المساعد الشخصي الرقمي

مشاهدة النسخة كاملة : موسم التخييم 2010-2011


الجزيـرة $
28-09-2010, 08:09 AM
اول شي حبيت ابارك لجميع اعضاء المنتدى على قرب موسم التخييم وحبيت اطرح هذا الموضوع وذلك لابداء الراي باي ملاحظات او افكار جديده قد تساعد في تطوير هذا الموسم ومع العلم بانه سوف يكون في اجتماع قريب بهذا الخصوص وتاكدوا بان جميع الملاحظات والافكار سوف تدرس من قبل لجنه متخصصه وبحث امكانية تنفيذ هذه الافكار

والرجاء من الجميع المشاركة لما فيه مصلحة الجميع
مناحي السادس عشر
28-09-2010, 08:26 AM
اعتقد لو يوفرون بوابه امنيه على المنطقه الخاصه للتخييم او ان الدوريات يكون تواجدها بشكل مكثف هناك
منعا للحوادث والتصرفات الغير لائقه احيانا من البعض
وتوفير مستشفى او مستوصف للحالات الطارئه او مستشفى صغير متحرك لانه فعلا ضروري جدا
توفير سوبر ماركت يلبي متطلبات المخيمين هناك بدال لا تقضي رحلتك للمخيم ضرب مشاوير على اتفه سبب
ثاني شي ياليت اهتمام البيئه ينتقل للمناطق الاخرى
مدري ليش مركزين على سيلين او مناطق معينه بس
يعني عندك مكان حلو جدا اللي هو بحر زكريت ومنطقة جليحه محد يدري عنها من البيئه

هذا اللي يحضرني الحين
ANONYMOUS
28-09-2010, 08:29 AM
خلو هناك هليكوبتر ستاند باي
بوخالد911
28-09-2010, 08:30 AM
بو ركت الجهود

ويا ريت التقليل من رسوم التخييم + سررعة اعادة الرسوم بعد انتهاء الموسم
الوعب
28-09-2010, 08:31 AM
اول شي حبيت ابارك لجميع اعضاء المنتدى على قرب موسم التخييم وحبيت اطرح هذا الموضوع وذلك لابداء الراي باي ملاحظات او افكار جديده قد تساعد في تطوير هذا الموسم ومع العلم بانه سوف يكون في اجتماع قريب بهذا الخصوص وتاكدوا بان جميع الملاحظات والافكار سوف تدرس من قبل لجنه متخصصه وبحث امكانية تنفيذ هذه الافكار

والرجاء من الجميع المشاركة لما فيه مصلحة الجميع

دورات مياه اعزكم الله
تحداني
28-09-2010, 08:33 AM
ياليت يكون في منطقه خاصه مكتوب فيها ممنوع دخول الرجال

جملك الله برضى الرحمن
انتر ميلان
28-09-2010, 08:35 AM
تكثييف دوريات لخويا والأمن الوقائي في مناطق التخييم ..
مخالفة المستهترين ( اصحاب البانشيات )
سحب ترخيص المخيم اللي يقيم حفلات وليالي حمراء ( يا كثرهم ) ومسببين لنا ازعاج
التعاون مع لجنة حماية المستهلك في ضبط بعض المحلات المخالفة ( رفع الأسعار )
انتر ميلان
28-09-2010, 08:37 AM
ياليت يكون في منطقه خاصه مكتوب فيها ممنوع دخول الرجال

جملك الله برضى الرحمن

:nop: :nop: :nop:

حــريم وبروحهم في البــــــر :rolleyes2:!!!!!!

الله يستر عليج
الجزيـرة $
28-09-2010, 08:53 AM
مشكورين يا الربع على النقاط المهمه الي اكييد راح نستفيد منها والرجاء وضع النقاط الممكن تطبيقها
وحبيت اعقب على بو خالد911 ابشر بالخير هذي السنه النظام اسهل
تحداني
28-09-2010, 08:58 AM
:nop: :nop: :nop:

حــريم وبروحهم في البــــــر :rolleyes2:!!!!!!

الله يستر عليج



ويستر عليك يارب . وإنتوا هاذي شغلتكم بس تدورون الزله
أنا أقصد أروح أنا أبوي وأخوي وولد أخوي ..
بدون " محمد ونواف وطلال " الي ما نعرفهم ويقعدون يأذونا بروحتهم وجيتهم بلا معنى



لازم أشرح إبهالطريقه
لا حول ولا قوه الا بالله العلي العظيم




جملك الله برضى الرحمن
انتر ميلان
28-09-2010, 09:05 AM
ويستر عليك يارب . وإنتوا هاذي شغلتكم بس تدورون الزله
أنا أقصد أروح أنا أبوي وأخوي وولد أخوي ..
بدون " محمد ونواف وطلال " الي ما نعرفهم ويقعدون يأذونا بروحتهم وجيتهم بلا معنى



لازم أشرح إبهالطريقه
لا حول ولا قوه الا بالله العلي العظيم




جملك الله برضى الرحمن

في فرق بين ( ممنوع دخول الرجال ) و ( للعائلات فقط )

والله يستر على الجميع
بنت شيوخ
28-09-2010, 09:38 AM
وفقكم الله

وكلنا نتمنى يكون موسم حلو ورائع بعيد عن الحواث والمشاكل
الصديق الوفي
28-09-2010, 10:32 AM
محتاجين الى مصلى متنقل



http://www.aleqt.com/a/200003_21070.jpg
رُفق المجنّا
28-09-2010, 10:44 AM
حلاة البر بالأشياء البدائيّة , والتكلّف والمزاودة ما يطرح الله فيها البركة

1) تحديد أماكن التخييم في مناطق معيّنة بحيث لا تكون بعيدة من المدن ( حالات طارئة) ولا قريبة حتى يكون للتخييم طعمه الخاص ويكون للعوائل والنساء الحريّة في الروحه والجيّة وأن تكون المخيمات بعيدة عن منابت الشجر حفاظا ع البيئة

2) مراعاة الناس في الرسوم , وفي نفس الوقت التشديد ع المخيمات لتفادي المشاكل والمضايقات ( شخصياً) كان هنالك مخيم يبعد عن مخيمنا كيلو ونص , واللي فيه شباب لا تربّوا ولا استحوا وكانوا من اصحاب المفوشر وتضايقنا منهم لأعمال صبيانيّة انتهت بمشاجرة كانت لهم درس ليحترموا خلق الله .

3) توزيع منشورات بخصوص القوانين والظوابط , حتى لا يكون لأحد عذر

4) أتمنى أن يكون هنالك مبادرة من أهل المخيمات بزرع الأشجار التي تشتهر بها قطر وهذه ليست مكلفة , وأنا عازم إن شاء الله ع هذا الشئ إذا يسر الله ورجعنا لـ الدوحة


وسلامتكم
بو الجوري
28-09-2010, 11:00 AM
الله يكتب اللي فيه الخير :.. :polling:

أولاً :.. يراعون قيمة التأمين :.. 5000 حلويين :.. و سرعة إرجاعها مثل ما قال بوخالد :.. :deal:

ثانياً :.. تكثيف الدوريات ( رينو مثلا ) ويمنعون البانشياااات اللي تلفلف صوب العنن :.. :mad:

ثالثاً :.. تواجد هيلوكبتر فالويكند بشكل دايم :.. وسيارات الإسعاف بشكل يومي :..:strong3:

رابعاً :.. مصلى أكبر من اللي موجود حالياً :.. لأنه غالبا فموسم التخييم والجمعه بالذات يكون زحمه :.. :yes:

خامساً والأهم :.. يعتقونا من سالفة البنشري اللي مافي غيره :anger3::.. ومسبب أزمه :.. :mad:
ويزيدون عددهم على الأقل بس فتره التخييم :.. و يحطونهم صوب الشارع مثلا :.. عشان الزحمه :.. :spider:

سادساً :.. يوفرون كباين (حمامات الله يعزكم ) ولازم يحطون عمال نظافه :.. عشان ينظفون أول بأول :.. :fight:

سابعاً :.. يعطون تصريح كافتيريا أو دكان صغير ( لموسم التخييم بس ) :.. سالفه إذا الواحد نسى شي :oops::.. يظرب خط يروووح مسيعيد :..:eek3:

ثامناً :.. خلاص وايد طلبت:shy: :.. خلهم يحطوني وزير البيئه وأنا بافلكم فالموسم :..
:tooth:
والسموحه عالإطاله :.. لكن في أشياء مهمه الصراحه :.. ومايسوونها !!!!crazy
حسن
28-09-2010, 02:44 PM
اتمنى يرفعون قيمه التامين الى 20000 الف
Qtr Denver
28-09-2010, 04:07 PM
مرحبا


اتمنى يرفعون قيمه التامين الى 20000 الف

اي والله انك صادق .. علشان تقل المصخره اللي صايره شوي
OREO
28-09-2010, 04:17 PM
اتمنى رفع قيمة التأمين ,,

و أيضاً لا يعطى الترخيص الا للقطري فقط و بشرط أن لا يحق له التأجير لطرف ثالث ..

في حال المخالفه .. يتم سحب الترخيص و وضع اسمه في البلاك لست ,,

و اتمنى السنه هذه تكون احسن من السنين اللي طافت ,,

موفقين ان شاءالله ,,
السامـي
28-09-2010, 04:20 PM
سؤال يا الربع..العريق فيه تخييم؟.:unsure:
جرح الزمان
28-09-2010, 05:16 PM
اتمنى اعادة النظر في تاريخ بداية ونهاية موسم التخييم

ليش ما يكون من 1 / 10 مثلاً الجو الحين يساعـــــد
GAS
28-09-2010, 06:02 PM
الخدمات والمرافق اهم شيء للسياحه

معقولة منطقه سياحيه مثل سيلين ما فيها محل يبيع

عود كبريت او سندويش

والله فضيحه هذه وليست سياحة وبعد ايام عيد الحج

ونفس السالفه بتكرر مع اضافة موسم التخييم والناس المخيمين اصلا في المنطقة

من يأكل كل هذول

http://farm5.static.flickr.com/4145/4979986403_8c2857306d.jpg
ممنوع اللمس
28-09-2010, 06:44 PM
<<< الى الكويـت في موسم التخييـم
رُفق المجنّا
28-09-2010, 11:40 PM
<<< الى الكويـت في موسم التخييـم

هنا الكلام
ابو ريم
28-09-2010, 11:44 PM
سبحان الله وبحمدة
الجزيـرة $
29-09-2010, 07:37 AM
اشكر تفاعلكم في هذا الموضوع الي يعتبر منكم واليكم واتمني زياة الملاحظات وحتى لو كان فيها جزء من الطرافة او غير واقيه محد يدري كل شي ممكن يصير اذا كو هذي السنه ممكن السنه الجاية
stocker
29-09-2010, 07:54 AM
السلام عليكم ورحمة الله وبركاته

جزاك الله الخير على الموضوع الطيب

اولا اشكر جميع الجهات على الجهود اللي تبذلها لخدمة الناس

ثاينا اهم شيئين انا اشوفهم هو الشارع المؤدي الى شليهات سيلين كنا نتامل بعد انتهاء الموسم الماضي ان يبدء العمل في تكبير الشارع وذلك لتفادي الحوادث التي تحدث .

والامر الثاني وهو مسجد الشاليهات ارجو من ادارة الشاليهات وبلدية مدينة امسعيد بناء مسجد كبير في هذي المنطقه تضم رواد هذي المنطقه واذا هم ماعندهم فلوس يفتحون التبرعات للمسجد واهل قطر مايقصرون ابدا مثل ماصار في مسجد العديد .

ثالثا من ناحية التامين اشوف سعره مناسب ومعقول

رابعا وهي المسؤلية التي تقع على اهل التخييم ارجو المحافظه على هالاماكن الحلوه

اقتراح
بسيط لمراكز التعريف بالاسلام والجمعيات الخيريه ان يبعثون سيارات خاصه بهم تكون موجوده في منطقة سيلين وخاصة المنطقه اللي خلف الشاليهات وذلك لدعوة غير المسلمين الى الاسلام .خاصة الجاليات الموجوده بكثره هناك .

اسف على الاطاله .. وموفقين لموسم خالي من الحوادث
بوغزلان28
29-09-2010, 08:00 AM
قبل كل هالاقتراحات انا اقووول الطريق الطريق يا ادارة المرور ويا هيئة الاشغال

يا ريت يسووونه 3 خطوط عن الحوادث
الجزيـرة $
30-09-2010, 07:17 AM
من خلال الملاحظه اكثر الافكار تدور حول فكره الطريق من والى مناطق التخييم وسوف تكون هذة النقطه نقطه محورية في الحديث والنقاش بالاضافه الى العديد من الافكار العجيبة الاخر اشكر تواصل الجميع
Darco
30-09-2010, 07:34 AM
1- تمديد فترة التخييم في الأماكن المطلة على البحر إلى شهر 5.

2- مراقبة العنن -وخاصة في منطقة سيلين- من التجاوزات الأخلاقية وكثرة "الكنايس" والمصخرة في السنتين الماضيتين.

3- بالنسبة لطريق سيلين إغلاق الطريق بسياج يبعد عن الشارع 10 متر (مثل اللي حاطينه في الطرق البرية لمنع دخول المطايا) وله بوابات للدخول, ومنع اصحاب الدراجات من الخروج من هذا السياج ومصادرة من يقود دراجته في الشارع العمومي (هذا سبب في حوادث كثيرة في الأعوام الماضية). وتشديد الرقابة على محلات التأجير والحرص على بعد كل محل عن الآخر والطلب من المؤجرين منع المستأجرين من الصغار عن الخروج عن منطقة محددة.

4- تشديد الرقابة على مرتادي الروض خوفاً من تدميرها بالسيارات.
مرتبش
30-09-2010, 08:55 AM
بلا موسم تخييم

اللي يبي يروح البحر او البر يقوم الصبح ويروح يجابل البحر ويستانس ويرجع المغرب..

ليش لازم مخيم ومكان شكبره مسكر والله العالم شيصير داخله..
Khaled Qatar
30-09-2010, 09:14 AM
متى يبدا الموسم ؟
BURBERRY
30-09-2010, 11:01 AM
اتمنى رفع رسوم التخييم إلى 50 الف عشان مب من كل هب و دب حط له مخيم و لعب لعبته لاحسيب و لا رقيب
][ الوحيد ][
30-09-2010, 12:35 PM
اتمنى رفع رسوم التخييم إلى 50 الف عشان مب من كل هب و دب حط له مخيم و لعب لعبته لاحسيب و لا رقيب

50.000 مرة وحده ..
المبلغ كبير اخوي .. ومب كل الناس يقدرون يدفعونه ..

معاك في نقطه اللعب والمصخره اللي تصير ..
لكن لو يتم التشديد عليهم و توزيع سيارات مراقبه على العنن بيكون افضل
واذا واحد شاف شي فيه مصخره يبلغ عليهم ويتم تكريمه بجائزه قيمه عشان الكل يتشجع على التبليغ ..
مب يشوف الشي ويمر عليه ولا كأنه شاف شي :)

برايفت لك : مارديت علي بخصوص اخر رساله طرشتها لك :playball:
فلتة زمانها
30-09-2010, 12:39 PM
ياليت يسوون تفتيش مفاجئ لبعض المخيمات المشبوهه المخصصه للبار والسمردحه والبنات
يكفي اللي صار العام في سيلين شي مخزي فعلا اتمنى ما يتكرر
مهل
30-09-2010, 12:46 PM
السلام عليكم



اتمنى التشديد و التاكد بانه لايحصل على ترخيص سوى القطري و التفتيش و التاكد بعد بدء موسم التخييم بان جميع هذه المخيمات يستفيد منها اصحابها .

و معاقبه كل قطري اشد العقاب و وضعه في القائمه السوداء بحرمانه مستقبلا من منحه ترخيص مخيم في حال قام باستخراج تصريح باسمه و استفاد منه شخص غير قطري
وطن
30-09-2010, 12:57 PM
1- تمديد فترة التخييم في الأماكن المطلة على البحر إلى شهر 5.

2- مراقبة العنن -وخاصة في منطقة سيلين- من التجاوزات الأخلاقية وكثرة "الكنايس" والمصخرة في السنتين الماضيتين.


3- بالنسبة لطريق سيلين إغلاق الطريق بسياج يبعد عن الشارع 10 متر (مثل اللي حاطينه في الطرق البرية لمنع دخول المطايا) وله بوابات للدخول, ومنع اصحاب الدراجات من الخروج من هذا السياج ومصادرة من يقود دراجته في الشارع العمومي (هذا سبب في حوادث كثيرة في الأعوام الماضية). وتشديد الرقابة على محلات التأجير والحرص على بعد كل محل عن الآخر والطلب من المؤجرين منع المستأجرين من الصغار عن الخروج عن منطقة محددة.

4- تشديد الرقابة على مرتادي الروض خوفاً من تدميرها بالسيارات.

بالضبط
نبيهم يراقبون المخيمات عشان التجاوزات الأخلاقية اللي تصير
من سوالف المخدرات والشرب والبنات
ANONYMOUS
30-09-2010, 12:59 PM
ياليت يسوون تفتيش مفاجئ لبعض المخيمات المشبوهه المخصصه للبار والسمردحه والبنات
يكفي اللي صار العام في سيلين شي مخزي فعلا اتمنى ما يتكرر




شصار

انا شبه اسبوعيا هناك وماشوف غير الرمله والبحر
بو الجوري
30-09-2010, 01:39 PM
ذبحتونا ياللي تقولون التأمين 20 و 50 ألف عسى مااااشر :.. :anger3:

أنا من الناس اللي تخيم كل سنه :.. ومالي فالخربطه :.. ومعاي عيالي :.. حتى بانشيااات ما عندنا :..:tooth:

وماقدر أدفع تأمين 20 و 50 ألف :.. :mad:

ليش إنت مفكر إن ال50 ألف تأمين :.. على واحد راعي خربطه وبنات وايد :.. !!!:nono:
عااادي دامه قادر يدفع للبنات والشرااااب :.. بيدفع ال50 وهو يرقص :..:app2:

و بخصوص الخربطه :.. أنا عن نفسي بس أسمع إن المكافحه كبست :.. وإلا صايدين عّنه مشبوهه :..:deal:

لكن شفت بعيني ؟:.. لا والله ما شفت :.. :playball:
وأغلب اللي يخربطووون :.. تلاقي عننهم بعيده :.. :tooth:

فياريت محد يتكلم بدون ما يكون عنده دليل :..:polling:

موسم التخييم يبغيله الشروط اللي ذكرتها في بداية الموضوع :.. مع شوية دوريات رينو يلفلفوووون :.. وبس:strong3:

و عمر التأمين ما راح يكون عائق لراعي الخربطه والشكشكه والونااااسه :..:deal:
فارس قطر
30-09-2010, 01:56 PM
اتمنى في موسم التخييم منع العازبات الخليجيات الدخول الى قطر

والحر تكفية الاشارة.
بو الجوري
30-09-2010, 01:59 PM
^^^
^^
^

تخيل وحده جايه تزور حد من أهلها :.. يقولون لها :.. آسفين :..
مانقدر ندخلج قطر لأن فـسيلين والـعديد :.. موسم تخيييم الحين :..

شدعوه طيوووور :..


فكروا بالعقل :..
:)
الجزيـرة $
03-10-2010, 08:25 AM
اشكركم على غيرتكم على سمعه بلادكم يا شباب و تاكدووو ان هناك تعليمات صارمة هذي السنه على كل ما تم نقاشة وكثير من الظواهر والسلوكيات الفردية سوف يتم القضاء عليها من خلال الاجهزة الامنية المختلفة بالتعاون مع مرتادين المخيمات ونريد المزيد من الافكار البنائة
عنوووود
03-10-2010, 08:58 AM
الرسوم غالية ،،، وحرمتوا ناس وايد محتاجين ،،،،لنسمة هوا وراحة بعيد عن غلاء وتوتر المدن


يعني حتى التخييم بفلوس ،،، لاحول ولا قوة الا بالله
الألماسي
03-10-2010, 09:17 AM
يعطون تصـاريح مؤقتـه " فتـره موسم التخييم " لمطاعـم + سوبر ماركت + ادوات بحريه . . بريه . .

و بمبلغ التأمين يسـوون " ملاهي " للأطفـال يكون دخولها للنسـاء و الأطفال فقـط مع حلبه تكون محدده و مرسومه للأطفال اللـي يبي يلعب بالبانشي حجم 50 مثلاً . .

هـذا اللـي يحضرني الحين . .
حسن
03-10-2010, 04:15 PM
اتمني من البيئه تحط تاريخ ثابت مب كل سنه غير وانها تهتم بالقول والفعل مب مجرد تصريحات في الجرايد واتمنى زياده التامين
قطرية وبس
03-10-2010, 06:54 PM
الرسوم غالية ،،، وحرمتوا ناس وايد محتاجين ،،،،لنسمة هوا وراحة بعيد عن غلاء وتوتر المدن


يعني حتى التخييم بفلوس ،،، لاحول ولا قوة الا بالله

صادقة اختي ....
والله ناس وايد انحرموا من هالمتعة ومن شمة نسمة هواء
والله المستعان ............
ارض رب العالمين صارت برسوم .........
الجزيـرة $
04-10-2010, 07:32 AM
مشكورين على المشاركة وبالنسبة للاخوات المعترضات على الرسوم ترى الرسوم مبلغ مسترد هي مجرد ضمان ان الشخص ما يترك مخلفات بعد انتهاء موسم التخييم واي مخيم يكلف اكثر من هذا المبلغ بكثير والتخييم متاح للجميع
بوخالد911
04-10-2010, 07:58 AM
هلا

اليوم ووصلني مسج بي بي من جريدة الشرق مفاده :

علمت الشرق بأن باب التسجيل بيفتح من 15/10/2010
والرسوم كما هي 10000

وستكون هناك لوائح جديدة سيتم الاعلان عنها قريبا
ولد الزبارة
04-10-2010, 08:13 AM
نتمنى اعادة النظر في الرسوم
Ussop
04-10-2010, 09:35 AM
مجرد أفكار متناثرة، لعل تكون منها فائدة...

لماذا لا يتم توزيع شتلات وأشجار صغيرة على المخيمين في المناطق التي تصلح أرضيتها للزراعة، ويطلب من المخيمين زراعتها والإهتمام بها طوال فترة موسم التخييم.

لماذا لا يتم تخصيص جوائز خاصة للعنن بكل منطقة، يتم منحها لأفضل عنه مرتبه ومنسقة.

لماذا لا تقوم اللجنة المختصة بالتخييم، بعقد بطولات رياضية في كل منطقة تخييم، وتكون البطولة في كرة القدم - كرة الطائرة - غير ذلك مما يتناسب مع أجواء التخييم.

هذه بعض الأفكار البسيطة ~ وكل التوفيق لكم.
الجزيـرة $
05-10-2010, 07:59 AM
مشاركات اكثر من روعه واليوم هو اليوم الاخير قبل الاجتماع وانشالله راح توصل كل هذه النقاط بالشكل الصحيح