إماراتي يشتري لوحة سيارة ب ١٠ ملايين درهم

[الشعال]

اشترى المواطن الإماراتي أحمد أهلي لوحة سيارة تحمل الرقم ٩ بعد أن رست عليه المنافسة بمبلغ ١٠ ملايين درهم خلال المزاد الذي أقامته القيادة العامة لشرطة أبوظبي لبيع اللوحات المميزة من الفئة السادسة للأرقام الأحادية والثنائية والثلاثية والرباعية والخماسية مساء أمس بفندق قصر الإمارات بأبوظبي. وعبر المواطن الفائز بالرقم ٩ عن فرحته واعتبر أن الموسم الجديد للمزادات بأبوظبي يبشر ببداية قوية قد تشهد تحطيم العديد من الأرقام المميزة للوحات السيارات خلال المزادات القادمة كما أشاد بتنظيم المزاد وما اشتمله من أرقام مميزة روعي في اختيارها رغبات المزايدين. وأعلنت القيادة العامة لشرطة أبوظبي أن حصيلة مزاد الأرقام المميزة للوحات السيارات الذي نظمته بالتعاون مع الإمارات للمزادات مساء أمس أكثر من ٣٠ مليون درهم قيمة بيع باقة متنوعة من الأرقام المميزة شملت ٨١ رقما مميزاً من الفئة السادسة من الأرقام الأحادية والثنائية والثلاثية والرباعية والخماسية. يذكر أن مزادات لوحات أرقام السيارات في الإمارات تشهد منافسة قوية وحققت أرقاما قياسية فى ظل المنافسة بين المزايدين على اقتناص أرقام مميزة في حياتهم تتناسب مع أرقام لوحات سيارتهم
منقول من جريدة الراية .

[بوخالد911]

الله يعيين الفقراء والمساكين والأرامل ..............

:(

[bo_s3ood]

هواااية الارقاام وتبذير الاموال

والله لو مطلعها من شقااه بنفسه صدقني ماشارى الرقم

بس قام من النوم ولقى بنك قداامه وقاام يلعب >>> الله يووفقه

[venum]

الله يعيين الفقراء والمساكين والأرامل ..............

:(

اللهم آمين

[OTOsan]

الله يزيده ويعطينا ان شاء الله ،،

مايعطيني منهم (1%) قرض حسن ..؟
:)

[ANONYMOUS]

عادي..

اذكر شريت رقمي من المرور سنة 99 او 2000 ماذكر بالضبط ب 1000 ريال..
وكان رصيدي وقتها يمكن 11 الف في البنك


الريال يمكن رصيده 3 مليار.. ف 10 ملايين تعتبر 300 ريال بالنسبه له


وقس على ذلك

:)

[بنت شيوخ]

الله يهنيه

[رُفق المجنّا]

الله يهديه

ناس ما تعين اللقمة وناس تلهو وتلعب لكن الأيام دوارة وعمرها ما دامت لـ حد

[عقد اللآلي]

هذا هو التبذير الذي نهانا عنه الله جل وعلا .

هدى الله المسلمين

[الصريحه]

الله لايعاقبنا انشاءالله

[الدوحي7]

الله يوفقه ويزيده ،، بس اهم شي 10 مليون بعد نفسهااا يعطيهاا الفقراء،

[كركم]

في الحديث الذي رواه الترمذي عن عبد الله بن مسعود رضي الله عنه- أنه عليه الصلاة والسلام قال: {لن تزول قدم ابن آدم من عند ربه يوم القيامة، حتى يسأل عن خمس: عن عمره فيما أفناه، وعن شبابه فيما أبلاه، وعن ماله من أين اكتسبه وفيما أنفقه، وماذا عمل فيما علم}.


الرد بيكون اشتريت فيه رقم سيارة بـ 10ملاييين

[بوراشد77]

يااااااااااااااااااااااارب اغفر لنا وارحمنا

[العقل الحر]

حرية شخصية لمن يملك المال الكثير

[صلاتي]

في الدول الفقيرة يكلف بناء المسجد 30 ألف ريال فقط

10 مليون تقسيم 30 ألف = 333 مسجد

من تفضل المساجد او الارقام المميزة

[بوراشد77]

يالربع هذي تجارة عادي بعد سنه يبيعه ب15 مليون هذا اذا مب بعد شهر

[شبح الصمت]

الله يرزقنا وياكم قبل كل شيء الجنة الي نتمناه ويتمناه كل مسلم ومسلمه على هالارض الطيبه

والله يعطينا من مما عطاه

يالربع الي بيردون اشله ما تبرع واشله ما سوى يمكن انتو ما تردون الرجال شلي يسويه بظهر الغيب

وفي ناس تحب التميز

وشراءه لانه في خاطره

ويمكن في حسابه مليارات وهالعشرة مليون عادي كانها 100 الف سهلات عنده

الله يزيده ويغنيه ويبارك له في ماله ويجعله من الناس المتبرعين الداعمين لعمل الخير ومساعدة الفقراء والمساكين ويغنيه بحلاله عن حرامه

اللهم امين

[kooool]

الخبلاااان واااايد

[همر]

ذبحتونا تبذير وتبذير..

الرازق في السما والحاسد في الارض..

خلاص نصبتوا الميزان وقمتوا توزنون اعمال البشر ؟!! حكمتوا على الرجال انه من اخوان الشياطين وانتوا ماتعرفونه ولا تعرفون اعماله ؟!!

ياخي اللي تشوفه انت مبلغ خيالي, خرده بالنسبه له.. واللي تشوفه انت تبذير, صرفيه عاديه بالنسبه له.. قولوا الله يرزقه ولا الله يزيده ولا اسكتوا احسن..

واذا عندي بسوي مثله.. بدال ماخلي الفلوس في البنك تخيس "استثمرها" برقم.. الرقم اللي شراه اليوم بـ10 ملايين بكره يبيعه بـ15 ... قط فلوسه في البحر ؟!!

وفلوس المزادات هذي وين تروح ؟!! مب في اعمال خيريه ولا حتى لو في خزينة الدوله .. ماراحت بعيد ولا قطيتها في ايادي ناس ما تستاهل...

المسأله بس نشوف واحد دفع مبلغ مانقدر عليه قلنا تبذير.. ما عندنا ماعند جدتي كله حسد وغيره..

[الصحراء]

وليش الاستعجال في الحكم على الرجال يمكن ريع المزاد لجهات خيرية

[Kuwaiti88]

انا اللي أعرفه ان المزادات من هالنوع في الإمارات يروح ريعها لجهات خيريه ...

والله أعلم ...

:)

[الأمبراطور]

عادي..

اذكر شريت رقمي من المرور سنة 99 او 2000 ماذكر بالضبط ب 1000 ريال..
وكان رصيدي وقتها يمكن 11 الف في البنك


الريال يمكن رصيده 3 مليار.. ف 10 ملايين تعتبر 300 ريال بالنسبه له


وقس على ذلك

:)

بصرااااحه يبتها ييب >>>لا وغيرك يسوي اكثر لكن الناس ليحن مب واعيه...
الفكرة: احساب 100000>>رقم ب10000
حساب 1000000000>>رقم ب10000000

انا اقول الي عندو ارش محيرو يشتري حمام ويطيرو((:

[knkn]

[QUOTE=Kuwaiti88;6401861][font="comic sans ms"][center][size="5"]انا اللي أعرفه ان المزادات من هالنوع في الإمارات يروح ريعها لجهات خيريه ...

والله أعلم ...
ونت صادق أنا واعوذ بلله من كلمة أنا أماراتي والمزاد هذا واقفه عليه وزارة الداخليه وكل درهم فيه يروح للجمعيات الخيريه والمزاد هذا كل سنه ينقام مب أول سنه وعندنا وعندكم الخير إن شاء الله
:)[

[الأمبراطور]

في الحديث الذي رواه الترمذي عن عبد الله بن مسعود رضي الله عنه- أنه عليه الصلاة والسلام قال: {لن تزول قدم ابن آدم من عند ربه يوم القيامة، حتى يسأل عن خمس: عن عمره فيما أفناه، وعن شبابه فيما أبلاه، وعن ماله من أين اكتسبه وفيما أنفقه، وماذا عمل فيما علم}.


الرد بيكون اشتريت فيه رقم سيارة بـ 10ملاييين
اي الغالي الرد بيكون شريت رقم بعشره وافكر ابيعه ب12 >>مثلا يعني....الي خذوا ارقام على نص مليون باعوها على مليون واستثمرو
والاهم من ذيه كله روح حق دريولكم وقوله احنا نعرس بنص مليون ومليون>>بيذكرلك الحديث نفسه لو كان حافضه:tooth:

[وارث العز]

خله يستانس ويتمتع بفلوسة . عيل يموت عنها ويخليها

[qatar1111]

الله يبارك له برقمه وبحلاله

[adel777]

بقولكم سر....... انا الي كنت ازايد معاه في الرقم 9 بس كانت قاصرتني 500 وللاسف خذا الرقم مني
بس الايام جايه