فيزا شنجن

[Qa6ar]

السلام عليكم ورحمه الله وبركاته


نبي احد يسوي لنا فيزا شنجن عن طريق السفاره الفرنسيه لان السفاره الالمانيه 6 اشهر

فقط والسفاره الفرنسيه تعطيك ثلاث سنوات

ادا احد يعرف مندوب يرتبها لنا اكون شاكر له بارسال رقم المندوب على الخاص

[NEMO]

انا سويتها بالسفريات العام هو خلص لي كل شي

[tulip]

السلام عليكم ورحمة الله وبركاته

أخي الفاضل السفارة الالمانية كانت تعطي فيز لمدة سنتين لكن هذي السنة اعطتني لمدة 3 سنوات وحاليا موجودة في المانيا .
وطبعا تكتب تحت بخط صغير وللاسف كثير منا ماينتبه لها مدة الاقمة 90 يوم لكن اذا عندك علاج ممكن تجدد في الجوازات من المانيا لمدة 3 اشهر او لنهاية العلاج .
وستها بدون مندوب لان السايق راح وجاب اوراق عبيتهم وين السكن وتاريخ السفر واعتقد ماتحتاج لمندوب وحاليا قانون جديد في المانيا لو عندك فيزة لمدة 3 سنوات وتركت البلد وسافرت ماترجع الا بعد 6 اشهر
من سنة كانت اذا خلصت مدة 90 اليوم نطلع لندن يوم او يومين لكن حاليا تجدد من الجوازات وماتاخذ وقت كثير لاني هنا من اكثر 5 اشهر
وتمنياتي لكم بالتوفيق

[كركم]

اخوي عندك سفريات الرجسيني اللي في السد تعطيهم الجواز والرسوم وتستلم جوازك بعد اسبوع

[Chanel]

اخوي لازم بنفسك تروح عشان الفرنسيه لازم بصمات ياخذون ولازم تاخذ موعد من الويب سايت
والاخوه الله يهديهم كلامهم غلط قالو لي انتي رايحه باريس اخذي الفيزا من الالمانيه اسرع ومايحتاج بصمات المهم ارسلت المندوب قالو لا لازم تاخذها من الفرنسيه وهذا الكلام جديد
اليوم

[vib قطر]

اخوي لازم بنفسك تروح عشان الفرنسيه لازم بصمات ياخذون ولازم تاخذ موعد من الويب سايت
والاخوه الله يهديهم كلامهم غلط قالو لي انتي رايحه باريس اخذي الفيزا من الالمانيه اسرع ومايحتاج بصمات المهم ارسلت المندوب قالو لا لازم تاخذها من الفرنسيه وهذا الكلام جديد
اليوم



كلامك صحيح وصار معاي انا

[Qa6ar]

يعطيكم العافيه

شكرا وماقصرتوا

[مروج قطر]

الافضل تسويها بنفسك و اذا رايح اكثر من دوله من دول الشنجن تقدر تسويها بالسفارة الفرنسية بشرط تكون المدة اللي بتقعدها بفرنسا هي المدة الاطول
و مدة الفيزا ترجع لمدة صلاحية الجواز يعني اذا كان جوازك ينتهي بعد سنة يعطونك اياها لمدة سنة و اذا كان ينتهي بعد 4 سنوات يعطونك اياها لمدة 4 سنوات و هكذا...
و ذا مصر انك تسويها بالسفارة الفرنسية اخذ حجز وهمي من سفريات الديرة للفندق و الطيران و تامين صحي وتقدر تسسويها بالسفارة الفرنسية

و اي استفسار انا حاضرة

بالتوفيق

[V.I.P_QATAR]

اخوي انا سويتها عن طريق السفارة الفرنسيه وعطوني 4 سنوات بس انا رحت لهم بس ياليتهم ماعطوني اربع سنوات ورحت المانيا ويوم رجعت في المطار كان عندي تاكسي فري بقيمه 11 الف ريال قالو لي ماتاخذ التكسي فري علشان جوازك فيه فيزة لندن وفيه فيزة شنجل 4 سنوات لازم تتم 90 يوم وراحت علي التكسي فري

[يحفظك ربي]

اخوي تقدر تسويها في السفارة الفرنسية اجراءات سهله بلا مندوب ولا شي
خذ معاك السكن والتذكره ووصورتين واذا ماكان زحمه ثاني يوم تستلم الجواز
والمدة على حسب صلاحية الجواز .. واحد من الربع سواها الخميس الاحد استلمها ومدتها 4 سنوات الرسوم حول 200وشي او 300

[Qa6ar]

يعطيكم العافيه جميع

سويتها بالسفاره الفرنسيه

[سكرمر]

تروح وترجع بالسلامه

[Qa6ar]

تسلم اخوي

[HiTec]

اخوي اكو تقرير للأخت خشووف عن فرنسا وممكن تستفاد منه

وترسل لك رقم مندوب كما تطلب

[Qa6ar]

تسلم يااخوي