ليش الدولة ماتبتعث لغه للخارج ...!! "نقطة نظاااام"

[al-sadd]

بسم الله الرحمن الرحيم

اول شي يا شباب ولله الحمد مخلص ثنويه العام الي طاف
وحاليا ادرس لغه في امريكا ...!!

إلى الان حلوين :playball:


طبعا ولله الحمد اخواني كلهم مخلصين جامعه
فــ انا كنت بصير نذل وبدخل امن الدوله
escape

وبدون ذكر الاسباب غيرت رايي ١٨٠٪ وقلت ابي ادرس برى :funny:

المهم قلت يلا يا بوعبدالله توكل ع الله ودور سبونسر يوديك

وجات الصدمه الاوله !

الدوله ماتوديك لغه تبي تعلم روح بحسابك !
"هالجمله من الموظفه في المجلس الاعلى" :nono:

وحطيت آمل بالشركات والموؤسسات

رحنالهم
وتجينا الصدمه الثانيه

كلها عقود في عقود :deal:
ولا شركه توديك اله بعد ماتشتغل عندهم سنه :polling:
يعني تضيع سنه من حياتك عندهم وفوقها سنه لغه !
تدخل الجامعه عمرك ٢١ :app2: حبتييين هههههـ


ايوااااااااااه الحين قعدت افكر يمين ويسار
قلت مافيه اله اتطيح على راس الوالد
موووهاهاهاهها
مب هو يبيني ادرس برى هع
:swoon2:

رحت له
"يبى حبيب آلبي انت ابي ادرس على حسابك"

الوالد
"ليش الدوله ماتوديك اكيد من نسبتك"
للتوضيح نسبتي ٨٢٪ يعني حلوه ^^"

انا
"لا الدوله ماتودي حتى لو ١٠٠٪"

المهم بعد لف ودوران اقتنع الوالد :app2:

ولله الحمد وصلنا امريكا وبدينا دراسه

عاد اتجيني الصدمه الثالثه !!

عندنا شباب من الامرات والكويت والسعوديه وعمان
يعني دول الخليج تقريباً كلها اهني ! :tomato:

الصدمه الثالثه ويامكثر مانصدم بحياتي :tooth:

اكلم الشباب بخصوص بعثاتهم ، كلهم جايين سبونسر لغه من الدوله !

الكويتيين شروطهم انك تجيب التوفل او الايلس فسنه ! ومعاشك ٢٧٠٠ دولار في الشهر !

الامراتيين شروطهم اتجيب اللغه من اول سنه ومعاشهم ٥٤٠٠ دولار في الشهر!

السعوديين شروطهم تنقبل في الجامعه بحدود السنه وبالواسطه سنتين ومعاشهم مابين الــ ٣٤٠٠ إلى ٣٧٠٠ دولار في الشهر

العماني بدون شروط اللهم تدخل الجامعه والمعاش ٢٩٠٠ دولار بالشهر

القطري ياكل تبن ويدرس بحسابه الخاص :app2:


مع العلم ان المعاشات تتغير يوم يدخلون الجامعه وتزيد !!
والتامين الصحي على دولتهم ! وطبعا المعاشات بدون البدالات
نفس بدل معيشه وبدل لاب توب وإلى اخره !

ولاحد يقولي يدفعون فلوس الشقق لانه على الدوله !
اتطرش الفواتير ع السفاره وهم يتصرفون
:app2:


حد اهني يعرف الاسباب؟
يعني بعطيكم معادله وابيكم تحلونها

قطري تخرج من الثنويه :victory:
الانجليزي = انقول ٣٠٪ إلى ٤٠٪
ولنفترظ بقدره قادر جاب الايلس :app2:
بالله علكم الدكتور يوم يشرح شلون بيفهم !
وهو عمره ماختلط مع اجانب !
وخاصه الدكتور بيشرح وبيمشي ولا بيفتكر فاحد !!

يلا حللولي هالمعادله !!

اخواني كلهم ادرسو على حساب الدوله وعددهم ٣
وكلهم خذو لغه !

ليش الحين منعو بعثات اللغه ؟!!!!
على قرادتي يعني !!

واختم موضوعي بدعاء منكم لي بتوفيق ^^

[Kuwaiti88]

والله يعينكم الله ...

عاد انا شفت نظام البعثات عندكم وايد حلو والإمتيازات اللي فيه زينه ...

بس ليش ما يودونكم لغه ... جذي البعثات بس بتصير حق خريجين الثانويات الأجنبيه ...

احنا بالكويت اذا كنت بتدرس بأمريكا لازم انك تمتحن التوفل سواء نجحت فيه ولا لأ ...

بعدها يودونك تدرس لغه عاد انت وشطارتك يعطونك سنه ففي ناس تخلصه بكورس واحد ...

مو كورسين ... واذا كنت شاطر بالانجليزي فماله داعي لغه وعلى طوووول توفل وييب درجه

حلوه وقدم على الجامعه اللي تبيها ...

بس حبيت أصحح فكرة ... الرواتب ترا الإمارات والبحرين وعمان مو هذي رواتبهم ترا أقل

بوايد ...

:)

[الخفي]

(( الدوله مشغوله بملف كأس العالم وتكييف الملاعب ))

[al-sadd]

والله يعينكم الله ...

عاد انا شفت نظام البعثات عندكم وايد حلو والإمتيازات اللي فيه زينه ...

بس ليش ما يودونكم لغه ... جذي البعثات بس بتصير حق خريجين الثانويات الأجنبيه ...

احنا بالكويت اذا كنت بتدرس بأمريكا لازم انك تمتحن التوفل سواء نجحت فيه ولا لأ ...

بعدها يودونك تدرس لغه عاد انت وشطارتك يعطونك سنه ففي ناس تخلصه بكورس واحد ...

مو كورسين ... واذا كنت شاطر بالانجليزي فماله داعي لغه وعلى طوووول توفل وييب درجه

حلوه وقدم على الجامعه اللي تبيها ...

بس حبيت أصحح فكرة ... الرواتب ترا الإمارات والبحرين وعمان مو هذي رواتبهم ترا أقل

بوايد ...

:)


مرحبا اخوي منور :app2:
الشيخ هالمعاشات هم الشباب الي قالولي عنها
عاد صج او مب صج الله واعلم
لاكن معاش الامرات متاكد منه اخوي
لانه نفس المبلغ جاني من اكثر من واحد

ولاكن الفكره مب فـ المعاشات !
الفكره ليش مايبعثون للخارج لغه !
اهني المصيبه
منور اخوي ^^

[al-sadd]

(( الدوله مشغوله بملف كأس العالم وتكييف الملاعب ))

ليش لأ
وعيال البلد وينهم بنظرهم ؟

[رهج السنابك]

؛

موضوعك حق شرعي يجب المطالبة به لانه بعد موضوع فئة كبيرة

لا تقارن قطر بدول الخليج الاخرى تدري ليه ؟؟

أولا ماعندهم مجلس اعلى ويسمحون لي على الكلمة " متخلف " والتخلف بمعنى الرجعية " مفكرين ان بهالطريقة راح يسوون المعجزات "

ثانياً

اجمل نظام ابتعاث قرينا عنه هو النظام السعودي

يعطي الطالب فرصة سنة وحده فقط على حساب الدولة يدرس بمعهد خلال السنة لازم يجيب التوفل عاد لازم يجتهد لانه بعد مرور السنة وماجاب التوفل يرجع بلاده وينحرم من فرصة الدراسة الجامعية والأحلى مايدفع ولا ريال :)

والابتعاث متاح للجميع ( كل دول امريكا واوروبا صار فيها غزو من الشعب السعودي المبتعث )

على ايام وزارة التربية اظن كانو يطرشون لغة

بس لما انقلبت وصارت مجلس اعلى وهيئة تعليم الغوا هالفرصة

وشوف قمة التناقض

شعب كامل لغته تعبانه " كل طلاب الحكومة تعبانين في اللغة " باستثناء الفئة القليلة اللي اهلهم دخلوهم مدارس اجنبية
وجامعات داخل البلد " تعجيزية "
معاهد دبلوم " قفلوها "
دراسة بالدول المجاورة " مش بوزك مافي بعثات"
دراسة عن بعد " آخر ناس ممكن يعترفون فيه هم قطر مع ان كل دول العالم تعترف فيه"
دراسة انتساب " بيض الصعو "

وبعدين نطلع نقول للعالم ان قطر متبنية نهضه تعليمية !!!!!

كان بالامكان بدل الغاء الابتعاث للغة على حساب الدولة ان يتم وضع قوانين مع الاستفادة من دول الخليج في تجربتها " ترا قطر جزء من الوطن العربي والخليجي "

وما تشذ قطر وتضيع فرصة ممتازة على طلابها بحرمانهم من هذا الحق اللي كل دول الجوار تتمتع فيه

لكن ما نقول الا حسبي الله ونعم الوكيل على صاحب فكرة الغاء ابتعاث اللغة


وان كانت قطر ماعندها ميزانية لهالموضوع بإمكان جهات حكومية متمثلة في وزارة العمل مثلا بإلزام بعض الوزارات والشركات والبنوك والمؤسسات بالمساهمة في تحسين مستوى اللغة عند الطلاب وتقديم منح سنوية لذلك

الحلول كثيرة لكن العقول لا تفكر

؛

[al-sadd]

؛

موضوعك حق شرعي يجب المطالبة به لانه بعد موضوع فئة كبيرة

لا تقارن قطر بدول الخليج الاخرى تدري ليه ؟؟

أولا ماعندهم مجلس اعلى ويسمحون لي على الكلمة " متخلف " والتخلف بمعنى الرجعية " مفكرين ان بهالطريقة راح يسوون المعجزات "

ثانياً

اجمل نظام ابتعاث قرينا عنه هو النظام السعودي

يعطي الطالب فرصة سنة وحده فقط على حساب الدولة يدرس بمعهد خلال السنة لازم يجيب التوفل عاد لازم يجتهد لانه بعد مرور السنة وماجاب التوفل يرجع بلاده وينحرم من فرصة الدراسة الجامعية والأحلى مايدفع ولا ريال :)

والابتعاث متاح للجميع ( كل دول امريكا واوروبا صار فيها غزو من الشعب السعودي المبتعث )

على ايام وزارة التربية اظن كانو يطرشون لغة

بس لما انقلبت وصارت مجلس اعلى وهيئة تعليم الغوا هالفرصة

وشوف قمة التناقض

شعب كامل لغته تعبانه " كل طلاب الحكومة تعبانين في اللغة " باستثناء الفئة القليلة اللي اهلهم دخلوهم مدارس اجنبية
وجامعات داخل البلد " تعجيزية "
معاهد دبلوم " قفلوها "
دراسة بالدول المجاورة " مش بوزك مافي بعثات"
دراسة عن بعد " آخر ناس ممكن يعترفون فيه هم قطر مع ان كل دول العالم تعترف فيه"
دراسة انتساب " بيض الصعو "

وبعدين نطلع نقول للعالم ان قطر متبنية نهضه تعليمية !!!!!

كان بالامكان بدل الغاء الابتعاث للغة على حساب الدولة ان يتم وضع قوانين مع الاستفادة من دول الخليج في تجربتها " ترا قطر جزء من الوطن العربي والخليجي "

وما تشذ قطر وتضيع فرصة ممتازة على طلابها بحرمانهم من هذا الحق اللي كل دول الجوار تتمتع فيه

لكن ما نقول الا حسبي الله ونعم الوكيل على صاحب فكرة الغاء ابتعاث اللغة


وان كانت قطر ماعندها ميزانية لهالموضوع بإمكان جهات حكومية متمثلة في وزارة العمل مثلا بإلزام بعض الوزارات والشركات والبنوك والمؤسسات بالمساهمة في تحسين مستوى اللغة عند الطلاب وتقديم منح سنوية لذلك

الحلول كثيرة لكن العقول لا تفكر

؛

والله صدقتي اختي !
انا الي مستغرب منه !
ان خير الدوحه واصل لاخر الدنيا !
بس مايحوش هل البلاد ولا حتى نص هالخير !
يعني اذا عيال البلد ماحصلو مثل هالبعثات !
من وين بيحصلونها !
موزنبيق مثلا !! escape

يعطيج العافيه اختي
والله انج يوم كتبتي هالكومنت وكانج حاسه فيني
وماقصرتي

[QtrGate]

ترى اخوي انا نفس حالتك

ان شاء الله بالشهر 11 انا عندكم

درت قطر كلها ابي بعثة وقالولي بعض الاماكن تشتغل عندنا
والباقي يقولون لازم الايلس او التوفل ..,, لوقادر اجيبها ليش اروح لغة

والوالد بعد هاي التعب قالي روح على حسابي ..,,



واخوي الدولة مب ملزومة كافي الي فيها
لازم يعدلون الشوارع والمباني والنوادي المكيفة والي تكلف اكثر من 2مليار
مب فاضين عشان اللغة

[سوسو قطر]

The country provides The English course in academic bridge program instead of studying the language abroad from 8 to 9 years they already stopped sending any student to study english language abroad but I think u can travel if u want to study French or Germany I totally agree with them because I did the same thing I studied the English course in Qatar and I completed my bachelor course abroad which make it much easier for me*

[al-sadd]

ترى اخوي انا نفس حالتك

ان شاء الله بالشهر 11 انا عندكم

درت قطر كلها ابي بعثة وقالولي بعض الاماكن تشتغل عندنا
والباقي يقولون لازم الايلس او التوفل ..,, لوقادر اجيبها ليش اروح لغة

والوالد بعد هاي التعب قالي روح على حسابي ..,,



واخوي الدولة مب ملزومة كافي الي فيها
لازم يعدلون الشوارع والمباني والنوادي المكيفة والي تكلف اكثر من 2مليار
مب فاضين عشان اللغة

الله يعينك وبتنور امريكا وضواحيها ^^
بخصوص الي بالاحمر
اتوقع كل الي ذكرته كماليات
واتوقع القطري هو الاهم والاولى !
تخيل انت ممبتعث من الدوله وبمعاش حلو
وامورك طيبه
ماتحاتي حساب الجامعه ولاتحاتي حساب الشقه او الفندق الي انت فيه
خلها ع الله ياخوك

[al-sadd]

The country provides The English course in academic bridge program instead of studying the language abroad from 8 to 9 years they already stopped sending any student to study english language abroad but I think u can travel if u want to study French or Germany I totally agree with them because I did the same thing I studied the English course in Qatar and I completed my bachelor course abroad which make it much easier for me*

صح كلامك اخوي ولاكن الجسر يطلب ٤ ونص ايلس !
ليش فوق راسهم ريشه؟
هذا انا فجامعه من اكبر الجامعات في امريكا ولله الحمد
يوم دخلت برنامج اللغه ماطلبو الايلس !

وبخصوص الاحمر
اخوي كم من كل ١٠٠٠ طالب قطري ممكن يروح علاشان هاللغه؟
الي هم الفرنس والالماني !
الله يهداك خلنا نفتك من الانجليزي بالاول بعدين نفكر بالباقي

وبعدين اخوي اتوقع الي يدرس لغه بالخارج غيييير عن الي يدرس بالدوحه !
اهني انت تعاشر ٢٤ ساعه اجانب !
تنجبر تكلم نفسهم
تنجبر تلبس نفسهم
تنجبر تفكر نفسهم !
ولاكن في الدوحه الصبح في الجسر
والعصر فالعديد ماسوينا شي :app2:

ع العموم مرحب اخوي منور

[QtrGate]

الله يعين
ماباليد حيله

الله يسهل ..,, يمكن واحد من الي يشوفون موضوعك عنده واسطه ويمشي امورك

[][ الوحيد ][]

السلام عليكم

اخوي في بعثات تودي لغه بس بالواسطه لانهم مب مجبورين يتحملون نفقات اللغه ,,
عندك العساكر في لغه ,, بروة ,, ديار ,, البترول ,,

وبالنسبه للرواتب ,,
مافي شي اسمه اطرش فاتوره حق السفاره وتدفع ,, الا اذا كان يشتغل فالسفاره ويعطونه بدل سكن ,,

السعودي ,, تقريبا راتبه 3000 حدددده مب اكثر ,,
الاماراتي ,, ممكن يوصل 3500 ,,
الكويتي ,, مادري بس مب وايد ,,
القطري ,, المرشحين يستلمون 5000 ,, والباقي على حسب جهة الابتعاث ,,

التأمين الصحي مجبوور على السفاره ,, واي طالب من حقه ياخذ تأمين صحي ,, وكل الربع عندهم من السفاره ,, وقطر للبترول تعطيهم واحد ثاني بعد ,,

ومب شرط ناخذ سنه فاللغه ,, ليش انت تبي تبدأ من الصفر ؟ اكيد عندك لغه خفيفه يبيلها تطوير بس ,,
وترى نسبه 82٪ قبل كانت تساعدك ,, الحين الكل يبي 85٪ وفوق

والله يعينك ان شاءالله

[al-sadd]

الله يعين
ماباليد حيله

الله يسهل ..,, يمكن واحد من الي يشوفون موضوعك عنده واسطه ويمشي امورك

الله يسهل للجميع
انا الحمدلله اموري متيسره
ولاكن انا اتكلم عن الشباب الي يبون يسافرون لغه ولاكن مب محصلين

[al-sadd]

[ الوحيد ][;6406580']السلام عليكم

اخوي في بعثات تودي لغه بس بالواسطه لانهم مب مجبورين يتحملون نفقات اللغه ,,

اذا مب مجبورين !
ليش مايتدرسونا انجليزي من الاعداديه !
بتقولي فيه ويدسونكم
بقولك المدرس يدخل عربي ويطلع عربي
ولو شيسوى كلمتين على بعض مايدرسنا انجليزي !
مب احنا عيال البلاد ! شلون مب ملزومين !
ليش كل الدول ملزومه اله احنا ! escape

عندك العساكر في لغه ,, بروة ,, ديار ,, البترول ,,

اي بس بعد ماشتغل عندهم بحدود سنه !
ويشوفونك تستاهل ولا لا !
ليش كل هالتعقيد !
من حق الشركات اتاكد قبل ماتدز حد !
ولاكن الدوله ؟! ليش ماتوفر من الاساس !

وبالنسبه للرواتب ,,
مافي شي اسمه اطرش فاتوره حق السفاره وتدفع ,, الا اذا كان يشتغل فالسفاره ويعطونه بدل سكن ,,

والله اخوي هذا الي يحصل قدامي !
كل يوم فاكسات وايميلات اتطرش للسفراتهم بخصوص الشقه او الفندق !
ومن حقك ماتصدق انا يوم دريت انصدمت !

السعودي ,, تقريبا راتبه 3000 حدددده مب اكثر ,,
الاماراتي ,, ممكن يوصل 3500 ,,
الكويتي ,, مادري بس مب وايد ,,
القطري ,, المرشحين يستلمون 5000 ,, والباقي على حسب جهة الابتعاث ,,

اخوي لو قريت ردي بتعرف ان الشباب هم الي عطوني او بلغوني بمعاشاتهم
ولاكن بخصوص الامرات مب واحد ولا اثنين ولا حته ثلاثه !
حول الخمسه قالولي نفس السعر !
ومب من نفس الولايه !
انا اعرف ٢ فولايه يوتا يعطونهم نفس المعاش !!

التأمين الصحي مجبوور على السفاره ,, واي طالب من حقه ياخذ تأمين صحي ,, وكل الربع عندهم من السفاره ,, وقطر للبترول تعطيهم واحد ثاني بعد ,,

تآمين صحي ومطلعينه ! وجزاهم الله خير !
ولاكن التامين من الجامعه بـ ١١٠٠ دولار !
هاي الي قدرو يوفرونه ؟!


ومب شرط ناخذ سنه فاللغه ,, ليش انت تبي تبدأ من الصفر ؟ اكيد عندك لغه خفيفه يبيلها تطوير بس ,,


صح مب لازم ! ولاكن على حسب الجامعه
في جامعات عندها ٤ لفلات
وفي جامعات ٨ لفلات !
ماعرف شلون تقسيمتهم ولاكن
مب الكل راح يبدى مثلي من لفل ٣ ! انا الحمدلله عندي لفل ٣ اخلصه
وبعده لفل ٤ وادخل الجامعه !
ولاكن غيري ممكن يبدى من ٢ وحتى ١ !!


وترى نسبه 82٪ قبل كانت تساعدك ,, الحين الكل يبي 85٪ وفوق

ليش؟ مثل من؟
الدوله ؟ اذا ع الجامعه تقولك جيب القبول وكان الله غفور رحيم !
الحين الي من فوق الـ ٨٠٪ حاله من حال الي فوق الـ ٩٠٪
تبي مثال؟
حاضر ومن عيوني
واحد من الربع ! نسبته ٩٢٪ !!
نسبه حلوه !! قدم على سلاح الجو وامن الدوله
ونفس الشي كان معاه واحد نسبته ٨٤٪ دور ثاني !!
تخيل ان امن الدوله وسلاح الجو اتصلوله لراعي الـ ٨٤
وصاحب الـ ٩٢ قالوله تعال المقابله وخلاص من بعدها حتى الفحص
ماعطوه موعد !
ها اخوي شقولك على هالكلام ؟

والله يعينك ان شاءالله

الله يعين الجميع ومنور اخوي


:playball:

[بن منصور]

لا والمصيبه انك لاجيت تبي اتوظف في مكان
اووووووووووول شي قبل لاتقعد عالكرسي في المقابله
س/عندك لغه ؟؟
اللي يقول مخلصين ثنوية براد فورد مو مدرسة بن تيميه وشلتها
لدرجة ان اللي عنده ثنويه واللغه قويه عنده يقدمونه على الجامعي
كل شي بالإنجلش
كله بصوب واللي تكلم في وطني الحبيب صباح الخير اليوم بصوب
يأنا ظحكت ظحك على الشايب ..صج قلبه متروسه ((على قولة داوود حسين))
عور قلبي قاعد ينتقد مستشفى حمد كل اعلاناتهم او لافتاتهم بالإنجليزي وهو ظايع في الطوشه
ومن كثر ماهو مقهور قاعد يجيب امثال مالها خص
يقول حق مقدمة البرنامج الحين جلدج لو تشيلينه شنو بيطلعلج ؟؟ قالت عظم ..
قال عليج نور ...وانا اسوق ركبت الدوار من الظحك

[rawda]

اللحين صارت عاللغه ..

هذاحنا صارلنا ثلاث سنين ندرس من بين لندن وامريكا !! وللحين مب ملاقين بعثه

خلها على ربك ..

قول الحمد لله ان ابوك يزاه الله خير ويطول بعمره بعثك .. ولا غيرك مب قادر على هالشي


الحمد لله على كل حال

وانا صراحه متخذ قرار وان شاء الله بيصير

لي جيت باتخرج .. لاني بشايل علم ولا غيره.. مابودي شي معاي إلا صوره ابوي الله يحفظه .. قولو آمين

[بوعلي-Qtr]

الله يعلم بالحال ياخوي
انا الحين ادرس لغة على حسابي ..
والله يوفقنا ونخلص
بس تبي الصج .. اللي عندهم بعثات لغة عايشين حياتهم

لا وازيدك من الشعر بيت
رسوم تقديم الفيزا .. يطرشون الفواتير حق السفارة ويعوطونهم الفلوس بالتمام والكمال


الله كريييييم

[حـ ن ـيـ ن]

صح كلامك اخوي ولاكن الجسر يطلب ٤ ونص ايلس !
ليش فوق راسهم ريشه؟
هذا انا فجامعه من اكبر الجامعات في امريكا ولله الحمد
يوم دخلت برنامج اللغه ماطلبو الايلس !

وبخصوص الاحمر
اخوي كم من كل ١٠٠٠ طالب قطري ممكن يروح علاشان هاللغه؟
الي هم الفرنس والالماني !
الله يهداك خلنا نفتك من الانجليزي بالاول بعدين نفكر بالباقي

وبعدين اخوي اتوقع الي يدرس لغه بالخارج غيييير عن الي يدرس بالدوحه !
اهني انت تعاشر ٢٤ ساعه اجانب !
تنجبر تكلم نفسهم
تنجبر تلبس نفسهم
تنجبر تفكر نفسهم !
ولاكن في الدوحه الصبح في الجسر
والعصر فالعديد ماسوينا شي :app2:

ع العموم مرحب اخوي منور

اتفق معك ...دخلت دورات لغة على حسابي في الدوحة طلعت بشهادة وتقدير حلو بس المحادثة

ماتغيرت عندي وبعد دخلت دورة لغة في العمل وكانت فاشلة جداا...

وانا حاليا في امريكا وان شاء الله تسمح لي الظروف اني اخذ لغة

[شنايدر]

اتفق معك اخي الكريم في كثير من النقاط وخاصه اني مررت بآكثر منها ..

والله ثم والله لم لم اسمع عن مؤسسه حكوميه الا وانا طقت بابها ..

Cv من احلى السفيات ..
5 قبولات جامعه في بريطانيا (تخصص قانون)
٥.٥ ielts
شهاده من abp (برنامج الجسر الاكاديمي)
نسبتي في الثانويه ٨٣ علمي حكومي

يمين يسار ما فيه .. كلهم قالو لي عطنا ايميلك وبعدين لو كنت في سنه ثالث احتمال نكلمك ..
QATAR FOUNDATION
Qatar Petroleum
ٍRASGAS
SHELL
مؤسسه الكهرباء والماء
شركه الديار
تسويق
كثير من المؤسسات الحكوميه ..
الترشيحه كامله ولا اتصال ..


قطر للبترول قدمت عليهم كذا مره .. وكل مره اسمع منهم نفس الرد .. تدل الباب *_*

كثير من المؤسسات قبظتني الباب ..

شركه الديار .. والله اعرف ناس فشله يمعنى فشله في الثانويه نسبهم في ال ٦٠ رايحين لغه ..؟ او تخصص ..!!

هو مب حسد لا وربي ..لكن انا رايح ودارس ومقدم ٩ امتحانات ايلز لين ما جبته عاد انت اضرب كم قيمته الامتحان ..
٩ * ٨٠٠

وفي النهايه .. قالو لي اخوي سيفيك ضاع مب مشكله هاكم واحد جديد .. بعدين قالو واحنا ما نبي قانونيين تعالنا سنه ثالثه ..



اعرف لي واحد متخرج من من فرنسا تبهذل قل على ما يحصل البعثه وما خلا مكان الا ما قدمه .. ولا عطوه وجه ..

ويوم جا يوم التخرج يقولي انصدمت ان قصر للبترول جايينا ومعاهم عقود ٤ سنوات ..

يقول سفهت لهم وحركت ..

اللي ابي اوصله .. احنا عددنا ٣٠٠٠٠٠ الف .. انا ما اتكلم على اللغه لانها بيني وبينك اجتهاد شخصي منك .. بتشد حيلك بجيبها حتى لو انت في بيتكم وهذا هو اللي صار لي ..

يعني احنا ولا شي ترى بالنسبه للدول الاخرى .. يوم اجي للشركات والمؤسسات يقبضوني الباب ..؟ ليه ؟

انا فيني قهمر من قطر للبترول .. وانا متآكد انهم راح يجوني على سنه ٣ لكن ..

انا حالف بالله ان امسح فيهم بلاط الارض اللي راح يكلمني على الجوال او فيس تو فيس .. لان نظام البعثات عندهم واسطات في واسطات وانا ما اتكلم الا وشفت كذا واحد قدامي يتفاخر بالشي ذا وهو ما عنده لا لغه ولا نسبه ولا شي اللهم له فلان يشتغل هناك ..

[Qatarianes]

The country provides The English course in academic bridge program instead of studying the language abroad from 8 to 9 years they already stopped sending any student to study english language abroad but I think u can travel if u want to study French or Germany I totally agree with them because I did the same thing I studied the English course in Qatar and I completed my bachelor course abroad which make it much easier for me*

it's noted that you didn't rethink your words before posting it thus I'll do it my self.
how the hell somone goes abroad to study language( english obvoiusly) for 8-9 years :eek5:
as far as I know, ppl study medicine along with the langugae during that period.

that was for number one item
now for number two item, which is regarding the ABP, aka Academic Bridge Program.
I've studied there and I really don't have a problem studying the language there and yeah it was so benefial
but sorry it's just useless in the sense of wasting time( and time ofc is of the essennce), for I was forced to do a foundation year with english courses all again. !:eek5:
wth, I've already got 570 in Toefl why the enlgish all over again
anyways that's what was in my mind

and in the end, i think the country should not hasitate in that matter if they were really honest about that vision of 2030
i thought we were involved in it

but from now my own vision of 2030 of Qatar = Dubai in 2010 :tease:

cba to correct typose.:shy:

[الصريحه]

ماادري
احسن لك كان دخلت الامن افضل

[قطرية فذة]

وضع عادي طبيعي اللي يصير

جات عليك بس

بختصار

شيل عمرك بعمرك

[مشتاقة لقطر]

الله يوفقك ويردك بالسلامة وتلقى حلى وظيفة تتمناها يارب

[قلب قطر..!]

هذا هو حالنا من بدينا الألفيه الجديده واحنا في تدهور

الله المستعان

[maruuma]

العماني بدون شروط اللهم تدخل الجامعه والمعاش ٢٩٠٠ دولار بالشهر

عاد قول شلون يدخل الجامعة .. عقب ما تطلع عيونه واذونه ولهاته وعافيته

العماني بالزور يدخل الجامعة " واللي اقصدها جامعة السلطان قابوس "

يعني الدوحة ارحم للقطري والعماني في دخول الجامعة

والله المستعان

[تحداني]

إن قلت الحقيقه يقولون لك إنت دائما ضد الطالب
وإن سكت عن الحقيقه تشوف تناقض عجيب غريب في الردود
وإن فضلت الصمت .. تحس ما تقدر ودك تتكلم وتقول

يا ترى متى نتعامل مع بعض الامور بمنطقيه .. ومتى نحاسب أنفسنا إن قصرنا
ونحاسب الوطن متى ما قصر معانه .. .. ليه مصر البعض يحمل اخطائه جهات ومؤسسات
ويلصق الخطأ بإسم الوطنيه



الله يوفقك يارب .. وتتخطى اللغه .. وتبتعث عن طريق أي جهه تتمناها
ويعطونك نفس إلي ما يعطون الإعماني .. وإنتوا مصرين تقارنون ..
وليت المقارنات عادله


جملك الله برضى الرحمن

[شنايدر]

إن قلت الحقيقه يقولون لك إنت دائما ضد الطالب
وإن سكت عن الحقيقه تشوف تناقض عجيب غريب في الردود
وإن فضلت الصمت .. تحس ما تقدر ودك تتكلم وتقول

يا ترى متى نتعامل مع بعض الامور بمنطقيه

آي منطقيه تتكلمين عنها اختي الكريمه .. عندما نرى ابسط الحقوق تنهب من امامنا ..؟

ما فائده التعب كل هذه السنوات .. ؟

انا لا اتكلم عن اللغه لانها في رآيي اجتهاد شخصي مثلمها حدث معي لكن ..

آنتكرين اننا لا نستطيع مقارنه انفسنا مع الدول الاخرى ..؟

عدد السكان صغير - يوجد لدينا فائظ من الاموال - الكثير من المؤسسات ..

لكن ما يجعل المرء يفقد صوابه الا وهو ان يسلب حقه امام عينه ..

اين العدال من كل هذا .. ماذا تريدين منا ان نفعل .. من الطبيعي اننا صدمنا واحسسنا بالقهر على هؤلاء الناس ..


.. ومتى نحاسب أنفسنا إن قصرنا
ونحاسب الوطن متى ما قصر معانه .. .. ليه مصر البعض يحمل اخطائه جهات ومؤسسات

مع احترامي الشديد لك اختي والتقدير .. وانا لا اتكلم الا عن تجربه شخصيه معهم ..
اغلبهم وانا اعنيها يتحملون المسؤلييه .. لان الذي لا يملك الواسطه لا يستطيع ان يفعل شيئا .. بالنسبه لي كان صدمه فعلا .. مع كل شهاداتي وتعبي ..ولكن م لا تقل تبا لشيئا قد حصل .. وانما قل قدر الله ماشاء فعل ..

ويلصق الخطأ بإسم الوطنيه



الله يوفقك يارب .. وتتخطى اللغه .. وتبتعث عن طريق أي جهه تتمناها
ويعطونك نفس إلي ما يعطون الإعماني .. وإنتوا مصرين تقارنون ..
وليت المقارنات عادله


جملك الله برضى الرحمن
................

[روح الاطلس]

لا تعليق

ولا للمقارنات

قلنا لكم قطر هي رائدة التعليم في المنطقة ..كل سياسات قطر التعليمية صح رضيتوا ولا مارضيتوا

باقي الدول عندهم غباء مركب مايفهموووون

افهموا قطر اي شي تسويه وتنفذه في التعليم صاااائب وغير قابل للنقاش

[شنايدر]

لا تعليق

ولا للمقارنات

قلنا لكم قطر هي رائدة التعليم في المنطقة ..كل سياسات قطر التعليمية صح رضيتوا ولا مارضيتوا

باقي الدول عندهم غباء مركب مايفهموووون

افهموا قطر اي شي تسويه وتنفذه في التعليم صاااائب وغير قابل للنقاش

توقعاتي للجيل الجديد .. انه يصيبح متمكن من : -
- اللغه
- اللعلوم البحته
- حصيله علميه قويه ..

لكن اذا نضرت الى الجانب المضلم سترى العجب العجاب ..
- ضعف قوي في اللغه الام . الا و هي اللغه العربيه ..
سيصبح من الصعب عليهم فهم القرآن الكريم والسبب في ذلك ضعفهم اصلا في اللغه العربيه ..

- الاخلاق الاخلاق الاخلاق من الصعب جدا تآسيس جيل من دون الاخلاق التربويه التي تحصن الطالب او فتى المستقبل من كل المخاطر .. ،اعنيها ب الاخلاق ؛ الثقافه الدينيه التي تكاد معدومه في المدرسه والبيت كذلك ؛

ولم الحريه في التوقع .. فيما سيحدث ..

انا لست ضد الموسسات الحكوميه في تطوير مناهج التعليم ولكن .. يجب ان يدرس الامر بسلبياته وإجابياته كذلك .. يجب ان يتم دراسه فرضا ماذا سيحدث اذا ما حدث كذا وكذا ..

اما ان يتم قلب الموازين في ليله وضحاها فهذا الخطاء بعينه ..

المشكله ان المؤسسات الحكوميه تريد تطوير الدوله خلال فتره زمنيه قصيره وهذا من الامر المستحيل .. لانه سيجلب لنا الكثير من المشاكل ،، ولنا في الواقع خير مثال ..

ولنا في مصر الشقيقه مثال يحتذا به . مناهجهم من اصعب المناهج في العلم .. لو تمت مقارنه الطالب الثانوي في قطر وفي مصر .. لرآيت العجب العجاب ..

[بوطويشم]

السلام عليكم

الحمد لله على كل حال

ما عندي شي اقوله

الله يوفقكم وتجيبون الشهادة

[ريم المدينة]

الله المستعاااان....

[Emarati]

باقي الدول عندهم غباء مركب مايفهموووون



ليش بقر مثلا :) ؟
تكلم عن قطر ولا تفتي بغيرها دام ما تعرف شي

[w4rr10r]

الله يعينك يالبيق ..

الا متى رآح ترد من امريكا ؟

[روح الاطلس]

ليش بقر مثلا :) ؟
تكلم عن قطر ولا تفتي بغيرها دام ما تعرف شي

انا فعلا اتكلم عن قطر !

انا تكلمت بلسان المسؤلين في التعليم في قطر هذي وجهة نظرهم

ان كل الدول جاهله وماتفهم ومتأخرة تعليميا وقطر بس هي اللي وجهه نظرها صح !!

انا استخدمت اسلوب تهكمي

ولو جيت بتكلم معك بكل صراحه انا اشوف ان اللي ماسكين التعليم في قطر هم اللي عندهم جهل وعنجهيه وغرور زائد

لان قطر هي الدولة الوحيدة في الوطن العربي اللي مواطنينه مايقدرون يدشون جامعات ولا ياخذون بعثات ميسرة :)

[روح الاطلس]

توقعاتي للجيل الجديد .. انه يصيبح متمكن من : -
- اللغه
- اللعلوم البحته
- حصيله علميه قويه ..

لكن اذا نضرت الى الجانب المضلم سترى العجب العجاب ..
- ضعف قوي في اللغه الام . الا و هي اللغه العربيه ..
سيصبح من الصعب عليهم فهم القرآن الكريم والسبب في ذلك ضعفهم اصلا في اللغه العربيه ..

- الاخلاق الاخلاق الاخلاق من الصعب جدا تآسيس جيل من دون الاخلاق التربويه التي تحصن الطالب او فتى المستقبل من كل المخاطر .. ،اعنيها ب الاخلاق ؛ الثقافه الدينيه التي تكاد معدومه في المدرسه والبيت كذلك ؛

ولم الحريه في التوقع .. فيما سيحدث ..

انا لست ضد الموسسات الحكوميه في تطوير مناهج التعليم ولكن .. يجب ان يدرس الامر بسلبياته وإجابياته كذلك .. يجب ان يتم دراسه فرضا ماذا سيحدث اذا ما حدث كذا وكذا ..

اما ان يتم قلب الموازين في ليله وضحاها فهذا الخطاء بعينه ..

المشكله ان المؤسسات الحكوميه تريد تطوير الدوله خلال فتره زمنيه قصيره وهذا من الامر المستحيل .. لانه سيجلب لنا الكثير من المشاكل ،، ولنا في الواقع خير مثال ..

ولنا في مصر الشقيقه مثال يحتذا به . مناهجهم من اصعب المناهج في العلم .. لو تمت مقارنه الطالب الثانوي في قطر وفي مصر .. لرآيت العجب العجاب ..


ردك جميل مع انه خارج محور الموضوع الاساسي وهو لماذا لا تتحمل الدولة نفقه تعليم اللغة الانجليزية على الاقل لمدة سنة وحده( دخيل الله حتى ست شهور راضين عيالنا فيها)


وتعقيب على كلامك

احنا مش ضد النهضه التعليمية ولا ضد اعادة هيكلة التعليم لكن ضد سد الطرق المساعدة

مثلا في السابق كانت البعثات تشمل اللغه + المرحلة التعليمية

كان الموضوع سهل وميسر

جاو ناس في المجلس الاعلى الموقر

ومسكو الة حاسبة وقعدوا يحسبون التكاليف قالوا ياجماعه الخير لو فتحنا كورس لغة للطلاب محد بيتم يدرس في قطر وثانيا الكل بيصير معه شهادة من برا ويجي ينافسنا على الكرسي فالافضل شنو نقلل البعثات

طيب فكروا شلون يقللون هالموضوع

قالوا نحط شروط صعبه

سابقا كانو يطلبون 7 ايلز !! حتى لو الجامعة ماتطلب الا 5.5 !!!
بعد فترة شافوا الانظار توجهت عليهم والشكاوي كثرت

قالوا خلاص بنحط له قائمة معينة من الجامعات اللي ماتقبل احد بدون ايلز او توفل :victory: شوف الدهاء
مع انه في جامعات شروطها سهله وبعضهم تعفي الطالب من الايلز او التوفل بشروط معينة
انتبهو الجماعه في المجلس الاعلى للثغرة القانونية الكبيرة قاموا شلوا اسماء جامعات كثيرة وخلو جامعات شروطها صعبه

وحققوا اللي يبونه

لا طلاب قطر درسوا لغه
ولا قدروا يطلعون برا للدراسة على حسابهم
ولا قدروا يدرسون في ديرتهم

وبالتالي محد بيجي ينافسهم على مقاعدهم الا فئة قليلة جداااا وهالفئة بيكونون مثل العملة النادرة اللي الشركات تتهافت عليهم

ولو تشوف عدد المبتعثين عددهم جدااا جدااا قليل مقارنة باعداد الخريجيين من الثانوية او البكالوريوس

ودام الاعداد قليلة اجل مافي داعي للملاحق الثقافية وسكروها :)

ارفع قبعتي للمخ العبقري اللي يخطط في المجلس الاعلى :)

[بوحارب]

اخوي سعود تبي تتعلم لغة مضبوطة ؟؟؟

تعال عندي بدرسك اللي تعلمته من الأطلنطي

96% من كلامي حرقات هههههههههههههههههههههه

[شنايدر]

ردك جميل مع انه خارج محور الموضوع الاساسي وهو لماذا لا تتحمل الدولة نفقه تعليم اللغة الانجليزية على الاقل لمدة سنة وحده( دخيل الله حتى ست شهور راضين عيالنا فيها)


وتعقيب على كلامك

احنا مش ضد النهضه التعليمية ولا ضد اعادة هيكلة التعليم لكن ضد سد الطرق المساعدة

مثلا في السابق كانت البعثات تشمل اللغه + المرحلة التعليمية

كان الموضوع سهل وميسر

جاو ناس في المجلس الاعلى الموقر

ومسكو الة حاسبة وقعدوا يحسبون التكاليف قالوا ياجماعه الخير لو فتحنا كورس لغة للطلاب محد بيتم يدرس في قطر وثانيا الكل بيصير معه شهادة من برا ويجي ينافسنا على الكرسي فالافضل شنو نقلل البعثات

لا اوافق اخي الكريم في هذه النقطه ..

طيب فكروا شلون يقللون هالموضوع

قالوا نحط شروط صعبه

سابقا كانو يطلبون 7 ايلز !! حتى لو الجامعة ماتطلب الا 5.5 !!!
بعد فترة شافوا الانظار توجهت عليهم والشكاوي كثرت

قالوا خلاص بنحط له قائمة معينة من الجامعات اللي ماتقبل احد بدون ايلز او توفل :victory: شوف الدهاء
مع انه في جامعات شروطها سهله وبعضهم تعفي الطالب من الايلز او التوفل بشروط معينة
انتبهو الجماعه في المجلس الاعلى للثغرة القانونية الكبيرة قاموا شلوا اسماء جامعات كثيرة وخلو جامعات شروطها صعبه

وحققوا اللي يبونه

لا طلاب قطر درسوا لغه
ولا قدروا يطلعون برا للدراسة على حسابهم
ولا قدروا يدرسون في ديرتهم

وبالتالي محد بيجي ينافسهم على مقاعدهم الا فئة قليلة جداااا وهالفئة بيكونون مثل العملة النادرة اللي الشركات تتهافت عليهم

ولو تشوف عدد المبتعثين عددهم جدااا جدااا قليل مقارنة باعداد الخريجيين من الثانوية او البكالوريوس

ودام الاعداد قليلة اجل مافي داعي للملاحق الثقافية وسكروها :)

ارفع قبعتي للمخ العبقري اللي يخطط في المجلس الاعلى :)



كلامك رائع اخي الكريم .. بكل صراحه احسد الاخوه السعوديين على ما انعم الله عليهم من رؤساء لديهم من العقل الراجح والتفكير المنطقي ما لم ينعم الله على بعض مسؤلينا ..

اكثر من ١٢٠ الف طالب سعودي مبتعث في جميع انحاء العالم لدرجه ان بعض الدول ارسلت للملحقيه السعوديه بآنه تم الاكتفاء هذه السنه ..


يعجبني فيهم بآنهم يرددون عباره بآن الاستثما في العقل مشروع ناجح بكل المقاييس حتى وان لم يفلح الطالب .. سيظل ناجح كذلك ..

اعجبني بآنهم وضعوا خطه في وقت محدد في المستقبل وانه في التاريخ المحدد يجب ان يتم تحقيق النقاط التاليه .. ا ، ب ، ج ،


كنت افكر في فكره سابقا ولكن كنت اقول لنفسي بآنها سخيفه ولكن ما ان ارجع وافكر فيها مره اخرى ..

فرضا اخي الكريم ..
مؤسسه ras gas

لو افترضنا مثال بآن نسبه القطريين ٢٥ ٪ وهذه هي النسبه التي صرح بها دكتور ابراهيم الابراهيم ..
اذا ان نسبه العماله الوافده ٧٥ ٪ ..

طيب لماذا لا توجد خطه لل hr بآن خلال ٥ او ١٠ سنوات يجب تقليص هذه النسبه من ٧٥ الى ٦٥ .. ؟
صعبه .؟ لا والله .. بل اسهل بكثير مما يتوقعون ولكن لماذا لم يتم تطبيق الخطوه الاولى .؟

لو فرضنا بآن كل الشركات وضعت هذه الخطه وفعلا اجتهدو عليها والله سنرى عدد خريجينا اكثر مما توقعنا وسنفرح كثيرا عنذما نرى في الجرائد بآن خلال سنه من السنوات .. تم تخريج : - ١٠٠ مهندس قطري على الاقل هذا عدا الخريجين الباقين ،، واقصد ان هؤلاء تخرجوا فقط من الخارج فما بالك من الجامعات الراخليه التي تخرج كل سنه اعداد والله ان جيراننا يظكون علينا ..

لدي الكثير لكن .. اترك الباقي لكم ..


لو قارنت السعوديه ب قطر في جميع المقاييس .. مع احترامي الشديد . .

قطر لديها فرصه ذهبيه ان لم تستغلها سكنون نحن الخاسرون ..

بالتوفيق ..

[شنايدر]

بالنسبه للسؤال

لماذا لا تتحمل الدولة نفقه تعليم اللغة الانجليزية على الاقل لمدة سنة وحده( دخيل الله حتى ست شهور راضين عيالنا فيها)

المجلس الاعلى للتعليم كما تعلم ان ضهر في ليله وضحاها لذلك فإنه واثق بآن التعليم في المدارس مفيد جدا (التعليم المستقل)

انا اتفق مع المجلس الاعلى للتعليم في هذه النقطه لكن ليس الان ..؟

هذا الكلام بعد ٥ او ٨ سنوات يعني الطالب اللي دخل المدرسه المستقله من صف ٦ فرضا و كمل ٦ سنوات في المستقله وكل شي انقلش اتوقع اذا كان مجتهد راح يجيب ٦ او ٦.٥ في الايلز .. لكن ..

ماذنب طلاب الحكومه .. الذين تخرجوا بدرجه عاليه سواء كانو من القسم العلمي او الادبي ..

شي اكيد ان الاقلش راح يكون تعبان .. وش تبيهم يسوون ؟

يشتغلون سكيورتي في قطر للبترول نفس اغلب الناس ما سوت ..

او الانضمام في جامعه قطر ..

انا عندي سؤال محير فعلا ..

لو قارانا جامعه قطر وجامعه القاهره .. في القبول ..

نلاحظ ان جامعه قطر لديها شروط تعجيزيه حتى انها اصعب من الجامعات البريطانيه نفسا ،، بس لو رآينا الترتيب العالمي كلوا بصل ذاك اليوم

ولكن جامعه القاهره من اقوى الجامعات والقبول سهل جدا ..

الله يرحم الحال ..

اتمنى قبل ان يتم اتخاذ اي قرار وضع استفتاء ودراسه الموضوع بجديه لكن فيه ناس ضاع مستقبلهم بسبب قرارات طائشه من مسؤليين لم يخافو الله فينا

[روح الاطلس]

اخي الفاضل شنايدر اطلعت شخصيا على النظام السعودي للتعليم العالي

فعلا معك حق الفكرة العريضة هي " لا خسارة في استثمار العقول "

والقائم على برنامج الابتعاث هو خادم الحرمين بنفسه

اهتمام منقطع النظير وارسل كتب واضحة من قبل الديوان الملكي لكل جهه في المملكة بتسهيل ابتعاث الموظف وحفظ مكانته الوظيفية وله الحق بأخذ زوجته واطفاله مرافقين مع التكفل بكافة تعليمهم ونفقاتهم حتى لو كان عسكري :) يترك الوطن ويذهب للدراسة

اتعلم ان البعض من الذين لم يجدوا وظيفة قرروا استكمال الدراسة العليا نظراً لان الراتب مغري واعلى من الوظيفة :)

في قطر الحال مختلف " الاستثمار في التعليم هو اموال مهدوره " والمبرر الوحيد الذي لا يوجد عليه اختلاف لالغاء بعثات اللغة هو مادي بحت

وصدقني في كل دولة هناك اناس عابثين يريدون اللهو والسياحة وهناك على النظير جادين يريدون التعلم ومواصلة التعليم

لو نفتح كل باب في المنظومة التعليمية في قطر سنحتاج الى ملايين الصفحات ولن ننتهي

النظام بأكمله عليه ملاحظات

لايوجد شيء له علاقة في التعليم نقدر نقول عنه (بيرفكت ) او يقترب من الـ ( بيرفكت )

تكلمنا في المنتديات وتكلمنا في الجرائد وتناقشنا مع المسؤلين وجها لوجه وطرحنا العديد من القضايا ابتداءاً من الروضة حتى الدكتوراة ولكن لا حياة لمن تنادي

كلمة يرددها المسؤلين وهي مقتبسة من الدكتورة شيخة المسند
قالتها في احد المقابلات عندما سئلت عن كثرة الانتقادات التي توجه للتعليم في قطر فقالت
( هؤلاء مناهضين التغيير )

فنحن نعتبر مناهضين للتغير ان انتقدنا لانهم ومايسيرون عليه صواب ونحن على خطأ .. فمادام هذه نظرتهم لن يتغير شيء

وشعبنا شعب صامت تعود على الانصياع والطاعه بدون نقاش !

[روح الاطلس]

شنادير لو اخذت عينة عشوائية من طلاب المدارس المستقلة وركزت على الاوائل منهم وسويت معهم مقابلة بالانجليزي بتتفاجأ بمستوى اللغة التعبان حتى هؤلاء يحتاجون الى كورسات لغة

الانجليزي في المدارس المستقلة لمدة 12 سنة صدقني بالامكان اختصاره بكورس لغة لمدة ست الى ثمان شهور في احدى الدول الناطقة بالانجليزية ( لمن اراد الدراسة هناك)


بالنسبة لجامعة القاهره كان لي لقاء مع احد الدكاترة فيها وتحدثنا عن الجامعات وشروط القبول والخ

عندما اخبرته ان البكالوريوس عندنا يحتاج الى توفل 500 قبل الدراسة حتى لتخصص العربي والشرعية فتح عينه وقال هااااااه معقوووول !!

واجاب ان في جامعة القاهره اللغة اختيارية وليست اجبارية

فالطالب يختار بأي مسار يدرس هناك مثلا تجارة انجليزي وتجارة عربي وتجارة فرنسي

وعند التخرج يواجه اختياره ان كان دارس بالعربي بيتوجه للحكومة او التدريس او اي قطاع اخر
وان كان دارس بالانجليزي سيختار البنوك وخلافه او الشركات
او الفرنسي

واعتقد هذا الشيء فيه مرونة كبيرة

[شنايدر]

اخي الكريم .. سآصبر حتى يمل صبرهم من صبري ..

اذا كان **** يفضلون الصمت فآنا لم اتعود على ذلك ..

اذا كانو هم من السحى خايفين يتكلمون في الجرائد او ما الى ذلك فآنا لست كذلك ..


اخي الكريم لو فكرت بالعقل .. هم تفكيرهم صح بس الوقت غلط ..

هم افكارهم تطويريه ولها اهداف ساميه لكن ..

من مصير الكثير من الطلاب .. الذين حفرت قبورهم في جامعه قطر ..

بعض الناس ما عندها تصرف $$ .. . على اللغه ..

لو تم تطبيق ما وضعوه خطوه بخطوه و بكل حطوه سجلوا النتائج .. سيصبح من الصعب ان نقع في الخطاء ..

خافوا الله فينا ..

[شنايدر]

انا الحمدلله بآجتهاد شخصي والبحث والقراءه والسؤال ..

قدرت اني اجيب اللغه ..

لكن اعرف لي شباب والله انهم اشتغلوا سنه او ستين الا ان جمع المال الكافي بعد ذالك سافر للغه ومنهم من دخل المعاهد حتى ان حصل عليها ولكن كانت بالصعوبه الفاذقه للبعض ..

[روح الاطلس]

وانا اتفق معك ان الدولة كثر الله خيرها فتحت مجال ابتعاث حتى لو محدود بس المهم فتحته (وهو موجود بكل الدول حتى مصر وليبيا وغيرها من الدول )

والمجتهد بيتجاوز كل العقبات وبيسعى وبيجتهد لتحقيق حلمه فإن كانت اللغة عائق سيحاول تخطيها هذا ان كان شخص طموح

لكن ايضا من حق الطالب على دولته الاستفادة من خيراتها فأموال الدولة اموال الشعب وان لم يتم صرفها في مصارفها الحقيقة اذا مالفائدة منها!!

الشعب له الحق في التعليم المجاني وهذا ابسط شيء من حقوقه
وله الحق في ان يتم استثمار عقله وصقل مواهبه ليعود على الدولة بالفائدة

الخلل اظن انه يكمن في النظرة الاستراتيجية او المستقبلية

كم شخص سوف يتحمس ويفرح ويجتهد لو شاف اموره مسهله وميسره؟
وكم شخص هو فعلا طموح ومهما كانت الصعاب سيتخطاها؟

هناك الكثيرين متفوقين وحاصلين على نسب عالية لكن التحطيم بسبب عدم وجود لغة يحرمه من حق مواصلة الدراسة وبالتالي تكون الدولة خسرت احد متفوقيها

اعتقد ان الطالب له حق في دولته بتسهيل تعليمه سواء داخل او خارج البلد
والبلد ايضا لها حق بأن يعود الطالب ليعمل وينقل خبرات دولية لبلده

بالاخير ليس هناك خسارة فالكفة متوازنه

والاستثمار الحقيقي في العقول

ولا يوجد خسارة مادية في العلم

[سداوي&مدريدي]

(( الدوله مشغوله بملف كأس العالم وتكييف الملاعب ))

:nice:

[al-sadd]

لا والمصيبه انك لاجيت تبي اتوظف في مكان
اووووووووووول شي قبل لاتقعد عالكرسي في المقابله
س/عندك لغه ؟؟
اللي يقول مخلصين ثنوية براد فورد مو مدرسة بن تيميه وشلتها
لدرجة ان اللي عنده ثنويه واللغه قويه عنده يقدمونه على الجامعي
كل شي بالإنجلش
كله بصوب واللي تكلم في وطني الحبيب صباح الخير اليوم بصوب
يأنا ظحكت ظحك على الشايب ..صج قلبه متروسه ((على قولة داوود حسين))
عور قلبي قاعد ينتقد مستشفى حمد كل اعلاناتهم او لافتاتهم بالإنجليزي وهو ظايع في الطوشه
ومن كثر ماهو مقهور قاعد يجيب امثال مالها خص
يقول حق مقدمة البرنامج الحين جلدج لو تشيلينه شنو بيطلعلج ؟؟ قالت عظم ..
قال عليج نور ...وانا اسوق ركبت الدوار من الظحك

هههههههههه
ياخوك من القهر !
غصب بيغلط ^^
المصيبه كانه عمك اصمخ !
تكلم ومحد يسمعك
شنقول ياخوي خلها على الله

[al-sadd]

اللحين صارت عاللغه ..

هذاحنا صارلنا ثلاث سنين ندرس من بين لندن وامريكا !! وللحين مب ملاقين بعثه

خلها على ربك ..

قول الحمد لله ان ابوك يزاه الله خير ويطول بعمره بعثك .. ولا غيرك مب قادر على هالشي


الحمد لله على كل حال

وانا صراحه متخذ قرار وان شاء الله بيصير

لي جيت باتخرج .. لاني بشايل علم ولا غيره.. مابودي شي معاي إلا صوره ابوي الله يحفظه .. قولو آمين

الحمدلله ياخوك ماقصر الوالد
ولاكن كلامي لغيري
يعني الحمدلله انا ورحت ادرس
لاكن متاكد كثااااار غيري مايقدرون
ويتمنون انهم يسافرون

بس اخوي اخر جمله لك ماحبيتها ^^"
تعال شوفني اهني صاير وطني ١٠٠٪ هههه
صحيح ان في امور كثيره في التعليم ناقصه
ولاكن تراها بلادك =) وحلو الواحد يعتز ببلاده مهما كانت منقصه عليه
يبقى خيرها واصل الكل =)

[al-sadd]

الله يعلم بالحال ياخوي
انا الحين ادرس لغة على حسابي ..
والله يوفقنا ونخلص
بس تبي الصج .. اللي عندهم بعثات لغة عايشين حياتهم

لا وازيدك من الشعر بيت
رسوم تقديم الفيزا .. يطرشون الفواتير حق السفارة ويعوطونهم الفلوس بالتمام والكمال


الله كريييييم


الله يوفقك اخوي =)
بس ماقتلي وين تدرس فامريكا؟
وباي ولايه ؟ ^^
يمكن تكون حولنا وحوالينا =)
منور اخوي

[al-sadd]

اتفق معك ...دخلت دورات لغة على حسابي في الدوحة طلعت بشهادة وتقدير حلو بس المحادثة

ماتغيرت عندي وبعد دخلت دورة لغة في العمل وكانت فاشلة جداا...

وانا حاليا في امريكا وان شاء الله تسمح لي الظروف اني اخذ لغة

اهني المشكله اختي
اعطيج اكبر مثال
عندنا في اللغه اهني
معضمهم صينيين ويابانيين وتايلانديين إلى اخره !
النطق عندهم تعبااااان والله مييييييييييييت
ولاكن جوفيهم في الكتابه والامور الثانيه تحصلينهم فنانيين
وانصدم انهم يقولون لي احنا انجي اهني بس علاشان نقدر نتكلم !

هاي نفس الشي صاير معاج
بما انج تدرسين في الدوحه او بدوله عربيه صعب انج تتكلمين انجليزي
وتتقنينها
واجباري تحتكين بالاجانب علاشان اللغه ترتفع =)

ع العموم اختي بتوفيق
وان شاءالله تاخذين وتوصلين للي تبينه وبزود

[al-sadd]

اتفق معك اخي الكريم في كثير من النقاط وخاصه اني مررت بآكثر منها ..

والله ثم والله لم لم اسمع عن مؤسسه حكوميه الا وانا طقت بابها ..

Cv من احلى السفيات ..
5 قبولات جامعه في بريطانيا (تخصص قانون)
٥.٥ ielts
شهاده من abp (برنامج الجسر الاكاديمي)
نسبتي في الثانويه ٨٣ علمي حكومي

يمين يسار ما فيه .. كلهم قالو لي عطنا ايميلك وبعدين لو كنت في سنه ثالث احتمال نكلمك ..
QATAR FOUNDATION
Qatar Petroleum
ٍRASGAS
SHELL
مؤسسه الكهرباء والماء
شركه الديار
تسويق
كثير من المؤسسات الحكوميه ..
الترشيحه كامله ولا اتصال ..


قطر للبترول قدمت عليهم كذا مره .. وكل مره اسمع منهم نفس الرد .. تدل الباب *_*

كثير من المؤسسات قبظتني الباب ..

شركه الديار .. والله اعرف ناس فشله يمعنى فشله في الثانويه نسبهم في ال ٦٠ رايحين لغه ..؟ او تخصص ..!!

هو مب حسد لا وربي ..لكن انا رايح ودارس ومقدم ٩ امتحانات ايلز لين ما جبته عاد انت اضرب كم قيمته الامتحان ..
٩ * ٨٠٠

وفي النهايه .. قالو لي اخوي سيفيك ضاع مب مشكله هاكم واحد جديد .. بعدين قالو واحنا ما نبي قانونيين تعالنا سنه ثالثه ..



اعرف لي واحد متخرج من من فرنسا تبهذل قل على ما يحصل البعثه وما خلا مكان الا ما قدمه .. ولا عطوه وجه ..

ويوم جا يوم التخرج يقولي انصدمت ان قصر للبترول جايينا ومعاهم عقود ٤ سنوات ..

يقول سفهت لهم وحركت ..

اللي ابي اوصله .. احنا عددنا ٣٠٠٠٠٠ الف .. انا ما اتكلم على اللغه لانها بيني وبينك اجتهاد شخصي منك .. بتشد حيلك بجيبها حتى لو انت في بيتكم وهذا هو اللي صار لي ..

يعني احنا ولا شي ترى بالنسبه للدول الاخرى .. يوم اجي للشركات والمؤسسات يقبضوني الباب ..؟ ليه ؟

انا فيني قهمر من قطر للبترول .. وانا متآكد انهم راح يجوني على سنه ٣ لكن ..

انا حالف بالله ان امسح فيهم بلاط الارض اللي راح يكلمني على الجوال او فيس تو فيس .. لان نظام البعثات عندهم واسطات في واسطات وانا ما اتكلم الا وشفت كذا واحد قدامي يتفاخر بالشي ذا وهو ما عنده لا لغه ولا نسبه ولا شي اللهم له فلان يشتغل هناك ..


ياخوك الواسطه فكل مكان !
مافي مكان اله وفيه واسطه !
لاكن تدري شالي يقهر
خل كل الشركات على صوب !
كلها من اولها لييي اخرها
امسك المجلس الاعلى
يالله شنو كارهم كره !!
اتصلهم اترد علاي وحده
اسئلها اختي عندكم بعثات للطلاب ؟
بعثات لغه طبعا
تقولي روح بحسابك الخاص احنا مانودي :anger1:

والله تنقهر
بالعربي ابلادك مالها شغل فيك !
يوم تجي تبي تدخل الجامعه ذيك الساع بتوديك !
صراحه لاتعليق
وهذا واحنا اغنى دوله في العالم
والله لو كنا في المرتبه ٥٠ ولا ٦٠ ع العالم تهقى شلون بنكون؟
احس مافي بعثات خير شر !! ربك يعين ياخوك

[al-sadd]

it's noted that you didn't rethink your words before posting it thus I'll do it my self.
how the hell somone goes abroad to study language( english obvoiusly) for 8-9 years :eek5:
as far as I know, ppl study medicine along with the langugae during that period.

that was for number one item
now for number two item, which is regarding the ABP, aka Academic Bridge Program.
I've studied there and I really don't have a problem studying the language there and yeah it was so benefial
but sorry it's just useless in the sense of wasting time( and time ofc is of the essennce), for I was forced to do a foundation year with english courses all again. !:eek5:
wth, I've already got 570 in Toefl why the enlgish all over again
anyways that's what was in my mind

and in the end, i think the country should not hasitate in that matter if they were really honest about that vision of 2030
i thought we were involved in it

but from now my own vision of 2030 of Qatar = Dubai in 2010 :tease:

cba to correct typose.:shy:

قلنالكم ان احنا رايحين لغه
يعني مب لي ذاك الزود
وترجمه قوقل الله بالخير ^^
الي يبي يكتب بنجليزي يريح عمره ! :tease:

[al-sadd]

ماادري
احسن لك كان دخلت الامن افضل

لا اختي انا ابي اجيب الجامعه ^^
ومابي اضييع سنه كامله اشتغل عندهم وبعدين يمكن نوديك
ماينفع معاي هالكلام :nice:

الله يعين اختي =)
منور ^^

[al-sadd]

وضع عادي طبيعي اللي يصير

جات عليك بس

بختصار

شيل عمرك بعمرك

شيل عمرك بعمرك
ولا فوقهم شرووط بعد :omen2:
شبتسوين اختي لاحول ولا قوه !
تتوكلين ع الله
وان شاءالله الدرب خظظظظر ^^
منوره اختي

[al-sadd]

الله يوفقك ويردك بالسلامة وتلقى حلى وظيفة تتمناها يارب

الله يسلمج اختي مشتاقه
والله يسمع منج قولي امين
يالله شنو مشتاق للدوحه ^^

[al-sadd]

هذا هو حالنا من بدينا الألفيه الجديده واحنا في تدهور

الله المستعان

والله من بدينا بالألفيه واحنا شزينا وشحلاتنا
ولاكن من يوم طلع المجلس الاعلى
واحنا مانعرف شسالفه
الله يعين

[al-sadd]

................

مرحبا اخوي شنايدر
ماقصرت وصلت وجه نظري بالكاااامل :nice:

[al-sadd]

إن قلت الحقيقه يقولون لك إنت دائما ضد الطالب
وإن سكت عن الحقيقه تشوف تناقض عجيب غريب في الردود
وإن فضلت الصمت .. تحس ما تقدر ودك تتكلم وتقول

يا ترى متى نتعامل مع بعض الامور بمنطقيه .. ومتى نحاسب أنفسنا إن قصرنا
ونحاسب الوطن متى ما قصر معانه .. .. ليه مصر البعض يحمل اخطائه جهات ومؤسسات
ويلصق الخطأ بإسم الوطنيه



الله يوفقك يارب .. وتتخطى اللغه .. وتبتعث عن طريق أي جهه تتمناها
ويعطونك نفس إلي ما يعطون الإعماني .. وإنتوا مصرين تقارنون ..
وليت المقارنات عادله


جملك الله برضى الرحمن

مرااااحب اختي تحداني الزمن
اخوي شنايدر ماقصر وصل وجه نظري ١٠٠٪
وبالكاااامل :victory:
منوره :-)
بس لازم تعرفون ان مب لازم دوووم تكون قطر الاحسن فكل شي !
لو الواحد يلتفت حواليه ويوشوف الناس بتعرفون في اشياء كثيييره مختلفه ! :victory:

[مابدل العادات]

يارجال خلها على الله أنت تقول لغه

انا اقولك جامعه وللحين على حسابي الله كريم بس

بالنسبه للغه الي عرفته لأنه أغلب الي يجون لغه على حساب الدوله ولا سبونسر مايفلحون بالعربي يطقعون حق الدراسه ويقعدون بالسنتين وال3 وللحين في المعهد ؟!!!!!!!!!! بس طبعا موب الكل ولاكن الأغلب لجل كذا كنسلو هاي السالفه

ولا القهر أنه في واحد بالواسطه جايبينه لغه والحين بيكمل سنة وللحين مانجح في ولا ليفل هاي وش تقول له

واحنا في الجامعه وموب لاقيين بعثات

والله يوفق الجميع إن شاء الله

[al-sadd]

العماني بدون شروط اللهم تدخل الجامعه والمعاش ٢٩٠٠ دولار بالشهر

عاد قول شلون يدخل الجامعة .. عقب ما تطلع عيونه واذونه ولهاته وعافيته

العماني بالزور يدخل الجامعة " واللي اقصدها جامعة السلطان قابوس "

يعني الدوحة ارحم للقطري والعماني في دخول الجامعة

والله المستعان

سلامتج اختي :-)
شوفي نظام بعثاتهم وبتعرفين الفرق الشااااااسع !!
العيب الوحيد ان لازم تجييبين في المعدل الثنويه
فوق التسعين !
ولاكن ع الاقل كل شي من بعدها ع الدوله !
مب احنا والله لو اجييب ١٠٠٪ مافي بعثه للغه !
تبي روح بحسابك ! :omen2:

[al-sadd]

لا تعليق

ولا للمقارنات

قلنا لكم قطر هي رائدة التعليم في المنطقة ..كل سياسات قطر التعليمية صح رضيتوا ولا مارضيتوا

باقي الدول عندهم غباء مركب مايفهموووون

افهموا قطر اي شي تسويه وتنفذه في التعليم صاااائب وغير قابل للنقاش

هههههه
ههههههههه
اي اي اكيد التعليم في قطر دايماً الاوله فكل شي !
والله يعين باقي الدول صراحه هههههههه
الله يعين اختي
والله اظحك من القهر !

[al-sadd]

ماقصرتو يا شنايدر و روح الاطلس
وصلتو وجهة نظري بالتمام والكمال ^^
كل الي ابي اقوله قلتوه وماقصرتو

والسموحه للي مارديت عليهم ^^
بسرعه بسرعه ع الي قدرت عليه رديت
والي ماقدرت ان شاءالله برجع لكم =)


ويا بوحارب لا يعطيك العافيه خلنا اهني وااايد احسن ^^
اله اخبار العنه ؟ فيه هالسنه ولا لا ؟ ^^ اذا مافي حياك عندنا فالغاريه ^^

ويا بوعوف ان شاءالله قبل اليوم الوطني بيوم احنا في الدوحه ^^
يعني فــ اجازه الكرسمس ^^"
بس مب اكيد ، لان اذا رجعت برجع ٥ ايام وبرد امريكا
شالفايده ^^
ع العموم انشوف الي يكتبه ربك =)
^^

[al-sadd]

يارجال خلها على الله أنت تقول لغه

انا اقولك جامعه وللحين على حسابي الله كريم بس

بالنسبه للغه الي عرفته لأنه أغلب الي يجون لغه على حساب الدوله ولا سبونسر مايفلحون بالعربي يطقعون حق الدراسه ويقعدون بالسنتين وال3 وللحين في المعهد ؟!!!!!!!!!! بس طبعا موب الكل ولاكن الأغلب لجل كذا كنسلو هاي السالفه

ولا القهر أنه في واحد بالواسطه جايبينه لغه والحين بيكمل سنة وللحين مانجح في ولا ليفل هاي وش تقول له

واحنا في الجامعه وموب لاقيين بعثات

والله يوفق الجميع إن شاء الله

الله يعينك اخوي
بس اخوي ! اذا الي يودونهم فشله ليش يكنسلون ويوهقون الكل؟
ليش ؟ !!!
يعني الحين هم كانو يودون الكل ! ويوم جافو عدد كبير من الفشله
كنسلو !! ليش؟ اذا كانو يدرسون بالحكوميه
اكيييد محد بيعرف انجليزي
بس اخوي اتوقع الي يطولون هناك سنتين و٣ هذيلا منتهيييين !
وعدد قليل ماتوقع اغلبهم

الله يعين اخوي

[ارين]

الله يعينكم يالطلبة ..

[HTC]

السلام عليكم

قلتها
القطري ياكل تبن ويدرس بحسابه الخاص

تخيل لو اننا انولدنا في دولة خليجية ثانية؟ سبحان الله راح نحصل احسن تعليم وننحط على الراس, ما ناكل تبن ونسكت


the country provides the english course in academic bridge program instead of studying the language abroad from 8 to 9 years they already stopped sending any student to study english language abroad but i think u can travel if u want to study french or germany i totally agree with them because i did the same thing i studied the english course in qatar and i completed my bachelor course abroad which make it much easier for me*

ترجمة موجزة,, الدولة كانت تبعث الطلاب 9 سنين دراسة لغة فقط!!



it's noted that you didn't rethink your words before posting it thus i'll do it my self.
How the hell somone goes abroad to study language( english obvoiusly) for 8-9 years :eek5:
As far as i know, ppl study medicine along with the langugae during that period.

That was for number one item
now for number two item, which is regarding the abp, aka academic bridge program.
I've studied there and i really don't have a problem studying the language there and yeah it was so benefial
but sorry it's just useless in the sense of wasting time( and time ofc is of the essennce), for i was forced to do a foundation year with english courses all again. !:eek5:
Wth, i've already got 570 in toefl why the enlgish all over again
anyways that's what was in my mind

and in the end, i think the country should not hasitate in that matter if they were really honest about that vision of 2030
i thought we were involved in it

but from now my own vision of 2030 of qatar = dubai in 2010 :tease:

Cba to correct typose.:shy:

ترجمة موجزة,,

- قامت بالرد على كلام الاخت بالانجليزي بوصفه بانه بخصوص ما يدخل المخ

- تقول بانها ما استفادت من الجسر، انجليزيتها كانت ممتازة لكنهم ادخلوها الجسر غصب

- تناشد اصحاب العقول في قطر بان يتبعون سياسات الدولة الموجودة في (رؤية قطر الوطنية 2030) بدل ما يجرون بعيد عن سياستنا وراء سياسة دبي 2030 (مثلا)

انتهى.

---- نقطة أخيرة,, ترانا نعرف انجليزي, لكننا في منتدى عربي والكتابة بالانجليزي هنا من دون سبب نسميها Bullshitting (محشومين الجميع :))

[الصحراء]

اخوي السد نسأل الله لنا ولك التوفيق الغريب ان الواحد اذا تقدم بطللب للوظيفة او حتى في اعلانات الوظائف ان من اهم الشروط هو اجادة اللغة تحدثاً وكتابه وفي المقابل لا توجد بعثات من قبل الدولة فعلاً تناقض عجيب ،،، وانا من خلال ملاحظتي لردودك اعتقد بانك تشعر بالخجل من قبل الوالد وهو يصرف عليك مبالغ قد تكون كبيرة للدراسة بالخارج انت اصلاً لم تسافر للدراسة الا وحالة الوالد المادية جيدة فأنت لا تجعل موضوع ان الدولة تبتعث او لا يؤثر على نفسيتك مما يجعلك لا سمح الله تخسر كل شئ فأنت اجتهد واهتم في الحصول على شهادة بأعلى الدرجات وسوف تعوض كل ما خسرته وترد الجميل للوالد إن شاء الله ،،، واسمح لي على الاطالة

وبالتوفيق ،،،

[ثاني]

ياخوان مانبي بعثه لغة للخارج
نبي بعثات للدول العربية

[شنايدر]

مرحبا اخوي شنايدر
ماقصرت وصلت وجه نظري بالكاااامل :nice:

حاضرين للطيبين :nice:

نصيحه لك اخي العزيز لكي تتمكن من اللغه في اقصر وقت ممكن ..

حاول قدر المستطاع

-السكن مع عائله امريكيه ..

القراءه اليوميه على الاقل قصه او روايه .. وحفظ الكلمات يوميا ..

- حاول ان تنخلط مع الامريكيان وتصير ربع معهم (في النهار) لانهم في الليل لاكينها ولا حد يعرف الثاني


موفق:victory:

[شنايدر]

ياخوان مانبي بعثه لغة للخارج
نبي بعثات للدول العربية

عندك مصر اعرف كثير من الشباب ما شاء الله عليهم مع انهم على رآس الوظيفه ولكن شادين حيلهم وما باقي شي لهم لكن .. في مشكله بسيطه الا وهي ..

خريجين القانون من مصر لا يستطيعون الحصول على وظيفه في قطر للبترول لا اعرف اذا تغير القرار ام لا ..

[toomi9]

اي والله صحيح كلامك
والله انا اطالب الدوله انها تبعث للغه
لان كل النقاط الي ذكرتها صحيحه
بدل مانخيس فجامعة قطر سنه ولا سنتين فوديشن ولا الجسر بلفيت نتقوى فـ الانقلش الي يجيب يجيب والي مايجيب ينثبر مكانه واغلبيتهم ماجابوا
افضل انهم يدرسون هاي برا يختلطون مع الناس ويتكلمون انقلش معاهم فالسوق مع الربع فالمعهد الي يدرسون فيه

[الكولونيل]

الأخ السد والأخوة الطلبة الله يعينكم فعلا مأساة كبيرة والأمر بسيط جدا أعتقد نظام السعودية ممكن يطبق عندنا في الابتعاث للحصول على اللغة بنفس الطريقة والله يعطيه العافية أبوك ولكن بعض الناس ماعندهم قدرة على ارسال ابنائهم مساكين ايش يسوون لازم تكون في حلول للموضوع

[بوعلي-Qtr]

الله يوفقك اخوي =)
بس ماقتلي وين تدرس فامريكا؟
وباي ولايه ؟ ^^
يمكن تكون حولنا وحوالينا =)
منور اخوي

ويوفقك ياخوي
والله ياخوي حاليا في بريطانيا
وباذن الله شهر 1 رايح امريكا

[al-sadd]

الله يعينكم يالطلبة ..



الله يعين الجميع اختي ارين
منوره

[al-sadd]

السلام عليكم

قلتها
القطري ياكل تبن ويدرس بحسابه الخاص

تخيل لو اننا انولدنا في دولة خليجية ثانية؟ سبحان الله راح نحصل احسن تعليم وننحط على الراس, ما ناكل تبن ونسكت



ترجمة موجزة,, الدولة كانت تبعث الطلاب 9 سنين دراسة لغة فقط!!




ترجمة موجزة,,

- قامت بالرد على كلام الاخت بالانجليزي بوصفه بانه بخصوص ما يدخل المخ

- تقول بانها ما استفادت من الجسر، انجليزيتها كانت ممتازة لكنهم ادخلوها الجسر غصب

- تناشد اصحاب العقول في قطر بان يتبعون سياسات الدولة الموجودة في (رؤية قطر الوطنية 2030) بدل ما يجرون بعيد عن سياستنا وراء سياسة دبي 2030 (مثلا)

انتهى.

---- نقطة أخيرة,, ترانا نعرف انجليزي, لكننا في منتدى عربي والكتابة بالانجليزي هنا من دون سبب نسميها Bullshitting (محشومين الجميع :))

يعطيك العاااافيه اخوي htc وماقصرت ع الترجمه ^^ :victory:
اختصرت علاي صراحه =)
ونفس ماقلت مايحتاي الواحد يتفلسف بالانجليزي وايد في المنتدى ^^"

[al-sadd]

اخوي السد نسأل الله لنا ولك التوفيق الغريب ان الواحد اذا تقدم بطللب للوظيفة او حتى في اعلانات الوظائف ان من اهم الشروط هو اجادة اللغة تحدثاً وكتابه وفي المقابل لا توجد بعثات من قبل الدولة فعلاً تناقض عجيب ،،، وانا من خلال ملاحظتي لردودك اعتقد بانك تشعر بالخجل من قبل الوالد وهو يصرف عليك مبالغ قد تكون كبيرة للدراسة بالخارج انت اصلاً لم تسافر للدراسة الا وحالة الوالد المادية جيدة فأنت لا تجعل موضوع ان الدولة تبتعث او لا يؤثر على نفسيتك مما يجعلك لا سمح الله تخسر كل شئ فأنت اجتهد واهتم في الحصول على شهادة بأعلى الدرجات وسوف تعوض كل ما خسرته وترد الجميل للوالد إن شاء الله ،،، واسمح لي على الاطالة

وبالتوفيق ،،،

اهني الواحد يتوهق اخوي او اختي الصحراء
لان الدوله ماتودي بعثات لغه ! والشركات الي فيها تطلب لغه !!
تناقض !

الله يعين

[al-sadd]

ياخوان مانبي بعثه لغة للخارج
نبي بعثات للدول العربية

نفس ماوضح الاخ شنايدر
عندك مصر
لاكن انت تبي تدرس لغه !
فــ الافضل يكون فدوله اجنبيه
علاشان تتقن اللغه مضبووووط

[al-sadd]

حاضرين للطيبين :nice:

نصيحه لك اخي العزيز لكي تتمكن من اللغه في اقصر وقت ممكن ..

حاول قدر المستطاع

-السكن مع عائله امريكيه ..

القراءه اليوميه على الاقل قصه او روايه .. وحفظ الكلمات يوميا ..

- حاول ان تنخلط مع الامريكيان وتصير ربع معهم (في النهار) لانهم في الليل لاكينها ولا حد يعرف الثاني


موفق:victory:

يعطيك الف الف الف عافيه اخوي شنايدر ماقصرت ^^
الي محدد عليه بالاحمر هذا الي اسويه
^^
بخصوص اختلط مع الاجانب مش كثير
بس وقت الدوام ^^
اما طلعات حتى الصبح ماطلع معاهم ^^
ع العموم ربك يوفقنا ويوفق الجميع قول امين =)

[al-sadd]

الأخ السد والأخوة الطلبة الله يعينكم فعلا مأساة كبيرة والأمر بسيط جدا أعتقد نظام السعودية ممكن يطبق عندنا في الابتعاث للحصول على اللغة بنفس الطريقة والله يعطيه العافية أبوك ولكن بعض الناس ماعندهم قدرة على ارسال ابنائهم مساكين ايش يسوون لازم تكون في حلول للموضوع

والله اخوي نظامنا روعه !
وفيه جامعات كبيره وعريقه !
ولاكن ناقصه شي واحد بس !
شي واحد ينضاف عليه ويطلع الافضل خليجيا
وهو دراسه اللغه !!

[al-sadd]

ويوفقك ياخوي
والله ياخوي حاليا في بريطانيا
وباذن الله شهر 1 رايح امريكا

الله يهداك مارحت اله بريطانيا
الله يبعدنا عنها
محد يمدحها ! الكل يذم فيها :omen2:
بتنورنا في الدوحه ^^ :victory:

[بوعلي-Qtr]

الله يهداك مارحت اله بريطانيا
الله يبعدنا عنها
محد يمدحها ! الكل يذم فيها :omen2:
بتنورنا في الدوحه ^^ :victory:

,والله انك صادق محد يمدحها وانا بعد
وللاسف سجلت معهد في امريكا وقالولي شهر 1
واقولك الوعد شهر 1 واحد ان شاء الله

[الـقـاسـي]

الله يوفقك يالسد وتكتسب اللغه في اقرب وقت .. اهم شي ماتكون نفس الشباب اللي هنا المشكله بعضهم مايفرق بين كون انه جاي ياخذ لغه او دش الجامعه خلاص لان اشوف ناس جايين لغه ودايما تحصلهم في المجالس او القهاوي في امريكا ولا دراسه ولا خرابيط ..

احسن شي تسويه انك تسكن ويا عائله على الاقل ست شهور والقراءه مهمه جدا ..

بالنسبه لرواتب اللي تكلمت عنها مغلوطه على فكره وتعتمد حسب اذا كنت عن طريق المجلس الاعلى او من الداخليه او الدفاع المدني او غيرها من هالجهات .. لكن للاسف الطلاب القطرين هم الادني في المخصصات الماليه .. لو بنتكلم مثلا عن المبتعثين عن طريق المجلس الاعلى 1600 دولار او 1800 في الشهر على حد كلامهم شبتسوي لهم السكن لحاله شقه بدون اثاث ماشي حالها بحدود 1000 دولار وانت عارف طبعا الكهربه والماي وهالمصاريف اللي ماتدري من وين تنط لك الله يكون بعونهم صراحة ..

[مشتاقة لقطر]

الله يوفقكم يارب

[Qatarianes]

السلام عليكم

قلتها
القطري ياكل تبن ويدرس بحسابه الخاص

تخيل لو اننا انولدنا في دولة خليجية ثانية؟ سبحان الله راح نحصل احسن تعليم وننحط على الراس, ما ناكل تبن ونسكت



ترجمة موجزة,, الدولة كانت تبعث الطلاب 9 سنين دراسة لغة فقط!!




ترجمة موجزة,,

- قامت بالرد على كلام الاخت بالانجليزي بوصفه بانه بخصوص ما يدخل المخ

- تقول بانها ما استفادت من الجسر، انجليزيتها كانت ممتازة لكنهم ادخلوها الجسر غصب

- تناشد اصحاب العقول في قطر بان يتبعون سياسات الدولة الموجودة في (رؤية قطر الوطنية 2030) بدل ما يجرون بعيد عن سياستنا وراء سياسة دبي 2030 (مثلا)

انتهى.

---- نقطة أخيرة,, ترانا نعرف انجليزي, لكننا في منتدى عربي والكتابة بالانجليزي هنا من دون سبب نسميها Bullshitting (محشومين الجميع :))

ابارك لك حصولك على كاس العالم :tease:
بس انا ردي كان للاخت الي كاتبه انجليزي مب لك :shy: