ايش صاااااااااااااااار في مقابلتك يوم توظفت

[kooool]

بسم الله الرحمن الرحيم ...
اكييييد الكثير منا يتذكر وش صااار في مقابلته ووايش الاسئلة اللي اطرحوها عليه والمواقف اللي صااارت له ..ياليت الجميع يتفااعل مع هالموضوع ..انا متاكد بنطلع بنتااائج مذهله ..

تحياتي : كووووووووووووول

اذكر يوم مقابلتي ..كان يوم مشهووووود ..دخلت مكان المقابلة والا طاولة تقريبا طولها 20 متر ..قلت يالربع وين الميكرفون عشان انكلمكم ..المهم ..جابوا العصير والماي والقهوة ..قلت علامااات طيبة والربع انشاء الله قابلين العبد الفقير الى الله ..شوي ..الا ذاك السؤال : شنو جايبك هني ؟؟؟؟؟؟؟ قلت نعم : هني ؟؟ قلت : اللي جابك هني من قبل ..قام يضحك ..قالي ظريف جدا ..قلت له المكان يشجع ...الثاني : مممممم طيب انت شنو تتوقع بنعطيك راتب ..قلت : والله لو تدرون اللي في خاطري كان قبضتوني الباب ولكن ماراح اكون طماااع ..20000 بتكفيني ..قال : شنووووووووووو ؟؟؟؟ شكلك متفائل وااااايد ..قلت : اللي يشوفكم اكيييد بيتفائل والا ماجيت هنا ...يعني احرجتهم الحين وحطيتهم في زاااوية ..قال واحد : تعرف ان الشغل هنا تعب ؟؟؟؟ قلت : ماتعب الا وبعده راااحه ..قال لي : عيل بطول تنتظر الرااااحة ..قلت : التعب اللي في صالح الدولة رااااااحتي (اشتغلت على الوطنية وكلنا قطر ) ..قال انزين : عارف نوعية الشغل اللي بتشتغله ..قلت : اكييد قريب ع التخصص والا حوله والا حوليه والا بعيد منه شوي ..يعني مسيرة يوم بليله هههههه ..قال :شكلك بدوخنا يالشيخ ..قلت : تحملوني ..تراني ضييف ..قام واحد وهو يبتسم قال : الا راااعي مكاااان ..قلت : خلااااااااص جااااااااااات الوظيفة ...الا كمل وقال : وقطر فيها شغل واااايد ...الا الفرحة طااااااااااااااارت ..المهم طلعت وبعدها بكم يوم قالوا تعال يافارس الفرسااان واستلم وظيفتك ....

[مناحي السادس عشر]

موضوع حلو يذكر الواحد بشبابه :swoon2:

اسئله عامه مثل
متزوج
شنو طموحك
ليش اخترت هالمكان
هل انت مستعد للعمل باي مكان يتطلبه العمل
شلون عرفت انه فيه توظيف هنا
مستعد انك تشتغل وقت اكثر من المطلوب
هل مستعد انك .............................؟
اسئله بالفيزياء والكيمياء
وبعدين اختبار رياضيات وانجليزي
وتوظفنا الحمد لله

طبعا هالكلام منذ مبطي اوي اوي مدري هالايام شلون؟

[الحـ(درب)ـب]

انا عن نفسي

اشتغلت ب3 وظائف وكل مقابله لها وضعها


يعني اول عمل اشتغلته عام 99 كانت المقابله تحتاج للهدوء والتواضع ( مع ترديد جمله انا عندي امل ان يكون العمل هذا فرصة لنفسي واكتساب الخبرة ) ولاتنسون تمدحون المكان اللي تتقدمون فيه
يعني قول انا قدمت عندكم لاني لقيت ان العمل بهذه الجهه يناسب اهدافي وسمعة جهتكم هي سبب قدومي لكم

ثاني عمل الاسلوب اختلف لان صار الواحد يملك خبرة وكان 2002

اما ثالث عمل دخلته وتكلمت فيه كثير وكان فيه بعض شوفة النفس بس بكل ثقة واحترام
(( التكلم عن النفس وماقدمته بأعمالك السابقة )) وكان عام 2006
والحين وظيفة راقية وراضي عنها واتطلع للترقيه فيها عما قريب

سبب تغيري للعمل هو البحث عن المكان اللي تعطي فيه افضل
وللعلم بالأعمال السابقه لما اقدم استقالتي (( صاحب العمل يطلب اجتماع فيني ويسألني عن سبب الإستقالة ))
مابي امدح نفسي ههههههههه بس انا موظف ملتزم بكل شي وطموح :)


نصيحة للجميع:

المقابلة هي اهم ماتقوم فيه بحياتك لانها تحدد طريق السير بحياتك
واقول للجميع ( لاتتكلم عن نفسك واتجازاتك بالمجالس ترى كلها كلام مامنه فايده ) المقابلة هي المكان الوحيد الي تحاول تطلع بأفضل انطباع لدى من يقوم بمقابلتك ،، لاتستحون وتقولون مايحتاج نقول كل شي
هذا اكبر غلط (((( لاتخافون محد رح يقول عنكم : هذا يمدح نفسه )))) لان المقابله هي المكان الوحيد اللي تمدح فيه نفسك
ونصيحة ياجماعه
العمل واجب يجب ان تأدية بكل اخلاص
الألتزام بقوانينة اساس كل نجاح

[حيهور]

أخر مقابلة لي

كنت واثق من نفسي

لان عندي خبرة

وغير جي هم طلعوا وهم مستانسين مني


ومع ذلك

انرفضت لانهم ماعرفوا اي درجة يعطوني

وهم عاملين للوظيفة درجة اقل شوي

بس

[دانـة قطـر]

طبعا ما اشتغلت للحين :(

بس فالمقابله كانت هذي الاسئلة

متى تخرجتي؟

وليش ما اشتغلتي طول هالفتره؟
ما لقيت وظيفه

ليش قدمتي عندنا بالذات؟
قدمت عندكم وعند غيركم :playball:

وش تعرفين عن هالمكان؟
ما عرف شي بس يوم دريت عندي مقابله قريت عنكم فالنت :deal:

وين تشوفين نفسج بعد 5 سنين؟
الله أعلم يمكن مكانك :nop:<<< براااااااا:tomato:


الله يرزقني ياااااااااااا رب بالوظيفه السنعه ويعوض صبري خير

[kooool]

االمقابلة تعتمد ع الشخصية 1000%

[قناص 787]

مااذكر بس اللي اذكره واللي عمري ماراح انساه ان الجو كان حار

[بنت^البحرين1]

هههههههههههههههههههههههههه

كول شسويت فيهم زين والله خذوك

انا مادخلت مقابلة .. لان كنت متدربة لمدة شهرين وعقب بالواسطة توظفت في نفس الوزارة .. الحمدلله

[kooool]

هههههههههههههههههههههههههه

كول شسويت فيهم زين والله خذوك

انا مادخلت مقابلة .. لان كنت متدربة لمدة شهرين وعقب بالواسطة توظفت في نفس الوزارة .. الحمدلله

مادري شكل القط يحب خنااااقه هههههههههههه

[ضوى]

زماااااااااااااااااااااااااااااااااااااااااااااااا ان عشرين سنة وش باتذكر !!!!!!!!!!!!!!!!!!

[مشتاقة لقطر]

ههههه

انا سالوني وقالو لي ردي بالانجليزي

كان اول مدرسة مستقلة اللي هي البيان

وقبلوني دكاترة اجانب وعرب وقطريين

وتفلسفت بما ان تخصصي فيزيا قلت ابي ادرس الفيزيا بطريقة اخرى تكون اقرب للعلوم الحياتية اكثر منها مسائل ومن هالفناتك يعني

وطلبوني بس بعد مقابلة المديرة


قلت لهم بااااااااااااااااااااااااي لان يقول لك دوام ممكن تتوقعينه باي وقت انتو بتاسسون المدارس والتعليم الجديد لانكم اول دفعة الخ .. تتحملون ضغوط العمل .. وانا توني والدة . قلت مابي فلوس زيادة ابي اعشق الراحة


وبعد فترة طلبوني في وزارة التربية وعطوني اختبار فيزيا وعالسريع صححوه لي وودوني مدرسة ثانوية على طول لان تقديري كان علي

احم احم

وعقب فترة سنتين انسحبت من العمل لاسباب اسرية وماندمت

[شيط ويط]

انا توظفت بدون مقابلة :playball:

[asadfg]

كل وظيفه وحسب يعني في وظايف المقابله تعتمد 100% على الشخصيه وفي وظايف 50% الشخصيه و50% اللغه الانجليزيه اذا كان بدون خبره وساعات 50% شرح المرشح امور خبرته والوظيفه المرشح لها و50% شخصيه

[ولد العديد]

موقف اول مقابله ما راح من باللي للحين

اول ما دخلوني على المديره قطريه

دخلت مستحي وقلت السلام عليكم الا هي تمد ايدها تبي تسلم خخخ انا ما عرف شسوي اخاف ما سلم تقولي اقلب ويهك قلت دام هي عيوز يلا نسلم عليها وسلمت خخخ

وقاعده تسالني لين مليت من عمري تحقيق ..

وطلعت روحي لين تعينت بعد واسطه..

[الراقيه سبشل]

ههههههههههههه عجيييب ياكول لازم نتعلم منك:tooth:

انا لما سويت المقابلة قالولي تكلمي عن نفسج .. رحت وبكل تواضع وقلت "مافي شي اقوله عن نفسي":funny:

وطبعا الجملة قلتها بعد جهد جهيد هههههه وانرفضت :funny:

[qatar.up]

طبعا ما اشتغلت للحين :(

بس فالمقابله كانت هذي الاسئلة

متى تخرجتي؟

وليش ما اشتغلتي طول هالفتره؟
ما لقيت وظيفه

ليش قدمتي عندنا بالذات؟
قدمت عندكم وعند غيركم :playball:

وش تعرفين عن هالمكان؟
ما عرف شي بس يوم دريت عندي مقابله قريت عنكم فالنت :deal:

وين تشوفين نفسج بعد 5 سنين؟
الله أعلم يمكن مكانك :nop:<<< براااااااا:tomato:


الله يرزقني ياااااااااااا رب بالوظيفه السنعه ويعوض صبري خير

ههههههههههههه أكيد بتنرفضين

[القيادة]

بعطيكم السالفه من أخرهاااااااااااااااا

(( قبل ماتروح المقابلة جهز الواسطة وفالك البيرق ))

[طلعة الروح]

مقابله قول مقابلات يطول الشرح اخوي
بس اللي اقدر اقوله لازم الواحد يروق المنقا ويدش ببرود
ولي سألوه اهم شي اللسان الطويل والحجه الدامغه
عشان ينجح الواحد بالمقابله، ترى الادب الزايد والحيا مايفيدون
كلش، قد ماتقدر تتفلسف وتحاجج وترد ع السؤال بعشر وعلى طول بيوافقون عليك
طبعا اخس سؤال لما يقولك ليش ناوي تطلع من وظيفتك
طبعا لازم تكون دقيق وتقدر تجاوب جواب مقنع بدون ماتسب جهة العمل او تذمها

[الميزان 1969]

امممممممممم
انا الحمد لله رب العالمين ماقدمت اوراقي في اي مكان
هم يتصلون يطلبوني ...
اللهم لا حسد
وألحين انا في منصب أقابل وأوظف ... وأحب أنقل خبرتي لكم ... بالفعل أنا أختار الشخص اللي يسوق لنفسه صح وعنده طلاقة ولباقة ودبلوماسية في الهروب من السؤال في حال عدم معرفة الاجابة
وبالتوفيق للجميع

[ابوعلي]

بالنسبة لي للأسف يوم مقابلتي باحد البنوك الاسلامية

دخلت وكان معاي شخص من أهل الشام

وأعضاء اللجنة كانوا من أهل الشام

فدخلت عليهم وحاط الامل ان بيسئلوني عن تخصصي

ولكن للأسف اسئلتهم عن

أركان الاسلام

أركان الإيمان

صلاة الخسوف


فكان ردي عليهم الظاهر توني داخل الاسلام

وقلت لهم السلام عليكم مب محتاج لوظيفتكم وتوظف اخونا الشامي:deal:

[kooool]

بالنسبة لي للأسف يوم مقابلتي باحد البنوك الاسلامية

دخلت وكان معاي شخص من أهل الشام

وأعضاء اللجنة كانوا من أهل الشام

فدخلت عليهم وحاط الامل ان بيسئلوني عن تخصصي

ولكن للأسف اسئلتهم عن

أركان الاسلام

أركان الإيمان

صلاة الخسوف


فكان ردي عليهم الظاهر توني داخل الاسلام

وقلت لهم السلام عليكم مب محتاج لوظيفتكم وتوظف اخونا الشامي:deal:

مرحبا بك اخا في الاسلاااام يابوعلي ههههههههههههههههههههههه ..ع الطاري وش كان اسمك قبل ماتسلم هههههه

[واحد في حاله]

ياكثر ماسوو معاي مقابلات

بس الوظيفه الي انا فيها ماسوو لي مقابله
لان توني فرش وماعندي خبره
بس مقبول وتعال داوم

الي ما انساها مقابله مع شركه

شخلوني شخال حسيت انه تحقيق مب مقابله لدرجة جابو لي اوراق وقالو سو لنا برزنتيشن عن الي فهمته ماخلو شي ماسألوني عنه شوي ويقولون لي من ربعك :rolleyes2:
في البدايه كنت متعاون جدآ بس طلعو راعين طويله لين طقت فيوزاتي عندهم وتنرفزت ,, قلت لهم هذي مقابله ولا اختبار :anger2:
زين افهموها وانهو المقابله

[رهج السنابك]

؛

اخر مقابلة لي كان تحقيق فيدرالي والمحقق كان عربي الجنسية عمره تقريبا 29 سنة وحاطينة مدير وجنبه قطري
المدير نشف ريقي ساعة ونص من الاسئلة وانا ارد على كل سؤال بكل ثقة وحزم وخاصة اني اصغر منه بالعمر واعلى منه بالمؤهلات العلمية
كل شيء تتوقعونه سألني اياه اشياء داخل وخارج تخصصي

وحتى لما خلصت اسئلته قام يخترع لي اختراعات وينسج لي سيناريوهات من مزاجه ويشوف جوابي على السيناريو الخيالي

احد الاسئلة

قالي تخيلي توظفتي بالادارة وارتكبتي خطأ فادح خسر الشركة مليونين والمدير ما اكتشف الخطأ ومحد قدر يكتشفه ( اقولكم موقف خيالي من راسه) شنو راح تسوين ؟؟ هل بتعترفين بالخطأ للمدير؟ هل بتحاولين بطريقة ما ترجعين المبالغ؟ ايش بتسوين؟

قلت له ان شاء الله ما ارتكب هذا الخطأ وانا الوظيفة اللي مرشحيني لها مش وظيفة مباشرة عشان اتحمل خطأ كامل اكيد بيكون وراي مسؤل

قال لي فرضا افرضيه بشكل مجازي شنو بتسوين!!

المهم اجيه يمين يجي يسار

والقطري حسيته متجاوب معي وعارف اني اوكيه بس العربي مو عاجبه

وبعدين قالوا لي طيب حطي راتب تتوقعينه

وحطيت رقم مش عالي ولا قليل بحدود 27ألف
وبالنسبة للمكان اللي جيته فيه ناس راتبها فوق 100 الف واجانب

ايه ومن ظمن الاسئلة قالوا لي ترا عادي تقعدين مع رياييل اجانب وعادي تتلقين مكالمات من كل مكان وتردين على ايميلات وتقابلين ناس ولو اتصلنا عليج في اجازة او وقت متأخر تحضرين للعمل والخ وانا اقول لهم ايه ماشي بس ابي اشوف نهايتهم وانا عارفه ان الوظيفة مافيها كل هذا وقلت لهم اصلا ماراح اشتغل بمكان مختلط ابي مكتب لوحدي ولا ربع رجال يدخل عندي (طبعا المدير ماعجبه)

حسيت القطري كان وده اشتغل وياهم

بس بالاخير قالوا انتظري منا اتصال

ولا شفت خبر

وبعدين عرفت انهم وظفوا وحده عربية توها متخرجه

عرفت انهم رفضوني ليس لضعفي في المقابلة وانما لأن مؤهلاتي يجب ان تتماشى مع درجتي الوظيفية التي لا يريدون وضعي عليها

؛

[بنت ابوها 19]

من بدايتها لي نهايتها كان كل ابو المقابله كذب x كذب

[Right]

بعطيكم السالفه من أخرهاااااااااااااااا

(( قبل ماتروح المقابلة جهز الواسطة وفالك البيرق ))

حلووووووة هذي

شدعوة شاعر المليون ... بس تعال كم مبلغ الجائزة..؟

أووووه نسيت ... طلعت مقابلة مب مسابقة :tooth:

بس تدري صح كلامك أهم شي الواسطة يعني لا تييب أوراقك ولا شي

[بوخالد911]

يسلمووو

متااابع

[..er..]

والي ماقابلوه ودزوه بدوره شققت وجهه شيسوي :(


ابي اسولف مثلكم :(

[بعيد النظر]

دخلت 3 مقابلات ..
المقابلة الي اكون فيها صادق !
انرفض !

والمقابلة الي أألف عليهم فيها ..
هي الي يقبلوني فيها !


شي غرييييب !

[kooool]

للرفع

[مناحي السادس عشر]

زماااااااااااااااااااااااااااااااااااااااااااااااا ان عشرين سنة وش باتذكر !!!!!!!!!!!!!!!!!!

عشرين سنه :app2:

عساااج عالقووووه

يا حجيه ضوى

[Qatarianes]

مقابلة اكسون موبيل بالتلفون حدث ولا حرج
جايبين لي وحده صوتها يتعب متصله من دبي وتسألني كذا سؤال
كانو الريدي مطرشين لي ايميل نوعية الاسئله وانه بالنهايه بتحط لي نفس موضوع ونتناقش فيه وتسألني اسأله ومواقف صارت لي بالجامعه
المهم انا كنت متحمس بس المكالمه خذت اكثر من نص ساعه فبديت احس انهم ملل وفي نفس الوقت اخوي قالي المؤسسه اقبلوك وصله الخبر عن طريق صديق فصرفتها هههههههههههه

مقابلة كيو بي سنعه.. شرحو لي وظيفيتين في قسم المشاريع وعجبتني وحده وشرحت لهم ليش والخ

[kooool]

مقابلة اكسون موبيل بالتلفون حدث ولا حرج
جايبين لي وحده صوتها يتعب متصله من دبي وتسألني كذا سؤال
كانو الريدي مطرشين لي ايميل نوعية الاسئله وانه بالنهايه بتحط لي نفس موضوع ونتناقش فيه وتسألني اسأله ومواقف صارت لي بالجامعه
المهم انا كنت متحمس بس المكالمه خذت اكثر من نص ساعه فبديت احس انهم ملل وفي نفس الوقت اخوي قالي المؤسسه اقبلوك وصله الخبر عن طريق صديق فصرفتها هههههههههههه

مقابلة كيو بي سنعه.. شرحو لي وظيفيتين في قسم المشاريع وعجبتني وحده وشرحت لهم ليش والخ

نوعية مقابلتك على مستوى صراااحة ..بس غريب ان هالشركااات تعمل انترفيو ع التلفون ..

[أوركيدهـْ ~]

والله وزمان

أتذكر قدمت اوراقي بعد ماتخرجت لمكان عملي وبعدها بأسبوعين .. طلبوني للمقابله

قابلني واحد اجنبي سالني شوية اسئله عامه وبشرني بالموافقه

لكن اللي ماأنساه إني طلعت من المكتب وماعرفت اشلون اطلع لأبوي اللي قاعد ينتظرني

حسيت المكان كله ممرات وراسي دار ... شوي وبصيح