استفسار بخصوص اللمبرجيني والفيراري .. حعل والديكم بالجنه

[hotwheels703]

سلام عليكم ورحمه الله وبركاته


ياشباب انا قررت اشتري لمبرجيني مرسلاقو او فيراري f430 بس ناقصني معلومات عنها من ناحيه الصيانه والمشاكل



لاني احترت ؟؟؟اوقات اشوف سيارات صياناتها علي 4000 ريال او 6000 ريال دفتر صيانتها بالوكاله

وفيه سيارات يوم اشيك علي دفتر صيانتها بالوكال اشوف ارقام خياليه 80000 او 110000

وترددت شوي ...... وحبيت اشتشير هالوجيه الطيبه الله يرضي عليكم

لاني خلاص قربت اخلص مع رجال وودي تنصحوني بلشي الصحيح اللي متاكدين منه

انا احب هالسيارتين مرررررررررره بس يدوب ادبر فلوسها كاش بس اذا صيانتها اقل من 10000 اقدر عليها ادا اكثرررررررر لا بصرف نظر


طبعا معروف الكلتشات 38000 بس هدا هين

ونتظر رردودكم

في شيء بظيفه طبعا مارحت للوكاله لانهم كله يمدحون اللي عندهم ويقولون الصيانه كل 6000 كيلو بقيمه 3000 ريال تقريبا زيوت وفلاتر هل هدا صحيح

[عبدالله بن محمد]

السلام عليكم
اخوي اذا حشمت الموتر راح تحصله مافي احسن منه
اما تكرفه والله راح يخليك ع الحديده
وبالتوفيق

[hotwheels703]

مشكور اخوي ع المرور

والله انت صادق الموتر ادا اعتنيت فيه يصير مافيه مثله

[MR.STOP]

ياخوي اذا ماتقدر عالصيانه..لاتحمل روحك فوق طاقتك

حط المبلغ فموتر ابرك منه .. واجد السبورت ارخص وابرك

وانت استخير قبل لاتسوي شي

[hotwheels703]

صدقت يالغالي


بس متعلق فيها واحب هالمواتر الللي ذكرتها انا وقلت ماودي انحرم من شيء ابيه

[بـن عدوان]

دايما السيارات الغالية صيانتها مكلفه .. خصوصا اذا خليتها للإستعمال اليومي ...

انت روح الوكالتين وشوف الصيانة شلون عندهم كل كم كيلو .. وشنو عليك وعليهم ..

الفيراري الجديدة California للإستعمال اليومي وحلوة ^^

[فقط قطر]

صدقت يالغالي


بس متعلق فيها واحب هالمواتر الللي ذكرتها انا وقلت ماودي انحرم من شيء ابيه

ومن الحب ما قتل....

والسيارتين روعة....

[hotwheels703]

للرفع فديتكم

[المبرمج صلاح]

http://files.fatakat.com/2009/10/1256720187.gif

بالتوفيق ان شاء الله

ومن الحب ما قتل .....

[وجه السعد 2]

عزيزي .. مد رجولك على قد لحافك ..

[الواصـل]

خالق العمر مفنيه .. اخذ اللي ودك وخاطرك فيه ياخوك دام الله معطيك .. بكره اذا ماخذيتها ومرت عليك قلت لو اني ولو اني .. اذا فلوسها كاش .. وتقدر على صيانتها .. توكل على الله .. واخذهااااا :nice:

[dremar]

هذي السيارات يا تاخذها جديده او ما خلصت تشيكتها الثانيه

لأن بجد في الصيانه حراميه

أذا الرنج أو البي أم والمرسيدس

التشيكه بعد سنه

اقل شئ تدفعه 10000 الاف

واذا عصبت عليهم نفس المرسيدس

يخفضون لك ، فاعتقد هذي المواتر صيانتها اغلى ، مع العلم أن الموتر ما فيه شئ

[ممنوع اللمس]

والله يالغالي لامبورجيني مرسلاقو
بس هالسياره ما تتمشا فيها الا كل جمعه
هالسيارات مو للاستخدام اليومي والله يوفقك وانت براحتك

[ابو مشعل]

ماعندي علم والله
بس حبيت ارفعلك الموضوع

اذا كاش وتقدر ع الصيانه توكل على الله
اذا اقساط .. ابعد عن بلاوي البنوك يالغالي
واشتر راحة بالك ..

تحياتي لك والله يوفقك

[Qataraholic]

يازين حظي ويازين الشفر *** لاتفكر بهم وعنا السفر

ياحلاة الدنيا وعيشتها اذا كانت بسيطه, واتمنى الخير لك ولغيرك, والله انا لو اعرف عنه شي كان ما قصرت معاك, وحظ سعيد يتلقاك ورحمة الله ترعاك

[حمد بن خالد]

انا عشقي اللمبورغيني

ولقيتها مره بسعر معقول وكنت باخذها ورفيجي شار علي اروح الوكالة واشوف اللي عندهم وتصليحها كم وقطع غيارها

ويوم رحت لقيت خمس سيايير مورسيلاقو مكسرين من تحت

يعني السبيلرات كاملة أو الصدام الأمامي

وأول شي يا فـ بالي اسأله بكم الصدام ,, ومثلك عارف شلون شوارعنا

قال : طلبية وبدون صبغ يطلع بـ 85.000 ريال

ليش عاد ..

خلني من عشقي وأحلامي

أشوفه في الشارع واكحل عيوني فيه وادعي ان ربي يحفظ راعيه وبس

كفاية المرسدس لي ظربت بالوعة ( تكرمون ) ولا حفرة وانكسر الرنق تبتلش فيه

شلون بسيارة مثل اللي ذكرت

وموفق ان شاء الله

:)

كلامي الأخير

إذا البيزات من جيس ابوك ولا الحكومة اخذها

أما إذا من جيسك انت خلها تولي حتى لو عندك فلوسها مرتين

[الكاسب]

تصدق لأسرة فقيرة متضررة في باكستان خير لك من جميع سيارات العالم.

[TopRace]

سيارات ماعليها كلام جربت فراري وانت واستخدامك سيرفس شوي غالي اتوقع ارخص من مرسلاقو
وموفق انشاء الله