اقتراح بخصوص الكتب المدرسيه.....

[الدوحه1]

[color="darkgreen"]اقترح على المجلس الاعلى للتعليم ان يقوم بتوزيع "النسخ الالكترونيه" للكتب المدرسيه المقرره على كل طالب ويقوم الطالب بتنزيل هذه النسخ الاكترونيه على الكمبيوتر المحمول"اللابتوب".. ويقوم الطالب باحضار اللابتوب الى المدرسه بدلا من الكتب اللي اكسرت ظهورهم!!![
هل المسئولين في وزاره الصحه والتعليم على علم بأن هالكتب الثقيله ممكن اتضر الطالب؟؟؟
/color]

[مناحي السادس عشر]

واللي عنده ست وسبع وثمان عيال وفوق من وين يجيب لهم فلوس حق اللاب توب يابو الشباب ؟؟؟؟؟؟؟؟؟؟؟؟؟؟؟؟
ترى العالم مفلسه بدون هالسوالف بعد يجي دور لاب توب لكل طالب
سنين وبنين وحنا نشيل كتب على ظهووووورنا وما اصار لنا شي الواحد مثل الحصان بفضل الله
واللي يقرا كلامك يقول هالطلاب ضاربين هالمسافه مشي
من البيت للسياره ومن السياره للمدرسه والعكس
والباصات نفس الشي
اي ضرر هذا اللي يضر عليهم

[ابو ريم]

مصاريف جامدة

[حسن]

خلهم يعطونهم الكتب اول بعدين افكر في الموضوع

[ضوى]

ياما شلنا كتب اشثقلها وماتكلمنا ، ومن زمان ماكان فيه تروللي شنط على كتوفنا لين تملعنا ، كتب ودفاتر ولوح ... الخ ، وغير هذا نزلة من الباص وصعدة للباص ومسافة لين نوصل مكان صفنا والا بيتنا ، بس بيني وبينكم صج لجا الموضوع صوب عيالنا مارضينا مع انه المسافة اللي يشيلون فيها كتبهم ماتنحسب من قصرها بس عيالنا مانرضى عليهم ، اشوف عيالي كتبهم اشثقل يكسرون خاطري بس ما قول شئ هذا هو العلم ثقيل ، بس سالفة اللاب توب مصاريف وتكلفة اضافية على رب الاسرة ، المفروض المجلس الاعلى يخصص لكل طالب لاب توب بما انهم ياخذون عالطالب 25 الف ريال سنوياً!!!!!!!!!!!!!!!

[Ghroor]

عشان الاشعاعات تعدم عيونهم وأمخاخهم

[مناحي السادس عشر]

ياما شلنا كتب اشثقلها وماتكلمنا ، ومن زمان ماكان فيه تروللي شنط على كتوفنا لين تملعنا ، كتب ودفاتر ولوح ... الخ ، وغير هذا نزلة من الباص وصعدة للباص ومسافة لين نوصل مكان صفنا والا بيتنا ، بس بيني وبينكم صج لجا الموضوع صوب عيالنا مارضينا مع انه المسافة اللي يشيلون فيها كتبهم ماتنحسب من قصرها بس عيالنا مانرضى عليهم ، اشوف عيالي كتبهم اشثقل يكسرون خاطري بس ما قول شئ هذا هو العلم ثقيل ، بس سالفة اللاب توب مصاريف وتكلفة اضافية على رب الاسرة ، المفروض المجلس الاعلى يخصص لكل طالب لاب توب بما انهم ياخذون عالطالب 25 الف ريال سنوياً!!!!!!!!!!!!!!!

تكفين يا ضوى بس كفاية شرهم هالمجلس
لو ياخذون مليارات بس لا يلعبون بحسبة البجه حقنا

[ريماس الغلا]

عيالنا للحين ما عطوهم كتب


عسى المانع خير ؟؟؟

[بنت شيوخ]

والله صج اكسرت ظهورهم

اطفال بصف اول

شنطتهم ثقلها ثقل خيشه عيش صغيره


ظهورهم راحت

[بـــــــنت النوخـّــــذه]

اقترح على المجلس الاعلى للتعليم ان يقوم بتوزيع "النسخ الالكترونيه" للكتب المدرسيه المقرره على كل طالب ويقوم الطالب بتنزيل هذه النسخ الاكترونيه على الكمبيوتر المحمول"اللابتوب".. ويقوم الطالب باحضار اللابتوب الى المدرسه بدلا من الكتب اللي اكسرت ظهورهم!!![
هل المسئولين في وزاره الصحه والتعليم على علم بأن هالكتب الثقيله ممكن اتضر الطالب؟؟؟
/color]

فكره ممتازه بس مهما تقدم العلم في اكثر دول العالم تقدما" [color="black"]مستحيل يستغنون عن الكتاب 000اختي اذا تم الاعتماد علىاللاب توب انقول عظم الله اجركم للكتب والقراءه 00بتندثر 0

شوفي اهي فكره حلوه وممتازه بعد لسن معين ولماده معينه وللضروريات مانبغي مخوخ مبرمجه 000 وبالنسبه للصحه معاج حق الشنطه تكسر الظهر بس سوء التنظيم هو السبب انا افضل عمل كتاب يحتوي على 10 دروس للماده الوحده وبهذا ممكن انقلل من حجم الكتاب ويعني يكون الكتاب على شكل سلسله مهب بالضروره يكون كبير كنه قاموس 000

[الحريّه]

عيالنا للحين ما عطوهم كتب


عسى المانع خير ؟؟؟






ليش المجلس يخلي المدارس تعرف راسها من ريلها ؟
يوم ما فيه كتب . بس أوراق , و يوم ثاني يأمر المدارس تسلم جميع الطلاب كتب . بعدين يقول مَلازم , ثم يمنع الملازم ..ألحين رادين على كتب الوزاره .. والفوج السابع يقول لهم سووا كل شيء مثل ما كنتوا تسوونه في الوزاره , والتدريس للرياضيات و العلوم باللغه العربيه مش الإنجليزيه !!
أحد يعرف شسالفه ؟؟ آنا الصراحه ما عرف المجلس إيش يبي :nono:

[al-sadd]

خلونا تكلم بواقيعيه بما اني توني مفتك وطالع من الثنويه وعارف شبيصير !

لنفترظ انهم جابو لكل طالب لاب توب والمنهج فيه


الايجابيات :

راحه للطلاب
عدم نسيان الكتاب
من باب التغيير
يزيدون مهاراتهم في اللابتوب
إلى اخره


السلبيات الي متآكد منها مليون بالميه

الطالب ماراح يركز في الحصه
الله واعلم ع المواقع الي بيدخلها
كل يوم لابتوب خربان


بالنسبه لي اشوف السلبيات تآثيرها اكثر ع الايجابيات !
هذي وجه نظري ^^ واتمنى انها تنقبل من طرفكم

بس في ملاحضه
الله يهداكم بس تبون توزعون ع الطلاب لابتوبات
والمدرسين نفسهم مايعرفون له !!
يعني انا اخبر العام والله كانت ابسط الاشياء المدرسين مايعرفون يستخدمونها !
وياما ناس اخترقو اجهزتهم وخذو النتايج والامتحانات
وهالموضوع صار قدامي واحد من الربع ، كنت معاه في المجلس
يابلفيت ماعط الاستاذ فلاش فيه البحث !
ثواني اله الحبيب
داش على كمبيوتر استاذ العربي
عرفنا الامتحان الي بيجي !
طبعا كانت الامتحانات الشهريه
وحلينا الامتحانات وجبنا نتايج كبيره
"حتى الوالد استغرب من النتيجه"
!!

فــ الفكره حلوه ولاكن لها سلبيات كثيره ومؤثره وااايد
وماتستاهل