سؤال عن عمولة الايجار و البيع يرجى الافادة

[داعس]

ما هي عمولة البيع و الشراء المتعارف عليها
و ما هي عمولة الايجار و هل المستأجر يدفع بالرغم من كثرة العرض و تعدد الاختيارات المتاحة. أم المالك وحده يللي بيدفع

[الذيب.]

الحين ما حدا يدفع يجى الزبون يهلك جوالك اتصالات وحين ما يحصل ما يبغى تبدأمرحلة المماطلة وكذلك المالك كل يومين اتصال لين ما يحصل ما يبغى تصير حبيبه وفى الاخر تعال كل يوم على المجلس واتصل وما يرد لين ما يساوم على العمولة ويجول ما ساويتوا شئ وربك يكرم


وللعلم مو كل الناس سواسية فيه ناس اصحاب ضمير ويدفعون

على العموم اخوى طولت عليك عمولة البيع 1% وعمولة الايجار نصف شهر
والله الموفق

[قطر 2010]

البيع 1% والايجار نصف شهر

[مالك أمل]

البيع أو الشراء ياخذ الوسيط 1% من الطرفين

وكذلك الإيجار ياخذ أجار شهر مناصفة بين الطرفين

[داعس]

شكرا للأخوة الذيب - قطر 2010 - مالك أمل
لكن كيف تحفظ حقك ..؟ و خصوصا من المالك .. لأن فعلا المستأجر الحين مو بلازم يدفع على أساس أن العرض أكبر من الطلب.