# لا الغاء لنظام الكفيل في الكويت #

[فارس الكلمة]

التصريحات المتتالية لوزير الشؤون الاجتماعية والعمل الكويتي د.محمد العفاسي داخل وخارج الكويت
بشأن التوجه والعمل على الغاء نظام الكفيل من أجل تحسين صورة الكويت في المحافل الدولية، وأمام منظمات حقوق الانسان .. نفاها وكيل الوزارة المساعد لقطاع العمل منصور المنصور في حديث لقناة «الجزيرة» مؤكد أن لا الغاء لنظام الكفيل .. وأن الأمر يتعلق فقط بتسهيل انتقال العامل من كفيل الى آخر دون قيود مشددة.

تصريح المنصور الذي سيكون بلا شك خيبة أمل كبيرة للوافدين

[وبشرالصابرين]

:telephone::telephone::telephone:

جاري الاتصال للتأكد

[ضوى]

من شوي زوجي يسالني عن هذا الخبر يقولي اشلون يعني ماراح يكون لي سلطة على عمالي ، قلت له والله القانون مش واضح واكيد في بنود في هالقانون تحمي الكفيل من مكفوله ، واذا القانون كان بالشكل اللي ذكره اخوي فارس فهو امر هين مابه اي مشاكل للكفيل ، اما غير هذا فبتكون مشكلة عويصة

[khaleeji]

والله من رايي ان يتم الغائه الانه لا يعطي الناس حقوقها

ويستبدل بعقد عمل واااااضح يكفل حقوق العامل وصاحب العمل

[latty]

مايجووووز يعني ايش نحضرهم ونعطيهم الشارع خل الدوله تجيبهم اجل ونرتاح :)

[موضي قطر]

الحين بكفيل ويشردون ويسون مابدالهم !!

واذا صاروا بدون كفيل ويش بيسوون ؟؟؟؟؟؟؟؟؟؟

[كازانوفا]

ان شالله لا يطبق لانه غير آمن على لا على الكفيل ولا المكفول

[الصريحه]

الحمد لله
لابد من دراسه اي قرار قبل اتخاذه
واشوفه مب لصالحنا ولالصالح اخوانا في الكويت

[قناص الخليج]

الحين العمال على كفالتنا ومب قادرين عليهم شلون لو تم الغاء الكفاله ؟؟

[سهم متردد]

والله من رايي ان يتم الغائه الانه لا يعطي الناس حقوقها

ويستبدل بعقد عمل واااااضح يكفل حقوق العامل وصاحب العمل

المشكلة انهم مايعرفون ان قانون الكفاله يشبه (قانون العبوديه) وكما قال سيدنا عمر رضي الله عنه
(متى استعبدتم الناس وقد ولدتهم امهاتهم احرار)

ولا في ذمتكم حط روحك بدل الشخص المكفول
جوازك عند كفيلك
بطاقتك عند كفيلك
ماتقدر تشتري سيارة الا بخطاب من الكفيل
اقامتك ماتتجدد الا بتوقيع الكفيل
ماتسافر ولا توطوط الا بتوقيع الكفيل
وللكفيل الحق بقل كفالتك اوتسفيرك بجرة قلم (هذا شيسمونه مب عبوديه)

والله يشهد ان عندنا شركة وفيها عمالة عربية وغير عربيه ولكنني من اكبر المؤيدين لالغاء الكفاله

[MAZEN37]

المشكلة انهم مايعرفون ان قانون الكفاله يشبه (قانون العبوديه) وكما قال سيدنا عمر رضي الله عنه
(متى استعبدتم الناس وقد ولدتهم امهاتهم احرار)

ولا في ذمتكم حط روحك بدل الشخص المكفول
جوازك عند كفيلك
بطاقتك عند كفيلك
ماتقدر تشتري سيارة الا بخطاب من الكفيل
اقامتك ماتتجدد الا بتوقيع الكفيل
ماتسافر ولا توطوط الا بتوقيع الكفيل
وللكفيل الحق بقل كفالتك اوتسفيرك بجرة قلم (هذا شيسمونه مب عبوديه)

والله يشهد ان عندنا شركة وفيها عمالة عربية وغير عربيه ولكنني من اكبر المؤيدين لالغاء الكفاله


في ميزان حسناتك ان شاء الله اخوي سهم متردد

كلام موزون ومنطقي

الي مثلك هم الناس الاصل والله يعز قطر واهلها الاصل .

[حسن]

اكيد بيكون هناك نظام وقوانين وعقود ترتب العمليه هى مش سايبه وتفكرون انه خلاص يتنقل على كيفه

[فارس الكلمة]

شكراً لردودكم .. و مشاركتكم الجميلة ..


القانون القطري أعطى حقوقاً كثيرة للعامل .. و ليس هناك عبودية كما يشاع .. فالعامل حر ..

إذا اراد المغادرة مثلاً ..

[ابوسعود]

تصريح المنصور الذي سيكون بلا شك خيبة أمل كبيرة للوافدين

شكل الخبر خيبة امل الوافدين

اكيد يبون يسرحون ويمرحون بلا حسيب
وبلا رقيب

[الفولاذ]

لالالا انا عاذرك
لانك نسيت ان ماحد جبرهم على العمل وان هذا النظام نظام عمل
والي مايبقي يسافر ,,,, من جابره ,,,, بتحملون المشاكل الي بتصير ؟؟؟
انت نسيت المجتمعات الي جايين منها ؟ ماتدري وش يسوون في الدول الي بدون نظام كفيل مثل اوروبا مثلا ؟؟؟
وبدال العبودية حط كلمة نظااااااام عمل ,,, عشان الشركة الي عندك :deal:[/CENTER]

[المقهوره]

انا الي ودي ان المكتب الي يستقدم منه الخادمه او الخادم

اذا انكتب فيه سنتين يعني سنتين مب تجربه 3 شهور وعقبها يلعب لعبته الخادم ولا الخادمه


نبي ادارة العمل تجبر المكاتب على انها تلتزم بمده العقد

مب ندفع 7000 والخدامه ماتقعد عندنا إلا 4 شهور خاصه اذا اثبت ان الكفيل مب مقصر مع الخدامه او الخادم

حرااااااااااااااااااااااااااام هالكلام

نقاعدين نتكلم عن حقوق الانسان طيب وين حقوق الكفيل



وبعدين من قال ان نظام الكفيل نظام ضد حقوق الانسان وفيه استعباد للشخص

طيب احنا نفسنا بعقود في الشركات يعني معناتها اننا نغلط ونسرق على المكان الي نشتغل فيه ومب مطلوب منهم يعاقبونا ؟؟؟

بالعكس نحسب حسابنا عدل على شان فيه عقد بينا وبينهم وفيه قانون مثل ماهو معنا هم يكون ضدنا اذا اخطأنا

[saeed2005]

نظام الكفالة لا يمكن النظر إليه جملة فيقبل عند البعض جملة ويرد عند البعض جملة أيضا بل ينبغي النظر في تفصيلاته وتفريعاته فبعض تفصيلاته لا يمكن أن تقبل شرعا والبعض الأخرى مقبولة فلما لا نحتكم إلى الشرع فما قبله قبلنا وما رده رددناه .