط ذكر بعض الاشياء الجميلة.. بالاضافة الى ان الحد من استغلال الكفيل للنظام سيقلل اعداد العمالة .

[shadad]

لكن مش كل كفيل يتعامل مع مكفولة بهذه الطريقة...
مع هذا القرار تصير أعباء شديدة على الكفيل واستغلال من قبل المكفول
عاد خاصة الهنود والبنغال والباكستانيين بيلعبون في حسبتنا...
الله المستعان...

اختي ..

العقد يحمي الطرفين, على الاقل يحمي المكفول من بطش الكفيل, مو يلقى المكفول شغل احسن براتب احسن ويبهدله الكفيل, ياما صارت وتصير يعني الكفيل ما يبا يرفع الراتب شوي ولا يبي المكفول يشتغل في مكان ثاني بس يضرره ليش ازين ؟
هاي اللي يخلي بعض الهنود والعماله تشرد, يعني بالعقل العماله هاي بتشرد لو لقت راتب مثل الناس ؟؟؟ ما اعتقد .

ومثل ما قلت لو تروحين برع اروبا وامريكا ما تلقين هاي القانون الا عندنا ! حتى في ناس هني بدت تبيع الفيز بمبلغ وقدره .

[خوي الدرب]

يا والله الي راحوا فيها اهل الكويت

من بكره بيلقى الواحد شغالته تعمل في فندق مغسلة صحون

[سهم متردد]

للناس المعارضه

اقترح يحطوا انفسهم مكان المكفول

وبس

اي والله
ولا الي يده في الماي مب مثل الي يده في النااااااار

[كازانوفا]

بس المفروض انهم مثل ما نزل خبر ما في كفيل لازم ينزلو كيف راح يكون القانون الجديد عشان الناس تفهم وتهدى لان الكثير راح يستااااء من هذا الشي لانهم مش فاهمين ايش اللى ناويه عليه الحكومه الكويتيه وايش اهدافهااااا

[MAZEN37]

أغلب المكفولين مخادعين وماتهمهم إلا مصلحتهم
والمتضرر الوحيد هو الكفيل...
الحين مع القانون الحالي ويمكرون بالكفيل ويخدعونه
اشلون لـ يصاروا أحرار...

اصلا الكفيل بالقانون الحالي هو المتضرر الاكبر ( لو في مقارنه) وانا معاكي

لكن في اكثر من طريقه تحفظ الحقوق للجانبين

بعدين انا اخالفك بكلامك انهم بيصيروا احرار ( ليش هم اسرى للكفيل )

وانا اعتقد لو في نظام العقود للطرفين حيكون في صالح الاقتصاد في البلد

اولا :- حيكون في منافسه للاستقطاب الايدي العامله المدربه والشاطره

بدلا من العمال الي مالهم لازمه وبتعلموا في اصحاب العمل

ثانيا :-بيكون في منافسه بين اصحاب العمل ( الكفيل ) لتقديم جوده بالعمل ومنافسه

بدلا من الاحتكار وبيكون منافسه تنتج اتجاه لتقليل الاسعار

ثالثا :- بيكون في قضاء وكل واحد مسؤل عن نفسه

:playball:

[صوت الضمير]

اللحين بكفيل موب سالمين من شرهم

بعد بدون كفاله ... بيتمردون زياده

[مقطع حق]

باكنسل الشركة وبسفر العمال من الحين


هااااااي إلي يبووووونه

يبون أصحاب الشركات الصغيره يقفلونها ويصير كل شي لهم!!!!!!!


والله العالم

[الرايــق]

نعم القرار
الى الامام

[هدهد سليمان]

للاسف ادارة نقل الكفالات هم سبب هذه المشكله وناس متخلفيين

يوم اقولك ممنوع نقل الكفالات من شركه الى خاص
ويوم ممنوع من خاص الى شركه
خلصووونا عاد اذا كانت الشركه راضيه والخاص ما عنده مانع في الحالتيين
اذن ليش ممنووووووع ... ؟؟؟ بس حسد وحقد وتعطيل مصالح



مع ما تفضلت به اخوي بوراشد تعطيل مصالح من قلب المشكله المزاجيه والواسطه تلعب دور كبير .. لكن نتمنى ان يكون القانون واضح طالما اراد المسلمون اللحاق بركب الديمقراطيه العالمي الامريكي ! مع ان ديننا سبقهم بسنوات ضوئيه وخاصة في هالشي ( متى استعبدتم الناس وقد ولدتهم امهاتم احرارا ) ..

[شموخ العز]

والله لو يصير بدون كفيل ان تحصلون ها الاجانب عافسين الدنيا




راح يندمون على هذا القرار اهل الكويت اجنبي بكفاله ومنطش للقوانين بعد بدون كفيل عز الله خربت

عسى ما يطبقونه عندنا

[Kuwaiti88]

طبعا لكل قرار سلبيات وايجابيات ...

ولكن اذا كان القرار سيعمل على تقليل السلبيات بنسبة بسيطة فهو أحسن وأفضل ...

هذا القرار راح يقلل من تجار الإقامات اللي عندنا حسبي الله عليهم تقولون عيال فقر ...

يعني ايي التاجر هذا وياخذ من الهندي 500 دينار عشان يكفله وآخر شي يقطه في الشارع ...

يعني على كثر الوافدين اللي عندنا ما صرنا دبي ولا نيويورك ...

اللهم خراب لبنيتنا التحتيه ونهب ثروات البلد وطمع وجشع ...

يعني بالله عليكم يايه وحده من الفيليبين للكويت عشان تحط ذره بقلاص وتبيعه موحرام ...

ياناس تطوروا حطوا مكاين تبيع ذره شهالتخلف ... ليش هالتكدس من قبل الوافدين ...

هذي يايه قاعده تاخذ من كل مواطن نصيبه في الماي والنفط والكهربا وغيره ...

ولا بعض اللبنانيين اللي عندنا والله العظيم ليسوا بكفاءات متخرجين من أوطى الجامعات اللي

فلبنان ... جامعة القديس يوسف ... جامعة لبنان ...

جامعات واطيه ويتوظفون في الشركات والمؤسسات الضخمه ...

على بو يحطون مكياج وجيل شفتوا أشكالهم بدون مكياج ...

وعلى فكره تدرون ان الكويت وقطر في قائمة الدول اللي تتاجر بالبشر ... ولا حد يقول لأ ...

وطبعا ماله شغل اذا لغينا نظام الكفيل فالوافد راح يتمرد ليلحين هالحجي بدبي مو عندنا ...

:anger3:

[USA shopping]

انشاء الله يتطبق هذا النظام وتلتغي العبوديه من قطر وتجاره الرقيق والذل
نعم عبوديه انك تتحكم في انسان حي من خلق الله وتجبره ايش ياكل وايش يلبس ووين ينام
نعم تجاره رقيق انك تدفع فلوس علشان تجيب انسان وتستعبده وتهلكه شغل وفي النهايه لما تمل منه او يخلص مشروعك ترميه في الابعاد
نعم ذل انك تحط عشرين عامل في غرفه وحده وحمام واحد انك تستهتر بأرواح العمال وتركب 150 عامل في باص سعه 60 شخص