أبيها بيضة .. و شعرها طويل ..

[الحياة الخالدة]

السلام عليكم و رحمة الله ..


موضوعي اليوم حساس شوي ..
و اتمنى ما يكون مكرر ..


أولاً : هناك الكثير من العائلات القطرية .. تطغى عليه البشرة السمراء .. أو مثل ما يقولون الحنطاوية .. ( و يا حلاة اللون ) ..
و لا يهونون أصحاب البشرة الفاتحة ( البيضا ) ..

المهم عاد ..
لما الولد ييجي يبي يتزوج ..
أو لما الأم تجي تدور له على بنت الحلال ..
( و انا اتكلم عن أيام قبل ) مادري اذا تغيرت المواصفات الحين ..


أول شرط يشترطونه ..
تكون بيضة .. و شعرها طويل ..
و اذا كانت عايلة الولد من ذوات البشرة السمراء ..
يضاف شرط ثالث .. أن لا تكون من الأهل ..
مب لأن الرسول ( عليه الصلاة و السلام ) وصى بالتباعد عن القربى في الزواج ..
و لكن عشان ما يحرجون نفسهم في شرط البياض ( و هو أهم من الشعر الطويل ) ..


غالباً .. تكون للولد أخوات نفس لونه الحلو ..
و غالباً .. يكونون مملوحات .. و ما عليهم قاصر سواء في الحسب و السنع و الأخلاق و الثقافة ..
و الأهم من ذلك كله .. الدين ..
لكنهم ما يمتلكون الصفتين المطلوبتين .. بيضة و شعرها طويل ..
لازم تكون بيضة حتى لو ما كانت جميلة .. أو غنية .. أو صاحبة دين ..
و أحياناً ممكن يتنازل حتى عن الأصل الطيب ..


انزين .. إذا الأم و الولد .. بيدورون على هالمواصفات ..
و يمكن يلقونها مجتمعة .. مع الأخلاق و الأصل و الدين بعد ( يعني كاملة المواصفات ) ..


السؤال اللي يسدح نفسه ..
أخواتكم .. و أمثالهن في العائلات الأخرى ( حتى اللي ما يقربون لكم ) ..
من ياخذهم ؟؟!! ..
بنقول كل شي نصيب ..
أكيد .. و كل شي مقدر لنا .. حتى من قبل لا ننولد ..
و لكن .. إذا البنات ما عندهم سوالف و خرابيط .. و ما يشتغلون في أماكن مختلطة ..
و محد يدري عنهم و عن أخلاقهم ..
و الأهل ما يقبلون الشخص الغريب بسهولة ..
شنو مصيرهم ..


يا أنها تقعد في بيت أهلها لين الله يشوف لها .. و تصبر و تحتسب ( الله يثبتها ) ..
يا أنها تختلط أكثر بالناس .. و تطلع للمجتمع ( بكل احترام ) .. و هي و حظها ..
يا إنها ( و العياذ بالله ) تدور لها على طرق أخرى للحصول على زوج .. قبل لا تقعد في البيت بروحها ( الله يطول في عمر أمها و أبوها ) .. لا حنيس و لا ونيس ..
و كل واحد من اخوانها .. يطل على البيت ( هذا لو طل) .. يسلم و يروح ..شيسوي مشغول مع عايلته ( الله يعينه )


المشكلة شنو ؟؟ ..
بكمل .. إذا شفت ان في قبول للموضوع ..

[وبشرالصابرين]

:rolleyes2::rolleyes2::rolleyes2::rolleyes2:

افتر راسي

[برشلوني قطر]

:rolleyes2::rolleyes2::rolleyes2::rolleyes2:

افتر راسي


هههههههههههههههههههه وانا نفسسك:swoon2:

[بوفهد 5555]

وانا بعد افتر مخي

[بوخالد911]

باختصار

بوررك فيييك

[نتفـه]

خلاف الله ,,
لهم الله ,, وكل شي نصيب لان محد يجبر احد على شي !!
وفعلا كل شي نصيب .. هل في حلول مثلا ؟؟؟
من يقدر يغير الناس ؟!

[حقيقه]

كلن يأخذ نصيبه

[جرح الزمان]

المشكله في النظره السطحيه للزواج

الجمال مطلوب وشي حلو ان تكون زوجتي جميله

لكن هل جمال زوجتي راح يربي عيالي

ولا جمالها راح يكون لي عون في الملمات

للاسف كثير من الشباب ينظر لمشروع الزواج

نظريه سطحيه لمشروع عملاق

بس انا ما ألوم الشاب فقط

[حنان الدنيا]

كله قسمه ونصيب ومكتوب من الله سبحانه وتعالى

انتي قلتي مين بياخذهم وبرد عليج وبقولج اعرف بنات نسب وبياض وجمال بس لين الحين ماتزوجوا

ليه يالله ردي وقولي مين بياخذهم

كله قسمه ونصيب فديتج وماعاد نفس قبل

[شيط ويط]

كله قسمه ونصيب ومكتوب من الله سبحانه وتعالى

انتي قلتي مين بياخذهم وبرد عليج وبقولج اعرف بنات نسب وبياض وجمال بس لين الحين ماتزوجوا

ليه يالله ردي وقولي مين بياخذهم

كله قسمه ونصيب فديتج وماعاد نفس قبل

نفس ما قالت

[JN000N]

يعني هو بلغة السوق

لولا اختلاف الاذواق لبارت السلع


في بعضهم مايشترطون لا عالشعر ولا عالبياض ولا عالطول

وفي بعضهم يشترطون بس ما ياخذون

وفي بعضهم يشترطون وياخذون


كلها قسمه ونصيب.. ف ليش البلبله هذي كلها؟

[بنت ابوها 19]

مال اول

ماخبر البياض علامه من علامات الجمال


بس مثل مقال البعض النصيب قبل الشكل والطول والشعر والخشم


والله يرزق السعيد بسعيده

[المستريح]

كل واحد يدور الزين والى تقولين عنهم اذا ياهم رجال فيه خير قاموا يتشرطون شروط مالها داعى الله يكتب الخير كل مسلم

[الصريحه]

لكل قدر غطاء
وكل واحد له متطلبات
اهم شيء الدين والاخلاق والاصل اللي يبقى مايروح
والبنات لهم ربهم وكلن رزقه مكتوب له وبياخذه
لاتخافين
اللي يسال يلاقي

[بـــــــنت النوخـّــــذه]

السلام عليكم و رحمة الله ..


موضوعي اليوم حساس شوي ..
و اتمنى ما يكون مكرر ..



[b][center][size="6"][color="darkorchid"]المشكلة شنو ؟؟ ..
بكمل .. إذا شفت ان في قبول للموضوع ..



انا اقول كلن يقط التفكير ورى ظهره 000ويؤمن بالقدر خيره وشره 000صار الزواج والله كتب النصيب كان بها ماصار بعد عسى ان تكرهو شيئا" وهو خير لكم 00هذا بالنسبه لجانب التفكير 00

اما بالنسبه لجانب الاختيار الملاحظ ان كل شخص يدور الجانب المفقود او الصفات المفقوده بداخله وبشخصيته وعلى مستوى محيط العائله والمحيطين به 000 ومانقدر انقول ليش لان كل شخص له تفكيره واهتماماته الي ماندري شنهو القصد من ورائها
00


وبالنسبه لجانب المقارنه : انا اقول المسلسلات وبالذات التركيه العبت دور كبير في تغيير نظره الاشخاص من ناحيه الاختيار ترى اعرف ناس ولدهم يبغي قطريه وبنت قبايل وبيضه وطويله وشعرها اشقر او اسود وعيونها زرق<<<هاي من وين يطلعونها بالله عليكم 00عشان جذيه اقول مشكله كبيره اذا الشخص يندمج في مسلسل معين وينام ويحلم ويقوم يدور حلمه ثاني يوم على ارض الواقع :playball: ولا ذيج الي مضربه على الزواج ماتبغي الا شيخ 00ولا واحد له مواصفات شبه مستحيله <<< اقول خلج لين يشيخ عمرج اقصد سن الشيخوخه ^____^(صفات لتعويض جانب مفقود بداخلهم او في محيط العائله)

وفي الاخير الناس اذواق وقناعات مانقدر انغيرهم 00بس الاهم الاختيار الصح00وانا مع البحث عن الكمال ولكن عاد بحدود العقل ياهل العقل :tooth:

والسلام عليكم 000

[STAR]

انا مايحرني الا الريال اللي وي البشرة السمراء يبي وحدة بييييضة حيييييل ....

والبنت نفس الشي...هي سمرة ( حنطاوية) وتبي واحد ابيض..

واذا تقدم لها واحد نفس لونها ترفضه عشان اللون..!!!!

حتى الريااايييل ان حصلوا بنات زينين بس لونهم نفس لونه يرفضهم...!!!!!!!

[بـــــــنت النوخـّــــذه]

مال اول

ماخبر البياض علامه من علامات الجمال




:nop::nop::nop:<<<في القائمه السوده


لا بالعكس حلوين :playball: وبعد السمر حلوين المسئله مهب مسئله لون المسئله ومافيها كيف تبرز جمال الشكل مع جمال الروح وكيف ممكن يطغى جمال الروح على الشكل والعكس 000

[العضو الماسي]

يازينها لاجات (( فرس )) وبنت حسب ونسب وأصل وفصل . وأخلاق وكرم . هذي بنت الأصايل والجود الوكاد .

[ام السعف]

نصيب وقسمة وحظك يا صيب او يخيب

الشاعرة ام السعف

[simsim1963]

الشاعر يقول ( خشمه طويل الشهربي الشين والله ****** منيخيراته مفتحات الزين والله )

[قلب قطر..!]

المشكله انهم ينسون ان عندهم خوات بنفس مواصفاتهم

يعني أذا هو يبي بيضه وطويله وشعرها ناعم

وكل واحد قال نفس الشي

عيل خواتهم مب متزوجين لانهم مب بنفس المواصفات هع

الله يعين ويهدينا يارب

[المغروره]

النصيب عند الله سبحااانه الاخلاق والدين اهم ولا الجمااال يزووول
تحياتي

[بنت قطريه]

الجـــــــــــــــــــواب سهل
أنا اخوي والله 10 سنين وندور البيضا وام شعر طويل بالرغم من ان احنا مب مقتنعين بالشروط اللي مالها معنى ............ واخر شي خذ وحده سمره ودرحة سمارها اغمق منه وشعرها لا طويل ولا شي ولا فيه شرط واحد من الشروط اللي طلبها ................... بـــــــــــــــــس انا ابغي اعرف والله صج من خاطري لا 10 سنين تعبنا صراحة وصااااااادنا احباط بـــــــــس باعرف ياااااااااااااقوم الرجال ليش هالشروط هل اذا كانت بيضا بتكون تربيتها زينة وبتصون بيتك ؟؟؟؟؟؟؟؟ واذا كان شعرها طويل بيكون معناتها اخلاقه طيبه وذات خلق ودين ؟؟؟؟؟؟؟؟؟؟؟ بس ابغي اعرف الجواب لاني سألت اخوي قالي بسسسسسسسسسسسسسسسسس:waiting:

[حقيقه]

هذول البيض راعيات الشعر
نصيبهم تعبان يعني مانفعها الشكل ولا أخلاقها

[قناص 787]

الجـــــــــــــــــــواب سهل
أنا اخوي والله 10 سنين وندور البيضا وام شعر طويل بالرغم من ان احنا مب مقتنعين بالشروط اللي مالها معنى ............ واخر شي خذ وحده سمره ودرحة سمارها اغمق منه وشعرها لا طويل ولا شي ولا فيه شرط واحد من الشروط اللي طلبها ................... بـــــــــــــــــس انا ابغي اعرف والله صج من خاطري لا 10 سنين تعبنا صراحة وصااااااادنا احباط بـــــــــس باعرف ياااااااااااااقوم الرجال ليش هالشروط هل اذا كانت بيضا بتكون تربيتها زينة وبتصون بيتك ؟؟؟؟؟؟؟؟ واذا كان شعرها طويل بيكون معناتها اخلاقه طيبه وذات خلق ودين ؟؟؟؟؟؟؟؟؟؟؟ بس ابغي اعرف الجواب لاني سألت اخوي قالي بسسسسسسسسسسسسسسسسس:waiting:

سؤالج صعب الصراحه :anger3:
انزين مافي خيارات :deal:

[ROSE]

نصيب وقسمة وحظك يا صيب او يخيب

الشاعرة ام السعف

وين الرويس :(



ردي على الموضوع



الحين الله يخلي الوصلات اللي البنات قامت تغش فيها المعرس

والله يخلي جلسات التبييض وجلسات التان


فمافيه شي مستحيل

ماعلى الواحد الا ياشر بصبعه ويحصل اللي يبيه

[بنت قطريه]

سؤالج صعب الصراحه :anger3:
انزين مافي خيارات :deal:


لا مافي خياااااااااااااااااااااااارات ابي الجواب :strong3:

[ANONYMOUS]

حق مشروع لكل شخص يبحث عن المواصفات اللي يبيها

يعني لو فوق بياضها وشعرها لطويل دين واخلاق ومنصب ومال :p

شالمشكله ؟

لازم تزوجون الناس المواصفات اللي تبونها !!!


من اللي بيعيش معاها للابد بيتصبح وبيمسي على وجهها.. الرجل ولا اهله

عموما اللي صاير كالتالي

الكل يملي شروطه في البدايه سواء ذكر او انثى

ومع مرور الوقت .. يقدم تنازلات

واللي متمسك برايه.. (الله يرزقه انشالله) .. بس غالبا عزوبي لحد الآن

[ام السعف]

وين الرويس :(



وينه الرويس يحل لنا مشكلة هالموضوع :(

[بلوتنيوم]

عاد في هالموضوع
النصيب له دوووووووووووووووووووووووووووووووووووووووووووووووور كبير:nop:

انا اقترح منعا للاحراج وقبل الواحد مايروح للشوفه الشرعية
يعطي اهل البنت ورقة فيها مواصفاتها
ومربعات فاضية
وهي عاد تقرأ وتحط (تك) على الخيارات
ولو (تكاتها) غلبت
يتوكل على الله للخطوة الثانية
والا
يادار مادخلك شر :tomato:

[بلوتنيوم]

وينه الرويس يحل لنا مشكلة هالموضوع :(

الرويس في البصرة
عنده صفقة قمير يتفق عليها
كلها 4 سنين وراجع :tooth:

[قناص 787]

لا مافي خياااااااااااااااااااااااارات ابي الجواب :strong3:

اقدر استعين بصديق

[بن يوسف الثقفي]

الصراحة انا اذا نويت الزواج تكون مواصفات الزوجة كالتالي :cool:

1-ابغي وحده يوم اشوفها يفز قلبي من مكانه :o
2-تكون طويله يكون طولها 170 :yu:
3-وابغيها يوم تمشي تمشي مثل الفرس الاصيل كل خطوه محسوبه بال سم :thumbup1:
4-وابغيها يوم تتكلم قدامي افقد عقلي وانسه كل همومي :happy:

بس

:tomato:

[بـــــــنت النوخـّــــذه]

عاد في هالموضوع
النصيب له دوووووووووووووووووووووووووووووووووووووووووووووووور كبير:nop:

انا اقترح منعا للاحراج وقبل الواحد مايروح للشوفه الشرعية
يعطي اهل البنت ورقة فيها مواصفاتها
ومربعات فاضية
وهي عاد تقرأ وتحط (تك) على الخيارات
ولو (تكاتها) غلبت
يتوكل على الله للخطوة الثانية
والا
يادار مادخلك شر :tomato:

اهههههههههه اتصدق والله العظيم واحد سواها اخبر في منتدى نسائي بقطر وحده حاطه مشكلتها ان جاها واحد وعطى اخته ورقه تعطيها تجاوب عليها اههههههههه امتحان قبل الزواج بس مادري شصار نسيت بس اذكر الموضوع وصل لصفحات والردود غريبه عجيبه 00 وللعلم الاسئله فيها خيارات واسئله انشائيه يعني نفس الامتحان اههههههه واهي تسئل هل تجاوب على الاسئله ولا ترفضه^_^

ترى لاتستعجبون كل شي صار في الدنيا 000

[هداف]

ما فهمنا ؟ !

كلمة سمرا كلمه مطاطيه لها معاني وتخيلات كثيره عند المتلقي !

الاسمر عندي يعني اللون البني مثل لون الهنود,, فاتح يعني اصفر ,,او غامغ مثل الخوال
او على قولتهم يمدحون السمار ويسمونه لون بحريني :) والقاعده العامه ماكانت في يوم
من الايام تقول ان السمار من رموز الجمال الاشعار قديما وحديثتا يوصفون جمال المرأه
المشع والمنور وكأنها طلة البدر شرايكم يعني فيه بدر لونه اقناد محروق !

البياض فيه القمحي وفيه الفاتح وفيه المحمر وفيه وفيه لكن كله يعتبر بياض

المراااااااااااااااااد ان المشكله مهيب في الالوان المشكله لو البنات يقنعون ويرضون بما انزل الله
ولا يزعلون من التعدد انا اجزم ان مشكلة العنوسه وتأخير الزواج والنصيب لكثير من بنات قطر
سوف تنحل !! البناااااااااااااااات وااااااااجد اكثر من الرجل في كل مجتمع وهنا المشكله وفي نفس
الوقت الحل الالهي موجود التعدد لحكمه ....

[ROSE]

وينه الرويس يحل لنا مشكلة هالموضوع :(

ايييه لنا الله بعد مافاز في المسابقة في رمضان كبر راسه علينا :(




عاد في هالموضوع
النصيب له دوووووووووووووووووووووووووووووووووووووووووووووووور كبير:nop:

انا اقترح منعا للاحراج وقبل الواحد مايروح للشوفه الشرعية
يعطي اهل البنت ورقة فيها مواصفاتها
ومربعات فاضية
وهي عاد تقرأ وتحط (تك) على الخيارات
ولو (تكاتها) غلبت
يتوكل على الله للخطوة الثانية
والا
يادار مادخلك شر :tomato:
هههههههههههههههههههههههههههههههههههههههه

[Arab!an]

تحسين نسل

[ROSE]

تحسين نسل

نقطه مهمه اهم شي الفحص الجيني والوراثي

يعني مب ياخذ مثلا بيضا وشعرها طويل وهي في نسبها شي ثاني

ممكن يطلعون العيال على الجده مثلا لو كانت سمره وشعرها قصير

[صوت الضمير]

أولاً :في فرق كبير بين السمراء .. وبين الحنطيه....

اللون الحنطي ..ربعنا الأجانب يحبون هاللون ,, لانه الغالب ع اهل الخليج وهو لون أصيل..

واللون الأبيض بزيادة معروف أصولهم .. يعني فيهم عرق من شمال وإلا جنوب..

او نجد انه الأم عربيه والأب قطري.. لذا نجد عيالهم بيض بزياده

فيه درجه من البياض .. الطبيعيه .. في بعض اهل الخليج..

يعني عندنا عروق .. ألوان مختلفه وهذا شي طبيعي نتيجة الانتفتاح على المجتمعات الاخرى

الأسود+ الأسمر+الحنطي+الابيض فاتح+والابيض الطبيعي

وقال الرسول صلى الله عليه وسلم ((لافرق بين عربي ولاأ عجمي إلا بالتقوى))

مأبي حد يأخذ ردي بحساسيه زائده.. هذا واقع ..

كلن يأخذ نصيبه.. والشباب اللي يون كامل الزيادات الله يعينهم بيطولون عزوب

وعندنا واحد في العائله كذا.. لدرجه حتى يبيها من قبيله معينه..

اعتبر هذا تخلف في الشباب اللي تفكيرهم كذا.. لانه الجمال ليس مقياس وموب شرط انه ناصعة البياض جميله
وموب شرط انه الحنطيه شينه .. وموب شرط انه السمراء موب حلوه..

كل النساء جميلات وكل وحده فيها ميزه تميزها.. وإن كنت تبحث اخي الشاب انصحك
تبحث عن البنت اللي تصلي وتحتشم وتستحي..

اخواني الشباب الله يزوجكم الصالحات العفيفات اللي يقدرون حقوق الزوج
ااخواتي الشابات الله يزوجكم الصالحين العفيفين اللي يقدرون حقوق الزوجه

أبداع

[Arab!an]

انا اعتقد ان هذا هو السبب

المجتمع ماخلا عيال خلق الله يعيشون طبيعيين

حتى قاموا يغيرون من انفسهم ويبون يغيرون عيالهم

ما عليه ياروز ممكن واحد يطلع على الجده مثلا .. بس اكيد في حد من العيال بيطلع بالشكل الجديد =)

اخوانا قاموا يتزوجون (اهم شي بيضا) حتى ولو كازاخستانية او كازا بلانكية

انا اتوقع اذا بيتمون كذا كلها 50 سنة وبينقرضون الخوال =)

والله مب شي قطر من غيرهم

[بو خليفه 123]

ورُبَّ قبيحة ماحال بيني * وبيـن ركوبهـا إلا الحيـاءُ
فكان هو الدواء لها ولكن * اذا ذهب الحيـاء فـلا دواءُ


عموماً عندنا اذا بتتقدم للبنت المفروض تعرف هي من أي نسل و تعرف من هم اجدادها و الى من يرجعون .

[جبل]

((تُنكح المرأة لأربع لمالها ولحسبها ولجمالها ولدينها فاظفر بذات الدين تربت يداك)).

[صوت الضمير]

تتوقعون ياحريم لو حنا اللي نخطب الرجال...

تتوقعون بنلقى المواصفات اللي نبيها :) بل على العكس بيعنسون الرجال ..

المواصفات المطلوبه
مصلي يخاف الله ..طويل وجسمه مربوع.. مهوب شين ولازين .. اهم شي انه بشوش وخاطره وسيع
فارس..جامعي على حد أقصى..مثقف..حالته الماديه متوسطه اهم شي مايكون غني..طموح..شاعري..
واهم شي بعد قطري.. يشغل وقت فراغه بالمجلس وبالرحلات الشبابيه وبقيام واجبات اهله..

المهر والموتر والبيت وحفلة العرس على المرأه :)

هذا اذا لقينا واحد اجتمعت فيه كل هالمواصفات .. لذلك المرأه ترضى بالنصيب وتقول الحمدلله

أبداع

[Arab!an]

^^

لا هو غني ولا هو وسيم !!

يعني ماتبونه يتزوج عليكم

منكم لله

[الحياة الخالدة]

السلام عليكم جميعاً ..


أولاً : جزاكم الله خير لتفاعلكم الذي أسعدني .. مهما كان نوع التفاعل ..

ثانياً : بس حبيت أذكر أني و لله الحمد متزوجة .. كي لا يفهم البعض ان الموضوع شخصي .. و يوجه الكلام لي مباشرة ..
فالموضوع عاااااااااام ..

ثالثاً : سأقتبس بعضاً من كلامي ..
بنقول كل شي نصيب ..
أكيد .. و كل شي مقدر لنا .. حتى من قبل لا ننولد ..
فأنا لا أنكر القسمة و النصيب .. حاشا لله ..
و لكنني أبين وضعاً قائماً و قاتماً للأسف .. نتيجة التفكير المحدود .. لبعض الناس ..


بعد ذلك .. أبدأ على بركة الله بالردود ..


الإخوة الكرام ..
وبشرالصابرين .. برشلوني قطر .. بوفهد 5555
احترامي لكم .. الله يعينكم ..
و سلامة راسكم .. و مخكم ..


أخي الكريم .. بوخالد911
جزاك الله خير ..


الأخ الكريم .. نتفـه


خلاف الله ,,
لهم الله ,, وكل شي نصيب لان محد يجبر احد على شي !!
وفعلا كل شي نصيب .. هل في حلول مثلا ؟؟؟
من يقدر يغير الناس ؟!


جزاك الله خير ..
أكيد محد يقدر يجبر أحد على شيء ..
كل واحد عقله قي راسه .. و يعرف خلاصه .. على قولتهم
بس لا يجون بعدين يشتكون ..
احنا ما نقدر نغير الناس .. صح ..
بس ما ننكر أن الأفكار و المفاهيم ممكن تتغير و تتعدل .. للأحسن ..


الأخ الكريم .. حقيقه
شكراً للإضافة ..


أختي .. جرح الزمان


المشكله في النظره السطحيه للزواج

الجمال مطلوب وشي حلو ان تكون زوجتي جميله

لكن هل جمال زوجتي راح يربي عيالي

ولا جمالها راح يكون لي عون في الملمات

للاسف كثير من الشباب ينظر لمشروع الزواج

نظريه سطحيه لمشروع عملاق

بس انا ما ألوم الشاب فقط


جزاكي الله خير ..
بالفعل .. الجمال شي مهم .. و ما ننكر حق الرجل في أن يبحث عن شريكة جميلة لحياته ..
لكن .. مثل ما تفضلتي ..
في النهاية .. ما يهم فعلاً هو صلاحية هذه المرأة لتكوين أسرة .. و تربية أجيال ..
و هو ما يبقى في النهاية ..


أختي العزيزة .. حنان الدنيا



كله قسمه ونصيب ومكتوب من الله سبحانه وتعالى

انتي قلتي مين بياخذهم وبرد عليج وبقولج اعرف بنات نسب وبياض وجمال بس لين الحين ماتزوجوا

ليه يالله ردي وقولي مين بياخذهم

كله قسمه ونصيب فديتج وماعاد نفس قبل


أولاً .. اسمج حلو ... ما شاء الله ..
الفكرة اللي أبي أوصلها يا عزيزتي ..
إن الشباب أحياناً لما يحطون شروط معينة .. هم من غير ما يقصدون .. يجرحون أخواتهم ..
و يحسسونهم بالنقص .. من غير ما يدرون ..
أنا ما أنقص من قدر البنات اللي يتمتعون بالبياض و الجمال .. أبداً ..
و ذكرت هذا الشيء في موضوعي ..
إنما النظرة القاصرة المحدودة .. هي ما انتقدته ..


تحياتي للجميع ..
و لي عودة بإذن الله ..

[The End Qtr]

اولا ما اعتقد الحين بيركز على اللون خاصه وان الموضه الحين اللون البرونزي

ثانيا اذا تشرط من حقه .. لان هذي بدفع عليها فوق الربع مليون غير الفوايد .. وبقابلها طول عمري

[هداف]

تتوقعون ياحريم لو حنا اللي نخطب الرجال...

تتوقعون بنلقى المواصفات اللي نبيها :) بل على العكس بيعنسون الرجال ..

المواصفات المطلوبه
مصلي يخاف الله ..طويل وجسمه مربوع.. مهوب شين ولازين .. اهم شي انه بشوش وخاطره وسيع
فارس..جامعي على حد أقصى..مثقف..حالته الماديه متوسطه اهم شي مايكون غني..طموح..شاعري..
واهم شي بعد قطري.. يشغل وقت فراغه بالمجلس وبالرحلات الشبابيه وبقيام واجبات اهله..

المهر والموتر والبيت وحفلة العرس على المرأه :)

هذا اذا لقينا واحد اجتمعت فيه كل هالمواصفات .. لذلك المرأه ترضى بالنصيب وتقول الحمدلله

أبداع


تصحيح مافيه شي اسمه طويل ومربوع :)

المربوع صفه متلازمه معا القصير يعني القصير وكتوفه عراض غادي كنه امربعه
جميع الاضلاع متساويه و يسمونه مربوع لسان العرب فصيح ودقيق الله يرحم الاجداد

الطويل اذا جا عريض وبنفس المنطق السابق اتوقع يسمونه مستطيل ههههههههههههه

[Super Cool]

حسب ما قرأت السبب الرئيسي للجري خلف البياض كان الشعر و كانوا العجايز يدورون شديدات البياض على اساس ان شعورهم ناعمة و جلدهم ناعم و بيطلع في ذريتهم.....قبل مافي الا المشط و الزيت!!!!

هذي كانت نظرة ناس مب متعلمين و مواردهم محدودة اما الحين صار بمتناول اي وحدة تصبغ و تلون و تحورف حق زوجها في ظرف ساعة!!! و من المفروض ان يعني ذلك اندثار هالظاهرة لكن للأسف احنى نطبق و لا نعرف ليش....يعني صاحبة الشعر الطويل ما تقدر تقصه؟ و العكس صحيح؟

انا بصراحة لما تزوجت كان آآآآآآآآآخر همي لون بشرتها والا لون شعرها و الا والا....لان فالأخير كله بيتغير بعد الزواج!!!!

[بن منصور]

الحظ حق الشلقا والبلقا
وبنات الحمايل محد جا صوبهم
اموووووووت واعرف ليش الدنيا انقلبت هالشكل

[قهوة الضحى]

وتلومون البنات ليش يسون عمليات تجميل وترقيع


طالعوا طلباااااتكم وعيونكم هاذي الا مايملاها الا التراب


صادقة احد الخوات هالوقت كل شي يسون

ابر تبيض وجلسات تبيض

وتنعيم وتلميس الشعر


يعني كل البنات مواصفاتهم كاملة لاتحاتون ماعليكم انتو الا جهزوا المهر

على قد المواصفات اللي طالبينها ترى غااالي نحسبها مع عمليات التجميل :tomato:هههههههههههههههه

[صوت الضمير]

تصحيح مافيه شي اسمه طويل ومربوع :)

المربوع صفه متلازمه معا القصير يعني القصير وكتوفه عراض غادي كنه امربعه
جميع الاضلاع متساويه و يسمونه مربوع لسان العرب فصيح ودقيق الله يرحم الاجداد

الطويل اذا جا عريض وبنفس المنطق السابق اتوقع يسمونه مستطيل ههههههههههههه

:) لاتزعل ياأخوي مربع وإلا مستطيل وإلا مثلث وإلا دائري

المهم رجال صح .. يعني أبي أوضح بردي السابق انه المرأة لو دققت على الشكل

نفس الرجال بتعنسون .. لكن انتو ماشاء الله عليكم .. تبونها رسمه ..

أدري موب كل الرجال هذا تفكيرهم .. ولا كل البنات هذا تفكيرهم..

وأعرف واحد خاطب عند ناس وقالوا له البنت رافضه .. الولد يبي يعرف السبب
قالوا له انت طويل واجد وهي ماعجبها طولك.. والله هذا اللي صار

أبداع

[صوت الضمير]

^^

لا هو غني ولا هو وسيم !!

يعني ماتبونه يتزوج عليكم

منكم لله

البنت قالت لأبوها جأني ثلاث عرسان بزيادة
الأول منهم يا بوي غني ..وغناه بزيادة
والثاني منهم يا بوي جميل وجماله فووق بزيادة
والثالث منهم يا بوي فقير ... وفقره بزيادة

قال لها أبوها :
الغني يزيدك غنى وزيادة
والجميل يزيدك جمال وزيادة
والفقير يزيدك فقر وزيادة

قالت له يا بوي :أنت ما تعرف الرجال بزيادة
الغني... الغني ياخذ علي ثلاث بنات وزيادة
والجميل يعشقونه عشر بنات وزيادة
أما الفقير اللي مثل حالتي فأبقي معاه طول العمر وزيادة

أبداع

[بوعيسى1]

كلو نفر يسوي جنجال مشان يسوي جواز خورما
هههههههههههههههههههه:deal:

[أم غانم]

كل شي قسمة ونصيب وفي الدنيا محد ياخذ غير نصيبة واللي الله كاتبة له ..

ياما أبيض تزوج سمرا أوبيضا تزوجت أسمر .. وهذا نصيبهم ..


كلن برزقة والله كريم إن شاء الله ويرزق الجميع

[الحياة الخالدة]

السلام عليكم و رحمة الله ..


الأخ الكريم .. شيط ويط

حياك الله ..
و نفس ما رديت على الاخت ..


الأخت العزيزة .. JN000N

يعني هو بلغة السوق

لولا اختلاف الاذواق لبارت السلع


في بعضهم مايشترطون لا عالشعر ولا عالبياض ولا عالطول

وفي بعضهم يشترطون بس ما ياخذون

وفي بعضهم يشترطون وياخذون


كلها قسمه ونصيب.. ف ليش البلبله هذي كلها؟


جزاكي الله خير ..
و من قال ان في بلبلة في السالفة ..
عادي حبيبتي لا بلبلة و لا شي ..


أختي العزيزة .. بنت ابوها 19

مال اول

ماخبر البياض علامه من علامات الجمال


بس مثل مقال البعض النصيب قبل الشكل والطول والشعر والخشم


والله يرزق السعيد بسعيده


ان شالله يكون مال اول ..
محد ينكر ان البياض من علامات الجمال ..
و لكنه ليس من المواصفات الأساسية للارتباط ..
اللهم آمين ..


الأخ الكريم .. المستريح

كل واحد يدور الزين والى تقولين عنهم اذا ياهم رجال فيه خير قاموا يتشرطون شروط مالها داعى الله يكتب الخير كل مسلم


جزاك الله خير أخوي ..
إن الله جميل يحب الجمال .. و محد يكره الزين ..
بس الزين مب بس بالشكل .. الزين في الدين و العقل و الأخلاق هو اللي يبقى ..
و كلامك عن الشروط اللي مالها داعي صحيح ..
و حتى أحياناً ممكن تجي حتى من البنت نفسها ..
اللهم آمين ..


أختي العزيزة .. الصريحه

لكل قدر غطاء
وكل واحد له متطلبات
اهم شيء الدين والاخلاق والاصل اللي يبقى مايروح
والبنات لهم ربهم وكلن رزقه مكتوب له وبياخذه
لاتخافين
اللي يسال يلاقي


شرفتي موضوعي يا غالية ..
محد ياخذ غير اللي ربه كاتبه له ..
و انا مب خايفة .. :playball:
الله يستر على بناتنا و شبابنا ..

ملاحظة : توقيعج يقطع القلب .. الله يعينه و يعين أمثاله ..


أختي العزيزة .. بنت النوخذه

انا اقول كلن يقط التفكير ورى ظهره 000ويؤمن بالقدر خيره وشره 000صار الزواج والله كتب النصيب كان بها ماصار بعد عسى ان تكرهو شيئا" وهو خير لكم 00هذا بالنسبه لجانب التفكير 00


يعجبني تفكيرج المنظم .. و طريقتج في إبداء الرأي ..
الإيمان بالقضاء و القدر هو ما يميزنا عن غيرنا من الأمم ..
و هو ما يجعل أمر المؤمن كله خير .. سواء في السراء أو الضراء ..


اما بالنسبه لجانب الاختيار الملاحظ ان كل شخص يدور الجانب المفقود او الصفات المفقوده بداخله وبشخصيته وعلى مستوى محيط العائله والمحيطين به 000 ومانقدر انقول ليش لان كل شخص له تفكيره واهتماماته الي ماندري شنهو القصد من ورائها


أتفق معاج تماماً ..


وبالنسبه لجانب المقارنه : انا اقول المسلسلات وبالذات التركيه العبت دور كبير في تغيير نظره الاشخاص من ناحيه الاختيار ترى اعرف ناس ولدهم يبغي قطريه وبنت قبايل وبيضه وطويله وشعرها اشقر او اسود وعيونها زرق<<<هاي من وين يطلعونها بالله عليكم 00عشان جذيه اقول مشكله كبيره اذا الشخص يندمج في مسلسل معين وينام ويحلم ويقوم يدور حلمه ثاني يوم على ارض الواقع ولا ذيج الي مضربه على الزواج ماتبغي الا شيخ 00ولا واحد له مواصفات شبه مستحيله <<< اقول خلج لين يشيخ عمرج اقصد سن الشيخوخه ^____^(صفات لتعويض جانب مفقود بداخلهم او في محيط العائله)


مو بس المسلسلات التركية .. كل اللي ينعرض الحين فيه الخير و البركة ..
بس شرط البياض و الشعر الطويل موجود من زمااااان .. و الحين زادت عليه المواصفات الثانية من شعر أشقر و عيون زرق و خضر و غيره و غيره ..


وفي الاخير الناس اذواق وقناعات مانقدر انغيرهم 00بس الاهم الاختيار الصح00وانا مع البحث عن الكمال ولكن عاد بحدود العقل ياهل العقل

والسلام عليكم 000


معاج حق يا أختي ..
و حياكم الله يا أهل البحر ..

[هتـان قطر]

والله هالشي ملاحظينه بزياده .. وهو الشاب الاسمر " الخال " ما يبي الا بيضا

وهالبنت البيضا غالبا تكون من اللي عينهم على الجواز والجنسية القطرية !!!

كأنه زواج مصلحة .. من مدة اسبوع حضرت عرس وكان الشاب اسمر والبنت

بيضا .. وزوجة اخوه بيضا وخطيبة اخوة الثالث بيضا ... وهلم جرا

وبنات عمه وخواله حاضرين العرس وما الله كتب لهم نصيب

وسبحان الله قعدت افكر.. قلت الحين اذا كل شاب اسمر فكر تفكيرهم

راح يعنسون كل البنات السمر !!!! كله نصيب استغفر الله بس فعلا شي غريب

[الحياة الخالدة]

الأخت العزيزة .. star

انا مايحرني الا الريال اللي وي البشرة السمراء يبي وحدة بييييضة حيييييل ....

والبنت نفس الشي...هي سمرة ( حنطاوية) وتبي واحد ابيض..

واذا تقدم لها واحد نفس لونها ترفضه عشان اللون..!!!!

حتى الريااايييل ان حصلوا بنات زينين بس لونهم نفس لونه يرفضهم...!!!!!!!


سلامتج من الحرة يا غالية ..
و هذا اللي كنت أقوله .. في أشياء ثانية أهم بكثير من اللون و الشكل ..
بس عموماً .. الله يرزق كل بنت و شاب باللي يتمنونه .. و يهدي الجميع ..


أختي .. بنت النوخذه

صح لسانج ..
كل الألوان جميلة .. و كلها نعمة من الله سبحانه ..
بس في ناس وايد ما تقتنع باللي عندها ..
البيضا تدور السمار .. و السمرا تدور البياض ..
كل واحد يدور الشي اللي مب عنده ..
و نسوا ان الله سبحانه له حكمة في كل شي ..


الأخ الكريم .. الوو

يازينها لاجات (( فرس )) وبنت حسب ونسب وأصل وفصل . وأخلاق وكرم . هذي بنت الأصايل والجود الوكاد .


هاذي عاد كاملة المواصفات و المقاييس ..
و حلم كل شاب ..
الله يرزقكم ..
بس من بغا شي .. خلا شي ..
حياك الله ..


الأخت العزيزة .. ام السعف

نصيب وقسمة وحظك يا صيب او يخيب

الشاعرة ام السعف


صح لسانج يا ام السعف ..


الأخ الكريم .. simsim1963

الشاعر يقول ( خشمه طويل الشهربي الشين والله ****** منيخيراته مفتحات الزين والله )


هذا تمييز عنصري ضد أصحاب الخشوم الطويلة .. :funny:
و شفيها المنيخرات .. بالعكس تسهل دخول الهوا .. و عالأقل ما تنسد على طول من أول ما يجيك الزكام ..
كل اللي ييجي من ربنا كويس ..


الأخت العزيزة .. قلب قطر..!

المشكله انهم ينسون ان عندهم خوات بنفس مواصفاتهم

يعني أذا هو يبي بيضه وطويله وشعرها ناعم

وكل واحد قال نفس الشي

عيل خواتهم مب متزوجين لانهم مب بنفس المواصفات هع

الله يعين ويهدينا يارب


حياج الله أختي ..
هم ما ينسون .. هم يتناسون ..
الله يعين اخواتهم و يرزقهم ..


الأخت العزيزة .. المغروره

النصيب عند الله سبحااانه الاخلاق والدين اهم ولا الجمااال يزووول
تحياتي


و نعم بالله ..
الله يحييج ياالغالية ..


أختي العزيزة .. بنت قطريه

الجـــــــــــــــــــواب سهل
أنا اخوي والله 10 سنين وندور البيضا وام شعر طويل بالرغم من ان احنا مب مقتنعين بالشروط اللي مالها معنى ............ واخر شي خذ وحده سمره ودرحة سمارها اغمق منه وشعرها لا طويل ولا شي ولا فيه شرط واحد من الشروط اللي طلبها ................... بـــــــــــــــــس انا ابغي اعرف والله صج من خاطري لا 10 سنين تعبنا صراحة وصااااااادنا احباط بـــــــــس باعرف ياااااااااااااقوم الرجال ليش هالشروط هل اذا كانت بيضا بتكون تربيتها زينة وبتصون بيتك ؟؟؟؟؟؟؟؟ واذا كان شعرها طويل بيكون معناتها اخلاقه طيبه وذات خلق ودين ؟؟؟؟؟؟؟؟؟؟؟ بس ابغي اعرف الجواب لاني سألت اخوي قالي بسسسسسسسسسسسسسسسسس


الله يعينكم .. 10 سنين تدورون ..
أهم شي في النهاية توفق في زواجه بالزوجة الصالحة ان شاء الله ..
وسؤالج المحير .. أحوله للجهات المختصة ..
قوم الرجاااااااال .. فهل من إجابة غير بسسسسسسسسسسس ؟؟!!


أختي .. حقيقه ..

هذول البيض راعيات الشعر
نصيبهم تعبان يعني مانفعها الشكل ولا أخلاقها


قل لن يصيبنا إلا ما كتبه الله لنا ..
الله المستعان ..
حياج الله يا أختي ..


الأخ الكريم .. speed 4 ever

سؤالج صعب الصراحه
انزين مافي خيارات


لا خيارات و لا طماطات .. كل شي غالي ..
السؤال إجباري .. و مقالي بعد ..


المراقبة العامة .. الأخت .. ROSE


وين الرويس



ردي على الموضوع



الحين الله يخلي الوصلات اللي البنات قامت تغش فيها المعرس

والله يخلي جلسات التبييض وجلسات التان


فمافيه شي مستحيل

ماعلى الواحد الا ياشر بصبعه ويحصل اللي يبيه


حياج الله يا غالية ..
ترى احنا ما سوينا شي .. و ماشيين في السليم ..
بندور لج على الرويس .. و نييبه من تحت الأرض ..
بس ليش .. escape


مع التقنيات الحديثة .. ما عاد في شي صعب ..
لكن الأخلاق و الدين و الأصل الطيب ..
في أي عيادة .. أو صالون يحصلونه .. ؟؟!!


أختي .. بنت قطريه

لا مافي خياااااااااااااااااااااااارات ابي الجواب


ننتظر الجواب ..


الأخ الكريم .. ANONYMOUS

حق مشروع لكل شخص يبحث عن المواصفات اللي يبيها

يعني لو فوق بياضها وشعرها لطويل دين واخلاق ومنصب ومال

شالمشكله ؟

لازم تزوجون الناس المواصفات اللي تبونها !!!


من اللي بيعيش معاها للابد بيتصبح وبيمسي على وجهها.. الرجل ولا اهله

عموما اللي صاير كالتالي

الكل يملي شروطه في البدايه سواء ذكر او انثى

ومع مرور الوقت .. يقدم تنازلات

واللي متمسك برايه.. (الله يرزقه انشالله) .. بس غالبا عزوبي لحد الآن


حياك الله أخوي ..
حق مشروع أكيد .. و مكفول بنص الدستور بعد ( مادري إذا صج ) ..
ما عندنا أي مشكلة ..
بس كل واحد يتحمل نتيجة اختياره .. :app2:

بالفعل .. الشروط تقل تدريجياً بمرور الوقت ..
حتى تنعدم ..
و لكن بعد فوات الأوان ..
تحياتي ..


أختي .. أم السعف

وينه الرويس يحل لنا مشكلة هالموضوع


سوينا له بليب .. بس ليلحين ما رد علينا ..
الظاهر مسكره ..


الأخ الكريم .. بلوتنيوم

عاد في هالموضوع
النصيب له دوووووووووووووووووووووووووووووووووووووووووووووووور كبير

انا اقترح منعا للاحراج وقبل الواحد مايروح للشوفه الشرعية
يعطي اهل البنت ورقة فيها مواصفاتها
ومربعات فاضية
وهي عاد تقرأ وتحط (تك) على الخيارات
ولو (تكاتها) غلبت
يتوكل على الله للخطوة الثانية
والا
يادار مادخلك شر


حياك الله أخوي ..
بس كأنه اسمك من العناصر المشعة .. :cool:
المهم ..
فكرتك حلوة و مبتكرة ..
جاري التعميم ..


فاصل و نواصل .. :)

[مشتاقة لقطر]

بالعكس الحين موضة البرونزاااااااااج

[wadha-qa]

والله اهم شي الاخلاااااق

احنا ندور لاخونا بنت الحلال الله يحفظه ما قال الا ابي وحده اخلاق و بنت ناس اجاويد

شالفايده ناخذ وحده تقط الطير من السما و هي اخلاقها زفت ولا راعية سوالف ! و اخلاق ما فيه !
طبعا البعض منهم مب الكل

في النهاية كل شخص ما بياخذ الا نصيبه في هالدنيا

[ROSE]

حبيت ابشركم حصلنا الرويس اخيرا

[الهانم]

رد على

الحظ حق الشلقا والبلقا
وبنات الحمايل محد جا صوبهم
اموووووووت واعرف ليش الدنيا انقلبت هالشكل

وانا اقولك

الزين يفرض نفسة

انا لونى برونزى ويوم اطلع مايتحرش فينى الا البيض ههههه لدرجة انى صرت مغرورة احس اجمل منى مافى
بعدين انتم مب عايشن بدنيا ترا الناس وصلت القمر اصحو
شفو مسلسلات كل وحدة خافسة نفسها تبى صير برونزية الله يعينهم
صج مايحس بالنعمة الا صاحبها
انا عندى 6 خوان كل واحد يقول الزود عندى يوم طلبو يزوجون قالو نبى الحنطية مع انة كثير من البيض يتمنون ترابهم *__^ شوف عينى والله

بالاخر نقول كل شى قسمة ونصيب يعنى الى خذو بيضة او دجاجة اش نابهم اهم شى الاخلاق ثم الاخلاق ثم الاخلاق
لحد يزعل عاد من الصراحة بس مسموح لكم تعبرون عشان محد ينط لة عرج :nono:

تحياتى القلبية الحنطاوية المغرورة

[ANONYMOUS]

حبيت ابشركم حصلنا الرويس اخيرا


وينه

:(

[captin]

لــــــــــــــــــــــــــــــو,

يزوجونه اجميل الجميلات وابيضهم

بكرة بيمل وهي راح تصير عادية في نظره
مردها بتكبر في العمر وتتغير وتغيرها السنين

يروح الجمال مع مرور الزمن ويبقى المعدن الاصيل
يلمع ولو بعد حين
تبقى العشرة الطيبة والاخلاق وهاذول هم
الدايمين الباقين الى نهاية العمر

وبالنسبة للحظوظ في الزواج اللهم الا اعتراض
وهاذي طبعا ارزاق وتقادير من رب العالمين
لكن من الملاحظ ان البنت الخفيفة اللي غير مستورة
واللي عليها من الملاحظات كذا وكذا وكذا
هي اللي تنطلب أكثر للزواج والبنت راعية الدين والاخلاق
والمستورة واللي ما تطلع بكثرة للأسواق والمطاعم ولدواره
هي اللي تعاني العنوسة اكثر

[Ussop]

انا لونى برونزى ويوم اطلع مايتحرش فينى الا البيض ههههه لدرجة انى صرت مغرورة احس اجمل منى مافى

ههههههه، مسكينه ما تدري إن الشباب حتى لو شافوا بقرة لابسة عباية تحرشوا فيها.

..
..
..

المهم بخصوص الموضوع، فكلن عليه طلب، أذواق الشباب مختلفه فمنهم من يفضل البيضاء ومنهم من يفضل الصفراء ومنهم من يفضل الحمراء أو الحنطية أو السمراء ...

لذلك ما أشوف فيه داعي للصياح والبلبلة، ولا تخافون يالحريم كلن جاية رزقه، والي ربي كاتبه بيصير.

بالتوفيق للجميع.

[بوحارب]

مب الكل يدور البيضا وراعية الشعر الطويل:)

بالعكس بعض البنات البيض كأنهم شياطين :(

[toomi9]

انا مايحرني الا الريال اللي وي البشرة السمراء يبي وحدة بييييضة حيييييل ....

والبنت نفس الشي...هي سمرة ( حنطاوية) وتبي واحد ابيض..

واذا تقدم لها واحد نفس لونها ترفضه عشان اللون..!!!!

حتى الريااايييل ان حصلوا بنات زينين بس لونهم نفس لونه يرفضهم...!!!!!!!

السمار عندنا نوعين
ممكن توضيح عن اي سمار تكلمون عنه
وانا اشوف الحين الي يبي يختار له يقول ابيها برونزيه حناطويه وهـ اللون صار مرغوب بشكل كبييير والدليل توجه البنات لعمل البرونزاج والتسمير

[toomi9]

نصيب وقسمة وحظك يا صيب او يخيب

الشاعرة ام السعف

فديتها اانا خالتي ام سعف ،،، صح لساانج

[قهوة الضحى]

رد على

الحظ حق الشلقا والبلقا
وبنات الحمايل محد جا صوبهم
اموووووووت واعرف ليش الدنيا انقلبت هالشكل

وانا اقولك

الزين يفرض نفسة

انا لونى برونزى ويوم اطلع مايتحرش فينى الا البيض ههههه لدرجة انى صرت مغرورة احس اجمل منى مافى
بعدين انتم مب عايشن بدنيا ترا الناس وصلت القمر اصحو



يعني عشان غازلج كم واحد صرتي مغرورة ومافي اجمل منج

وماعلاقة الناس اوصلوا القمر بسالفة البرونزاج

يكون في علمج البرونزاج بس مرغوب بالصيف وبعدها تروح موضته

يبقى البياض احلى والبرونزاج لانه التغيير مطلوب

[قناص 787]

رد على

الحظ حق الشلقا والبلقا
وبنات الحمايل محد جا صوبهم
اموووووووت واعرف ليش الدنيا انقلبت هالشكل

وانا اقولك

الزين يفرض نفسة

انا لونى برونزى ويوم اطلع مايتحرش فينى الا البيض ههههه لدرجة انى صرت مغرورة احس اجمل منى مافى
بعدين انتم مب عايشن بدنيا ترا الناس وصلت القمر اصحو
شفو مسلسلات كل وحدة خافسة نفسها تبى صير برونزية الله يعينهم
صج مايحس بالنعمة الا صاحبها
انا عندى 6 خوان كل واحد يقول الزود عندى يوم طلبو يزوجون قالو نبى الحنطية مع انة كثير من البيض يتمنون ترابهم *__^ شوف عينى والله

بالاخر نقول كل شى قسمة ونصيب يعنى الى خذو بيضة او دجاجة اش نابهم اهم شى الاخلاق ثم الاخلاق ثم الاخلاق
لحد يزعل عاد من الصراحة بس مسموح لكم تعبرون عشان محد ينط لة عرج :nono:

تحياتى القلبية الحنطاوية المغرورة

يمكن بالغلط تحرشوا فيج :)
او يمكن كسرتي خاطرهم :nice:

يقولج في مثل عجيب تدرين شنو هالمثل
" اللي يمدح نفسه يبيله ......... "

تحياتي لج ولا تطلعين في الويكند علشان محد يتحرش فيج :telephone:

[JN000N]

رد على

الحظ حق الشلقا والبلقا
وبنات الحمايل محد جا صوبهم
اموووووووت واعرف ليش الدنيا انقلبت هالشكل

وانا اقولك

الزين يفرض نفسة

انا لونى برونزى ويوم اطلع مايتحرش فينى الا البيض ههههه لدرجة انى صرت مغرورة احس اجمل منى مافى
بعدين انتم مب عايشن بدنيا ترا الناس وصلت القمر اصحو
شفو مسلسلات كل وحدة خافسة نفسها تبى صير برونزية الله يعينهم
صج مايحس بالنعمة الا صاحبها
انا عندى 6 خوان كل واحد يقول الزود عندى يوم طلبو يزوجون قالو نبى الحنطية مع انة كثير من البيض يتمنون ترابهم *__^ شوف عينى والله

بالاخر نقول كل شى قسمة ونصيب يعنى الى خذو بيضة او دجاجة اش نابهم اهم شى الاخلاق ثم الاخلاق ثم الاخلاق
لحد يزعل عاد من الصراحة بس مسموح لكم تعبرون عشان محد ينط لة عرج :nono:

تحياتى القلبية الحنطاوية المغرورة

:eek5::eek5:
:omen2:

اللهم لك الحمد

[شموخ دائم]

,


,


مرحبا

ردود عجيبه وغريبه والله

:)

صار الموضوع كراسه رسم كله اللوان

:)



,

,


اخوك


شموخ دائم

[Qt.1]

لــــــــــــــــــــــــــــــو,

يزوجونه اجميل الجميلات وابيضهم

بكرة بيمل وهي راح تصير عادية في نظره
مردها بتكبر في العمر وتتغير وتغيرها السنين

يروح الجمال مع مرور الزمن ويبقى المعدن الاصيل
يلمع ولو بعد حين
تبقى العشرة الطيبة والاخلاق وهاذول هم
الدايمين الباقين الى نهاية العمر

وبالنسبة للحظوظ في الزواج اللهم الا اعتراض
وهاذي طبعا ارزاق وتقادير من رب العالمين
لكن من الملاحظ ان البنت الخفيفة اللي غير مستورة
واللي عليها من الملاحظات كذا وكذا وكذا
هي اللي تنطلب أكثر للزواج والبنت راعية الدين والاخلاق
والمستورة واللي ما تطلع بكثرة للأسواق والمطاعم ولدواره
هي اللي تعاني العنوسة اكثر





ماقدر ازيد على هالكلام :)

[فلتة زمانها]

بسكم دعايات يابنات عن نفسكم والله فشيله

[اعقل مرجوجه]

ياما تحت السواهي دواهي

البيضا بيضا من التلطع بالكريمات

والشعر باروكه وياكثرهم ..

[بيتي بوب 23]

تبين الصدق قليل الي يدور البيضا ام شعر طويل
شخبارررررررررري<>>>>>>>>>>>>>>> ع قوله الكوييتيات
الحين كلن يدور الجسم والملامح الحلوه وهالصفات ماتنوجد الا في البرونزيه

[بـــــــنت النوخـّــــذه]

ممكن استفسار !:

ماتلاحظون ياجماعه الخير ان اذا تواجدت القناعه في الرجل والمرأه يشوفون بعضهم كاملين الصفات ؟؟؟؟؟؟؟
فيعني استغرب من البعض انتقاد الوحده البيضه والسمره وصراحه اكثر ذكروني بغنيه قديمه لعوض الدوخي اهههههههه:nice: كلماتها تدور حول مشاده كلاميه بين البيضه وتفاخرها بنفسها وبين السمره(بالاغنيه سموها الخضره ) وتفاخرها بنفسها وفي اخر الغنيه لا البيضه ولا السمره فيهم زود عن بعض الا بالاخلاق 000
عموما" الموضوع ومافيه مرتبط بالقناعات والي قال وعلق ان الجميله بعد سن اليأس لما تكبر وتعجز بتتغير نظره زوجها لها اسمحولي اقول لكم ان هذا المبدأ غلط سواء حلوه ولا مهب حلوه 00صراحه اعرف شياب مازالو يكتبون اشعار ويتغزلون بحريمهم العجايز 000

اذا المسئله مسئله قناعه ياجماعه والقناعه تختلف معناها والنظره كذلك من شخص لاخر طبقا" لمفهومه يعني استريحو لحد ينتقد البيضه ولا السمره كل وحده فيهم لها الشخص الي يرغب فيها والكلام بالمثل للبنات بالنسبه للرجل 000

سلام(ن) عليكم

[skittles]

ماشاءالله بصرآحة تفكير الشباب والبنات حلو بغض النظر عن بعض الردود الشاذه ..
لكن احب اقول ان كل بنت فيها جمال سواء كانت سمراء او بيضه او حنطيه او او او الخ ..
يمكن الولد يدور له على وحده بيضة وشعرها طويل وفي الاخير يصادف وحده حنطاوية وشعرها مب طويل لكن تعجبه ..

وكل واحد وذوقه

[تميم بن خالد]

حلات الثوب رقعته منه وفيه .. بس الرجال هذا الوقت مايعددون وعدد البنات اكثر من الرجال ..
والله يسترعلى بنات المسلمين ويوفق الجميع لما يحب ويرضى

[الشمريه]

متاابعه بصمت ..

[بسمة حزن]

اتمني يتسكر الموضوع
لانه سبب بلبله على الفاضي
وعلى قولت القايل (كلنا عيال قريه وكلن عارف خيه)