شرايكم باللي حصل في محل تلفونات في السد

[tawareq]

خذتلي تلفون مستعمل يوم واحد فقط النوع نوكيا من محل في السد.


واخذت التلفون بدون العلبة واكسسواراتها ودفعت المبلغ كاملا على ان يتم تسليمي علبة الهاتف مع الاكسسوارات من صاحب التلفون في اليوم التالي .

واخذت منهم شاحن البيت مستعمل من المحل مؤقتا الى ان يتم تسليمي العلبة ما فيها مع الضمان.
وعند الاتصال بموظف المحل على العلبة قال لي انه اتصل بصاحب التلفون ولم يرد عليه ، وكل يوم اتصل في المحل يقول انه كلم صاحب التلفون وسوف ياتي بالعلبة وعلى هذا الحال من ااسبوع .

وعندما ذهبت الى المحل للتفاهم قلت له انك تاخرت علي وان المبلغ المدفوع بالكامل التلفون واكسسواراتها والضمان - رد على وقال وانا اعمل اه اذا صاحب التلفون ما جابهاش
قلت له هذا مب شغلي انا شريت التلفون ودفعت المبلغ ولا خذت كماليات التلفون على ان تجيبلي باقي الاغراض في اليوم التالي

الا انك قاعد تماطل معاي وقام عطاني علبة تلفون اخر مستعمل مع كماليات التلفون من النوع التجاري ووافقت قلت له على شرط عطني اكسسوارات اصلية للتلفون
قال لي ما عنديش بدك بدك ما بدك اعمل اللي انت عاوزه او رجع التلفون وراح اخصم عليك جزء من المبلغ اشرايكم
قلتله عطني صاحب المحل اتفاهم معاه علشان اخذ حقي منه
وبكل برودة قال اهو قاعد هناك كلمه

وبكل اسف ان صاحب المحل كان يسمع كل شي ولا حرك ساكن ولا تدخل في الموضوع
ويوم كلمت صاحب المحل - قال لي انا مالي خص كلم الموظف.

قلت حسبي الله وونعم الوكيل خذت العلبة الثانية بالاكسسوارات التجارية وطلعت لاني عرفت اني ما راح القى من ينصفني
((( حسبي الله ونعم الوكيل فيهم عساهم ما يتوفقون دنيا ولا اخرة )))

كله فلوس حرام

[لاجئ عاطفي]

بصراحه الغلطه غلطتك يوم رضيت تاخذ الجهاز بدون اكسسواراته ويوم شفت انه ناقص كان رحت محل غيره اكيد بتلقى وثاني شي دامه مستعمل تحمل الي يجيك

[ابن الجزيرة]

خذتلي تلفون مستعمل يوم واحد فقط النوع نوكيا من محل النهام في السد.


واخذت التلفون بدون العلبة واكسسواراتها ودفعت المبلغ كاملا على ان يتم تسليمي علبة الهاتف مع الاكسسوارات من صاحب التلفون في اليوم التالي .

واخذت منهم شاحن البيت مستعمل من المحل مؤقتا الى ان يتم تسليمي العلبة ما فيها مع الضمان.
وعند الاتصال بموظف المحل اسمه احمد ( مصري ) على العلبة قال لي انه اتصل بصاحب التلفون ولم يرد عليه ، وكل يوم اتصل في المحل يقول احمد انه كلم صاحب التلفون وسوف ياتي بالعلبة وعلى هذا الحال من ااسبوع .

وعندما ذهبت الى المحل للتفاهم قلت له انك تاخرت علي وان المبلغ المدفوع بالكامل التلفون واكسسواراتها والضمان - رد على وقال وانا اعمل اه اذا صاحب التلفون ما جابهاش
قلت له هذا مب شغلي انا شريت التلفون ودفعت المبلغ ولا خذت كماليات التلفون على ان تجيبلي باقي الاغراض في اليوم التالي

الا انك قاعد تماطل معاي وقام عطاني علبة تلفون اخر مستعمل مع كماليات التلفون من النوع التجاري ووافقت قلت له على شرط عطني اكسسوارات اصلية للتلفون
قال لي ما عنديش بدك بدك ما بدك اعمل اللي انت عاوزه او رجع التلفون وراح اخصم عليك جزء من المبلغ اشرايكم
قلتله عطني صاحب المحل اتفاهم معاه علشان اخذ حقي منه
وبكل برودة قال اهو قاعد هناك كلمه

وبكل اسف ان صاحب المحل كان يسمع كل شي ولا حرك ساكن ولا تدخل في الموضوع
ويوم كلمت صاحب المحل - قال لي انا مالي خص كلم ابو احمد .

قلت حسبي الله وونعم الوكيل خذت العلبة الثانية بالاكسسوارات التجارية وطلعت لاني عرفت اني ما راح القى من ينصفني
((( حسبي الله ونعم الوكيل فيهم عساهم ما يتوفقون دنيا ولا اخرة )))

كله فلوس حرام


هنا مربط الفرس

السلبية والدعاء والسلام عليكم


هذا الذي جعل امثال هؤلاء يتفرعنوا وينصبوا ويغشوا ولا يخشوا من احد


لو كنت محلك لن اتخلى عن حقي ابدا

سوف اذهب الى الشرطة واقدم بلاغ واجرجره الى اقسام الشرطة حتى لو لم اطلع بنتيجة

يكفي ان يقفل المحل ويذهب الى الشرطة

عندها لن يكررها


نفس الموقف حصل لاحد اصدقائي اليوم محل في طريق سلوى وقبل شهر غير الراديتر ودفع 1300 ريال

امس ارتفعت الحرارة الى اعلى حد وجد ان هناك تهريب غير الراديتر باخر بالف ريال

قلت له لا تسكت ما صار لك شهر المسالة فيها غش

قال لا بلا وجع راس

اسمحوا لي بان اقول لكم بانكم سلبيين وهذه الطف ما يمكني قوله

[La Bella]

أخوي وش نوع التلفون أنا عندي أكسسوارات وايد أصلية مستعمله مش محتاجتها
أذا نفس النوع فالك طيب

[راعي الدتسن]

حسبي الله ونعم الوكيل فيهم

[هام السحاب]

احسن شي سويته انك ذكرت اسم المحل

[tawareq]

أخوي وش نوع التلفون أنا عندي أكسسوارات وايد أصلية مستعمله مش محتاجتها
أذا نفس النوع فالك طيب

مشكور وما قصرت ويسلم راسك يالغالي

للامانه مش القصد الاكسسوارات كثر ما هو ان الواحد ياخذ حقه وهم يتلاعبون في الناس وللاسف ان راعي المحل يعتبر شريك بللي حصل

والشره مب على المصري وانما على راعي المحل اللي سمح ان هالاشكال يشوهون سمعه المحل

[القيادة]

بصراحه انت الغلطان مايبيلها كلام لانك وافقت تشترى تيلفون بدون أكسسوارته
يالله كل ضربه بتعليمه
الله يعوض عليك

[بومحمد55]

الحقوق تبيلها حلوج

والله لو أنا منك ماسكت عن حقي
تراني راعي طويله

[tawareq]

بصراحه انت الغلطان مايبيلها كلام لانك وافقت تشترى تيلفون بدون أكسسوارته
يالله كل ضربه بتعليمه
الله يعوض عليك

الصراحة انا ما خذت التلفون اللا لما وعدني المصري انه بيجيب اللي الكرتونة بالاكسسوارات اليوم الثاني وما توقعت انه بيماطل كل يوم

وبعدين التلفون جديد مستعمل يوم واحد فقط

[bo_s3ood]

الله يعينك اخووي

[Right]

الشرهة مب عليه ولا على صاحب التلفون ولا على صاحب المحل .. الشرهة عليك أنت

شلون تشتري الجوال بدون أغراضه !!!

يا أخوي كان شريت لك واحد جديد أحسن لك وريحت راسك

أغلبية إلي يبيعون فهذه المحلات نصابين ولا يخافون الله

[بو شهاب]

هذه لعبتهم و ربحهم . ياخذ الاكسسوارات الاصلية و يبيعها على غيرك و يعطيك الاكسسوارات التجارية ترضية

[N7eEeS]

قدر الله وماشاء فعل.
هذا درس لك ولغيرك.
روح مركز العاصمه واسألهم ايش الاجراء على الاقل لن تفقد شرف المحاولة ابرك من انك تحس ان انضحك عليك.
اتمنى ان هل قطر يكونون ايجابين في تعاملاتهم مع الناس عصر الطيبه ولى وانتهى.

[عسولة]

الصراحة اجيب لة الشرطة يأدبونة اشدعوة البلاد ترى فيها قانون تضبط هالأشكال ؟؟؟؟؟

ترة محل " ال شريم " ومحل " برجمان" وااااااااااااايد احسن لك من ذولي

[بدون]

الله يعوض عليك وما أبغي أزيد على اللي قالوه الاخوان و الأخوات ألا : خذ بالك من هالأشكال

[مرحوم قطر]

يارجال خلها على ربك حراميه عيني عينك و الناس كلها اتشوف ولاكن للاسف

محد يقدر يسوي شي ولا حد يقدر يحرك شي ولا حد يقدر ينصفنا

تبي تاخذ حقك تحقطله اخر الليل ونت متلطم و العن قفد قفده غير كذا مافي اي احد ينصرك

بتقولي حماية المستهلك كلام فاظي

بتقولي الشرطه بيقولون لك مافي دليل

يعني حقك اناكل و راحة عليك



انا رحت محل في سوق الخميس الي في المجمع الثاني على الزاويه محل شغلون فيه مصريين

خدت من عندهم العاتم او عازل الشمس

و خذ المقاسات وكل شي

كان يوم جمعه و قالي يوم الثلاثاء بنركبهم ان شاء الله


صار يوم الثلاثه كلمتهم قالي والله اسمحلي و تم يحلف و يتلف

قلت له خلاص مب مشكله متى بتركبهم قالي بكره

صار بكره و جوني

ولا عازل عدل كلهم مقاساتهم غلط و كبيره على الدريشه و تزحف على الارض و وصخه بقعه

خليتهم يشيلونهم و كلمته قالي خلاص بكره بنركبهم و ميهمكش ولا حاجه


شغل اونطه مصري ماينلام


المراد انا انشغلت مع الدوام اسبوع كامل لين امس رحت لهم و اتهاوش مع المصري

والله بكل وقاحه و سفاله يقولي هو كدا ايوه شغل اونطه عقبك ولا مش عقبك


قلت ايوه هذا الي انطره منك

يوم شافني تكلمت في التلفون و كنت بقمبعها على مخه

قلب الحرامي سوالي استازنك بكلمتين بس و ولا يهمك و ماعرفش ايه دلواتي الساعه 7 الساعه تمنيه حيكونو عندك

قلت له ايييييوه خلك كذا شاطر

جوني 8 و ربع مواعيد مصريين

ركبوهم اشوي الى كلهم وصخين

وتقنبع و اتصله و اتهاوش وياه

بس انا عرفت له

خليت العمال ينظفون الستاير طبعاً مانظفو عدل

و طردتهم بعدين عماله بعد مصريين

و قلت له العربون 200

الميتين حلال عليه و باقي الفلوس انساهم و اعلى مافي خيلك اركبه

و خليته يولي



و هذي السالفه هينه

مابالك بالي ينصبون ابمبالغ و قدرها

انا واحد من ربعي في الدوام ركب على بيته حجر والله كلفه يالربع

ماكمل اسبوع الا الحجر بدا يطيح راح لهم جو و عدلوه و نفس الشي رجع يطيح

يعني مافي بوق و نصب و احتيال من جميع النواحي


سالفه ثانيه

انا توني مخلص بنيان

جبت عمال يسوون لي الحمامات ونتو بكرامه

الي اتفقت معاه يسويلي المطبخ قالي انا عندي لبناني عنده عمال بايفيتريه

قلت له جيبه والله جوني و عطاني سعره و كان زين

خذتهم و خليتهم يسوون لي حمامين الله يكرمكم طبعاً هم فري فيزا بدون شركه

خليتهم سافرت شهر و رجعت الا بعدهم ماخلصو

هاوشتهم و انشغلت و اسبوع خلصو

رحت لهم يالربع مسوين لي حزوم في الحمام و مافي بلاطه جنب اختها

و اقلب الدنيا فور راسه

والله ما ردني الى وانا ماخذ بطاقته الشخصيه غصب من مخباه و وقعته على اورقه انه هو ماخذ مني المبلغ

الي دفته زايد مبلغ الحمامات و كان 16 الف

طبعاً هلورقه لو صحيح بروح اشتكي عليه بيقولون لي بلها و اشرب مايتها

و البطاقه الي خذتها ممكن تسويلي قضيه


بس من حسن حظي ان البناني طلع غبي و صدق السالفه و عطاني ال 16


الله كريم ترى الكل يدري و الشرطه و حماية المستهلك يدرون

بس من يغيثنه غير الله سبحان مشها يا اليوم يا الشيخ و خذها يوم الدين

[البوررصة]

ممكن ترسلي اسم المحل على الخاص

[aljaber1]

الله يعوض عليك انسى الموضوع كل الدنيا ماتسوى
والتسامح شيم الكرام ولو بغيت حقك بتاخذه

[Busin Lover]

ما ابي اتفلسف عليك

بس اغلب التلفونات الي من دون اغراضها و كراتينها

تكووون " مبيووقه "

وماتدري يمكن مألف عليك قصه انه بيكلم صاحب التلفون و بيجيب الاغراض

انصحك تروح المركز الي صوب برتش كونسل و تجيك معاهم ع السيريل نمبر

والله يحفظك..

[hamoor4ever]

ياخوي لاتعور راسك ولا بعد مركز السد ماراح يسون لك شي لان ببساطه بيقولون لك هاذي مب شغلنا الا اذا لك معرفه ممكن يخرعونه بس ولا لو بايقين مب تلفون اقول لك لو بايقين موترك من البيت وتدري من لي بايقه وتشتكي عندهم بيقولون لك مالنا خص واسأل مجرب

[مشتاقة لقطر]

مرحوم قطر : اسمحلي من باب الحرص عليك لا اكثر


اعطي الاجير اجره قبل ان يجف عرقه

للمصري عطه الباقي لو بعد فترة يكون بردتحرتهطرش له اياهم

واللبناني شوف كم خسرك وعطه جزء من حقه بالاتفاق


حرام تعبو وعرقووو وشالو وحطو ويطلعون بللوشي

[الصريحه]

الله يعينك الذمه صارت وسيعه هاليومين
الله يعوضك خير
بس لاتسكت اشتكي عليهم
مب حل كل واحد يسكت عن حقه

[بوخالد911]

السعيد من اتعظ بغيره


وهذا دررس للكل

مووفقيين

[بنت شيوخ]

كان ماشريته

وفي محلات وايد غيره


الله يعوضك بالاحسن منه

[المستريح]

انت طيب وصادق وتحسب الناس كلهم مثلك هذولا الناس الى يخلون البعض مايصدق اى احد حتى لوكان صادق الله يعوضك خير وهو لاتبشره بالخير اذاهذاتعامله مع الناس الحرام مايدوم

[CH Engineer]

اخوي هذا اذا في كرتون واكسسوارات

المفروض تأشرله على جوال ضعيف وتقوله عطني خلني اشوفه
وتكسره وتقوله السموحه انكسر بالغلط وتمشي..

[القمه]

:anger3:
خذتلي تلفون مستعمل يوم واحد فقط النوع نوكيا من محل في السد.


واخذت التلفون بدون العلبة واكسسواراتها ودفعت المبلغ كاملا على ان يتم تسليمي علبة الهاتف مع الاكسسوارات من صاحب التلفون في اليوم التالي .

واخذت منهم شاحن البيت مستعمل من المحل مؤقتا الى ان يتم تسليمي العلبة ما فيها مع الضمان.
وعند الاتصال بموظف المحل على العلبة قال لي انه اتصل بصاحب التلفون ولم يرد عليه ، وكل يوم اتصل في المحل يقول انه كلم صاحب التلفون وسوف ياتي بالعلبة وعلى هذا الحال من ااسبوع .

وعندما ذهبت الى المحل للتفاهم قلت له انك تاخرت علي وان المبلغ المدفوع بالكامل التلفون واكسسواراتها والضمان - رد على وقال وانا اعمل اه اذا صاحب التلفون ما جابهاش
قلت له هذا مب شغلي انا شريت التلفون ودفعت المبلغ ولا خذت كماليات التلفون على ان تجيبلي باقي الاغراض في اليوم التالي

الا انك قاعد تماطل معاي وقام عطاني علبة تلفون اخر مستعمل مع كماليات التلفون من النوع التجاري ووافقت قلت له على شرط عطني اكسسوارات اصلية للتلفون
قال لي ما عنديش بدك بدك ما بدك اعمل اللي انت عاوزه او رجع التلفون وراح اخصم عليك جزء من المبلغ اشرايكم
قلتله عطني صاحب المحل اتفاهم معاه علشان اخذ حقي منه
وبكل برودة قال اهو قاعد هناك كلمه

وبكل اسف ان صاحب المحل كان يسمع كل شي ولا حرك ساكن ولا تدخل في الموضوع
ويوم كلمت صاحب المحل - قال لي انا مالي خص كلم الموظف.

قلت حسبي الله وونعم الوكيل خذت العلبة الثانية بالاكسسوارات التجارية وطلعت لاني عرفت اني ما راح القى من ينصفني
((( حسبي الله ونعم الوكيل فيهم عساهم ما يتوفقون دنيا ولا اخرة )))

كله فلوس حرامانا اختلاف عن ارائكم تدرون ليش الله يسلمكم كان راح حق صاحب المحل وقال له خذ تيلفونك وعطني فلوسي او تعطيني العلبه مابه علبه
ولا استرجاع الفلوس بشتكي عليكم للشرطه
والله دايرك بيعطيك وسئل مجرب ،،ودون
ضمان ينقص المبلغ شي معروف

[مرحوم قطر]

مرحوم قطر : اسمحلي من باب الحرص عليك لا اكثر


اعطي الاجير اجره قبل ان يجف عرقه

للمصري عطه الباقي لو بعد فترة يكون بردتحرتهطرش له اياهم

واللبناني شوف كم خسرك وعطه جزء من حقه بالاتفاق


حرام تعبو وعرقووو وشالو وحطو ويطلعون بللوشي


هلا مشتاقه اي و الله فكرت فيها

بس هو بعد ضرني يعني اخرني اسبوعين و ماعطاني المطلوب عطاني شغل تعبان

يعني هو نصب و باق و استلعن و خذ جزاه اني ما عطيته باقي فلوسه

يعني مثل ما تقولين نفس ماتقولين جزاء على الي سواه فيني رديتها له

مادري اذا في فتوى ولا حد يستفتينه اذا حرام بردله الفلوس :nop:



اما البناني انا حسبت شغل يده الي عطيته اياه و حسبت فلوس السيراميك

و خذتهم منه و على طول يبت عمال خليتهم يكسرون الي سواه و يبنون من جديد

و دفعت فوق الفلوس الي رداهم لي يعني كان المفروض احسب سعر التسكير :mad:

[شبح الصمت]

الله يعوضك خير اخوي

اخوي ولا عليك امر قول لصاحب المحل عطني رقم صاحب التلفون واتصل فيه قوله ان شريت التلفون وابي الاكسسورات

وفك نفسك من عوار الراس

[منصوربن حمد]

ياخوي نبي اسم المحل علشان ينفضح واللي غيرة يتعلم ولوني منك ابلغ الشرطة بللي حصل مش علشان الفلوس لان البلاغ مايستاهل لاكن المبدء دامه قالي اعمل الي بدك راح اعلمة الادب هذا اذا ماحطيتة بكبرة في الكرتون علشان يتأدب هو وصاحب المحل اللي يسمع وساكت والساكت راضي اسمحلي اقولك انك ماعرفت تتعامل ياليتة طايح بيدي

[@north_star@]

اولا اخوي نصيحة اذا بتشتري تلفون بدون اغراضه اخصم مبلغ من القيمة لين ما تستلم باقى الاغراض
وثانيا لو انا منك ما اطلع من المحل الا وماخذ فلوسي بالكامل وباخذهم من عيونه حتى لو بشتكي عليه بالشرطة بس ما اخلي حقي والله يعوضك خير

[shadad]

الموظف وراعيه يتسحبون لمركز الشرطه حتى لو ما جابت بفايده واسم المحل يذكر ونعطيه اكس مارك .

والله يعوض عليك اخوي بس لا تتهاون في حقك .

[الصحراء]

انا مابغي احطمك اخوي بس ايش الي يضمن لك ان المصري ما كذب عليك بعد في مدة استعمالة يمكن مستعمل اكثر من يوم انت كيف عرفت انه مستعمل بس يوم واحد لان هذي لعبتهم المصريين والسوريين مشهورين ذمتهم وسيعه حتى ان بعضهم يبيع المستعمل شئ بسيط يبيعه على انه جديد وبسعر الجديد تخيل!!!! ولو سمحت ممكن اسم المحل على الخاص

[FAUCHON]

الله يعوض عليك اخوي

كل يوم نتعلم درس في الحياه

مب كل الناس عندها ذمه وضمير ..~

استغفر الله من هالناس

[الراقيه سبشل]

انا اتوقعت انك بتقول بالنهاية انك استرجعت فلوسك

بس ليش ماسويت شي؟؟

هاذيل يبيلهم الشرطة تحاسبهم عشان مايقصون ع العالم

[tawareq]

مشكورين وما قصرتوا على وقفتكم وعلى الردود

بس حبيت اقول اني خذت التلفون بحسن نية على ان يجيبلي الاغراض اليوم الثاني لكن ما دريت انه بيقعد يماطل معا

[المرحب]

((( حسبي الله ونعم الوكيل فيهم عساهم ما يتوفقون دنيا ولا اخرة )))


خلاص تكفيك

[بـن عدوان]

اشتك عليهم ...

[Super Cool]

الموضوع باختصار يا بو الشبااااااااااااااااب هو ان حد بايع عليهم جوال مبيوق.....لذلك ماله بوكس.....لو منك ابلغ الشرطة في اقرب وقت و اعطيهم السيريال نمبر

[وطن]

الله يكون بعونك اخوي
المفروض من الاول ما تاخذه لا بحسن نيه ولا غيرها
تنتظر يكملون اغراضه كلها وبعدين تستلمه وتسلمهم الفلوس



ما ابي اتفلسف عليك

بس اغلب التلفونات الي من دون اغراضها و كراتينها

تكووون " مبيووقه "

وماتدري يمكن مألف عليك قصه انه بيكلم صاحب التلفون و بيجيب الاغراض

انصحك تروح المركز الي صوب برتش كونسل و تجيك معاهم ع السيريل نمبر

والله يحفظك..

اذا ما عنده واسطه مب مسوين له شي



ياخوي لاتعور راسك ولا بعد مركز السد ماراح يسون لك شي لان ببساطه بيقولون لك هاذي مب شغلنا الا اذا لك معرفه ممكن يخرعونه بس ولا لو بايقين مب تلفون اقول لك لو بايقين موترك من البيت وتدري من لي بايقه وتشتكي عندهم بيقولون لك مالنا خص واسأل مجرب

صحيح كلامك
لي تجربه معاهم وحطيت عليهم اكس

اذا ما عندك حد تعرفه هناك ولا امورك ما تمشي

:nop: