سـؤال للجميـع .. لوفعلها والدك !! مالحـل ؟

[عزتي سمو ذاتي]

السلام عليكم ورحمه الله وبركاته


ودي أطرح هالمشاركة بس أتمنى ماتقولون مشاركة مالها معنى :nop:
يمكن فئة معينة تعتبر الموضوع المفروض ماينطرح بس بالنسبة لي ولغيري مهم كثير


كل اللي اطلبه منكم التجاوب مع الموضوع بحلول مناسبة




سؤالي
.. لوفعلها والدك !! مالحـل ؟ ..


تخيلوا الوالد يكون شخصية مثاليه الكل يتمنى الارتباط بشخص مثله

دين - اخلاق - منصب - مال - ذرية صالحة - حنون .....الخ وطبعاً هو كبير في العمر في الخمسين

زوجته رائعة بمعنى الكلمة ربة منزل بالدرجة الأولى - دين - اخلاق - جمال - دلال كل من ينظر لها يقول انها في بداية الثلاثين

ولكن المفاجأة انك تنصدم بوالدك وتكتشف انه على علاقة هاتفية بفتاة الأكيد انها ماتحبه بس تبي الاستفادة بينهم مسجات حب وغرام ويصرف عليها ويرسل لها صورته :anger3:


برأيك بهالموقف شنو راح تكون ردة فعلك وكيف بتتصرف لحل الموضوع ؟

طبعاً نبي حلول بحيث ماتصير مشكلة ويطيح هالرجال القدوة للجميع من عين احد ومايوصل الخبر لزوجته



في إنتظار آراءكم

موشرط طرحت الموضوع يعني يخصني :nono: بس هالمشكلة تكررت مرتين لناس اعرفهم

[Qatarianes]

عليكم مواضيع تفطس الصراحه
مجرد متابع

[ضوى]

هالمشكلة تحديدا صارت لواحدة قريبة علي وايد ، زوجها بعد الخمسين صابته هفة مراهقة ، مع انه زوجته ماشاء الله تبارك الله ملكة جمال ، يعني مب من الحريم اللي يهملون نفسهم بعد الحمل والولادة ، ومع ذلك تعرف على واحدة صغيرة وصار يصرف عليها ويكلمها .. الخ ، الزوجة يوم عرفت دافعت عن بيتها ، ودخلت اخوها في الموضوع ، ويقولون انه رجع لعقله وترك هالبنت ، ورد لزوجته ، وحاليا مانشوفه الا وياها ، صارت تخاف عليه وايد وماتتركه لحاله اطلاقا يعني مالية عليه كل وقته ، سفر وطلعات ومطاعم ، ان شاء الله تكون نزوة وعدت
الخلاصة : اللي الاحظه انه الزوج بعد الخمسين يبي قرب زوجته اكثر يبي حنان اكثر يبي دلع اكثر ، وهذا الشئ عن تجربة شخصية ، مايبي يقنع نفسه انه وصل لهالسن اللي عند الكثير يعني سن النضج والركادة والمفروض مايكون فيها الا الجد والثقل ، وهالشئ خطا كبير تقع فيه المراة( الزوجة ) تفكر اذا كبرت في السن خلاص المفروض تقعد على سجادة الصلاة وتنطر الموت ، وتشوف زوجها الشيخ الكبير في السن اللي المفروض يكون وقور كل وقته ويكون جد كل وقته ، نصيحة الزوج بعد الاربعين او الخمسين يحتاج لاهتمام ورعاية اكثر ، يحب الدلع ويحب اللعب والغشمرة اكثر من قبل ، يمكن يكون راكد قبل هالسن بس بعد هالسن يبتدي المطالبة بحياة اخرى تماما ليثبت لنفسه انه لازال شباب وروحه مرحة وحلوة

اول حل للمشكلة اللي طرحتها ياخوي احد يكلم هالزوج ينبهه للخطأ اللي قاعد يقترفه بحق زوجته وعياله اللي هو قدوتهم اكيد ، وفي نفس الوقت وبطريقة غير مباشرة يتم تفطين الزوجة لهذا الامر يعني نوضح لها وش ممكن يصير لو صار لهالزوج اي نوع من الاهمال ، نحاول يصير تقريب بين بينهم عن طريق سفرة رومانسية او طلعة عشا او غدا ، او سهرة سمر او او ، افكار كثيرة لا تغلب المراة العصرية في القيام بها ، وماشاء الله النت فيه مالذ وطاب من الافكار اللي تقرب بين الزوجين خاصة بعد حدوث فجوة بينهم

كل التوفيق لك اخوي الفاضل في حل هذه المشكلة

[عزتي سمو ذاتي]

عليكم مواضيع تفطس الصراحه
مجرد متابع



برأيي أن الموضوع مهم ومهم كثير ومابه شي يفطس على قولتك عشان الكل يتعلم
لوانحط بهالموقف كيف يتصرف بطريقة مايفضح الوالد مهما كان له قدرة ومكانته وعشان ماتصير مشاكل بالبيت

وأنا ذكرت في بداية الموضوع لوكان مايعني لفئة معينة بس الأكيد يعني لي ويعني للكثير وفي ناس انحطت بهالموقف


في إنتظار آراء ومناقشات تفيد الجميع .. ومشكور أخوي على المتابعة

[ام سلطون]

متابعه

[مخطط قطري]

شدعوه زوراه خميس صار هذا؟؟؟

[عزتي سمو ذاتي]

هالمشكلة تحديدا صارت لواحدة قريبة علي وايد ، زوجها بعد الخمسين صابته هفة مراهقة ، مع انه زوجته ماشاء الله تبارك الله ملكة جمال ، يعني مب من الحريم اللي يهملون نفسهم بعد الحمل والولادة ، ومع ذلك تعرف على واحدة صغيرة وصار يصرف عليها ويكلمها .. الخ ، الزوجة يوم عرفت دافعت عن بيتها ، ودخلت اخوها في الموضوع ، ويقولون انه رجع لعقله وترك هالبنت ، ورد لزوجته ، وحاليا مانشوفه الا وياها ، صارت تخاف عليه وايد وماتتركه لحاله اطلاقا يعني مالية عليه كل وقته ، سفر وطلعات ومطاعم ، ان شاء الله تكون نزوة وعدت
الخلاصة : اللي الاحظه انه الزوج بعد الخمسين يبي قرب زوجته اكثر يبي حنان اكثر يبي دلع اكثر ، وهذا الشئ عن تجربة شخصية ، مايبي يقنع نفسه انه وصل لهالسن اللي عند الكثير يعني سن النضج والركادة والمفروض مايكون فيها الا الجد والثقل ، وهالشئ خطا كبير تقع فيه المراة( الزوجة ) تفكر اذا كبرت في السن خلاص المفروض تقعد على سجادة الصلاة وتنطر الموت ، وتشوف زوجها الشيخ الكبير في السن اللي المفروض يكون وقور كل وقته ويكون جد كل وقته ، نصيحة الزوج بعد الاربعين او الخمسين يحتاج لاهتمام ورعاية اكثر ، يحب الدلع ويحب اللعب والغشمرة اكثر من قبل ، يمكن يكون راكد قبل هالسن بس بعد هالسن يبتدي المطالبة بحياة اخرى تماما ليثبت لنفسه انه لازال شباب وروحه مرحة وحلوة

اول حل للمشكلة اللي طرحتها ياخوي احد يكلم هالزوج ينبهه للخطأ اللي قاعد يقترفه بحق زوجته وعياله اللي هو قدوتهم اكيد ، وفي نفس الوقت وبطريقة غير مباشرة يتم تفطين الزوجة لهذا الامر يعني نوضح لها وش ممكن يصير لو صار لهالزوج اي نوع من الاهمال ، نحاول يصير تقريب بين بينهم عن طريق سفرة رومانسية او طلعة عشا او غدا ، او سهرة سمر او او ، افكار كثيرة لا تغلب المراة العصرية في القيام بها ، وماشاء الله النت فيه مالذ وطاب من الافكار اللي تقرب بين الزوجين خاصة بعد حدوث فجوة بينهم

كل التوفيق لك اخوي الفاضل في حل هذه المشكلة



اشكرك اختي على هالمداخله الرائعة والكلام الطيب

بالنسبة للزوجة ماهي مقصرة ابد صحيح انها في الخمسين بس تتعامل معاه انها في بداية زواجهم واللي يشوفها مايصدق عمرها

ومعاه سفر طلعات كشخه واهتمام على الأخر لدرجة انها تغطي على بناتها راعية بيت وطباخه بالدرجة الأولى وتدلعه له ماله اول ولا أخر عايش ملك بمملكته معاها

وانطرح عليها سؤال لواكتشفتي زوجك يعرف وحدة شنو ردة فعلك قالت الله لايقولها احس اني بموت حزتها

[عزتي سمو ذاتي]

متابعه


شكرا على المتابعة

[عزتي سمو ذاتي]

شدعوه زوراه خميس صار هذا؟؟؟


أخوي احنا نتكلم عن واقع حقيقي مانمزح

أنا ذكرت ابي حلول ومناقشة بالموضوع .. ياريت مانطلع عن محوره

[ضوى]

اشكرك اختي على هالمداخله الرائعة والكلام الطيب

بالنسبة للزوجة ماهي مقصرة ابد صحيح انها في الخمسين بس تتعامل معاه انها في بداية زواجهم واللي يشوفها مايصدق عمرها

ومعاه سفر طلعات كشخه واهتمام على الأخر لدرجة انها تغطي على بناتها راعية بيت وطباخه بالدرجة الأولى وتدلعه له ماله اول ولا أخر عايش ملك بمملكته معاها

وانطرح عليها سؤال لواكتشفتي زوجك يعرف وحدة شنو ردة فعلك قالت الله لايقولها احس اني بموت حزتها

معليش اخوي الكريم ، انا وانت نقول الزوجة مب مقصرة ، وممكن يكون الزوج مش مقصر ، بس البيوت اسرار واكيد مو كل شئ ممكن نعرفه ، فيه فجوة فيه نقطة غامضة مابينهم ، مافي احد يفتح على نفسه باب من غير سبب ، لو احنا نشوف هالسبب بسيط بس ممكن هالزوج يضخمه حتى يقنع نفسه او يبرر لنفسه اللي سواه والعكس صحيح ، يعني مثلا المشكلة الشبيهة اللي قلت لك صارت لقريبة عندنا اكتشفنا اشياء من الزوجة هي اللي وصلت الزوج لهالشئ ، صحيح تافهة وبسيطة بس الزوج شافها شئ كبير لانه يبي يبرر لنفسه الخطا الكبير اللي سواه ، يبي يريح ضميره باي شكل حتى لو يقنه نفسه بمبررات واهية

[الراقيه سبشل]

اعتقد انه المشكلة من البنت الي لعبت بعقله وخلته يكلمهاا

واشوف انه الحل تروحون للبنت الي يكلمها وتفهمون شسالفتها وتوقفونها عند حدها

وان شاء الله يكون في اقتراحات افضل بهالموضوع

[عزتي سمو ذاتي]

معليش اخوي الكريم ، انا وانت نقول الزوجة مب مقصرة ، وممكن يكون الزوج مش مقصر ، بس البيوت اسرار واكيد مو كل شئ ممكن نعرفه ، فيه فجوة فيه نقطة غامضة مابينهم ، مافي احد يفتح على نفسه باب من غير سبب ، لو احنا نشوف هالسبب بسيط بس ممكن هالزوج يضخمه حتى يقنع نفسه او يبرر لنفسه اللي سواه والعكس صحيح ، يعني مثلا المشكلة الشبيهة اللي قلت لك صارت لقريبة عندنا اكتشفنا اشياء من الزوجة هي اللي وصلت الزوج لهالشئ ، صحيح تافهة وبسيطة بس الزوج شافها شئ كبير لانه يبي يبرر لنفسه الخطا الكبير اللي سواه ، يبي يريح ضميره باي شكل حتى لو يقنه نفسه بمبررات واهية



صحيح كلامك أختي ضوى .. برأيك الزوجة لازم تعرف ؟

تسلمين على هالمداخله والتواصل الطيب .. الله يجزيك كل خير يارب

[بوبندر]

اقول مالكم خص فيه خلوه يستانس :app2:

[ضوى]

صحيح كلامك أختي ضوى .. برأيك الزوجة لازم تعرف ؟

تسلمين على هالمداخله والتواصل الطيب .. الله يجزيك كل خير يارب

برأيي الخاص الزوجة يجب ان تعرف ولكن بطريق غير مباااشر ، واتوقع انه حكيمة وراح تحل هالمشكلة بنفسها لانها الوحيدة اللي عارفها كل جزئية بزوجها وعارفة نفسيته ومشاعره واحاسيسه وهي الوحيدة اللي راح تتفهم مبرراته اما غيرها فاسمح لي ماراح يفهمونه مثلها

[عزتي سمو ذاتي]

اعتقد انه المشكلة من البنت الي لعبت بعقله وخلته يكلمهاا

واشوف انه الحل تروحون للبنت الي يكلمها وتفهمون شسالفتها وتوقفونها عند حدها

وان شاء الله يكون في اقتراحات افضل بهالموضوع



هاي الأكيد البنت لازم يكون لها تصرف وتصرف شديد وقوي عشان ماتلعب بعقول غيره

لأن هي شكلها من البنات اللي تدور على الكبار تقص عليهم عشان تحصل من وراهم وتستفيد

وإلا شنو اللي يخليها تكلم واحد كبير قد ابوها ولا رجال اعياله متزوجين وصار جد

[خالد31]

باختصار الابن الي عرف بالموضوع يجلس مع والده ويحاول يتكلم معاه لكن انصح الا يكون الكلام بشكل واضح مجرد تلميحات وكأن الموضوع يخص شخص اخر واذا الاب بالمواصفات الي تكلمتي عنها اكيد بيفهم وبيرجع يفكر في الموضوع
الحل الاخر اذا الفتاة معروفة او يعرفون جوالها ممكن يكلمها ولا يبين نفسة انه ولد الرجال الي تكلمة ويبين لهل انه اكتشف امرها ورح يفضحهم

[عزتي سمو ذاتي]

اقول مالكم خص فيه خلوه يستانس :app2:


إلا لنا خص ونص يبي يستانس بالحلال :anger3:

[عزتي سمو ذاتي]

برأيي الخاص الزوجة يجب ان تعرف ولكن بطريق غير مباااشر ، واتوقع انه حكيمة وراح تحل هالمشكلة بنفسها لانها الوحيدة اللي عارفها كل جزئية بزوجها وعارفة نفسيته ومشاعره واحاسيسه وهي الوحيدة اللي راح تتفهم مبرراته اما غيرها فاسمح لي ماراح يفهمونه مثلها


صحيح كلامك ماأحد يعرف سبب هالمشكلة إلا هي الوحيدة

وإن شاء الله تقدر تحل هالمشكلة

[بوبندر]

برأيي الخاص الزوجة يجب ان تعرف ولكن بطريق غير مباااشر ، واتوقع انه حكيمة وراح تحل هالمشكلة بنفسها لانها الوحيدة اللي عارفها كل جزئية بزوجها وعارفة نفسيته ومشاعره واحاسيسه وهي الوحيدة اللي راح تتفهم مبرراته اما غيرها فاسمح لي ماراح يفهمونه مثلها

انااعرف زوجك...اكبر ازقرتي بس على ثقل:tooth:

[عزتي سمو ذاتي]

باختصار الابن الي عرف بالموضوع يجلس مع والده ويحاول يتكلم معاه لكن انصح الا يكون الكلام بشكل واضح مجرد تلميحات وكأن الموضوع يخص شخص اخر واذا الاب بالمواصفات الي تكلمتي عنها اكيد بيفهم وبيرجع يفكر في الموضوع
الحل الاخر اذا الفتاة معروفة او يعرفون جوالها ممكن يكلمها ولا يبين نفسة انه ولد الرجال الي تكلمة ويبين لهل انه اكتشف امرها ورح يفضحهم



البنت ماينعرف عنها غير رقم جوالها وفكروا يكلمونها بس مايبون يتسرعون

ودهم بحل مايطيح قدر الوالد قدام الجميع لأن يعتبر في بيتهم قدوة وحل مايسبب مشاكل في البيت

[ضوى]

البنت ماينعرف عنها غير رقم جوالها وفكروا يكلمونها بس مايبون يتسرعون

ودهم بحل مايطيح قدر الوالد قدام الجميع لأن يعتبر في بيتهم قدوة وحل مايسبب مشاكل في البيت

مع احترامي لاصحاب هذا الرأي ، اي خطأ بسيط في الاسلوب الحواري مع هذه البنت ممكن يخليها تعاند وتتمسك فيه اكثر ،

[المستريح]

انصحك مب اى احد يتدخل فى الموضوع لازم يشوف واحد قريب منه يتكلم معاه بطريقه خاصه اذا هو بهالمواصفات الى ذكرتها انشاءالله الله بيهديه ويرجع لبيته وعياله والله يستر عليه وهاى الى تعرفه احسن لها تدور لها رجل تتزوجه ويستر عليها احسن ماتخرب بيوت الناس الله يصلح احوال المسلمين

[Al-Enazi]

هذي يسمونها المراهقه المتأخره

الله المستعان لاتعليق

[عزتي سمو ذاتي]

مع احترامي لاصحاب هذا الرأي ، اي خطأ بسيط في الاسلوب الحواري مع هذه البنت ممكن يخليها تعاند وتتمسك فيه اكثر ،


هالمشكلة هم لين الحين ماتصرفوا بالموضوع مايبون يزيدون الطين بله

ودهم بحـل يهدي الموضوع وينحل بالتستر بدون ماأحد يعرف مهما كان قدر الوالد مايبونه يطيح

[ع.م]

كل اللي باسويه إني بادعي إن الله يهديه..

وبس.

[عزتي سمو ذاتي]

انصحك مب اى احد يتدخل فى الموضوع لازم يشوف واحد قريب منه يتكلم معاه بطريقه خاصه اذا هو بهالمواصفات الى ذكرتها انشاءالله الله بيهديه ويرجع لبيته وعياله والله يستر عليه وهاى الى تعرفه احسن لها تدور لها رجل تتزوجه ويستر عليها احسن ماتخرب بيوت الناس الله يصلح احوال المسلمين


إن شاء الله ربي بيهديه .. بس اللي انعرف من المسجات ان العلاقة بينهم جدا سطحيه

ومايبون احد يتدخل عشان الموضوع ماينعرف واتم صورة الرجال كبيرة ماتتغير في نظر الغير

والبنت ربي بيجازيها إن شاء الله باللي تسويه تخرب بيوت الناس الله يستر عليها بس الواحد مايبي يغلط عليها

[يا هلا]

هذا عينه فارغة أكيد !!!!!

[عزتي سمو ذاتي]

هذي يسمونها المراهقه المتأخره

الله المستعان لاتعليق



اي والله مراهق في الخمسين :anger3:

[عزتي سمو ذاتي]

كل اللي باسويه إني بادعي إن الله يهديه..

وبس.



أمين وكلنا ندعي له هالدعوة الطيبة

[عزتي سمو ذاتي]

هذا عينه فارغة أكيد !!!!!


إلا مليانه بس ماقدر النعمه اللي هو فيها

في ناس تتمنى ربع الزوجة اللي عنده لأن نادر مانحصل وحده مثلها

[عزووز قطر]

الموضوع ينحل بجلسة الوالد مع أكبر الأبناء
ويحاولون يحلون الموضوع بشكل ودي
إن كان يبي يتزوجها .. أو يتركها
ويتم تذكيره انه في عمر الخمسين ووراه حساب وعقاب وعذاب قبر

[Qatarianes]

ياجماعه هذي مو مالت فلوس الي تكلم ابوهم؟
خلاص سهله, جيبو راسها بالفلوس
اي واحد بطران عنده فلوس بيضبطها ولا ضبطها صوره او صورتين للاب وبيحط عليها اكسات هههه
على فكره الي اقوله انا فكره سووها كذا واحد عانو من ابائهم بأنهم جابو راس البنت وفضحوها عند ابائهم
وتدرون الرجال مايحبون يطلعون بمنظر المقصه جدام العالم

[black@white]

مراهقه متاخره تحصل لكثير من الرجال حتى حين يتم اكتشافه وتنبيهه ويتظاهر بالعوده الى صوابه الا انه في حقيقه نفسه انه مايزال صغيرا ولازال مرغوبا فيه فسوف يمارس مراهقته بسريه اكثر
لا ينفع معه في هذه الحاله الا الدعاء بان الله يهديه

[ضوى]

ياجماعه هذي مو مالت فلوس الي تكلم ابوهم؟
خلاص سهله, جيبو راسها بالفلوس
اي واحد بطران عنده فلوس بيضبطها ولا ضبطها صوره او صورتين للاب وبيحط عليها اكسات هههه
على فكره الي اقوله انا فكره سووها كذا واحد عانو من ابائهم بأنهم جابو راس البنت وفضحوها عند ابائهم
وتدرون الرجال مايحبون يطلعون بمنظر المقصه جدام العالم


من ستر مسلماً في الدنيا ستره الله في الدنيا والاخرة ، ولا ننسى قد تكون هذه البنت مراهقة صغيرة في السن ظروفها العائلية وصلتها لهالشئ يمكن ويمكن ، حل الموضوع يكون بعقل مش بخراب بيوت وفضيحة وهتك ستر الله

[عزتي سمو ذاتي]

الموضوع ينحل بجلسة الوالد مع أكبر الأبناء
ويحاولون يحلون الموضوع بشكل ودي
إن كان يبي يتزوجها .. أو يتركها
ويتم تذكيره انه في عمر الخمسين ووراه حساب وعقاب وعذاب قبر


فكرنا بهالحل بس تعرف شنو المشكلة ان اعياله يبون يحلون المشكلة بدون مايعرف

لان هو قدوتهم ويتمنون يكونون بيوم من الأيام مع حريمهم مثله وبناته يتمنون بزوج مثله

وتخيل لواقعدوا معاه وتكلموا في الموضوع احس راح يحس انه هو طاح من عينهم وهم مايبون هالشي

[عزتي سمو ذاتي]

ياجماعه هذي مو مالت فلوس الي تكلم ابوهم؟
خلاص سهله, جيبو راسها بالفلوس
اي واحد بطران عنده فلوس بيضبطها ولا ضبطها صوره او صورتين للاب وبيحط عليها اكسات هههه
على فكره الي اقوله انا فكره سووها كذا واحد عانو من ابائهم بأنهم جابو راس البنت وفضحوها عند ابائهم
وتدرون الرجال مايحبون يطلعون بمنظر المقصه جدام العالم



أخوي احنا مانبي نزيد الطين بله ولا ودنا نخرب بيوت الناس نبي الستر للجميع

ولااحنا راعيين سوالف وبنات وخرابيط عشان نجيب رأسها بالفلوس نبي تصرف عقلاني يسكر الموضوع بالتستر

[عزتي سمو ذاتي]

مراهقه متاخره تحصل لكثير من الرجال حتى حين يتم اكتشافه وتنبيهه ويتظاهر بالعوده الى صوابه الا انه في حقيقه نفسه انه مايزال صغيرا ولازال مرغوبا فيه فسوف يمارس مراهقته بسريه اكثر
لا ينفع معه في هذه الحاله الا الدعاء بان الله يهديه



الله يهديه إن شاء الله ويهدي الجميع يارب

ممكن نترك الموضوع وندعي له بالهدايه بس تخيل لواكتشفت الزوجة راح تصير مشكلة كبيرة

[عزتي سمو ذاتي]

على فكرة هو من رواد المنتدى وكلي ثقه راح يشوف الموضوع

[البوررصة]

الدين حلل أربع

[الصريحه]

اهم حاجه تذكيره بالله

[بنت ابوها 19]

شدعوه زوراه خميس صار هذا؟؟؟

البنت طلبت مناقشه ماطلبت تظريف وطنازه

الي ماعنده رد رجائن مش مجبور يرد ..

[عزتي سمو ذاتي]

الدين حلل أربع



صحيح بس بالحلال مو بهالطريقة

[بو خليفه 123]

لأنه لقى في هذي الصديقه شيء مالقاه في زوجته .. بغض النظر عن جمالها .


لا تاخذون الجمال مقياس اساسي

[عزتي سمو ذاتي]

اهم حاجه تذكيره بالله



والنعم بالله

المشكلة عارف ربه وعلاقته صارت اقوى بربه من قبل

[المخباط]

اقطع عرق وسيح دمة
زوجتة لازم تعرف
الحين بادي في الحرام وهمكم أنه قدوة ولا تخدشون كبريائة :nono:
اذا فية جهد خلة يعرس وكلموة دايركت

[عزتي سمو ذاتي]

البنت طلبت مناقشه ماطلبت تظريف وطنازه

الي ماعنده رد رجائن مش مجبور يرد ..



القهر اني ذكرت بداية المشاركة وللأسف بعد حصلت ردود

الله كريم باقي الأعضاء فيهم الخير وماتقصرين أختي

[عزتي سمو ذاتي]

لأنه لقى في هذي الصديقه شيء مالقاه في زوجته .. بغض النظر عن جمالها .


لا تاخذون الجمال مقياس اساسي



برأيك شنو اللي حصله عند هالبنت ماحصله عند زوجته

فوق العشرين سنة وهي تمليء عيونه والحين صار فيها نقص

الأكيد ان هو مايبي يحس انه كبر وانه لين الحين مرغوب فيـه

[عزتي سمو ذاتي]

اقطع عرق وسيح دمة
زوجتة لازم تعرف
الحين بادي في الحرام وهمكم أنه قدوة ولا تخدشون كبريائة :nono:
اذا فية جهد خلة يعرس وكلموة دايركت



اي والله صدقت اخوي همنا مكانته وقدوته وهو بدأ في الحرام

بس هو الزواج مايفكر فيه بس مجرد علاقة لااكثر

[**هـتــــــان**]

ماعتقد حد من بني ادم معصوم عن الخطاء الا من رحم ربي ..بس من كثر الفتن صرنا نسمع ونشوف هالموضوع متكرر لناس واجد وهي تعتبر نزوة بها العمر والحل
النصح بطريقه فاعل خير مسجات من رقم مجهول ترسل له باستمرار منها نصايح ومنها تهديد بالابتعاد عن الفتاة وانه غدوة شلون ينزل لها المستوى ( ذكر انما انت مذكر لست عليهم بمسيطر ) .
المهم لين الله يهديه باذن الله .

الله يهدي الجميع بحوله ورحمته .

[بو خليفه 123]

برأيك شنو اللي حصله عند هالبنت ماحصله عند زوجته

فوق العشرين سنة وهي تمليء عيونه والحين صار فيها نقص

الأكيد ان هو مايبي يحس انه كبر وانه لين الحين مرغوب فيـه



استاذتي عزتي سمو ذاتي


انتي طلبتي الحل قبل كل شيء .. و هذا خطأ من وجهة نظري .


في البدايه لازم نعرف شنهي المشكله , و ماهو السبب خلف هذي المشكله ؟ و بعدها ندور له حل او نقترح .

القصد من مشاركتي السابقه ان لكل انسان زاويه مظلمه , هناك امور كثيره لا يمكن ان نصارح بها زوجتنا , و اتت بين يوم و ليله بعد سنين من الزواج هذي البنت الي جات على "عوق" الأب و عرفت زاويته المظلمه بشطاره ..

[عزتي سمو ذاتي]

ماعتقد حد من بني ادم معصوم عن الخطاء الا من رحم ربي ..بس من كثر الفتن صرنا نسمع ونشوف هالموضوع متكرر لناس واجد وهي تعتبر نزوة بها العمر والحل
النصح بطريقه فاعل خير مسجات من رقم مجهول ترسل له باستمرار منها نصايح ومنها تهديد بالابتعاد عن الفتاة وانه غدوة شلون ينزل لها المستوى ( ذكر انما انت مذكر لست عليهم بمسيطر ) .
المهم لين الله يهديه باذن الله .

الله يهدي الجميع بحوله ورحمته .


والله فكرتك حلوة كثيرة

والله يهدي الجميع يـارب

[ارين]

وعليكم السلام ورحمة الله وبركاته

هناك فرق في المطالبة بالحل من قبل صاحب المشكلة أم من أي شخص آخر كابنه مثلا ؟
فلو شعر الأب بالمصيبة التي هو واقع فيها وأراد الخروج منها وطلب حل لمشكلته ..
فهنا سيكون أكثر تقبلا للحل وتجاوبه أفضل وبالتالي سهولة علاجه ..

فالقرار الذي يصدر من ذات الشخص المخطأ ليغير من نفسه ويتخلص من خطئه
غير من أن يأتي شخص آخر ويفرض عليه الحل ...


سمعت محاضرة رائعة للدكتور خالد الجبير .. عن أحد التجار وهو يحكي له عن مشكلته ويسأل له الحل ..
فالرجل متزوج ولكنه يخالط النساء ولا يستطيع أن يغض بصره ولدرجة أظن إنه وقع في الحرام ...

فنصحه الدكتور بأن يواظب على الصلاة جماعة في الصف الأول في المسجد .. وشدد على الصف الأول وليس أي صف غيره
فسمع الرجل نصيحته .. وصار يعمل بها .. وتدريجيا وبمواظبته على ذلك .. تخلص نهائيا من مشكلته ..

وأيضا من الحلول التي ذكرها الدكتور .. إنه كلما أذنب الشخص ذنبا .. فعليه أن يسارع لمحوه بإذن الله بـ الصلاة ركعتين ..
فالشيطان هنا لن يرضى للإنسان أن يتقرب إلى الله والصلاة .. فيوسوس له بثقل الوضوء والصلاة كلما أراد أن يذنب
فقط لكيلا يتقرب الإنسان من ربه ويصلي ...

والله يعطيك العافية وأسأل الله أن ييسر أمر ذلك الأب وتنحل مشكلته ....



.

[الأصيلة]

نعم الموضوع مهم جدا
والكثير يعاني منه ... وخاصة إذا كان الطرف الثاني غير قطرية بـ تنخله نخال...
على الزوجة التحلي بالعقل والإتزان ومحاولة تعويض الزوج مايفقده من كلام ودلع وعدم تركه بمفرده
مع مشاركة أحد العقلاء من العائلة ممن تثق فيهم
لإعادة الرجل إلى رشده...
وإن شاء الله مايكون فيها سحر وشعوذه من قبل الطرف الثاني لأن حصل كثير مع بعض الرجال فـ كانت صعبة عودته لـ بيته وزوجته
والله يهدي هالشباب اللي من يصير عمرهم 40 قالوا نجدد ونغير عن مشاكل البيت والزوجه
فيلجأون إلى مايجلب لهم المشاكل الحقيقية...
لازم أحد ينبهه أن اللي يفعل هذه الأفعال يتأكد أن الله ممكن يعاقبه بمثلها
في زوجته او بناته أو حفيداته أو خواته...
والله يرده لـ بيته وعياله ...

[المستقل]

إلا لنا خص ونص يبي يستانس بالحلال :anger3:


نلمس من الرد تأييد لتعدد صح؟

[صوت الضمير]

الله يهديه إن شاء الله

[الأصيلة]

فكرنا بهالحل بس تعرف شنو المشكلة ان اعياله يبون يحلون المشكلة بدون مايعرف

لان هو قدوتهم ويتمنون يكونون بيوم من الأيام مع حريمهم مثله وبناته يتمنون بزوج مثله

وتخيل لواقعدوا معاه وتكلموا في الموضوع احس راح يحس انه هو طاح من عينهم وهم مايبون هالشي

عليهم بالدعاء والله بيسر لهم اللي يبغونه
وماعليهم لوم ...والله يكثر من امثالهم اللي يحترمون ابوهم ويقدرونه..