ليش تختارون سيارات دفع رباعي ؟؟ - (( نقاش ))

[غـريب الدار 911]

بسم الله الرحمن الرحيم

السلام عليكم و رحمة الله و بركاته

كلنا نلاحظ أنتشار سيارات الدفع الرباعي خصوصاً التويوتا

و بدأت تنتشر في الفتره الأخيره الجماسي للعائلات

و الأكيد أنى أحنا ما نستخدمها في مجالها - البر

فـ حبت نتناقش ليش تستعمل و تتعامل في هذا النوع من السيارات ؟؟

شنهو العيب في السيارات الصالون ؟؟

مع أنها أرخص و أجمل و أمنه من السياره الرفيعه

في أنتظار ردودكم و تعليقاتكم

[ANONYMOUS]

السعه

الشوارع والمطبات ماتنفع للصوالين

[منصوربن حمد]

علشان الارصفة

[الفاو]

عشان ضرب الرصيف
وانت عارف ان شوارع الدوحه زحمه

[_QTR_]

والله يا اخوي

الفورويل لازم عندنا بسبب البنية التحتية والشوارع الطيبة اللي خبرك فيها

ثاني شيء عملية .. وحلوة .. ومتى ما تفكر تبيع ما تطول معاك ((هذا بالنسبة للتيوتا))

اما المواتر الصالون .. انا عندي ايفولوشن 600 حصان وما اطلع فيها الى مرة او مرتين في الاسبوع ان كثرت .. واطلع في الموتر بس عشان امشيه شوي مب عشان الشوارع الطيبة اللي عندنا

[فريج البدر]

عملي ، اريح بالنسبة لي في عملية الصعود و النزول ، البنية التحتية للبلاد تخليك تتحسف على موترك اذا كان صالون حتى لو قرنبع ، للرحلات الاسبوعية بحر بر سفر كله يمشي سعته اكبر في حالة رحت السوق يغنيك في بعض الاحيان عن البيك اب

دمت بود

[بازار]

موضوع جميل .. لكن الاجابات مختلفه وطويله

نترك سالفة الذوق في اختيار السيارة ..

لان الذوق راح تتجه صوب سيارات الرفاهيه ( لا حظ الاسم )

اما بخصوص

الاجابات كلها على السؤال راح تقوم على اساس جودة السيارة ( عملية ) + مافيه شوراع عدله + سعر البيع

وانت تدري اغلب الشعب مديون ..:deal:

وماعنده وقت يفكر بالرفاهية ( اما يكون مقتدر او واحد خبل متسلف عشان سيارة فخمة )

هذا بالمختصر .. المفيـــــــــــــــــد

[مرتبش]

انا كنت بالاول احب الصالون
دلوئتي اموت في الفورويل

اريح من السيارات الصغيرة وامان اكثر لانك تشوف نسبة اكبر من الشارع في الصالون ماتشوف الا السيارة اللي قدامك..احسن للطلعات عملية مع الشوارع ..

جرب ومابترجع للصالون عقبها

[فويرط]

السبب الرئيسي هو

شوارع الدوحة ماينفع معاها الا الفورويل بسبب المطبات الكبيرة والحفر

[MR.STOP]

ناخذ فورويل وننزله ويصير صالون:nice:

[بوطويشم]

السلام عليكم

لان الله يسلمك

1-شوارع ماتساعد

2- سيارة اختربت قدامك عند الأشارات وطبعاً محد راح يخليك تعدي وانت من الأساس بتكوع الضرب الرصيف

3-وقت المطر تقول فيضانات

4-ونفس الشي وقت المطر في شوارع تتكسر تقول نيزك طايح مب مطر

5-المطبات

6-شي يجبرك أنك تخف لان الموتر يكون ثقيل عكس الصالون يكون فيه الكنترول احسن

مادري اذا في اسباب ثانية

مشكور على الموضوع

[toghma]

صح لسان الشباب ما قصروا ، لكن انتوا نسيتوا اهم سبب
احنا نستخدم الفورويل والجماسي علشان العائلة السعيدة وعدد الركاب .
والصالون ما يكفي إلا حق خمسة ، ،،، ولا تبغينا ناخذ ( استيشن ـ هاتش باك )
مافي إلا هالنوع من السيارات الصالون إلي تكفي للعائلة وبصراحة شكلها كللللش ما يساعد ولا لها سوق عندنا .
ما اخبر احد يسوقها هالايام ،،، وفي التسعينات ما يسوقونها إلا مدرسين الرياضيات والفيزياء ( خبركم حق البلاد ) هههه
عاد بتجيب لنا معاك زيت زيتون اصلي :)

[وارث العز]

ظرب الارصفة تفاديا للزحمة

[al-buainain]

السلام عليكم و رحمة الله و بركاته

وعليكم السلام ورحمة الله وبركاته

و بدأت تنتشر في الفتره الأخيره الجماسي للعائلات

السوبر من زمان وهل قطر يستخدمونه للبيت مهب شي جديد طال عمرك

و الأكيد أنى أحنا ما نستخدمها في مجالها - البر

اما في ذي اسمحلي انا اختلف معاك

المواتر ذي ما سوها الا للبر وهذا استخدامها عندنا الا بعض الشباب للسباق والاستعراض

1- اذا بغيت اروح البحر ولا البر ما اتعطل

2- هل قطر ما يصبرون عن الفورويل تدري بهم هل بر وفي القيض هل بحر

يعني الفورويل شي اساسي في كل بيت قطري

شنهو العيب في السيارات الصالون ؟؟

1- الشوارع ما تساعد

ما تسعفك لا اطلبو منك الفزعه طال عمرك


وتحياتي لك

[Index Signal]

مع الخيل يا شقرا

[مهل]

تكون في الدوام مثلا و يتصلون لك ربعك وهم قاعدين خوش قعده في البر ولا على طعس ،، شتسوي تتصل فيهم تعالو اخذوني ؟

الفورويل حاليا مريح ماعاد هو مثل اول وعر و يصرف بترول

[بوالفاروق]

بااااااختصااار

انا جربت كامري لمدة 4 سنين ما شاء الله موتر ..

بس ياخي زهقنا مطبات اشكثثثثثر كل فريج وقدام كل بيت مطبة

اللي يقول عياله منثرين في الشارع ولعب كورة !! :nop:

وغير الحفريات وغيره وغيره

موتري احين كروزر وبالون واموري طيبة :tooth:

هذا باختصار .. يعني هذه طبيعة بلادنا وغير لزوم البروالبحر

بالتووووفيق

[ابو ريم]

لكفايه عدد الركاب والسفر والبر

[غـريب الدار 911]

حياكم الله يا الربع

و صدق الشوارع عندنا مصيبه

أتذكر سالفه من 6 سنين

واحد من الربع قال لي أن عمه بيشتري أستون مارتن

و هذه السياره معروفه انها غاليه و ناااازله وااايد و سريعه

فأنا تعجبت منه و قلت له عندنا في الدوحه ؟؟؟؟؟؟

قالي ما تدري ان الدوحه في مرحلة تديل الشوارع و عقب فتره بسيطه امورنا تمام

كلها الا كم شهر و اشوف السياره عند سوف العلي سالفه و الصدام طايح

و لين الحين المشكله في جودة الشوارع

الله لا يهينكم جميع

[ابوصالح1]

انت شايف الناس كلها علي دفع رباعي بعضهم وبعضهم عنده صالون (لولا اختلا الأنظار بارت السلع )وشوارع الدوحه كل مالها أحسن من الأول

[wadha-qa]

1- تشيل عدد 7 ركاب
2- وقت المطر و المستنقاعات ما تتعطل
3- تتحمل المطبات و الحفر
4- تفيدك في البر و داخل المدينه

لذلك فهي الخيار الافضل للجميع ^_^

[khaleeji]

من كم سنه الوالده قالت تبغي مرسدس

جبنا المرسدس كل شوي الهدروليك خربان واحنا نقط في بطنه ب 6 و ال11 الف

عقب بعناه وخذنا يوكن يتحمل اكثر