كــــــفــــو أم ابــــراهــــيــــم

[كلاسيك قطر]

السلام عليكم ورحمه الله وبركاته

جايبلكم اليوم مقطع من برنامج وطني الحبيب صباح الخير

الي اتصل فيها أم ابراهيم الي البرنامج

وكانت تتكلم عن الحديقه المائيه الاكوابارك

اسمعو شنو قالت

وكان البرنامج امس

http://www.4shared.com/audio/CqNmlym9/________.html

[بوحارب]

والله كفو عليها وبيض الله وجهها :)

وهذي حريم قطر اللي الواحد يفتخر فيهم مب بنات هاليومين اللي كل شي عادي عندهم !

والله يكثر من امثالها

تسلم اخوي كلاسيك على المقطع الحلو :app2:

[كلاسيك قطر]

حاضري يا بوحارب والله

وانا يوم سمعتها

مادري شاقولك يالغالي

[كلاسيك قطر]

للرفع وشرايكم

[حياة]

رحم الله والديها وكثر الله من امثالها
لابارك الله في هالالعاب دام انها بتكون سبب للزياده الفساد....

[كلاسيك قطر]

اوكي يالغالي انا معاك

لانه المذيعه ذكرت انه لو يخصصون يوم حق النساء او يحطون لافته ممنوع دخول المدينه المائيه اله بلاس ستر

[زقرتي ومزاجي]

الحياة صعبة ... والوضع صعب تغييره ونحمل في قلوبنا سلسلة طويلة من كلمه (( لا ))
لكن من يثمن كلمه (( لا )) .

[GRNAS2002]

الله يجزاج خير يا ام ابراهيم وبيض الله وجهك
المذيع الله يهداه يقول احنا في دوله اسلاميه ونطبق الشريعه
الظاهر انه ما يدري عن الفنادق وويش الي فيها او انه ما يروح البحر ويشوف ألأجانب ولبسهم
والله احنا نستحي لا نودي عيالنا البحر بسبتهم
ما نقول الى الله يرحمنا برحمته ويستر علينا
وحسبنا الله ونعم الوكيل
صرنا في بلادنا اجناب

[sendarala]

حسبي الله ونعم الوكيل

[بن مفتاح]

بيــض الله وجهها ..

وجزاها الله عنا كل خير ..

ما شاء الله عليها مره بالف رجاااااااال .. ما رضت بالغلط اللي تشوفه ..

الله يحفظها لأهلها ..



الله يستر على بناتنا .. وشبابنا .. ويحفظ قطر واهلها جمييييييع ..

[GRNAS2002]

الحياة صعبة ... والوضع صعب تغييره ونحمل في قلوبنا سلسلة طويلة من كلمه (( لا ))
لكن من يثمن كلمه (( لا )) .

طحت على العوق

لاهنت انت وصاحب الموضوع

[فتى البراري]

تكبييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي يير

[ممنوع اللمس]

اوووووووووووه يا هالمذييع اللي دابلن كبدي متى يغيرونه :(
كل الشكر عالطرح وكفو يا ام ابراهيم والله يحفظج
دام السالفه كذا خلهم يخصوون يوم للأجانب بروحهم ولا يخالطون فيه العرب لان فعلا مهزله اللي قاعده تسير

[meshwar]

جزاها الله خير ام ابراهيم

والمذيع في البداية متخاذل
ولكن المذيعة اشجع منه وطالبت بحل
ثم تبعها المذيع

والمشكلة ان كثير من الشكاوي تدرج في " العدم "
لوجود متاخذلين يتسلقون على اكتاف مصائب الناس
لاظهار حبهم الوهمي وولائهم الفارغ من المضمون

فام ابراهيم لم تتحدث عن الاكوا بارك فقط
بل وصل بها الحال الى طرح مشكله
اكبر عند قولها انا يحترق قلبي على البنت ، حتى لو مش بنتي
وانها في يوم من الايام قد تكون صديقة لبنتي فطلب مني البنت التشبه بها

ولم تنفي عن دولة قطر الاسلام والتمسك بالدين

بل هو تساؤل مشروع من اجل الحث على الصواب
او نوع من الاستفسار حين الاستشكال

فقد قال عمر بن الخطاب رضي الله عنه للرسول صلى الله عليه وسلم

يَا رَسُولَ اللَّهِ أَلَسْنَا عَلَى الْحَقِّ وَهُمْ عَلَى الْبَاطِلِ ؛ فَقَالَ : "بَلَى" . فَقَالَ أَلَيْسَ قَتْلانَا فِي الْجَنَّةِ وَقَتْلاهُمْ فِي النَّارِ ؛ قَالَ : "بَلَى" . قَالَ : فَعَلامَ نُعْطِي الدَّنِيَّةَ فِي دِينِنَا؟ أَنَرْجِعُ وَلَمَّا يَحْكُمِ اللَّهُ بَيْنَنَا وَبَيْنَهُمْ؟

وقد اجابه الرسول صلى الله عليه وسلم على هذا التساؤل
جواب شافي وكافي
ولم يأخذ من عمر بن الخطاب موقف بانه يزعم بان الرسول صلى الله عليه وسلم راضي بان يعطي الدنية في دينه وحاشا الرسول صلى الله عليه وسلم هذا الامر
وحاشا عمر بن الخطاب رضي الله عنه ان يتهم نبيه بهذا الامر ،،
ولكنه تساؤل مشروع
كلام عقلاء صُب في آذان مجانين

[khaleeji]

حي ذا العين من الحريم الي فيهم خير

والله انك انتي وامثالك فخر للوطن ولنا جميعآ

بس هالمذيع يجبي المرض باسلوبه باااااااااااارد الساعي احسن منه بواجد

[أم غانم]

بارك الله فيها

[هتـان قطر]

صح الله لسانها ام ابراهيم

وبالفعل هي تمثل كل القطريات

والله قلوبنا محترقه على عيالنا اكثر من البنات

والسبب الامور اللي يشوفونها خارج البيت

وش بقى بعد ما اباحوه..!!!!!

خمور ومسموح بها .. نساء موجودات في كل مكان

لا وبالمايوه بعد...!!!!

[لوردغاليري]

الله يحفظ بناتنا وعيالنا يارب

كفو عليها

[بوراشد82]

صراحة احييها على غيرتها على الاسلام والمسلمين وعلى البلاد والعباد لكن باختصر ردي عليها ..

لو الواحد يبي يصيع بيدل طريقه وبيعرف وين يحصل الصياعة لو انه في الحرم المكي والمدني كرمهما الله وحفضهما ويما سمعنا عن هيئة الامر بالمعروف والنهي عن المنكر انها صادت ناس في قضايا مخدارات وشرب ودعارة وهاي كنت اقراها في الصحف السعودية << عشان محد يقول من وين جبت هالكلام ولا ليش .. اقرب مثال ..

كلكم رحتوا الحرم المكي اقدس بقعه في الارض وفيها بيت الله الحرام .. الحرم هني ناس تصلي وتعبد والمجمعات الي جنب الحرم فيها كشخة ومسخرة وترقيم .. لا نقص على بعض .. الي يبي المسجد بيروحله والي يبي المرقص هم بيروحله ..

ولو الواحد يبي يحفظ نفسه وفرجه كان حافظ على نفسه ولو انه في بلاد غربية محللة هالشي ..

يعني يا ام ابراهيم كلها ترى على التربية .. لو وولدج في صلاح واكيد من كلامج انه متربي من بيت صالح .. فلا خوف عليه ولا هم يحزنون وهو من نفسه بيكش من هالموضوع ولا براجع للأكوا بارك ..

ومثل ماقلت من قبل في موضوع الاكوا بارك الي يبي يلعب ويستانس بالالعاب بيروح .. والي رايح للمسخرة بيحصلها في اي مكان .. يعني يعتمد على الانسان نفسه هل هو صالح ولا طالح

[فتى الجود]

انزين

حد حرك ساكن ؟؟؟؟؟؟؟؟؟؟؟؟؟؟؟؟

كلكم راع وكلن مسؤل عن رعيته

[رُفق المجنّا]

نقول بيّض الله وجه أم ابراهيم وبارك فيها وفي ذريّتها

ومنّا إلى المسؤولين ؟ العضيد , وزارة الأوقاف , السياحة , ... وينكم , شبلاكم للحين ساكتين نبي رد , ولا بس نشوف وجيهكم بس في الجرايد والمقابلات المسجّلة

[أم غانم]

سؤال ؟

لو خصصوا يوم مخصص للنساء مئة بالمئة ؟ من بيقوم بتشغيل الألعاب ؟

وعمال الحديقة رجال ؟

[سداوي&مدريدي]

وصلني على البلاك بيري اليوم

بيض الله وجها والله ماقصرت وكلامها كله صح وفي الصميم

عيل عاصمه الثقافه العربيه :nop:

[هبوب الشمال]

حسبي الله نعم الوكيل على اللي خلوا مره عفيفه شريفه امثال ام ابراهيم يطلعون في البرامج ويترجون ناس ما تستاهل حتى تسمع صوتها العفيف الطاهر

حسبي الله ونعم الوكيل

[طموحي مبدع]

اصلا ليش يخصصون يوم للنساء

لو يخلونها للرجال فقط احسن ونفتك من هالاجانب ومن هالشكاوي الي مالها داعي

[mayoom]

جزاها الله خير الجزاء
قال رسول الله عليه الصلاة والسلام " من رأى منكم منكرا فليغيره بيده فان لم يستطع
فبلسانه فان لم يستطع فبقلبه وذلك اضعف الايمان "

[Super Cool]

هههههههههههه..........مفاصيخ فالفنادق و "داخل" البركة بار مفتوح و سكر.....محد إشتكى

مفاصيخ و زحليقة.....طلع الموضوع!!!

وينكم من قبل؟؟؟؟

من فيهم أخطر المفصخ الصاحي و الا المفصخ السكران!!!!

[الطيبة كلها]

الحل بيدنا يا ماما احنا ندري من اعلنوا عنها انها بتكون مصخره ---المقاطعه ------- يعلهم يخسرون وما يتهننون بفلوسهم عني ماراح اروح لها ولا عيالي وبنصح عيال اخواني وخواتي بعدم الذهاب

[الشقيان]

اي والله كفـــــو عليها

وين وزارة الأوقاف :playball::anger3:

الصراحه محتااجين حق هيئة الأمر بالمعروف والنهي عن المنكر :mad::anger3::anger2:

[الـقـاسـي]

جزاها الله خير وكثر الله من امثالها ..
كلامها في الصميم ويبين حرقة دمها وغيرتها على البلاد والدين الاسلامي ..

في بعضهم بيكون رده اللي يبي هالسوالف والخرابيط بيدل دربها واللي مايبي مب رايح صحيح هالكلام لكن ليش الدولة توفر هالبيئه للفساد الحين مب احنا دولة مسلمة الاسلام ماله قوانين وسنن المفروض نتبعها ليش مايكون هذا نظام الدولة في كل شي ..

[<اضرب واشرد>]

ومثل ماقلت من قبل في موضوع الاكوا بارك الي يبي يلعب ويستانس بالالعاب بيروح .. والي رايح للمسخرة بيحصلها في اي مكان .. يعني يعتمد على الانسان نفسه هل هو صالح ولا طالح


شلون اللي يبي اللعب بيروح ويعتمد على الانسان ؟

يعني تبيني أروح ألعب وأنا مغمض عيني ؟؟؟؟ مفاصيييخ تقول قاعدين في شاطي بحر أمريكي !!!!!

وأنت يا كريم تقول اللي يبي يستانس بيروح ؟ والله حتى لو أنا كنت " عمي " ما أشوف ، مابروح مكان فيه ناس مغضوب عليها .. 97% من أجسام حريمهم مفصخ ومبلول وتناقز بين الألعاب !!! واتقول الصالح والمتربي بيروح يتونس ؟

هزلت من قلب

[بو منيرة]

صراحة احييها على غيرتها على الاسلام والمسلمين وعلى البلاد والعباد لكن باختصر ردي عليها ..

لو الواحد يبي يصيع بيدل طريقه وبيعرف وين يحصل الصياعة لو انه في الحرم المكي والمدني كرمهما الله وحفضهما ويما سمعنا عن هيئة الامر بالمعروف والنهي عن المنكر انها صادت ناس في قضايا مخدارات وشرب ودعارة وهاي كنت اقراها في الصحف السعودية << عشان محد يقول من وين جبت هالكلام ولا ليش .. اقرب مثال ..

كلكم رحتوا الحرم المكي اقدس بقعه في الارض وفيها بيت الله الحرام .. الحرم هني ناس تصلي وتعبد والمجمعات الي جنب الحرم فيها كشخة ومسخرة وترقيم .. لا نقص على بعض .. الي يبي المسجد بيروحله والي يبي المرقص هم بيروحله ..

ولو الواحد يبي يحفظ نفسه وفرجه كان حافظ على نفسه ولو انه في بلاد غربية محللة هالشي ..

يعني يا ام ابراهيم كلها ترى على التربية .. لو وولدج في صلاح واكيد من كلامج انه متربي من بيت صالح .. فلا خوف عليه ولا هم يحزنون وهو من نفسه بيكش من هالموضوع ولا براجع للأكوا بارك ..

ومثل ماقلت من قبل في موضوع الاكوا بارك الي يبي يلعب ويستانس بالالعاب بيروح .. والي رايح للمسخرة بيحصلها في اي مكان .. يعني يعتمد على الانسان نفسه هل هو صالح ولا طالح

للاسف من كثر ما تعودنا على هالمناظر ... ما قمنا ننكرها لكن الحمدلله الي في قطر من امثال ام ابراهيم عسى الله يوفقها ويرزقها الجنه وينبت عيالها نباتا حسا


لكن للاسف راي اخوي بوراشد صدمني ويمكن يكون راي غيره بعد ... الي مثل بوراشد يقولون الاصل فالتربيه ويعتمد على الشخص نفسه ... او بمعنى اخر المحترم طول عمره محترم .... هذا الكلام هو المصيبه والله ... ياخي لازم اتعرف ان كل انسان يضعف امام الشيطان في بعض الاحيان ... وصدق الشاعر يوم قال

ايماننا يزيد بالطاعات .... ونقصه يكون بالزلات

يعني يابو راشد لا تحط لي جميع المغريات للمعاصي وتقول المتربي متربي ولكن البيئه عامل اساسي خاصه للمراهقين من ابنائنا

[كلاسيك قطر]

اشكركم والله ويزاكم الله الف خير

[كلاسيك قطر]

قطر بصراحه صارت حق الاجانب والمقيمين واحنا المواطنين (×) .. شاطبينا من اللسته ..

كل هالاجانب ماخذين راحتهم وجنهم فـ بلادهم يلبسون اللي يبونه ويسوون اللي يبون .. ومب محترمين لاعاداتنا ولا تقاليدنا ..
وعلى فكره في غير الاكوا بارك عندكم سوق واقف ..هالسوق التراثي خربوه بلبسهم و.....
وغير سوق واقف والاكوابارك .. لاتلوموني اذا قلت كلمه هني ولا هناك .. بس من اللي نشوفه ..
قلبي مليان وربي .. بس شنسوي ..!

[meshwar]

اللي ينسب الامور الى التربية وان الواحد المتربي حتى لو حطوه وسط فساد ودولة فاسدة مايضره

نرد عليه بقول الله تعالى في كتابه ، في قصة يوسف عليه السلام وهو يدعو ربه ان يصرف اذى النساء عنه

" قال رب السجن أحب إلي مما يدعونني إليه وإلا تصرف عني كيدهن أصب إليهن وأكن من الجاهلين فاستجاب له ربه فصرف عنه كيدهن إنه هو السميع العليم "

[بـن عدوان]

لي رجعه للموضوع ...

[**هـتــــــان**]

ماشاء الله عليها كفت ووفت بيض الله وجها كلامها درر. بس هيهات هيهات يتم الاخذ بكلامها


المفروض مثلما هم يحاربون الحجاااااااااااب احنا مفروض نحاااااارب تفسخهم ببلادنا هذا اقل شي نقدر نسويه ومن حقنا هالشي ..لكن للاسف جميع الصلاحيات سلبت منا يالعرب :mad:

شمعنى هم يحاربونا ببلادهم ويحاربون احتشامنا ليش احنا دايما ضعيفين قدامهم والله حال الامه الاسلاميه يحزن للاسف وكل ماله اردى واردى:weeping:

[fa6ma]

لاااااااااااحياة لمن تنادي

في قروب في الفيس بوك كتبوا تعليقاتكم فيه
وهذا ويهي اذا مرت ثانيه وشفتو تعليقكم موجوود

حكم القوي الله يسلمكم الادارة مابيدها شي

[مزايين]

سبحان الله ....أصلا صرنا يالله يالله نروح المجمعات ونتضايق بعد من اللي نشوفه

والحمد لله مالنا نية من قبل لانروح الأكوا بارك ولا غيرها

الله يستر على عيالنا بنات وشباب

[إينشتاين]

المذيع يررررررررفع الضغط

المذيعة افضل منه بمراحل

الله يذكر ايامك ياعبدالعزيز محمد

[jassim]

حسبي الله ونعم الوكيل
الاجانب ينشرون فسادهم وامراضهم بهالطرق بيننا

اللهم لاتؤاخذنا بمافعل السفهاء منا

[بوخالد2]

الله يجزاج خير يا ام ابراهيم وبيض الله وجهك
المذيع الله يهداه يقول احنا في دوله اسلاميه ونطبق الشريعه
الظاهر انه ما يدري عن الفنادق وويش الي فيها او انه ما يروح البحر ويشوف ألأجانب ولبسهم
والله احنا نستحي لا نودي عيالنا البحر بسبتهم
ما نقول الى الله يرحمنا برحمته ويستر علينا
وحسبنا الله ونعم الوكيل
صرنا في بلادنا اجناب

مابغيت الا ذا المذيع والله ما يدري وين الله قاطه

والله كفو عليج يامره هذه الحريم ولا بلاش

مب حريم الانفتاح و التشبب مايستحون ولا يخيلون

والصراحه شفت المقطع اللى مصورينه للمكان هذا مصخره والله

الظاهر مسوينها للاجانب مب لكم هههه والله

دمار بلادنا واعيالنا على حساب سعادتهم

دولة اسلاميه نعم ولكن اين التطبيق

[بوخالد911]

هلا

رايتها بيضة

جاني المقطع أمس بالبي بي

ونشرتها للكل تحت عنوان : هكذا الغيرة الدينية وإلا فلا
لله دررك

[الصريحه]

مافتح الرابط لكن على حسب ردودكم يبين انها رافضه بسبب الفساد اللي بيصير وقله الحيا
كثر الله من امثالك ورفع قدرك دنيا واخره

[العضو الماسي]

الله يستر على بناتنا .. وشبابنا .. ويحفظ قطر واهلها جمييييييع ..

[ع.م]

جزاج الله خير يا أم ابراهيم والله يطمن قلبج على عيالج وعيال قطر..

[انتر ميلان]

الله يبيض وجهج ياام ابراهيم ويحفظ لج ولدج وبنتج وجميع شباب المسلمين
نقدر نقاطع هالمكان ويحقق خسارة تاريخية .. مثل ماصار في مملكة علاء الدين

وأشكر أم ابراهيم مرة ثانية على غيرتها ودينها

[شبح الصمت]

الي بتستحي على وجها ما راح تروح هالاماكن

وعلى فكره ليش ما تكلموا العالم قبل وقالوا

يعني اكوا بارك وسامعين وناس تنطر متى تنفتح يعني في ذمتكم ما تدرون أنه راح يكون المكان خلط

من وجة نظري البنت المحتشمه والي تخاف على نفسها وعلى سمعة أهلها ما راح تروح هالاماكن ولا راح اطبها إلا في حالة وحده إذا كان مخصص للنساء فقط وتكون لابسه لابس محتشـم
غير هالكلام لو تغردون من اليوم لي بكره اسمحو لي شيء تطبق ما اتوقع مخسرين ملايين وبين يوم وليلة عشانا احنا زعلانين بيصكرونها

اغلبيتهم بيروحون وبتذكرون كلامي

واسمحوا لي بس هالواقع ولحدن يزعل من كلامي

وامي ام ابراهيم كلامها زين العقل مع انه ما يفتح عندي بس من كلامكم وردوكم اتوقع انها ما قصرت في الرد

السموحه انا ضد هالفكره وبقوه وبقوه انه البنت تكون موجوده في يوم شباب

مليون خط احط عليها والي بتقول بتحترم نفسها كذابة

[سويسرا]

كفو عليها وبيض الله وجهها


يالله سترك

[هبوب الكوس]

عيهم وضع لافته ممنوع دخول النساء

واي وحده تقرب من المدخل مافي الا الكرباج على ظهرها

http://mosaabhilali.elaphblog.com/Blog/mosaabhilali/album/%D8%A7%D9%84%D9%83%D8%B1%D8%A8%D8%A7%D8%AC.jpg


صدقوني محد بقرب منهم escape

[455]

فيه يوم كامل للنساء ، من جميع الموظفات والمنقذات وجميع العاملات ، مادري اي يوم،
وواجب على المسؤولين والادارة عدم السماح لمن يلبس لبس غير محتشم بالدخول سواء نساء او رجال ويكون الجسم مستر بالكامل ويفضل عدم دخول النساء الا في يوم النساء

[بنت شيوخ]

جزاها الله كل خير

ماقصرت صح السااااانهااا

[مناحي السادس عشر]

انا كل يوم اتاكد اكثر ان المذيع حق وطني الحبيب مايدري شسالفه
صح خلوق وذرب بس مايعطي حلول او يناقش المتصل
يعني قل اللي بخاطرك ومع السلامه
اتمنى يطور من مستواه شوي


وجزاها الله خير ام ابراهيم

[ابو محمد7]

انا مارحت الحديقة المائية بقطر لكن رحت اللي في الكويت من كم سنة

الحديقة المائية مكان مسلي جدا للصغار خاصة مع حرارة الجو عندنا وغياب المدن الترفيهية لكن كعادتنا بسؤ استخدامنا ممكن يتحول المكان الى مكان يروحون له بعض الشباب الكبار حق التفرج والقز

الموضوع ببساطة محتاجة تنظيم وقوانين سواء في تخصيص ايام للعائلات او النساء وغيره

ومحتاج قوانين لارتداء ملابس السباحة اللي تكون ساترة بقدر الامكان

انا مادري ليش احس اكثر الناس اما افراط او تفريط احس اما ان احنا نصكر هالحديقة او نقاطعها او ان احنا نفتحها بدون اي تنظيم وتصير فوضى وشي غير مقبول

هالمكان حق الصغار في المقام الاول وترفيهي لهم بس محتاج تنظيم

واعتقد الاسم المستخدم كان ام خالد

في هالرابط بتلاقون تسجيلات البرنامج

http://www.qatarradio.net/body.html

[ابو محمد7]

فيه يوم كامل للنساء ، من جميع الموظفات والمنقذات وجميع العاملات ، مادري اي يوم،
وواجب على المسؤولين والادارة عدم السماح لمن يلبس لبس غير محتشم بالدخول سواء نساء او رجال ويكون الجسم مستر بالكامل ويفضل عدم دخول النساء الا في يوم النساء


انا كنت افكر في هالاقتراح بانه مايسمح للنساء في السباحة في غير يوم النساء ولكن في ايام العائلات في امهات (خاصة من غير المسلمات) يحبون يدخلون كعائلة و مضطرين يدخلون مع ابنائهم الصغار ومضطرين حتى يدخلون يسبحون معاهم لرعايتهم والاهتمام فيهم وهالمكان في المقام الاول حق الصغار

ممكن تقول ان الايام العامة تكون حق الشباب فقط وتكون في ايام للعائلات وايام للنساء

شرايك؟

[CH Engineer]

صراحة احييها على غيرتها على الاسلام والمسلمين وعلى البلاد والعباد لكن باختصر ردي عليها ..

لو الواحد يبي يصيع بيدل طريقه وبيعرف وين يحصل الصياعة لو انه في الحرم المكي والمدني كرمهما الله وحفضهما ويما سمعنا عن هيئة الامر بالمعروف والنهي عن المنكر انها صادت ناس في قضايا مخدارات وشرب ودعارة وهاي كنت اقراها في الصحف السعودية << عشان محد يقول من وين جبت هالكلام ولا ليش .. اقرب مثال ..

كلكم رحتوا الحرم المكي اقدس بقعه في الارض وفيها بيت الله الحرام .. الحرم هني ناس تصلي وتعبد والمجمعات الي جنب الحرم فيها كشخة ومسخرة وترقيم .. لا نقص على بعض .. الي يبي المسجد بيروحله والي يبي المرقص هم بيروحله ..

ولو الواحد يبي يحفظ نفسه وفرجه كان حافظ على نفسه ولو انه في بلاد غربية محللة هالشي ..

يعني يا ام ابراهيم كلها ترى على التربية .. لو وولدج في صلاح واكيد من كلامج انه متربي من بيت صالح .. فلا خوف عليه ولا هم يحزنون وهو من نفسه بيكش من هالموضوع ولا براجع للأكوا بارك ..

ومثل ماقلت من قبل في موضوع الاكوا بارك الي يبي يلعب ويستانس بالالعاب بيروح .. والي رايح للمسخرة بيحصلها في اي مكان .. يعني يعتمد على الانسان نفسه هل هو صالح ولا طالح

اخوي بوراشد كلامك غير منطقي :nono:
في فرق يوم ادور على اماكن الفساد
وفرق يوم تبي الاحترام والحشمه ويجيك الفساد ويفرض عليك نفسه وانت بدولة اسلامية..

شتان بين هذا وذاك

وفي فرق يوم تكون في بقعه مقدسه ومحترمه في الارض بها ملايين البشر يستغلها الناس لنشر الفساد ويتم ضبطهم ومعاقبتهم..
وفي فرق في بقعة اخرى يجلب اليها الفساد عنوه ولا يتم المحاسبه بل التطبيل وتزكية من يقوم على هذا العمل وتقديسه

شتان مابين الثرى والثريا

[كلاسيك قطر]

اي واله وانتو صادقين المذيعه لكم عليه لو يحطون حسن الساعي بيكون احسن منه اب وايد

[المرحب]

حسبي الله ونعم الوكيل

[HAYA]

بارك الله فيك يا ام ابراهيم وبيض الله وجهك وكثر الله من أمثالك ورزقك الجنة إن شاء الله .
وأتمنى أن يصل صوت أم إبراهيم إلى سمو أمير البلاد حفظه الله لأنها تعبر عن ضمير المرأة القطرية .
مع الشكر الجزيل لصاحب الموضوع ....

[maruuma]

عيهم وضع لافته ممنوع دخول النساء

واي وحده تقرب من المدخل مافي الا الكرباج على ظهرها

http://mosaabhilali.elaphblog.com/blog/mosaabhilali/album/%d8%a7%d9%84%d9%83%d8%b1%d8%a8%d8%a7%d8%ac.jpg


صدقوني محد بقرب منهم escape


ليش حمارة

كل اناء بما فيه ينضح

[برزان]

بيض الله وجهج يام براهيم وكثر الله من امثالج .

والله ماينعرف حق ربعنا احنا في كل شي وين اذنك ياحبشي .

[كلاسيك قطر]

اي والله وانت صادق يالغالي

["البنفسج"]

هههههههههههه..........مفاصيخ فالفنادق و "داخل" البركة بار مفتوح و سكر.....محد إشتكى

مفاصيخ و زحليقة.....طلع الموضوع!!!

وينكم من قبل؟؟؟؟

من فيهم أخطر المفصخ الصاحي و الا المفصخ السكران!!!!



الصراحة اغرب رد قريته
اخوي الفنادق والبارات اللي تقول عنها احنا مانروحها ولا عيالنا يروحونها وماندري شيصير فيها ... بس الاكوا بارك مكان عائلي يعني المفروض الواحد يحترم نفسة ويحترم العوايل الموجوده

[ضوى]

الله يجزيها خير ام ابراهيم

بس المشكلة مب في المفاصيخ المشكلة حتى بيوم الحريم حتى بيامن يروح ؟؟ ومثل ماتقولون سورها وايد نازل ومكشوفة وعالشارع ؟؟؟ والكاميرات اشلون بيكون وضعها ؟؟؟ يعني اتوقع مافي امان حتى بيوم الحريم

[شبح الصمت]

الله يجزيها خير ام ابراهيم

بس المشكلة مب في المفاصيخ المشكلة حتى بيوم الحريم حتى بيامن يروح ؟؟ ومثل ماتقولون سورها وايد نازل ومكشوفة وعالشارع ؟؟؟ والكاميرات اشلون بيكون وضعها ؟؟؟ يعني اتوقع مافي امان حتى بيوم الحريم




اختي انا مريت يوم الجمعه كنت توني راد من سلوى وشفت الخويا في كل مكان

وعلى فكره الزرع مكشوف يعني محدن راح اتوقع يوقف ويصور بنات خلق الله الا المريض المريض لا تفتحون عيون خلق الله على امور ما يعرفونها

:nono:

[black@white]

المكان والحديقه المائيه لا تصلح ابدا لبلدنا
ولا تصلح ابدا بان يخصص يوما للسيدات
لان يوما للسيدات سوف نرى العجائب ليس من بناتنا ولكن من غيرهم
وبناتنا وسيداتنا لسنا لحاجه للتعري في مكان عام
هذا يخالف ديننا وتقاليدنا
الا من ارادت الانسلاخ من الدين والاخلاق

[ام العيال]

كلام ام ابراهيم صحيح وانا معاها في كل نقطة ذكرتها ، فعلا احنا في آخر الزمان زمن الفتن والعياذ بالله صار المنكر جهارا نهارا وما نقدر نتكلم ولا في ايدنا نمنع المنكر ، ما اقول الا الله يحفظنا ويحفظ عيالنا وعيال المسلمين جميعا من شر الفتن

[Master_qtr]

الصراحة المذيع هذا ملييييغ جدااا..وردوده مالها داعي ..يبلفيت دبلوماسي..والله انا اطالب يرجعون حسن الساعي..احسن منه ..

[بوراشد82]

شلون اللي يبي اللعب بيروح ويعتمد على الانسان ؟

يعني تبيني أروح ألعب وأنا مغمض عيني ؟؟؟؟ مفاصيييخ تقول قاعدين في شاطي بحر أمريكي !!!!!

وأنت يا كريم تقول اللي يبي يستانس بيروح ؟ والله حتى لو أنا كنت " عمي " ما أشوف ، مابروح مكان فيه ناس مغضوب عليها .. 97% من أجسام حريمهم مفصخ ومبلول وتناقز بين الألعاب !!! واتقول الصالح والمتربي بيروح يتونس ؟

هزلت من قلب




للاسف من كثر ما تعودنا على هالمناظر ... ما قمنا ننكرها لكن الحمدلله الي في قطر من امثال ام ابراهيم عسى الله يوفقها ويرزقها الجنه وينبت عيالها نباتا حسا


لكن للاسف راي اخوي بوراشد صدمني ويمكن يكون راي غيره بعد ... الي مثل بوراشد يقولون الاصل فالتربيه ويعتمد على الشخص نفسه ... او بمعنى اخر المحترم طول عمره محترم .... هذا الكلام هو المصيبه والله ... ياخي لازم اتعرف ان كل انسان يضعف امام الشيطان في بعض الاحيان ... وصدق الشاعر يوم قال

ايماننا يزيد بالطاعات .... ونقصه يكون بالزلات

يعني يابو راشد لا تحط لي جميع المغريات للمعاصي وتقول المتربي متربي ولكن البيئه عامل اساسي خاصه للمراهقين من ابنائنا




اللي ينسب الامور الى التربية وان الواحد المتربي حتى لو حطوه وسط فساد ودولة فاسدة مايضره

نرد عليه بقول الله تعالى في كتابه ، في قصة يوسف عليه السلام وهو يدعو ربه ان يصرف اذى النساء عنه

" قال رب السجن أحب إلي مما يدعونني إليه وإلا تصرف عني كيدهن أصب إليهن وأكن من الجاهلين فاستجاب له ربه فصرف عنه كيدهن إنه هو السميع العليم "




اخوي بوراشد كلامك غير منطقي :nono:
في فرق يوم ادور على اماكن الفساد
وفرق يوم تبي الاحترام والحشمه ويجيك الفساد ويفرض عليك نفسه وانت بدولة اسلامية..

شتان بين هذا وذاك

وفي فرق يوم تكون في بقعه مقدسه ومحترمه في الارض بها ملايين البشر يستغلها الناس لنشر الفساد ويتم ضبطهم ومعاقبتهم..
وفي فرق في بقعة اخرى يجلب اليها الفساد عنوه ولا يتم المحاسبه بل التطبيل وتزكية من يقوم على هذا العمل وتقديسه

شتان مابين الثرى والثريا

اول شي يا شباب احيي فيكم روحكم الاسلامية والوطنية وخوفكم على عيالكم وعيال ديرتكم وردودكم تثلج الصدر لي ولو انكم فهمتوني غلط نوعا ما ..

انا يوم سمعت ام ابراهيم تقول البنت باخليها عندي في البيت لكن الولد عمره 18 ماقدر امسكه .. انا في ردي عن الي يبي اللعبة يدل مكانها والي يبي المسخرة يدل مكانها قصدي ..

ان ولدها راح او اي واحد راح وشاف الي شافه .. الي فيه خير خلاص بيحرم انه يروح هناك مرة ثانية لان مايدري عن الوضع هناك نظرا للمناظر الخادشة للحياء .. ومابيعجبه هالجو المريض ..

والي يبي المسخرة بيروح لها وحتى لو مايدري عن الجو هناك وشاف الي شافه .. بيعجبه الجو وبيرجع مرة ثانية وثالثة ورابعة وبيتفاخر جدام ربعه انه راح هالمكان وبيدعوهم له ..

ومعاكم انا صحيح ان الرب عز وجل قال :ولاتقربوا الزنا انه كان فاحشة وساء سبيلا .. صدق الله العظيم .. لكن انا اروح الاكوا بارك على ان شباب بيكونون هناك وبستانس وبالعب .. لكن انصدم بهالوضع من مفاصيخ ولا عربدة ومسخرة وحريم يابلفيت يرفعون العباءة عشان ماتبلل .. اكيد باكره الوضع وباطلع برع ..

اخبر سنة من السنين رحت انا والربع الوايلد وادي في دبي وصج ان في اجانب هناك ومفاصيخ لكن والله يشهد علي ان مادرينا عنهم لان منغمسين في اللعبة والوناسة والضحك .. يعني اعيد واقول الي يبي الضحك والوناسة بيروحلها وبيدل طريقها (بيروح اماكن غير الاكوا بارك مافيها مفاصيخ وعربدة) والي يبي المسخرة بيعرف وين يطلعها في غير الاكوا بارك ..

هذا المقصد يا اخواني وليس المقصد ان على الاجواء المريضة في الاكوا بارك بباقعد باروح وبارجع مرة ثانية اكيد بخاف على نفسي من الهوى والشيطان وباحفظ نفسي من هالامور ..

وهالامور انفرضت علينا يا اخوان مب بكيفنا ويحزننا مايحدث في دولتنا من امور تحارب الدين والعقيدة والتقاليد

وعلى قولة القايل ((حكم القوي على الضعيف))

مرة اخرى .. تحياتي لكم ولجميع الاعضاء على روحهم الاسلامية والوطنية وغيرتهم على الديرة وعيالها وعساكم ذخر جميع

تقبلوا تحياتي :)

[455]

انا كنت افكر في هالاقتراح بانه مايسمح للنساء في السباحة في غير يوم النساء ولكن في ايام العائلات في امهات (خاصة من غير المسلمات) يحبون يدخلون كعائلة و مضطرين يدخلون مع ابنائهم الصغار ومضطرين حتى يدخلون يسبحون معاهم لرعايتهم والاهتمام فيهم وهالمكان في المقام الاول حق الصغار

ممكن تقول ان الايام العامة تكون حق الشباب فقط وتكون في ايام للعائلات وايام للنساء

شرايك؟

نعم اخوي المفروض الايام العامة بس تكون رجال فقط ممنوع دخول النساء الا مرافقه فقط ، وايام العائلات والنساء يكون يكون لبسهم لبس محتشم غير فاضح وانا اتوقع اذا هل قطر ادخلوا وغيرهم من المسلمين وكان كل شي ستر وامان اقل شي بيكونون بحجابهم وجلابياتهم وتروس من فوق الزحلاقيهescape ، والله المفروض يحطون بعين الاعتبار الدين الاسلامي فوق كل اعتبار والعادات والتقاليد المستمدة من الدين الحنيف وافتح البارك او ملاهي الواحد يستانس بس بحدود ، والله المستعان ، اتمنى توصيل الرسائل لمن لهم الامر في هذا الشان

[خفيف الرووح]

استفسااااااااااااااااااااااااار يالربع

ماتابعت الموضوع عدل

بس الس اعرفه ان فالكويت مدينه مائيه ولكن عمري ماشفتهم مفاصيخ ؟؟؟؟؟؟

صح كلامي ولا لا..؟

[الدوحه 2007]

جزاها الله خير وكثر الله من امثالها ..

[الخنجر]

هههههههههههه..........مفاصيخ فالفنادق و "داخل" البركة بار مفتوح و سكر.....محد إشتكى

مفاصيخ و زحليقة.....طلع الموضوع!!!

وينكم من قبل؟؟؟؟

من فيهم أخطر المفصخ الصاحي و الا المفصخ السكران!!!!

كلها يومين وبينسون الموضوع ..

ويدار ما دخلج شر ..

[قوت القلوب]

المفروض يمنعون الخلط وايام الرجال للرجال وايام للنساء وبضوابط فاللبسً قال رسول الله صلى الله عليه وسلم : " لا ينظر الرجل إلى عورة الرجل ولا المرأة إلى عورة المرأة ولا يفضي الرجل إلى الرجل في ثوب واحد ولا تفضي المرأة إلى المرأة في الثوب الواحد " وهو عند أبي داود (4018) ، الترمذي (2793)
بارك الله في اختنا الفاضله ام ابراهيم وجزاها الله الجنه على غيرتها وحرصها
والف شكر لصاحب الموضوع

[شموخ العز]

جزاها الله خير ام ابراهيم شافت منكر قالته وما تخاف غير من الله وجزاها الله مني كل خير

[كلاسيك قطر]

المفروض يمنعون الخلط وايام الرجال للرجال وايام للنساء وبضوابط فاللبسً قال رسول الله صلى الله عليه وسلم : " لا ينظر الرجل إلى عورة الرجل ولا المرأة إلى عورة المرأة ولا يفضي الرجل إلى الرجل في ثوب واحد ولا تفضي المرأة إلى المرأة في الثوب الواحد " وهو عند أبي داود (4018) ، الترمذي (2793)
بارك الله في اختنا الفاضله ام ابراهيم وجزاها الله الجنه على غيرتها وحرصها
والف شكر لصاحب الموضوع

اشكرك يالغالي

وكلامك سليم

[سالم بن]

أم ابراهيم وغيرها من حريم قطر الي يشوفون العيب ولا يرضونبة شلي فيديهم غير وطني الحبيب !!!!!!
بس الواضح حنا يأهل قطر بنصرخ ونرفع صوتنا لكن محد يسمعنا والرذيلة عاجبتهم الجماعة !!!!!!
الله يستر علينا من فكرهم وتوجهاتهم الجهنمية !!

[k9911]

حسبي الله ونعم الوكيل
الله يجزاج خير يا ام ابراهيم وبيض الله وجهك

[روميت]

كـفـو أم ابراهـيــم .

وهذا الظن في اهل قطر .

الله يجزيه خير ويكثر من امثالها.

[Abu Abdullah]

اشششششششششششششششششششششدخل تخصيص يوم للنساء !!!!!!!!!!!!!!!!
قهرني هالشي ..

يعني يوم للنساء عادي في نظرج , اشفيها هالمذيعه مافهمت كلام أم ابراهيم تقولها ( مايجوز نسوان يتكشفون على نسوان ) تقوم تقول يوم للنساء فقط ؟؟؟ ؟ ولا لما تدلع صوتها هالمذيعه عليها صوت والله لاتعليق اكثـــر!!!!!!!!!!!
اقول اضبطي صوتج اول /////////// مياعه زايده للأٍسسسسف ؟؟؟ ولا اطلعي من البرنامج ابرك .


وثاني شي لما تحمل أم ابراهيم الدولة مسؤولية تربيت الابناء عارضها المذيع ليش ؟؟؟
صحيح كلامها والدوله لها دور بعد البيت في التربية باششياء كثيرة .
وللاسف ضياع الشباب والبنات بسبب الانفتاح السلبي اللي حاصل :
وتبون أمثله ؟
جامعات خلط ؟
مدارس خاصه ومستقله خلط ؟ اشلون يابوعبدالله تقول خلط ؟ اي خلط ويعرفون هالشي أولياء امور الطلبه !
لين يصير اجتماع تشوف باب المدرسه يدخلون منه حريم ورجال ؟
اذن من السبب في الضياع والخراب ؟

ادري المفروض انتقد الاكوا بارك بس الاكوا بارك مب لنا مانتشرف ندخل هالاماكن لاني اعتبرها مثل اماكن الدعارة أو أماكن ضياع الاسر والبنت والولد .

الحمدلله عندنا فالبيت مسوين اكوا بارك بس شي مصغر
اكوا بارك ابوعبدالله وعياله هههههههههه

كفـــو يأم ابـراهيــم كفــو يالذيبــــــــــــــــــــــــــــــــــــــــــــ ــــه


وقاعدة رئيسية لهذا الاكوا /// يسكرونه ابرك ولا يخلون الدخول فقط للرجال ويكون تحت ضوابط شرعية من ناحية ستر عورة الرجل من السرة إلى الركبة <<< هذا الكلام العدل

[maruuma]

اشششششششششششششششششششششدخل تخصيص يوم للنساء !!!!!!!!!!!!!!!!
قهرني هالشي ..

يعني يوم للنساء عادي في نظرج , اشفيها هالمذيعه مافهمت كلام أم ابراهيم تقولها ( مايجوز نسوان يتكشفون على نسوان ) تقوم تقول يوم للنساء فقط ؟؟؟ ؟ ولا لما تدلع صوتها هالمذيعه عليها صوت والله لاتعليق اكثـــر!!!!!!!!!!!
اقول اضبطي صوتج اول /////////// مياعه زايده للأٍسسسسف ؟؟؟ ولا اطلعي من البرنامج ابرك .

وثاني شي لما تحمل أم ابراهيم الدولة مسؤولية تربيت الابناء عارضها المذيع ليش ؟؟؟
صحيح كلامها والدوله لها دور بعد البيت في التربية باششياء كثيرة .
وللاسف ضياع الشباب والبنات بسبب الانفتاح السلبي اللي حاصل :
وتبون أمثله ؟
جامعات خلط ؟
مدارس خاصه ومستقله خلط ؟ اشلون يابوعبدالله تقول خلط ؟ اي خلط ويعرفون هالشي أولياء امور الطلبه !
لين يصير اجتماع تشوف باب المدرسه يدخلون منه حريم ورجال ؟
اذن من السبب في الضياع والخراب ؟

ادري المفروض انتقد الاكوا بارك بس الاكوا بارك مب لنا مانتشرف ندخل هالاماكن لاني اعتبرها مثل اماكن الدعارة أو أماكن ضياع الاسر والبنت والولد .

الحمدلله عندنا فالبيت مسوين اكوا بارك بس شي مصغر
اكوا بارك ابوعبدالله وعياله هههههههههه

كفـــو يأم ابـراهيــم كفــو يالذيبــــــــــــــــــــــــــــــــــــــــــــ ــــه


وقاعدة رئيسية لهذا الاكوا /// يسكرونه ابرك ولا يخلون الدخول فقط للرجال ويكون تحت ضوابط شرعية من ناحية ستر عورة الرجل من السرة إلى الركبة <<< هذا الكلام العدل

الله يهديك يابوعبدالله ويهدينا

المذيعة هذا صوتها .. لا هي تدلع ولا شي

لك من كلامها اما صوتها وغيره فذيه نعمة وخلقة ربك

والله المستعان

[Abu Abdullah]

الله يهديك يابوعبدالله ويهدينا

المذيعة هذا صوتها .. لا هي تدلع ولا شي

لك من كلامها اما صوتها وغيره فذيه نعمة وخلقة ربك

والله المستعان


امين يارب عسى الله يهديني ويهدي كل المسلمين , ومشكوره ع الدعوه

ثانياً تركتي كلامي كله وماوقفتي ولا كبرتي وخططتي ولونتي الا هالجملتين :)
هههههههه

ثالثاً / بخصوص تعليقي على صوتها المياعه واضحه واسمعي الصوت بسماعة الاذن راح تلقين اكثر مياعه :) وايضاً ليس من الضروره انها تظهر في برنامج من الاصل .
ولو نفتح موضوعها كـــان مايكفينا قسم يخصصونه الاسهم القطريه لنا :)
والظاهر انج مره كبيرة وفاهمه وعاقل ماشاء الله عليج وتفهمين في الامور الدينيه .
ذهبنا جانباً عن موضوع الحديث ولكن //

ليش تركتي لب الحديث ؟؟

ولا انتي من النوعية اللي تلقط الشين وتخلي الزين :)
لاتفهميني غلط ,
وخلينا في لـب لـب لـب الموضوع المطروح
تقبلي تحياتي / وان شاء الله يسكرون هالاكوا بارك ويحطون بداله مكان يوجد به النفع أكثر من المضره // ركزوا على كلمة مضرة /// قولوا لي ليش يابوعبدالله ؟؟

بقولكم ليش :)

لان ياجماعة الخير لو نشوف مكان الاكوا بارك راح يكون ورا الاكوا بارك شنــو ؟؟

قاعدة السيلية الجوية ؟

فهمتوا وشهي مضرته ؟
اذن المضره أخلاقية ودينية وايضاً مادية ومعنوية وتعرض الاخرين للخطر .

[الشقيان]

اشششششششششششششششششششششدخل تخصيص يوم للنساء !!!!!!!!!!!!!!!!
قهرني هالشي ..

يعني يوم للنساء عادي في نظرج , اشفيها هالمذيعه مافهمت كلام أم ابراهيم تقولها ( مايجوز نسوان يتكشفون على نسوان ) تقوم تقول يوم للنساء فقط ؟؟؟ ؟ ولا لما تدلع صوتها هالمذيعه عليها صوت والله لاتعليق اكثـــر!!!!!!!!!!!
اقول اضبطي صوتج اول /////////// مياعه زايده للأٍسسسسف ؟؟؟ ولا اطلعي من البرنامج ابرك .


وثاني شي لما تحمل أم ابراهيم الدولة مسؤولية تربيت الابناء عارضها المذيع ليش ؟؟؟
صحيح كلامها والدوله لها دور بعد البيت في التربية باششياء كثيرة .
وللاسف ضياع الشباب والبنات بسبب الانفتاح السلبي اللي حاصل :
وتبون أمثله ؟
جامعات خلط ؟
مدارس خاصه ومستقله خلط ؟ اشلون يابوعبدالله تقول خلط ؟ اي خلط ويعرفون هالشي أولياء امور الطلبه !
لين يصير اجتماع تشوف باب المدرسه يدخلون منه حريم ورجال ؟
اذن من السبب في الضياع والخراب ؟

ادري المفروض انتقد الاكوا بارك بس الاكوا بارك مب لنا مانتشرف ندخل هالاماكن لاني اعتبرها مثل اماكن الدعارة أو أماكن ضياع الاسر والبنت والولد .

الحمدلله عندنا فالبيت مسوين اكوا بارك بس شي مصغر
اكوا بارك ابوعبدالله وعياله هههههههههه

كفـــو يأم ابـراهيــم كفــو يالذيبــــــــــــــــــــــــــــــــــــــــــــ ــــه


وقاعدة رئيسية لهذا الاكوا /// يسكرونه ابرك ولا يخلون الدخول فقط للرجال ويكون تحت ضوابط شرعية من ناحية ستر عورة الرجل من السرة إلى الركبة <<< هذا الكلام العدل

:nop::nop::nop:

[الباحثون]

السلام عليكم ورحمه الله وبركاته

جايبلكم اليوم مقطع من برنامج وطني الحبيب صباح الخير

الي اتصل فيها أم ابراهيم الي البرنامج

وكانت تتكلم عن الحديقه المائيه الاكوابارك

اسمعو شنو قالت

وكان البرنامج امس

http://www.4shared.com/audio/cqnmlym9/________.html


هاذي قطــــــــر الحقيقية والتي يريد البعض طمس هويتها بالمكر والخديعة والشعارات الزائفة.
أغلبنا أم إبراهيـــم وهي من أفضلنا لأنها شجاعة وقوية. كثر الله من أمثالها وبارك لها في عيالها و رزقها الجنة تدخلها من جميع أبوابها.

[الصديق الوفي]

هاذي قطــــــــر الحقيقية والتي يريد البعض طمس هويتها بالمكر والخديعة والشعارات الزائفة.
أغلبنا أم إبراهيـــم وهي من أفضلنا لأنها شجاعة وقوية. كثر الله من أمثالها وبارك لها في عيالها و رزقها الجنة تدخلها من جميع أبوابها.


تسلم يالباحثون افضل تعليق عجبني ومعبر عن مكنون مافي صدري نعم اهل قطر كلهم ام ابراهيم ولايرضون