الحساء اول مرة

[nokia30]

شباب انا ابي استفسر من خلال خبرتكم و معرفتكم عن طريق من قطر الى الحساء
وابي كيف اوصل الحساء منطقة الاسواق وابي فندق اسكن فيه بس يكون فندق خمس نجوم او فندق راقي ياليت الصور حق القندق لاتي رايح مع الاهل و ابي اعرف احسن اماكن التسوق وشكؤاااالكم

[ابو ريم]

انشالله الاخوان يفيدونك

[بو نايف]

افضل فندق الانتر

اماكن التسوق
العثيم مول
الاحسا مول
شارع الماجد

[nokia30]

اتمني من باقي اخواني بمنتدي المساعدة معي موضوعي

[المتفائله]

اخوي nokia30 انا من خلال تجربتي انصحك بفندق الهفوف هو صح مش خمس نجوم هو اربع لكن الخدمه فيه ممتازه والاسعار مناسبه 450 ريال الليله في الغرفه المزدوجه اذا انت مش من الزباين اللي دايم يروحون للفندق لكن لو كنت من الزباين تخبرهم وراح يكون لك سعر خاص وهم بصراحه يعاملون اهل قطر بكل محبه واحترام

ع العموم هاي بالنسبه للسكن اما التسوق عندك شارع الماجد والعثيم واذا كنت بتقعد اكثر من يوم ممكن تخلي اغراضك في الفندق وتروح الخبر والدمام وترجع في نفس اليوم لان الخيارات اكثر هناك

[بوخالد911]

شباب انا ابي استفسر من خلال خبرتكم و معرفتكم عن طريق من قطر الى الحساء
وابي كيف اوصل الحساء منطقة الاسواق وابي فندق اسكن فيه بس يكون فندق خمس نجوم او فندق راقي ياليت الصور حق القندق لاتي رايح مع الاهل و ابي اعرف احسن اماكن التسوق وشكؤاااالكم

هلا بكم

من اشارات رمادا الى حدود قطر 90 كيلو
مركز سلوى الى الاحساء 150 ك

أفضل فندق الانتركونتيننتال : الليلة للغرفة 680 ريالا

أفضل مجمع : العثيم 3 طوابق ( آخر طابق مدينة ملاهي اسمها : سفوري لاند )

كيف تروح له : ونت طالع من هالفندق ؛ تجييك اول اشارة خذ يسار
وبعدين
تجييك اشارة اطلع سيدا
بعد 300 متر تشووف العثيم ع يسارك

البستان ( خلف العثيم والمسافة بينهما 100 متر فقط ) : طابق واحد

مجمع الإحساء : طابق 1 توووه جديد

شارع القيصرية : توجد محلات ع اليمين واليسار



مووووفقييين

[مساهم متوهق]

نصيحه لوجه الله اذا انت اول مره تسافر على هالطريق بعد مركز سلوى بحوالي 5 او 4 كم عند السوق بيكون فيه مطبه خشنه حاسب منها وبعدها بكيلو واحد بع في مطبه ثانيه وعقب في ثالثه قبل الدوار يعني حاسب من السرعه وانتبها لها لانها كسرت سيارات واعدمت انفس .
الله يحفظك ويسمح طريقك وييسر امرك اذا تبي شقق فندقيه بحط لك ارقامهم
الماسم فى وسط السوق
0096635831515

http://www.qatarshares.com/vb/showthread.php?t=387405

[nokia30]

شكراا لكمياخواني ع المساعده بس انا معرف كيفاروح الحساء لانها اول مرة اسافر الحساء ياليت تدلني كيف اوصل وابي اعرف مكان سوق القصيره ووين بيعون الاواني المنزلية مثل محلات شاهين عندنا وشكرا لكم

[الوعد2016]

اتبع السيارات القطريه لين توصل للحساء
وثاني اشاره يمين سيده بتحصل القيصريه
وفيه شقق جديده على يسار القيصريه
تقول كانك في قطر كل السيارات قطريه

[تحداني]

وصف اخونا بوخالد911 رائع
اما اشلون اندليك من الدوحه للحسا هاذي صعبه اشوي
اتصور كله سيده من بعد مركز سلوى :)

استخدم يا اخوي الجارمن - نفيجيتر راح يوديك لآخر الدنيا لو تبي


ننتظر التقرير والصور



جملك الله برضى الرحمن

[ثاني]

اخوي اذا اول مرة توصل الحسا انصحك بالقارمن
وثاني شي فيه تحويلة الحين لما تدخل الحسا

[khaleeji]

اول مره ادري ان فيه قطري ماطب الحسا !!!

اسمع ياطويل العمر انصحك قبل لا تودي اهلك تروح مع حد من ربعك وتشوف المحلات

وخذلك قارمن و لاتخلي الموتر شغال وتنزل منه ولا التلفون او اغراض في السياره ونتزل منها

وكن حريص وبالتوفيق

[مرتبش]

صباح الخير
امس كنت هناك ولفت انتباهي موضوعك.. توجد الان لافتة تدلك على سوق القيصرية .. اعتقد انها جديدة ومابتضيع الدرب ان شاء الله..ووصف بوخالد ممتاز

يوجد فندق ما ذكروه الشباب هو كورال بلازا.. جديد ونظيف بس شوية ازعاج لانه على شارع الدمام..اصوات السيارات لك عليها شوي وارخص من الانتر.

الاسعار ..مش شرط اي شي عندهم ارخص ..عارفين القطريين ما يكاسرون وايد..

[الصريحه]

البستان حلو
والفندق ليل ليل

[باسكن روبنز]

اول مره ادري ان فيه قطري ماطب الحسا !!!

اسمع ياطويل العمر انصحك قبل لا تودي اهلك تروح مع حد من ربعك وتشوف المحلات

وخذلك قارمن و لاتخلي الموتر شغال وتنزل منه ولا التلفون او اغراض في السياره ونتزل منها

وكن حريص وبالتوفيق

:victory: